رواية #وكر الأشتر الفصل الخامس وأربعون 45 - بقلم الكاتبه سمو العراق

بارت 45
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔💔💔

َ

‏مثلما ينظرُ الأطفال إلى الدّمى من خارج المتجر، تنظرُ روحي إلى ما أودُّ قوله
و أعجز عن ذلك

رجاءا غلسوا على السحك🌚

...........................................

سولين

رجعت بالماضي من جنت بالشقه وشفت هذا الوجه شفت هذا الانسان البغيض الي حرگني بجكارته وجان منحط الى ابعد حد وسخيف تنفست بصعوبه وشراسه من شفته

وابويه يضحك بلواكة وهو يكوله .. اهلا وسهلا ساهر تفضل تفضل زارتنا البركة وهاي سولين كاعده همزين حتى تتفاهم وياها

عدلت عجابي واني افور من القهر ومن الغيض الي اجتاحني وسبب خفقان بگلبي عطت بيه بعصبية .. انت شعندك اجيت اطلع اني ما عندي حجي وياك اصلا انت شلون تخلي يدخل عليه معقوله انت تنحسب على الاباء

رد عليه ساهر ببرود وهو يكول .. تو تو تو لا عيب ميصير هيج تحجين ويه ابوج ولا تقل لهما اف

هو ورد عليه بغضب... انتي صدك ما تستحين اني ما عندي بنية ترفع صوتها بوجهي بس اني متحملج لان مريضه واكول بنيتي محد الها غيري

ضحكت بسخريه .. ههههههههه شوف منو يحجي بالدين انت اخر واحد تحجي بالدين انت تتذكر من هجمت عليه بشقة زوجي وحركتني بجكارتك انت وعصابتك لو اذكرك ؟

باوعلي و رجع باوع لابويه وهو يكوله .. عوفنا على انفراد بلا زحمة ابو امين

حركت نفسي مرعوبه دا اريد اكوم عطت من الوجع ورجعت المكاني صحت بيه ...لا تخليني الوحددددي وياه انت ما تعرف هذا شنو ولا تعرف هذا منو هذا واحد حقييير ومستفز وغدار باجر يغدروك مثل سوادي

هو صفن بكلامي وبعدها كال .. يا سوادي

صفنت على روحي وحاولت اركع الموضوع لان اني من اتعصب اظل اخيط واخربط جاوبته بتوتر ... هااااا يا سوادي اي سوادي مات حسيت مات مغدور

حط عكسه على الجربايه وهو يحجي بخبث ... اخاف زوجج هو اتهمنه بموت سوادي

رديت عليه بحقد ... لاااااا اصلا اني والاشتر مثل هسه اني وياك واذا تريد تحجي عليه وتذمة مو مهم عندي لان حاله من حالك واني اصلا راح انطلك لذلك طلعوني من مشاكلكم ومن لعبتكم القذره

اشر الابويه يروح وابويه بسرعه راح بس جان خايف هو ابوي بصراحة رغم عصبي بس يخاف علينه ويخاف اذا واحد باوع النه وانصدمت بيه من عافني هو وابويه

جنت اباوعله بعيوني وجنت اترجاه ما يتركني لوحدي ويه ساهر واني مكسور ظهري وما الي حيل حتى ادافع عن نفسي شلون هيج يتركني وياه والله لو يعرف الاشتر بيه الا يسحلة هو وابوي ويدفنهم دفنة مال هنود

يحركهم ويذب رمادهم بالشط والله

سحب الكرسي هذا كرسي ابوي نايلون محد يكعد عليه بس هو تسمي فافي كرسي الحكم فهو يكعد عليه الاشتر دائما يكعدون عليه بس الشخصيات

دار الكرسي وكعد عليه وارتجى على الظهر الكرسي كال ... اي سولين لازم نحجي واذا انتي فعلا تردين تطلعين من اللعبه لازم تسمعين كلامي حتى تعرفين وتميزين خطورة الاشتر لذلك مجبوره تسمعين

فركت وجهي بتوتر ورديت عليه بغضب .. ما اريد اسمع ما اريد اسمع منك اي شي اني اعرفك انت شنو لذلك مراح تكدر تضحك عليه مفهوم

ابتسم وهو يكول .. مجبوره تسمعين وتنصتين هماتين لذلك راح احجي اني عم الاشتر من مرة جدة يعني مو جدته هاي اول نقطة خلي جواها خطيين حتى تفهمين اكثر يعني ابو من ام و واني من ام ثانيه

ابوي الله يرحمة جان قليل خلفه ما عندة غير ابو الاشتر وكبر وهو ما عنده غير هالولد مرته ما تخلف جان اخو ابوي مسلم هسه متزوج امي واستشهد وهي ما عندها خلفه لذلك العشيره اتفقوا يزوج جد الاشتر الامي على ابو مرة اخوك ومات اخوك منو الها ومن هذا الكلام وتزوجها

تزوجها واني صرت عندها وعندي ثنين اخوات بعد وهم انكطعت الخلفه وابوي زوج اخوي من مرتة الاولى ومرته خلفت الاشتر

ام الاشتر جانت من امها ميته وابوها ميت يتيمة عايشه عند عمها ومحد الها

جابت الاشتر واخته رحيق جانوا توم ابوي جان فرحان بيهم اول حفيد عنده هو ورحيق وجان شايلهم بالصلوات وحتى سجلهم باسمه وهو يحب خلفة الولد يسجل الولد بسمة والبنات بسم امهن وابوهن

ومن بعدها خلفت مصطفى وانوب خلفت ولد ومات عمره شهر ومات انوب صفاء وكلهم سجلهم باسمه ما عدا مصطفى ما سجله ما اعرف ليش ولا اعرف شنو السبب

تحسين خالي جان واكفلي سيف ودركة وجان بكل شي حاظر وابوي يحبه وحتى اخوي ابو الاشتر هم يحبه بس من كبر الاشتر وكح ومشعوذ جان وكل المصايب من تحت راسه

اخوي جان يبيع بالسوك عنده محلات مال بهارات واعشاب وجان معتمد عليه ومحلاتنا ماشيه ورزقنا وافر

وبيوم من الايام اشتغل ويانه الاشتر وتعارك ويه كصاب مال لحم وصارت ضجة بالسوك وعركة شكبرها واحنه من غيرتنه عليه هدينا اني واخوي وراه واخوي ابو الاشتر لحد الان اتذكره وهو يكول .. هذا الولد راح يموتني هذا الولد راح يجلطني اكله لا تجيني للسوك وهو مصر الا يجي للسوك

المهم صار مجادل بين الطرفين وذاك الكصاب هجم على اخويه ابو الاشتر وضربه بالطبر على راسه وكع مخه بالكاع ونفشك راسه بالنص

فتحت عيوني مصدومة مرعوبه من الكلام الي گاله وظليت اتنفس بصعوبه كتله .. عزاااا صدك عود يعني هيج صار عزا مدا اكدر اتخيل الموقف

تنهد وسحب نفس عميق وزفره بحسره وهو يكول ... جانت ابشع مصيبه تمر علينه من بعد ما جنه عائلة كلها حب ودفا وجنه دوم نضحك وفرحانين وابد ما جنه حقودين ولا بينه مشاكل

سكتت مجاوبته وخليته يكمل كلامة كال .. صارت عشاير صارت معارك بين العشيرتين احنه طالبنه بالقصاص وبعدها استلمنه الفصل وانقضت الامور بصوره طبيعيه وانسجن الرجال واخذ حقه وهدئت الامور

بس الاشتر ما سكت عن حق ابوه وظل يحوم رغم نصحناه اني وجدي وكذلك خالي تحسين بس هو جان ممهتم الكلامنه وجان لابس الوضع

وسوه الي براسه وحرك محل الكصاب وضرب الولد الرجال طلقه والرجال ظل بالانعاش ١٢ يوم وبهاي الاثناء وكف خالي تحسين للاشتر وما خلاهم يسجنون الاشتر وهو انهزم وما نعرفت ويه اراضي كل مختفي مده واحنه رجعنه فصلنه مربع لان هيج جان الاتفاق بين العشيرتين

وام الاشتر مسكينه جانت ضعيفه وبسبب الاشتر وعمايله وانهزامه جانت هي حيل تحبه وخايفه عليه ومن اختفى مده المره كعدنه الصبح لكيناها ميته مجلوطه وميته

وتدرين شنو من كعدنه الصبح جانت نايمة ولابسه جواريبها السود وشيلتها وحاظنه مصطفى بحضنها جان مصطفى بعيد عنها واجاها وهي نامت وحظنته

جاوبته بحزن وقهر .. الله يرحمها بس ليش جان مصطفى بعيد عنها

رد عليه .. وحده من اخواتي تزوجت ومصار عندها اطفال لذلك هي انطته لاختي تربيه لان جانت المسؤوليه عليها تكسر الظهر منا زوجها مات ومنا الاشتر ومصائبه والبقيه كلهم صغار ورحيق صارت بيها حاله نفسيه لذلك هي انطته لاختي حتى تهتم برعايته بدل ما كاتله الظيم من وره اخو

ومن بعد ما ماتت امهم احنه رجعنه الاشتر للبيت وابوي من مات اهوي ابو الاشتر صابته جلطه وصار ينسى كل شي وحتى ما يكدر يتحرك بس ياشر بيده لذلك مجان يكدر على الاشتر

وكتلج صارت المسووليه على رحيق ومن بعد موت امها وابوها ومشاكل اخوها صارت البنيه بيها حاله نفسيه وبيوم من الايام طلعت علينه من الحمام وهي تركض وحاركة نفسها ببانزين

احنه تخبلنه انجنينه من سوت هيج يعني البنيه وصل بيها تنتحر تحرك روحها وتنهي حياتها جنه متخبلين عليها بحيث هي صغيره جانت اعتقد عمرها ١٥ سنه والدكتوره الي اشرفت على علاجها كالت ما نكدر ننظفها لان هي حيل محتركة والرحم كذلك لذلك غشاء البكاره راح ينفتح بسبب التنضيف

خجلت من كلامة حييل وجاوبته .. امم ببب بس الله يرحمها هي ماتت محتركة يعني؟

رد عليه وهو يكفكف دموعه كال .. اي ماتت محتركة ما ظلت بس تلث ايام وماتت مسكينه راحت بحسرتها ولحكت امها وابوها بعد ما شبعت ضيم وهضم

جاوبته بحزن .. الاشتر حييل يحبها وحتى واشم اسمها على ايده وحتى يتخبل واحد يجيب طاريها او حتى يذكرها يعني هي لحد الان غصه بداخلها بسببها

ضحك بسخريه وهو يكول .. وشنو الفايده يعني ترا ماكو اي فايده وهو سبب باذيتها هو دمر عائلته من قتل ابو الموت امه الانتحار اخته وتشتت كل العائلة

صفنت واني ادير كلامه بمخيلتي عود صدك هيج صار اني الي اعرف ابو ميت وامه ميته وكذلك رحيق بس ما اعرف الخبايا والجان صاير بينهم هذا الموضوع ما اعرف اثر بيه او لا بس الي اثر بيه اكثر هو موت اخته بهيج طريقه بشعه اكيد هو جان متاذي بسببها واكو حلقه مفقودة ما حجه عنها ساهر واكو اسرار اكثر

تقرب مني اكثر وعو يكول .. ابتعدي عنه ابتعدي ولا تظلين وياه ترا مصيرج مثل عائلته هم متشتته وتالي نتنحرين وانتي عشتي وياه وشفتي تصرفاته

جاوبته بحيره .. بس صفاء يحبه وابد ما ينطي بيه ليش اذا كلامك صحيح ليش اخو ما يحجي عنه

تنهد وهو يرد عليه .. لان صفاء هو وياه نفس الطبع لذلك هو مايده

هزيت راسي بنفي.. لا مستحيل صفاء يختلف عن الاشتر مثل اختلاف الارض والسما وما بينهم اي تشابه

رفع اكتافه بعدم معرفه وهو يكول .. بكيفج بس هذا الي صار واحنه بريئين من دم اهله وهو لحد الان مصر ان احنه الي اذينه اخته رحيق واني مستعد احلف بالقران هي حركت روحي بسبب مرضها وحالتها النفسيه الي تكونت بسببه وسبب سوالفه ويه عائلتة البنيه جزعت وصلت للجزع

وكف وهو يطلع فلوس خلاهن كدامي كال .. هذا مبلغ الج اذا تحتاجين شي اني موجود

باوعت للفلوس بيهن ست اوراق صفنت عليهن وبعدها لزمتهن شمرتهن عليه.. لهنا وحدك انت منو حتى تصرف عليه اذا معتبر نفسك عم زوجي ترا زوجي يكرهك وما يطيقك وبعدين مو بحاجة فلوس وهاي الحركة بعد لا تسويها

اخذ الفلوس وهو يضحك كال ... ابوج يحبج وحيل متندم لان زوجج للاشتر وان شاء الله سمعت تردين تتطلكين منه راح اسوي كل الي اكدر عليه حتى اساعدج واخلصج منه

رديت عليه بحقد.. اعتقد هاي حياتي وخاصه بيه ابويه مو بكيفه يطلكني ولا بكيفه بزوجني وممحتاجة مساعده اي شخص اني اذا اريد اتطلك راح اتطلك وديا من دون اي مشاكل

...............................

صفاء

من بعد ما رحت المصطفى دكيت الباب ودخلت جوه جان بيتهم شي فاخر وكله خدم هو جان كاعد على الكرسي كدام المسبح الموجود ببيتهم ويشرب كهوه باوعلي وتنهد

اجيت كعدت بصفه واني اضحك .. ها ولك مكابل المسبح بس لا ناوي تنتحر

ضحك بسخريه وهو يكول .. اي كلش عبود سماره مو بس راح يخليني انتحر حتى اطلع عن الدين الاسلامي

رديت عليه بسخريه.. ترا انت طالع عن الدين الاسلامي من زمان مو مال تدبه براس البنيه

رجع فنجان الكهوه بالصحن وهو يحجي بهدوء .. هاي مو تطلعك من الدين الاسلامي هاي جذابه منافقه حييه شكو سالفه طايحة حظ تسويها راح تطلعني من الكوكب مو بس من الدين كفرتني بالعشيره

ضحكت .. هههههه وانت شكو ظال وياها طكها حظر والعن الخلفها اني اعرفها هاي وكحه وحفافه ممشيه شغلها بالسانها جا شعبالك انت

فرك وجهه بتوتر ورد عليه كال .. بس تدري صفاء مندمج وياها اني صح جذابه وتالف وناويه تشتري سياره فراري لمبرجيني هههه بله هاي شقه بس باقي سوالفها ما تتسولف

باوعتله .. ولك احجي شسوتلك مو عساس دهن ودبس انت وياها وانوركم تمام

رد بصدمة .. يا تمام هاي تمام وين تشتغل ولك هاي مصيبه سوده ومصخمة فضحتني فضيحة كدام ابوها تكله يركض وراي ويريد ياخذ حقه مني لكل حلكي صار بعلباتي حتى ما عرفت شلون احجي من الصدمة ولك وصرفت طن دموع مال تماسيح.

ضحكت بصوت عالي... ههههههههههههههههه بالقران تضحكون انت وياها عساس انت تريد تنتقم منها تالي تريد تخلص نفسك منها ما تعرف شلون

تنهد بفشله وهو يكول .. بس والله هي بصراحة ذيج الفتره جانت زينه صح لسانها اطول منها بس يعني حاولت تغير مني صرت ما اروح للملاهي اخلص وقتي وياها وكذلك صرت ما اشرب لان ما تحجي وياي الا اكون صاحي وها هي وحده كلاوجيه مرات من سكران تكعد تسحب من حجي وتسجل مكالمات وترسلها الي تكول باع شلون تعترف على نفسك من تسكر شلون تفتر بملاهي وتعترف على سوالفك انت وامهات الملاهي ومسوي شريف عليه

رجعت ضحكت مره ثانيه.... هههههههههههه والعباس انت وياها مسخره ولك شكدك شكبرك تضحك عليك وحده زعطوطة مثل افيان

رد عليه بتهجم .. خاب شووف هذا يا زعطوطه ولك اني الزعطوط هاي غالبه ابليس عشره صفر باوع هسه عوفنه من هذا الكلام اريد ارجع وياها بس شنو اريدها هي تعتذر واريد يعني اني اضبط عليها وما اعترف بيه تفهم عليه مو

جاوبته .. اي اي افهم بس هاي الشروط محد يكدر يحققها غير ام عباس وبعدين ها ترا اني مو ام عباس هههههه

عقد حواجبه بزعل وانزعاج .. شكد ما تستحي هاي فوك ما اشكيلك واريدك تدورلي حل كاعد تضحك عليه صدك انت ما تخجل

سكتت من شفت امه اجت من بعيد وهي تمشي بخطوات واثقه وخطوات كلها غل وحقد وغيره سلمت وهي ترفع حاجبها وتكول ... صفاء هنا اهلا وسهلا مجنت اعرف بيك موجود

جاوبتها بجمود .. اهلا وسهلا بيج اي اجيت اشوف اخوي مصطفى

شددت على كلمة اخوي وهي ضاجت عوجت حلكها وما تكدر تحجي كدامة لان مصطفى من النوع الخبل مسودن يتعصب بسرعة ويكعد يكسر فهي تسم بالكلام بعيد عنه

كالت وهو يلزم ايد مصطفى .. حبيبي صفاوي دام ضايج هالايام حجزتلك سفره على لبنان شنو رايك

رد بانزعاج .. ما اروح ما اريد شكرا

تافئفت بملل وهي تكول .. ماما شبيك متكول شبيك هاي انت صار فتره على هالحال شبيك منو مضوجك احجي حبيبي

دار وجهها منها وهو يكول ..ماكو شي هيج مني الحالي لعبانه نفسي من كل شي

لزمته بحنية وهي تكول .. ازوجك ؟ صديقتي ام سرمد بنتها روزه تموت من الجمال اذا تريد اعرفك عليها وهم عائلة محترمة ولبنوته تدرس معهد تجاره

وكف وهو مزعوج ... يا زواج يا بطيخ اني مال زواج هسه اهووو خليني اطلع احسن من ما اظل هنا

خله وطلع طلعت وياه واني احجي عليه .. شبيك انت مخبل ما تزوج وتستقر احسن ما ظال دايح بالشوارع

باوعلي بطرف عينه وهو يكول .. اي مو مثلك اني دايح

عفته الوحده وخليت ورجعت للاشتر واتصلت بنت ساهر  وهي تكول ... هااا عمري شلونك فد مشتاقلك اكولك حبيبي شنو طولت شوكت تجي تخطبني اليوم صارحت ماما بحبنه

رديت عليها بصدمة .... شنوووووو

ما اشوف الا كطعت الخط ومجاوبتني لا هاي تخبلت بنت ساهر الخبله انوب مصارحه امها بحبنا

.......................

جيهان

بعد ما تعاركت ويه فافي وكلتلها لا تردين على كريم لان ديشك بينه وما يعرف منو يراسله بينه هي بطلت تراسله وظل يراسلني هو بس مو دائما مرات واني هم استحي ابد ما اراسله ولا اعرف افتح مواضيع وياه

بس بصراحة رغم هذا الشي الي دا اسوي حقير بس ما اعرف احس مله فراغي واحس تقربت من كريم اكثر وفهمت شخصيته اكثر

شفته راد عليه كاتب .. صباح الخير وين اليوم

رديت عليه مجاوبني وره ساعه جاوب وهو يكول ...شلونج

جاوبته واني مرتبكة ما اعرف من اراسله اظل ارجف ارتبك كلبي يظل يدك سريع كتله .. الحمدلله بخير وانت

جاوبني .. اني بخير اذا انتي بخير قبل شويه فككت حزام ناسف وانذكرتج من كلتي دير بالك على نفسك

ضحكت .. ههههه اي دير بالك على نفسك

كال .. هيج خايفه عليه

جاوبته .. طبعا ليش متقبل اخاف عليك

كتب.. والله بصراحة لو ما احب جان حبيتج حيل لطيفه انتي

احس جزء بروحي انكسر واديه ترجف طلع يحب بس هو يحبني مو هيج كالت رنا بلكي صدك يطلع كلام رنا وطلع اني المقصوده كتبت اله.. اي ومنو سعيدة الحظ

كتبلي ... لا ميصير خليها سر ما اريد احجي هسه اخاف اني مو ببالها

رديت عليه.. لا ببالها ببالها احجي منو هي

ضحك وهو يكتب.. هههه وخده من اقاربي هم لطيفه مثلج

كتبت .. شسمها ؟

كال .. لا مو وكته بس تدرين عندي فضول اشوفج

كتبت .. لا والله ما اكدر اخاف تحفظها انوب شيخلصني من العالم كل شي يصير ماكو ثقه

رد عليه .. زين عندج سناب تدزين عليه بهيج حاله اذا حفظتها راح تطلع عندج ان كريم قام بحفظ الصورة

جاوبته .. ها لا ما عندي منيلي سناب اصلا ما اخذ بسناب

كال.. زين يعني انتي تخافين تدزين الصوره لان خايفه اسكرن واحفظها عمي احلفلج ما احفظها

بلعت ريكي بحيره كتبت .. ها لا بس بصراحة ما عندي كلهن من دون حجاب

كتب .. اي عادي دزيها اغمض عيوني ما اشوفها

ضحكت ..ههههههه صدك انت تضحك هاي شلك بيها يمعود صدك جذب بعد على شنو دازتها اذا تغمض عيونك ومتشوفها

ضحك.. ههههه جا شسوي حيرتيني

كتبت .. بعد اني على شنو ارسل الصوره اذا انت اصلا تحب وقلبك مو ملكك قابل شنو اذا شفتني تغير رايك وتحبني

رد عليه بغموض .. يجوز يزيد حبي الج

رديت ... ههههههه لا ما دام اعترفت انت تحب غيري لا مستحيل خليك ويه حبيبتك

كتب .. بس ترا حبيبتي مشايف منها شي مجرد حب من طرف واحد احبها والمشكلة تصيحلي عموو

عضيت شفابفي واني اكتم ابتسامتي ... ياااا عزا ليش هيج تكولك عمو شنو لهلدرجة انت كبير عليها وهي صغيره معقوله انت شايب بالنسبه الها

دزلي هذا السمايل الي معاجبه العجب دلاله على ان كلامي ما عجبه

ضحكت وهو رجع كتب .. لا مو هيج بس يعني هي من اقاربي تصير بنت ابن عمي لذلك من هي وصغيره هيج تسميني

كتبت .. ما اعرف ليش دا احسها تحبك

رد عليه بسرعه وهو داز قلب الحب.. صدك هيج احساسج يكول

ضحكت .. هههه اي والله هيج احساسي يكول

رد عليه وهو يكول .... اووووف ما ظل شي واخطبها ان شاء الله دام احساسج كال تحبني

كتبت .. فدوه صار عندي فضول كولي شنو اسمها حباب

كتب .. اسمها جيهان

احس صارت ربكه بگلبي احس حصن تركض بگلبي وبطني فراشات طار بيها ما اعرف شلون اوصف شعوري من ذكر اسمي تنفسي صار سريع واحس سمعت دكات كلبي بست الموبايل وبست صورته

كال .. شنو سمعتي اسمها وانلصمتي شبيج

رديت بضحكة.. هههههه لا بس فدوه اسمهل حلو بس هي حلوه يعني مثل اسمها لو لا

رد عليه... تموت هي واسمها لو اسولفلج شلون من اجت بعرسي لابسه لوني المفضل شلون طيرت عقلي من راسي

كتبت بحب .. بله سولفلي الله عليك

ضحك... ههههههه لا غير مره اني بالعمل ميصير اخلصها وياج

ضحكت .. هههه يوم التخلصها ويه جيهان

رد عليه ... اوووف احلى دعوه مشكورة اخيتي متقصرين

كمزت بفرح بعد ما قفلت المراسلة واني حاضنه الموبايل اووووي شكد احب كريم يربي شكد احبببه والله اباوعله واحسسه بحبي لان هو يحبني يعمرررري يعمرررري يعمررري اموت عليه خاب شنو شكد حلو الحب

دخلت فافي وهي شايله خلاط كهربائي جديد بستها حييل وحضنتها ورحت اركض غمتني وهي تكول .. كبر حتى كبر تخبلت الفرخة خبلها كريمو امداني صوجي عرفتج عليه

باوعتلها وحجيت بحب والضحكة شاركة حلكي .. اعترفلي بحبه

باوعتلي بقرف وهي تكول .. خيولي عمج مو راحة

عفتها ورحت واني كلي حب وروحي طايره مثل جنح الفراشه الله يربي شكد احبه

ركضت السولين وبشرتها بكلام عمو كريم وهي فرحت الي بس كالت دام عرفتي حبه الج اكطعي مراسلتج وياه على الفيس عيب ادا عرف هذا هو دام اعترف هذا احلى شي وحظري وغلقي حسابج

قررت اسوي مثل مكالت بس خلي افوتلي كم يوم

..................................

سولين

شويه شويه صحتي دتتحسن ودا امشي شويه يروح للحمام اروح للمطبخ لاحظت رجلي حييل تعرج وهذا الشي مضوجني وقاهرني

بس دا اتغاضه عنه رجعت كعدت وسندت روحي على الجربايه وعدلت نفسي رتبت شكلي بعد ما سبحت وبدلت

اسمع هوسه بين ابوي وبين افيان عادي هم كل يوم هيج اذا ميتعاركون ما يرتاحون هيج دومهم مخابيل

شويه وانفتح الباب جنت دا امشط بشعري شفته هو تغاضيت عنه ورجعت كملت امشط بشعري

سحب المشط مني وهو يسرح بشعري ويشم بيه جنت هادئة مدا احجي شي كال .. احب ريحة شعرج حلوه

باوعتله بطرف عيني وتنهدت اخذت منه المشط كال .. ليش تمشطين وانتي اديج مو زين عليها الحركة مو صح

ضحكت بسخريه .. ههه والله ما اعرف شكولك

كال .. اي شكو ماكو منو اجاكم منو طب عليكم

رديت عليه .. والله انت اعرف جني صغيرون

كتم ضحكتة وهز راسه بعمد قبول على كلامي كال ..يله مو مهم كل شخص اجاج مو مهم واعرف شلون اتصرف وياه

باوعتله وصفنت بوجهه كال .. شو صافنه شنو صاير حلو

رديت بانزعاج .. تخبل ما شاء الله

حك خشمة برگبتي وهو يكول .. مو احلى منج والله واكيد اخبل غير حبيب سولين

رديت عليه بدموع .. مختنكة

احتضني وهو يكول ... اسم الاه عليج من الخنكة ان شاء الله ازمة وتعدي وتعالي خليني اشوفج الجامعه السجلتج بيه

رديت عليه .. ما اداوم

جاوبني بعناد ... لا تداومين شلون ما تداومين دافع قسط كامل

رفعت حاجب .. واني شدخلني كايلتلك تدفع

ضحك وباس خشمي ابتعدت بسرعه كال .. ماكو داعي تكليلي اني من ذاتي ادفع واني الممنون وخادم

تنهدت ومجاوبته فتح المقطع وديشوفني بالجامعه اني بصراحة ما اثار انتباهي ولا جذبني بس بعدين ما اعرف شصار بيه تفاعلت وياه وظليت اباوع شلون حلو المقطع وشلون جامعه حلوه ونظيفه وكل اقسامها تدل على الرقي والفخامة وظليت اباوع وياه واساله وين مكانها و وشنو اقسامها ولمنو تابعه

وهو يجاوبني و ويوكف كل قسم ويشرحلي عنه حييل اندمجت وياه ويه مدنشوف المقطع اتصل موبايله ونورت الشاشه باسم الزعامة

باوعلي و وخر الاتصال  وكأن ماكو شي وارجع اتصل الرقم مره ثانية كتله .. جاوب دنشوف منو الزعامة

فتح خط واجاه صوتها جان الصوت واضح واول ما حجت عرفتها من نبرة صوتها كلها ... هلا سالي

رديت عليه بصوت ملهوف وخايف ومرتبك وهي تكول ..الحك اشتر حروح بيها مدا اصدك الصار ويايه ونبي ما اصدك فدوه تعال بسرعه

عقد حواجبه ببرود وهو يكول .. شنو شصار وياج شكو احجي يمعمدع خوفتيني

ردت عليه .. لزموني النزاهه وحنفصل فدوه انت خلصتها عليه ضابط مفصول وضابط مفصول وهسه حنفصل من صدك انوب لا انسجن فدوه تعال بسرعه مو مال انسجن ومديخلوني افهمهم ولا احجي اي شي

جاوبها .. اهاا يله يله ان شاء الله جايج تمام هسه لحظات واني يمج

جان وصوتها خايف وهي تحجي .. بروح ابوك لا تتاخر ترا حروح بيها حباب عزا وين انطي وجهي شلون صار هيج مدا اعرف

باوعلي وهو يحجي .. لا تخافين هسه اني جاي مع السلامة يله ركبت سيارتي

قفل الخط ورجع فتح المقطع وهو يشوفني بالاقسام باوعتله مصدومة.. عزااا مو كلتلها جايج انت شنوو

رد عليه بضحكة خبيثه وهو يكول .. خليها تتادب شويه حتى تعرف شلون تلعب من وراي بعدين نشوف شلون نحلها

قلصت عيوني واني مفهيه .. يعني انت وره االي صار الها مووو ؟

رفع عيونه للسكف بتفكير وهو يكول ... موووو

حطيت ايدي على شفايفي مصدومة مدهوشه من كل شي ديسوي كتله ...هاي شنو مو عساس سالي ايدك اليمنى

رد عليه .. ايدي اذا تغدرني اكطمها وصار لازم نكطم سالي

اني ما عندي ردة فعل بس عيوني احسها حتطلع من مكانها كد ممصدومة بيه .. هاي انت هيج تشتغل الشخص الي ميعجبك هيج تسوي بيه

رفع حاجب وهو يكول .. هذا شغل وهي انحرفت عن مسار شغلها فلازم نسويلها كرصة اذن حتى شنو بعد ما تتجرئ وتنحرف عن مسارها تمام بنيتي

سالته بذهول .. شسوتلك حتى هيج تعاقبها

رد ببرود .. انحرفت عن مسار شغلها وياي وكذلك تحاول تثير الكتكوته عليه واني كل شي ولا كتكوتي

تنفست بصعوبه .. انت خطير

ضحك وهو يكول .. اي اني ابو علي الشيباني دستقري خطير انوب لج غير شغل انتي شتعرفين عن الشغل

رديت عليه بحيره .. انت شنو

جاوبني بحب وهو يكول .. محقق جنائي سري للمجرمين المتسللين افتهمتي ؟

سالته بترقب .. احجيلي شلون تحقق شلون لكيت امي احجيلي كل شي

ابتسم وهو يكول .. ان شاء الله كل شي احجيلج بس اريد منج اذا تعزين امج ما تحجين عن شغلي لان محد يعرف بيه غير انتي وسالي وحجي اديب و وابنه

رديت عليه .. لا تطمن لو يذبحوني ما احجي

ضحك بسخريه.. هه انتي سرج بكهوه ابد متحجين

رفعت حاجب متعصبه .. شقصدك اني منافقه وحيه

عض شفته بسخافه وهو يكول.. هو اكو احلى من هيج حيه كلها حنيه ولطافه

هزيت راسي باسى من كلامه منصيرله جاره كال بحماس .. باعي هذا العرض الجديد بوسه رمانسيه تذوب الجليد مقابل اشوفج مكان عملي ومكتبي السري

رفعت حواجبي بضحكة .. هههه ما شاء الله طلع عندك مكتب

رد عليه باغراء.. حلو شغلي ممتع اذا شفتي تحبي بعد وافقي على العرض واخذج برحلة ممتعة دام صفينا لحساب

اتصل موبايله مره ثانيه والاتصال من سالي خطيه حتنجلط وهو يفكر بالعرض المغري القدمة اليه

رديت عليه.. روح السالي حتموت وعود من تاخذني واشوف كل شي وتسولفلي عن امي وتطلع منها بريئ بذاك الوقت عود اوافق بعرضك المغري

عض شفته وهو يكول .. طبعا مغري شلون ما يكون مغري والبوسه الي مقدمها تذوب الجليد

رديت عليه بسخريه .. سالي حتنجلط

جاوبني .. طبها مرض مو اهم منج

حطيت اصابعي على شفايفي بتوتر واكرط باضافري خجلانه من كلامه باس خدي وتركني وراح

تنهدت بحيره فعلا محتاره اني شلون بيه شلون هيج ديصير ويايه اريده وما اريده احس حتخبل شسوه بيه هذا الانسان الي مصر عليه اصرار مو طبيعي ومدا افهم حبه المخفي اليه معقوله مثل مكالت سالي بسبب خطه واني حنت من ظمنها

بس لا هو يحب يبوسني يحب يتقرب مني يحضني اسلوبه ويايه يختلف عن اسلوبه ويه العالم والله دا اتخبل ليش هيج تصرفاته ويايه كلها حب وعاطفه

أرى بقبلاتهُ الناريّة لذّةَ الشهوةِ
أريدُهُ في الظلامِ . .
في الوحدة
أريدُهُ بالبكاءِ . . باللهفةِ
أريدُهُ في الصبرِ
في التسامح
أبحثُ عنْهُ وشفتيّ عطشى
ليلُ مشبعٌ بالحفر

.............................

افيان

تعاركت ويه ابويه طبعا فد مخبل مو صاحي مال واحد يشمره يم عمي كريم ببيت كله مفخخات

والله دا اشك ابو الحصه مالتنا يخلي مخدرات بالطحين لان ابويه تصرفاته مو طبيعيه ولو هو كل بيتنا مخابيل بس اني عاقله ومثقفه وهادئة ماكو هيج وحده والله

تعارك وياي شلون جبت خلاط للبيت والله خطيه عاد كلت البرتقالات الخايسات والموزات المايعات اطكهن بالخلاط اوجوهم صفر عاد اسويلهم عصير

وهو تخبل شلون مشتريه خلاط تعارك وياي وضربني بس عادي اني ما اهتم للضرب عندي مناعه من الكتل

خبال فوك هذا الخبال

لزمت النسوان احف بيهن ما ادري اني ليش محد راضي عني واني لو اعوفهم ساعة ياكلهم الجرب والجلاب صدك ابوي جان بيه جرب شطيبه

اجتني رساله واني احف بسليمة رفعت الموبايل وشفته مصطفى كاتبلي .. شوكت تعتذرين مني ولج

رديت عليه واني اضحك...عندي اسلوب اعتذار يخلي الزعلان يزعل اكثر.

جاوبني .. تمام رايح للملهى تردين شي

رديت عليه.. اي جيبلي دمبكجيه وتعال لو تخطفلي المطرب انت بكيفج

كتبلي .. بلا كلام ما بيه حظ يعني عادي عندج اروح للملاهي واشرب وترجع حليمة لعادتها القديمة

هزيت ايدي وكتبت.. وشنو حليمة اختي بنت عمي نصحتها مره مرتين ما تاخذ الحجي وبعدين هو منو راح يدخل للجهنم اني لو حليمة وها الي يجي من ايده الله يزيده

كتبت .. تمام يله صالحيني

جاوبته .. خلي اكمل حفافة سليمة ام الجكاير وارجع اصالحك

رد بعصبيه... انتي مو مال واحد يحترمج حظر بطعم النعال

كتبت .. خاب دطير يريد اعرف شغلي ومستقبلي لخاطره يله باي روح احضر

عفته ورجعت احف بصاحبتي كالت بسخافه .. منو هذا حبيب القلب

رفعت حاجب بعدم قبول.. لا والله ؟ اخاف مترضين شوفي يعني گلبي عطلان ميشتغل ومشمور بزواية جسمي اصلا ما اله داعي وجوده بس يضخ دم كل شي ماكو محد داخلة وصاير صحراء قاحله قال حب قال

ظلت تضحك عليه واني رجعت احف بيها ومستمتعه رغم الظروف

....................

سولين

جنه كاعدين اني واخواتي جان حسيت بالباب انفتح شفته ابويه دخل هاي اول مره يدخل عليه حيل خفت من جيته ومن وجوده واني ممقابلته ولا اباوع بوجهه ابد

باوع الاخواتي وهو يكول .. اطلعن برا عندي كلام وياها

وكفت جيهان وهي تحجي بصوت ناصي وخايف .. يابه خطيه مريضه خليها ترتاح واخذها واحجي وياها

رد عليها بغضب .. بت النعال بت الطركة امشي اطلعي لا اجي ادوس ببطنج وبطن الخلفج

افيان حجت بغضب وهي تكول .. هسه انت ما تكدر غير علينه شو من يجي نسيبي تظل ترجف مثل السعفه شتريد من البنيه وهي مريضه

هو هجم عليها واني لزمته بوجع وتعب واتوسل بيه .. عوفها اطلعي افيان انتي وجيهان بسرعه اطلعن

هن طلعن واني ابتعدت عنه بسرعه لزمت ايد افيان وحجيت بهمس .. خابري الاشتر

طلعت بسرعه هي وجيهان وامين وهو تقرب مني ويحجي بحنية بس ابذ ما استلطفته وهو يكول .. بابا سولين اني ما كتلت امج هو الاشتر حرضني عليها وكال اكتلها هو اصلا لسمها بيدي

عطت بيه بغضب .. وانت كتلتها بيدك انت وصلت للقبر انت دفنتها وبعدها روحها بينه لا تبرر تصرفاتك

رد عليه وهو يتمسكن .. اي بابا مو هي حسب قول الاشتر جانت بشقة دعارة ويه واحد ولزموهم ومن لزموهم خابرني وكال هاي مرتك تمارس الرذيله هي وهذ الشخص واني يعني شتردين حالي تخبلت لزمتهز وكتلتها وهو كلي اكتلها وهددني اكتلها لان راد يتزوجج وهي ما قبلت ومن لزمها هيج كال لازم تنكتل وتغسل عار ام مرتي جان يقصدج

هزيت راسي بنفي وابجي واصرخ .. انت جذاب اصلا هو ما قبل كتلها وجان يحجي وياك بس انت حاقد على امي لان احسن منك وما تريدك تكرهك لان انت مو كفو وما جنت الها رجال اصلا انت محد يحبك ومحد يريدك

هو تخبل من كلامي وسطرني براشدي صرخت بصوت عالي و وكعت على رجلي وظهري احسه انفك وضلعي احسه يدك بكلبي

انهال عليه بالضرب عبالك نسه اني مريضه وهو يغلط ويصيح .. يا بت النعال يا بت الكلب يا زماله شلون محد يحبني وما جنت رجال الها قصدج اني مو رجال يا نعال يا حشره

ظل خشمي ينزف واخواتي يتوسلن بيه ويردن يعوفني بس هو جان متخبل ما يشوف كدامة حسيت بنفسي دا افقد وعيي واون من الوجع

هو وكف مصدوم من حالته واخواتي ركضن عليه وهو حط اديه على راسه وهو يكول .. لا اني شسويت شصخمت والله يموتني

حسيت بيه ضرب اخواتي وشالني وهو يركض واخواتي يصرخن ويتوسلن بيه وبعدها خلاني بسياره ومشه بسرعه جنونيه

نهاية البارت ... يتبع

كونوا انتم كونوا بخير .. احبكم 💔

تصويتكم حياية🐍🐍❤️