تحميل رواية «وليا معاه حكاية» PDF

قصة..(وليا معـــــــــــــاه حكـــــــــــايه)

انا نازله يا ماما...

ماشي يا حبيبتي متتاخريش..

هخلص كليه واجي علطول سلام...

" حبيبه "

بنوته في اول العشرينات جسمها جميل ومتناسق

عسوله اوي في وشها براءة مش طبيعيه بياضها عامل زي التلج وشها فيه لون احمر طبيعي مخليها زي البدر عنيها لوا بني فاتح محوطاه

الوان كتيرة عفويه اوي بتجري في الدنيا زي العيال الصغيرة بتحب الحياة والجري والتنطيط واللعب والهزار

بتدرس ف كلية فنون تطبيقية فنانه زي ما بيقولولها بتشوف الحياه بلون تاني بتحلم بأي حاجه وبكل حاجة مش بتأمن بحاجه اسمها

الحب بتشوف ان كل دي اوهام بتعتبرة كدبه بيتعلق بيها اللي عايز يصدقه ويمكن يكون عدم ارتباطها لحد دلوقتي.

السبب دا وممكن برضو بسبب عدم الامان الي بتشعر به ناحية الرجاله لاا بتقول دايما اا بنت ف مجتمع ذكوري ميعرفش للبنت

مكان الراجل وبعدين الراجل وبعدين الراجل وبعدها مفيش ايوة مفيش

مينفعش ترفع صوا تقول رايها تعمل اي حاجه ببساطه لاا بنت بتكرة الرجاله لدرجه كبيرة مش عشان هي بنوته..

بس شيفا ام سبب ف سلبها ارادا أحلامها

تبقي مهمشه

مينفعش تعمل حاجه عشان بنت زي ما يكون اتمع هربت منه كل الكلمات ومعدش الا كلمه واحده..

عيب مش حرام فلو كان توجه اتمع ديني فهي متدينه عارفه دينها كويس محتشمه بتصلي عايزة دايما تبان بصورة كويسه ادام ربنا

عارفه اا مش لعبه ف ايد اي واحد عايز يلعب شويا

هي شئ غالي مصان ف مكان محدش يشوفها فيه غير جوزها مش بتحب كلمة ارتباط الكلمه دي بتعصبها جدا وبتضايقها ومفيش ف

قموسها كلمه غير الخطوبة بيضايقوها صحاا دايما بجملة..

انتي معقده يبنتي لا عايزة تحبي ولا ترتبطي ولا تتجوزي ومش بتحبي تتعملي مع الرجاله اي يا عم الشويش

..فترد بكل تلقائيه:

مين قال اني مش عايزة اتجوز بالعكس انا عايزة اتجوز وابقي عروسه والبس فستان ابيض وابقي زي كل البنات واجيب عيال صوخنتته

كدا

بس دا كلو من غير راجل هههههههه لاااا لااا بجد نفسي ف كل دا ومع جوزي بس جوزي اللي يراعي ربنا فيا وبعدين يحبني

مش اللي يحبني وبسس

لان لو راعا ربنا فيا عمرة ما هيقدر يجرحني انما لو حبني بس

مسيرة يفوق من كدبته وسعتها انا اللي هخسر

وبعدين تنهي جملتها بضحكه منها وتقول: وانا مش بحب اخسر

قفلت باب البيت وراها وهي ماسكه شنطتها كانت امورة اوي وشيك شايفه كل العيون عليها بس هي بتكرة النظرات دي نظرة

الجسد برغم ان هدومها مش شفافه وطويلة ومحترمه بس هي بتقول دايما:

انا لو لبست اي هيفضل نظرة الرجاله هي هي الا من رحم ربي..

رن تليفوا ع نغمتها لدنيا سمير غانم :

بنتمني ونحلم لو يخدنا الحب للجنه ونستني ولما الحب بيجلنا بنندم انه يوم جالنا

وهي تقول ف كل مرة تسمعها : قوللهم والنبي يا دنيا..

حبيبه : ايوا يبنتي انا جايا ف الطريق اهه لا متخفيش مش هتاخر ان شاء االله نص ساعه وهتلاقيني ف وشك..

دي كانت اسماء صحبت حبيبه الانتيم وصحبة طفولتها

الصديق الصدوق زي ما بيقول تيمون وبومبه

او يمكن يكونو هما تيمون وبومبه

حبيبه هي تيمون وأسماء هي بومبه بالرغم اا بتاكل اكتر من اللي بتكله اسماء الا اا دايما رفيعه

ودايما أسماء تقولها : نفسي اعرف هتفضلي تكلي كدا لامته وميبنش عليكي وانا اشرب شويه ميه ابقي زي الكرومبه..

حبيبه : يبنتي قلتلك ميت مرة دي قودورات افهموها بقه وواالله يا سمسم انا ما باكل غير معاكي سبحان االله بتفتحي نفسي كدا ع

الاكل..

اة يختي كل مرة قوليلي البؤين دول امشي يابت وانتي حلوة وموزة كدا..

هههههههه حبيبي يا كرومبتي..

كانت حبيبه تحب دايما تقعد جنب الشباك في العربيه وتبدأ هوايتها المفضله القراءة تروح في العالم بتعها تجري وتلعب وتضحك وتعيط

مع ابطال القصة كانت هي البنت اللي اختفت جوا الكتاب كان بيمتلكها ويتحكم بيها بطريقه غير طبيعيه بتوافقه علي اي حاجه كان

بيشد اديها للخيال الي بتحلم بيه وهي فرحانه فرحة الاطفال

بضم الكتاب ليها ضمه الأم الحنينه كان من الاشياء البسيطه الي بتفرحها

اسماء: اي يبنتي اتاخرتي لي..

حبيبه: اعمل اي بس الطريق واالله..

اسماء: طب يلا المحاضرة هتبتدي..

حبيبه: هي لسه مبتدتش اة يا جزمه وانا جايا اجري زي الهبله عشان الحق وتقوليلي الدكتور دخل..

اسماء: يا بيبه واي الجديد منتي دايما هبله يا ماما..

حبيبه: طب يلا ادامي بدل ما اطلع هبلي عليكي..

دخلو المحاضرة وف نصها..

اسماء: اي المحاضرة دي انا مش فاهمه حاجه ..

اقعدي جمب اخواتك يا اوختي قالتها حبيبه وهي بترسم في كتاا رسمه لقط اللي كان بطل من ابطال قصتها الجديده التي ابتدت فيها

الصبح سعتها

خلص الدكتور محاضرته وقال : والجزء دا هنكمله المحاضرة الجايا ان شاء االله ..

كلو قام من مكانه واللي كان نايم قام وخلصت حبيبه رسمتها وبدات شلتهم بالضحك والهزار وكانت حبيبه معروفه بدمها الخفيف

وروحها الحلوة ومعرفتها بالكل وكانو كلهم بينادوها يامجنونه فضلت كل وحده تتكلم اللي عن حبيبها والتانيه تشتكي من خطيبها

والتالته هيمانه بحب جديد وهي قاعده بينهم تضحك

وتقول : انتو هتفضلو عبط كدا لامته حب اي وهبل اي هي مقوله قالوها زمان اتنين ملهمش امان الرجاله والشوبان االله عليكي يا بيبه

دا انتي عليكي جمل

قاطعتها ايمان صحبتها: بكرة تقعي ع بوزك..

حبيبه: ميييين انااا ?

لا يا ماما انا عمري ما هحب وكمان انا مقعش انا اوقع بس

..

ضحكو كلهم وقالت اسماء :من حق يا بيبه اي اخبار الواد اللي واخد باله منك دايما دا..

ولا اعرف يا سمسم تلاقيه مترصدلي تحت انا مش عارفه اي الواد الاهبل دا واالله اخرته هتبقي وحشه معايا..

اسماء: اي ياعم براحه ع معجبينك بيتفرج سببي الشعب يتفرج..

حبييه : يتفرج اي بس دا مش سيبني لا ف الرايحه ولا ف الجايا الحمد الله اننا مش بنترل غير عشان نصلي ونروح

يلا من حق نترل نلحق الضهر

اسماء: ماشي يلا..

وبعد ما نزلو

اسماء: اهو ياستي يارتنا جبنا سيرة خمسه جنيه لا بس بينه واقع خالص طب متحني ع الواد حرام عليكي..

حبيبه: احن اي بس ان شاالله يولع ال احن ال انا لو اعرف اعذب الرجاله كلهم كدا كنت عزبتهم

يلا يلا..

كانت بتبصله بغيظ وف نفس الوقت انوثتها اجبرا اا تبتسم جواها لان اي بنت هتفرح بالموقف دا وف الاخر هي بنت ماعدا

مبادئها وعقلها وتفكيرها اللي بتختلف بيه عن البنات اللي زيها فقررت بعد الضحكه دي تعاقب نفسها ومتجبش غزل بنات تاني

هههههه اصل انتو متعرفوش غزل البنات عند حبيبه زي الميه اللي بتشرا متقدرش تستغني عنه هي فاكرة قبل كدا اا جريت ورا بتاع

غزل البنات عشان تشتري ليها ولصحبتها وفضل الشارع كله مستغرب منها لاا كانت شيله حوالي عشرين وبتاكل منهم..

بتفرح اوي من صوت زمارت البياع بتعها دايما تقول مش جوا كل بنت طفله لاكن جوا كل طفله بنت بتحاول تكبر بس الطفله بتعتي

لسه مكبرتش..

خلصو يومهم وسلمو علي بعض..

اسماء: يلا سلام بقه واشوفك ع الفيس اوعي تتاخري بكرة..

حبيبه: خلاص ماشي خدو بالكو ع نفسكو سلام..

****

قصة..(وليا معـــــــــــــاه حكـــــــــــايه)

راحت حبيبه تركب فملقتش غير عربيه وحده ومفيهاش مكان فاضي غير كرسي ادام جنب راجل كبير ليه شكل وهيئة وقورة كدا

بصتله ومعرفتش تعمل ايه أستاذن سواق العربيه الراجل عشان يركبها جنبه لان معدش في عربيات تانيه فوافق الراجل الكبير

بصتله بقلق لا دايما تقول ان اللي في الخمسينيات خبسهم اشد م الشباب اللي ف العشرينات لان الشاب هيخاف من كلام الناس

عشان هيبقي غلطان ادامهم لاكن اللي ف الخمسينات يلخص كلامه في : انتي زي بنتي

وف الاغلب بتكون بنته بريئه منه ومن كلامه

فضلت قلقانه وحطت شنطتها بينها وبينه فابتسم الراجل وقالها : حطيها كويس

فردت عليه :هي اي دي

الراجل: الشنطه حطيها كويس متحطهاش كدا ..

واخد الشنطة وحطها بينهم بطريقه احسن..

الراجل: ف ناس بتبقي كبرت وخرفت فمتخديناش بذنبهم عندك مثلا بباكي اكيد ف نظرك هيبقي غيرهم..

حبيبه: مش فاهمه

ابتسم وكمل: انتي خايفه لكون زي الرجاله الكبار اللي بتقعد جمب البنات ومش بيعملو حساب ان جمبهم بنت متخفيش الناس دي

قليله اوي بيبقو كبرو وخرفو بقه

وبرضو بيبقي فيهم اللي عينه زيغه وانتي شطرة انك بتعملي حساب لدا ولدا الاحتياط واجب برضو لو بنتي عملت كدا هفرح بيها

اوي..

حبيبه: ربنا يخليها لحضرتك..

بصلها بزعل وقال: يارب..

انا عارفه يا عمو ان زي مافي الحلو في الوحش وكل الرجاله الي ف سن بابا انا بحترمهم لام بجد يستحقو الاحترام واولهم بابا بس

يعني حضرتك اكيد فاهم ان دا مش شخصي..

فهز راسه وقال: ربنا يبعد عنك الوحش ويقربلك الحلو..

كان راجل ف الخمسينات شيك ووقور باين عليه العقل والشدة كدا شكله شديد وحنين في نفس الوقت ودا اللي لاحظته حبيبه..

حبيبه وهي بتكلم السواق: ايوا هنا بعد ازنك

مع السلامه ياعمو..

سلام يبنتي..

فضلت طول طريقها للبيت تفكر ف الرجل دا وازاي حرجته بس برضو قالت : وانا ايه اللي هيعرفني الحلو من الوحش غير لما اتعامل

معاهم وزي ماقالي الاحتياط واجب..

اتقطعت بلارينتها وهي ماشيه وفضلت تلعن حظها اللي بيجري وراها ف كل وقت

دايما بتقول أن حظها وحش لان مش عادي ابدا تكون مذكرة لامتحان بالكامل وتتعب وتسيب درس واحد وتقوم تلاقي الامتحان

كله جاي منه تروح محل هدوم وتلاقي فستان يشد انتباهها وتجري عشان تشوفه وقبل ما تمسكه تلاقي وحده تانيه خدته ويكون اخر

قطعه

تفضل واقفه بالساعات ادام اي مصلحه حكوميه ولما يجي دورها يقولو انه وقت الغدا ويقفلو في وشها

تقرر ف يوم تخرج مع صحاا يتفسحو في يوم جميل مشمس وتخرج

ينقلب الجو لامطار وسواعق وغيرة

تكوي حجاب جديد وهي فرحانه وفجأة وحده يتحرق ومتعرقش ازاي والمكوا ع اقل درجه

بس بتلخص كل دا ف ان ربنا عايز كدا ..دا نصيب وربنا كاتب ان دا يحصل االله اعلم كان اي ممكن يحصل بدل كدا

كانت بتؤمن بالنصيب ومتقبلاه باللي يجيبه ليها بصدر رحب

فالدنيا زي ما بتقول قصيرة فلي اخصص وقت للبكا والحزن..

****

انتي جيتي يا حبيبه..

ايوا يا ماما..

طيب يلا يا حبيبتي غيري وصلي عشان نتغدي..

حبييه: اي الاكل الحلو دا تسلم ايدك يا ماما واالله الواحد كان جعان..

اة افضلي اتكلمي وخلاص انما ساعت الاكل ولا بنشوفك بتكلي ولا بتجوعي..

حبييه وهي بتاكل خيارة: انا نفسي اقعدك انتي واسماء مع بعض يا ماما عشان انتي تقنعيها اني مش باكل وهي تقنعك اني مببطلش اكل

وانتو الاتنين تتصافو مع بعض بقه..

طب يلا يا غلبويه نادي بابا عشان الاكل ميبردش..

ابااابااا باباااا يا باااابا..

محمد والدها: دا انا احسنلي مكولش بدل الفضايح اللي انتي عملهلنا ف الشارع دي اي يبنتي فضحتينا..

اي يا بابا مش بناديلك عشان نتغدي االله يعني الشارع مبيتغداش مهم بيتغدو...

اة بيتغدو بس مش بيعملو فضايح زينا كدا..

بنادي ع ببتي حبيبتي هما مالهم بقه..

ماشي يا بكاشه ها عملتي اي النهارده ف الجامعه بقه..

فضلت تحكلهم يومها بضحكاته ومضايقاته زي اللي بيقلد فيلم كوميدي كانو بيسمعوها بنظرة فرح وحب كانت حبيبه بنتهم الوحيده

هي كل اللي ليهم ف الحياه وهما كل حاجه بالنسبالها بنت لأب ف اول الستينات طيار حربي متقاعد

وام ف الاربيعينات بتشتغل ف مصلخه حكوميه

كانت دلوعتهم حيام وكل اللي ليهم

خلصت حبيبه حكايتها وقالت: وبس هو دا كل اللي حصل النهاردة وانت يابابا احكيلي عملت اي..

مفيش يبنتي واحنا بعد ما بطلنا طيران بقينا بنعمل حاجه..

حضتنته وقالتله: معلش يابابا بكرة تعمل ان شاء االله..

ان شاء االله وانتي بكرة ربنا يرزقك بابن الحلال اللي يصونك وتجبيلي عيل صغير يشغلني شويا بقه..

انا قلتلك قبل كدا يا بابا مش هتجوز الا طيار زيك عشان نطير مع بعض زي ما كنت بطيرني زمان..

طب ما يمكن ربنا يرزقك بدكتور ولا مهندس ولا يمكن ظابط...

ظااابط !! لا ياعم انا مبحبش الظباط انا مش عايزة غير طيار ولو ظابط ف الجيش معنديش مانع

هو حد يقول للنعمه لا..

ضحكو كلهم وفضلت مبتسمه وهي بتبصلهم وقالت : انا هروح اوضتي بقه

برضو هتقعدي ع الفيس بوك ..

يعني انا ورايا غيرة يا ماما..

كان الفيس بوك حاجه تانيه من الحجات اللي بتفرح حبيبه بتحس بالدنيا فيه بتبقي ع طبيعتها مش بتحس لا بكسوف ولا زعل دايما

سعيده مع صحباا ..

ليها اصدقاء من كل البلاد مقربه من الكل ومحبوبه م الكل بتحب وقتها معاهم ..ومعاهم بس مش بتحس بالملل او بالوقت هم اللي

بيشاركوها فرحتها حزا احلامها..

قالت وهي قعده ادام اللاب : اي دا ؟ كل دي طلبات صداقه !! اكيد كلهم ولاد انا عارفه

يلا كنسل كنسل شرفتونا ..

فضلت تكلم اصحاا وتضحك معاهم بالساعات تكتب منشورات وتشوفهم معلقنلها ههههههههههههههه كتير كانت بتحس معاهم

بفرحة عشان بتضحكهم بس.

كانت قرأت قبل كدا ان اللي عنده القدرة يضحك غيرة هو اكتر واحد ذكي ..

قفلت الجهاز وريحت عينيها شويا ومسكت كتاب فضلت تذاكر فيه لحد ما نامت..

****

قصة..(وليا معـــــــــــــاه حكـــــــــــايه)

تاني يوم..

ماما انا احتمال اتاخر شويا النهارده عندي كورس متقلقوش بقه..

ماشي يا حبيبتي ربنا يعينك ..

مشيت ف الطريق تدور علي تاكسي ملقتش بصت ف شنطتها وافتكرت كشكول محاضراا اللي سبته في البيت واللي طلبته منها

اسماء فقررت ترجع ولما لفت خبطت شخص ووقعت حجتها ع الارض..

متاسفه معلش قالتها وهي بتلم حجاا اللي وقعت..

اي دا انتي مبتشوفيش مش تفتحي..

انا اللي مش بشوف !! يعني اتاسفت ومش عاجبك ولو انا مش بشوف يبقي حضرتك اي اعمي.. !!

وليا معاه حكاية 14

اي اللي انتي بتقوليه دا انتي بتتكلمي كدا ازاي وبتتكلمي معايا انا كدا ؟..

انت شايف حد وراك يمكن أكون بكلمه يعني ولا اي

اة بتكلم معاك انت وياريت حضرتك تعرف تتكلم باحترام مع بنات الناس..

هما فين بنات الناس دول..

انت انسان مش محترم وقليل الأدب..

هو مين اللي قليل الادب يابت انتي..

بت !! لو سمحت انا مسمحلكش انا مش عارفه اي موقفني اتكلم معاك اصلا

قالتها وهي بتوقف تاكسي وفجأه مسك اديها بكل قوته بصت لاديه ولاديها وفتحت بوقها من الخضة

ورفعت اديها وضربته ع وشه

وقف مزهول من الموقف مش مصدق

ركبت هي التاكسي وقالت للسواق : الموقف لو سمحت..

بصتله من شباك العربيه باسحتقار وهو لسه مصدوم من قلمها..

وبعد مستوعب: دا انتي سنتك سودة دا انا هوريكي النجوم ف عز الضهر انا تضربيني بالقلممم ؟؟ !!ان ما ربيتك مبقاش انا حسام

ركب عربيته بسرعه ورا التاكسي بصوت فرامل عالي وبعد ما مشي جاله اتصال..

ايوا يا بابا متأخرتش متقلقش انا جاي علطول.. لا لسه هروح البيت البس.

طيب نص ساعه بس هخلص حاجه واجي.. طيب يا بابا انا جاي علطول..

كمل بعد ما قفل التليفون : حظك حلو اني ورايا شغل بس عليا النعمه ما هسيبك والقلم دا هيتردلك مليون...

كانت حبيبه قلقانه بتبص من العربيه وهي مرعوبه متعرفش هي عملت كدا ازاي ولا اي وصلها اا ترفع اديها وتضربه كل اللي

فكراه خوفها ونظرته ليها كانت خايفه مش اكتر ودا اللي خلاها تعمل اللي عملته كانت هتعيط بس افتكرت اا في العربيه ومسحت

عنيها...

وليا معاه حكاية 15

وبعد ما راحت الجامعه

اسماء: اي يبنتي نحن هنا مالك ؟...

حبيبه: هاا..

اسماء: هو اي اللي ها ؟ مالك يبنتي ف اي...

مفيش يا سمسم انا تمام اهه ..

هو اي اللي تمام يعني انا معرفكيش لما بتبقي زعلانه

اي احكيلي ف حاجه ف البيت ؟..

فهزت برأسها بلا..

اسماء: امال ف حاجه حصلت وانتي جايا ... ?

حبيبه: اة..

اسماء: اي طيب قولي

اي دا يابت مالك بتعيطي لي حصل اي يخربيت سنينك قلقتيني..

حكتلها حبيبه اللي حصل..

اسماء: طب ودا تعيطي عشانه برضو.. يبنتي هو اللي انسان مش محترم ازاي يمسك ايدك كدا دا انتي شطرة انك مسكتلوش الحمد الله

اا جت ع اد كدا وحياتي ما عنتي تعيطي يلا بقه عشان تترلي تغسلي وشك قبل المحاضرة ما تبدا الا من حق يابت هو فين كشكول

المحاضرات اللي قلتلك هاتيه..

والنبي متجبيلي سيرته دا هو دا اس المصايب لولا اني نسيته وقلت اروح اجييه ماكنتش اتخبط ف الزفت دا االله بخربيتك يا اسماء لبيت

مطالبك

..هههههههه خلاص يا ستي هديكي فرصه اخيرة تجبهولي بكرة..

بكرة ؟ ولا بكرة ولا بعده يلا يابت من هنا ولا هتشوفي ورقه منه انا قررت اولع فيه ...

ههههه ايوا بقه هي دي بيبه حبيبتي المهم قوليلي كان شكله اي..

هو مين دا ؟..

الزفت يابت..

وليا معاه حكاية 16

تصدقي باالله انتي رخمه كل ما انسي تفكريني انا ملحقتش اشوفه اصلا كل اللي فكراة عنيه ليه نظرة كدا تخوف واللي مستغربالو يا

اوختي حظي حته ف دي مش سيبني ف حالي كل الناس ف الافلام يتخبطو ف بعض تقوم البنت موقعه كتبها يقوم الولد لاممهم ليها

ويعملو اعلان معجون الاسنان ويحبو بعض الا انا مختلفه عن الجميع كالعاده..

وانتي لما تكوني مختلفه عن الناس دي حاجه وحشه ؟ وبعدين دا يبنتي يعملك صاصبينص ف حياتك صاصبينس

..صاصبينس ؟ طب يلا يا بتاعت الصاصبينس

بقولك هو كورس النهارده الساعه كام ؟..

لا بيقولو أستاذ احمد لغاه..

يلا احسن الواحد ملوش مزاج يعمل حاجه واالله ..

خلصت حبيبه يومها وركبت عشان تروح وشافو حمله وهما ماشين بالعربية وسال واحد من اللي راكبين:

اي دا دي حمله ؟

فرد السواق : اة بينها كدا ..

ووقفت العربيه وجه ظابط وقالهم :البطايق لو سمحتو يا حضرات..

حبيبه وهي بتكلم نفسها: انا عارفه انه يوم مش فايت من اوله يخربيت اللي اصطبحت بوشه..

الظابط: البطاقه لو سمحتي يا انسه..

حبيبه : احم البطاقه.. ?

الظابط: اة البطاقه ..

حبيبه: واالله انا بجبها كل يوم بس نستها النهارده

انا ممكن اكلم بابا يجبهالي علطول..

الظابط: بابا ؟ لا يا اختي انزلي..

حبيبه: انزل ؟ انزل فين ؟..

وليا معاه حكاية 17

الظابط: هو اي اللي تترلي فين انزلي م العربيه طبعا..

سعتها جه ظابط اكبر في السن بس تقريبا نفس رتبتة او اقل وقال : ف اي يا حمدي باشا..

فرد الاولاني بضيق : مفيش يا احمد بيه ممعهاش بطاقه..

طيب يا سيدي معلش باين عليها بنت ناس اكيد نستها خليها عليك المرادي..

هو اي اللي خليها عليك يا احمد بيه هو انا شغال ف التكيه بتاعتي دي أوامر والأوامر تمشي ع الست قبل الراجل ولا عشاا بنت

يعني يبقي ع دماغها ريشه ! يلا يا انسه انزلي..

مينفعش كدا يا حمدي بيه دي مش وش مرمطه خليها تكلم حد من اهلها يجبهلها..

لا يجبهلها ولا ميجبلهاش لو حد عايز يجبلها حاجه يبقي يجبهلها ف القسم

..فردت حبيبه بخوف.. قسم ؟؟؟.. !!

اة قسم اتفضلي يلا..

فمسكت تلفوا عشان تتصل بوالدها شده من اديها :انا سمحتلك تتصلي بحد؟..

لا حضرتك بس انا قانوني اكلم اي حد ع الاقل يعرفو انا رايحه فين..

هو انتي هتعلميني القانون ولا اي..

انا مقصدش بس..

قاطع كلامها وسألها :اسمك اي.. ?

حبيبه..

اة بتدرسي ف اي بقه يا ست حبيبه..

فنون تطبيقيه..

وليا معاه حكاية 18

طب اتفضلي اقعدي ف البوكس لحد ما نخلص الحمله ونشوف هنعمل فيكي اي..

بوكس ؟ بوكس ايه حضرتك هو انا قتلت قتيل دي بطاقه.. !!

اة ومش عايزين كتر كلام خدها يبني حطها ف البوكس..

كان راجل في اول الخمسين علي وشه كأبه مشفتهاش قبل كدا وشعرة مفيهوش ولا شعرة بيضه..

جالها الظابط التاني وقالها : معلش حمدي بيه متعصب النهارده شويا متخفيش هاتي تلفون بباكي وانا اكلمهولك واقوله عشان يجبلك

بطاقتك

..ياريت واالله يا عمو متشكرة 0100 ..وفجأة سمعو صوت عربيه جايا بسرعه وخبطت واحد من العساكر..

خليكي هنا اوعي تتحركي..

جري بسرعه وهو رافع مسدسه كانت حبيبه بتقفل ودا من الصوت ومش مصدقه اللي بيحصل ازاي اليوم دا يبقي اسوأ من كدا..

جري الظابط بسرعه وركب عربيه من عربيات الشرطه وقال: وراه يبني اوعي يزوغ منك ..

هدي الجو وبصت حبيبه حوليها براحة وهي بتحاول تتنفس شوية الهوا اللي لسالها وحطه اديها علي قلبها من الخوف

..شافت الظابط حمدي بيجري ناحية العربيه اللي هي فيها : خد يبني العربيه دي ع القسم وانا هلحق احمد بيه..

ركب واحد من العساكر العربيه واتحرك بيها..

وحبيبه بتفكر جواها لي مجتش رصاصة في راس الظابط دا؟ مش كانت استريحت منه!

بعد كل دا ومش عايز يسبها ف حالها !

وقالت بصوت واطي .. يعني معرفتش تمسك اللي كان ف العربيه يا عبيط وجاي تتشطر عليا انا

امال لو كنت قتلت قتيل كان عمل فيا اي جاتك نيله ..

بدأت بعدها تعيط ازاي ممكن كل دا يحصل ليها في يوم واحد !؟

يا ربي اعمل اي..

قصة..(وليا معـــــــــــــاه حكـــــــــــايه)

العسكري: اتفضلي يا انسه..

نزلت من العربيه وهي خايفه ازاي تدخل قسم شرطه وازاي تبقي في موقف زي دا شافت تلفوا ف ايد العسكري ..

حبييه: معلش والنبي ممكن بس اعمل مكالمه واالله بسرعه خالص..

لا حضرتك مينفعش حمدي بيه قالي اسلم التلفون للظابط المسؤل..

واالله بسرعه مكالمه وحده اطمن بابا بس..

العسكري: مينفعش يا هانم انا مش اد حمدي بيه..

بصت علي المكان وفضلت تركز في كل زاويه الحيطان السقف والبوابه الحديد والاوراق الكتيرة والعسكري اللي بيبصلها دا

شافت مناظر ناس عمرها ما شفتها قعدت تدعي علي الظابط اللي جبها الف مرة ازاي تقف في مكان واحد مع الناس دي ومع

مسجلين الخطر وهي معملتش حاجه تتحاسب عليها اصلا ازاي تتساوي مع اللي قتل وب وسرق بتتمني الارض تنشق بيها او تفوق

من كابوسها دا..

العسكري: اتفضلي اقعدي هنا لحد ما الظابط المسؤل يجي..

قعدت وهي حضنا شنطتها ولسه بتبص للمكان بخوف ..

****

محمد: هي حبيبه اتاخرت لي.. ?

امال: قالتلي ان عندها كورس النهارده بعد الكليه وهتتاخر..

طيب ماشي ..

اتصل بيها كمان شويا بقه اطمن عليها..

حاضر..

****

اتفضل يا باشا قالها العسكري وهو ماشي ادام الظابط..

القسم نور يا بيه اتفضل..

الظابط: خلاص يبني شكرا انت لسه قيلي البوقين دول الصبح..

سمعت حبيبه الصوت بتمعن كدا وهي متاكده اا تعرف الصوت دا.. بس مش فاكرة امته سمعته او مين.. !

سعتها دخل الظابط ببدلته لابس نضارته الشمس ريبان تحديدا

كانت بدلته كامله متكامله زي المانيكان بالظبط

مبينه جسمة الرياضي وعضلاته البارزة وجسمه المشدود وطوله وشعرة اللي بيلمع وبشرته القمحية

بصت لجزمته لقتها بتنور زي ما تكون عمرها ملمست الارض قبل كدا والساعه اللي ف ايده مكملة اناقته وشكله..

علي كتفه نجمتين

فاقت من دا كله وبصت للساعه تاني :الساعه !! انا شفت الساعه دي فين قبل كدا..

قلع الظابط نضارته واتسمرت حبيبه مكاا وفتحت بوقها علي الاخر نفس العيون اللي شفتها الصبح

العيون اللي خوفتها هو الولد اللي ضربته بالقلم الصبح ..

يا مصيبه.. قالتها وهي بتحط اديها علي بوقها وبتلف عشان ميشفهاش..

اتفضل يا حسام بيه دي الملفات الجديده وف ناس لسه جيالنا دلوقتي ودا تليفون وحده مسكناها ف الحمله وحمدي بيه قالي اسلمه

لحضرتك..

فقالت حبيبه بصوت مس مسموع : مسكنها يا متخلف ? اللهي ما يمسكك غير قرد اهبل تايه من جبلايته ويطلع عليك الجديد

والقديم شيفني كنتي هربانه يا زفت

ياربي دي مكنتش بطاقه اللي يتعمل عليها دا كلو اي المصايب اللي نازله ع دماغي النهارده دي بس

اروح فين يا ناس..

حسام: طيب هاتلي الناس اللي جاين جداد وهاتلي صحبت التليفون..

نزلت الجمله علي حبيبه زي البرق تعمل ايه وتروح فين..

العسكري: قومي..

حبيبه: هاا ؟..

العسكري : هو اي اللي ها بقولك قومي كلمي البيه..

قامت حبيبه وهي بتستخبي ورا الناس اللي وقفين ادمها وفجأة سمعت صوته بيعلي اترعشت وحضنت شنطتها جامد

حسام: انت جاي تستظرف هنا ياروح امك خدو يا امين وارميه لحد ما نشوفله صرفه..

كان باين علي وشه كميه كبيرة م الغيظ قعد تاني مكانه وبص ف الملفات اللي ادامه وقال للعسكري :شوف يبني اللي بعده..

سعتها قلب حبيبه كان هيجري منها ويسبها لوحدها في الموقف دا..

حضنت شنطتها اكتر ومشيت ف رعب لحد ما بقت ادامه كان بيبص للملفات دعت ربنا ميرفعش راسه عشان ميشوفهاش وفجأة

قفل الملف بس القفله دي مكننش علي الملف دي كانت علي قلبها رفع راسه وهي واقفه ادامه زي التمثال بصلها ووقف

ايوا هي.

هي البنت اللي ضربته بالقلم الصبح اللي تمني يشوفها حته ولو دقيقه وحده يعرفها يلاقيها

هي بجد ؟

وادامه بالسهوله دي ؟..

****

لا انا مش مصدق نفسي بالسهوله دي الاقيكي وقفه ادامي..

قعد ع كرسيه ورفع رجليه ع مكتبه وولع سجارة :طلعتي سوابق اهه..

اتغاظت ووشها احمر : لو سمحت عيب كدا انا عمري ما دخلت قسم قبل كدا ودي اول مرة كل الحكايه اني..

بصلها بغيظ وقطع كلامها ونزل رجله وضرب بايده ع مكتبه وقال بصوت عالي

:انتي هتعلميني العيب يابت

انتي نسيتي نفسك ولا اي انتي تقفي زيك زي الجزمه ومتنطقيش..

رجعت حبيبه لورا م الخوف ..

رجع تاني لكرسيه ورفع رجليه: انتي اكيد مسجله خطر لالا ممكن م العيال اللي بتهرب الهدوم شكلك يدي عليهم ولا تكوني من اياهم

يابت..

عيطت وبصت في الارض..

لما كلمك تبصيلي هناااا..

واالله حضرتك كل الحكايه اني نسيت بطاقتي مش اكتر واول مرة تحصل..

عارفه لي ? عشان تقعي تحت ايدي انا لازم اشكر البطاقه دي واالله..

لو سمحت انا ممكن اكلم بابا وهو هيجبهالي علطول مش هياخد وقت..

تكلمي مين يا ماما ؟ انتي شايفا نفسك ف سنترال هنا ولا اي..

لا بس انا المفروض ليا مكالمه وحده ع الاقل...

شوفي مين بقه اللي هينولك المكالمه دي..

رن تليفوا وظهر علي الشاشه )بابا) : اي دا شكل بابا قلقان عليكي تخدي تكلميه..?

مد ايده بالتليفون ليها واول ملقاها بترفع اديها والابتسامة علي وشها عشان تخده سحب الموبايل وهو بيضحك ورفض المكالمه تمنت

ف اللحظه دي تيجي ساعقه من السما ومتجيش في حد غيرة

انتي مفكرانا هنفرط فيكي بالسرعه دي لا انتي لسه مشرفانا شويا..

وكمل كلامة مع العسكري :بص يبني شوفلي مين هنا ملوش لزمه ومشهولي عايزك تفضيلي القسم كدا وتخليهولي تراوة وخد دي

حطها ف الحبس دا وعايزك تتربسلي عليها البوابه جامد..

فضل يضحك ضحكه خلت حبييه تتمني لو تنط عليه وتجيب رقبته..

بصت علي المكان لقت كل اللي كانو حواليها مشيو ومعدش غيرها هي والملازم وكذا عسكري بصلته وهو قاعد ورافع رجليه ف

وشها وبيلعب لعبه الاسهم علي الحيطه اللي ادامه..

****

قصة..(وليا معـــــــــــــاه حكـــــــــــايه)

محمد: مش معقوله كدا حبيبه اتاخرت اوي دا مش كورس دا ومش عوايدها تكنسل عليا

ومتتصلش تاني انا قلقت ..

امال :متقلقش ان شاء االله خير يمكن جايا ف الطريق..

محمد: وبدل هي ف الطريق بتكنسل لي هاتيلي رقم اسماء اكلمها..

ايوا يا اسماء ازيك

الحمد الله ازيك يا عمو اخبارك اي واخبار طنط

الحمد الله يبنتي هي حبيبه معاكي ؟..

.حبيبه ?لا يا عمو مش معايا هي مرجعتش البيت ؟

لا يبنتي مرجعتش وبتصل بيها من سعتها بتكنسل عليا ومش عوايدها تتاخر كدا هو انتو اتاخرتو ف الكورس النهارده

? ..

لا يا عمو النهارده الكورس اتلغي .

.انتفض والد حبيبه من مكانه ..

اتلغي ؟ امال حبيبه فيييين ؟

..

طب ياعمو انا هجرب عليها يمكن راحت مشوار ولا حاجه

..

مشوار اي يبنتي اللي يقعدها كل دا برة ..

.متقلقش يا عمو ان شاء االله هترد انا هتصل بيها علطول اهه سلام..

اتصلت اسماء ع حبيبه وهي قلقانه : ردي يا حبيبه باالله عليكي بصت لتلفوا وقالت: لا دا مش طبيعي دا.. دي عمرها ما كنسلت

عليا يارب جيب العواقب سليمه

****

حسام: دا انتي طلع عندك حبايب كتير اهو.. كل دول بيتصلو بيكي.. لا وصورتك انتي واسماء حلوة

مش اسماء برضو؟ وخدين بعض عن حب بقه ولا اي

بصتله بأرف وهي مضيقه: ع فكرة اللي انت بتعمله دا مش قانوني وانا مش هسكت

انتي بتهدديني ولا اي

خدها زي ما تخدها بس انا مش هفضل هنا طول العمر ومسيري هخرج وهعرف اجيب حقي كويس اوي

ومين قالك انك هتخرجي اصلااا

شرب بوء م القهوة اللي كان بياكل جمبها بسكوته

وقال: شكلك مكلتيش م الصبح تاخدي حته ؟

مش عايزة منك حاجه..

يعني شيفاني هديكي اوي

رن تلفونه فرد : الو ايوا معلش علي صوتك مش سامع الشبكة هنا وحشه طب استني اطلع برة

حبيبه بعد ما طلع: جاتك داهيه الاهي ياربي ماترجع ياربي اعمل اي بس والنبي يارب سهلهالي وخده

سمعت نغمت موبايلها واتمنت لو كانت ارفع من كدا كان زمنها عدت من وسط الحديد دا وجابته..

يااارب يارب مش عايزة حاجه غير اني ارد ع التليفون بس..

جه راجل كبير ف السن وخد التليفون وادهولها: خدي يبنتي بس ردي بسرعه قبل ما حسام بيه يجي..

ربنا يكرمك يا عمو يااارب

ايوا يا اسماء اتصلي ببابا بسرعة وقوليلو اني ف القسم

اة ف القسم هبقي احكيلك بعدين وخليه يجيب بطاقتي معاه متخليهوش يتاخر عليا والنبي يا اسماء سلام..

مسكت التليفون ومسحت المكالمه وادته للراجل وحطه زي ماكان..

متشكرة اوي يا عمو ربنا يكرمك يارب بجد مش عارفه اقول لحضرتك اي

متقوليش حاجه انتي زي بنتي ..

بعد الكلمه دي عرفت هي ازاي كانت غلطانه بخوفها من الكلمه دي بالذات وان بجد لسه في ناس كويسه..

الراجل الكبير : انا كنت شيفك من اول ما دخلتي وشكلك مش وش دله ودخول اقسام من كتر قعدتي هنا يبنتي بقيت اعرف الحلو

م الوحش من اول ما يدخل وانتي شكلك بنت ناس.. حرام اهلك يقلقو عليكي أكتر من كدا انا همشي بقه قبل ما حسام بيه يجي..

انا مش هنسي لحضرتك الموقف دا ابدا..

مشي الراجل وقعدت حبيبه علي الكرسي زي ما تكون رجعتلها الحياه مرة تانيه وكل اللي كانت بتفكر فيه ازاي تنتقم من البني ادم

المغرور دا وهتعمل فيه اي بعد ما تخرج من هنا..

دخل م الباب وقعد مرة تاني ع كرسيه : اتمني تكون القعده عجباكي..

فضلت تضغط علي اديها من غيظها فبصلها وسألها : اخبار ايدك الحلوة اي.. ?

بتسلم عليك وبتقولك الخد التاني اخبارة اي..

وقف والنار هتطلع من عنيه زي اللي وقع عليه ميه سخنه : انا هوريها بقه صاحب الخد دا بيعمل اي..

****

اسماء: ايوا يا عمو زي ما بقول لحضرتك هي ف القسم واكدت عليا اقولك متنساش البطاقه بس بسرعه ياعمو اصل شكل صوا

قلقان اوي..

محمد: ماشي يبنتي خمس دقايق واكون عندها..

****

نده حسام علي واحد من العساكر :

يا عسكررري انت يا عسكري الزفت تعالا افتح البوابه دي ع بال ماروح واجي..

.رجعت حبيبه لحد ما لزقت في الحيطه ومش عارفه هو ناوي علي ايه..

كان بباها برة قلقان ركن عربيته في مكان مش خاص بالركن بس دا كان اخر همه لان قلقه علي حبيبه اكبر بكتير كان بيستحلف للي

قفل الخط ف وشه..

محمد: عديني يبني عايز ادخل..

العسكري: ممنوع يا حضرة..

هو اي اللي ممنوع يابني ادم بنتي جوا وعايز ادخلها..

ممنوع حضرتك..

صوته علا وسمعته حبيبه حست كأنه منادي بينادي وبيقولها اخرجي فرحت اوي واستريحت وحست بالامان اللي محستوش في الكام

ساعه الاخيرة ..

جه واحد وحط ايده علي كتف والد حبيبه فبصله كان راجل في رتبة لوا ولابس بدلته..

اقدر اسعدك بحاجه يا حج ؟..

قالها الرجل دا فبصله والد حبيبه..

لا حضرتك بنتي جوا وعايز ادخلها..

بص الاتنين لبعض زي ما يكونو عرفو بعض..

اااي دا اللوا محمد..?

بصله والد حبيبه وقال: مجدي بيه ؟ ازيك اخبارك اي..

انا الحمد الله ف اي مالك اي خدمه اقدمهالك

مفيش بنتي جوا مسكوها عشان مش معاها بطاقه والنبي دا كلام

لا لا ولا تشيل هم اتفضل حاسب يبني

دخل محمد من الباب اول ما شافته حبيبه جريت ومسكت حديد الزنزانه : بابا

جري والدها عليها ومسك اديها: متخفيش يا حبيبتي هنخرجك اهه

اللوا مجدي: افتح يبني الباب ..

فتحه وخرجت حبيبه وحضنت بباها وهي بتعيط..

خلاص يا حبيبتي متعيطيش انا جمبك اهه..

مكنوش رضين يخلوني اكلمك يا بابا وخدو مني تليفوني..

هو مين دا يا حبيبه اللي خد منك تلفونك..

الظابط اللي هنا وهو اللي كان بيكنسل عليك..

واالله ماسكتله ولكون مقلعه البدله اللي هو لبسها دي

مبيعرفش ف القانون بيلبس الميري لي..

فسال اللوا مجدي العسكري اللي ادامه :هو فين يبني الظباط اللي هنا..

العسكري: كلهم ف مؤموريات يا فندم ومفيش غير ظابط واحد..

مجدي: طيب ندهولي

متقلقش يا محمد بيه انا هتصرف واعرف مين اللي عمل كدا وجزاءة هيبقي معايا انا شخصيا

دخل عليهم الملازم اول

بصله اللوا بأستغراب : حساااام ! هو انت الظابط اللي هنا ؟

الظابط : ايوا يا فندم

اتنرفز والد حبييه وقال بصوت عالي : انت ازاي يا حضرة الظابط تمنع بنتي اا تكلمني وازاي تمسك موبايلها

مين اداك الحق انك ترد او تقفل ع مكالمتها انا بعملتك دي ممكن اشلك النجوم اللي ع كتافك

بصله حسام وهو مضايق : لولا انك راجل كبير انا كنت رديت عليك

مجدي بعصبية : حسااااام

حسام : تمام يا فندم

مجدي: معلش يا محمد بيه امسحها فيا المرادي شكل كدا حصل سوء تفاهم وانا هصلح الوضع

محمد: وضع اي بس يا مجدي بيه انت مش شايف البنت عامله ازي ..

بصلها مجدي وهي بتعيط وبتبص في الارض وماسكه في ايد بباها ..

مجدي: اي دا ازيك ؟

فرفعت حبيبه راسها وبصتله وافتكرت ملامحه

هو الراجل اللي كان قاعد جنبها في العربيه

ابتسمت وقالت : : ازي حضرتك يا عمو..

محمد: اي دا انتو تعرفو بعض ؟ ..

مجدي: امال

اتقابلنا مرة قبل كدا ف المواصلات عربيتي كانت عطلانه والعسكري بتاعي كان ف اجازة وانت عرفني بحب اركب مواصلات كدا

عشان اقعد مع نفسي

ماشاء االله ربنا يبركلك فيها

محمد: ربنا يخليك دي حبيبه بنتي في رابعه فنون تطبيقيه

مجدي: ماشاء االله ربنا يبارك.. انا عايزك يا حبيبه متزعليش من اللي حصل النهارده وكانه محصلش ولو حسام زعلك امسحيها فيا انا

..

حبييه: لا العفو يا عمو وحضرتك ذنبك اي بصت لحسام وكملت : كل واحد يتحمل خطأه

مجدي: لا يبنتي ذنبي .. وشدة من ايده : اقدملك يا محمد بيه حسام ابني ملازم اول ولسه منقول هنا النهارده الصبح..

بصتله حبييه وبباها وقالو في وقت واحد : ابنك ؟ .

رد وهو بيضحك : اة للاسف واكيد اللي حصل دا مكنش يقصده ولا اي يا حسام .

ابتسم حسام نص ابتسامه كدا عشان يمشي الجو.

مجدي: عمك محمد يا حسام معرفه قديمه اوي كنا بندرس مع بعض واحنا صغيرين ما كناش بتفارق بعض

لولا بس الايام شغلتنا لما كبرنا ..

لوا طيار.

بصله باحترام ومد ايده وسلم عليه:

اهلا بحضرتك يا سياده اللوا انا اسف لو كنت كلمت حضرتك بطريقه مش كويسه .

محمد: لا يبني حصل خير انا بس كنت قلقان ع حبيبه اصلها مش وش دله وبتتعب بسرعه .

ضغطت حبيبه ع ايدة فبصلها: يلا يابابا عايزة امشي.

محمد: ماشي يا حبيبتي

يلا بعد اذنك يا مجدي بيه

فرد عليه مجدي: لا ازاي تمشي كدا

من غير حتي ما نشرب حاجه مع بعض واالله ابدا..

محمد: معلش انت شايفها تعبانه ازاي مرة تانيه..

مجدي: خلاص يبقي نتغدي كلنا مع بعض بكرة وحسام هو اللي يدفع الحساب عشان يحرم يعمل كدا تاني ونضمن انه اتعلم من غلطته

فضحكو هما الاتنين وفضلت حبيبه وحسام يبصو لبعضهم بأرف ..

حبيبه: معلش يا عمو مينفعش بكرة عندي كليه.

مجدي: اي يا حبيبه هتكسفيني ولا اي.

لا يا عمو بس بجد واالله عندي كليه بكرة .

فرد والدها: كليه اي يا حبيبتي انتي مش شيفا انتي تعبانه ازاي مش هتفرق لما تغيبي بكرة يعني .

بصتله وكانت نفسها تقولو اسكت والنبي يا بابا

وبصت لحسام بغيظ وسكتت

.خلاص يا حضرة اللوا متتغطش عليها اكتر من كدا اكيد عندها حجات مهمه ف الكليهفقال حسام وهو بيحاوليغيظها:

بصتله بتحدي : خلاص يا عمو انا موافقه ان شاء االله نقابل حضرتك بكرة .

مجدي: ع خيرة االله اشوفك بكرة بقه يا محمد بيه .

وهما بيسلمو علي بعض:

محمد: مسرور اوي بشوفتك واالله يا مجدي

مشيت حبييه وبباها وبصت وراها وهي بتستحلف لحسام وهو بادلها نفس النظرة.

مجدي: اي يا حسام اللي انت عملته دا انت متعرفش ان ممكن حاجه زي دي تحولك للتحقيق ؟ يبني دا اول يوم ليك هنا ومن اولها

عايز تعمل مشاكل

يابابا انا معملتش حاجه وجدي بيه هو اللي كان واخد منها الموبايل مش انا ..يعني اكيد ديقته ف حاجه هي شكلها اصلا وش مشاكل

حسام عيب كدا حبيبه محترمه وانا عارف كدا كويس ومكنش ينفع ولا يليق بمركزك تعمل كدا مع وحده زيها الموضوع دا لو كان

حد عرفه غيري كان زمانك ف مشكله كبيرة ولولا اني ادخلت محمد بيه مكنش هيسكت فياريت متتكرش تاني

حسام: يا بابا

مجدي: لا يابابا ولا مش يابابا هي كلمه الموضوع دا ميتكررش تاني يا حسام لان مشاكلك بدأت تزيد اوي

حاضر يا سيات اللوا

وبكرة تفضي نفسك عشان هتتغدي معانا ومفيش كلام تاني

قالهاله وهو ماشي بصله حسام زي اللي بيتعاقب علي حاجه ومش عايز ينفذ العقاب دا

وقال بصوت واطي : ان ما كرهتك ف حياتك ياست حبيبه مبقاش انا

****

قصة..(وليا معـــــــــــــاه حكـــــــــــايه)

ان ما كرهتك ف حياتك ياسي زفت مبقاش انا..

بتقولي حاجه يا حبيبه..

لا يابابا ابدا سلمتك..

امال: حمد االله ع السلامه يا حبيبتي احكيلي اي حصل

مفيش يا ماما متقلقيش انا كويسه..

لا يا حبيبتي وشك مش بيقول كدا هحضرلك الغدا ع بال ما تغيري وتبقي تحكيلي بعدها انتي مكلتيش م الصبح

لا يا ماما مليش نفس انا هصلي وانااام

تنامي اي بس يا حبيبه انتي م الصبح متبهدله طب طبق واحد

واالله يا ماما ماقدرة تعبانه بجد ونفسي انام

محمد: خلاص يا امال سبيها تدخل تستريح شويا

حبيبة : تصبحو ع خير..

وانتي من اهله يا روحي..

دخلت حبيبه اوضتها وفتحت ف العياط ومكنتش شايفه ادمها غير الشخص دا واللي عمله فيها النهارده

قعدت تستحلفله وفضلت تفكر تعمل اي عشان ترجع كرامتها اللي بعزقلها دي..

فرن تليفوا: الو ايوا يا اسماء..

اسماء: ايوا يا حبيبه طمنيني عليكي..

لا يا حبيبتي تمام متقلقيش انا كويسه..

امال اي حصل احكيلي..

مفيش يا ستي اصلي شفت الزفت تاني االله يخربيت الصاصبينس للي جابو الصاصبينص..

بتهززززري وبعدين..

حكت ليها حبيبه اللي حصل بنهم وازاي معاملتة معاها كانت وحشه: انا دمي محروق اوي يا اسماء مش قدرة.. انا لازم اجيب حقي

منه

متقلقش يا كبير هنجبلك حقك واالله وهنفكرله ف فوكيرة توديه ورا الشمس انتي بس استريحي وبكرة نشوف هنعمل اي..

لا مش هقدر اجي بكرة باباه ياختي عزمنا ع الغدا..

يعني هتشوفي الزفت تاااني ؟ االله يعينك يبنتي..

يارب يموت قبل ما اشوفه

انا مش عارفه هبص ف وشه ازاي دا انا كل لما اسمع صوته دمي يتحرق وابقي مش قدرة..

خلاص بس هدي نفسك ونامي وبكرة ابقي اكلمك اطمن عليكي..

ماشي يا سمسم متحرمش منك تصبحي ع خير..

وانتي من اهله يا بيبتي موووة نامي كويس بقه سلام..

قفلت حبيبه نور اوضتها ونامت علي السرير وقعدت تفكر لحد ما نامت ..

اهو انت هتفضل ف القفص دا لحد ما تموت وتعفن..

قالتها حبيبه لحسام اللي كان محبوس في زنزانه ادمها

حسام: والنبي يا ست حبيبه تخرجيني معنتش هعمل كدا تاني..

حبيبه: ست؟ دلوقتي بقيت ست واللي انت عملته فيا امبارح دا كان اي بقه ان شاء االله دا انا هطلع عليك البلا الازرق انا تحطني ف

الحبس يا زباله..

اي دا انت خرجت ازاي قالتها حبيبه وهي مستعجبه لما لقت حسام خرج م القفص وبقه قدمها..

مش عايزة تخرجيني لي يابت مش بتحايل عليكي من ساعتها عسكرررريحسام:

قامت حبيبه من نومها مفزوعه : يعني لا عايز تسبني ف الحقيقه ولا ف الحلم كمان

ربنا يخدك يا شيخ..

محمد وهو بينادي عليها : يلا يا بيبه اجهزي اتاخرنا..

حبيبه: يعني اتاخرنا ع البرم ديله..

محمد: بتقولي حاجه يا حبيبتي..

لا يا بابا بقول حاضر هجهز اهه

****

مجدي: اتفضل يا حج محمد

نورتي يا هانم

ازيك يا حبيبه اخبارك اي النهارده

الحمد الله يا عمو احسن..

سلمت

الامهات ع بعض ودخل مجدي ومحمد مع بعض ومشيت حبيبه وراهم بتبص للبيت

كان بيت فخم زي بيتهم بيطل علي جنينة كبيرة وفيه تحف قيمه في كل مكان قعدت جمبهم وهي مبتسمه

فسال محمد عن حسام : امال حسام فين..

مجدي: حسام جاي حالا.. يا حسام..

حبيبه بصوت واطي: لي يا بابا تساله بس لييي منشاالله عنه ما جه يابااي..

نزل حسام كان لابس بنطلون جيتر ازرق غامق عليه جاكت اسود وتحته قميص ابيض فيه خطوط زرقا كان شيك اوي

سلم ع والد حبيبه ووالدا ورحب بيهم

مجدي: اي يا حسام مش هتسلم ع حبيبه ولا اي..

راح عشان يسلم عليها وهي متحركتش وبصت للجهة التانيه مد ايده..

حبيبه: معلش يا عمو مش بسلم ع رجاله..

..سحب حسام ايده مرة تانيه وهو بيبصلها بغيظ

مجدي: عين العقل يبنتي انا من يوم ما شوفتك وانا محترمك يا زين ما ربيت يا حج محمد

نجلاء والدة حسام : يلا اتفضلو الاكل جاهز

بعد ما خلصو اكل..

محمد : تسلم ايدك يا مدام بجد الاكل كان جميل

نجلاء: اي يا حبيبه مكلتيش لي

لا واالله يا طنط انا كلت كتير اوي الحمد الله تسلم ايد حضرتك..

امال: اصل حبيبه اكلتها خفيفه شويا

بعد ماخلصو قعدو كلهم ف الريسبشن..

مجدي: قولي بقه اخبارك اي يا حج محمد

الحمد الله يا حج اهو عايشين..

بتعمل اي دلوقتي بعد ما اخدت اجازتك..

ولا حاجه ادينا قعدين لا شغله ولا مشغله..

طب ما تفتح اي مشروع يسليك..

واالله يا حج مجدي الواحد بعد ماساب الطيران وهو ماليه نفس يعمل اي حاجه..

طب اي رايك انا وانت نتشارك ف اي مشروع وانت عارف انا قربت اطلع معاش اهه..

ايدي ع ايدك..

بيقولو ف اجانس عربيات معروض للبيع اهو نشوفه..

خلاص ع بركه االله اي حاجه بدل القعده دي..

كانت والدت حسام ووالدت حبيبه قاعدين بيتكلمو مع بعض : نورتي يا مدام امال..

البيت منور بصحابه يا نجلاء هانم ..

االله يخليكي انا سعيده خالص اني اتعرفت ع ناس محترمه زيكو كدا..

الشرف لينا احنا

ربنا يديم المحبه..

بنتك ما شاء االله عليها زي القمر وتتحب علطول..

حسام برضو ربنا يباركلكو فيه

ان شاء االله العزومة الجايا تبقي عندنا..

ان شاء االله قريب..

حبيبه وحسام بقه كانو قاعدين ومحدش بيبص للتاني..

حسام: غريبه اوي الدنيا دي مين يصدق ان امبارح بس كنتي محبوسه عندي ف القسم والنهارده ف بيتي

اة انا برضو مستغرباها ازاي كنت لسه امبارح ضرباك بالقلللم والنهارده قعده معاكو وبنتغدي كمان يا سبحان االله..

حد قالك قبل كدا انك رفعه مناخيرك ف السما ع الفاضي..

وحد قلك قبل كدا انك منفوخ ع مفيش ؟. ..

لا وبتعرفي تردي كمان ماشاء االله..

وبعرف امد ايدي كمان اوعي تنسي دي لولا عمو وبابا كانو هيزعلو اني مجتش انا مكنتش هوبت ناحيه هنا ولا كنت عايزة اشوف

خلقتك اساسا..

يعني انا الي واقع ف دباديبك لولا بس بابا انا مكنتش سبت شغلي عشان حاجه متستهلش..

انت قليل الزوق..

لما انا ابقي قليل الزوق انتي هتبقي اي..

قامت حبيبه من مكاا وقالت بصوت عالي: باباااا بابا يلا عشان نمشي..

محمد: اي يا حبيبه مالك

مفيش بس تعبانه وعايزة امشي..

محمد: ماشي يا حبيبتي يلا يا حج مجدي نستأذن احنا ومستنينكو ان شاء االله يوم الجمعه ع الغدا اوعي متجيش يا حسام..

سمعو هما الاتنين الكلمه وبصو لبعض بغيظ اكتر

ازاي كل واحد فيهم هيتحمل يشوف التاني مرة تانيه..

مجدي: ان شاء االله يا حج محمد ف رعايه االله شرفتونا وانستونا نورتينا يا حبيبه..

حبيبه: ميرسي يا عمو مع السلامه..

وقفو هما الاتنين قدام بعض وقالو في وقت واحد: متشرفناش

مشيت حبيبه جنب بباها وهي قالبه وشها لحد ما ركبو عربيتهم ومشيو..

********

قصة..(وليا معـــــــــــــاه حكـــــــــــايه)

اسماء: وحشتيني يا جزمه كدا متجيش امبارح وتسبيني لوحدي ..

معلش واالله يا سمسم مكنش بأيدي اعمل اي حكم القوي..

ها احكيلي اي حصل..

مفيش انسان قليل الزوق وغبي وان مات يبقي انا اللي قتلته..

عمل حاجه تاني..

يبنتي هو وراة حاجه يعملها غير انه يحرق ف دمي ربنا يغيظه مطرح ماهو قاعد

نفسي احط مناخيرة ف الارض يا اسماء..

مالك يابنتي مدياله اكتر من وضعه لي..

يا اسماء مش كدا بس دا مفكر نفسه الشاطر حسن وانا محدش يعمل معايا كدا انا هعرفه مقامه كويس..

يا حبيبه سيبك منه

النوع دا من الرجاله مش عايز غير التطنيش..

يعني انا معبراة ؟

منا مش مدياله اي اهتمام

بس هو اللي اسلوبه يضايق ويغيظ اي حد لو شوفتيه هتعذريني..

خلاص روقي اي رايك نخرج نتغدي احنا والبنات النهارده واهو تفكي شويا..

خلاص ماشي..

****

اسماء: المطعم دا شكلو جااامد احنا مجناش هنا قبل كدا ازاي

خدي صوريني يا حبيبه..

حبيبه اي يبنتي خدي صوريني

كانت حبيبه سرحانه فردت عليها : ماشي يا اسماء..

اسماء: انت هتفضلي ساكته كدا كتير يعني احنا خارجين عشان نضحك وانتي تكشري كدا ع فكرة جبتيلك معايا حاجه بتحبيها..

بصتلها حبيبه بفرح : اييي اوعي يكوت االي ف بالي..

اسماء: اةة هو

غزل بناااااات جيبالك واحد ااي جاي من بلاد برة وابن ناس كدا..

حبيبه: يعني اللي بيتباع مع عمو في الشارع وحش يا سمسم ماهو حلو برضو ..

اسماء: لااا بس دا غير

هدوقي وهتعرفي..

خرجت اسماء العلبه من شنطتها وحبيبه بصلها بفرحه رهيبه :اتفضلي يا ستي..

سعتها افتكرت حبيبه العقاب اللي قالت هتنفذة علي نفسها اا متكلش غزل بنات

بس قالت برضو كفايا العقوبات اللي شفتها الايام اللي فاتت : حبيبي يا سمسم ربنا ما يحرمني منك انتي احلي صحبه ف الدنيا..

أخذت حبيبه العلبه وفضلت تاكل وهي فرحانه وسعيده زي العيال الصغيرة انتهزت اسماء الفرصه وصورا كذا صورة كانت في كل

الصور فرحانه وبتضحك زي ما تكون عمرها مزعلت ابداا

****

في يوم تاني وخصوصا الجمعه

امال: يلا يا حبيبه اصحي..

اي يا ماما.. والنبي شويا بس. النهاردة اجازة

يبنتي انتي نسيتي ان سيات اللوا جيلنا النهارده..

اة دا النهارده الجمعه لي بس كدا لييي: قامت من نومها وبرئت عنيها وهي ومصدومه وقالت بزعل

يلا يا بنتي اتاخرنا مش هنلحق نطبخ حاجه

منشاله ماكل يا ماما هو احنا اتبنناه

محمد: حبييييييبه

حاضر يا بابا قمت اهو..

****

مجدي: حسام الراجل عزمنا وعزمك انت كمان مينفعش متروحلوش..

يابابا بس انا مش عايز اروح وكمان انا عندي مشوار مهم النهارده وحضرتك قولتلي المرة اللي فاتت اقابلهم وقبلتهم عشان خطرك

سبني بقه المرة دي.

معلش يا حسام تعالا المرة دي كمان ع نفسك عشان احراجنا

لو مجتش هيبقي شكلنا وحش معلش.

****

محمد: البيت نور يا حج مجدي..

مجدي: منور بصحابه

محمد: ازيك يا حسام يبني

حسام: الحمد الله يا عمو تمام

محمد: اتفضلو انتو هتفضلو واقفين ولا ايه

دخلت امال عليهم : اهلا اهلا نورتونا اهلا بحضرتك نورت

ازيك يا مدام نجلاء شرفتينا واالله ازيك يا حسام اتفضلو استريحو ..

محمد: ها يا حج مجدي طمني عليك

مجدي: الحمد الله بخير طول محنا شيفنكو

محمد: واخبار الحجات اللي كنت كلمتني عليها اي

مجدي: كلو تمام وخلاص ف ظرف يومين الاوراق كلها هتبقي عندي وهوريهالك انا مستبشر خير بالمشروع دا..

محمد: انت اصلا كلك خير يا راجل طيب..

مجدي: االله يكرمك

امال حبيبه فين..

محمد: نازله علطول اهه

متشوفيها يا أمال..

حاضر هي تلاقيها بتلبس انتو عارفين البنات بقه

قال حسام بصوت واطي تلاقيها كلت سم فران وماتت

يلا ريحت..

نزلت حبيبه ع السلم كانت جميله زي القمر لبسه درل احمر وفيه رسومات سودا وحجاب اسود وبلارينا نفس اللون مع لمسة روج

احمر خفيفه كان اللون الاسود مبيضها اكتر ومخليها امورة بصولها كلهم بأعجاب كان مظهرها يلفت النظر فخدودها اللي زاد لوم في

الدقايق اللي نزلت فيهم السلم مش طبيعي ابدا تجبر أي شخص يبصلها وميرفعش عينه من عليها

حتي حسام نفسه بصلها بتعجب كدا

هي احلوت كدا امته اكيد مش دي اللي كل ما تيجي تتكلم معاه يحس ان فيه بركان جاي ناحيته واكيد مش دي برضو اللي كل ما

تتكلم معاه تغلط فيه

نجلاء: ازيك يا حبيبه ما شاء االله عليكي زي القمر..

ميرسي يا طنط دي عيون حضرتك..

مجدي: اي يا حبيبه الجمال دا لا انا كدا هتجوز ع طنط نجلاء

ههههه ربنا يخليك يا عمو دا زوق حضرتك..

قعدت حبيبه قدام حسام كانو هما الاتنين مش عاطين لبعض اهتمام ومش معتبرين التاني قاعد معاهم اصلا لحد ما خلصو غدا

فقال حسام : معلش هستاذن انا بقه اصل عندي مشوار مهم شكرا جدا ع العزومه الحلوة دي يا محمد بيه..

محمد: ما بدري يبني انت لسه قعدت

معلش مرة تانيه أن شاء االله..

مجدي: طب خد ماما معاك بقه يا حسام انا هقعد شويا مع عمك محمد..

والدت حبيبه : لا سبها شويا يا مجدي بيه احنا لسه مقعدناش مع بعض

نجلاء: معلش احنا اخرناكو اوي كفايا تعبك النهارده ع الاكل دا كلو.. اسيبك تستريحي شويا بقه

امال: تعب اي بس دا

مجيتكو دي ع عنينا

نجلاء: تسلمي يا حبيبتي يلا مع السلامه وان شاء االله لازم اشوفك تاني..

امال: ان شاء االله نورتينا

نورت يا حسام..

قالتها وكان حسام بيجري زي اللي هربان من كمين وحبيبه مختلفتش عنه مصدقت هي كمان ارتاحت وحست ان حمل اتشال من علي

قلبها..

محمد: قولي بقه ياعم الحج هنبدا امته نظبط موضوع الاجانس دا وياتري هكون انا وانت بس ولا ف شريك تاني معانا..

بداو بقه يتكلمو في الشغل والاعمال والتكاليف وقامت امال وحبيبه وفضلو هما مع بعض لحد ما قال مجدي : الا من حق يا حج محمد

هي حبيبه مخطوبه..

لا لسه واالله مجلهاش ابن الحلال..

لي بس دا ولاد الحلال كتير..

هنعمل اي بقه نصيب..

ما شاء االله عليها حبيبه زي القمر وبميت راجل ومتربيه..

االله يحفظك دا من زوقك..

الصراحه يا حج محمد انا كنت عايز افاتحك ف موضوع..

اتفضل ..

لو جيت للحق انا بدور لحسام ع عروسه من زمان تبقي بنت حلال ومن عيله ومش هلاقي انسب من حبيبه لحسام ابني..

ابتسم والد حبيبه : وانا مش هلاقي نسب احسن منك يا حج مجدي انت راجل طيب

وعشرة عمر..

افهم من كدا انك معندكش مانع..

لو من ناحيتي انا معنديش مانع بس الرأي رأي حبيبه برضو..

خلاص ع خيرة االله وانا هستني ردك..

باذن االله نورتنا وانستنا

مع السلامه..

****

قصة..(وليا معـــــــــــــاه حكـــــــــــايه)

يا امال تعالي عايزك ف موضوع..

دخلت امال ومحمد الاوضة وفضلو يتكلمو حوالي ساعه

لحد ما نداها والدها: حبيبه تعالي يا ماما عايزينك ف موضوع

خير يابابا ف اي..

رد عليها وهو مبتسم : مفيش يا حبيبتي خير انا كنت عايز اقولك بس ان ف عريس متقدملك

بصتله وهي مستغربه : عريس ؟ عريس مين يا بابا

بصو لبعض شويا وهما بيضحكو: الحج مجدي طلبك لحسام ابنه النهارده ..

قامت من مكاا وسابت ايد بباها ف تعابير مقدرتش تخبيها..

مالك يبنتي اتكهربتي لي كدا في ايمحمد :

حبيبه: لا

هو اي اللي لا؟

لا مش موافقه.

هو انتي لسه فكرتي يبنتي طب خدي فرصتك وفكري

يابابا مش محتاجه تفكير انا عارفه قراري ومش هغيرة..

طب لي يبنتي هو الراجل ولا ابنه يتعيبو..

يابابا دا واحد قليل الزوق وانا ف حياتي ما كرهت اده مفكر نفسه حاجه كدا وبيعملني بمنتهي قله الادب..

طب ما يمكن عشان الظروف اللي حصلت بينكم هي اللي ادتك الفكرة دي

اديله فرصه واقعدي معاه واعرفي شخصيته..

شخصيته باينه من اول يوم انه انسان مش بيعمل حساب ان اللي ادامه بنت ولا ولد حضرتك مشفتوش عمل فيا اي يوم القسم

ولا كلامه كله

لا يابابا الا دا لو اخر واحد ف الدنيا

لا يمكن اوافق عليه ..

استهدي باالله بس كدا يا حبيبتي واقعدي مع نفسك متعرفيش عمك مجدي بيعزك اد اي ودا عشرة عمر وحاسس اني هبقي مطمن

عليكي معاهم لو حصلي حاجه..

بعد الشر عليك يابا ازاي تقول كدا..

انا كبرت يا حبيبه وخايف اروح واسيبك انتي وماما لوحدكو انتو ملكوش حد

لا اخ يحميكو

ولا حد

نفسي اطمن عليكي واشوف عيالك قبل ما موت..

لا يا بابا وحياتي ما تقول كدا تاني ربنا يخليك لينا ولا يحرمنا منك..

دي الحقيقه يا حبيبتي ومن اول ما حج مجدي شافك وهو بيعتبرك زي بنته والولد محترم وميتعيبش ولو ع اللي حصل دا

كان سوء تفاهم وراح لحال سبيله

فكري ومتتسرعيش وصلي صلاة استخارة وقوليلي رايك..

ماشي يا بابا بس وحياتي

متزعل انت نفسك انا اي حاجه تفرحك انا مستعده اعملها حتي لو كانت غصب عني..

لا يا حبيبه اوعي تقولي كدا انا عمري مرضى اغصبك ع حاجه انا بس عايزك تخدي فرصتك ف التفكير..

حاضر يابابا متقلقش..

****

مجدي: اتاخرت لي يا حسام ؟

معلش يا بابا كنت مع ناس صحابي سهرانين شويا..

طب تعالي اقعد عايزك

دلوقتي ينفع اللي انت عملته عند محمد بيه النهارده ؟

هو اي اللي انا عملته يا بابا..

مشيت كدا مرة وحده حتي ملحقتش تقعد معاهم ولا تتكلم مع الراجل..

يابابا حضرتك عارف ان كان عندي مشوار وكنت مستعجل وانا قايلك كدا من هنا..

ماشي يبني بس برضو

الناس كان ناقص يشيلونا فوق دماغهم ومكنوش عايزينك تمشي

عارف يا حسام انا اعرف عمك محمد دا من امته ؟

من ايام المدرسه اه واالله كنا مع بعض دايما وعمرنا ما سبنا بعض بس الايام بقه هي اللي بتلهي

ولا حبيبه بنته..

قال حسام بغيظ :مالها؟؟..

مملهاش بس بنت محترمه بميت راجل وما شاء االله عليها بدر منور زي القمر ربنا يحفظها..

وانا مالي يابابا هو انا هتجوزها؟..

ضحك والده وكمل :النهارده كدا وانا قاعد مع الحج محمد سالته هي مخطوبه ولا لا صدق قال اي

بصله حسام وهو مخنوق : قال اي ..

قال مش مخطوبه تصدق بنت زي القمر كدا ولسه متخطبتش مش معقوله..

وطي حسام صوته وقال : مهي اللي زي دي عمرها ما تتخطب

دا مين اللي هتبقي امه دعيا عليه اللي هيخدها

دا كفايا لساا اللي عايز قطعه..

مجدي: انت..

حسام: هو اي اللي انا ؟..

بقولك يبني انت مثلا برضو ابن ناس وما شاء االله عليك ولسه ملقتش بنت الحلال اللي تصونك..

ولا عايز الاقي يابابا وحضرتك عارف اني مبحبش اتكلم ف الموضوع دا..

لحد امته يا حسام هتفضل تضيع ف عمرك كدا انا جبتلك ميت عروسه وانت برضو مش بترضي..

ولا هرضي يا بابا ولا عايز اتجوز م الاساس..

متخدش كل البنات بذنب وحده يبني مش عشان لقيت وحده وحشه وسط مليون يبقي الكل زيها..

كلهم وحشين يابابا وكلهم ميتأملهمش الصبح تبقي معاك والعصر مع غيرك..

انسي منار يا حسام واعرف اا م الاول مكنتش من توبك وانت اللي صممت عليها وعارف انك انت اللي سبتها واتعلمت بس زي

ما طلعت انا صح قبل كدا ف نصيحتي اسمع مني المرة دي هتكسب..

انا قلتلك يابابا

لو سمحت مش عايز اتكلم ف المواضيع دي ومش عايز اسمع الاسم دا تاني..

طب اهدي بس واستهدي باالله انت عارف يا حسام انا مليش غيرك ف الدنيا دي وانت اللي شايل اسمي وولادك ان شاء االله هيشيلو

اسمي

لي عايز تحرمني من حاجه زي دي لي عايز تحرمني من ان ربنا يعوضني ويفرحني واشوف ولادك..

انا مقصدتش كدا يابابا بس بجد انا مش عايز دلوقتي سبني شويا ع الاقل عشان ابقي كويس مع اللي هخدها ومظلمهاش..

طب انت مش اعتراضك ع كل البنات الخوف

خايف تكون زي اللي قبلها اي رايك بقه ف اللي تصونك وتشيل اسمك وترعاك وانا بنفسي اضمنهالك وابصملك بالعشرة عليها

بنت بميت راجل ومحترمه ومفيش زيها اتنين والنهارده كلمت بباها كمان..

هي مين دي ؟..

مجدي: حبيبه..

وقف حسام من ع الكرسي وبص لبباه وهو مش مصدق :مييييييييييين ؟ ..

حبيبه يبني بنت ماشاء االله عليها بنت اصول وهي اللي تصونك وترعاك اسمع مني دي بنت متتعوضش..

دي بالزات لا لو كانت اخر بنت ع وجه الكرة الارضيه انا مش هرضي بيها..

اي يا حسام اللي انت بتقوله دا

اشمعنه هي بالذات..

كدا وخلاص انسانه مشفتش ولا هشوف زيها عمرها ما كلمتني باحترام وحاسس ان عمرها ما شافت تربيه..

حسام عيب كدا انت بتحسسني انك بتتكلم ع وحده انا مشفتهاش

حبيبه من اول ما شفتها وباين عليها اا محترمه ومن اول مرة وانا حاسس اا زي بنتي..

سعتها بص في الارض بحزن وقال : مش عايز تعوضني ند تانيه يا حسام ؟..

قعد حسام جنبه وحط ايده ع ايد والده : انا مش قصدي واالله يابابا كل الحكايه..

فقاطعه والده : كل الحكايه اني عايزك تفكر متتسرعش خد فرصتك ومتدنيش رايك دلوقتي انا من اول مرة شفت حبيبه فيها وانا

حاسس اني شايف

هند اختك االله يرحمها كل ما اشوفها احس اا هي اللي بتتكلم

وعمري ما اتمنالك عروسه احسن منها عشان خطري يا حسام متحرمنيش منها تاني..

باس حسام ايد بباه وهز راسه : حاضر يابابا هقعد مع نفسي وافكر..

****

نجلاء: اي يا مجدي كلمته..

اة يا نجلاء..

ها وقال اي..

قال هيفكر

حاسس انه هيوافق بس قالي اديني فرصة افكر..

ربنا يهديه حبيبه بنت ما تتعيبش ودخلت قلبي من اول مرة..

ومين سمعك يا نجلاء انا زيك بالظبط كفايا ابوها راجل محترم لو اتجوزها يبقي ربنا بيحبه..

ربنا يقدمله اللي فيه الخير ..

يارب اللهم امين..

****

كانت حبيبه ف اوضتها بتعيط بحرقه ومش عارفه تعمل اي تزعل بباها وترفض ولا تقبل بالبني ادم اللي حتى مش بتطيق تسمع اسمه

كانت اوضتها بتطل علي حديقتهم خرجت البلكونه وقعدت تفكر وبعدين دخلت تاني

وقعدت علي سريرها اللي كان وسط الاوضه ومسكت اللاب توب وبدأت تتكلم مع اسماء في الدردشة..

اسماء انتي هنا ؟..

اسماء: ايوا يا بيبه ازيك..

حبيبه: الحمد الله يا حبيبتي اخبارك اي..

اسماء: انا تمام ها احكيلي ف جديد ؟..

حبيبه :ف بلاوي..

اسماء: ف اي قولي ..

حبيبه: ابو الزفت..

اسماء: مالو ؟؟؟

يابت قولي مالو..

حبيبه: طلب ايدي للزفت النهارده..

اسماء: ؟؟؟؟؟؟؟..

حبيبه: لا انتي هتفضلي تبعتيلي كدا ف علامات استفهام قوليلي اعمل اي يا اسماء..

اسماء: الصراحه يا حبيبه انا مصدومه الموضوع جه بسرعه اووي اووي هو الراجل لحق يشوفك حته..

حبيبه: ماانا طلعت اتقابلت انا وبباه قبل كدا مش عارفه يا اسماء اعمل اي دماغي هتنفجر م التفكير..

اسماء: طب مترفضي يبنتي..

رفضت بس بابا قعد يقولي انا كبرت وخايف عليكي وانا مش عارف هعشلكو لامته..

لا ربنا يخليه ليكو بعد الشر عنه..

يارب يا سمسم وبعدين بقه حط الكورة ف ملعبي وقالي انا مش هغصبك ع حاجه انا مبطلتش عياط من سعتها يا اسماء يعني ف الاخر

اخد داااا من الرجاله كلهم..

واالله يا حبيبه ماعارفه اقولك اي طب مش انتي بتقولي ان الزفت دا هو كمان مش طيقك..

اة احنا الاتنين نطيق العمي ولا نطيق بعض..

طيب تمام ميمكن هو اللي ميوفقش..

بس ازاي وبباه بنفسه اتكلم وطلب

اكيد بباه مش هيعمل حركه زي دي الا ما يكون مالي ايده منه وعارف انه موافق..

طيب شوفي الاول الامور هتمشي ازاي ويمكن تيجي من عندهم ومترفضيش انتي عشان ميبقاش الغلط من عندك وبباكي يزعل منك

خلي الغلط يجي منه هو..

طب افرضي بابا كلمني تاني ف الموضوع دا..

ابقي قوليلو انك موافقه وخلاص مشي الجو يعني..

انا خايفه يا اسماء اكون بدبس نفسي..

لاا لا متحمليش هم بكرة تقولي اسماء قالتلي..

اما نشوف..

****

قصة..(وليا معـــــــــــــاه حكـــــــــــايه)

دخل حسام اوضته وهو مضايق كانت اوضته واسعه حطاا باللون الرمادي فيها مكتبه كبيرة وسرير ف نص الاوضه حاطط صور ليه

ع الحيطة وشهاداته ووسماته التي اخدها من كليه الشرطه وصورة تخرجه بالبدله الرسميه مع اصحابه

قعد ع سريرة وافتكر كلمات بباه ومنار البنت اللي سبته قبل كدا اول حب ليه واخر حب كان بيحبها جدا وهي كمان

او دا اللي كانت بتقنعه بيه فضلو يحبو بعض تلت سنين خلال دراسته بالكليه خرج مرة من كليته وقرر يفاجئها فشفها مع واحد من

اصحابه ماسكه ايده

قالت اا كانت حسا بالوحدة فتصلت بمصطفي صحبة عشان يجي يقعد معاها شويا ويكلمها وقالت اا كانت هتتصل بيه عشان تقوله

وتعرفه حسام مصدقش طبعا بس اقنع نفسه لانه عارف انه ميقدرش يعيش من غيرها وكان مصطفي دا عدو طفولته هما الاتنين ممكن

يطيقو اي حاجه

اي حاجه

ولا يطيقو بعض فضل شكة وقلقه يزيد يوم بعد يوم لحد مجاله واحد من صحابه : ازيك يا عم حسام..

ازيك يا محمود اخبارك اي..

انا تمام يا برنس مالك كدا متغير الايام دي..

مفيش بس مخنوق شويا..

لي كدا بس..

مفيش مشاكل كدا ف البيت وبرة البيت..

اي منار..?

يعني..

طيب يا صاحبي انا هقولك ع حاجه بس مش عايزك تتعصب انا بقولك دا عشان انت صحبي وحبيبي وانا مردلكش العيبه..

ف اي يا محمود..

مفيش بس انا لما عرفت قلت اقولك لاني شايفك اخد الموضوع ع اعصابك وف ناس تانيه ف السحاب..

اي يبني ما تقول ف اي..

منار..

مالها..

مصطفي عزمها النهارده عنده ف شقته اللي هو قاعد فيها..

اي اللي انت بتقوله دا

انت ابلت..

اهدي بس يا حسام انا عارف ان الموضوع صعب..

هو اي اللي صعب انت اكيد بتخرف..

ياعم لو انا كذاب روح اتاكد بنفسك

هي ريحاله النهارده الساعه 7 وهو بنفسه اللي قيلي..

خرج حسام بسرعه بص للساعه لقاها سته ونص عدت عليه النص ساعه دي كأا سنه فضل قاعد في عربيته تحت شقة مصطفي لحد

مشاف منار جايا من بعيد وهي بتبص حوليها شفها وهي طالعه السلم استني حوالي خمس دقايق وبعدين طلع وراها وقف ادام شقه

مصطفي

وخبط علي الباب ففتحله مصطفي فسأله: هي فين..

مصطفي: هي مين دي يا حسام..

انت هتستعبط يا حيلتها فين منار..

واي اللي هيجيب منار عندي هنا بس..

عدي كدا

مناااار انا شيفك وانتي طالعه وعارف انك هنا اطلعي احسنلك..

خرجت منار من الاوضه وقالت : نعم يا حسام عايز اي..

هو اي اللي عايز اي انتي اي اللي جابك هنا..

وانت مالك..

هو اي اللي انا مالي ..

ايوا وانت مالك دي حياتي وانا حرة فيها ياعم معنتش عايزاك ولا عايزة اشوفك انت هتفضل لزقلي كدا كتير ارميك م الباب تجيلي م

الشباك اوف ..

فضل حسام متسمر مكانه لحد ما اتكلم مصطفي وهو ماسك باب الشقه : نورتنا يا حسام معلش مفيش ساقع كنت اعزم عليك بيه..

مرة وحده نزل عليه حسام ضرب

ابكاس ومنار تشد فيه ..سيبه يا حسام هتموته..

مسك شعرها بايده : انتي بقه يا زباله حسابك معايا هيبقي كبير اوي..

وزقها جامد لحد ما اتخبطت في الحيطه..

فضل حسام متأسر بالموضوع دا كتير مش بيثق في اي بنت ومش بيسمح لاي بنت تدخل حياته باين ع وشه الغيظ وبيرفض يتكلم مع

والده في الموضوع دا او اللي يشبهه..

قعد يفكر ازاي هيتهرب من بباه او هيقولة اي..

****

محمد : اي يا حبيبه عامله اي..

الحمد الله يا بابا..

اي فكرتي ف اللي انا قلتهولك..

اه يابابا..

وصليتي استخارة ؟..

ايوة..

طيب يبنتي طمنيني..

خلاص انا موافقه..

بصلها بفرحه رهيبه:

بجد يبنتي.. ?

اة يابابا انا عمري ماقدر ازعلك ابدا..

ربنا يخليكي ليا يا حبيبه انتي احلي بنت ف الدنيا دي كلها..

وانت احلي بابا ربنا ما يحرمني منك..

طب استني بقه اتصل بعمك مجدي افرحه..

كانت حبيبه بتبصله وهي بتتمني

تكمل خطتها اللي رسمتها هي واسماء ع خير مستنيه يجي الرفض منه مش منها..

محمد: ايوا يا حج مجدي

خير ان شاء االله انا بتصل بيك عشان اقولك ان حبيبه موفقه

اة احنا هنلاقي زي نسبكو دا فين يا حج

ربنا يديم المحبه

خلاص ماشي نتقابل ان شاء االله ونتفق ف رعايه االله مع السلامه..

حبيبه: ها يابابا قالك اي..

مفيش يبنتي بيقولي هنتقابل

ونتفق نعمل اي

وكلام الكبار دا يعني..

يعني حسام موافق ؟..

وهو بباه هيتقدم من وراة يعني يبنتي اكيد طبعا موافق.

كانت حبيبه قلقانه خايفه تنقلب الخطه عليها مش ليها..

قفل والد حسام الخط فرحان ومشي لحد اوضة ابنه وخبط ع الباب..

ايوا..

ايوا يا حسام انا بباك..

اتفضل يا بابا..

اي دا انت لبست..

ايوة يا بابا حضرتك عايز حاجه..

لا بس كنت بطمن وبشوفك فكرت ف اللي قلتهولك ولا لا..

اة يا بابا فكرت..

وبعدين يبني..

انا موافق ع اللي عايزني اعمله ..

بجد يبني ؟ ربنا يهديك ويصلح حالك انت متعرفيش انت فرحتني ازاي دا حته لسه عمك محمد مكلمني ومفرحني وقالي ان حبيه موفقه

هي كمان..

نزلت الكلمات دي ع حسام زي الضربه لانه هو كمان كان مفكر ان الرفض هيجي منها لانه عارف اا مش بتحبه وهو كمان

بيبادلها نفس الشعور..

فسأله: متاكد يا بابا اا موافقه؟..

اة يبني

بقولك الراجل لسه قافل معايا

وقالي انه خد رايها واا وافقت

هقابله بقه النهارده ولا بكرة بالكتير ونتفق ع كل حاجه

ومعاد الخطوبه وبرضو لازم تقعد انت وهي مع بعض وتتكلمو كدا ..

طب ب ب طب لي بس مستعجل يابابا يعني نتعرف الاول انا وهي يمكن مثلا معجبهاش نديها فرصتها برضو..

يبني هو انا بقولك هجوزكو بكرة منتو ادمكو فترة الخطوبه اتعرفو ع بعض زي مانتو عايزين اما اروح افرح ممتك بقه..

كان حسام حاسس ان كل حاجة حصلت بسرعه لا عارف يعمل اي

ولا عارف ازاي حط نفسه في الورطه دي

ازاي البت الرخمه دي وفقت مستحيل تكون فكرت هي كمان في اللي هو فكر فيه

ممكن ..!!

****

اسماء: ها طمنيني خطتنا ماشيه تمام ولا.. ?

شكلها ولا يختي

انا عارفه هروح ف داهيه من ورا خططك دي..

لي بس اي حصل..

بباه بيتكلم عادي

واتفق مع بابا ام يتقبلو

عشان يتفقو

وسالت بابا إذا كان الزفت موافق هو كمان ولا لا

قالي اكيد موافق

بباه مش هيتكلم كدا والسلام..

مممم طب وبعدين..

هو اي اللي وبعدين مش انتي اللي شورتي عليا الشورة دي قوليلي انتي وبعدين يا فالحه..

****

مجدي: اتنين قهوة فرنساوي لو سمحت.. ها يا حج محمد قولي بقه طلباتك..

طلبات اي بس يا مجدي بيه احنا بنشتري راجل وحسام بقا ابني خلاص..

االله يكرمك

وحبيبه ف معزت بنتي واكتر

وربنا عالم

بص بقه انا مش عايزهم يطولو ف فترة الخطوبه انت عارف المشاكل اللي بتحصل دي

احنا ف غنا عنها..

بس حبيبه لسه ادامها سنة..

طب وفيها اي مهي هتقضيها معانا معززة مكرمه

يجلها دكاترة الجامعه بنفسهم يدولها كورسات

مش المعيدين بس

هو احنا لينا كام حبيبه

وشقه حسام جهزة ومتشطبه ومقفوله بالمفتاح

مستنيه بس حبيبه تنورها

ولو ع الجهاز متشلش هم انا متكفل بكل اللوازم..

جهاز حبيبه كلو معيونلها يا حج مجدي دي بنتي الوحيده

انا لو مجبتلهاش حته م السما هبقي كدا مقصر ف حقها

انا بس شايل هم دراستها

ازاي هتعرف تتصرف ف بيتها

وجمعتها مع بعض دي مسؤلية كبيرة عليها اوي..

ولا كبيرة ولا حاجه حبيبه ادها وادود وكمان احنا هنبقي معاها مش هنخليها تشيل قشايه ولا تعمل اي حاجه

هي بس تشد حيلها ف درستها وكتر الف خيرها..

اقولك اي بس يا حج مجدي انا مقدرش ارفضلك طلب..

متقولش حاجه احنا نقرأ الفاتحه وبعدين ربك يسهلها بسم االله الرحمن الرحيم الرحمن الرحيم مالك يوم الدين اياك نعبد واياك نستعين

اهدنا الصراط المستقيم صرات الذين انعمت عليهم غير المغضوب عليهم ولا الضاااالين اميييين ..

مجدي: اي رايك الخطوبه تبقي الجمعه اللي بعد الجايا..

خلاص انا معنديش مانع..

مجدي: طب ومعاد الفرح؟..

اللي تقول عليه يا حج مجدي انا معاك فيه

وبرضو بعد ما اخد رأي حبيبه والحجه..

مجدي: طبعا طبعا عداك العيب اي رايك بعد ما تخلص امتحاناا اجازا الجايا يعني..

خلاص ع بركه االله والراي رايهم ف الاخر برضو..

مجدي: طبعا اكيد..

محمد: طيب عايزم يقعدو مع بعض شويا كدا عشان هما لسه معرفوش بعض كويس..

واالله خدت الكلمه من علي لساني كنت لسه هقولك نحدد معاد..

محمد: خلاص اي رايك يوم الخميس..

وهو كذلك هعرف حسام وأكد عليك برضو..

****

بصي انا ممكن احطله سم ف العصير ..

اسماء: لا يا بيبه ممكن تتلخبطي ف الكوبايه وتيجي ف حد تاني لا حل مش مضمون..

اة عندك حق

طب ما ممكن اعمل زي سعاد حسني ف فيلم الجواز ع الطريقه الحديثه

اة بس هما اصلا شيفني قبل كدا مش هينفع دا برضو

اعمل اي بس

اة عندي فكرة..

اسماء: ها قولي..

ممكن اعمل اي حاجه تنرفزة وتخليه يتعصب قدام بابا وعمو مجدي

فيبان ادمهم وحش

وانا ابقي غلبانه وسعتها لو قلت لبابا يفركش الموضوع هيفركشه ولا اااي...

يابنت العفريته حلوة الفكرة دي بس هتقدري تنرفزيه..

وانرفز عشرة زيه كمان دا مش بيطقني يبنتي..

خلاص يبقي هي دي الخطه الجديده .

اتفقناااا

****

قصة..(وليا معـــــــــــــاه حكـــــــــــايه)

محمد: اتفقت انا والحج مجدي نعمل الخطوبه الجمعه اللي بعد الجايا اي رايك..

حبيبه: ايه؟ الجمعه اللي بعد الجايا ؟ بسرعه كدا

لي يابابا

للدرجادي عايز تخلص مني قوام قوام..

اخلص منك اي يا حبيبتي ربنا عالم انتي بالنسبالي حياتي كلها بس انا بقول نفرح بيكي

ولا اي يا امال

امال : انا انا شيفا رأي بباكي صح

محمد: واتفقنا كمان ان انتي وحسام تقعدو مع بعض يوم الخميس..

حبيبه: وهو وافق ؟..

هو مين..

حسام يا بابا..

بباه قالي هياكد عليا المعاد يمكن يكون وراة شغل ولا حاجه

شغلنته دي مش بأيده برضو..

ماشي يا بابا..

كانت جواها بيتمني ميجيش اليوم دا

لان دا اخر امل بالنسبالها..

لو جه المفروض تنرفزة عشان ييان ادام بباها انه مش مناسب

كانت دي اخر كروت تقدر تلعب بيهم لاا متعرفش ايه اللي هيحصل لو كل تخطيطها دا مجبش نتيجه ..

****

جه يوم الخميس وراحو يتقبلو...

مجدي: تشربي اي يا حبيبه..

لا يا عمو متشكرة..

لا ازاي لازم تشربي حاجه اجبلك عصير مانجه ولا فراوله..

خلاص يا عمو مانجه..

كانت حبيبه قعده زعلانه لان مجدي اتصل الصبح وأكد علي بباها المعاد

وبكدا يكون كارت من كروا انحرق

ان حسام يعتذر وتيجي منه هو

شافت اا متورطه ف كل دا

اتحايلو عليها تلبس هدوم احسن بس هي مرضتش

كانت كل اللي عايزاة تخلص م الكابوس دا وخلاص..

هاتلي قهوة اسبرسو لو سمحت قالها حسام وهو بيبص للجارسون..

كان حسام ميختلفش عن حبيبه كتير

هو كمان فضل يتهرب م المعاد قعد يتحجج بشغله

بس الحجه دي هي كمان منفعتش فأخدله بباه اجازة وقال انه تعبان وميقدرش يروح.. حس انه ورط نفسه في شئ ميستحقش

كان ممكن يرفض من اول الموضوع

اي بس اللي خلاة يفكر ف الفكرة دي وازاي يرفض الموضوع بعد ما وافق عليه...

محمد: اي يا حج مجدي تعالي احنا نقعد ف التربيزة اللي هناك دي نتكلم ف شغلنا شويا ونسبهم ع رحتهم..

ماشي يا حج محمد اتفضل..

قعدو حوالي ربع ساعه هما الاتنين ساكتين ومبيتكلموش فضلت حبيبه تبص حواليها شويا وتمسك موبايلها شويا

وحسام برضو شرب قهوته وقعد يبص حواليه

كانو هما الاتنين مش عاطين لبعض اهتمام كأن كل واحد قاعد لوحده

فشاور مجدي لحسام عشان يتكلم مع حبيبه بصله بضيق وحس انه مجبور علي الكلام..

حسام: انتي هتفضلي ساكته كدا كتير..

عايزني اقول اي..

لا واالله مش عايزك تقولي حاجه ببايا وبباكي هما اللي عايزين لو عليا مش عايز الموضوع دا خالص..

ولو عليا انا كمان انا مش عايزة حتي اسمع اسمك دا اصلا..

امال وفقتي لي..

عشان ارضي بابا

مش هخسرة عشان واحد زيك

وانت ان شاء االله وفقت لي..

برضو عشان ارضي والدي

وبرضو مش هخسرة عشان حد زيك وكنت مفكر ان سيادتك هترفضي معرفش انك غبيه اوي كدا..

انا غبيه! واالله مافي حد غبي ادك وكمان عايز تطلع انت الكويس وانا اللي وحشه ادام ببايا وعمو ؟

يااخي دا بعدك..

يعني انا اللي هطلع ادامهم غلطان ؟ واالله لو شوفتي حلمة ودنك واللي نفسه طويل بقه يكسب..

قصدك اي..

قصدي انك تقومي زي الشاطرة وتقوللهم انك مش موافقه احسنلك..

هو اي اللي احسنلي..

احسنلك لاني مش هجيب الغلط من عندي واالله لو اتعلقتي حتي..

انت عارف انك بارد..

وانتي مستفزة..

عارفه وهفضل استفزك لحد ما يبنلك صاحب..

هاها اعلي مافخيلك اركبيه..

ياباي دا انت كميه برود ماشيه ع وجه الارض انت ازاي مستحملينك كدا يا تلااجه.......

يا رخم يا تلم يا سقعان لا دا انت معندكش دم..

حسام: ها بتقولي حاجه اصلي حاطط الهاند فري ف وداني..

بقولك أخبار خدك اي

لو أيدي وحشته ممكن اضربه تاني منتا شكلك واخد ع كدا..

بصلها حسام واتغيرت ملامحه

وحبيبه حست بكدا

واخيرا خطتها هتنجح اتكلم حسام بصوت واطي : اهدي يا حسام هي عايزة كدا متخليهاش تكسب..

وبعدين رفع صوته : مسيري اردهولك..

دا اللي هو ازاي ان شاء االله..

لما نتجوز منتي هتبقي مراتي واعمل فيكي اللي انا عايزة بقه..

حست بالخوف من كلامة دا

ازاي هي اللي كانت مسيطرة وازاي انقلب الكلام عليها..

فقالت بخوف : يعني انت هتضربني لو اتجوزنا..

لو عايزة تنفدي بجلدك قومي قوللهم انك مش موافقه..

فضلت تفكر وحست اا اتغلبت

تعمل اي كانت هي اللي بتحاول تضايقه لاكن هو اللي عمل كدا

تروح وتحرج بباها وترفض ويجي الخطأ من عندها

ويكون هو الكسبان

ويبقي ادام بباه المضحي المناضل اللي ضحي بسعادته عشانه

لا مش هيفوز عليها

وازاي اصلا يكسبها راجل بعد ما كانت هي اللي بتسحرهم

وبتفوز عليهم

هي مخسرتش قبل كدا ادام راجل ومش هتخسر

ولا هتسيبه يكسب ادمها ابدا..

حسام: ها رايك اي..

رأي هقوله لبابا..

حسام بقه حس ان اللي قاله جاب نتيجه فبعد تخويفه دا اكيد مش هتوافق وهيبان هو ادام بباه بصورة كويسه..

محمد: ها يا ولاد ان شاالله خير..

حبيبه : ان شاء االله يا بابا مش يلا بينا بقه..

ماشي يا حبيبه لو عايزين تفضلو كمان احنا معندناش مانع..

لا يا بابا خلاص الكلام خلص

قصدي خلصنا كلام يعني..

بصت لحسام نظرت تحدي

وبصلها هو بكل ثقه وسلمت ع بباه واستؤذنو عشان يمشو..

مجدي: ان شاء االله هستني تلفونك يا حج محمد عشان نشوف هنترل نجيب الشبكه ولوازم الخطوبه امته..

****

مجدي: اي يا حسام عملت اي..

مفيش يا بابا اتكلمنا شويا..

طب واي استريحت..

لو من ناحيتي اة

انما انا حاسس كدا اا مقلقه مش عارف لي..

ازاي يبني اي حصل..

مش عارف كلامها كدا

تحسها مغصوبه..

لا يبني ازاي

دا بباها بيقولي اا موافقه لو كانت مغصوبه عمر ما كان الحج محمد وافق دي حبيبه بنته الوحيده..

مش عارف يا بابا بس اهو من ناحيتي عملت اللي عليا

هي بقه رفضتني دا رايها برضو

احنا مش هنغصبها ع حاجه..

لا ييني ان شاء االله مفيش حاجه من دي ويا خبر دلوقتي بفلوس شويا هيبقي ببلاش اهو هيكلمني ويعرفني رايها..

****