رواية #وكر الأشتر الفصل الثامن 8 - بقلم الكاتبه سمو العراق

البارت الثامن
رواية.. وكر الاشتر
بقلمي.. نور سمو العراق

💔💔💔💔💔💔💔💔💔💔💔💔💔

- ليس عـدلاً أن أنام وانا احملُ بداخلي كلُ هذا الثقلُ وحدي💔˹.
...................................

حجابها ببساطه متجاهل مشاعري وعبالك اني ما عندي احساس اني انسانه انجرحت بسبب خيبة الامل

وهذا الانسان دمر مستقبلي وحطم شظايا روحي

باوعتله بنظرات خاويه ومتلبده بمشاعري كمية الالم والطعنه محد يحس بيها غيري

انتفضت ضده بكل حقد وقهر جاوبته.. اييي خطيب اي بطيخ انت شجاي تحجي انت تخبلت عقل ما ظل براسك كتلت امي وعود عبالك اسكتلك تدمرني مثل ما دمرتها

تخبل من كلامي وظل يكفخ بيه كفخات عشوائية خليت اديه على راسي واني اتفاده ضرباته القاسيه نزلت نفسي وعكفتها اخذت وظعية الجلوس

رفسني برجله وهو يهمس من بين اسنانه ... بت الكلب بت المطي تردين لسانج عليه يا كح .. يا ادبسز مثل امج عار لسانج اطول منج

وكفت بحده وشاده على شفايفي ما كدرت ابجي ولا طاحت دمعه مني .. ماكو عار بهذا البيت غيرك

عاد هو جابني براشدي حسيت اذاني طنت وتمزقت واحس بخدي ناار اشتعل من قوه الكف الي اخذته

بلعت ريكي واني اكتم عبرتي واصبر نفسي سحبني من شعري وهو يهمس بصوت ناصي ونبرة تهديد.. شوفي ولج نعال تطلعين يشوفج وغصبا عنج وعن عشيرتج ادبسز وهاي غلطتج عليه اعرف اشلون اربيج عليها واتوبج يا نگسه مثل امج صلفه ولسانها طويل كتلتها ودفنتها يالله ارتاحيت منها

خزرته بحده وهو يباوعلي بتحدي كال.. اسحلج سحل وادخلج عليه واشمرج مثل الجلبه اله

احتقن وجهي من القهر جاوبته بتحدي واني منحمله كل التعب.. انت تدخلني عليه واني اكوله مموافقه  بيك وانت جبرتني

ضحك باستهزاء..هههههه عساس رايج مهم حتى جبرتج

جاوبته بعناد.. ما اطلع

فتح عيونه مصدوم.. وتفشليني مدام واحد رگبتي جانت بيده وطلعني من حلك الموت

ما فهمت الموضوع بس جاوبته... ما دام طلع من الموت ما اريده

سحلني من شعري واصرخ وابجي وهو يمشي بيه بعناد طلعن افيان وجيهان يركضن شافنه يسحل بيه من شعري واني لازمة بشباك المطبخ احس شعري وكع بيده بس كل هذا واني معانده ما اروح

لزمته جيهان وهي تتوسل بيه.. فدوه عوفها فدوه الله يوفقك يابه والله خطيه

صرخت بوجهها والدموع ماليه وجهي ... هذول مجرمين ما اروح ما اطلع والله ما اطلع

دفعني بالمطبخ وسد الباب لزم السجين وهو يتهدد عليه كال.. وحق الله بسابع عرش اذا فشلتيني وما طلعتي للاشتر وحق الله اذبحج هنا وادفنج ولا من شاف ولا من درى ويا كواد اصلا يطلعلج لا عمام ولا خوال ولا ام تايهة المالك

جاوبته بحده ومن بين اسناني وكلبي يرجف... لو تموتني لو تخلي كل قطعه بيه بمكان ما اطلع وعادي اكتلني اني اصلا اكيف اصير ذنب بركبتك

جابني براشدي ثاني شوه معالم وجهي صرخت من قوته ومن جبروته وطغيانه عليه جنت ضعيفه رغم اتصنع القوة

لزمته جيهان ودموعها شلال .. بابا فدوه فدوه عوفها ما تريد تطلع

دفع جيهان وهو يحجي بوعيد... جبتلها رجال يسوه راسها وراس امها اني حيوان لو مزوجج لابو سعدون والله حتى ابو سعدون هواي عليج يا قذره يا بت القذره

جاوبته بعناد.. ما اطلع شتريد تسوي سوي

لزم جيهان وهو يخنگها خطيه اختي تخاف منه كال بتهديد.. اخنكها والله اذا ما طلعتي و وافقتي عليه

باوعتله بعدم مبالاة وكآن لو يموتها كدامي ما الي شغل ولا يكدر يكسر ركبتي باختي

جنت اظنه يستغلني وجذاب ما ياخذ اختي بذنبي بس شفتها صارت زركة وهو تلزم ايده وتريده يفك عنها وعيونها انفتحت بقوه وتحاول تلتقط انفاسها شكلها ونعومتها وضعفها خلاني اتراجع عن كل قراراتي هذا مجرم وجبان وقاسي كل شي يسوي هو الي يقتل انسانه عاشت وياه سنين كل شي يسوي واخذت ايده على القتل

لزمته واني اتوسل بيه.. عوفها عوفها لا تكسر كلبي باختي بجيهان موافقه راح اطلعله

عافها وهي وكعت من طولها حقير جان شايلها برقبتها ورجليها ما يطخن الارض  وجان ناوي على قتلها

وكعت وهي تسعل وتسحب انفاسها وتبجي لزمتها افيان وهي تمسح على صدرها وتشربها مي

مسحت وجهي بقسوه ولبست حجابي نزلت الحجاب على وجهي جان الشال اسود وصايه عريضه سوده شكلي عبالك وحده طالعه تهريب من السجن يرثا لحالتي واني جنت متقصده هيج اسوي ما اريده بلكي يشوفني وتلعب نفسه

ابويه عاط بيه... باعي وجهج جنج مجديه روحي عدلي نفسج لبسي شي بي حظ خلي الرجال ينعجب بيج وجهج يطرد النعمه

جاوبته ببرود عكس تيارات الحزن الي بداخلي... والله هذا الموجود

غمني بوجهي.. امداج امده حظج فگر بت فگر تريد تنام على گلبي لو تريد تديح بالكليات عبالها اخليها تكمل وتشوعط بكيفها امهات الدياحه بس العار يخلي بنته تداوم كليه بس الما بي حظ يخلي بنته تفتر ويه الزلم بالكلية تريد تداوم حتى يلزمون عليها سره الكح..

مجاوبته بس داخلي يغلي من القهر والحزن اني دا اتحمل فوك طاقتي امي لو موجوده هنا مجان خلته هيج يسوي بيه ويجبرني على واحد من ربعه وهو شلونه حتى اصدقائة

سحبت الحجاب على حنجي طالع بس خشمي وشويه عيوني دخلت جني ارهابيه جني ام قتاده داخله افجر مو انخطب

سحبني قبل لا ادخل كال.. اذا حجيتي كلمة وزعجتي الرجال اكتلج كدامة واني اصلا لا استحي ولا اخجل املخج تملخ كدامة وافشلج

جريت نفس بحسره ورفعت حاجب بغرور دا ابين اني قويه

دخلنه للاستقبال وهو يكلي بضحكة.. ادخلي ادخلي خلي يشوفج خطيبج

سحبت ايدي منه وكعدت على القنفه بدون ما اباوعله بس حسيت بي لازم موبايله ويطكطك

ابويه كال بارتباك.. وهاي سولين جبتها تشوفها الرؤية الشرعيه وهذا الشي من حقك

اني لو بيدي اجابلك بناتي كلهن وانت تختار بس ما يفيدنك الجبيره مشوهه ومحتركة جسمها رايح ميعجبك تلعب النفس متفيدك

وذيج افيان وكحة وما ترد جنها امها تتعبك هاي احسن شي صح عصبيه بس انت تكدر تطيح حظها

رد عليه بحده... شنو هالكلام

سكت ابويه واذعن اله بكل احترام بس حقه يحتقره ويستخدم وياه اسلوب رخيص لان هو اصلا ديرخص بنفسه ويحجي كلام ما اله داعي لهذا السبب هو مستهان يي ومطيح حظة

باوعت بارجاء الاستقبال واحس باحساس فضيع اريد ابجي اصرخ بس كوة مصبره نفسي ومقويتها

عم السكوت ثواني وبعدها كال.. شنو ناويين عليه اني حاظر

ابويه رد عليه .. گبع واخذ حلالك وكل شي ما نريد غير الستر

رد عليه .. يمكن سولين عندها طلبات

صفنت ثواني حسيت بخوف من اسمي اول مره اخاف من اسمي شكد جنت احبه واحسه مميز بس هالمره كرهته وهو ينطق حروف اسمي

رفعت عيوني اله اول مره تلتقي عيوني بعيونه جانت ملامحه جامده ما تعبر عن اي شي لا اعجاب ولا فخر ولا حب ابد كل شي ماكو ولا حتى حماس

ما نزل عينه مني ولا اني نزلت عيني صفنت بيه واني عيوني ذبلانه ومدفونه من البجي جان شكلة اعتيادي بس الجرح الي بحاجبه منطي منظر مرعب وتشك بي داخل معارك طاحنه وصراع بينه وبين عصابات ما اعرف هيج ظنيت بيه

عيونه بيهن بريق لامع لونهن عسلي وكلهن قسوه ومغلفات بالطغيان ملامحه كلهن حاده وما بي اي شي بريئ ولطيف كله على بعضه حاد

نفس النظره من شافني بالسياره ويه حارث وشد الهمه وانطلق وما خله ابويه يشوفني

صفنت واني اعيد احداث من الماضي معقوله هو انعجب بيه من شافني ويه حارث وقرر يخطبني بس شلون يعني هو شافني ويه واحد يعني لاثول هم يشك ان بيني وبين حارث علاقه ليش اصر يخطبني ويعرف اسمي عجيب هذا الانسان

جان مركز بيه وعيونه تتاملني ببرود وجمود وكان ديقيم قطعه اشتراها مستهلكة ما متفاجئ بيها ولا عنده غايه وياها

اتصل موبايله عفيه موبايل شكد يتصل وشكد يرن اتجاهله ومجاوب وهو سحب باكيت الجكاير وهو يدخن ورجع باوع الابويه كله.. تعذروني اجيت اخطب الوحدي تعرف الظروف ابو امين اكيد

رد عليه.. لا صدك جذب انت وحدك تكفي وتوفي اني هم ما اريد ناس اريد اسويها سكته وما اريد العالم تدري لان تعرف امها ماتت واني من واجبي احترم الميت

فتحت عيوني مصدومة من ادعائة الكاذب جاوبته بحده.. تحترم الميت مو وانت ليل مع نهار شابعها مسبه

جان يباوعلي بعدها باوعله الاشتر وهو يخفي شبه ابتسامه على شفايفه

ابويه باوعلي وهو يتوعدلي ورجع كمل.. اي مثل ما كتلك ما اريد هوسه وخلينه نحدد موعد للخطوبه

حسيت بنار اشتعلت بصدري شلون اذيه هاي ابويه يسلمني مثل الكبش للجزار ماكو اتعس من هيج بعدني مطالعه من صدمة قتل امي وتاليها يسلمني لشريكة بالجريمة ويصدمني مره ثانيه

رجع باوعلي وهو يسألني.. موافقه

سكتت مجاوبته واطرافي كلها ترتعد من الخوف والقهر والذل

اتصل موبايله مره ثانيه ورجع تجاهله وبعدها ظل يتصل فتح خط اول ما فتح خط ما يحجي بس الطرف الثاني اسمع شوشرة كلامة بس ما افهم شي من كلامه وهو لا يرد ولا يحجي

بعدها كله.. ما اكدر اتجاوز عليك لان عندي مشوار وكاعد يم ناس محترمة ان شاء الله بس اطلع اقسملك تتدلل يا سكط

قفل الخط وهو يقدم اعتذاره.. اعذروني هذا واحد عندي مشكلة وياه مكدرت اتجاهله على العموم اعتذر اذا بدر مني شي غلط واني ما قاصد الإساءة

انتبهت عليه گوه يجمل بنفسه ويحاول يصحح من أخطاءه ويطلع نفسه ان هو مؤدب ومحترم وما يفشر ولا يغلط جذاب مبين وحقير وكل سالفه عوجه داخل بيها

جاوبه ابويه وهو يجامله... لا صدك جذب ابو ابراهيم اخذ راحتك

باوعت لابويه بحده وحقد... متزووووج وعنده ابراهيم

عض اصبعه وهو يتوعدلي... ما متزوج كنية القبه القبه

رد عليه بهدوء وهو يشرب شويه من المي... لا ممتزوج انتي اول انسانه بحياتي ان شاء الله

اتصل موبايله مره ثانيه فتح خط وهو يرد... هلا سالي شلونج اي اتصل بيه ويتهدد بعدين افهم مع السلامه.. كتلج بعدين

رد بإحراج بعد ما قفل الخط... مجرد صديقه واخت

ضحكت باستهزاء شفهمت هسه اني خلصها يدخن ويخابر ويغلط ويصرف بالناس ويرجع يعتذر مخبل مدري شبي

ضجت حييل منه وكل ما اتذكر وجوده بموت امي اضوج بالزايد وعبالك وجوده يذكرني  بحادث امي والمعاناة الي صارت الي بسببهم

رجع كال... ان شاء الله الثلاثاء الخطوبه

جاوبته بقهر .. الناس تخطب الجمعه الخميس انت الثلاثاء عود شنو هاي

رد عليه ببرود... اي ما احب هاي الايام احب الثلاثاء وكذلك عندي شغل ما فارغ غير الثلاثاء

بعدها طلع من جيبه مبلغ وخلاه على القنفه كال.. شنو تحتاج لبنيه خليها تجيب وتسد احتاجاتها واذا ما كفن اتصل بيه

جاوبته .. ما ارييييد

باوعلي بنظره بارده وخله وطلع حسيته لبسني واستهزء بيه ولأ كإن موجوده وهذا الي سبب عندي انهيار عصبي هذا شلون اعيش وياه وهو بهيج شخصيه بارده وحاقده

ضجت حيل وتعقدت الامور عندي اكثر ما هي متعقده حسيت هذا وراه مشاكل واني اصلا تعبانه من المشاكل اني اريد ناس ناس مو وحوش اريد اسند ظهري عليهم وهذا مو سند اريد اخلص جامعتي وهذا ميخليني

انوب وافق بيه رغم حزني ورغم حالتي الي يرثا الها بس هو موافق ما همه اي شي

ظلت صورته بخيالي جان لابس قميص رصاصي طوخ ولابس بنطرون اسود وشكله تعبان جنه جاي من شغل او جان بهمه

استغربت هذا ليش مصادق ابويه هو مو من عمر ابويه اصغر تقريبا يجي شويه اكبر من عمو كريم يعني حتى مو من عمر ابويه شوكت صادقه احتمال يكون هسه

طلعت للغرفه مالتنه شفت اخواتي منتظراتني حظنتني جيهان وهي تبجي كالت .. شنو شصار

جريت نفس بحسره وجاوبتها... الثلاثاء الخطوبه

عضت على شفايفها بحسره كالت.. بلكي الله يطلع زين ويحميج من ابوي

نزلت دموعي بحزن.. ما اريد اتزوج ما اريده

ردت جيهان بعدم اهتمام.. دروحي تزوجي بالقران لو خاطبني اقبل بي اعيش ويه جلب ولا اعيش ويه ابوج العار

حجت حملتها وخلت وراحت لفت بطانيتها عليها ونامت وخلتني اني وجيهان وحده اصبر على الثانيه

راحت جيهان نامت واني عيوني جافاها النوم حارث لازم يعرف اني انخطبت بلكي يكدر يسوي شي ويخرب الخطوبه ما اريده مستحيل اتزوجة وهو جان ويه ابويه من ماتت امي

كعدت بزاوية الغرفه واحضنت رجليه الصدري واني ابجي بقلة حيلة مدام القدر وظليت أسال شيصير لو حصلت على الشي الي اتمناه لو لمره وحده بحياتي اوف الحمدلله على كل حال

.......................

جاسم

جنت كاعد اطكطك بالموبايل دزيت لرنا شلونج حب

جاوبت.. بالقران اذا تغازلت بيه اكول لحارث عليج

رديت عليها..شبيج عيني على كيفج جايبلج شغل تشتغلين

جاوبت .. وششتغل بله بلا زحمة؟

كتبت.. مليكان

ردت.. يعني شنو ؟

جاوبتها هو جذب اريد بس اسولف وياها بس هي ما تنطي مجال كلتلها.. يعني عارضه تعرضين البدلات والفساتين للمحل اصورج ومن يجن العرايس يشوفنها عليج هو صح المحل راح يخسر بس حاب افيدج

جاوبت.. شكرا ما اريد شغلك حرام وكله تقفيص واني ما احب ادخل بالحرام تمام وليدي

رديت .. خوش بنيتي

كتبت.. تريد شي اريد انام

جاوبتها.. لا سلامتج اريد بس تحافظين على نفسج وتبوسيها ولا تزعجيها

ردت .. خاب دروح شكد بطران بعدها دزتلي صوره وحده شايله روحها صوره فوتوشوب كتبت.. هاي اني دايره روحي على نفسي هههههه

ضحكت عليها انطيتها لايك وطلعت شفت كريم مخبوص وهو يرتب بملابسه كتله باستغراب.. خير ابو الشباب شنو راح تشيل من البيت

رد عليه بهمه وهو يرتب ملابسه بأناقته المعتاده.. لا بس عندي دورة تدريب ست اشهر ولازم اسافر للاردن

فتحت عيوني مصدوم .. صدك تحجي شو ما كلت

جر نفس وجاوبني.. ما ادري نسيت

حطيت ايدي على كتفه وحجيت وياه بهدوء.. شو احسك ضايج شبيك

مسح على شواربه بانزعاج ورد عليه.. ضايج من الوضع جاسم يعني ابوي راح تزوج هاي وجابها هنا واني ابد مماخذ راحتي بالبيت بسبب تصرفاتها انوب راح وعبره من عامر قبل لا نطيح حظه واتوب اخره مشكلة صارت بسببي ونرمى على بيتنا حسيت ابوي ابتعد عني وضايج مني وانت اعرف شكد احبه وما احب يزعل مني

رديت عليه... كريم شبيها حنان ليش هيج تحجي عليها ليش تحس مماخذ راحتك صاير شي

جر نفس ورد عليه .. ما اعرف بس احس تصرفاتها مو طبيعيه نظراتها رخيصه واني ما اريد مشاكل انوب ويه ابوي خليني كيفت من كالو تدريب ست اشهر بالاردن

بس بالي عند البنات خطيه محد الهن وامهن جانت تحبهن حيل وهم مو رجوله منه نعوفهن بيد عامر وهن يتنخن بيه

جاوبته.. سفرتك شوكت

رجع يسفط بملابسه كال.. باجر

استغربت.. باجر وما تحجي صدك انك مو كفو ولك شنو اعدائك غير تحجي

ضحك .. بعد شسوي هيج صار مكدرت اكول او يمكن بسبب المشاكل الي صارت نسيت احجي

جاوبته... ابوي يدري

هز راسه بقبول... اي يدري يدري كتله من زمان اصلا يكيف ابوي حتى ما احتك بالبنات واني والله من اساعدهن بس لان هن من لحمنه ودمنه ومحد الهن من بعد رب العالمين غيرنه

جريت نفس وزفرته.. الله كريم الله وياهن ان شاء الله ما يعوفهن هيج لا تخاف ان شاء الله ميصير الهن شي

رد عليه.. من اشوفهن اشوف بيهن اختي كوثر هم وحيده وضعيفه ويتيمة اني حاس باليتيم وشكد الانسان يحتاج امه شمهما كبر بس يظل يحتاج لامه شلون بيهن وهن بس بنات وابوهن ظالم احنه ابونه زين واني احن لامي واحتاجها بأكثر الأوقات

جاوبته.. الله يساعدهن ويرحم بحالهن فعلا كلامك بس احنه شنو بيدنا نسوي حاولنا ومطلع ويانه شي وعامر شد من ناحيتنا لان ابوي طرده وهو كلب يستاهل الطرده لان عار علينه وعلى العشيره

اندك الباب هو صاح .. منو

ردت حنان بصوتها المايع... اني كريم ممكن اخذ من وقتك شويه

باوعلي مصدوم متفاجئ .. هاي شتريد من احبك مو مريحه دكول شوف جايتني للغرفه عمي انهزم واكعد بالطهارة ولا اظل هنا وافقد ثقة ابوي

ضحكت ورحت فتحت الها الباب من شافتني انصدمت حطيت ايدي على الباب وجاوبتها واني ارفع حاجب وشككها بنفسها.. شعندج ويه كريم

جاوبت بخوف وقلق.. هااا لا بس كالو باجر يسافر واجيت اقوم بالواجب اذا محتاج ارتب ملابسه وهماتين اودعه

باوعتلها بنظرة استهزاء من فوك ليجوه... ديسبح ورتب ملابسه ممحتاج واحد يرتب اله كضي غرفتج واكعدي بيها وعوفي هاي السوالف

ردت بقسوه وعساس هي مصدومة... يا سوالف انت شدتحجي مو عيب عليك

ضحك بسخرية.. روحي الله وياج كريم بالحمام لو هم تردين تطبين للحمام

ردت بحقاره.. اي اسبح وياه.. لك انت شكد متستحي بسيطه يجي الحجي واكوله عليك

جاوبتها.. سلميلي على الحجي وكليله عيب تخلي مرتك كل شويه داگة غرفة واحد من ولدك ترا هم شباب مو مزعطه تمام

رفعت ايدها تريد تضربني وسديت الباب بوجهها شكد سخيفه ام وجه الخايس كحلتها مصخمة عيونها انوب تفتر على كريم مكفاها الحجي

كريم ضحك كال.. كفووو

ضحكت.. سويت الها كرصة اذن بعد فنها تدك الباب عليك

رد عليه.. مو اول مره هاي كل مره تسويها واغلس منها لو ما افتح الباب

كتله،، من كل عقلها شتريد يعني وهي مرة ابونا تدك عشگ وياها شنوهالرخص بحياتي ما شفت مثلها يعني حتى لو يموت الحجي هم حرام نتزوجها الا نطلع من الاسلام ونصير يهود وهم يمكن اليهود ميقبلوها يعني الشغله كايسه كايسه هههههههه

ظل يضحك على كلامي وارتاح نسبيا بعد ما رددت اله مرة بابًا عشتو  وطيحت حظها

............................

جيهان

من بعد ما تحدد موعد لخطوبة سولين من هذا الي اسمة الاشتر وسولين لا تاكل لا تشرب وبس تبجي وحيل حزينه

هو صح الرجال من واحد يشوفه يشك بي لان هو من النوع الغامض وشكد يتصلون عليه وكلامه كله تهديد يعني عنده هواي مشاكل وهي اصلا بغنى عن المشاكل

جانت لو ابويه يموتها ما تطلع بس هو استغلها بيه شلون حقاره حتى واحد ميعرف شنو يحجي

عمو كريم بعد ما اجانه من اخر مره بس اني كولش مستحيه لان بابًا راح تعارك وياه وزاد الطين بله عليه بعد مستحيل يصير من نصيبي حتى اذا جان واحد بالميه اتزوجة هسه حتى الواحد طار من وره بابا كسر كل امل بداخلي

جنت ادعي ربي ان متصير بينهم مشكلة بس هو اخر شي من بابًا راح تعارك ويه عمو كريم عمو ضاربه وكاسر سنه وهسه بابا كلش حاقد على عمو كريم

بعد شسوي الحمد لله على كل حال اذا الي بي نصيب اخذه واذا ماكو ما اعترض على حكم رب العالمين وراح اضم حبه بداخلي وما اطلعه لاي شخص

شفت سولين منهاره راسها والف سيف ما تتزوج الاشتر دكول هو كال امي ويه ابويه وتتخيل الها اشياء ما اعرف شنو حبيت اساعدها

كلتلها.. سولين انتي حارث مو يحبج دزي على حوراء بت ام فاضل خليها تجينه وبعدين انطيها رساله توصلها لرنا هي مو تعرف رنا واكيد راح توصلها لحارث

كالت.. خوش فكره بس تدرين حوراء تعرف كوثر اكثر من رنا فاخليها تنطيها الكوثر احسن

دزينه امين الها وهي خطيه اجت جنه حيل خايفين لا يجي بابًا وهو يتخبل واحد من الجيران يدخل علينه

اجت وسولفنه الها عن الي صار كالت بحزن.. شكد مكروهه ابوجن والله كلها المنطقه تكرهه بس ابو سعدون يحبه لان هو وياه نفس الصنف

بس والله ولا تهتمين اني اروح للجامعه هي وياي وانطيها الرساله واخليها تروح لبيت عمتج وتخبرهم ونبي اني او اعرف وين بيت عمتج اني رحت الهم و وصلتله لحارث بس ونبي ما اندل

ردت عليها سولين.. لا لا عمري تسلمين اعرف بيج ما تقصرين بس انتي روحي لكوثر هي توصل الرساله وكوثر حبابه متقصر

حوراء.. اي كوثر خوش بنيه بس ونبي شكد بجينه على امج امي جانت تحف عندها دكول شلون مره حبابه واخلاق وابوج ما يستاهلها انوب شكد عار يمشي بالمنطقه ويصيح كتلت مرتي غسلت عار لغسل لهلوجة المعفن حتى لو تزعلن بس والله اكرهه

ضحكت سولين على كلامها بحزن.. عادي اغلطي يستاهل كل الشتايم وفدوه الكلبج ولكلب امج والله هماتين امي شلون جانت تحبج ودكول امشي بس ويه حوراء خوش بنيه ومؤدبه وكلها اخلاق

جرت حسره كالت.. الله يرحمها خالتي والله يهلك كل واحد ظلمها بحق هاي المغربيه

اخذت الرساله الكتبتها سولين لحارث وراحت وثاني يوم اجه امين كال.. دكول حوراء الامانه وصلت وان شاء الله خير

كيفنه وفرحنه ان شاء الله يارب يكدر حارث يسوي شي ويخلص سولين من هذا الشخص

...........................

رنا

ضايجة حيل على بنات خالي عامر خطيه مسكينات شلون افترت عليهن فره الدنيا انوب المشكلة جان بس كريم يكدر يدافع الهن انوب حتى كريم راح وعافهن خطيه كريم سافر دورة تدريبيه

اجتنه كوثر مدري شعجب تعدت يمنه اجه حارث من شغله هي هوايه تستحي منه عكسي ما استحي منهم ابد

كعدنه تغدينه وحارث صافن امي كلتله.. ها يمه حارث احظر الحمام تسبح

رد عليها .. هااا لا عليمن اني احظره بس يمه ما سالتي عن بنات خالي شو هدوء ماكو شي

امي تنهدت.. منين يحسره خالك يخلي واحد يتقرب منهن انوب شلون مخليله كلب حراسه هذا ابو سعدون بس واحد دك الباب عليهن وراح ركض فتن عليهم واني خاف اروح واورط لبنات وياي خطيه ذاك اليوم من كريم رايح الهم مكطعهن تكطع بصونده هو كايل لجدك

حارث .. شكد عار وحقير وما عنده غيره كدرته بس عليهن وهو ذاك اليوم خبزه كريم خبز طال بس عليهن يتهدد اني والله لو ما اخاف عليهن واعرفه يكرهني وحاقد عليه جان كل يوم اروح الهم

ضحكت.. بعدك تحب سولين

ابتسم بثقل.. اموت عليها اعشقها هو اكو احلى من سولين بهاي الدنيا كلها جنها العافيه واهلها والله كل يوم ادعي خالي يموت حتى اتزوجها بس هو وين جني بسبع ارواح ذاك اليوم اغتالو وما مات لان عار لو مو عار جان من زمان مات و ودع بس شلون اظل علة على كلبي وكلب سولين

كوثر جانت ساكته ومرات تبتسم على كلامة

بعدها كال.. ما اعرف حاس ان اني ما انجمع بسولين واحس تتزوج غيري

ماما جاوبته.. كول يا الله يمه حارث ان شاء الله تنجمعون يوم عيد من اشوف مخلي سولين بغرفتك واني عمتها واكعدكم الصبح اخليها تكمل دراستها وغصبا عليك

ضحك ... ههههههههه شنو يمه ليش غصبا عليه يعني مثلا سولين تريد تكمل دراسه واني ما اقبل لا بالعكس اكيف تكمل دراستها واصلا افتخر بيها ان شاء الله اتزوجها واخليها تكمل وتصير اجمل استاذه بالكون كله شدكولين كوثر

كوثر ردت عليه ببتسامه ... ان شاء الله يارب اكيد تستاهل سولين

هو خله وراح يسبح واحنه اخذتني امي وراحت للسوك اشترت كوثر ملابس للجامعه لان ما عندها جديدات وديسون حفلة تعارف ما اعرف شنو سوالف جامعه همزين تخرجت ولا احب الجامعه

..................

سولين

كيف يعزّي المرء نفسه أذا كانت روحه هي التي فُقدت.؟

يوم الثلاثاء اتعس يوم بحياتي جنت بكل ثانيه وبكل دقيقه انتظر حارث يجي هو وجدي كهلان يخلصوني من الي صار بس ما اجو كل يوم اكول اليوم يجون وماكو وما فقدت الامل لحد يوم الثلاثاء هو انطي موعد بالتسعه الخطوبه تصير

اصلا ماكو اي خطوبه مجرد هو يجي وشيخ يعقد وكال ان عنده ظروف ميكدر يجيب اهله

وهذا الي خوفني اكثر يمكن قاطع صلة الرحم والا ايش يمكن اكيد قاطع صلة الرحم اكو عريس بيوم خطوبته محد يجي وياه هذا الا اذا مشمور من العشيره مثل ابوي

حسيت روحي انتزعت من جسمي ابجي من الصبح لحد ما كالت هاي ١١ باليل دعيت رب العالمين يسوي حادث وما يجي ما اريده ما احبه اكرهه

هذا مجرم مثله مثل ابوي وين اهله وين ناسه وهذا من خطبني اله غايه لان محد ينطي مره وهو هيج لا حسب ولا نسب اكيد محد ينطي مره غير ابوي البايعنه بيع اله

من اتاخر تطمنت شويه كلت يمكن بعد ما يجي لان الي يصادق ابويه ما اله امان واكيد جذاب مثل ابوي كيفت

واخواتي هم كيفن صارت ب١٢ باليل واندك الباب حسيت روحي طلعت من جسمي وفزيت مرعوبه

باوعت لاخواتي بحزن واهات طلعت من صدري وهن باوعلي بنظرات حزينه وانفقد عدنا الآمل

باوعت من الشباك شفته دخل هو ورجال كصير يوصل لنص جتف الاشتر جان سمين شويه وشعره كله شيب ابيض ولحيته بيضه ولابس ملابس انيقه لابس قميص رصاصي وبلوز صوف اسود وبنطرون رصاصي وحذاء سوده استغربت معقوله هذا ابو الاشتر

بس ميشبهه ابد لان الاشتر طويل وجسمه مو سمين وخشمه طويل هذا الرجال خشمة مدعبل والشايب ابيض حييل والاشتر مو ابيض حنطي

كلت يمكن يشبهه امه بس امه ليش ما جاييه بس ابو والله عجيب ما عنده بس ابو

دخلوا للاستقبال وابويه مخرب اليوم جايب كعك ابو السمسم وبيبسي والله عمي خوش مداري نسيبه

كعدوا واني عاندت ما اصب اي شي من الظيافه مالي شغل غير عشتو عروس

هو صاح على افيان وجيهان كعدن يحظرن بالصينيه وهو راح اخذه

رحت اباوع عليه من الشباك جان كاعد وهو مرخي ضهره على القنفه وحاط ايده على رجله ويحجي ويه الرجال الي جاي وياه

جان كال لابويه.. هذا حجي اديب صديقي صديق الطفولة

فتحت حلكي عرضين صديقه صديق الطفوله؟؟ لعد شكد عمره خرب هذا جني لو شنو

ضحك الرجال جان مبين عليه وقور ومن الناس الي تخاف الله حيل شكله مريح وحباب ولطيف

بعد ما ضحك كال للاشتر... ادري يا ابو امين استغربت من كال الاشتر اني صديق طفولته بس هو قصده ان اكو اطفال احب تكعد ويه الناس الكبار والاشتر من جان صغير هو دائما يلتقيلي ويحبني واني افتخر بيه

غميت كصتي باسف... امداني امده حظي عبالي ابوه انوب طلع صديقه لعد وين اهله هلا طلع مثل ابوي لا اهل ولا عشيره

باوعتله جان كاشخ العريس عشتو لابس قاط اسود وقميص ابيض ومحدد ذقنه ومرتب نفسه وفاتح اول دكمتين من القميص ولابس ساعه فضيه ومحبس شذرته عملاقه سودة لابسه بالخنصر

جانت كعدنه حلوه تدل على مدى قوته وثقته بنفسه وهماتين ملامحه جانت جامده وعاقد الحاجبين ولا جنه عريس وجهه يلطم عاشور بوجهه

ما اكدر اتقبله والله احس اني بعيده كل البعد عنه مستحيل ما تزوج واحد مثله وما راح اوافق راح اصدمهم بعد موافقتي مو معقوله اتزوج واحد مكطوع من شجره ومثل ابوي ويصير مصيري مثل امي هو يقلتني ويدفني بيده

باوعت عليه مر عليه طيف واكفه مثل امي وهو مثل ابوي ويضربني طلقه واموت بيده اي وجهه يكول هو سبب موتي لا ما اريده مستحيل اعيد ماضي امي مستحيل اعيش مثل احساس امي

دا احس الماضي ينعاد عليه دا احس اني مثل قصة امي من جبرها جدي ونهايتها موتها على ايد ابويه واني هيج ابويه جبرني واكيد اموت على ايد هذا المجرم

حتى من يحجي يرعب حتى حركات اديه تخوف والأدهى من هيج ابويه يرجف منه رجف هو ابويه روحه ميحترمها ليش يخاف منه ما اعرف ولو ما يعرف بي مجرم ما يخاف منه هالكد بس اكيد مهدده

دك تليفونه وكالعاده تعودت هو من يجي حتى لو خمس دقايق موبايله يتصل بالعشر مرات فتح خط وهو يكول... هلا صفا اوك حبيبي اي وصل الشيخ وروح حبيبي مقصرت تمام يله مع السلامة

رد على الرجال كله.. حجي اديب الشيخ وصل ان شاء الله حتى نعقد

كله الرجال... هو انت دونك عكس الاوادم الناس تخطب العصر انت ب١٢ باليل

رد عليه ببتسامه جانبيه يا دوب نشوفها.. شسوي والله شغل هسه يله فرغت حتى ردت اجلها بس انت كلت خير الامور عاجلها

اندك الباب واني خليت ودخلت جوه وابويه راح يركض مثل الطفل فتح الباب وهو يرحب بالرجال جان شيخ معمم لابس عمامه بيضه ولابس دشداشه رصايصه مثل الصايه وعبايه سوده دخل جوه وهو يصلي على النبي

من شفت الشيخ احس روحي طلعت وزاد الخوف بيه حظنت جيهان واني ابجي واتوسل بيها.. فدوه جيهان شسوي جيهان فدوه ما اريده والله ما اريده حبابه كليلي شسوي

مسحت دموعي وهي تبوس بيه وتبجي.. حبيبتي كولي يا الله بلكي يطلع بي خير

رديت عليها والدموع ماليه وجهي .. ووالله والله مستحيل يكون بي خير حتى لو بي خير ما اريده اخاف منه لا اهل لا عشيره لا امة لا اخته لا ابوو فدوه والله جيهان مصيري مثل امي والله

حظنتني وهي تبوس.. اسم الله يروحي اسم الله لا ان شاء الله يطلع زين

اجت افيان كالت بجمود.. ابوي يكول خلي تلبس عباية الصلاة وتجي نعقد

مسحت دموعي وارجف من الخوف عبالك مثل سعفه بنص اعصار لبست العبايه مال صلاة واني بقمة توتري وخوفي باوعت لوجهي بالمرايه محتقن صاير احمر من البجي وشفايفي نار من الحرگة المكتومة بداخلي

طلعت شفته واكف ابويه سحبني ودخلنه والعبايه اجر بيها طويله عليه جان لونها ابيض وبيها ورد ناعم بيجي

دخلت منزله راسي والدموع تارسه وجهي ما شفته ولا رفعت راسي عليه واسمع حجي اديب يكوله.. ما شاء الله ما شاء الله الله يحفظها جنها ايه قرآنية الله يحفظها

كعدت والشيخ بده بعقد القرآن وظل يحجي ويه الاشتر وبعدها ظل يردد كلمات للاشتر

هو رد عليه .. قبلت عقد النكاح من سولين بنت عامر بمهر عاجله ١٠ مليون وحاضره ١٠ مليون

انصدمت صدمة حياتي يعني اكو حاظر وغايب لا انوب عشره مليون عبالي بايعني ببلاش باوعتله مصدومه اول مره اشوفه بهالقرب خفت اكثر من حسيت نفسي كاعده قريب منه وشفته قريب مني اجيت انهزم عبالك مو عقد عبالك ديحظرون ارواح ما اريد ما اريد اتزوج

بعدها ظل يحجي ويايه وسالني .. هل تقبلين عقد النكاح موكلتي من المدعو الاشتر ابن مالك على سنة الله ورسوله وعلى المهر المسمى

ظليت صافنه وبداخلي رافضه عدها عليه اكثر من مرتين باوعت بارجاء المكان شفته منزل راسه وهو منتظر موافقتي

وابويه ياشرلي بعيونه اوافق شهكت من بين دموعي وجاوبته.. اني يا شيخ هو اني ....

نهاية البارت .. يتبع

كونوا انتم كونوا بخير.. احبكم 💔

مو تنسن التصويت لا اخلي الاشتر يسويجن كباب شوي 🙂🌚