رواية وقد كانت صدفة الفصل السادس وخمسون 56 - بقلم غـدير عبداللّٰه

"وقد كانت صدفة"

ضُمني بلا هَلا مِن الناسّ
ضُمني مِن العيُون الفاهيه بدُونك
علكنِي إعله رمشَك طيف
أحِب مگابَل عيُونك 🤍!
___________________________

ميسم:شهد شبيج شو هل الايام احسج مو تمام خير صاير شي؟

ايلاف:يي صُدك حتى اني ملاحظه عليج ابد مو مثل قبل حتى مو هواي تسولفين،شنو الي صاير گولي النه واحنه مثل خواتج الي نگدر عليه نحاول نساعدج بي؟

شهد:لا ماكو شي...

ميسم: معقوله؟

ايلاف:مو علينه حبيبي سوالفك هاي؟

شهد:اوفف تدرون بيه إذا ما احجي ما ارتاح،يي سمعوا...

ميسم:يي،وعدلت گعدتي،يي تفضلي...

شهد:قبل فتره تتذكرون من گلت الكم احس احد يراقبني!

ايلاف،ميسم:يي

شهد:يي وبيوم دا أمشي اريد اروح البيت خالتي حسيت اكو احد يمشي ورايه ختلت بالفرع وطلعت السچينه مالتي حتى اضربه بيه...

ايلاف:لحظه سچينه سجينه صُدك؟

شهد:يي سچينه مال مقراضه!

ميسم:ضحكت،بربج ولج هاي لا تحل ولا تربط سچينة مقراضه خرب بالحظ يي كملي...

ايلاف: ههههه واني عبالي سچينه من هاي الي يشيلوه الولد...

شهد:يي لستهزون عليه اهم شي ادافع عن نفسي بيه...

ميسم:كتمت ضحكتي،يي تمام كملي...

شهد:يي ف من تقرب هو عليه خليته على رگبته هو سبقني ولزم ايدي حيل وصار ظهري على الحايط وإذا اشوفه واحد شطوله بحيث ارفع راسي من اباوعله شواربه ثخان ولابس لبس كله اسود من هذوله الي اجو هذيج المره للمستشفى الضباط واحد منهم...

ايلاف:يي وشنو يريد الافني خاف حاط عينه عليج؟

شهد:اسمعي جايتج بالكلام اني بسرعه دفعته وضليت اتلاسن وياه وانتن تدرن بيه ما اسكت ضليت احجي تالي صدمني برده...

ميسم:يي احجي تحمست كُلش...

شهد:يكلي اني عاشگج واحبج،وقبل هذا الحادثه مره رحنه المطعم اني وخواتي حتى نتريگ وهم شفته هناك بس ما عرفته ف بيوم أنتِ راسلتيني على دكتور اسنان الي رحت اله تذكرين؟

ميسم:يي من گلتي الي عنده عياده ب....

شهد:يي هو هذا،يي ف اني ودا أمشي دخلت الحمامات ما شفت القطعه الاي وحده دخلت وجان اشوف گبالي وسولفت الهم الموقف...

ايلاف:عززه هاي لو اني اطم نفسي بالگاع على هل فشله ولا وجماله ترده خرب يي يالعينتين كملي ...

شهد:يي نرجع من گلي احبج اني هم من سمعته رغم ميته خوف منه لكن ما بينت گلت اله،اني شايفه الي يعترف لحبيبته جوه المطر لو ينزل على رگبته ويقدمله ورده وانت جاي تعترف بظهريه ودرجة الحرارة نص غليان هسه عاد بلفيه احسن،يمعوده وين اكو واحد يحب بالسرعه هاي..

ميسم:نفجرت من الضحك اريد بعد اسكت ماكو وهنه يضحكن ويسدن بحلگي،يي والمگرود شنو رده...

شهد:ههههه صُدك مگرود خطيه ستسلم وراح بألفي وراه گتله هااا يعني هسه انت اعترفت الي بحبك وبعده تريدني اتزوجك وكون اني الازم اوافق واگول نعم قبلت،اگلك أني عطشت عندك ماي بالسياره هز رأسه وراح يجيب الي واني بس اريده يروح خرب يوم متت خوف نوب بس لا يلحگني ورحت اركض بس اريد اخلص من عنده...

ميسم:يا خطيه ولج ليش غير يحبج؟

شهد:حبه حريشي كون لا خطيه بس!،ولج يا حب هذا غير متت من الخوف حتى الشارع ما بي أحد وهو هم ميگول يخطفني ويشرد...

ايلاف:يمه والله عمي زين منج تجاوبتي وياه لو اني منج اخر واگع...

ميسم:يي وشنو صار بعدين؟

شهد:سحبت نفس وزفرته،اوففف ومن بعده ما شفته بوقت فرحت وگلت يي خلصت منه وصارت هدوء گلت اكيد نسه بس طلع هذا الهدوء ما قبل العاصفه بيوم الانفجار الي صار بالسوگ بيومه بعد ما خلصت وطلعت من قسم الطوارئ لمحته موجود من بين الامن اني بسرعه فلتت بسرعه حتى ليشوفني ورحت دخلت المغاسل طلعت وما حسيت غير هو گبالي أخذني من ايدي وسحلني سحل واني أريده يوخر ماكو لحد ما دخلني غرفه من الغرف جانت ما بيه أحد وسد الباب...

ميسم:يمه هذا يخوف يختي شغلته كله ختلات،يي وبعدين؟

شهد:وهم عدت الحجي الدار بينه كله ولمن ضربني راجدي وكله الگلام الي گلته...

ايلاف:عابت هذا شبي تخبل لعد وين الحب الي يحجي عليه...

شهد:بوقته صفن وميدري بالي سواه وكانو من شاف حالتي وعه على نفسه...

ميسم: ميخالف بس مو يمد ايده وبأي حق وهو منو لو اني منج اشتكي عليه بكيفه هو...

شهد:هاي بعد صارت،وره فتره هم لا باس بيه گلت اكيد راح واني بوقته ارتاحيت منه وبيوم جنت نايمه جان تجي ماما تگعدني وحجيت اللحجي الصار بيني اني وماما والسلاح الفتاك(النوعال)وميسم بعد شيسكته بحيث صارت حمره من الضحك والدموع منا ومنا رغم اني ما ضحكت على الموقف بگد ما ضحكت على ضحك ميسم تسولف وتضحك بالاخير ما گدرت اكمل گلت الهن من ارجع بالليل نصعد اتصال وأكمل الباقي...

ميسم:يباو متت ضحك اخخخ بطني ولج حموت...

ايلاف:ولج سُكتي فضحتينه اششش،عفته ورحت اشوف التلفون لان امير تصل عليه...

امير:الووو ها مرتي شلونج؟

ايلاف:هلا بيك عيوني،ها متصل عليه؟

امير:يي مو صرت قريب على المستشفى اطلعي بره حتى اخذج ونتغده بره...

ايلاف:يي وشنو المناسبة؟

امير:هيج بدون مناسبة حاب اطلع مرتي لو ميصير...

ايلاف:تمام يله باي الله وياك... وغلقته

..يله حبايب اني اروح واليوم على اتفاقنه بالليل تكملين السالفه لان كتلني الفضول اريد اعرف شنو صار...

شهد:يي ماشي بس ليش هيج مستعجله شكو؟

ايلاف:يي مو نسيبجن حاب يطلع مرته يغديه مدري شعجب اليوم منه من الشيطان...

ميسم:الله يهدي مو زين يطلعج يغير من نفسيتج عابت مو شكول طلعه أنتِ...

شهد:تعاي خيه هاج شويه رتبي وجهج جنج ميت طالع بكفاله الله يساعد الرجوله شلون متحمليجن وهاي جنه واشرت على ميسم وجه اصفرعبالك بيه ابو صفار اعلگ برگبتج سبع ثومات؟...

ايلاف: هههههههههههه خرب ببليسج شهد...

ميسم:ضحكت،يي خلي نشوفج أنتِ يم ارجل شلون تصيرين،اكيد تلبسيله الثوب احمر والحمره حمره والنوعال على گولتج احمر على هل حمارات الي تشتريه...

شهد:يي مو ماخذتلي ثور اني.

ميسم:بويه فحطت،ولكم سكتوه متت والله يمه هاي لو حامل وهيج اضحك جان زرگ الطفل على هل ضحك هذا...

ايلاف: هههههههههههه اوف ولج شلون ويه اللسانج، يله اني اروح الله وياكم...وطلعت بره لگيته وگف الي رحت صعدت وياه نزع نظارات شمسيه وكال...

امير:هاي شنو شطالعه اليوم؟

ايلاف:ها اكيد مو حلو گلت الشهد ما احب هذا اللون...

امير:لا بالعكس كُلش حلو عليج عيفي وصيه خلي تجيبلج واحد عجبني وهو عليج...

شهد:اگلج شو وجهج اصفر شبيج خاف حامل؟

ميسم:گمزت،لا اسم الله عيني بعدنه ما گلنه يا الله شنو حامل ...

شهد: والله لان وجهج لونه باهت سوي تحليل وشوفي...

ميسم: والله ما ادري بس صايره كُلش اكل واجوع بسرعه وبس اخلي رأسي على المخده اني نايمه...

شهد:يي داده حامل واخذيه مني وهسه تشوفين اني خواتي هيج صارن...

ميسم:لا مو كله سوه اني هم ماما هيج صار بيه وهم شكت حامل تالي طلع عده نقص فيتامين ويمكن اني هم مثله...

شهد:بعد ما ادري يله اني اگوم اكيد هسه الگه اخويه بره...

ميسم:لعد لحظه نتظريني اطلع وياج...لميت غراضي وطلعنه سوه راحت هيه لأخوه اجه عليه واني ركبت السياره ومشيت بس ضل كلامه شهد بالي خاف صُدك واطلع حامل بس ما اريد هسه ولو هو رزق من الله بس بعدني احس نفسي مجاهزه اصير ام ...

وصلت البيت دخلت لگيت عمتي دا تطبخ رحت بدلت واخذت عنه اكمل وهيه راحت تصلي خطيه هيه هم متگدر رجليه،اخذت عنه وكملت الطبخ صار الاكل اجوا سيف وعمي تغدينه وراه لميت المواعين غسلتهم ورحت الغرفتي صليت صلاة الواجبه نزعت ايزار الصلاه جان سيف نايم على الجربايه فتح ايدي رحت ونمت عليهم ضلينه نسولف شويه وبعده سألته...

ميسم:اگول سوسو؟وجان يجر خشمي حيل،ولك اييي مو هيج سيف والله تاذي

سيف:بعد لتگوليه اموت منه...

ميسم:سوس،بعدني مامكمله وعض خدي حيل حسيته نشلع من مكانه...

..أمشي روح بعد اذا حجيت وياك گول گالته ودرت وجهي على الجهه الثانيه...

سيف:لا عمي كُلشِ ولا ماسه تزعل لعد وين أنطي وجهي،بس والله صايره تشهين...

ميسم:ما احجيت وياه،ما حسيت غير نسحبت من وره وظهري طخ بصدره....

صار الليل بعد ما خلصت كُلشِ ودخلت الغرفه سيف جان بالصاله يشتغل دگت شهد واني بسرعه طفرت على التلفون وفتحنه كام اني وشهد وغنى هم اجت وايلاف...

شهد:ها شلونكم يبنيات...

ردن:هلا بيج

غنى:ولج شهيده طلعتي تحبين واني ما ادغي؟

شهد:ها گالت الج البُلبُل الفتان...

ايلاف:يي داده اني ما تحملت ومن اجيت لي هسه اني بالي كله يمج خيه شوقتيني واخذني الحماس وسولفت الغنى...

غنى:يي والله حتى عفت الامتحان واريد اسمع الباقي غير اموت اذا ما عرفت الصار...

شهد:ضحكت،لعد والامتحان...

غنى:طزُزز

ميسم: ههههههه،يله شهيده كملي شنو الي صار؟

شهد:يي وين وصلنه؟

ايلاف:من اجه خطبج!

شهد:ها يي نزلت جوه وجان اشوف مره وبنات ثنين خواته وحده جبيره والثاني لا شابه يعني تطلع بگدي،ضلت تسولف هيه وماما ودخلوا بالموضوع عود اني سويت نفسي خجلانه وطلعت وبعده هنه طلعن ودخلت ماما واني جفتت عليه وحجيت الي صار...

غنى: هههههه عابت للملگوفه...

ميسم:ضحكت،خرب غيرتج ميته على الزواج...

ايلاف:يي وبعدين...

شهد:يي من سمعت حجايته صُدك بساعته ضجت وتذكرت كلام من گال عليه صلفه وفلتانه عفته ورحت الغرفتي والليل طلعت من الغرفه مالتي وشفت تلفون ماما يضوي فتحته وجان رقم اخته دازه الصوره اني من شفته عبالك شفت شيطان صرت ارجف من العصبيه ورحت وهديت على ماما حتى هيه ضلت باهته...

ايلاف:لعد امج شعليه المره ذبيتي حرگتج بيه...

شهد:خيه اني بس شفته ما ادري شنو الي صار بيه وتذكرت الراجدي مالته حقدت عليه أكثر وأصرت وشنو اصريت اصلا وگفت على رأسه وگلت اله هسه تتصلين عليه ودزين الرفض اني اقبل بواحد دمه بقوطيه يومين يمي وسبوع بالدوام لو اموت،جان تگلي لعد منو ذيج الساعه كتلت نفسه على العرس رديت يي غيرت راي وما عجبني وعفته ورحت...

ميسم: هههههه بس حلو هاي مال دمه بقوطيه....

شهد:يي هاي حجايت خالتي من تقدم البته واحد عسكري ورفضته وبعدين ضل هواي دز ناس عليه وبالاخير قبلت بي وهسه عايشه حياته وخالتي تگول لو ادري جان طيت من البدايه،هسه عوفجن من خالتي...

غنى:زين هو المعغس شنو اسمه؟

شهد:جايتج بالحجي اصبري على رزقج يجيج،يي والله وثاني يوم وصُدك ماما خابرت اخته ودزت الرفض...

ميسم:وأنتِ هم بعد ما سمعتي اله خبر من وره ما دزيتي الرفض يي وراه كملي...

شهد:يي عفيه وراه هم جنت راجعه لبيت خالتي لان اخويه مو دايما يجيني ف گال اني اضل يمه والعصر يرجعني وياه،المهم اني وبالطريقة جان يجيني واحد يگلي أنتِ دكتوره لان عرفني من الكوت مالتي گتله يي جان يگول اخويه وگع وفجاه خشمه ديدير دم اني هم على حجايته رحت وراه ركض بوقته ما نتبهت للوضع بالي كله يم المريض وسولفت الهم على كل الي صار لحد ما وصلني للبيت...

وهسه انتو شنو رايكم بكل الي صار؟

ميسم: والله سالفتج تحير زين أنتِ عوفج من هذا كله الي صار والراجدي الاكلتي وأنتِ هم ما مقصره وياه للولد بس انتِ اكو مشاعر بداخلج تجاه تميلين اله؟

ايلاف:يي صح يعني مثل من گول رف گلبج اله حبيتي؟

شهد:ما ادري احس داخلي كله مخربط مدا افتهم شيي بس هو دوم على بالي دوم افكر بي دوم أخل راسي على المخده اول واحد تجي صورت گبالي لكن من اشوفه ما أحبه وانفر منه!

غنى:شوفي عيني شهد هسه احنه مراح نفيدج لو نحجي منا الباجغ أنتِ بداخلج شي واحنه نگول شي ثاني لكن كل الي عليج گعدي وحدج فكغي شوفي ايجابياته خلال هاي الفتره الي عشته وياه شوفي الشي الزين بيه وبعده أنطي قغاغج لتتسغعين واني من وجهت نظري الولد زين وهواي حاول وياج بس أنتِ الغافضه...

شهد:ما ادري اشوف يله بنات اني اغوح ماما تصيحني
ردن:الله وياج حبي...

ايلاف:بعد ما تغدينه بالمطعم رجعنه اول ما دخلت وجان الگاهن گبالي والوجه مگلوب والبومه بصفه گاعده يسولفن اني هم سلمت وصعدت لغرفتي بدلت ملابسي ونمت حتى ما نزلت وعليمن اعكر مزاجي والله ولا درت الهن بال صار العصر گعدت مديت ايد على جهت امير ماكو وطفرت بسرعه مثل المخبله لبست حجابي ونزلت حتى ما غسلت وجهي نزلت لگيتهن گاعدات وغنى وياهن سألته گالت طلع من سمعته رتاحيت ورحت غسلت وصبيت جاي وگعدت يم غنى سولفت اله على شهد لهناك وجان تصيح خاله...

..ايلاف ليش ماكاويه ملابس امير زين؟

ايلاف:لا خاله كاويتهن اله...

..لا اني شفته مامكوي زين،وبعدين تعالي شنو هذا المنظف الي تغسلين ملابسه بيه يلعب النفس عطره مثل زباله...وهاي البومه تباوعلي وتضحك

ايلاف: خاله اني ما استخدم غير نفس معطر الي تستخدموا انتو يعني مو اني الي مشتريته نفس مالتكم مو صح غنى،غنى باوعت الي

غنى:يي هو نفسه

ايلاف:هيه سكتت عود تريد طلعني وصخه وما اعرف اشتغل والله يا الله مشه الوقت وصار الليل وبديت احضر عشه جان تجي البوبه ابد ولا اصيح باسمه كله بومه اجت فتحت الطاوه وتباوع بقرف وتباوع الي...

ايناس:هذا أنتِ طابخته؟وتاشر عليه

ايلاف:يي

ايناس:اني ما اكله سويلي غيره...

ايلاف:شنو حبيبي ما سمعت،هاي الثلاجه يمج وسوي الي عجبج اني هذا اكلي الي ميعجبج يعجب الباقين...هيه ضلت تباوع بحقد اني هم بتسمت اله وضليت گلت خاف شو شنو تخلي للاكل شويه وجان يدخل امير سلم ...

ايناس:شلونك امير اليوم ما شفناك؟

امير: والله شغل،حبيبي هاج هاي اخذيه فوگ

ايلاف:يحجي ميباوع بوجه،اني خزرته لان ما اگدر اعوفه يمه وباوعت عليه هو فتهم گال اني صاعد أخذه وراح وهيه هم راحت وراه ما امنت مديت راسي من باب المطبخ هو صعد وهيه راحت للصاله گملت العشه وصبيت الاكل اجت غنى تنگل وياي وهي تباوع النه عود هيه خطار نزل امير واجو كلهم على السفره اجيت گعدت يمه وهيه رادت تگعد يمه على الجهه الثانيه اخذت مكانه غنى هيه ضلت تباوع اله وراحت تگعد يم خالته خلصنه عشه واجت غنى لمت السفره وغسلت المواعين واني نظفت البيت وبعده صعدنه تصلنه بشهد...

مر اسبوع لحد ما راحت واني خالتي أكلت گلبي اكل وكل ساعه لو تصيح عليه وصلت بيه حتى تغلط عليه وتجاوز گدامه ايناس، لكن كل هذا وما خليته تنجمع هيه وامير بكعده بس بالاكل حتى هو يموت منه ومن مياعته مادري شلون سيف اخوه...

ميسم:ضل موضوع شهد مال الحمل ياكل ويشرب ويايه گلت انتضر هذا الشهر وبعده أحلل والي زاد شكي أكثر مره طلعنه اني وسيف نجيب عشه جنت بيومه ضايجه وگلت اله اروح وياك گال أمشي وصُدك لبست العبايه مال عمتي وركبت ماكو دنيا لليل واني بالسياره ماكو احد يشوفني وصلنه راح هو يجيب واني انتضره شويه واجه خله الاكل بحضني وكال...

سيف:هاي جبت الج صاج دجاج تحبيه جبت الج تلاثه لان ادري بيج تجوعين...

ميسم:اني بس شميت ريحته لعبت نفس وگلت اله شيله بسرعه ولك سيف وخره عني وصرت اهوع...

سيف:ولج شبي ريحته تخبل بعدين أنتِ مو تحبي؟...

ميسم:ما ادري ريحت زفره لعبت نفسي منه،وفتحت الجامه شميت هواه شويه... ومن بعده بعد ما اصبر ثاني يوم شتريت اختبار حمل ومن رجعت للبيت گلت اسوي لليل جان هو گاعد بالصاله يم عمي وعمتي دخلت الحمام وسويت الفحص وطلعت...

ضليت گاعده واكل ساعه باظافيري ساعه بشفايفي بس لا يطلع الي بالي صح يا ربي مو وقته ابد مصار النه هواي،گاعده وخاله العينة مال التحليل گبالي وصافنه عليه واخاف افتحه مديت ايدي وخذته اريد افتحه وجان سيف يدخل بسرعه ضميته ورايه حتى ليشوفه...اثاري منتبه...

سيف:هاي شنو الي ضميتي وراج؟

ميسم:شنو كُلشِ ماكو!

سيف:لا تكذبين اني دخلت وجان اكو بيدج شي وضميتي ميسم احجي ولتخليني اعصب عليج شنو الي وراج؟

ميسم:سيف شبيك ماكو شي ليش دتلح!

سيف:لعد براحتج أنتِ ردتيه،واجه عليه گمت اني بسرعه وشردت...

.. هههه ها شو شردتي شنو تخافين...

ميسم:اني اخاف منك وليش ماما...

سيف:اها ماما براحتج واجه عليه ولطشني بالحايط صرت اتلاوه وياه،لا سيف حباب وجان يأخذه مني وضل يباوع اله بصدمه بعدين رفع راسه وباوعلي واني اباوع اله بنظرة توتر وخاصه ملامحه كُلش وترتني وجان تنرسم ابتسامه عريضه على شفايفه وجان يگول...

سيف:ميسم أنتِ حامل،بعدني ما حاجيه وجان يجي عليه مثل الريح وحضني لا شنو حضني جعصني جعجص وگام يبوس بكل وجهي ورجع حضني لكن هاي الحضنه جان وراه اكو دموع من وخر عني واني اشوف دموعه وهو يضحك،شگد جنت رافضه الحمل لكن من شفت ضحكته ودمعته سوه صرت ابجي وياه ما توقعت هلگد رح يفرح...

ميسم:خل گصته على گصتي وثنينه تبجي ونضحك سوه الي يشوفنه يگول مو صاحين وجماله رح يصير عدهم طفل،مسحت دموعه حتصير احلى واحن اب بالدنيا كله...

سيف:هز رأسه بتكرار،اوعدج رح اكون احن اب اله وأحبه واحب أمه...

ميسم: هههههههههههه اهم شي أمه،بعده عافني وراح يبشر أهله شويه وسمعت الهلهوله ملت البيت كله طلعت جان تجي عمتي بتجاهي تحضني وتبجي وعمي هم بارك الي ،شكر جنت رافضه الحمل لكن من شفت فرحتهم ودموعهم حمدت ربي الف مره على هل النعمه الي نطانياه...

يتبع...

طبعاً هذوله حسيتهم كُلش قريبين الاشتر وشهد وخاصه شهد حسيت كُلش تشبه خبالات وتصرفات شيلاء سبت😂

لا تنسون التصويت وتعليق ومتابعة للحساب بدربكم والانستا هم @ghe.92

دمتم برعاية الله وحفظه
غدير عبدالله