رواية #وكر الأشتر الفصل التاسع والعشرون 29 - بقلم الكاتبه سمو العراق

بارت السابع والعشرون
رواية.. وكر الاشتر
بقلمي.. نور سمو العراق

💔💔💔💔💔💔💔💔💔💔💔💔💔
جميلة إنتي كزهرة الاقحوان في البرية

آنتِ ياصاحبةُ الشعر الطويل
وغصن الليمون الجميل
يا... صاحبة ُ العينين والهمس الأصيل
وبسمةُ شفتيكِ ورحيقها السليل
وآنتِ ياشجرة الليمون صفراء اللون وطعمكِ الجميل

..................

سولين

بعد ما عرفت عرس كريم بعد كم يوم قررت اخلي جيهان تكسر الدنيا مو عناد بكريم ولا بخطيبته لا ما الي شغل بيهم بس عناد بكوثر

لان من بعد ما رحت الهم حسيت بحقارة كوثر ودائما احسها تقلل من قيمة جيهان وطبعا فافي سولفتلي شلون تعاركت كوثر ويه جيهان وشلون تعيرها دكولها بعد لا تركضين وره اخويه وخلت اخواتي زعلن وبعد ما راحن الهم

اني جنت حييل احب كوثر واحترمها ويومي ما يكمل من دونها بس من ابتعدت عنها فتره ورجعت حسيتها نستني وباعتني ولا جنها صديقتي ولا جن عشنه سوه ودرسنه سوه وطلعنه واكلنه وشربنه ومشينه حييل متغيره وحتى احسها تتصنع الضحكة ويايه

وما اعرف هي ليش هيج حاقده على جيجي ومتحبها وتحاول تنتقص منها وتثبت ان بيها حاله نفسيه مع العلم جيجي ابد مماذيتها واصلا ما تعرف تجرح بالكلام ولا تاذي اي شخص ولحد الان ادور سبب واحد يخلي كوثر تضوج من جيهان وهيج تحقد عليها مدا الكه مبرر التصرفاتها

انطيتها الفستان لزمته وصفنت عليه كالت .. هذا شنو انوب بيه فتحة لا حبي ما البسه واصلا ما اروح

تعصبت منها ورديت عليها.. ترحين وغصبا عنج ليش بله ما ترحين ممكن نعرف السبب

جاوبت بانزعاج ... ما اريد اروح هي گووه ما اريد تردن ترحن روحن انتن

فافي باستفزاز .. خليها لا تروح طبها مرض مو الاخت حزينه تزوج حبيب القلب

جيجي فتحت عيونها مصدومة من كلام فافي جاوبتها بحده .. لا تكولين حبيب الگلب لا احبه ولا بينه شي وتزوج بعد هذا هو وبعدين هو بمثابة عمي وطول عمري اسمي عمو

ضحكت افيان باستهزاء ... هههههههه يمه متت ضحك والله العظيم هاي الكلمة مال عمو احسها فقدت برائتها من وره عمج ابو حبيبتي

كملت كلامها بسخريه .. مخلصها وياها عمو حبيبتي وهو عيونه زايغه

ضربتها جيهان بحده وعصبيه .. لا تجذبين هو ماله شغل بيه واصلا يحجي هيج لان يعتبر نفسه عمي لهذا السبب هو مطيح الميانه ويكول حبيبتي

افيان بجديه .. اي بس انتي تحبينه لو ما تحبي جان هسه انتي اول وحده حاظره بالعرس بس شلون كلبج ما ينطيج تشوفي عريس

وكفت متعصبه جيهان وردت عليها بعناد ... شوو الا اروووح واريد اشوف شلون كلبي ما ينطيني

ضحكت افيان وهي تباوعلي بانتصار وترفع بحواجبها وتنزلهن ابتسمت عليها ورجعت حجيت بحماس .. يله لعد گدري الفستان

طبعا اني كلتلهن عن حلم حجي اديب وهن كالن هو منين يعرف امي جاوبتهن هو صديق الاشتر شي اكيد مسولف اله عنها ويعرفها كالت جيجي اني هم دوم احلم بيها مهمومة وضايجة يمكن لان لابسات اسود ضايجة من عدنا قررنا ننزعه اذا هذا الشي بي راحه الها

راحت لبسته واجت واحنه متنه ضحك عليها فطسنه وكعنا بالگاع هي ضاجت وتعصبت عقدت حواجبها بغضب .. اذا محلو گولن محلو لا تتمضحكن ماكو شي يضحك

جانت لابسه الفستان ولابسه جواه بجامه سودة ولابسه شالها ولابسه نعال فافي تخرب ضحك والاتك سمائي طالع من الفتحة

وكفت وحجيت ويه واني بتاثير الضحكة .. هههههه ولج هو هيج الي يلبس فستان غير تنزعين البجامة والانك والشال

تخصرت مقابله بكلامنه .. لا والله

افيان ردت عليها.. اي والله لعد هيج تمشين جنج بوفيه وتمشي عابت امشي ولي انزعي شالج وانزعي بجامتج واتكج لا بالقران اشمرج بالزباله ايع كرهتني حتى بالفستان

اشرت على نفسها بغضب .. ترا اني اختج الجبيره

افيان .. لا بالعباس انتي الغبيره مو الجبيره

راحت زعلانه واني رحت وراها خطيه انقهرت عليها لزمتها من اديها وحجيت وياها بحنية .. حبيبتي جيجي ترا هي حنة بنات ليش هيج لابسه شالج مخرب شكل الفستان وشنو هاي البجامة والاتك

باوعتلي بحسره والدمعه بعينها كالت .. والحرگ الي بجسمي شلون اضمه

رديت عليها بلهفه واني احتضنها .. ترا الفستان هاينك مراح يبين رگبتج وحتى رجلج الحرك بالجهه الثانيه مو بجهة الفتحة وهماتين جبتلج ستريج شفاف بلون الجسم مراح يبين شي

كملت واني اتوسل بيها .. انزعي حجابج خلينا نشوف شعرج احنه اخواتج مراح نعيرج لو نحجي شي لا تستحين منه ابببد الي يصيبج يصيبنه والي ياذيج ياذينا لا تسوين هيج واحنه اخواتج

مديت ايدها على شالها وهي تباوعلي بحسرة وحزن سحبت شالها وطلع شعرها سحبت قراصتها وانثر مثل اليل زادها انوثه وجمال

اندهشت وانذهلت من جمال شعرها مثل خيوط الشمس مثل عثوك التمر يجنن سررح وثخين وطووويل اللهم صل على محمد وال محمد بحياتي مشايفه هيج شعر ضامته سنين وسنين ما فديوم ظهرت جماله الا اليوم

لزمت خصلات شعرها الطويله ودموع عيني على خدي همست .. كل هالشعر الحلو وانتي ضامته عنه يا ضالمة النفس ولج شلون تحرمينه من جمال شعرج كبر وطول وفاتت عليه سنين ومحد شايفه

تنهدت وهي ترد عليه.. اضوج منه كوه يتمشط بالحمام وابد ممعتنيه بيه

هزيت ايدي بحسره .. خايبه امداني واني شامبو وزيوت وحنه وهو دكولين طاگة اعصار بس يتساقط

ضحكت وهي دكول .. هو اي شي تهتمين بيه وتخلين نفسج وياه ميصير براسه خير اهملي وهو يمشي عدل هههه

قدمت خصلات شعرها على وجهها وهي تسالني .. صدك شعري حلوو

بستها وبخدها وحضنتها .. يمووت شنو حلو

دخلت فافي وشافتها عاطت .. شنهاااااااي يمه هاي منو جيجي دهر صابج كون ضامة شعرج منه خاف نحسدج يمه منج هسه بينت حقارتج

ضحكت عليها .. يا حقاره ههه شبيج انتي عود صدك شعري حلوه

افيان .. يشك شك شنو حلو تعاي ولج خليني اصبغه

انتفضت من مكاني ضدها .. بالقران اموتج اذا صبغتي شعرها اذبحج لونه حلو لا تخربي ولا تتلفين شعرها بصبغج الاكسباير

هجمت عليه بلسانها .. خاب روحي لج اني فافي الحفافه على سن ورمح خبلت الزلم على نسوانهم كد ما صارن حلوات بس انتن تغارن مني

ظلينه نضحك عليها وهي كعدت تحف بينه وتسوي تنظيفات للبشره وتشسور وترجع ليوره

..........

جيهان

بيوم الحنه صح جنت ضايجة ومزعوجة بس مد ابين واخواتي خطيه ابد ما خلني وحدي

وخليت نصيحة اختي سولين ترجية باذاني كلتلي .. اريدج تعيشين النفس وتتجاهلين كلام الناس انو تجاهل افضل تصرف للحاقدين والي ميتين منج والي يتمنون بس انو يدمرون نفسيتج اهم شي اهتمي بنفسج وبـــس هاي قاعده مهمه الاهمال لايؤدي الى ابغاض الحاقدين فلا تهملين نفسج وتضيعيها
اكلي والبسي وبدلي كل دقيقه واضحكي واشتهي واشتري الي يعجبج وطووووزززززز بكل واحد يحاول يدمرج

فكرت بكلامها فعلا الاهمال لا يؤدي الى ابغاض الحاقدين بس مجرد دا ادمر نفسي

فتحت شعري وجنت حريصه ان ما يبوز الحرق وجنت الف الشال على رگبتي

جانت فافي مكعدتني على الكرسي وتمشط بشعري صاحت على سولين .. سويلينا الحيه اكلج ما عندج شسوار

ردت سولين .. لا منيلي بله نسيت اجيب بله خلي اشوف الاشتر بلكي عنده

طلعت واحنه نباوعلها من الشباك هو جان واكف وهي تحجي وياه سحبها من خصرها وهي تريد تبعد عنه بكل صوره

لطمت افيان بعصبيه وهي دكول .. شوف شوف الحقيره هاي فد حيوانه تتعيقل على نسيبي الكفو عليه آبو فاضل اذا الزمها الا احرك شعفتها شارده من الزلمة وهو يريد يحضنها

ضحكت ورجعت اباوعلها هي رجعت تركض وهو صاح عليها .. ولا يهمج هسه اخلي عايد يجيبلجن شسوار شسورن الشعافي

غمزلها .. اريدج حلوه اليوم

ضحكت وهي تتخصر .. حلوه من يوم يومي

عض شفته بذوبان .. وانه اشهد

افيان دارت وجهها وحطت ضهرها على الحايط وهي تحجي بذوبان ..بووويه نسيبي ابو طبره يخلي واحد يحب الزواج عود ابوي من جنت اشوفه ردت انقرض مثل الديناصورات ولا اخلف واعيش مثله ومثل حالته

ضربتها واني اضحك .. صايره مو راحة انتي

ردت بحسرة .. جااا شسوي مرافكة النسوان المتزوجات احف واهلس وشيره وهن يسولف على رجولتهن يعني شتردين اطلع عالم ديني لو انطي فتاوي شي اكيد يطلع لساني هالطول

رجعت سولين وكل شويه وتكافشن هي وفافي وبعدها الاشتر صاحلها انطاها الشسوار

لزمته فافي وكعدت تشسور بيه كالت .. اكلج سولين اريد هذا اليبرم الشعر اريد اسويلها برم منا ومنا فد شي حلو وراقي

ردت سولين .. دنجبي شسوري وكافي مو كل شويه ورجلي مخابر عايد جايبلج شي

ردت عليها فافي .. شكد جلببببه هسه عاد جيبيلنا درنفيس احمي وجيبي اني اعرف شلون اسوي بيه فيكات حلوه

راحت سولين جابت درنفيس واجت محميته وهي سوتلي خصلين برم والباقي مسرحته

وكعدت تمكيج بيه اني كل شي ما اعرف هي خلتلي مكياج حلو وخفيف

وسولين ساعدتني بالفستان جانت اول وحده تشوف الحروق الي بجسمي ابد ما حسستني وعدلت الفستان من جوه جرت البطانه ولبست الستريج الشفاف ولبست الحذاء

لبستني تراجي عراض لونهن فضي ومحبس فضي وسوار كذلك بس ما لبست كلاده لان جان الفستان بيه شغل من صدره ما حبيت الهوسه

ولبست حذاء كعب عالي فضي بس مجنت اعرف امشي بيها وسولين وافيان لازماتني ويمشن بيه ويضحكن يسولي تاتي تواتي بنت عامر حياتي هههه خبلات

فدوه الكلبهن الله رزقني بيهن ما جنت قريبه منهن بس من ماتت امي وحده التجئت للثانيه و وحده صارت سند للثانيه جانن فرحانات بيه عبالك اختهن عروس مو رايحة العرس حبيبها

وكفت على المرايه وآني أتأمل شكلي صفنت بإعجاب ولمست اطراف الفستان ابتسمت بحب على شكلي ايقنت ان اني فعلا حلوه بس ممهتمه بنفسي

باوعت لعيوني شلون الكحل مزينهن بطريقه بسيطه وبرز لونهن اكثر باوعتلهن واني ممنونه منهم حضنتهن بحب .. الله لا يفرقنا ويارب دوم السعاده احبج انتن لو مموجودات بحياتي يمكن اني اموت من الحزن والقهر

تدرن شدا احس احس ان اني اختجن الصغيره مو الكبيره يعني انتن مهمات بيه اكثر ما اني مهتمة بيجن الله يخلينا البعض ولا يفرقنا بحق حبيبة محمد

باسني وهن يضحكن ويتشاقن شكد حلوه الحياة وياهن

سولين جانت لابسه فستان ازرگ كله بيه بلك ولحد الساق وهماتين اردنات بس مفتوح من ظهره وشسورت شعرها جان شعرها مغطي ظهرها ومكياج خفيف وحذاء سودة

وفافي لابسه فستان فضي هماتين قصير لحد نص الساق ومخصر على جسمها وصابغه شعرها جوزي طوخ وخلت مكياج ثگيل شويه ما شاء الله طلعت تجنن

وصافنه على المرايه وكل شويه وكالت ... الله يطيح حظ ابوي فوك ما هو طايح عنده هيج بنات حلوات مثلنه ويتعيقل بنات عامر شلون بصمة بالاعراس خرب بالحظ

لبسنه صايات وحجابات والاشتر جان واكف منتظرنه الحلو الي بيه هو ما صاح على سولين ولا شاف ولا قيم لبسها خلاها براحتها

طلعنه شفناه لابس قميص اسود كاف ردانه وبنطلون اسود كال وهو يلبس بساعته الفضيه ولابس محبسين واحد بالخنصر و واحد بالبنصر .. ها بويه خلصتن بعدجن

ابتسمت سولين وردت عليه.. خلصنه بويه ههههه

باوعلها وتوقف عن لبس ساعته وعيونه تتأملها باعجاب وهي شتت نظرها خجلانه منه

كرصتها فافي وهمست .. اركضي خبلي الرجال لبسي ساعته وسوي روحج مهتمة امداني انوب اني اعلم بنات عامر امداني انوب اني اعلمهن

هو باوعلها وكأنه حس بكلامه اشر الها براسه كلها .. يله رأيسة العصابه كدامي

ضحكت وطلعت واحنه طلعنه وياه ركبنه ليوره وسولين بالصدر سالته .. اكولك عيني هسه شنو اموني حيظل عند صفاء

رد عليها وهو يفر السياره للشارع العام كلها .. اي وهسه اني ارجع اظل يمة لا تخافن ما عليه شي

وصلنه للقاعه ونزلنه كلها .. سولين ديري بالج من التصوير بنيتي وديري بالج على اخواتج اي وحده تصور بتليفون ابتعدن عنها

هزت راسها بقبول ودخلنه احنه نعرف القاعه بس بنات ابد مو مختلطه لان بيت جدي الشيخ ما قبلوا

دخلنه جوه كالت سولين خلينا ننزع صايتنا وحجابنه هنا لان هي بس بنات محلوه ندخل عليهم بصايات

نزعناهن وعدلنا نفسنا ودخلنه هن دفعني اول وحده ودخلت جنت امشي بثقه مثل ما وصني والابتسامة على وجهي وكأني حاضره حفلة عدوي مو حبيبي ابتسم بالوجوه واعدل بشعري

شفته من بعيد وكف ورجع كعد وسحب عنق الرباط فتحة وعيونة تتاملني

كمزت من مكاني وطفرت صرت بين النسوان واني اضرب بفافي .. يا حيوانه مو كلتي بس نسوان اشو عمو كريم موجود

ضحكت ... ههههههههه خرب جا اني شمدريني بعمج كريم ولج بس عادي ترا هو العريس هسه تلگي مخبوص بعروسته

ظليت واكفه وسولين تركص وره النسوان يابه وحنان ذابه لحم وفافي تقشمر عليها ... تخلسييين من الجمال ماكو هيج حلاة شعرج احلى شعر بالحفله لون الصبغ يموت فاتح على بشرتج مطلعج بييييضه والخلطه مسويه وجهج كزاز

وحنينه مكيفه عبالها صدك ذابه لحم بالركص انوب كدام كريم تهز وتركص وتنفح بشعرها الاصفر

وكفت كوثر تركص هي وياه على الستيج وحاطه اديها على رقبته باحتضان وتباوع لعيونه جان هو متوتر وخجلان مدري شبيه بعدها حطت راسها على صدره وهم يركصون سيلو رومانسي

جنت اباوعلهم ما اعرف شبيه احاول اصبر نفسي بس اكو وجع بداخلي اكو اذيه بيه بس اني ما احب اتحسر ولا احب احسد همست بداخلي الله يسعدهم

حسيت بشخص سحبني درت وجهي شفتها رنا ابتسمت عليها سحبتني كالت ... طالعه تموتين شنو هالجمال حتى العريس صفن وشمر رباطه هههه

ضحكت ... ههههههه عمري انتي الاحلى

لزمتني واحتضنتني وهي تركص تقلد كريم وايو ظليت اركص وياها واني اضحك عليها

باوعت لعمو شفته محتظنها وعينه عليه اختفت ابتسامتي بسرعه وابتعدت عن رنا لزمت ايدها هربانه من نظراته ومن كل شي واصلا ملابسه حجاب كلتلها .. عيب من عمو صايرين قريبين منه خلينه نروح على صفحة

ضحكت كالت .. يله هو شبيه عريسنا عينه زايغه وكل شويه صفن عليج معقوله لان. طالعه حلوه انوب لابسه بنفسجي انتي وايو شلون صدفه

نطت سولين من مكانها وهي دكولها ... لا مو صدفه هاي اني لبسته الها اريد احرك گلب كوثر عبالك ايـــــــــو اختها مو مرة اخوها ودائما تقلد على جيجي وتنتقص منها

رنا ضحكت ... ههههههه عزا بعينج صدك ما تكعدين

حركت كذلتها بغرور .. حيه كيوت اعجبج ههه

خلت وراحت سولين واجت كوثر متعصبه كالت .. رنا شنو هالحركات المحلوه

عقدت حواجبي .. ليش شكو صاير شي

جاوبت بعصبية .. والله كولي النفسج يعني متستحين تركصين انتي وهاي عود شنو تردن تخطفن الانظار من العروس ترا عيب عليجن هاي حركات مال زعط

رديت عليها بعصبيه .. خاب دنجبي انتي والعروس عساس العروس هيفاء وهبي وخطفنا الانظار منها

اجت فافي جنها اعصار كالت .. هااا خيير خيير شكو شصاير شبيج هاده علينا

كالت كوثر متعصبه .. يعني عيب شويه استحن شنو تركصن قريب من كريم

جيجي جاوبتها بفهاوه .. هو احنه مو يمه جنه بعيدات يعني مو يم الاستيج

تعصبت .. اي من يركصون الكل يكعد

فافي شدت الهمه وصعدت على الستيج وهي دكولها .. تتدللين

وكعدت تركص على انغام اغنية خاله ويا خاله خاله شلون بيه ما دريتي وما الومج يا خاله شما حجيتي

ونزلت تركص ذبت لحم وكريم يضحك عليها هم كلها تعرف فافي خبله وما عندها خجل

ضاجت ايـــــــــو وظلت تبسبس هي وبنات خالتها وامها وكوثر شالت روحها وركعتها بالكاع شويه وكريم طلع فات من يمي باوعلي بنظره من فوك ليجوه على اثرها ختلت وره عمتي ام حارث

وكلبي يدك سريع هذا شبيه والعباس رعبني شلون يباوع ثووول مو عريس زلم ما يترس عينهم بس التراب

سحبتني سولين بعد ما طلع وهن ذبن لحم بالركص هي وفافي على ساجده عبيد واني اركص على كيف ما اعرف مثلهن

وسولين ظهرها كله طالع وتركص وفافي كل شويه وكلتلها .. اليوم نسيبي يحصرج

وكل شويه متعاركات لان سولين ما تحب هيج سوالف وفافي هاي سوالفها حصر وبوس وتلمس لهذا السبب هي تحب نسيبها هههه

خليت ورجعت كعدت بتعب على الكرسي ورجليه يوجعني من الحذاء كعدت بصفي كوثر وهي تبث سمها عليه وخلتني تجرعته كالت .. شو لابسه هاينك تخفين الحرگ موو اووووي شكد انقهر عليج بنفسج تلبسين شي مفتوح مثل اخواتج مو يله ان شاء الله تسوين العمليه وترتاحين وتتشلتحين

وكفت متعصبه منها جاوبتها .. عفت التشلتح الج وبعدين الكل يكول كاسره العروس اليوم هاي واني ما متشلتحه لهذا السبب ما ردت شي اوفر حتى ما اعدم وجودجن

عفتها و رحت كلت الفافي تخابر على نسيبنا هو صح الموبايل اخذته من كريم وبس رقمة عندي بس فافي جابت رقم الاشتر

خابرت عليه وكال شويه ويجي و ايـــــــــو تباوعلي وتحجي هي وكوثر وياشرن عليه ويضحكن عفتهن ورحت يم اخواتي وبنت عمتي

...............

صفاء

البنيه الي احبها شفتها صار فتره وهي كاعده يم بيت اخوي هي ما تطلع ولا ذيج اختها بس سولين تطلع جنت اتمنى بين لحظه ولحظه اشوفها بس ما صارت الصدفه

وبيوم من الايام جنت طالع باليل ودخلت اثاري انتباهي الصوت الي صادر من غرفتهن وبسبب فضولي سمعت اطراف الحديث

اني اعرفها اميزها من صوتها يختلف عن صوت اخواتها صوتها ناعم وعبالك طفل يحجي تجر بالكلمة جر عكس اخواتها سريعات بالكلام ونبرة العصبيه واضحة على كلامهن

سمعتها دكلها .. صح حبيته بس ابد ما ضهرت حبي اله وجنت اكوله عمو اكيد هو عباله ما احبه وابد ما الومة اذا تزوج لان ما بينه شي بس يظل كريم اول حب بحياتي ومستحيل اكدر انساه

جاوبتها اختها ام طابوكة .. حبه حب وغض الرب كولة اخوانا السوريين ولج هذا ميستاهلج اصلا كاعد ببيت كلهن عكارب حنينة وكويثر وام حسن المصعلكة ما يفيدون جيبيلج واحد مثل نسيبي خالي مختلي

ضحكت بصوتها الناعم ... ههههه منين اجيب

ردت عليها اختها .. عنده اخ تزوجي مو ذاك الفشخته لا ذاك مستهتر ميفيدج بس ذاك فقير متعيني عليه

جرت نفس وزفرته جاوبتها ... لا ما اكدر لحد الان عقلي وقلبي عند كريم لازم اتخلص من كريم يله ارتبط حتى ما اظلم اي شخص وياي

ضربتها وهي تحجي بعصبيه.. امداج امدة گلبج وعقلج هم عود هي هم تفكر مثل الاوادم

عفتهن ورحت وعرفت هاي الانسانه گلبها مو ملكها حاولت اتقرب منها لان هي ما عندها علاقه مجرد حب من طرف واحد واني اكدر اغذي حبها واسحبها ناحيتي حبيتها بلطافتها وشكلها وصوتها الحلو

ثاني يوم شفتها بفستانها البنفسجي جان روعه جانت حلوه انيقه جميله ساحره عبالك مثل قصيده تراثيه ملامحها نازكة ولطيفه

راحت وراح كلبي وياها اخذت اخواهن ورحت كعدت بمطعم وانتظرت الاشتر يجي اجت سالي كعدت يمي كالت .. الاشتر كال هناك ان شاء الله نلتقي

بعدها اشرت على اخو سولين كالت .. هذا ابن منو الطفل

جاوبتها .. هذا اخو سولين زوجتة الاشتر

ضحكت ... ههههههه يا سبحان الله يشبهها نفس عيونها حلو حبيبي

رد عليها .. شكرا انتي الاحلى خاله

كرصت خده بطفولة .. عمري شلون لطيف لعد شبيها اختك لسانها شطوله وابد مو لطيفه

جاوبها باستنكار .. لا اخواتي كلهن حلوات وحبابات

ابتسمت على كلامه واجه الاشتر كعد يمنه وبعدها طلع هو وسالي ما اعرف وين راحو هو وسالي علاقتهم حيل قويه واصلا تريد توكع تحسين حتى ينسجن

نزلت اكل للطفل وظل ياكل وبعدها اجه الاشتر وصلنه للبيت وراح يجيب البنات

خابرني مصطفى كال .. تعال عندي شغله وياك

كتله .. تمام بس يرجع الاشتر اجيك

صدك هو شويه واجه واني خليت ورحت اله

لكيته كاعد بالگهوه ومزعوج كعدت مقابيله .. هااا ابو الشباب خيير شلون صار راسك

رد عليه وهو يحرك بالرغوة مال الكهوه كال .. ما بيه شي

انتبهت على اصابعه بيهن وشم وركبته كذلك وشم طويل على شكل احرف انكليزيه هو اسم بس معرفت شنو معناه اسم مدري جمله

تنهدت .. خيير شنو شو اليوم داز عليه

كال .. ضايج اكلك شنو هاي اضربتني شسمها نسيت اسمها

ضحكت .. افيان فافي هههههه شنو مشتاقلها

أبتسم بسخريه .. اريد اموت من الاشتياق بس اكلك هي وين بيتهم بالضبط اريد اندله

عقدت حواجبي .. ليش شعندك بس لا تريد تدك الناقصه

ضحك بخبث واستهزاء... اي اريد اغتصبها هههه

جاوبته بنفس استهزائة .. اي حتى خاف نومت الطابوكة براسك هالمره تنومك بالنجف

جاوبني وهو يسرح بكلامة .. بس تدري حلووه هي صح عصبيه وكلبه بس حلوه وترفه

وكفت مصدوم من كلامة .. هييي دير بالك تحط عينك عليها وتدورلها السوء بالقران الاشتر يذبحك

ضحك .. ههههه شدور السوء شبيك ترا نيتي صافيه

جاوبته بنص عين... ولك انت نيتك ما تصفه لو تشدلها فلتر تعلمني بيك ابو الملاهي

حك ركبته بانزعاج كال بتنهيده .. وينها الملاهي اذا اخوك كطع عليه العوا والجو وحتى مثل الوادم لا جنسيه لا جواز عندي حتى للكاظم ما اكدر اروح للمدينة المائية مكدر اروح

ضحكت ... ههههههه خوش يسوي بيك يعرفك مو ادمي

ظليت اسولف وياه وهو كل شويه وسالني عن افيان وفتح موضوعها استغربت منه وضعه مو طبيعي وقررت احجي ويه الاشتر عليه

.................

سوليين

بعد ما رجعنه من الحفله جانت حيل حلوه المهم غثينا كويثر متخبله مدري شبيها تخبلت رسمي من شافت فافي لابسه بنفسجي اجت وهدت عليه كالت .. ليش اختج لابسه بنفسجي انتي مو تدرين كريم يحب هذا اللون واكيد مرته تلبس بنفسجي بالحنه شنو الغايه متستحن انتن

رديت عليها بعصبيه.. وشنو يعني اللون اخوج محتكره لو شنو لو هو صانعه اووع بطلي هاي السوالف محلوه وبعدين شمدريني بايو حتلبس بنفسجي اشتم ايدي

عفتها ورحت سويت روحي زعلانه خرب شكد حيه اني هههههه

بعدها اجه الاشتر اخذنه اول ما وصلنا للبيت سحبني من ايدي كال .. تعالي عندي حجي وياج

رحت وياه مستسلمة جنت ممتنه اله لان هو خلانه نروح واشترالنه ملابس حاولت أتقرب منه

جان يمشي لابس اسود ولازم ايدي جنت امشي مسيره واباوعله وگلبي طاير خايفه ما اعرف شبيه ومشاعر بداخلي مختلطه بين فرح بين خوف وحزن وحب

دخلت وياه للغرفه وهو سد الباب برجله احتضن اكتافي وهو يكول .. هااا ممسويه فد مصيبه حتى اعاقبج بحضن واسمحلج تكررين الغلط

ضحكت .. ههههه لا صايره حبابه ما اسوي مصايب مو مثل قبل حيه

ابتسم كال .. من رحتي للحفله ما ردت اعكر مزاجج واشوف شنو لابسه واعلق. واتدخل كلت ترجعين وعكر المزاج شنو رايج بأفكاري

ابتسمت .. افكار جهنميه بس شكرا على كل شي

ابتعد عني وارتجى على ميز المرايه وهو يدخن كال ... انزعييي

فتحت عيوني مصدومة .... شنووووو

رد ببراءة .. بس اريد اشوف الفستان غير ذوقي

رفعت اصبعي بتهديد .. بس كول والعباس اذا شفت الفستان متسويلي شي

عقد حواجبه .. شسويلج مثليش يعني

جاوبته بارتباك وتردد .. يعني مثلا تتحرش بيه

ضحك .. هه. لا لا عندي طلعه ما اكدر اتحرش بيج مستعجل

نزعت الصايع واني احجي وياه .. دام مستعجل تمام خلي اشوفه الك خطيه انقهرت عليك تكسر الخاطر هم دافع فلوس وهم كل شي ممحصل مظلوم سوده عليه

رد عليه باسف .. اي والله مظلوم زارع فراوله ومماكلها

ضحكت بخبث نزعت الصايه وشمرتها على الجربايه باوعلي وعيونه تنبض بأعجاب شمر جكارته ودعسها برجله وبعدها مشه باتجاهي بلهفه

رجعت خطوات واني ارفع اصبعي بتهديد .. اذبحك إذًا تجرأت مجرد تشوف الفستان

تقرب مني ولفني على ظهري ظهري صار على بطنه واديه لفهن على جسمي بالعكس عطت بصوت .. شنوو هاي انت شدتسوي

نزل راسه على عنقي وهو يستنشق عبير عطري بذوبان كال ..انتي شنوو ليش الوحيده الي اخذت گلبي والوحيده الي من اشوفها ارجف وارتبك واتخبل انتي تثيرين رجولتي وتخليها تنتفض ضدي

رفعت عيوني اله بخوف وجاوبته واني ابلع بريكي ... اشترررر

جاوبني بهيام وهو يبوس اعلى كتفي .. روح اشتر واستلكت عشيرة اشتر

همست بخووف .. اني خايفه

شدد على حضنته وهو يرد عليه بحزن .. لا يروحي لا تخافين والله ما اجبرج على شي بس مجرد اريدج يمي

درت وجهي عليه وتنفسي يصعد وينزل جاوبته .. ليش محتاج شي اسويلك شي

جاوبني بحزن مصطنع .. اي مساااج

ضربته على صدره بغضب .. عوف هاي السوالف احجي الصدك

ضحك وسحبني للجربايه تمدد ومددني بصفه لف ايده على ظهري العاري وهو يمسح عليه بحنيه ويه كل لمسه احس بتيار كهربائي يسري بجسمي من الخوف ومن لمساته

سالته بهدوء .. وين امك

باوعلي بنظرة عتب كال .. لا تهيجين المواجع خلينه بحاله رومانسية وحلوه

ضحكت .. يله مراح احجي شي

كال .. اي سولفيلي حلوه الحنه اليوم

كعدت بحماس وهو متمدد .. اكيد حلوه لان بالقاعه وجايبين فرقه بصراوية وديجي بس عمو كريم ما ظل هوايه طلع بسرعه

رجع سحبني وكعت على صدره كال .. اي همزين طلع لان انتي كلتي بس بنات كريم شدخله وياكم وبس لا شافج وانتي ظهرج كله طالع

هزيت راسي بنفي ... لا لا مشافني لان صرت وره النسوان هو بس على الستيج موجود واصلا جانت هوسه

خطف بوسه على شفايفي وبعد خصلات شعري من وجهي كال .. اي هيج تمام اني ما اريد اخلي شي بنفسج اريد تسوين اي شي تحبي وترتاحيله

رفعت حاجب بمزح .. بس انت لا تنسى ساومتني

عقد حواجبه بمكر .. على شنو ساومتج

حاولت اتملص واخلص روحي منه مكدرت جان مقيدني حيل كال .. تعرفين على شنووو لا تسوين روحج ثوله

جاوبته بعناد ... ما اتذكر

باس شفايفي وهو يرد عليه .. على بووووسه

ضربته على صدره بزعل .. هذا هو اخذتها بعد بطل سوالفك متحصل شي

رد بحزن وبراءة.. هو شمحصل بس مقبلات أكله رئيسيه ماكو

ضحكت ..مو زين ما ظال ميت جوع

حظني حيييل بضخامته كال ... احبببج

همست ببتسامة... جذاب

رد عليه بصدق .. وروح امييي

مسحت على خده بحزن .. امك ميته

جاوب بحزن .. يتيم من الجهتين صار لازم تتبنيني

ابتسمت .. هسه انت بحالة حزن متكدر اذا متحشش

تغاضى عن كلامي .. بوسيني

رفعت اكتافي بعدم قبول... ماااا

كال بجدية... لا والله صدك بوسيني يعني اريد تبادل بين الطرفين شي حلو نعيش حاله رومانسيه ونتقاسم القبل

ضحكت ..ما اريد اتقاسم هههه

ابتسم ... اروح فدوه لهلضحكة الحلوه

سحبت نفسي .. ممكن اروح يم اخواتي

جاوبني بعصبيه .. عوفيهن وانطمري يمي وكافي دلال ترا زوجج حرام عليج لازم تنطيني حقي

رفعت حاجب.. لا والله اخاف ما ترضا يا حق هذا ترا لسه بعدنا مخطوبين

رد عليه بحسره .. وشوكت نتزوج حدديلنا يوم نتزوج نتزوج باجر الصبح

ضحكت .. هههه لا بعد شهر اريد اشتري نيشان

رد بوقاحة وهو يعض شفته .. كثيرلنه ملابس نوم

ضحكت ... تأدب عييب

احتضني وجنت هادئة وبحاله من السكون غلب عليه النعاس وهو لحد الان يتلمس بظهري وعاجبته الفتحه اتصل تليفونه قفله بسرعه

رفعت راسي كتله ...منو هذا رد

كال باحراج .. هاي سالي صح عندي موضوع مهم وياها ومنتظر منها إتصال. بس غلقته الخاطرج

جاوبته بغضب ... اكرهها لا تفتح عليها خط

ضحك... هههههه لا ما فتحت خط لخاطرج هاي ودكولين الاشتر مو زين ويايه

ابتسمت ... لا زين زين

رد وهو عبالك واحد مسكين .. جااا بوسيني

بسته بخده على السريع .. هاي بستك بعد شتريد

رفع حاجب .. اجرئ اريد

ابتسمت وجاوبته بحماس .. خليني اتعود عليك وان شاء الله اتجرى اكثر

سحبني الصدره وحضني حييل نمت بحضنه لاول مره من بعد ما اجيت عنده لحد الان وصايره اتقبله عزززا بس لا احبه

بس ليش ما احبه هو حباب ولطيف ويحاول يرضيني ولو هو حقير شويه مسكني بييت معفن بس ميخالف مو مهم السكن المهم هو ممقصر

وجالي المعفنه تتصل وترجع ليوره سواه صامت يله ارتاحينه منها

رجع قبلني بعنف واحتظني بدلال مع العلم جنت صاكة وجامده من الخجل والخوف بس هو ما سوه اكثر من هيج

ترهقنيَ رغبتي العنيفه بقربكِ بتقبيلكِ بٌالتهامكِ بأحتضانكِ .

................

جيهان

للعرس مال كريم ما رحنه على شنو رايحيين هي بس بالحنه وهماتين مصاريف ولبس فقررنا ما نروح هو بس بالحنه كافي ماكو داعي للعرس

جنت اتنهد وحزينه واني اتذكر اليوم عرسه وهاي فافي الخبيثه مشغلتلي اغنية يمكن نايمة بصفه وعطرها تارس الغرفه واني الوحدي اظل حيران اتگلب وما اغفه

عطت بيها بعصبيه .. كافي طفي لا اگوم اكسر الموبايل فوك راسج

طفته و وكفت كالت ... اكلج اني رايحة للسوك اريد اجيب صبغ مال شعر وخلطات حتى اخاف يجي الاشتر ياخذنه باليل

سكتت مجاوبتها وهي اخذت امين وراحت

جنت كاعده بالبيت الوحدي وضايجة نظفت البيت كله واجن نسوان حفيتهن

احنه اليوم ببيتنا جابنه الاشتر الصبح وسولين ما اجت ويانه كالت اريد انظف البيت خليناها براحتها واحنه اجينه

بعد ما كملت النسوان كلت خلي اسوي عشا واخذه يم سوليين ناكل سويت عشا وكملت يعني سوينه العصر مو باليل

دخلت افيان متعصبه كلتلها .. هااا شبيج وجهج يلطم

ردت عليه .. اكلج هذا اخو الاشتر الضربته شفته لاحكني بسيارته شكد ادبسز وساقط والله والله لو ما استحي من نسيبي الا افضحة فضيحة بس بسيطة الا اكوله عليه بس يجي ياخذنه

تنهدت .. يمعوده كليله بهدوء مدام الولد بس شفتي لا تسوين مشاكل

جاوبت بغضب.. لا جان يمشي وراي بسيارته ويباوعلي انوب اني خبطاتي واني بالقران اجيت افلش سيارته بطابوكة

ضحكت عليها وهي كعدت تحسب بالخلطات وتقسم شلون تبيعهن تالي ظمتهن

حظرنه روحنه دنروح ما اشوف الا انفتح الباب بقوه مثل الاعصار تفلش تفلش باوعت بخوف واشوفه من بعيد دخل وهو لابس ملابسه الي انسجن بيهن

خفت من شكله لحيته واصله لبطنه وشعره مكفش وكله وسخ وجنطته بيده همست افيان ... اهووو هذا شطلعه

كال بعصبية .. هاااا بنات النعال شو جنجن ضايجات شلون طلعت من السجن بسيطة اذا ما ندمتجن فلا اطلع عامر

همست بهدوء... الحمدلله على سلامتك

رد بغضب .. الله لا يسلمج ولا يرضا عليج لا انتي ولا اخواتج تف عليجن وعلى خلقجن الزفره الدايحات امهات الزلم اكيد لازمين عليجن سره شكم نغل ذبيتن من نسجنت لحد الان

جاوبته افيان بعصبية .. انت ما تستحي على نفسك ما عندك خجل من روحك اذا انت هيج تذب نغوله احنا مو مثلك احنه تربية امي ما نقبل بالعيب

ضحك باستهزاء... ههههههههههه شلون تربية تفتخر بامها واني غسلت عارها العار بت العار حقيرات حتى ما يجن ويسالن عليه اكيد انتن تدعن عليه ما تردن اطلع من السجن ما يكولن ان شاء الله يطلع ابونه ويحفظه من كل مكروه

جاوبته بتفهم ...اسال الله ان يحفظك بثلاجة الموتى

هو ما سمعها مدري ما افتهمها كال .. وين خلصتن هاي المده الانسجنت بيها

جاوبه امين .. ببيت الاشتر

تعصب ... خوووش تروحون يم عدوي بسيطه

يله حظروا رواحكم السياره منتظره بالباب

كمزنا من مكانه ... يااا سياره انت شدتحجي

هو تقرب علينه وطاحلنه كفخات على راسنه وهو يغلط ويسب ويفشر وصوته يجيب التايهه واخذنه سحل صعدنه بالسياره

جنه نبجي وننحب من ظيمة شطلعه والله جنه عايشين مرتاحيين هو اجه ودمرنه ورجعنه لنفس شد الاعصاب ونفس المشاكل

رحنه وما نعرف الاي مصير مجهول ماخذنه

نهاية البارت .. يتبع

كونوا انتم كونوا بخير ... احبكم 💔

لا تنسوا التصويت والمشاركة بكم نكتمل 😍

وقفه .. عزيزاتي احترم الحاحكم وحبكم للقصه واني كذلك متحمسه وياكم وحابه تفاعلكم بس فعلا الظرف الي اني بيه ما يسمحلي بالكتابه ودا اضغط على نفسي تعرفون اني عندي مصاب بس ما حبيت اعوفكم تنتظرون اكثر مع العلم لحد الان بحالة حداد ان شاء الله اعوضكم ان الايام الي راحت بس حاله ما اكدر اعوض ويظل البارت بنفس موعد النشر لحد ما تستفر ظروفي

وشكرا من القلب الكم احبكم جدا❤️