#وكر الأشتر الفصل التاسع وسبعون 79 - بقلم سمو العراق

البارت ١٩
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔💔💔💔

وكم من ندامة خلفتها وراء هذا الصديق، وكتبت من صميم فؤادي وصديد قلبي، غدر الصديق سكين تصيب القلب فلا يبرأ.

..............................

جيهان

جنت بحالة صدمة بعد ما فتحت الجنطة وما لكيت بيها شي الفلوس وين راحت رجعت دورت مره ثانية واحس گلبي راح يتوقف من الخووف

طلعت بسرعه للغرفه الثانيه الي بيها امي ودائما نكعد بيها حجيت بصوت مرعوب .. يمه فلوسي ماكوو ولا فلسمحد شايفهن

امي حطت ايدها على صدرها برعب وهي تكول .. يااا يمه اسم الله شوفيهن منا منا خاف واكعات اسألي خالتج تسواهن اخاف ضامتهن عندها

لزمت الجنطه وايدي ترجف من التوتر والخووف رحت الخاله تسواهن لكيتها بالاستقبال كاعده تخلط بالخلطه هي وافيان ويتناگرن

كلتلها بخوف وحلكي يبس .. خاله فدوه مشايفه فلووسي فتحت الجنطه بيها الفلوس اشو ماكو ولا فلس

شمرت الخاشوكة التخلط بيها و وكفت كالت بغضب .. يمه اسم الله ولج شلوون ماكو روحي دوري زين هذن لا مليون ولا مليونين ولج ذن خمس ملايين

بلعت ريكي والدمعه بعيني .. دورت كوومة ما لكيت بس الجنطه وفارغه

افيان ردت عليه كالت ... عزاااا صخام الصخمج كوون بالعباس تتطلكين ولج شلون غير احطهن بگلبي شلون هيج تضيعيهن

كل جسمي رجف من كلامها رديت عليها... والله مخليتهن بالكنتور وجوه الملابس وكل شويه اشوفهن بس ما ادري لكيت الجنطه فاارغه

انتبهت على الصوت الصادر من الغرفه ودرت وجهي بسرعه سمعت صوت امي وهي تكول .. ولج جيجي يمه تعاي احجيلي گلبي ناار

رحت بسرعه عليها اركض كلتلها برعب ... هااا ماما الفلوس راحت راحت ما اعرف وين يمع گلبي احس گلبي حيوكف شسوي يربي ما اعرف شسوي

رحت افيان تركض رحت وراها الكنتور فتشناه تفتش حتى جرايناه اني وخاله تسواهن وافيان وماكو تخبلت احس دخلت بدوامه

ظليت اصرخ وابجي حتى حجابي شمرته .. شسوي ياربي شسوي وين اروح شلون اكول الكريم ضيعتهن شلون يصدكني ياربي شلون بيه احس گلبي حيوكف من القهر

اجت خاله تسواهن غسلت وجهي وشربتني مي وهي تكول ... اصبري شويه هسه نلكاهن وين يرحن وخلينه نتذكر من دخل علينه بهاي الفتره

افيان ردت عليها .. محد داخل علينه معقوله حرامي دخل واخذهن بس اني وجيهان ننام بالغرفه يعني ممعقوله ما حسينه بالحرامي ترا شي ميدخل العقل

صفنت ثواني واتذكرت كلتلها ... اي صدك تذكرت كوثر اجت هنا ودخلت بهاي الغرفه كالت جوعانه وسويت الها غدا صبيت الها وهي ظلت وحدها يعني معقوله هي اخذتهن

افيان بتفكير .. اي ماكو غيرها هي هاي الكح ... الادبسز بس شلوون نطلعهن منها واحنه حتى دليل ما عدنا عليها

تسواهن ... كون العباس يسطرها ويشهرها اذا هي اخذت الفلوس

طلعت صدرها وهي تدعي ..يا كويثر يبت كهلان اريد الشهيره يشهرج ويطيح حظج اذا فلوس جيهان عندج وعلي ولا مرتاحه الها جنها بوز ابو العرس

كملت كلامها وهي تكول .. رايحة اهد عليها بلكي الله واكتلها واطلع الفلوس منها

لزمتها بخوف وقلق .. لا خاله اصبري هاي انوب تروح تفر السالفه عليه خلينا نفكر شنسوي

رحنه لامي وحجيت الها عن السالفه كالت .. خابري جاسم خلي يجي لان ما نريد الموضوع يوصل لكريم اخاف ما يصدكنه وعباله نتبله على اخته خليني احجي ويه جاسم ونشوف شيسوي

اني هم ما جذبت خبر اتصل بجاسم وكتله ماما تريدك عندها موضوع وياك اذا تكدر تجي

رد عليه كال .. ان شاء الله بويه بلكي اليوم اجيكم من اخلص الزبائن العندي اقفل السنتر واجي

بعدها حابر كريم الحمدلله كال .. اليوم ما اجي صار عندي شغل ان شاء الله بلكي باجر انزل الصبح واجي اخذج

حمدت الله وشكرته كلت بلكي يصير عندي وقت حتى اكدر ارتب الامور وشوف جاسم شيسوي

.........................

سولين

رحت للجامعه بس جنت حيل ضايجة وطفلي عايفته عند خاله تسواهن وعند افيان هسه يخبلنه خطيه طاح بيد افيان وتسواهن هسه يطلع يبيع خلطات ياخذ من افكارهن

جنت افكر بالطريق بحياتي احس شويه صحيت على نفسي اني شنو ليش هيج دا اهين نفسي واسترخصت كرامتي وين سولين الي جانت ما يهزها ريح ليش هسه ساحله نفسي وكرامتي ذهابًا وايابا

قررت اعيش النفسي والطفلي الحمدلله اني طالبه جامعيه ادرس تحليلات باجر عگبه اتعين بالمستشفى واستلم راتب اعيش اني وابني احسن عيشه بعيدا عن الاشتر وعن كل واحد

كعدت دا اقره اجت بنيه صديقتي كالت ... سولين انتي دافعه قسط الجامعه لان ما يقبلون تدخلين للامتحان

عقدت حواجبي باستغراب.. ياااا ميقبلون ؟ غير من نستلم النتائج نكمل القسط كله

ردت عليه.. لا عيني طردوا اكثر الطلاب لان يردون القسط كامل قبل نهاية الامتحانات

حطيت ايدي على خدي بفشلة .. عزا هاي شلون منو يدفعلي اشتر وما يحجي ويايه واحنه عائلة مفلسه منين اجيب هسه حتى لو اخلي افيان تجدي بالتقاطع مراح تجمع قسط الجامعه

رحت للقاعه الامتحانيه لكيت اكثر الطلاب ديسوون تعهد يعني لازم باجر يدفعون القسط

حجيت ويه ولد كتله .. بلا زحمة هاي وين اروح اسوي تعهد هماتين مدافعه القسط

رد عليه كال .. تعالي امشي ويايه اخذج للعماده لازم هناك تسوين تعهد

رحت وياه بس جنت كولش خجلانه جان هو ولد شاب من اصول كرديه اشگر وطويل باوعلي وابتسم نزلت راسي بسرعه خجلانه

كال .. ما اشوفج تداومين حتى مجنت اعرف انتي تداومين ويانه

بلعت ريكي وجاوبته .. والله بصراحة اني ما اداوم عندي ظروف اجي بس وقت الامتحانات

رد عليه وهو يكول .. لا حرامات داومي تفتهمين اكثر وراح تعرفين هوايه شغلات عن قسم التحليلات

جاوبته ببتسامة.. ان شاء الله منا وهيج

وصلنه للعماده لكيناها هووسه صايره لخه كلها الاقسام تريد تسوي تعهد

وجانوا لازمين سره على الشباك يعني احنه والوحده الظهر

جان الولد يحجي ويايه وهو يكول .. شتحتاجين راسليني على التلي ادخلي من القناة او كروب القسم وان شاء الله اجاوبج اسمي أيهم جمال

ضحكت .. تمام ان شاء الله اذا احتاجيت شي اراسلك

ويه ما درت وجهي وابتسامه لطيفه على شفايفي شفته طلع من غرفة العميد و وياه دكتور بشار وهو يسلم عليه ويرد عليه .. اهلا وسهلا نورتنا وتشرفنا بيك

باوعلي وعقد حواجبه اني بسرعه ابتعد من الولد وگلبي ورجليه ما ادري شصار بيهن

بلعت ريكي وذاك لطش وهو يكول .. سولين اسمج غريب منو سماج

ولا درت وجهي عليه ولا جاوبته جنت متعلقه عيون بعيون اشتر

رد عليه وهو يكول .. هووب شبيج مو احجي وياج

درت وجهي عليه كتله .. هااا اي بعدين احجي وياك

انتبه على مكان ما اباوع كال .. شنو عجبج هههه بصراحة شكله رجولي خرب عرضجن النسوان تحبن السمر والعمالقه والطاكين

هزيت راسي برفض جاوبته .. لا مو احببه هذا زوجي

فتح حلكة مصدوم وهو يكول .. زوجج ؟ لا بصراحة انتي عقلج خبط من اكول تموتن على الحلوين تجذبني وينه وين زوجج هو انتي كاعده بالعماده تجدين تأجيل قسط وهذا طلع من غرفة العميد الي محد يدخلها غيره

عفته يمسلت الوحده ورحت وكفت على صفحة هو فات من كدامي محجه شي بس جان متعصب وضايج يمكن صعدت عنده الغيره لان شافني احجي ويه ولد

وشسويله يعني اذا هو لابسني ومطلكني يعني شلون لا ارحمك ولا اخلي رحمة الله تجيك ترا هاي مصايره بتاريخ العراق

انوب عبالك مشافني حتى ما سلم عليه هسه شنو شصار ترا عادي حتى لو مطلكين بس ما بيها شي اذا سلم مو صح خلي يعتبرنا أصدقاء

عفته وصاحني هذا الكردي عساس عنده واسطه بالتأجيل ورحت دا ااجل انطيته اسمي الكامل للموظف كال .. سولين عامر القسط مدفوع كامل وهسه

فتحت عيوني مصدومة .. لا مدافعه القسط وبعدين منو دفعه اصلا فوك بالقسم حتى للامتحان مخلوني ادخل

رد عليه كال .. ما اعرف بس بهذا التاريخ تسدد كل القسط

رمشت بعيوني ممستوعبه .. يعني هسه تسدد القسط ماكو غير اشتر هو الي سدد القسط زين ليش يسدده اني وياه مو مفصولين ليش لحد الان يهمه امري

نزلت بسرعه اركض اريد الحك عليه اريد احجي وياه اخذت موبايلي اتصلت بيه لكيته حارج نطاق التغطيه

احس گلبي نار شبت بيه ليش يدفعلي القسط ليش شنو الدافع من تصرفه هذا

نزلت للسنتر ادور عليه ملكيته طلعت برا الجامعه شفت سيارته تحركت ومشت سريع من الكراج مال الجامعه

وكفت بخيبه آمل مكدرت احجي وياه خليني اكرهك خليني انساك انت ما تريدني ماكو داعي لهاي تصرفاتك عوفني الوحدي احتار بحياتي لا تسهله عليه خليها صعبه خليني اعين نفسي وخليك بعيد من طريقي حتى التهي عنك حتى ما افكر بيك واتعب نفسي

بجيت بحسره وقهر موجوعه احس وجعه بصدري ليش هيج صار وياي ليش رجعت للقسم دخلت للامتحان واغلب الطلاب ما دخلت جانوا متشددين حيل من ناحية القسط لان محد يدفع الا بالتهديد

جنت دا امتحن والدموع مثل المطر انتبهت عليه الاستاذه وهي تكول .. ماما ليش تبجين

بلعت ريكي وجريت حسره .. مدا اكدر اجاوب الامتحان صعب وعندي ظروف

ردت عليه.. اكتبي اي شي لا تخلين شي فارغ

ظليت اكتب الي اعرفه وطلعت بسرعه رجعت للبيت روحي ما ادري شبيها اريده بس يعاتبني يحجي وياي سكوته موتني اليوم رجعني النقطة الصفر

دخلت للبيت لكيت الوجوه مگلبه ما اعرف شبيهم ما سالت ولا حجيت دخلت لغرفتي واخذت ابني رضعته ونيمته بصفي اتلمس بوجهه واضحك وياه حلوه يجنن وبعيني اجمل طفل ولا حابه طفل من بعده هيج

فتحت الموبايل مالتي جان اشتر نشط بالماسنجر ما تجرأت حتى اتواصل وياه

بس دخلت على ستوري الانستا شفته مشارك تاك السالي جانت ماخذه صوره سلفي الها ومخليه ايدي جوه حنجها وضاحكه وهو بالكرسي الثاني منزل عينه على موبايله كاتبه ...‏وَجهّكِ يواسِي روحيّ المُتعَبة..

وهو مجاوبه بقلب الحب ازرك

احس روحي عطبت القهر صعد لراسي هاي سالي اذا الزمها الا اشكها بالنص ام الزلم انوب يواسي روحها روح الجلب المعفنه

حظرته من الانستا وحظرتها وشمرت الموبايل متعقده منهم ومن حياتي

شلون هاي شلون حتخلص وياهن ترا والله مو حاله مو جنت ناسيته هو ليش اجه للجامعه ليش دفع القسط ومخلصها دياحة ويه سالي الدايحة مالها زلمه يردها

عزااا بس لا يتزوجها صخام والله اقتلهم واريد الرجال الي يحقق بقضيتهم

............................

جاسم

اتصلت بيه ام امين استغربت من اتصالها هي مو من عوايدها تتصل جاوبتها وطلبت مني اجيها والله هم مقصرت اخذت الهم مسواك وفاكهه وسمج ودجاج ولحم ورحت خطيه يظلن نسوان محد الهن

اول ما دخلت سلمت عليهن وانطيتهن المسواك وجيهان كالت .. امي بالغرفه منتظرتك

دخلت عليها .. شفتها كاعده على الجربايه ومغطيه رجليها سلمت عليها وكعدت مقابيلها ابتسمت بوجهي وظلت تسولف وياي تسألني عن رنا وعلاقتي بيها ومن هاي الأمور

جنت منتظر امها تحجي الموضوع شنو لان بصراحة الفار لعب بعبي بترت باقي حديثها وحجيت .. ام امين دزيتي عليه ان شاء الله خير

جرت نفس وزفرته كالت.. والله ما اعرف شكلك بصراحة بس والله الكلام الي راح احجي الك اني صادقه بيه بكل كلمة وما مجذبه عليك بحرف واحد والله شاهد على كلامي وممجذبه بحرف

رديت عليها .. لا ام امين حشاج من الجذب صادقه

كالت بعد تنهيده وتردد .. خاله جاسم انت تعرف اخوك كريم يجنع بفلوس عملية جيهان وهي خطيه جابت الفلوس وياها بس للاسف الفلوس انفقدت ماكو ما لكيناهن احنه ما نتهم احد وما نخلي شي بخطيتنا بس والله الموضوع يخوف يعني احنه محد داخل علينه احنه

اني ما اريد ابوگ اختك ولا اريد اتهمها بس والله هو محد دخل علينه غيرها واحنه ناس يعني ما عدنا واحد ايده طويله

رديت عليها بغضب .. لا شنوو السالفه اختي ما تبوگ عيب هذا الكلام يعني شنو بعدها ما دخلت عليكم بوگتوها هذا الكلام عيب ما يصير ينحجي

نزلت رأسها بأسف وكالت .. خاله جاسم لا والله مو قصدي ابوكها بس اني هذا الي صار وهذا الي دار بيتنه وجيهان تبجي دم وما تعرف شلون تتصرف اني كلتلها ماكو غير كريم يحلها

صفنت ثواني وتذكرت كوثر فعلا وضعها غريب هي لا تحب جيهان ولا تطيقها من زمان وهي هيج تكرهها شعجب اجتها لا واصرت ان هي تجي وظلت تلح وتلح حتى جبتها انوب ما انتظرت حتى اجي اخذها لكيتها جايه الوحدها ورزلتها

بللت شفايفي بحيره كلتلها .. هسه الله كريم ان شاء الله محلوله اني راح اخابر على كريم واكله راح اخذ الفلوس من جيهان حتى ما يطالبها بيهن اكله مطلوب ولزموا عليه الباب حتى اشوف الوضع شنو

كالت .. بكيفك خاله واحنه تعبانك وشلينه حالك بس والله اني مره على كد حالي ما عندي ان شاء الله بس تطلع فلوسي ان شاء الله اجمعهن الها

رديت عليها.. لا ان شاء الله محلوله

طلعت من بيتهم بعد ما انصلت بكريم وكتله راح اخذ الفلوس من جيهان مطلوب وجايب بضاعه من تركيا وهو خطيه حسيت بيه ضاج بس تقبل الوضع كال .. تمام اخذهن ملحكين على العمليه

رجعت بالطريق واني اربط خيوط هاي القضية اختي بصراحة وضعها مشكوك بأمره يعني شنو شعندها جايه اول مره تجي الهم زياره مو عوايدها شنو هاي شعندها راحت ؟ كلها اساله تدور ببالي وجانت فلوس كريم عندي اخذها كدامها وراح ومن سألني ابويه سولفت اله عن السالفه كلها وعن موضوع الفلوس

وبعدين كتله هو راح يخليهن عن جيهان حتى تسوي العمليه لان ابوي كال .. لا يخليهن لبيته ومرته تروح لاهلها خليهن تاخذهن وياها

رديت عليه .. هو كال راح انطيهن الها تاخذهن وياها لان هم عندها مراجعات حتى تاخذهن وياها

رجعت افكر هاي شلون اني هاي الأمور كلها ربطتها بعقلي يعني بس عرفت بالفلوس لجيهان واخذهن كريم هي راحت الها اكيد هي الها ايد بالسالفه

رجعت للبيت شفتها دتخابر من شافتني بسرعه غلقت الخط وبلعت ريكها وهي تضحك كالت .. هااا جاسم شنو اجيت يله رنا منتظرتك حتى تروح تسوي سونار للطفل

باوعتلها صفنت بوجهها حسيت بيها ارتبكت كلتلها .. تسلم عليج جيهان

حسيت بيها ارتبكت والموبايل رجف بيدها كالت ... ها الله يسلمها شنو جنت يمها

هزيت راسي بقبول وعفتها ورحت حسيت بتوترها وخوفها وقلقها حسيت بيها الها ايد بالبوكة وقررت افتش غرفتها بس يفضى المكان شويه

.........................،

افيان

هاي جيهان فد ثوووووله يعني الثول الشايلته لا هو وراثه لا اجتهاد شخصي ما ادري شبيها يعني شلون تامنين بكويثر وتخليها لوحدها بالغرفه انوب ماخذه الفلوس كلها

ولج امداج يا جيهان اني بروحي ما اثق اروح اثق بكريثر بس هي هاي مطيه ما تصدك واحد يضحك بوجهها تنزع هدومها وحتى الداخليات مال الثول كوون

ربكم امي حلتها ودخلت جاسم جاا لو نبيع خالتي تسواهن هم ما نحصل على الفلوس الجمعهن كريم

خابرني مصطفى وهو يكول .. هااا الحب امي راح تجي

جاوبته .. ولك وين جاي صدك جذب لا مو ليوم اجلها

هو شو ظل يغلط .. هاي شنوو انتي تضحكين عليه امي واختي محظرات نفسهن وجايبات علبة بقلاوة وبوكيه ورد وانتي تكولين لا تجون لا شنوو نجي وغصبا عليج

فتحت حلكي مصدومة.... ياااااااا

رد عليه .. وعلا حتى علا يله حظري نفسج

جاوبته .. حتى شواربي محافاتهم هههه

جاوبني .. هسه لو عندج لحية هم اخذج وجايين يعني جايين

قفلت الخط وطكيتها ركضه رحت سبحت وكلت لامي وخالتي تسواهن على الخطيب الي جايني

جان خالتي تسواهن ظلت تغلط عليه .. ههو انوب مسويته عليه المندوب وهو طلع صاحبها البربوك بالقران احلف عليج تطلكين عشر زلم عود عبالج تستقرين انتي عندج جينات مني مال طلاگ

ضحكت ورديت عليها.. اجدد اذا راحوو شيصير ليروح خلي يطير اصلا حلو التغيير ههههه

غمتني وحظرن رواحهن وكعدت سولين حفت شواربي كيفت مصطفى يخطبني مو حبا بيه لا بس شنو حتى ترجع العلاقه ويه الاشتر

اجت زينب هي وامها هي زينب علاقتها متوتره ويه امها يعني ساعه يم اشتر ساعه يم امها امها من بعد ما اشتر اخذها صارت تتودد لزينب ورجعتها

اجن هنا وجابن البقلاوه وهاي الشغلات وزينب جانت حبابه ولطيفه وياي عكس امها شايله خشمها ومطنكره ويييع شلون عمه جنها حيه مسويه رجيم

كالت بغرور .. مصطفى شايف بنتكم وعاجبته نريد نخطبها

تسواهن .. هي شني مصطفى خاطب جيس مصقول هو هيج ليحجي دحجوا عدل

ابتسمت زينب وهي تكول .. لا احنه بصراحة افونه عاجبتنا وكذلك هو مصطفى شافها كذا مره وانعجب بيها واحنه هماتين نحبها وكذلك نحب سولين واجينه على الصيت والسمعه

ردت عليها تسواهن .. اي هذا الحجي الزين اهلا وسهلا بس احنه عدنا شووط لان احنه مو منطين الكم بنيه لا منطين الكم ورده وفعل وفهم وحكمه تلزم التراب يصير ذهب مرزوقه ومعدله وام بيت وحلوه والف واحد يتمناها

زينب .. اي تدللون شروطكم أوامر المهم ينجمعون فافي وصافي واصير اني حماتها وهي زوجة اخويه ههههه

ضحكت بوجهها بفرحة مدري شبيه صايره احبه صافي فشخه اتذكر من شكيت راسه وخليت خياطات بيه هههههه وهو تحلف بيه يكتلني انوب خليته هو اعتذر مني

اتفقت امي وياهن على الخطوبه بس كالت يجون الزلم يحددون الحاظر والغايب وهاي السوالف وبعد الله كريم

من راحن هو اتصل بيه انطيته اخر المستجدات كال .. يله ان شاء الله اروح الاشتر وصفاء ونجيب كم زلمة واخطبج رسمي الا دك بووس اكطعج تكطع

رديت عليه بقرف .. دروح روح شكد سخيف انوب دك بوس

قفلت الموبايل وحظرته حتى يتعلم شلون يحجي وياي كلام سخيف قبل الخطوبه بس عادي اني موافقه اتزوجة وان شاء الله مظل شي وننخطب

........................

سولين

من بعد ما اجت زينب هي وعمتها حتى يخطبون اختي افيان اني طلعت الهم وزينب تخبلت على ابراهيم تبوس بيه وتحظنه وتضمه الصدرها متعجبه عليه تكول حلو ومحبوب وشكله لطيف

خطبوا اختي افيان وراحن فرحت حيل بصراحة يعني راح تكون عدنا خطوبه وزواج وهاي السوالف حتى بعد اشوف الاشتر واحرك گلبه ولبس المشخلع والملمع واحرك عشيرة الخلفة اخلي يتحطم على جمالي وييي باع الغرور

هو اتصل بماما يحجي وياها بقضيتها وهاي السوالف واني كاعده استمع الهم وحاطه اذاني وبرهومة كل شويه وعاط واني اسكته حتى ما يعرف اشتر ان اني دا اتنصت عليه

كمل اتصال ويه ماما واني خليت ورحت جان وقتها هسه نازله اغنية تيسير السفير مال أكثر سؤال بغيبتك ينگالي يوميه شلونك بدون الفاركك شمسويه بيك الدنيا واني الگلهم من رحت كل حيل ما ظل بيه كل حيل ما ظل بيه

بردت بردت بردت علاقتنا شعجب عايفني هيج بلا سبب واني الي ما اخونك ابد لو غيرك يصبوا ذهب يعني على بالك ما جاي لو حتى مشتاگ هواي

حسيت هاي الاغنية تمثل حالتي اني والاشتر شكد مقهوره اني على روحي

اخذت مقطع منها الي يكون بيه بردت بردت علاقتنا شعجب عايفني هيج بلا سبب واني الي ما اخونك ابد لو غيرك يصبوا ذهب يعني على بالك ما جاي

نشرته على الانستا سولين العوبه متابعتني حتى اني متابعتها احنه وحده تكرهه الثانيه بس وحده تراقب الثانيه دفن شكد حيايه

شويه وسولين شافت الستوري مالتي ردت عليه ما دخلت عليها خلي تولي بعدين اشوف شكاتبه

ظليت اتحرمس ما اعرف شصار بيه بعدها فتحت الرساله شفتها كاتبه ... اي فعلا كولش بارد اشتر من ناحيتح بس بصراحة من جفصتج ومن لسانج تستاهلين

استغربت كلامها وهجومها المباغت عليه كلتلها .. هييي شكووو شبيج خبله انتي شنو لساني شنو اجفص شدخلج انتي

ردت عليه.. مقهوره منج ولج انتي يا معفنه يا همجيه شلون انطاج كلبج تغلطين على تاج راسج يا حشره لج اشتر يسواج ويسوه عشيرتج ويسوه اهلج كلهم

تخبلت من حجت هيج دزيت الها بصمة بغضب ..اكلج انتي شكد ادبسز وما تستحين كافي تحشرين خشمج بكل سالفه ترا عيب عليج اني ممتدخله بحياتج شكو تتدخلين بحياتي انتي مريضه لو خبله

ردت عليه .. لا مريضه ولا خبله انتي المريضه شكد متستحين اكو وحده تغلط على رجلها هيج لج يشكي منج حتى كال جانت وسخة وقذره واهلها قذرين سويتها ادميه سويتها مره تاليها هيج تكول عليه نعال ما اسوه بسوك الزلم وفعلا ممكذب انتي اقذر بسر شفته بحياتي

تخبلت من كلامها جاوبتها .. باعي انتي يا حشره يا قندره خلي يشكي يمج عود ما اوصيج بوسي واحظني وطبطبي عليه بحاجتج هسه وانتي هذا شغلج فد وحده عاهره وخلي يشكي يمج وانتي لا تقصرين

ردت بضحكة.. ههههههه شعندي غيره اصلا هو متندم لان تزوجج يكول انتي وين وهي وين ذيج فد وحده قندره لا عندها اخلاق لا اسلوب لسانها والغلطه وانتي مثقفه ولسانج حلو واسلوبج يجنن فرق بين الثرا والثريا

جاوبتها ... انعل ابوووج لابو الخلفج امشي ولي مني وروحي تهتي وياه روحي نامي بحظنه

بلعت ريكي بغصه .. يعني معقوله هيج يشكي الها اي طبعا لعد شلون ما يشكي هسه يسوي روحه مظلوم واني طالمته لعد هي شمدريها بعركتنا غير هو حجالها

فتحت الموبايل مره ثانيه وحظرت سالي النعال الجالي ورجعت اتصلت على الاشتر وقررت اليوم ارزله وانهي كل شي بعد

نهاية البارت ... يتبع

كونوا انتم كونوا بخير... احبكم 💔

لا تنسوا التصويت والمشاركة بكم نكتمل ❤️

نور سمو العراق