رواية #وكر الأشتر الفصل التاسع وأربعون 49 - بقلم الكاتبه سمو العراق

بارت ٤٩
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔
حال سولين 💔

كانت مُحطمًة تمامًا، وتعاني معاناة بلغت من القسوة أنها أحست وكأن أحدًا يأكل قلبها بلا رحمة.

غلسوا عن الأخطاء الاملائيه والسحك من دون مراجعة

............................

جنت كاعده بزاوية الغرفه وعيوني دامعه وجسمي يرجف وكلبي يدگ بقووه جزمت ان اني سمعت دكات گلبي المعذبه

رجلي من كد الوجع ما حسيت بيها بس اباوع الروحي انقهرت على نفسي ارجف بصوره مو طبيعيه  ولي يباوع الحالتي يشفق عليه

جنت بحالة صدمة من كل شي جنت مصدومة حتى ما اكدر انطق بحرف واحد صوتي جان رافض يطلع

حاولت اصرخ اعيط املخ شعري ما كدرت بركان من الالم غزا كل احساسي بركان من نار اشتعل بجسمي

روحي جانت تطلع مني جانت تنسحب مني جنت احتضر جواه حسيت بطعم الموت حسيت بطلوع الروح من الجسد

غمضت عيوني واني ما اريده اشوفه وهو نايم مثل التمثال على السرير الي شهد معركة ظالمه والفوز للظالم اكيد

غمضت عيوني ما اريد اشوفه ما اريد التقي بيه ما اريد شي منه ولا اتذكر ولا يراودني الي صار

بس حتى واني مغمضه عيوني حسيت روحي مشلوله كل شي يقتلني ويدمرني واول ما اغمض عيوني يراودني صوت صراخي الي قطع اوتار صوتي 

كل شي بالنسبه اليه يوجع ضلمة المكان ..صوت انفاسه ..هدوء المكان .. صوت الليل ..وبرودة الجو

مسحت شفايفي بغضب وهزيت راسي واني انحب وابجي هزيت راسي برفض وكأني مستحيل اعيش هذا الموقف الصار وعقلي رافض الكل شي

بجيت اني جنت جواه اتوسل بيه اكوله .. انطيني فرصه احبك اتقبلك بحياتي ما اخاف منك اني والله مريضه ارحم ضعفي وقلة حيلتي اشتر لا تكسر كل شي بينه

بس هو جان مثل الثمل جان دايخ ويهمس .. انتي ملكي انتي مالتي

ضربته راشدي بقسووه واصرخ بصوت عالي بحيث من فرط حركتي حسيت كسرت العمود الفقري مو بس كسرت ضهري

ابتعد عني وهو يتنفس بصعوبه ويتمت بكلمات ما عرفت شيحجي ولا جان عقلي وياه مجنت مستوعبه الي سواه بيه ما انطاني مجال ادافع عن نفسي

خلال ما هجم عليه فقدت الوعي ثواني وصحيت واشوفه مثل الذيب الي ينتهش فريسته

جنت متقبلته بحياتي بس اليوم كسر كل شي ما جنت هيج اريد ولا جنت متقبله الي صار جنت اريد عرس جنت اريد اكون مقتنعه وراضيه مو مغتصبه ومجروحة ومريضه

حسيت من كد ما بجيت راسي صار نار وعقلي احسه انفجر وعيوني مثل الرمل بيهن حتى ما اكدر افتحنهن بعد

نمت على الارضيه البارده وتكورت على نفسي بجيت بصمت وحضنت نفسي احس البروده تدخل لعظامي وتكسرني تكسر

جنت افز بين الثانيه والثانيه واكعد وعبالي بحلم واطلع بالواقع الأليم باوعتله شفته نايم وصدره عاري صرخت بصوت عالي مقهوره منه بحيث هو فز

جان الظلام محاوطه رفع نفسه وباوع بارجاء الغرفه لزم راسه بوجع ودوخة ورجع نام وانفاسه منتظمة

رجعت راسي على الكاع بخيبة امل ودموعي تنزل على وجهي مثل المطر جنت اتسائل ليش هيج سوه بيه جان صابر عليه وما فديوم وصل بيه لهاي الحاله ليش اليوم بالذات شنو الصار

من دون سابق انذار ومن دون كلام وسلام اعتده عليه وجرحني واذاني جنت رافضه ومنهارة مريضه اني مريضه شلون انطاه كلبه هيج يسوي بيه شلون انطاه كلبه ياذيني جرحني جرح ما مخليته على بالي ولا جنت متوقعته منه

نمت واني اندب حظي واريد امي اريد اي شخص يصبرني لبست ملابس واني اعرج برجلي واسحل بيها سحل حتى ما اكدر امشي عليها

لبست ملابسي وطلعت جان الفجر لبست حجابي وكعدت بصف العمود الكهربائي حضنت ركبي لرجليه واسمع صوت الاذان يجلي الروح ويصبرها

صابتني رعشه من صوت الاذان جنت هادئة وارجف وبس دموعي تنزل بكل صمت

جنت انصت خاشعه للصوت الرباني المهيب  شلون نداء حلو بمعانية العظيمة وكلماته المباركة خاصه من يكول الله اكبر

همست بضعف .. يارب يا اكبر من كل شي عيني وقويني وصبرني ثبرني على كل بلوه واذيه امر بيها يا الاهي ارحم امي ونور قبرها وخلصني من هذا المصيبه

جانت روحي تنهار بين لحظه ولحظه كل ما احاول اصبر نفسي ما اكدر وارجع لنقطة الصفر

كسف الجو وطلعت العصافير وهي تزقزق بجيت وشهكت من صوتها حييت باب الغرفه انفتح

كمزت من مكاني وباوعتله درت وجهي بسرعه واحس اجزاء تتكسر بروحي احس روحي تهمشت

تقرب مني بحيره جان لابس بنطرون اسود وقميص ابيض مفتوحة كل ازراره

كعد ركبه ونص كدامي وهو يحجي بحيره وارتباك .. سوليين شصار سوليين شبييج احجي

عضيت شفايفي واني اكتم علرتي والغصه الي بداخلي مجاوبته ولا باوعت بوجهه ولا اريد اباوع بوجهه

لزم ايدي وهو يكول بغضب .. سلويين شبييج احجي

سحبت ايدي منه بقسوه وصرخت بيه بنهيار تام.. وخرررر مني لا تحجي ويااااي لا تتقرب منييي وخر عووووفني اكرررهك اكرهك ما احبك الله ينتقم منك الله يحرك گلبك مثل ما حركت گلبي

وكف وهو مصدوم خله اديه على راسه وتنفسه عالي حييل ركض بسرعه وطلع من البيت كله

هدئت من ثورتي ورجعت ابجي وكفت بعدها اسحل بروحي سحل دخلت للغرفه اباوع الها بروح مجروحة شمرت كل الفراش البيها وظليت اكسر من دون وعي مني .... اكرررهك والله ما اظل هنا والله اوووف گلبي دا اموت والله دا اموت شلون بيه وين اروح وين انطي وجهي وابوي ساد بابه وجهي ما اريد اظل هنا ياربي شلون بيه

والله ما اكدر اباوع بوجهه ما اريده بحياتي فدوه ياربي والله اكرهه الگالي حل وخلصني منه ما اريده هذا رجال مو نظامي ما ادري شضام اخخ راسي راسي راح ينفجر والله ما اكدر اكعد بهذا البيت الي دمر كل خليه بجسمي

....................

صفاء

جنت طالع بذاك البيت وخابرت على الاشتر باليل خابرت مجاوبني ما اعرف شبيه

قررت اروح اله لليل صدك لبست بسرعه و طلعت على بيته اول ما وصلت بعدني ما نازل من السياره واشوفه طلع بس ما طلع طلعه ركص الباب حييل حسيته تفلش

وقميصه الابيض مفتوح ما مدكم وحالته حاله عبالك واحد متعارك نزلت من السياره بسرعه وصحت عليه .. اشتررر اشترررر اوكف شبيك

جان يسمعني بس ما يرد عليه وهو طلير وسريع يريد يركب سيارته المركونه بصف صورة سوادي

ركضت عليه وقبل لا يصعد السياره لزمت اديه وحجيت بغضب ..شبييك انت مو صار ساعه اصيح عليك انت ليش ما ترد عليه

دفع ايدي بغضب وهو يكول .. وخر مني انت الثاني اا ابتلي بيك

عقدت حواجبي ورديت عليه بصدمة .. بس احجيلي بس كول شكو

تركني وركب سيارته وهو يسوقها بسرعه جنونيه ويسب ويغلط

اني ما عرفت شنو اسوي ركضت بسرعه على سيارتي وركبت بيها ولحگته وين ما يروح رحت وراه ومن خلال الطريق عرفت رايح لبيت مصطفى

وفعلا مثل محسيت هو راح لبيت مصطفى اول ما نزل للبيت وهو دفع الباب ودخل من دون سابق انذار

نزلت من سيارتي وركضت وراه اول ما دخلت وراه واشوف الرجال الحدقجي الي عندهم وهو يصيح عليه .. انت وين داخل تعال

تجاهله اشتر وهو يشد على ايده وشرايينه برزت من عصبيته وغضبه

باوعت من بعيد شفت مصطفى لابس شورت ازرگ وصدره عالي ونايم مقابيل المسبح الموجود ببيتهم ويشرف عصير برتقال مسويله اجواء مكسكيه مدري اجواء تركيه

هو اول ما شاف اشتر وكف وهو متفاجى من هجومة المباغت عليه واول ما وصل عنده الاشتر من دون سابق انذار جابه ببوكس وكعه بالمسبح

ركضت عليه ولزمته واني اهدي بيه .. شبييك اشتر شكووو شصاير

دفعني بغضب وكعت على هاي النايم عليها مصطفى عاط بيه بكل غضب وهو يكول ... انت بالذاااات ما تتدخل والله اليوم مصيفي اذا ما دفنته بمكانه فلا اطلع اشتر اطلع عار ابن عار

جان مصطفى بطرف المسبح ودايخ وخشمه ينزف دم سحبه الاشتر وطلعه من المسبح وهو يصرخ بوجههه .. ولك جباااااب حقييير زمال لك تغدرني تلعب عليه والله اذا ما ندمتك فلا اطلع اشتر اذا ما خليتك تتمنى الموت وما تلگاه اطلع ستين عار

رجع هجم عليه بعنف بوكسيات وراشديات موته تموت اني والحدقجي نريد نحلصه منه ماكو

طلعت عمتي هي واختي زينب باوعت من بعيد وصرخت واجت تركض وهي تصيح ... ماما مصطفى عزااااا انت شدتسوي بيه الله ينتقم منك يا مجرم والله كال ساهر انت مجرم قاااتل

اجت تركض ومصطفى دايخ من البوكسيات ومجان ابد يرفع ايده ويدافع عن نفسه

سحبته ام ماهر بغضب وهي تغلط على الاشتر وهو مسح الدم من وجهه وصاح بهاي الخدامة التشتغل عندهم بغضب ... جيبيلي ملابس حيوانه

خطيه راحت المره تركض جابت ملابس وهو بدل بسرعه وشعره ينكط مي وزينب تبجي

عمتي هجمت على الاشتر وهي حاضنه مصطفى وتمسح الدم من وجهه .. انت يا مجرم يا قاتل انت شلون ما نخلص منك شتريد من ابني شتريد روح اطلع عوفنا عايشين انسوا مصطفى انسي

الاشتر رد عليها بغضب و وجهه احمر من العصبيه .. العن ابوج يا ابو حتى الخلفج كلبه بت السطعش كلب دمرتي الولد خليتي استهتر

اشرت على نفسها بغضب ... انييي انييي خليته استهتر لك اني نقذته من مزبلتكم من واقعكم هسه لو ظال وياك جان هسه مثلك لا علم ولا فهم وماخذ الشوارع مثلك ومثل هذا اخووك يا همجي

اشر عليها بتهديد .. شوفي لج بت وجيهه الساقطه سدي حلكج وما عندي كلام وياج ويه الجحش الجلب مال ساهر صاير جلب تحسين الوفي وتحسين لك كوا.. لك عار تغدرني واني اخوك من لحمك ومن دمك شكد انطوك وانطيت بيه

نزل مصطفى راسه بجمود وحرف واحد ما نطق وخشمة ينزف دم

تقرب منه وهو يحجي من بين اسنانة .. انسى بعد عملتك مال البارحة تكون اخوووي كل شي انتهى بينه وخاف جنت قبل تغلط واخيطلك هسه لا هالمره ماتت مثل ماتت رحيق وخاف رحيق الها ذكريات حلوه انت حتى كا اتذكرك لان ما زرعت بس الشوك

مصطفى باوعله وهو يكتم غضبه احسه كوه مسيطر على نفسه ما ينفجر ويخرب الاول والتالي

جانت اختي زينب تباوع للاشتر خايفه وتبجي ولازمة بذيال عمتي باوعلها الاشتر بحددده ورجع وجهة نظراته لمصطفى

رفع اصبعه بتهديد وهو يكوله .. انت خربت كل شي جنت ابني بيه انت السبب بكل شي البارحة قضييت على اخر امل بحياتي ودام هيج انت حالك من حال تحسين وساهر لو اشوفك تموت اكعد اتشمت بيك وما يرفلي جفن يا حيوان يا خسيس

بحياتي ما شفت واحد مثلك نذل وحقير ولك انت شنوو من مله انت شنو لو تدري مو صوجك صوجي اني الي عبالي انت ادمي وعبالي يصير براسك خير وترجع لعقلك بس طلعت غلطان وكلك خسه ونذالة ولك اني بايعك من زمان بس تحز بخاطري كلمة امي من كالت الي .. اشتر رجع مصطفى ويه اخوانه

عاطت عمتي وهي تكول .. انت شتحجييي شتدخربط انت شنو من مله تريد تخرب ابني عليه تريد تاخذه امك ماتت وهي انطته اليه وحتى وصتني اخذ زينب

رد عليه بقرف.. انتي هييي كلامي ما موجهه الج وخليني ساكتين ما اريد افتح دفاتر عتيكة واذكرج شلون ساومتو امي واخذتوا هذا النذل وعلمتو على طباعكم اخذوا بالعافيه عليكم الي ما يريدنه ربح ما نريده خساره واجمعها كلها ونلم شكلنا بس هو خارج قوس اخذي تهني بيه باجر هم يغدرج لان رب مال حقاره وهذا طبعه

اشتر جان يحجي وهو يرجف يرجف احس باديه ترتعش

بعدها الاشتر طلع وهو يبصق عليهم ... تف عليكم وعلى ساعة السوده العرفتنه بيج وبامج الادبسز ام السحورة وبسيطة وجيهه عبالها اخذت البيت والاملاك كلها مصدكة روحها العار خليها تحضر روحها السبت الجاي جايها تبليغ تحظر بالمحكمة لان راح ابيع كل الاملاك بالمزاد واوزع حصص

هي فتحت عيونها مصدومة كالت .. انت شتحجي انت ما الك اي حصه ابوك ومات قبل ابوي يعني ما تورثون

رفع حاجب بسخريه وهو يكولها .. نسيتي لو اذكرج ترا اني وصفاء اخوكم بالجنسيه ولو هذا الشي ميشرف بس وكت المصالح يصير البحر مالح لذلم هالشي المصلحتي

حجه اخر جملة وطلع وهي تفح مثل الحيه من عصبيتها وغضبها ومن كلامه المعلن وصدمتها بيه

ظل المكان يفتقد للاشتر وهي صاحت بغضب .. شفت مصطفى شفت شكد حقير هذا شكد نذل وكلب رافع دعوه علينه وراح يجينه تبليغ تعرف شنو تبلييغ ولك هذا طغى تخبل شفت شلون ضربك مو اكلك ابتعد منه هذا مجرم مجرم متاخذ الكلام

عاط بيها بغضب وهو يكسر بالاشياء الموجوده كدام المسبح كال ... كاااافي كااافي لا تحجين وياي والله بعد بس تحجين كلمه افرغ المسدس براسي وارتاح منج وارتاح من كل شيعووفيني لا تحجين عوفيييني

طلع بسرعه من البيت وهي تصيح عليه .. ماما ماما صوفي حبيبي لا تقهر نفسك خلي يولي فدوه يروحلك

طلعت وراه لزمته وعطت بيه .. دوكفوا خلونه نفهم انتم شنو من مله كل شويه واحد زاكط بمكان واني مثل المطي اركض وراكم واريد افهم السالفه ماكو

دار وجهه عليه وهو يحجي بغضب .. شفت شفت شلوون ضربني شفت شلون يتهكني بشغلات اني ممسويها اني كتلك كلت من زمان هو يكرهني هو يضوج مني حاقد عليه لان يعتبرني اني موت امي شفت شلون يكول انت جلب تحسين الوفي

اشر على نفسه بغضب وهو يكول ...اني جلب تحسسين الوفييي انيييي؟

رديت عليه ببرود.. اي والله انت جلب تحسين الوفي واريد اعرف شنو الي سويته حتى خليت الاشتر هيج يهجم عليك ويضربك وهو دائما يدافعلك كلي شسويت البارحة انت مو جنت وياه

نفخ بضجر وهو يكول .. اي التقيت بيه وشنو يعني قابل شصار جبت عليه عصابه لو اعتقلته لو اغتاليته هو مجرد التقيت بيه وخله وراح لبيته هو صاير شي بيه شي يعني شنو الي صار حتى هيج سوه بيه

هزيت راسي بنفي.. والله اني ما اعرف ما اعرف اصلا شنو الي صار ما شفته بس طلع من البيت وهجم عليك هذا كل الي اعرفه

مسح وجهه بتوتر وهو يكول .. شصار معقوله ساهر دك بيه الناقصه اووف والله احتاريت حيره يالكعبه

باوعتله بشك وهو عافني وراح ظليت مسطور يا ربي شصار اريد اعرف شصار مو طكت روحي

.................................

سولين

جنت كاعده وشعري مبلل بعد ما سبحت وثوبي كله مي وماده رجلي وجعها خارق ابجي بصوت مسموع واون من الوجع اذيه داخل روحي ماتت من قهري ومن حزني

رجلي توجعني ساعه اعكفها وساعه امدها من حلاة روحي شربت المسكنات كلها ودخت وضليت اتقيئ وما سكنت

همست بداخلي والحرگة تسري بوجداني .. الله ينتقم منك يالاشتر على السويته بيه دمرتني دمار اخر شي قضيت عليه ياربي شوكت اخلص منك شوكت

والله جنت فرحانه وكلت ابدي حياة جديده من بعد ما دخلت جامعه وحاولت أتأقلم ويه حياتي واخر شي قضى على حياتي دمر كل شي دمر حياتي دمر كل شي اذاني اكره يا ربي اكره ما اريد اشووفه

بس لا يجي للبيت ما اريد اظل هنا ما اريد

شعري جان مبلل حتى ما الي خلگ امشطه جسمي كله متشنج وكله يوجعني رفعته ليفوك وربطته غمضت عيوني واجانه خياله وهو ينتهكني مثل فريسه مذبوحة متكدر تعين نفسها

فتحت عيوني بفزع ... لاااااا وخررر مني وخررر انت شسويت عووفني

حاولت اصبر نفسي والومها .. كافي انتي تبالغين هو زوجج والصار لا عيب ولا حرام يعني هذا حقه ومن زمان جان لازم ياخذه

رجعت حجيت ويه نفسي .. اي حق اييي حق الي دتحجين عنه كل شي صار   اغتصاب من الخطوبه لحد الان واني كل شي رافضته وهو يحبرني جبرني وعيشني وياه وتحملت كل شي وياه اسلوبه غموضه الناس المحيطه بحياته من وراه انكسرت وظليت اعرج وهسه دمرني اخذني بقسوه وهمجيه حتى ما جنت محضره نفسي ما شفت شي منه لا خطوبه مثل العالم ولا زواج مثل العالم

رديت على روحي بغضب .. لا تببرين اله سولين لا تنسين كل شي صار البارحة انهدم كل شي هو صار كم يوم مو طبيعي وتصرفاته مو منطقيه تعرفين شنو انتي من يوم الي رحتي ويه صفاء وهو يتصرف مو بمنطقيه جان حاقد عليج جان يحسسج انتي تخوني بس انتي ثوله وعوبه

اني جنت ما كاعده بنفس الغرفه الي اغتصبني بيها لا جنت بغير غرفه لان مستحيل اكعد بهيج غرفه شهدت على سبب اذيتي وانسلاب روحي

شفت مقبض الباب اتحرك زحفت على الارض بخوف وقلق صرخت بصوت عالي... لااااااا اطلع اطلع

ختلت بالحايط ودرت وجهي واصرخ.. عوووفني لاااا لتتقرب مني اكرهك اكرهك واخرر مو اخذت التريده وخر مني

همس بحنان وهو يكول .. خويه سوليين لا تخافين اني صفاء شبيج شصاير وياج

شهكت برعب وباوعتله واحس التنفس مالتي صاعد للالف بجيت بحسره و وكفت وكوه امشي .. صفاء اخذني طلعنيييي فدوه طلعني ما اريد اظل هنا فدوه اخفيني منه عفيه لا تخليني يمه فدوه ابوس ايدك حباب

رد عليه بخوف .. شبيج خويه كولي يا الله شصار بينج وبينه ليش هيج تحجين

لزمت ايده واني اتوسل بيه وعبالك هو حبل النجاة اليه ... فدوه بروح اختك رحيق خلصني منه خلصني ما اريد اظل وياه فدوه ما اريد الله يخليك ابوس رجلك ابوس ايدك اذا فعلا تعزني طلعني من هذا البيت ما اريد اشوف وجهه فدوه

تنهد وهو يكول .. زين احجيلي .. هو شنو الي صار بينج وبينه ليش هو متخبل وانتي هم متخبله ومصطفى بالنص غير اعرف شصار

هزيت راسي بنفي وبضياع .. لا ما اريد اني لا هو ضربني من دون سبب اذاني وكرهني بيه وكتلني جرم بيه ولا كال خطيه مريضه ونفسيتها تعبانه تعبت نفسيتي بالزايد والله تعبت بالزايد احس اريد امووت ترضاها اموت

جر نفس عميق وزفره بحزن كال .. لا اسم الله عليج خويه مدام هيج حضري نفسج خليني اخذج بالبيت الي كاعده بيه

مشيت بسرعه وخليت ورحت لبست بسرعه واخذت ملابسي وطلعت جنت امشي جسد من دون روح وكل حزن العالم بيه ما اكدر استوعب الي صار ولا استوعب حجم الاذيه

ركبت وياه بالسياره جنت اتلفت يمين ويسار واامن المكان جنت اخاف يجي ويشوفني وما يخليني اروح واني جنت بس اريد اطلع بس اريد اخلص منه

مشت السياره بيه واحس براحة شويه ما بعد ما ابتعدت عن المكان شفت باب الله واحس اشتميت الهواء

انصدمت من وصلت للبيت الي جنت احس بيه مسكون خفت حييل وتراجعت ادخل بيه مره ثانيه بس ما كدرت ارجع لان خطيه اني ورطت صفا وهو مسكين ما عنده غير هذا المكان واصلا زين منه وبعدني من بيت الاشتر

دخلت اباوع للبيت بترقب وخوف وقلق مسحت دموعي وسميت بإسم الله وقريت آيات قرانية تبعد عني الشك والخوف

صفاء طلع مفتاح من جيبه وهو يكول .. خويه هذا مفتاح اني ما اعوفج وحدج واني اصلا دوم كاعد هنا لان هو الاشتر مكعدني بيه لان يردون يسون كبسه على اولاد تحسين ويجمعون هنا سلاح

فتحت عيوني مصدومة ومرعوبه ... يمعود اخاف يكبسوني وياهم وادخل سجن

ضحك وهو يكول ..لا خويه لا تخافين هههه لج قابل شنو هيج تجي الكبسه غير هو اتفاق مسبق بين  المخبر السري وبين الاشخاص الي متكفلين بهاي القضيه وبعدها يجي التبليغ ويلزموهم هنا افتهمتي

هزيت راسي بنفي وخوف. وقلق ... لا مفهمت شنو شلون هذا البيت لمنو تابع

ضحك وهو يكول .. بيوت الحكومة هههه مسامعه من يكولون هاي سياره حكومية هذا البيت هم هيج

رديت عليه .. صدك تحجي

جاوبني ... لا جذب شبيج اشاقه وياج

ظليت بحيره يا الله ذول الناس غريبين عجيبين متعرفين صدكهم من جذبهم والله حيروني

اخذت المفتاح ودخلت جوه قفلت الباب مرتين وكعدت اندب حظي وانوح واتخيل شلون حظني اتخيل لمساته واتخيل كل شي منه

وارجع الم نفسي وامسح وجهي واطرد كل شي من مخيلتي

....................

جيهان

اخذتنه افيان وراحت بينه لبيت جدو كهلان والله شنو حجتها حنونه تريد اسوي شعرها سلفر واريد اقصر شعرها وانوب اصبغه اله اطلعها تموت

هذا كلامها بعد صدك تطلعها تموت لا الله اعلم

انوب لزمتني وهي تكول .. عيني ست الحسن اريدج هناك تسوين روحج تريدين تموتين على عمج كريم وشيريد انتي تكمزين من مكانج حسيي بحبج حسسي باهتمامج حتى يتلحلح ويجي يخطبج خو ما انخلصها مراسل وكل شي ممحصلين

رديت عليها.. يعني شسوي افرج رجليه لو اديه لو راسه  لا مستحيل اسوي هيج

جاوبتني بسخريه .. لا نامي وياه وتغطي

ضربتها بغضب ... هييي شبيج انتي لا تحجين هيج دا احجي صدك

ردت عليه .. لج ماما حبيبتي عيني اهتمي بيه اسألي عن حاله كليله اسويلك شي دافي تشربه محتاج شي شلون صرت لا تفرجين ولا تتلمسين خلي الرجال ساتر علينه

ضحكت .. ههه ها اي اذا هيج سهله ادللي اسوي ابين اني مهتمه بس انتي بطلي متعيني ماتت بجي عليك لان استحي عيب

جاوبت بعدم اهتمام .. خوش خوش احاول اكلج بس صدك خطبني اخو الاشتر مصطفى بس مشكلة ما عندي ثقه بالزلم انوب هو مو محل ثقه شتكولين اوافق لا والله حيره مو بس حيره لا وجيره هم من جيره بفركي من يوم جبت صافي وخليته يحبني اقط بيه ويحبني شايفه هيج ثول

ضحكت ... هههههههه يمه متت بس والله هو صدك مو محل ثقه مو مثل حبيبي عمو كريم

دفعتني وهي تكول .. وخري لا اغم روحي حبيبها عمها كريم عساس عمها ثقه طكها بمره

ضربتها .. ههه ولج ما طكني بس هو تزوج عادي يعني شسوي بس شفتي حتى وهو مريض نازك وانيق ومرتب اوي فدووه

هزت ايدها معاجبها غير الاشتر نسيبها الكفو على كولتها واحنه خلينه ورحنه لبيت جدو

ظليت كاعده بالصاله وعيني على غرفته يا الله شوكت يطلع شوكت اشوفه واكحل عيوني بيه شلون احبه احسب دقيقه دقيقه حتى اشوفه ومن اشوفه عندي عيد محد شاف كريم بعيون جيهان احبه مو بيدي

رغم يكولون مغرور رغم يكولون جامد عصبي شايف روحه بس لا اني اشوف مبي شي واصلا حباب ولطيف وكل شي بيه حلو

فافي كاعده تصبغ بشعر حنان وتهمبل عليها وتجذب وتكلها .. صالون اريدوا رادوا اشتغل وياهم بس اني ما قبلت بصراحة شغلي ماشي واطلع احسن من ما ينطوني اريدو بعد شكو اصلا راح افتح صالون وانافسهم واخبلهم

مشيت عنها شكد تلغي وتحجي وذيج حنان متخبله وياها وتريد تسويلها كل شي حتى تثير حلوه للعلم حنان حلوه مو محلوه

طلعت بالحديقه اشتم هوا واصلا احب حديقتهم حلوه وبيها انواع الورود ودائما اسقيهن وابد ما احب اقطفهم لان حرامات شكلهم حلو ويجنن

بعدها دخلت جوه شفت كريم طالع من غرفته ويمشي بحذر وتعب باوعتله و وكفت بمكاني ما اعرف شبيه جسمي كله يرجف خوف ورهبه وحب

باوعلي متفاجئ من وجودي وهو متألم ولازم عمليته بوجع كال .. هااا عمو شنو شوكت اجيتي

ابتسمت بارتباك جاوبته .. هاا عمو شلونك والله قبل شويه شلون صرت انت

رد عليه.. لا الحمدلله شويه احسن بس بعدها العمليه تاذيني

نزلت راسي واني اعضعض بشفايفي مرتبكة .. الله يشافيك عمو

مد ايده وهو يكول .. تعالي وصليني للحديقه اريد اطلع شويه اختنكت

فتحت عيوني مصدومة وخجلانه هذا شديحجي اني شلون هيج الزم ايده والله استحي

رجع حجه بأمر.. يله ولج تعالي ما بيه امشي

تقربت منه وهو لف ايده على كتفي احس ضعت جواه واني لسمته من خصره سندته وامشي بيه وذاب كل حيله عليه عبالك جبل مو رجال هسه اوكع ونتكسر اني وياه حسيت المسافه صارت طويله اطول من الحرب العالمية

كعدته على الكرسي بحذر وهو بعد ايده عني وهو يرص على كتفي كال .. اي مشكوره عمو ما قصرتي والله انتي بنيه نادره ومعدله انتي الماسه وكلش حساسه

جنت مبتسمة من كال .. انتي الماسه وكلش حساسه اختفت ابتسامتي وبعدها ضحكت بفشله مسحت وجهي بتوتر .. ها عمو شكرا والله انت زين

ابتسم كال .. اكعدي
درت وجهي واني اباوع للباب كتله .. هااا لا ما اريد بس عمو حبابه اريد شوربه من اديج الحلوات ذاك اليوم طيبه مسويتها

ابتسمت .. اي تدلل هسه اسويلك

خليت ورحت وهو نظراته تتبعني بحب ولهفه يالله دا احس بيه يحبني حيل يحبني فدوه الله يحفظه ويگومة بالسلامة

رحت للمطبخ دا اسوي شوربه ام حسن دخلت وهي متعصبه كالت .. شبييج شكو شدتسوين

رديت عليها واني لازمة الجدر .. عمو كريم كال سويلي شوربه ودا اسويله

خزرتني متعصبه مني حسيت بيها وبعدها خلت وكعدت تباوعلي واني كصصت البصل حمسته هو العدس وخليت وياه مي هو يحب بيها بتيته

فكشرت البتيته دا اسويها وياها جانت السجينه مو حاده وكوه تگشر فدتروح نص البتيته

اشو هاي تعصبت واجت يمي اخذت البتيته  من ايدي وهي تصيح عليه .. هو هيج الي يسوي هييج شمرتي نص البتيته بالزباله صدك جذب كل شي ما تعرفين

انصدمت منها شلون اخذتها مني بحقد وفشلتني مال وحده حاقده احس سخنت من الفشله وظليت ابلع بريگي

عدلت شالي وطلعت من المطبخ صار هو بوجهي كال .. هاي شنو طلعتي من المطبخ خلصتي الشوربه

رديت عليه بهدوء .. عمه دتكملها

هو عرفها غثتني دخل للمطبخ ولزم ايدي وسحبني كلها .. عمه ليش اخذتي شغل جيهان منها اني اريدها هي تسويها البارحة سوتها حنان جنها عجين ظليت ليل كله اتقيئ شنو تردون تموتوني انتم

جاوبته بفشله وضحكة .. هههه يا جهونه ما تعرف تكشر البتيته ذبت نصها وكلت اني اكملها بدالها

جاوبها بنص عين.. فدوه الها  المهم اكل من ايدها شوربتها خفيفه مو ثكيله

انطته اليه وهو كعد يسولف ويه عمته ويدخن شلون تقبل يدخن وهو مسوي عمليه وطالع من الموت والله لو عندي سلطه عليه اطفيها بشفايفه شنو هاي ما اسمح ياذي نفسه ابد

كملتها اله وصبيت وانطتها اله ظل ياكل وخليت وطلعت

اول ما طلعت وبيبي ام حسن لزمتني وهي تكول .. يمه جيهان خلي انصحج نصيحة ابتعدي عن كريم لان حتى جدج ما يقبل تاخذين كريم

فتحت عيوني مصدومة من كلامها وحتى ما عرفت شنو احجي ولا كدرت احجي ولا كلمة وحده

اجيت حتى ابجي من كلامها دوم هي تقلل مني ودوم تبسمرني انوب موقفها قبل شويه مال وحده حاقده ومنهاره وما تريدني هي الكريم

هزيت راسي بإي وباوعتلها بكبرياء وعفتها ورحت انتظرت افيان تكمل وخلينه ورحنه وتسالني شكو بس اني مجاوبتها

..........................

صفاء

جنت كاعد بالبيت القديم مو الي خليت بيه سولين لا البيت الثاني لان جان عندي شغل بيه وهم اجيت اشوف الاشتر واكله شولين عندي لان من سابع المستحيلات اضمها منه وما اكوله عن الي صار

دخلت اسبح عفنت ذاك البيت ما ينسبح بيه بصراحة حمامه معفن

كملت سبح اول ما طلعت شفت الاشتر يفتر بالبيت وهو ملهوف ويرجف ويصيح .. سوليين سوليين وين رحتي سولييين لج والله مو بيدي الصار مو بيدي بس افهميني

صحت عليه .. اشتررر

رد عليه وهو يرجف كال .. صفاء سوليين راحت سولين انهزمت بسببي

جاوبته واني اطمنه.. لا تخافين سولين جانت منهاره واني اخذتها يمي هي طلبت مني هيج وكعدتي بذاك البيت

لزمني وهو يكول بخوف وقلق .. بس سولين تخاف من ذاك البيت شلون تخليها وحدها لا تعوفها وحدها

رديت عليه.. لا والله ما اعرفها ابد بس اجيت اشوفك اريد افهم شنو الصار بينك وبينها حتى هيج منهاره وبعدين توسلت بيه اخذها حتى ما تشوفك واني رحمت حالها واخذتها لذاك البيت

هو مسح وجهه بتوتر ورد عليه .. زين سويت واني هم ما الي عين بعد السويته بيها ولا راضي بإي شي بس ما جنت واعي عن شي

سألته.. انت شسويت الها؟

رد عليه بغموض .. صار بينه خلاف واذيتها

رديت سألته.. زين شنو الي صار بينك وبين مصطفى حتى هيج تسوي بيه وتضربه

جاوبني بغضب وهو يكول .. هذا الكلب السافل لا تجيب طاريه بعد رغد يستفسر عن التبليغ الي قدمته عن ساهر و وجيهه بخصوص البيت ورحت وياه تالي شربني اني متاكد هو شربني

انصدمت .. لا مو معقول انت شلون تامن بيه وتشرب اصلا شلون تشرب

نفخ بضجر وهو يكول .. لااا مو هيج انفقنه نلتقي بالكوفي ورحت قبله كعدنه وسولفنه واني طلبت عصير الي واله اول ما شربته دخت لك دخت احس الدنيا افترت بيه وسودت بعيني

بعد ما دريت بروحي بس جنت اشوفه يحجي ويه تحسين واتذكر صعدت بسيارة تحسين وحجيت وياه بس شنو الكلام ما اتذكر ولا اتذكر بعد وين رحت شي غريب

بس الي صدمني يعني هو مصطفى لا خله شي ولا جاب وياه شي اني طلبت واني شربت شلون هيج صار ما اعرف عقلي راح يطك والله راح يطك من البارحة لليوم افكر دخت ما ادري شنو الوضع

باوعلي بتفكير وهو يكول ... لك لااااا عرفت الضاهر هذا النادل الي يشتغل بالكوفي هو وياهم لان بس شربت الي جابه هو حسيت بطعمه غريب وكذلك هو جان مرتبك بحيث اجه يبدي

صفك ايده بغضب وهو يكول .. بسيطه والله اذا طلع وياهم ميلوم الا نفسه

خابر على سالي وهو يكلها .. تعالي للمطعم ضروري اريد تكتبين مذكرة اعتقال بحق شخص تعالي بسرعه

بعدها كمل .. تمام يله عادي باليل اجيج لازم اجي ونتفاهم على كل شي يله مع السلامة جايج عدنه شغل مهم

قفل الخط واتصل على عايد وهو يكوله .. عايد طلع عامر بسرعه خلي يروح البيته هالخبل هذا لازم نستفاد منه وصار لازم يطلع هسه

خلينه ورحنه بعد ما كمل اتصاله وياهم رحنه يريد يشوف سولين كال اشوفها من بعيد ولا تكول الها اجيت وشفتها ما اريدها تعرف اني اتردد عليها

دخلنه للبيت اشرت اله وين كاعده وبيا غرفه هو راح الها ويباوعلها من الشباك تنهد بعمق

باوعلي بداخله حسره ويكتم بداخله هز راسه باسى كال .. دير بالك عليها صفاء ترا مسكينه اذيتها اذيتها حييل وهي متستاهل

ترك البيت وراح واني احس فسرت الموضوع وعرفت شنو الي صار تنهدت بحيره وخليت البنيه بعيوني والله داريتها وكل شي تريد اجيب الها صدك ما اتسوك بس اجيب من المطعم وما مقصر ان شاء الله

.......................

افيان

جنت اريد اخابر نسيبي على ختيبي صافي فشخة بس شو استحيت شنو السالفه ممصدكة مخطوبه شني السالفه شدعوه مستعجله ويييع شنو شبيه كاعده بالشارع لو اول مره واحد يخطبني لا بطلت ما احجي خلي مو هسه خلي اطول

انفتح الباب بقووه وهجوم مباغت منه شفته ابويه دخل جنه مسودن خفت منه من شفته دخل من دون سلام وكلام وراح يركض فتح البوفيه طلع الكعكات مالاته وملابسه ببقجة وفلوس وراح يركض وهو يكرط بكعكاته

ورجع يخابر والكعك بحلكة كال .. هااا اجيت اجيت اليوم نطلع للعماره مو يله جاي جاي

طلع من البيت واني فرحت اي همزين عساك لا اجيت وليش طلعك نسيبي الكفوو ليش لييييش ؟ نسيبي طلع مو كفو على الهدكة لا جذب كفوو كفوو اروح فدوه الطوله وخشمه ابو وكفات الحلوه

اجتني رساله من صافي وهو كاتب .. هلا فافي

رديت عليه .. هلا يعيني هلا يداده يالماخذ گلبي وافاده

رد عليه بجديه .. افيان اجلي الكلام ويه الاشتر حاليا لان صار خلاف بيني وبينه

جاوبته بغضب ... خلاااف لك لو تموت لو تنط وتحط لو تصير للسما وترجع وتروح لكوكب المريخ وترجع للارض بعد ما اقبل بيك لك شلون تخالف نسيبي ولك نسيبي لو يكلك هذا القمر وهي الشمس تكله اي صح هذا القمر واني الممنون تمام

رد عليه.. شبيج انتي خبله دروحي طالعه روحي

كتبتله .. عساها طلعت وشسويلك وهااا روح دور غيري مموافقه بااااي

قفلت الموبايل ورحت اركص اسمع اغنية مظلومة صحت بصوت محد سمعني

اوووي شكد مظلومة انكط انظلام كلها ظالمتني

................

جيهان

جنت دا احف ببنيه تريد تنخطب جنت كولش فرحانه الها يارب تتزوج وتنسعد شكد تمنيت انخطب وانسعد اني وكريم واحب حفافة الخطوبه ياربي والله شعور حلو يارب كون تسعد كل بنيه وتحس بهذا الشعور الحلو

اندك الباب راحت فافي فتحته كالت .. جيهان كومي اجه جاسم يريدج كريم متخربط ويردون تسويله شوربه ههههه حب من اول شوربه هسه الزلمة يتسمم من وراج هههه شبع شوربه

عفت البنيه تكملها ورحت بسرعه بدلت وطلعت اركض واخذت اللموبايل وياي هاي فافي من اعوفها تخابر بمصطفى واني ما اريدها تخابر بيه سلمت على جاسم وصعدت وياه بالسياره حتى نروح

دخلت جدو كال .. هااا بويه كريم متخربط ويكول ذن ميسونها زينة الشوربه يسونها ثكيله وهو عاجبته الي تسوي انتي

اشرت على عيوني جاوبته .. اي تدلل انت وياها جدو هسه اسوي

سويت الشوربه بسرعه وواخذتها اله خليته يمه هو جان متمدد على الجربايه سلمت عليه وظل ياكل بيها

دا اطلع هو شاف الموبايل بيدي صاح عليه .. جيهان عمو تعالي احجي وياج

ارتبكت حيل من صاح عليه وتقربت منه كال .. جيجي اريد اسالج سوال هم تعرفين بنيه اسمها جنى

هزيت راسي بنفي بس شنو الخوف سيطر عليه وارجف بصوره مو طبيعيه حتى ما اكدر احجي انلوه لساني جاوبته ... لا ما اعرفها منو هاي

باوعلي بنظرات غريبه وهو يكول .. انطيني موبايلج

مديت اله الموبايل مثل واحد مسوي جريمة والخوف سيطر عليه وارجف رجف مو طبيعي

باوعلي مره ثانيه كال .. افتحي الرمز وقبل لا تجذبين وتكولين ما اعرفه ما اتقبل اعذار وجذب افتحي وخلينه نشوف شنو السالفه

فتحت الرمز واحس حتخربط عزااا عرف بيه عرف عزا العزاني لو اموت ولا هذا الموقف ولا هيج يصير بيه ياربي شلون

لزم موبايله وهو يدخل على حساب جنى واتصل على روحة من موبايلي ونور موبايله باسم الفيس.. حساسه ودمعتي الماسه

نهاية البارت ... يتبع

كونوا انتم كونوا بخير ... احبكم💔

مو تنسون التصويت عبن البارت طويل والي دكول ما طويل احتمال هي گصيرع