تحميل رواية «وليا معاه حكاية» PDF

قصة..(وليا معـــــــــــــاه حكـــــــــــايه)

نزلو من الاتوبيس الضحكه مفرقتش حبيبه بالرغم من تعب المشوار

وطول المسافه والسعات

راحو علي الفندق اللي اتحجزلهم فيه اول ما دخلت الاوضه بتاعتهم اترمت على السرير ..

هموت من التعب

بجد كان مشوار متعب اوي..

قعد حسام جمبها وزقها

اي قومي يلا..

اقوم فين بقولك هموت من التعب..

معرفش بس اللي شايفه سرير واحد يعني بتاعي..

تصدق باالله انت عيل

اة واالله عيل ومبيطمرش فيك حاجه وانا هوريك المعيله ع اصولها..

قومي يلا من جمبي واتكلمي ع ادك..

طيب..

وطلعت التراس بتاع الاوضه وقالتله : لو محترمتش نفسك هصوت واقول باعلي صوت حرامي ويجو يتصرفو معاك..

عمل نفسه بيقلب ف التليفزيون ومش سمعها..

ماشييييييي.. الحقووووني حرااااامي

طلع جري عليها

يابنت العبيطه يخربيتك الناس كلها صحيت..

كمان بتشتم ماما وربنا ما سكتالك الحقوني..

فضل يحاول يسكت فيها وحط ايده ع بوقها..

لحد ما سمع خبط الباب

اخرصي خالص الناس بتوع الفندق اكيد جاين يشوفو ف اي..

هتسبلي السرير ولا اقولهم انك حرامي..

يا غبيه ماهو مكتوب ف الحجز انك مراتي..

خلاص هفضل ازعق طول الليل لحد ما الترله يشتكوك ويعملولك محضر ازعاج وابيتك ف القسم..

كل الناس اللي هنا تبعي..

خلاص هدوشك انت

بص منا يا قاتل يا مقتول..

خلاص هسبهولك

بس حتي هنا مفيش كنبه انام عليها دا مفيش غير كراسي صغيرة..

اتصرف مليش فيه..

خلاص اخرصي بقه عشان افتح الباب..

فتح الباب وساله أمن الفندق لو كان في اي مشكله قاله لا

وان كل حاجه كويسه

فطلب يتأكد بنفسه ..

مساء الخير يا فندم..

ردت حبيبه : مساء النور..

حضرتك احنا كنا بنتأكد لو كان ف اي مشكله او سمعتو حد بيصرخ..

اة سمعت

دا انا حتي قلقت

هو ممكن حد يكون فمشكله فعلا

او ممكن حد بيستظرف ياريت لو طلع بيستظرف تعملولو محضر ازعاج.. اة الترلاء عايزين ينامو..

طبعا يا فندم واسفين جدا على الازعاج..

قفل حسام الباب وهو رايح ناحيتها بعصبيه.. وقفت ع السرير وشورتله..

ها انا عندي استعداد اصوت تاني..

جز ع سنانه من الغيظ وفضل يلم في المخدات الصغيرة ويحطهم في نص السرير..

حبييه: بسرعه عشان عايزة انام يا ولد..

لو مسكتيش هرميكي من هنا..

بعد ما خلص بصت للمخدات وقالتله : اي دا على فكرة انت بتخم

عارفاك انت كنت م العيال اللي بتخم في المنديل صح ؟..

منديل اي..

لعبه المنديل كان لازم حد يقعد فريق اقرب من فريق وانت اخدت حته كبيرة ف السرير..

علي فكرة انا قاسم بالنص بالظبط وخلصيني بقه..

لا خد المخدات ناحيتك شويا..

وانا انام ع الهوا مثلا..

لا علي السرير برضو هات بس..

وحطت المخدات بعيد وسابتله ربع السرير بص حسام وسألها..

اي دا..

اتفضل نام ..

انام فين دا مفضلش غير ربع السرير

او اقل..

هتقضيك متقلقش انا هدخل اخد الشاور بتاعي عشان ارجع انام يومين كدا..

ودخلت وبعد ما خرجت لقته رامي المخدات ونايم

وقفت ع السرير وصرخت

قام مفزوع

انا بس كنت بفكرك باللي اتفقت عليه يلا بقه روح ع الربع بتاعك يا امور..

نامت ع السرير كلو وحسام متعصب حاول ينام ع ربع السرير

فضلت حبيبه تتقلب طول الليل وتزق في المخدات لحد ما حسام وقع

قام وقعد ف التراس فضل يفكر في هند اخته

احنا متكلمناش كتير قبل كدا عن حسام ولا عن حياته وبالذات حياته اللي هي هند اخته

تعالو نشوف الحكايه على ما بيفتكرها حسام

دلوقتي حسام ولد عادي زي كل الولاد وسيم حتي بالنسبه لطفل

بس كان بيختلف عن الصبيان اللي في سنه انه كان راجل من صغرة وعصبي بزياده مكنوش بيندهوله غير يا حضرة الظابط.. كلو كان

متوقع انه هيبقي ظابط مش عشان والده

لا عشان شخصيته.. الحاجه الوحيده اللي كانت بتهديه او بتخليه ميضربش العيال اللي معاه هند..

هند طفله زي القمر شعرها اسود بطول ضهرها مكنتش بترضي تخلي ممتها تربطهولها دايما كانت بتسيبه مفكوك اصغر من حسام بسنه

لاكن بباه اخرة سنه عن المدرسه عشان يبقي معاها كان بباها بيحبها اووي

ودا شئ عمرة ما ضايق حسام بالعكس كان بيحببه فيها اكتر مكنوش بيسيبو بعض وف المدرسه كانو في فصل واحد كان الناس

بيفكروهم توأم..

حسام حسام..

ايوا يا هند مالك..

مصطفي..

ماله ضايقك تاني ؟..

اة وربط شعري ف الديسك وانا قعده..

متعيطيش واالله لموريه..

وراح حسام الحوش وجاب مصطفي ادام كل اصحام وضربه..

عارف لو عملت فيها حاجه تانيه

واالله لكون ضربك اكتر من كدا..

جريت هند عليه

خلاص يا حسام كفايا..

قام حسام من علي مصطفي وهو متبهدل وقميصه طالع برة البنطلون ومصطفي قميصه كله دم

جت الميس بتعتهم واتصلت بوالدهم هما الاتنين..

دلوقتي يا استاذ مجدي سلوك حسام وحش جدا وعصبيته زياده

دا تالت ولد يضربه الاسبوع دا..

حضرتك انا مش عارف اقولك اي بس انا بعتذر وان شاء االله الموضوع دا مش هيتكرر..

سيادتك لو الموضوع دا اتكرر ممكن يتفصل من المدرسه خالص..

اؤكد لحضرتك اا مش هتتكرر وانا هعتذر لوالد مصطفي..

خرج مجدي هو ونجلاء ومعاهم هند وحسام ووقفو ادام والد مصطفي ووالدته..

انا اسف جدا يا سيد بيه واالله اول ما عرفت ان حسام عمل كدا ف مصطفي دلته..

حصل خير يا مجدي باشا دا لعب عيال وهما اطفال مع بعض..

دا العشم برضو..

سيد كان جار مجدي وصديقه

وبيشتغل معاه في مكان واحد

مصطفي بقه كان اكتر عدو لحسام كان دايما عايز يبقي رأيس الشله

وكلام الاطفال دا بس ريسين ف مكان واحد مينفعش..

مجدي: اعتذر لمصطفي يلا يا حسام..

اعتذر اي يا بابا دا ربط شعر هند ف الديسك..

حساام..

بص حسام ف الارض : انا اسف..

كان مصطفي مبسوط في حسام بس لسه برضو مخدش حقه لازم يحرجه ادام صحبهم زي ماهو اتحرج..

مشي مجدي وبعد ما وصلو البيت..

حساام تعالا..

وقف حسام وهو باصص ف الارض..

ايوا يا بابا..

انت عجبك اللي انت عملته دا..

يا بابا..

هو انت لسه هتقول يا بابا

انت أمورك وعمايلك زادت عن حدها مش كل يوم هروح المدرسه واشوفك ضارب حد..

دا كلهم كانو بيضيقو هند..

انت كل شويا هتعمل حجت هند هند..

هند: ايوة يابابا مصطفي كان بيديقني وربط شعري في الديسك وهو اللي بيضيقنا دايما..

اسكتي انتي يا هند ومتتكلميش خالص وروحي اوضتك يلا

وانت يا حسام مفيش مصروف اسبوع لحد ماشوف تصرفاتك هتتحسن ولا لا..

دخل مجدي ونجلاء اوضتهم خرجت هند تدور ع حسام ملقتوش فعرفت انه مش هيبقي غير في مكان واحد فوق السطح..

كان حسام قاعد علي الارض وضامم رجله وساند راسه عليها

راحت هند وقعدت جمبه..

متزعلش انا عارفه ان بابا زعل منك عشاني..

لا مش عشانك عشان انا ضربت مصطفي جامد..

لا مصطفي يستاهل

هو بيعمل كدا مع كل البنات وبالذات اللي يكلموك او انا..

طبعا هند مقدرتش توصف اللي بيعمله مصطفي عشان طفله

بس مصطفي مكنش بيعمل حاجه فى حياته غير انه يضايق حسام

واكتر حاجه كانت بضايق حسام هند فبالتالي كان بيضايقها عشان حسام يتعصب واي بنت كان حسام يكلمها

كان لاما يضايقها ليخليها تصحبه هو ..على الرغم ان حسام مكنش بيحب يكلم بنات او يتعامل معاهم كان كل صحابه وبناته

وحياته هند ومحمد اللي هو لسه صاحبه الي الان

وموضوع ان حسام مش بيتعامل مع بنات كان بيضايق هند كانت نفسها تشوفه بيكلم بنات وبيصحبهم

اة هي مكنتش تفهم الحب وهي صغيرة بس كانت بتشوف كل الصبيان اللي بتكلم بنات بيضحكو دايما

وكانت مفكرة ان حسام هيضحك بالطريقه دي

طفوله بقه بس اللي مكنتش هند تعرفه ان حسام مش بيضحك غير معاها بس..

لا بس انا اتعصبت جامد كالعاده يا هند..

طب لي معملتش اللي انا علمتهولك..

عديت من واحد لعشرة بس برضو..

خلاص المرة الجايا عد لخمستاشر متزعلش من بابا بقه عشان حرمك من مصروفك انا هديك مصروفي كله

ومش مهم اكل حاجه حلوة الاسبوع دا..

لا مينفعش تديني مصروفك

مفيش ولد بياخد مصروف من بنت..

خلاص اي رايك نقسمه بنا

انا اخد نصه وانت نصه..

خلاص انا موافق بس هرجعهولك بعد ما اخد مصروفي تاني..

ماشي يلا نقوم تلعب بقه..

يلا..

****

كان مجدي ونجلاء ف اوضتهم بيتكلمو

نجلاء: لي شديت علي حسام كدا يا مجدي..

مينفعش اسيبه كدا يا نجلاء

عصبيته بقت زياده..

بس دا كان بيمنع مصطفي انه يدايق هند..

انا عارف ودا اكيد اللي مفرحني منه وعارف هو اد اي بيحب هند وبيخاف عليها بس برضو لازم امنعه من انه يضيع مستقبله..

ماشي بس متخصموش كتير عشان خطري..

حاضر متقلقيش..

عدي شهر وحسام كان بيسمع كلام هند واي حد يزعله يعد من واحد لخمستاشر ف سرة وعدي الشهر من غير ما يضرب او يزعل

حد

وكان بيضحك دايما مع هند ومع بباه ومع صحابه..

حسام انت فين..

انا فوق السطح يا هند..

طيب انا طلعالك..

كان حسام فوق هو واصحابه واصحاب هند وكان محمد واقف ع السور..

هند: حسام انا عايزة اقف ع السور زيكو..

لا مينفعش دي لعبة ولاد..

لا مفيش حاجه اسمها لعبت ولاد

اللعب كلها ولاد وبنات

انا عايزة اقف عليه..

قلتلك لا

روحي يلا العبي مع صحابك..

اتقمصت منه ونزلت تحت

بص حواليه ملقهاش فترل وراها..

انتي زعلانه..

متكلمنيش انا مخصماك..

منتي مينفعش تقفي ع السور يا هند ممكن تقعي وبابا ممكن يزعقلنا..

واشمعنه انت بتقف..

منا قلتلك انا ولد..

انت معلمني دايما ان مفيش فرق بين ولد وبنت

بترجع في كلامك لي بقه..

مرجعتش ف كلامي بس فى حاجه احنا ينفع نعملها وف حجات انتو ينفع تعملوها..

طب مرة وحده بس..

مينفعش يا هند..

هتوقفني ولا اقف لوحدي..

هزعل منك كدا يا هند..

ازعل انا اصلا زعلانه منك..

خلاص بس مرة وحده بس..

انت احلي اخ ف الدنيا..

وفضلت تبوس فيه وهو بيضحك طلعو فوق..

هند انا هوقفك بس اوعي تسيبي ايدي..

حاضر..

وقفت ع السور وهي ماسكه ايده جامد وفضلت ماشيه عليه وهي مبسووطه وبتضحك وعلي اد ما كان قلقان عليها كان فرحان اا

بتضحك

شافهم مجدي وهو جاي من الشغل طلع جري علي السلم ومرضيش يزعق عشان ميخفوش وهند تقع وجه من وراهم براحه وشد هند

..

اي الي انتي عملاه دا يا هند وانت يا حسام ازاي توقفها كدا..

واالله يابابا انا مكنت عايزها تقف بس هي الي صممت..

ولو برضو؟

مش انت اخوها الكبير انا مش مصدق انك عملت حاجه زي دي

بصت هند وقالت : يابابا انا اللي طلبت من حسام هو مكنش راضي..

اسكتي

انتي حسابك معايا بعد ما نترل وطلوع علي السطح مفيش بعد كدا

يلا ادامي انتو الاتتين..

فضلو متعاقبين شهر وكله نسي الموضوع وراحو المدرسه بس المرة دي كانت مختلفه مصطفي اتفق مع صحابه ام يضربو حسام وفي

الحوش بعد الفسحه جه محمد لحسام..

انا سمعت ان مصطفي لامم صحابه عشان يضربك ف الفسحه..

مين قالك ..

صحابه..

خلاص متقلقش بس هات صحبنا كلهم في الحوش ساعت الفسحه..

ووقفو كلهم صحاب حسام ادام صحاب مصطفي وفضل حسام يضرب في مصطفي وكالعادة غلبه

والمرة دي كلو شهد ان مصطفي هو اللي كان عايز يضرب حسام

وروحو بيتهم وخلصو واجبهم وطلعو يلعبو على السطح هما واصحام..

حسام: محمد انزل من ع السور عشان هند متقلدكش..

االله ياعم متخليها تطلع..

انت نسيت اننا اتعقبنا شهر ولا اي

دا احنا لسه بدأين نلعب مش عايزبن بابا يزعل مننا تاني..

طب بزمتك موحشتك الوقفه..

لا..

يا حسام..

وحشتني بس مينفعش عشان هند..

مهي تحت ومش شيفانا تعالا بس بسرعه قبل ما تطلع..

افرض طلعت وشافتني ..

متخفش تعالا بقه..

وطلع حسام علي السور حس انه فرحان وفضل ماشي عليه شويا وهو بيبص علي الناس تحت

كان اكتر حاجه بيحبها لما يشوف الناس ماشيه تحت وهما صغيرين من بعييد وطلعت هند فجأة..

قفشتك كدا تطلع من غيري..

هند انتي عارفه بابا عمل اي المرة اللي فاتت..

طب منتا وقفت..

انا انما هو عاقبنا عشانك..

طب اخر مرة وحياتي..

ابدا..

عشان خطري..

قلتلك لا..

كدا طب هقول لبابا بقه..

كدا يا هند ماشي..

االله متزعلش بقه انا زر

انا بس عايزة اقف عليه..

ماكدا بابا هيزعل مني يرضيكي؟..

لا خلاص..

زعلانه..

لا..

بجد؟..

وحياتك..

طب يلا بقه عشان نلعب..

فضلو يلعبو لحد ما خلصو وصحبهم نزلو.. قعد حسام وهند يلمو ف لعبهم ونزل حسام يترل لعبه وطلع لقي هند وقفه علي السور

وشاف حد كان واقف

بس من صدمته مش فاكر غير صورا وهي واقفه ع السور وبس..

زعق بصوت عالي :

هند..

خافت واختل توازا جري عليها عشان يمسكها ومسك اديها فضلت متعلقه وهي ماسكه في السور

وهو ماسك في اديها فضلت تبص تحتها..

متسبنيش يا حسام..

مش هسيبك انا ماسكك اهه..

انا خايفه..

انتي عمرك ما خفتي وانا معاكي..

منا حسا اني مش هبقي معاك..

انا طول عمري هفضل معاكي

امسكي فيا بس..

هو انا ممكن اموت لو وقعت من هنا..

متقوليش كدا انا هطلعك ساعديني بس..

حولت تطلع بس محاولتها اددت للعكس وسابت السور وفضلت ماسكه في ايده وهو ماسك اديها..

انت احسن اخ ف الدنيا..

وانتي احسن اخت وهتبقي احسن لو سعدتيني

الحقوووني.. يا باباااا..

فضل يزعق عشان حد يسمعه وشدها وهو بيعيط..

عشان خطري اطلعي يا هند..

متزعلش مني..

انا عمري ما زعلت منك..

انا كدا ممكن اروح الجنه زي ما الميس بتقول متعيطش بقه..

خلاص هعمل اللي انتي عايزاة بس اطلعي..

كانت اديهم خلاص بتسيب بعض فضل يعيط بحرقه..

والنبي يا هند متسبيني..

هشوفك ف الجنه..

ودي كانت اخر كلمه قالتهاله وصوابعهم بتسيب بعض..

هنددددددد هنددددددددد..

فضل باصص عليها و هي تحت علي الرصيف بس اللي كان غريب انه مكنش شيفها صغيرة زي ما بيشوف الناس من فوق كان شيفها

زي ما يكون واقف جمبها وقعه والدم حواليها وبتضحك

وكان كل اللي ف باله كلمتها هشوفك ف الجنه لحد ما طلعت الناس وفضل عنده صدمه كل الناس بتساله علي اللي حصل وهو مش

فاكر

بباه وممته ودوة لدكتور واتنين

وبرضو لسه مش عارف يتكلم لحد ما راح لدكتور وحاول معاه لحد ما تذكر جزء من قصته بس برضو احتفظ بيها جوا نفسه ومع

المحاولات

بدأ يرجعله صوته

ونصح الدكتور بباه وممته ام ميفتحوش معاه الموضوع دا خالص

لحد ما ينسي ودا اللي هما عملوة بس من يومها حسام كلامه قل مع الناس بقه مكسور بس كسرته دي بقت بتبان بعصبيه اكتر مبقاش

يضحك

ولا يصاحب حد ولا يكلم بنات فضل في نفس مدرسته لحد الثانوي كبر ونسي مشاكله مع مصطفي علي اا كانت لعب عيال

بس برضو عمرهم ما كانو يحسو من جواهم ام صحاب

ودخل مصطفي تجارة ومقدرش يدخل كليه شرطة ودخل حسام شرطه ودخل محمد معاه وفضلو صحاب زي ماهما وشاف منار وحبها

بالرغم انه عمرة ماحب بنت ولا حاول يدي لنفسه فرصه انه يحب وحده

لانه كان بيعتبرها خيانه لهند

وكمان عمرة ما شاف وحده زي هند

كان كل اللي بيسمعه حكاوي صحابه عن البنات وازاي دي بتخون ودي بتسيب

بس حب منار من غير سبب

وكان مفكر ان شبح مصطفي خلاص بعد عنه بس كان غلطان لانه رجعله تاني وخد منه منار كالعاده

قرر بعدها ميحبش ولا يأمن لبنت

اة مصطفي هو اللي اخدها منه بس هي اللي ادته الفرصه وفضل علي الحال دا لحد النهارده

حزين مكسور عصبي وشه مشفش الضحك من يوم ما سابته هند

وهو مشفش ضحكه اجمل من ضحكتها وهي بتقوله اخر كلمه هشوفك ف الجنه....

****

قصة..(وليا معـــــــــــــاه حكـــــــــــايه)

دخلت حبيبه التراس وحسام نايم على الكرسي والدمعه نازله على خده

حسااام..

فتح عنيه وحاول يمسح دمعته من غير ما تلاحظ ..

وقالت: انا هترل..

هتترلي فين..

هترل اتفسح

اصل انا مش جايا هنا عشان اقعد..

وانتي تعرفي حاجه هنا عشان تترلي..

منت هتبقي التور جايد بتاعي

امال انت لزمتك اي..

وانا مش عايز انزل..

دا اي الكأبه دي

بص انا مليش فيه انا هترل يعني هترل وهروح البحر كمان..

انتي حرة في اللي هتعمليه بس انا مش نازل..

كدا ؟ طيب انا همشي لوحدي..

فتحت الباب وبصت يمكن يكون جاي وراها بس برضو فضل قاعد ومتحركش..

نزلت ولفت في الفندق وقعدت علي البسين فضلت نايمه علي الكرسي شويا وطلبت عصير..

جايا لوحدك؟..

فتحت عنيها عشان تشوف اللي بيتكلم كان شاب ف الاربعينيات باين عليه انه غني ووراة اتنين رجاله ببدل سودا بادي جاردات يعني

نعم.. ?

بقولك جايا لوحدك..

ودا يخص حضرتك ف اي..

اصل لقيتك قعده لوحدك بقالك ساعتين فقلت اكيد جايا شرم لوحدك..

وحضرتك تبص عليا بمناسبة اي

لو سمحت اتفضل ..

يعني مش عايزة تقوليلي برضو لوحدك ولا معاكي حد..

حد قال لحضرتك قبل كدا انك قليل الادب لو سمحت انا قلت لحضرتك اتفضل بلاش ازعق وانده لأمن الفندق..

هههههه يبقي اكيد جايا مع حد..

دا انت بارد صحيح

واة جايا مع جوزي ولو محترمتش نفسك هجيبه يبهدلك..

يا خسارة وكمان متجوزة

بس اكيد اللي زيك ميتسبوش بصراحه انا بحسده عليكي حد قالك قبل كدا انك صاروخ اكيد جوزك عارف كدا..

انت سافل..

ورفعت اديها وضربته ع وشه جه الراجلين اللي وراة بس هو وقفهم باشارة من ايده ايوة زي اللي بتيجي في التليفزيون كدا وحط

ايده علي وشه وهو بيضحك..

وضربتك كمان حلوة..

مشيت حبيبه من ادامه بس حاول يمسك اديها بصت عليه..

لا ازاي تمشي كدا

احنا لازم نتعرف وبعدين القلم دا ليه تمن بس هو فين جوزك بس وانا اتفاهم معاه..

فجأه وحده ظهر حسام ادامه وشد ايد حبيبه من اديه ووقفها وراة..

شوبيك لبيك جوزها يا روح امك بين اديك..

وضربه بوكس وقعه ع الارض وف ثانيه كان مطلع مسدسه في وش البادي جاردات..

انا بس عايزكو تتحركو حركه وحده..

واتجمع الناس وأمن الفندق حواليهم وفضل الراجل الغريب دا مبتسم حتي والدم بيترل من بوقه ومن مناخيرة وطلب حسام من امن

الفندق يتصل بالشرطه..

اتصل يبني بالرائد محي الدين قله يجي حالا ..

فرد عليه واحد من اللي بيشتغلو في الفندق..

يا فندم حضرتك اهدي بس ونزل السلاح استاذ مدحت من الناس المحترمه وعميل خاص ..

كرر حسام كلامه للامن : اتصل بيه يبني وقوله الملازم اول حسام مجدي..

حاضر يا باشا..

بص حسام للموظف وقاله : لما تعرفو تنقو الترلا بتعتكو

ابقي انزل سلاحي.

يلا ياض منك ليه ادامي..

وفضل حاطط المسدس فوق راس الراجل المستفز دا لحد ما جت الشرطه وفضلت حبيبه مستخبيه وراة.

وراحو كلهم ع قسم الشرطه..

بص بقه يا محي بيه انا عايز يتعمل محضر تحرش وحالا

وبتهيقلي الأستاذ مدحت عارف عقوبه التحرش الايام دي

ولا نحب نعرفهاله..

لما المحامي بتاعي يجي ابقي وجهلي كلام..

متتنرفزش كدا هيجيلك

بس وحيات امي ماهخليك تطلع من هنا مش لو جبتلي ضلف باب وراك!

لو جبتلي هولاكو زات نفسه..

كانت حبيبه قعده ومتوترة وافتكرت اول مرة دخلت فيها القسم مسكت حسام من قميصه..

انا عايزة امشي..

تمشي فين اصبري لما نخلص المحضر..

بس انا عايزة امشي..

مش انتي اللي عملتي كدا بترولك

يبقي تستحملي بقه..

مش انت اللي مردتش تترل معايا..

انا ؟

ولا انتي اللي غبيه وراكبه دماغك اخرصي بقه احنا مش هنتشاكل هنا لما نروح الفندق بس..

وخلصو المحضر وأكد حسام للظابط زميله انه مش هيتنازل

ومضت حبيبه علي المحضر بعد ما حكيت اللي حصل

وجه محامي الراجل وخرج بكفاله علي زمة القضية ووصل حسام وحبيبه الاوضه..

اتفضلي يا هانم..

كان حسام ماسك حبيبه من درعها ورماها ع السرير..

االله براحه ايدي..

عجبك اللي حصل دا..

وانا مالي هو اللي جه كلمني..

وانتي اي نزلك اصلا..

امال انا جايا اتحبس..

اة جايا تتحبسي وان عجبك..

لا مش عجبني وكمان انت عايز واحد قليل الادب زي دا يعكسني ويضيقني واسكتله..

لا اضربيه بالقلم هي دي عادتك ولا هتشتريها

واالله الراجل صعبان عليا انه وقع ف ايد وحده زيك..

ماهو اكيد لازم يصعب عليك لاني هطلع عينه زي منا هطلع عينك

كلكو صنف زباله..

اسم االله ع صنفك انتي اللي نضيف..

احسن منكم ميت مرة..

دا انتو صنف ميتعشرش دا الواحد كان بيكرهكو قراط

لما عرفك كرهكو اربعه وعشرين..

واالله انتو اللي مافيكو راجل

دا انتو اسم علي الفاضي..

سبنالك الرجوله منتي خدتي مكان رجاله كتير دا انتي نقصلك شنب ونقدملك في معهد امناء الشرطه

ولا لي شنب كدا كويس..

شنب في عينك دا انا زي القمر..

هههههههه ضحكتيني واالله

هي مين دي يا مصديه..

انا مصديه يا بارد

دا انا ابيض منك ومن اي حد عرفته ف حياتك..

ماهو الصرصار دمه ابيض..

يععع جاتك القرف ف امثالك انت

انت انت بص اسكت بقه..

انتي هبله يابت..

اة ملكش فيه واخرص بقه خالص..

مش هسكت ويلا حضري شنطتك..

لي..

عشان هنسافر..

هو انا لسه قعدت!..

قولي لنفسك

يوم وعملتي كدا

امال يومين هتعملي فيا اي هتكهربينا وتعلقينا ع باب الفندف..

ياريت..

نعم يختي..

مفيش

ومش هسافر ومش هحضر شنطتي وفكر كدا لو مشينا هنروح لبباك نقوله اي

مرحناش تركيا ولغينا الحجز وجينا شرم وكمااان ملحقناش نقعد فيها

يا تري عمو هيبقي موقفه اي..

عادي جدا هقوله انك انتي الي موفقتيش..

وانا هحكيله ع اللي حصل..

قالها بعصبيه: هو اي اللي حصل..

انك انت اللي قلتلنا نيجي هنا..

يا كدابه هو انا اصلا جه ف دماغي اني أجي هنا..

هو دا اللي هيحصل

وعلي فكرة عمو هيصدقني..

لي يعني..

هو كدا

عمو اصلا بيحبني وبيعزني وبيعتبرني بنته..

سكت شويا وفكر ف كلمتها وافتكر هند واتعصب اكتر..

لي يحبك يعني؟

كنتي مين

وانتي ازاي تكوني واثقه من انه بيحبك قالك اي ولا عملك اي..

طبعا حسام اضايق لانه حس ان بباه بيحب حبيبه زي هند او بيعزها زيها

ودا طبعا شئ هو رفضه لان مفيش حد في معزة هند

حبيبه فهمت من طريقه حسام انه اضايق عشان بيغير ع هند من اي حد حتي لو كانت ميته..

انا قصدي ان عمو بيعزني زيك..

سكت شويا وكملت هي : بص بقه انا هتبسط واتفسح

حتي لو حصل اي

اعتبرها جايزة ليا اني اتجوزتك واستحملتك ولو انت مرضيتش

انا هقعد هنا ولو لوحدي ومش همشي

ولو عايز تمشيني يبقي وديني تركيا ..

ازاي يعني..

معرفش بس انا لو مشيت من هنا هروح لعمو واقوله وديني تركيا وانت حرة بقه..

طيييييب خليكي قعده بس وريني هتخرجي ازاي..

يعني اي..

يعني هتفضلي قعده في الاوضه الايام الجايا كلها

ولما هتروحي هتبقي قضيتي الفترة اللي كلهم كانو متوقعنها

ومش هيصدقو انك مخرجتيش

او متبسطيش لان لو كدا كان زمانك روحتي هما عارفين دماغك..

هتحبسني يعني..

اة وشوفي هتخرجي برة الاوضه ازاي..

دا ظلم..

اة انا شرير..

اتقمصت حبيبه وقامت صوتت ف وشه وراحت قعدت ف التراس فضلو قعدين كدا لبليل..

حبيبه: انا كدا هطق من الملل..

كان حسام قاعد ع السرير بيتفرج علي التليفزيون وبياكل مكسرات كلمها وهو بيتفرج..

عايزة تكسري الملل دا حضري شنطتك..

يا رخم يا مستفز يا

يا

يا انت ابرد واحد شفته ف حياتي..

هههههه ميرسي..

يا ماماااااا ..

لو وحشاكي حضري شنطتك وهتروحلها ..

اسكت خالص..

انا هدخل اخد شاور

ياه تعبت اوي النهارده

لف طول النهار دا بيتعب الواحد برضو..

يارب متخرج..

انا مقدر غيظك معلش

واكيد هاخد اللوكر معايا عارفك خلبوصه وممكن تترلي من غيري..

خد معاه البرنص ودخل

اول ما دخل فضلت تفكر ف اللي هتعمله وجريت جابت هدومه من الدولاب وحطتها ف شنطتها ورمت قميص واحد من التراس..

خرج حسام بالبرنص فضل يدور ع هدومه ف الدولاب وحبيبه قعده علي السرير بتتفرج علي التليفزيون بصلها وكان باين عليه انه

هيولع فيها..

الهدوم فين ..

نعم..

هدومي فين..

وانت بتسالني عليها لي

مش هدومك انت انا مالي..

بت متستعبطيش انا عارف انك انتي اللي مخبياهم ..

مخبتش حاجه بس شوف اكيد

هدومك هي كمان مش طيقاك وطااارت من البلكونه هههههه..

طارت.. ?

وجري حسام ع التراس وبص علي الارض لقي قميصه

طلع جري علي حبيبه وقومها من ع السرير..

انتي بتستهبلي..

وانت عملت اي لما قفلت الاوضه يعني منت كمان بتستعبط ..

انا قفلت الاوضه مش رميت هدومك..

قعد ع السرير ومسك التليفون وطلب من الهوم سيرفس يجبوله الهدوم

اللي وقعت

وخبط الباب..

اتفضل يا فندم..

اي دا ؟

امال فين بقيت الهدوم..

مكنش في غير دا حضرتك..

طيب ماشي شكرا..

قفل الباب وبص لحبيبه: الهدوم فين..

اي ملقوهاش تحت

طب متخليهم يدورو كويس

يمكن حد م العيال الصغيرة خدها يلعب بيها..

انتي شيفانا قاعدين ف بلطيم عيال صغيرة اي..

معرفش بقه انزل وشوف..

فضل يدور ف الاوضه وتحت السرير..

وقالها: تعالي افتحي شنطتك دي..

لي..

اصلي عايز البس منك طقم

تعالي واخلصي يا زفته عشان انا ممكن افتحها بس انا ارجل منك

هسيبك تشيلي حجاتك منها ..

وانت بأي حق تفتحها اصلا..

لو مفتحتيهاش هرمي كل هدومك اللي ف الدولاب..

مش فتحاها..

يبقي هفتحها انا وانتي حرة بقه..

لاا استني دي فيها حجاتي ..

االله منا بديلك فرصه اهه..

طب هقولك هدومك فين ومتفتحهاش..

ها..

انا رميتها بعيد عن القميص

عشان محدش ياخد باله ام كلهم في مكان واحد..

ولو اتصلت وملقتهمش؟..

خلاص بقه يبقو ضاعو..

لا مش خلاص

ساعتها هفتح الشنطة وهرمي

كل هدومك من هنا ومتقطعه كمان..

اتصل حسام تاني بالهوم سيرفس وطلعله برضو نفس الراجل وقاله مفيش حاجه لف حسام ورزع الباب وراة وقفت حبيبه ادام شنطتها

..

بص انا مليش ذنب ام ضاعو انزل دور بنفسك يمكن تلاقيهم..

حاسبي..

لا مش محاسبه..

زقها وفتح الشنطه لقي هدومه

جرت وخدت شويا منهم وحسام بيجري وراها..

هاتي الهدوم..

لا..

بقولك هاتيهم..

خرجني الاول..

لا..

يبقي مفيش هدوم..

فضلت حطا الهدوم ورا ضهرها

وهي بتجري وطلعت ع السرير..

لو كنت خرجتني بالزوق مكنتش سبتك كدا

خرجني بقه..

مفيش خروج وهدومي هتجبيها غصبا عنك..

ونط حسام علي حبيبه

كان المنظر كالآتي

حبيبه وقعه ع السرير وحسام ماسك الهدوم فوقيها

فضلو بصين لبعض

حسام شعرة كان لسه مبلول شويا وبيلمع حبيبه فضلت تبصله وتبص لشعرة وهو كمان فضل يبصلها

قعدو ع الحال دا حوالي عشر دقايق

لحد ما حبيبه زقت حسام وقعدت مكاا وحسام خد الهدوم وقعد برضو..

احم بص انا مكنتش هخبيهم بس انت اللي مش عايز تخرجني..

ولسه برضو مش هخرجك..

عشان خطري واالله هموت من الملل..

موتي ..

طب ان شاالله ساعه وحده..

ولا خمس دقايق..

ساعتها سمعو صوت تليفون حبييه ردت..

ايوة يا ماما..

ازيك يا حبيبتي اخبارك اي..

الحمد الله..

عاملين اي عندكو..

مبسوطين الحمد الله..

اتفسحتو..

يعني..

مالك مش مبسوطه ولا اي..

لا مبسوطه واالله

وكل حاجه حلوة الحمد الله متقلقوش نفسكو وعايزاكي تطمني بابا وتقليلو اني مبسوطه اووي

وطمنو عمو مجدي وطنط نجلاء..

بجد يا حبيبتي انتي كويسه..

جدا ومبسوطه جدا يا ماما عاوزاكو تطمنو خالص..

ماشي يا حبيبتي خدي بالك ع نفسك وع جوزك..

حاضر يا ماما..

وقفلت معاها كان حسام متابع المكالمه فقالها..

غريبه يعني..

هو اي..

انك قولتي لممتك انك مبسوطه..

مبحبش اقلقهم

ولو كنت عايزة اقلقهم او اقف ادمهم مكنتش وفقت ع جوازي منك

بس انا مليش غيرهم ومبحبش ازعلهم ومش بعد ما خلاص بقيت ف الآمر الواقع اتعبهم معايا..

ماشي..

مالك..

مفيش انا مخنوق شويا

هترل امشي ع البحر..

طب خدني معاك..

انا كنت قايلك مفيش خروج..

واالله همشي من غير ما اعمل مشاكل..

طب اجهزي بسرعه ع بال ما البس قبل ما اخد برد..

بجد واالله..

ههزر معاكي يعني..

انا مش عارفه اعملك اي ولا اقولك اي دي اول مرة تعملي حاجه انا عايزاها اقوم اتشقلب يا ناس

ولا اعمل اي..

هتتكلمي كتير همشي واسيبك..

خلاص خلاص هوا..

وقامو جهزو نفسهم ونزلو يمشو علي البحر كانت حبيبه ماسكه شوزا في اديها ورفعه البنطلون

والدنيا ليل وحسام ماشي جنبها..

انتي هتفضلي بصه في السما كدا زي الهطل بصي ادامك لتقعي ف حفرة تتكسر رقبتك ولا حاجه..

انا مش ناويه ارد عليك ولا اتشاكل خالص

سبني استمتع بالخروجه

شايف النجوم حلوة ازاي..

اة..

اة اي انت بصيت اصلا..

ياستي وانتي مالك

مش انتي شيفاها حلوة

خليهالك بقه..

انا عايزة اجري..

ابقي اعمليها بس..

االله

مش قلتلك عايزة استمتع بالخروجه؟..

هي الخروجه بالجري..

اة انا كدا..

طب اخرصي بقه

واالله هحدفك ف البحر

انا صدعت..

وفجأه وحده جريت وفضلت تلعب في الميه برجليها وهي بتضحك

طنشها حسام لانه كان زهق فضلت تلعب وتجري زي ما تكون الميه شخص بيهزر معاها فضلت تجري ورا الميه والميه تجري وراها

وبعدين لقت طفل صغير اجنبي

جريت عليه واشتالته

كل دا وحسام بيبصلها وملامحها كلها سعاده وفرح حته الطفل بيضحك معاها بعد ما كان بيعيط

زي اللي ماشي يوزع سعاده وفرح للناس فضلت تلعب وياه بالرمله وترش عليه مايه وبعدين ودته لممته..

خلاص خلصتي هبل..

اي هنطلع..

لسه عايزة تقعدي..

اة باالله شويا كمان..

لا انا خلاص فصلت يلا..

لازم تبقي رخم

لو مرخمتش متبقاش انت ..

حد قالك اني ملاك

منا عارف اني رخم

اتعودي بقه..

يلا ياعم ..

وعدي كذا يوم وكانت الحرب ما بينهم دي شويا وتعلي شويا

يوم يخرجو ويوم لا

لحد ما جه يوم ونزل حسام عشان يعمل اتشك عشان يمشو..

انا نازل..

طب متخدني معاك..

انتي رشقه كدا ف اي حاجه

وبعدين انا نازل اعمل اتشك عشان هنمشي..

هن أي ؟؟

هنمشي ليييي..

كدا خلاص عايزة ارجع البيت..

بس انا لسه متبسطش هنا كتير..

متتبسطيش..

يعني انا سبت تركيا وجيت هنا

وف الاخر برضو متبسطش..

عايزة تعملي اي اكتر من كدا بحر وروحتي خروج وخرجتي فسح واتفسحتي اركبك يخت يعني..

يااه

اة والنبي

والنبي عايزة اركب يخت ..

يارتني ما قلت..

واالله حلم حياتي اركبه..

وحلم حياتك افتكرتيه دلوقتي لما انا قولته.. ?

االله انت بصصلي كدا ف كل كلامي..

انا نازل..

جاتك نيله اتنيل انزل..

اتلمي ..

برضو مش همشي هه..

اتكلمي مع نفسك بقه..

جهز حسام ونزل وقعدت حبيبه ادام التليفزيون كالعاده..

وبعدها بعشر دقايق سمعت اللوكر بيتفتح..

اي دا

انت جيت بسرعه كدا لي..

وبصت حبيبه لقته الراجل المستفز اللي ضربته قبل كدا مدحت

ايوة ف اوضتهم..

انت بتعمل اي هنا..

اي دا انتي مخضوضه لي كدا..

هو اي اللي مخضوضه

انت داخل عليا اوضتي وتقولي مخضوضه لي..

بصي انا متعود الحاجه اللي اعوزها واحط عيني عليها اخدها

وعمر ما حاجه وقفت ادامي..

واالله لو حسام جه لهو مموتك..

قصدك جوزك ?

لا متخفيش انا ظبطه..

ظبطه ازاي يعني..

قلتله اني عايزك ووافق..

انت سافل وكداب..

لي واثقه ف حبه اوي كدا.. ?

ملكش دعوة

وواالله لو مخرجت لكون مصوته..

وخرجت البلكونه وفضلت تصوت..

الحقوووووني حساااااااام..

جري عليها وكتم بوقها متخفيش احنا بالنهار وكل واحد ملهي في حاجه محدش هيعبرك

بصي انا عايزك دي وتخدي الامور بالراحه وبسهوله انا عايزك بسيطه..

عضته في ايده وجريت ع الباب تفتحه لقت الرجلين اللي معاه وقفين علي الباب اول ما فتحت زقوها جوا وقفلو الباب..

بصي اوعي تفكري اني زعلت من الالم اللي ضربتهولي بالعكس دا اكتر حاجه بسطتني وحتي لما الشرطه جت

انا مزعلش م اللي بحبهم غير ف حاله واحده لو فضلو منشفين دمغهم..

انت مش عارف انك لسه ع زمة القضيه يعني هحبسك..

هههههه مش مدحت الطحان اللي يتحبس انا عندي محامين يطلعوني من جريمة قتل مش معاكسه خيبه..

متفكرش نفسك حاجه

واالله العظيم ماهخلي حسام يطلعك من الحبس ابدا..

انتي فرحانه بيه كدا لي

هو حتة الظابط بتاعك دا يعرف يهش دبانه انا باشارة مني اشيله بكرة

من الخدمه واقعده جمبك

بس لا مش هعمل كدا عشان مش عايز حد يقعد جمبك غيري..

انت متخلف وغبي وقديم اوي

هو لسه ف حد بيعمل الجو القديم بتاعك دا

فوق يا استاذ الايام اتغيرت..

الايام اتغيرت بس الناس لسه

بدليل اللوكر اللي دخلت بيه دلوقتي

انا وبلا فخر معايا مفاتيح الدنيا كلها وعارف هدخلك ازاي ..

الوقت دا كان حسام واقف بيخلص الاجراءات وطلبو منه ينتظر عشان يخلصوله حجاته..

لو سمحت انا بقالي ربع ساعه واقف معرفش لي هو اي اللي ماخر الموضوع كدا..

معلش احنا عندنا ضغط

اتفضل وهنادي ع حضرتك حالا..

ساعتها حبيبه كانت وقفه جمب سريرها والراجل واقف جمب التليفزيون حولت تجيب تليفوا بس الراجل شافها وخده منها..

وريني كدا كنتي عايزة تتصلي بمين مممم

ماما بابا عمو مجدي .

الزفت?

جميل اللقب دا يا تري مين ? حد بيرخم عليكي معجب زي ؟

ولا اي

لا انا مبحبش المنافسين بس غريبه مش مسجله جوزك ولا حتي حبيبي ..

لو مخرجتش انا عندي استعداد انط من البلكونه دي..

لا كدا ازعل منك انا محبكيش تتعوري..

وجريت حبيبه علي درج حسام وطلعت مسدسه اللي لحسن حظها كان سايبه لانه كان عارف انه مش هيتاخر..

هههههه طب براحه لتتعوري بس..

قسما باالله لو مخرجت لكون ضرباك بيه..

احلي حاجه فيكي طريقتك بحبها..

وشدت حبيبه الزناد بتاع المسدس فبدأت ملامح الراجل تتغير..

انا بحذرك لاخر مرة لو مخرجتش هطير دماغك ..

ماشي يا بيبه انا هخرج

بس هقابلك تاني بعد ما دي لاني عارف ان الحجات دي مش بتيجي غير بالروقان ..

ومشي لحد الباب ولف تاني : حبيبه

اة عشان مسبكيش محتارة انا عارف اسمك وعارف كل حاجه عنك

وعن حسام كمان هههههه يلا سلام..

اول ماخرج قعدت حبيبه ع الارض وحطت المسدس جمبها واارت من العياط ..

بعدها بعشر دقايق طلع حسام

لقاها بتحضر شنطتها..

اي دا غريبه يعني

مش مكنتيش راضيه نروح..

منا فكرت بقه ف كلامك وكمان بابا وماما وحشوني..

طب اصبري لبليل كدا عشان نبقي نترل نشتريلهم اي حاجه نخدهالهم واحنا ريحين..

لا نبقي نشترلهم هناك بقه..

هناك ازاي يعني..

معرفش بس انا عايزة امشي وخلاص..

هو ف حد كلمك منهم ولا حاجه..

لا بس انا تعبانه وعايزة امشي..

طيب هحضر شنطتي..

كان حسام مستغرب ازاي كانت عايزة تقعد وازاي دلوقتي عايزة تمشي وخلصو حاجتهم وراحو علي محطة الاتوبيس وركبو

فضلت حبيبه ساكته طول الطريق ومبتتكلمش حسام مكنش عارف في اي لاول مرة تسكت ومتعلقش علي كل حاجه لاول مرة

ميجلوش صداع

من كلامها ووقف الاتوبيس عشان يترلو استراحه..

مش هتترلي..

لا مش عايزة..

طب نترل ناكل حاجه الطريق لسه طويل ..

قولتلك مش عايزة..

قصة..(وليا معـــــــــــــاه حكـــــــــــايه)

خلاص خليكي متنيله هنا انا نازل..

فضلت حبيبه قعده جمب الشباك بعد ما كل الاتوبيس نزل ومربعه اديها وسنده دمغها ومبطلتش تفكير ف الراجل دا..

كدا تمشي من غير ما تسلمي عليا..

بصت حبيبه لمصدر الصوت وكان طبعا نفس الراجل..

انت اي اللي جابك هنا ..

مسافر اطمن عليكي

طب كنتي سلمي عليا الاول يهون عليكي المرتين اللي اتقبلنا فيهم اخص عليكي..

كانت حبيبه قعده جانب الباب نزلت جري وفضلت تدور علي حسام

بعدها طلع هو الاتوبيس ملقهاش فترل يدور عليها تاني اتصلت بيه بس كان غير متاح وهو نفس الحكايه فضلو يلفو حوالين بعض لحد

ما الاتوبيس مشي وسام وهما مش وخدين بالهم واخيرا الشبكه لقطت واتصلت حبيبه بيه..

انتي فين..

انا ادام الاستراحة بدور عليك من ساعتها مش لقياك..

وانتي اي اللي نزلك من الزفت الاتوبيس اساسا..

تعالا بس خدني الاول..

اخدك اي الاتوبيس مشي يا هانم ..

انت فين..

انا ورا الاستراحه خليكي

انا جايلك..

ورحلها حسام واول ما شفها مسكها من دراعها..

انتي كدا دايما مبتجبيش غير المصايب اي اللي نزلك..

كنت بدور عليك..

وتدوري عليا منا كنت هتزفت اطلعلك اما نشوف الارف اللي انتي حطتينا فيه ونوقفلنا عربيه ولا اتوبيس تاني..

طب وشنطنا..

هنبقي نخدها من المحطه يا فالحه..

وفضلو وقفين مستنين اي عربيه بس للاسف مفيش..

تعالي نطلع نقعد ف الاستراحه لحد ما تفرج بقه..

وقعدو يشربو حاجه

وبعدها لقي حسام الكرسي اللي جمبه بيتشد..

مساء الخير يا حسام بيه..

انت

انت اي اللي جابك هنا..

اهدي بس انا قلت ان حصل سوء تفاهم بنا المرة اللي فاتت ومردتش اسيبكو تمشو من غير ما اعتذر عنه..

واالله سوء التفاهم دا محصلش معايا انا.. ولو مفكر اننا هنتنازل عن المحضر بكلامك دا تبقي بتحلم..

لا انا ميهمنيش المحضر انا اعرف اخرج منه عادي انا كل اللي هممني انت والمدام..

وبص لحبيبه..

وانت مالك ومال المدام..

اصلها زعلت مني..

لا وحيات امك..

اة وانا مقدرش علي زعل اي حد بعزة..

اتعصب حسام وقام من علي كرسيه وقومه عشان يضربه..

االله مالك بس يا حسام باشا ما حبيبه هانم شكلها مش زعلان اهه ..

وانت عرفت اسمها منين ياض

انطق بدل ما اخلي كل الناس تتفرج عليك..

الصراحه انا مكنتش اعرف الاسم بس احنا اتعرفنا علي بعض لما جتلها الاوضه وقالتلي اا معدتش زعلانه بس انا قلت لازم اتاكد..

الاوضه.. ?

اي دا هي حبيبه هانم مقلتلكش..

بص حسام لحبيبه باستغراب..

حبيبه: واالله هو اللي دخل الاوضه ومعرف ازاي..

لا يا مدام حبيبه بلاش كدب

انتي اللي فتحتيلي بنفسك..

واالله ما حصل ..

امال يعني هجيب مفتاح اوضتكو منين اعقلها برضو يا حسام باشا..

الكلام اللي بيقوله دا صح..

واالله العظيم انا كنت قعده وفجأه وحده لقيته داخل ..

ومقلتليش لي..

منا كنت خايفه وقلت لما نروح اقولك..

ارجو مكنش عملت اشكال عائلي ما بنكم يا حسام باشا..

بص بقه يا حلتها انت تمشي من هنا بالزوق احسن

وبعدين ابقي اقابلك تاني

بس عندي في القسم وهجيبك بالقانون..

مينفعش امشي وانت معاك حاجه تخصني..

نعم بروح امك..

اة معاك اللي يخصني..

اللي هو اي بقه ان شاء االله

بس ياض انت شكلك كدا مريض نفسي وعدي عليا من نوعيتك دي كتير

بس بصراحه انت اغتتهم ومتفكرش ان البغلين اللي بتشدهم وراك دول هينفعوك فليك اختيارين يا تمشي يا انت حر..

قلتلك مينفعش..

يبقي انت اللي جنيت ع روحك..

وبدأ حسام يضرب في البادي جارداد ويضرب في الراجل جه واحد من وراة يضربه

فساب مدحت من ايده وفضل يضرب فيه فجابت حبيبه ازازة وضربتها فوق دماغ الراجل زقها حسام بعيد..

مقلتلكيش اني محتاج مساعدتك..

واتصل بزميله الرائد محي بعد ما ضرب مدحت واللي معاه وجت الشرطه كان مدحت مرمي ع الارض ووشه كله دم..

محي بيه انا مش عايز الواد دا يطلع تاني وعايز المحضر الاولاني يكمل وتزيد عليه اللي حصل النهارد

دا غير دخوله الاوضه علي مراتي وبمفتاح كمان

يعني تشدلي الفندق ف الحوار دا

وانا هبقي اتابع معاك اللي بيحصل وان شاء االله هسافر واجي لحضرتك تاني..

ماشي يا حسام متشلش هم انا هبعت معاك عربيه م العربيات توصلك لحد البيت ولو ف اي جديد هعرفك..

ماشي تمام متشكر اوي..

ومشيو ف الطريق والاتنين ساكتين لحد ما وصلو المحطه وجابو شنطهم

وخدوها وراحو ع البيت..

....

طلعو البيت والكل نايم

ودخلو شقتهم وبعد ما حسام طلع الشنط دخلو الاوضه..

انتي لي مقلتليش انه جالك الاوضه..

واالله ما رضيت عشان متقولش اني بعمل مشاكل دايما..

مرضتيش ولا اتبسطي..

اتبسط باي..

ان حد عيزك منتو كلكو كدا

اول ما تلاقو حد بيجري وراكو بتستحلوها

بس عايز اطمنك يا هانم

دا مريض نفسي وبيعمل كدا مع كل الستات المتجوزة

وعمل كدا مع ناس كتير في الفندق

وف كل مكان يروحه

وخلاص اتقدم فيه محاضر تكفيه سنينه الجايا كلها..

انت بتستهبل ولا اي انا ازاي افرح ان حد بيهددني او بيعاكسني

قبل ما تقول الكلام دا اعرف الاول الاحساس اللي الوحده بتبقي فيه وبعدين اتكلم..

احساااااس

قلتيلي بقه

يبنتي انتي مفكرة اللي زيك

واللي من نوعك عنده إحساس

ولا يعرف حاجه اسمها ادب وأخلاق

انتو مشينها كدا

تحبو دا

وتضحكو علي دا وتمشو مع دا

صنف قذر مابيمشيش في دمكو غير السفاله وقلة الادب وقلة الاصل..

انت ازاي تتكلم معايا كدا

وبدل ما انت فتحت في موضوع قلة الاصل والسفاله فأحب اعرفهالك

السفاله يا أستاذ انك تبقي ماشي في الشارع وتعجبك البنت اللي ادامك

وبكل بجاحة تروح تحط ايدك عليها لي لاا بكل بساطة عجبتك

السفاله ان البنت تقعد ف بيتها متطلعش عشان خايفه تسمع كلمه تضيقها

السفاله اننا نخاف نركب مواصلات عشان يجي واحد قليل الادب يقعد جمبي ويعمل نفسه بيطلع فلوس ويخبط فيا ويقولك معلش بطلع

فلوس

لما نقعد حتي جمب راجل كبير

ويلزق فينا تبصيله يقولك معلش انتي زي بنتي السفاله اننا نبقي مكتومين مبنتكلمش

ولو اتكلمتي تبقي قليلة الادب منتي ازاي تتجرأي وتقولي رايك دا انتي حيلة بنت ف مجتمع مبيعترفش بيكي

ولا بيحاول يديكي اي اهتمام

شئ يطبخ ويكنس

و لو اتعلمنا المفروض برضو نشتغل ونتعب ونربي العيال ونطبخ الاكل وننضف البيت

وانتو تيجو تنامو وتقعدو ادام التليفزيون ويطلعلكو كرش

لا وتيجو اخر اليوم تسألو انتو ريحتكو بصل وتوم لي

ما هو البعيد مبيحسش

السفاله ان كل شماعتكو اصل البنت دي لابسه ضيق او قصير فلازم نتحرش بيها حته الأطفال مسلموش منكم

انتو صنف مش بس السفاله ماشيه في دمهم انتو مصنوعين سفاله

وقلة ادب ووقاحه وبجاحه

انتو

انتو ولا حاجه

اصلا متعرفوش تعيشو يوم من غيرنا

ولا تعرفو تعملو اي حاجه ف الدنيا

وبرضو في الاخرة ليكو الاولويه عننا ازاي معرفش

انا لو كان ليا سلطه اني اموت واحد واحد فيكم

واطلع احشاءة برة وبعدين اربطها حوالين دماغه واعلقه منها كنت عملت..

كل دا وحبيبه بتمثل الموقف ادمها زي ما تكون بجد ماسكه واحد بتموته

ووشها احمر واتنرفزت وحسام مش مصدق ان شكلها بقه كدا

ولا كمية الغل اللي جواها نحية الرجاله وكل دا وهي بتقرب منه وهو يبعد وبتشاورله بصبعها..

انتو مجتمع زكوري متعفن متسلط متغابي متوازي المستطيلات..

نعم.. ?

قصدي مجتمع زكوري متسلط وخلاص واخرص خالص وامشي من ادامي بدل ما اجيب المسدس بتاعك

واحشرة في عنيك ..

تحشري اي يا بت انتي

اتكلمي ع ادك يا شطرة..

تحب اوريك..

توري اي اخرصي خالص..

خايف لتطلع رصاصه كدا ولا كدا

وتيجي ف دماغك تطلع من مناخيرك لسمح االله..

هو انتي تقدري تشتليه اصلا..

ع فكرة انا مسكتة قبل كدا

واستعملته كمان بس انت اللي ظابط فاشل و ملحظتش ان مسدسك اتمسك..

مسكتيه امته..

يوم ما الانسان الزفت الزباله الحقير الواطي دا جالي الاوضه ..

محصلش المسدس كان زي ما سبته..

منا رجعته زي ما كان

اي الذكاء دا..

بطلي صياعه بقه

وامشي روحي شوفي وراكي اي

ولا شوفي استاذ مدحت يمكن اداكي رقمو

ابقي اطمني عليه شوفيه راح ابو زعبل ولا لسه..

انت سافل اة واالله

وازودلك فوق السفاله جبان..

ودا ازاي.. ?

خايف حتي تديني مسدسك ..

انا مديش مسدسي لحد

ولا اسيبه لحد..

عشان جبان..

بطلي..

جباااان

جباااان جبااان..

اخرصي بقه بدل ما اطلعه

بس سعتها هضربك بيه..

متقدرش عارف لي عشان جبان..

يارب ارحمني انا هقوم اخد شاور عشان انام بدل الارف اللي انتي عملهولي دا..

جباااااان..

ودخل حسام وبدأت حبيبه تفضي شنطتها وحضرت هدومها عشان تدخل بعد حسام وبعد ما خلصت شاور خرجت

لقت حسام نايم

اتسحبت وراحت عشان تشوف مسدسه وحولت تفتح الدرج من غير صوت وفتحته..

بتدوري ع دا..

نعم.. ?

لتكوني يعني بتدوري علي المسدس دا..

ايه

لا دا انا كنت بدور علي

علي علي..

متتعبيش نفسك دا هيبات ف حضني..

وانا مالي منشاالله تبيته ف البلكونه..

طب روحي شوفيلك حته اتخمدي فيها..

نعمممم

لا يابابا انا هتخمد هنا ..

وحطت المخدات في النص وحولت تنام بس اكيد عنيها مترلتش من علي المسدس

وبما انكم عرفتو حبيبه الي حدا ما فهي مش هتنام ولا هيهدلها بال

غير لما تمسك المسدس وتثبت لحسام اا تعرف تستعمله

فضلت مستنيه لحد ما حسام نام

وبعد ما راح ف النوم حط المسدس جمبه اول ما شافت كدا قامت ع طراطيف صوابعها وراحت مسكت المسدس

اول ما مسكته فضلت تتنطط من الفرحة بس حطت اديها علي بوقها عشان صوا ميطلعش

وخدته وخرجت في الانتريه

وليا معاه حكاية 246

وشدت الزناد زي المرة اللي فاتت ودخلت الاوضه فتحت النور وهي لسه مسكاه اول ما النور اتفتح

قام حسام..

شوف

مش قلتلك يبني انا اصلا نشاله

قصدي بعرف انشن من صغري..

اي دا االله يخربيتك انتي خدتيه امته..

استنيت لحد ما نمت وخدته نياهاهااي..

وكمان شدة الزناد االله يخربيتك هاتي المسدس..

اة منا بابا معلمني اشده وارجعه تاني..

طب هاتي المسدس بس االله يهديكي..

قام حسام من علي السرير وقرب براحه من حبيبه

وحبيبه ماسكه المسدس

زي العيال الصغيرة اللي ماسكه المسدس الخرز يوم العيد..

هاتي المسدس يبنت الحلال

انتي عايزة تموتينا..

لا انا عايزة اثبتلك اني اعرف استعمله بس..

طب هاتي..

مالك خايف لي كدا االله

انت شيفني هموتك..

منتي لو مجبتهوش دلوقتي هنموت كلنا..

مش قلتلك جبان

دا انت خفت اكتر من الراجل الاهبل اللي جالي الاوضه ..

حبيبه هاتي المسدس..

حبيبه ?

ياااه دا انا اول مرة اسمع اسمي منك ههههه هو المسدس بيعمل كل دا

دا انا همسكه كل يوم..

وبعدين نقلته لاديها التانيه

وفجأة وحده هي نفسها متعرفش ازاي ضغطت ع المسدس طلعت منه رصاصه بس جت سليمه الحمد الله

وجت ف الحيطه

جري حسام عليها وخد المسدس من اديها

كل دا وحبيبه مبلمه وفاتحه بوقها

ومش مصدقه اللي حصل..

انتي غبيه ?

ازاي تخدي الزفت دا وكمان تعمليه كدا انتي مهتفهميش ابدا

لازم تعملي مصيبه كل دقتين

ولا كمان كل دقيقه..

طبعا كل دا وحبيبه مش سمعه حسام اصلا..

قسما باالله لو لقيتك مسكاه تاني لكون قطعلك ايدك

ورقبتك كمان..

لاحظ حسام ان حبيبه لسه مصدومه وكمان اديها تلجت من الخضه وشفيفها ازرقت

فضل يشاورلها ادام عنيها

وعنيها مرمشتش لحظه..

انتي يا زفته

انتي لسه حيه؟

حبيبببببه..

ها ..?

اي اللي ها االله يخربيتك..

ومشاها لحد السرير ونيمها مكاا وغطاها وراح نام مكانه

بعد ما طلع كل الرصاص اللي في مسدسه وقفل الدرج بالمفتاح..

يارب انا مش عارف انا عملت اي في حياتي عشان ترزقني بوحده كدا

يارب انا لو فضلت كدا هموت بسببها مخنوق او مشنوق او محروق

لاما هيلاقو جثتي متقطعه ومرميه ف اكياس..

ونامو للصبح

وقام حسام وفطر

وحبيبه لسه نايمه استغرب فراح يشوفها..

انتي يابنتي

انتي موتي ولا اي..

بدأت حبيبه تفتح عنيها وفجأه قعدت مكاا..

اي دا انت لسه ممتش..

لسه يختي بس طول منا معاكي ف بيت واحد مش مستبعدها..

هو اي اللي حصل..

اسالي نفسك..

انا فاكرة ان المسدس كان ف ايدي

اة وبعدين طلعت منه رصاصه

وربنا ماعرف ازاي

وبعد كدا مش فاكرة حاجه غير ان قلبي كان هيقف م الخضه قلبي..

وحطت اديها ع قلبها..

هو انتي عندك دم ولا بتحسي اساسا واالله هتفضلي ورايا لحد ما تجبيلي آخر بصي اخر تحذير ليكي

خليكي بعيدة عن حجاتي احسنلك

وقومي يلا اجهزي عشان نترلهم تحت لان محدش يعرف اننا جينا من السفر..

ماشي..

فضلت هي قعده ع السرير تفتكر..

االله متقومي يلا يبنتي..

قمت خلاص..

وخرج حسام في الانتريه وجهزت حبيبه ودخل بعدها

حبيبه كانت وقفه ادام الدولاب اول ما شفته اتخضت وخبت حاجه بسرعه..

اي اللي خبتيه دا..

انا

انا مخبتش حاجه..

بقولك اي اللي خبتيه دا..

واالله مافي حاجه..

راح وشد اديها جامد من ورا ضهرها..

قصة..(وليا معـــــــــــــاه حكـــــــــــايه)

اةة براحه ايدي..

اي دا..

دا

دا برشام للصداع اصل الصوت امبارح وجعلي دماغي..

وبدل ماهو برشام للصداع مخبياه لي..

انا مخبتوش

انت اللي دخلت مرة وحده خضتني فقلت ارخم عليك عشان تبطل تسالني علي حجاتي

وامشي يلا بقه عشان اخلص..

ماشي يلا ورايا..

ولي متبقاش انت اللي ورايا

اة منت مفكر نفسك الولد ولازم تبقي الليدر لا يابابا مش انا..

ياربي هتبدأ تاني

بصي اتزفتي ورايا ادامي المهم امشي..

نزلو تحت وخبطو وفتحت مامته..

اي دا حبيبي انتو جيتو امته حمد االله ع السلامه..

االله يسلمك يا ماما

فين بابا..

جوا تعالو

حمد االله ع السلامه يا حبيبه..

االله يسلمك يا طنط..

مجدي: حبيبه

حسام وحشتوني

انتو وصلتو امته؟..

امبارح بالليل يا بابا..

طب مجتوش خبطو علينا لي..

حبيبه: محنا لقينا الجو متاخر بقه يا عمو فقلنا نستنا للصبح..

واالله احنا سمعنا صوت امبارح بالليل

بس قلنا يمكن برة..

حبييه: صوت

صوت اي دا احنا جينا نمنا علطوول

ولا اي يا حسام..

اة اة طبعا ..

طب تعالو اقعدو بقه

احكولنا عملتو اي اتبسطو ولا لا..

حبييه: بجد يا عمو كانو ايام تحفه..

طب الحمد الله المهم اتبسطو..

جدااا

مقلش لحضرتك ازاي ..

وتركيا حلوة كدا زي مكنتي متخيله يا حبيبه..

ها.. ?

تركيه حلوة زي مكنتي متصورة.. ?

اة اوي..

اكيد اتصورتو كتير..

اة اوي..

طب فرجونا بقه..

فيرس..

نعم.. ?

فيرس جه ع التليفون ضيعهم كلهم زعلنا اوي..

يلا خير المهم انتو بخير..

الحمد الله..

طب قولولنا بقه

روحتو فين هناك..

كلو كلو يا عمو مسبناش حته..

فين بالظبط يعني..

اماكن كتير الصراحه بس مكناش بنسال علي الاسامي اصلها صعبه..

طب و..

انا هتصل ببابا وماما اطمنهم علينا..

اة واالله فكرتيني

استني انا هفجأهم..

واتصل مجدي بمحمد..

الو ايوا يا حج..

ايوا يا حج مجدي ازيك..

الحمد الله عندي مفجاه ليك..

بجد

اي..

وخدت حبيبه التليفون..

بخ انا مين..

هههههه حبيبه

وحشتيني انتو جيتو امته..

لسه امبارح بالليل..

طب مقلتولناش لي عشان نجلكو..

محنا قلنا نعملكو مفجأه بقه

يلا هات ماما وتعال

وحشتوني اووي..

طيب علطول ..

****

وجه محمد وامال وفضلو قاعدين مع بعض لحد بالليل

وكانو كل ما يسألوهم ع حاجه في السفريه يتهربو منها بأي حاجه

لحد ما سلمو عليهم ومشيو

وطلعت حبيبه وحسام شقتهم

مسكت حبيبه التليفون بتعها..

حبييه: الو..

اسماء: ايوة يا احلي عروسه..

ايوة يا زفته فينك يابت

كدا مش تتصلي الايام دي كلها..

يبنتي سيباكو تتهنو بشهر العسل

منا اتصلت بطنط وقالتلي انكم سفرتو ايوا بقه ياعم تركيا ونظام

اوعي تكوني شوفتي مهند من غيري..

هههههه لا كانو هيوريوهولي بس مرضتش

قلتلهم لما اسماء تيجي معايا المرة اللي جايا..

اصيله يا ام محمد..

االله يخليكي يا ام احمد..

بت جهزي نفسك بكرة هنجيلك انا والبنات..

بجد يا اسماء

تنوروني دا انتو وحشتوني اوي..

خلاص روحي نامي دلوقتي

واول ما تقومي هتلاقينا في وشك..

ماشي يا موزتي هستناكم اوعي تتاخري..

لا تقلقي الي اللقاء..

الي اللقاء..

ونامت واول ما قامت الصبح

جريت تجهز نفسها ووضبت الشقه وجهزت الحاجه اللي هتقدمهلهم

ولبست طقم خروج واستنتهم..

حسام: اي دا انتي خارجه راحه ف داهيه ولا حاجه..

الداهيه دي هروحها وانا بوصلك ليها ان شاء االله..

امال لبسه لي..

صحابي جاين

بس بحذرك اهه اوعي تبين اي حاجه ادمهم..

لا لا ازاي..

بدل قلت كدا يبقي ناوي تغدر

بص عمو وطنط مش بعيد

يعني ف ثانيه انزل اقولهم اننا مسفرناش وان كل اللي عملناه دا حوار عليهم فخليك حلو احسن..

ورن جرس الباب جريت حبيبه..

متنساش احنا عرايس حلوين

ولسه جين من شهر العسل

اتصرف علي كدا..

وفتحت الباب : عاااااااااا اسمااااااء..

حبيبببببببه..

وحشتيني يا كلبه..

انتي اكتر يا حيوانه ..

حبايب قلبي يا بنات

ازيك يا ايمان ازيك يا هبه ادخلي يا منمن نورتوني..

بنورك يا عروسه..

ودخلو قعدو ف الانتريه

احكلنا بقه عملتي اي..

ف اي..

من اول ما جيتي شقتك..

مفيش عادي..

طب خلاص قوللنا اخبار تركيا اي..

بتسلم عليكم..

وفضلو يتكلمو لحد ما دخل عليهم حسام..

اي دا يا حبيبتي احنا عندنا ضيوف طب مش تعرفيني..

بصتله بغيظ وباستغراب : منا لقيتك نايم يا حبيبي مرضتش اصحيك..

لا ازاي

لازم كنتي تقوميني ولا كنتي عايزة صحابك يمشو من غير ما اسلم عليهم ازيكو يا بنات منورين..

هاها

لا طبعا يا حسحوستي ازااااي

حسام يا بنات انتو اكيد شوفتوة ف الفرح..

صحباا: اة اكيد ازيك يا حسام الف مبروك..

االله يبارك فيكو

عقبالكم كلكم بس متعملوش زي حبيبه كدا..

ازاي...

لحد دلوقتي في عروسه حلوة متحضرش لجوزها الفطار..

لا ازاي قومي يا حبيبه حضري الفطار لحسام..

جزت ع سناا وهي بتضحك:

معلش بقه يا بيبي اتلبخت

انا مجهزة كل حاجه جوة..

وعايزاني افطر لوحدي.. ?

مش شيفني قعده مع صحباتي يا حبيبي..

خلاص هستناكي..

صحباا : قومي يا حبيبه احنا قعدين اهه هنروح فين..

وقامت حبيبه ورا حسام لحد المطبخ..

اي اللي انت بتنيله دا..

اي مش انتي اللي قلتي نعمل متجوزين..

نعمل متجوزين

مش مشلولين وايه اللي افطر لوحدي دي

من امته ياخويا..

منا بعمل ادمهم اننا بنحب بعض وكدا..

لا انت بتستعبط

بص

واالله واالله لو مبطلت لكون رايحه لعمو دلوقتي حالا..

وخدت الحجات اللي هتقدمهلهم وطلعت..

منورني واالله يا بنات

ها كنا بنقول اي..

حبيبه حبيبه يا بيبه..

ودا كان حسام طبعا وهو بيغيظ حبيبه وبيناديها من المطبخ..

ايوة يا بيبي..

اعملك شاي معايا.. ?

لا يا بيبي شكرا..

طب نسكافيه..

لا..

طب كاكاو..

فردت بغيظ: لا..

يبقي كاباتشينو..

اعمل اي حاجه يا حبيبي

اي حاجه من ايديك جميله

بقولكو بقه الايام اللي فاتت كانت تحفه ولا الفندق.

حبيبه ..

اتقلب وش حبيبه..

نعم يا حبيبييييي..

احطلك معلقتين سكر زي ما بتحبي ولا عايزة اكتر ..

لا حلوين..

ماشي..

وجاب حسام الكاباتشينو : احلي كاباتشينو لاحلي عروسه..

تسلملي يا حبيبي ..

يلا اشربيه بقه..

وبدات حبيبه تشربه ومرة وحده فتحت نفورة كاباتشينو من بوقها

لانه كان مليان ملح..

صحاا: اي يا حبيبه مالك..

لا مفيش اصله سخن شويا ..

وبصت لحسام وكان فضلها ثانيه وتقوم تدلقه عليه ..

حسام وهو بيضحك : انا عايزك تشربيه كله عشان اعرف انك بتحبيني..

فضلت حبيبه تضغط علي نفسها

لحد ما خلصته وبعد كام ساعه قرر صحبها يمشو وخرجت توصلهم..

ربنا يهنيكي بعريسك يابيبه شكلو بيحبك موت..

ربنا يخليكو يا بنات عقبالكو ..

خدي بالك ع نفسك..

وانتو كمان وابقو طمنوني عليكو

اسماء هبقي اكلمك ماشي.. ?

دا لاااازم هستنا تليفونك سلام..

واول ما قفلت الباب

طلعت جري علي الحمام خرجت وهي حطا اديها ع بطنها لقت حسام قاعد علي السرير وبيتفرج ع التليفزيون..

انت

انت مش بني ادم اصلا انت حيوان ازاي تشربني بتاع كله ملح كدا..

االله مش بعبرلك عن حبي يا مراتي يا حبيبتي..

انت بتسمي اللي انت عملته دا تعبير عن حب

امال التعبير عن كره يبقي عامل ازاي انت غبي وحيوان وزباله انت..

وجريت تاني ع الحمام وحسام فطسان علي نفسه من الضحك

وطلعت بعدها نامت ع السرير..

بص انا مش عايزة اشوفك لمده تلت قرون ادام..

زودي عليهم تلاته ليا ..

وغمضت عنيها عشان تنام فصحاها حسام..

اي دا انتي هتنامي..

عايز اي يا زفت..

قومي سخنيلي اكل..

تصدق انت بجح..

ومسكت المخده اللي جمبها وفضلت تضرب فيه..

قوم من جمبي

قوم جاتك نيله ..

وفضلت تستحلفله:

مش انت بداا كدا انا هوريك بقه اللعب علي اصوله

اة يا بطني..

قصة..(وليا معـــــــــــــاه حكـــــــــــايه)

صحي حسام علي صوت المكنسه فقال وصوته لسه نايم..

بتنيلي اي ع الصبح..

بنضف الشقه اصل بقلها كتير متعملتش ولا انت عايزهم يقولو علي مراتك حبيبتك مش نضيفه..

والتنضيف محبكش الا الصبح

وف الاوضه اللي انا نايم فيها..

عشان تستنشق هوا نضيف يا بيبي

انت بس نام ومتشلش هم..

وكل شويا كانت تاخد المكنسه وتروح عند راسه وتشغلها

ومسكت قماشه كلها تراب وهوب نضفتها فوق راسه قام يكح من التراب..

اي اللي بتعمليه دا

االله يخربيتك..

اة سوري معلش اصلي كنت بنضفها..

اطلعي برة..

طب..

بقولك برة ..

طلعت وهي هتموت م الضحك وبعدين دخلت تاني : طب بقولك..

بررررة..

بعدها حسام دخل المطبخ يشرب لقي حبيبه بتعمل غدا..

غريبه يعني اول مرة تقفي تعملي اكل..

اصل جيلي مزاج اعمل اكل

وأقف في المطبخ وكدا

انت استريح وشويا هتلاقي الاكل جاهز..

اكل ?

انتي مفكراني هاكل م الهبل اللي بتعمليه دا..

لا اوعي تقول كدا

انت المفروض تاكل اي حاجه تعملهالك مراتك..

وجهزت الاكل وحطته ع السفرة..

مش هتيجي تاكل ولا اي..

قعد حسام وكان ادامه اطباقه وعصيرة وحبيبه نفس النظام بص للاكل اللي ادامه..

لا قومي..

اقوم فين..

قومي اقعدي مكاني انا مضمنكيش..

ازاي يعني..

لتكوني حطا حاجه كدا ولا كدا

انا هاكل اللي انتي هتكليه

وكلي انتي اللي حطهولي

عشان لو كان فيه حاجه تخديها انتي..

دا انت غريب تعالي يا سيدي..

وقعد حسام ياكل ويشرب استغرب ان الاكل كويس لا في شطه ولا ملح زياده والعصير طعمه كويس وخلص اكل..

فضلت حبيبه تضحك وتتنطط..

كنت متاكده هههههه

كنت متاكده..

متاكده من ايه..?

ان انت هتعمل كدا..

هو اي اللي انا عملته..

كلت من اكلي من اكلي وانا كلت من اكلك هههههه..

حط ايده ع بطنه وحس ان ف ناس بتتشاكل جواها..

انتي عملتي اي..

حطتلك وصفتي العجيبه ف العصير..

موتيني.. ?

اي الجو القديم دا ياا هبل

لا دي وصفه كدا هتخليك قاعد ف الحمام اتناشر سنه ادام عشان تعرف بعد كدا تحطلي ملح ف الكاباتشينو..

اةةة..

وطلع جري ع الحمام

ووقفت حبيبه تتنطط ع السرير وكان كل خمس دقايق يخرج ويدخل تاني..

اي يا حبيبي انت كويس..

انا لو كان فيا صحة شويا كنت رميتك م الشباك..

لا يا حبيبي متقولش كدا انا عارفه الكلام دا من ورا قلبك..

يا بارده..

وفضل حسام كدا لاخر اليوم

في وقت تاني كانت حبيبه قعده ع النت وقامت تشرب رجعت لقت منشور ع الاكونت بتعها..

انا هبله وبرياله وطول عمري مجنونه وبتعالج نفسيا والدكتور بتاعي قالي لازم اعمل كدا عشان ابقي كويسه

لان حالتي بدأت تدهور وبدات اكل ضوافر رجلي وافلي نفسي زي القرود وكل اللي اقابله ف الشارع بديله علي افاة فانا بنصح اي

حد يبعد عني بكرر ابعدو عني انا هبله وعبيطه وشكرا..

رمت ازازت الميه وقعدت جري عشان تمسح البوست

بس دا كان متاخر اوي

لانه كان جلها عليه يجي خمستاشر لايك زي ما يكون كل صحبتها مستنين البوست دا

واكيد غير الكومنتات والمسجات اللي جتلها..

ماشي يا حسام الزفت انت

واالله لمورياك انا تكتبلي كدا وفين ع الول عندي ان ما وريتك..

قررت حبيبه تنتقم لتاني مرة

حسام كان بياخد الشاور بتاعه

خد علبه الشامبو وبيحط ع راسه لقي لون احمر ع وشه

وع عنيه

ودا اكيد وحبيبه وقفه برة

اتصدم وافتكر فيلم التعويذة

شغلت حبيبه علي موبيلها صوت فيلم رعب

وعلت الصوت علي الاخر ورمت الموبايل وجريت لاا كانت متاكده من اللي هيحصل

وزي ما توقعت طلع يجري من الحمام ولابس البشكير وجسمه ووشه كله احمر

شاف الموبايل علي الارض

مسكه ودخل الحمام تاني

شاف علبة الشامبو

وحط منها شويا ع ايده لقاها لوا احمر رماها ف البانيو ..

يارب خدها بقه وريحني..

بعدها قررو يتغدو مع والد ووالدت حسام خلصو السهرة معاهم وطلعو

قالها وهما طالعين ع السلم..

انا هروح مشوار كدا نص ساعه وراجع..

وانت بتقولي لي..

تصدقي انا الحق عليا اولعي..

اي الاهبل دا..

طلعت حبيبه غيرت هدومها وما صدقت تفك شعرها شويا وتمشي في الشقه كانت فرحانه زي ما تكون مشفتش شعرها ولا حست

بأنوثتها من زمان لبست قصير وسابت شعرها مفكوك وبقت زي القمر واكتر كمان

وفتحت التليفزيون تتفرج عليه وهي بتتفرج النور قطع قامت زي المسروعين فضلت تدور ع الموبايل جمبها وهي بتقرا قران..

ربي لا اسالك رد القضاء ولاكن اسالك اللطف فيه

االله لا اله الا هو الحي القيوم.

يا مامااااا.

ياربي التليفون كان هنا راح فين..

وفضلت تدور ع التليفون وسمعت حاجه بتقع فقالت اكيد التليفون ونزلت علي الارض تدور عليه

وبعد ما خلاص فقدت الامل فضلت تعيط تعيط جامد اوي

قعدت ع الارض وضمت رجليها باديها وفضلت رايحه جايا وبدات تقرا قران تاني..

بسم االله الرحمن الرحيم الحمد الله رب العالمين الرحمن الرحيم مالك يوم الدين اياك نعبد واياك نستعين اهدنا الصراط المستقيم صراط

اللذين انعمت عليهم غير المغضوب عليهم ولا الضاااالين اميييين يارب يارب احميني يارب النور يرجع واالله ما هعمل حاجه وحشه تاني

ولا هعمل مقالب تاني بس النور يرجع انا اسفه اسفه لو كنت عملت حاجه غلط..

قررت تطلع برة عشان توصل للباب وتنادي علي والد حسام وممته

كانت ماشيه وهي حطه اديها ع قلبها وحسه اا هتموت من الخوف

فضلت تتخيل اصوات وحجات ادمها وحولت تتنفس وهي مش عارفه حست اا ماشيه بقلها كتير وهي مش لقيه الباب فضلت

تصوت..

يا عمو مجدي يا طنط يا مامااااا..

حست اا داخت مسكت الحيطه جمبها وقعدت تعافر مع نفسها عشان توصل للباب حولت تنادي

بس كان صوا مش مسموع حست بنفس جمبها فضلت تلف في الضلمه زي انونه..

مين ?

مين..

بدأ عياطها يزيد ونفسها يضيق اكتر وسمعت النفس تاني لفت حواليها برضو وهي مش شايفه حاجه..

حسام?

دا انت?

حسااام عشان خطري لو انت

اللي طافي النور افتحه ابوس ايدك

واالله ماهعمل فيك حاجه تاني وحيات اغلي حاجه عندك

بص انا مستعده كمان انزل تحت لعمو وطنط وقولهم اني وحشه وانك مش قادر تعيش معايا ولازم تطلقني

ولا اقولك هوقلهم اني كنت بحب حد تاني بس وحياتك افتح النور..

قعدت علي الارض فضل صوت نفسها يزيد حولت تتنفس معرفتش حطت اديها ع الارض وقالت بصوت عالي : انا اسفففففه

خلاااص انا اسفه

ووقعت ع الارض وهي مفتحه عنيها..

اتفتح النور

هههههههه شوفتي خليتك تقولي انا اسفه وبرضاكي كمان..

حولت تبص عليه لاكن كل حاجه كانت مغروشه ادمها..

اي رايك ف الخوف دا بقه

هو احلي ولا الشامبو..

قامت حبيبه وفضلت تضحك وتضرب علي اديها

شوفت بقه مين فينا الاذكا خليتك تفتح النور وبرررضو برضاك هههههههههههههه..

بصلها حسام باستغراب..

انت عبيط اوي شفت كلمتين عملو فيك اي

ابقي العب ع ادك يا شاطر..

ونسيت خالص اا لابسه قصير او اا سيبه شعرها وفضلت تضحك لحد ما وصلت للاوضه

اول ما دخلت ملامحها كلها اتغيرت لالم وحطت اديها ع قلبها

وجريت ع السرير قبل ما تقع

حطت راسها علي المخده ودموعها نزله اتغطت وحولت دي نفسها

وتنسي الالم الي هي فيه عشان تنام

دخل حسام بعدها وهو لسه مستغرب مش مصدق ان اللي سمعه دا كله كذب او تمثيل منها ونامو..

صحي حسام الصبح وكالعاده دخل الحمام وخرج حضر لنفسه الفطار

دخل الاوضه تاني لاحظ سعتها شعر حبيبه اللي هي فرداه جمبها علي المخده لتالت مرة يشوفه بس عن قريب قرب منها وحاول يمسكه

كان جميل وناعم زي الحرير لونه بينور وشها ولاول مرة يشوفها دوم مش كوم كامل

او مش ازدال الصلا

بياضها وجمالها دا ..افتكر ليلة امبارح بعد ما ساا ونزل..

انا هوريكي بقه شغل العفاريت

ولبس وش بيخوف وطلع فوق وفتح الشقه من غير ما يعمل صوت فضل ماشي براحه عشان حبيبه متسمعش ووصل لاوضة النوم

لقي حبيبه لابسه قصير وفردة شعرها قلع القناع اللي كان لابسه

وفضل يبصلها وهو مش عارف يرفع عينه من عليها زي ما يكون اتسحر وفضل علي كدا لحد ما قعدت تتفرج ع التليفزيون وفجاه

النور قطع قال في سرة..

دا وقتك انت كمان..

وافتكر خوف حبيبه

وكان جواة افكار كتير..

طب اتكلم واقولها اني هنا ?

لا دا سعتها لو سمعت صوتي مرة وحده ممكن تموت فيها طب اولع الولاعه?

لا ماهي ممكن تموت ف دي اكتر طب افتح الباب يمكن يجي نور م السلم?

اي الذكاء بتاعي دا ماهو النور قاطع في البيت كلو

وسمع حبيبه وهي بتتكلم وبتقرأ قران وتعيط ومش عارف يعمل اي

فضل ماشي بعيد عنها لتخبط فيه

وحس اا هتقع فقرب منها سمعت هي صوت نفسه اول ما لقاها بتلف بعد عنها وسمع بعد كدا كلامها وهي بتترجاه وراح عشان

يفتح الباب ويعمل نفسه جاي من برة

النور جه

شاف حبيبه وهي علي الارض مشي عشان يروح يساعدها..

طب ماهي كدا مش هتصدق اني كنت برة

وكدا كدا انا ادبست فيها ولو رحتلها دلوقتي ممكن تغير فكرا نحيتي

وانا مش عايز كدا

انا مينفعش افضل ع الحال اللي انا فيه دا كتير انا تعبت..

وقال: ههههههههه شوفتي خليتك تقولي اسفه وبرضاكي كمان

اي رايك ف الخوف دا بقه

هو احلي ولا الشامبو..

بعد كدا افتكر حبيبه وهي بتضحك وعرف ان كل اللي هي عملته دا تمثيل لاا اتاكدت انه هو اللي عامل كدا

وبعد ما افتكر ساب حبيبه في الاوضه وخرج فضل يتفرج ع التليفزيون واستغرب لنومها لحد دلوقتي..

غريبه يعني دي عمرها ما عملتها..

دخل الاوضه لقاها زي ماهي

حاول يصحيها براحه..

حبيبه..

مردتش فحاول معاها تاني بس بصوت اعلي..

حبيبببه.

زقها بايده فملقاش اي تجاوب منها

اة دا مقلب زي بتاع امبارح صح

لا متفكريش اني صدقت بتاع امبارح اصلا قومي يختي ووفري ع نفسك كل التمثيل دا..

استني منها اي رد برضو مفيش قعد جمبها وقالها تاني..

انا قلتلك مبكلش م الكلام دا..

حاول معاها تاني وتالت

لحد ما صدق بجد اا مش بتمثل وفضل يفوق فيها..

حبيبه

حبيبه قومي يا حبيبه..

جري علي التليفون واتصل بدكتور زميله وفضل مستنيه لحد ما يجي افتكر ان حبيبه من غير حجاب فراح جاب الازدال وحاول

يلبسهولها

فضل يصحي فيها عشان تقوم

بس فضلت زي ماهي حاول يلبسها وهو متصور اا هتقوم كالعاده وتضربه بالقلم

بس كانت زي العروسه اللعبه

ودافيه جدا

بعد ما لبسهولها غطاها راح يفتح لصحبه..

اتفضل يا احمد..

ف اي يا حسام خير..

معرفش حبيبه

قصدي مراتي يعني

بفوق فيها من سعتها مش راضيه تفوق..

طب هي ف اي اوضه..

جوا اتفضل..

وفضل الدكتور يكشف عليها وحسام واقف وبعد ما خلص سأله..

هي اصلا بتشتكي من حاجه.. ?

مش عارف علي ما اظن معندهاش حاجه بس امبارح النور اطفي عليها وهي لوحدها

فخافت شويا لاا بتخاف م الضلمه..

ممكن عشان كدا.

هي عندها حمي ممكن من الخوف وممكن عادي يكون شوية برد او كلت حاجه غلط

انا هترل دلوقتي اجبلها محلول عشان يترل الحرارة وهجبلك برضو الادويه اللي هتدهلها..

معلش يا احمد واالله ماعارف اشكرك ازاي..

عيب يا حسام دا احنا اخوات يا اخي

انا بس عايزك تعملها كمادات ميه فاترة ..

حاضر..

نزل الدكتور وفضل حسام جمب حبيبه يفوق فيها..

حبيبه انتي سمعاني

واالله يبنتي انا ماعملت حاجه ولا طفيت انوار اصلا حبيبه..

فضل يفركلها في اديها عشان تقوم

وراح جاب ميه سقعه وعملها كمادات اول ما حط الكماده علي دمغها

قامت مفزززوعه واتنفست زي ما تكون بتغرق قعد يهدي فيها..

اهدي بس مفيش حاجه دي كمادات واالله..

بصتله وبعدين اغمي عليها تاني..

حرام عليكي يبنتي انتي هتهبليني حتي وانتي تعبانه ..

سمع صوت الباب فراح يفتح لاحمد..

ها فاقت.. ?

مش عارف

انا عملتلها كمادات واول ما حطتهلها قامت مرة وحدة ونامت تاني..

معلش هي ممكن عشان درجه حرارا عاليه مش مستحمله الميه..

ركبلها المحلول وفضل يعلم حسام ازاي يقفله..

بص اول ما يخلص اقفله من دي وشيل دي من اديها عشان تعرف تتحرك بس سيب الكلونه..

ماشي..

والدوا دا حاول لما تقوم تديهولها

وكتبلك عليه كل اد ايه

وان شاء اللة الحرارة هتترل

بعد المحلول دا وهتفوق ..

تمام ..

انا همشي دلوقتي واجلها تاني بكرة وهجيب ممرضه

بس دا لو احتاجت محاليل وعنايه اكتر ويارب منضطرش لكدا..

مش عارف اشكرك ازاي ولا اقولك اي..

ولا تقول ولا تعيد لو ف حاجه ممكن تخنقها بس شلها من عليها وقيسلها الحرارة كل شويا

وان شاء االله هتبقي كويسه الصبح..

بإذن االله شكرا يا احمد واسف لو كنت ازعجتك..

انت تتصل ف اي وقت يا حسام

تصبح ع خير..

وانت من اهله مع السلامه

قصة..(وليا معـــــــــــــاه حكـــــــــــايه)

بعد ما وصله دخل الاوضه تاني وقعد جمب حبيبه يعملها كمادات ويبص كل شوية للمحلول ومستنيها يمكن تفوق وراح ف النوم

شويا وصحي ع صوا..

عشان خطري يا بابا مش عايزاة انت مش شايفه عامل ازاي..

فبص حسام لنفسه : مالي منا زي الفل اهه..

وكملت : ان ما وريتك

انت حمار وكلب وزباله وقليل الادب وسافل ووووو..

خلاص يا زفته بقه

هو عشان تعبانه وبتخرفي هسكتلك يعني..

بلاش النور والنبي افتحه..

وبعدين علت صوا : انا اللي غلطانه اني بينتلك م الاول نقطة ضعفي عشان كدا خوفتني..

ومسكت ف السرير وفضلت تعيط وهي بتتكلم : حسام انا اسفه معنتش هعمل فيك حاجه بس بلاش اكتر حاجه بتخوفني ترعبني بيها

..

سعتها حس بالذنب هو اة مش هو اللي طفي النور

بس كان ممكن يكلمها ويقولها انه معاها

وكمان مكنش لازم يضحك عليها

ويقولها ان هو اللي طفاه

فضلت حبيبه تعيط اكتر واكتر

وتتحرك ف السرير

حاول يهديها بس معرفش

بعدها قعد يحسس علي شعرها ويطبطب عليها..

متخفيش انا معاكي اهه..

لحد ما راحت في النوم تاني

فضل سهران جمبها

وشال المحلول وقسلها الحرارة

ابتسم لما لقاها قلت

نام جمبها لحد الصبح

بعد ما صحي حط ايده عليها لقي الحرارة راحت

فرح وقام يتأكد وحط الترمومتر في بوقها صحيت حبيبه وقتها

حولت تبصله واستغربت..

اي دا..

االله انتي قمتي اخيرا..

هو اي اللي اخيرا

هو انا نايمه من زمان.. ?

اة بقالك شويا افتحي بوقك بقه..

لي..

عشان اقسلك الحرارة ..

وانت تقسهالي لي

انت شيفني سخنه..

لا خالص

بس عايز اتاكد..

روح اتاكد ع حد تاني

انا بومب اهه..

حولت تقوم تقعد بس حست بدوخه : االله هو انا مالي كدا..

اخلصي وافتحي بقه بدل ما احشرة في بوقك اوقعلك صف اسنانك..

مش فاتحه وامشي بقه من ادامي..

مسك اديها وحطهولها في بوقها

فضلت تعافر شويا وبعدين استسلمت من التعب

بص حسام ف الترمومتر لقاها قلت خالص..

الحمد الله مش هتضري تحطي محلول تاني..

محلول.. ?

بصت ع اديها بصدمه: عااااا اي دا انت عملت فيا اي وانا نايمه..

وانا مالي دا الدكتور واالله..

اكيد اتوجعت صح

ركبه ازاي دا وانا مش وخده بالي

ياربي انا من ساعت ماعرفتك وانا بتبهدل..

هو انا بقولك ضربك بالنار دا محلول..

اة انت مستقله

مأنت اصلا عايزني اموت

لو سمحت حاسب بقه..

وقامت عشان تروح الحمام اول ما وقفت حست بدوخه

كانت هتقع جري حسام عشان يسعدها بصتله بديقه وبزعل وهي بتبعد ايده..

لو سمحت انا مطلبتش مسعدتك

انا كويسه جدا وطول مافيا نفس وبقدر امشي مش هطلب مسعدتك حتي لو بموت بعد اذنك عديني..

مشيت لحد الدولاب وخدت هدوم ليها ودخلت الحمام..

طب استني مينفعش تدخلي الحمام لوحدك وانتي دايخه كدا..

بصتله وهي فاتحه بوقها : نعم..?

لا مش قصدي حاجه واالله

انا بقول اصبري لما ترتاحي وبعدين قومي..

لا انا تمام..

قفلت الباب وراها فضل واقف مستنيها وكل شويا يخبط ع الباب عشان يطمن عليها..

خلاص ياعم قلتلك انا كويسه بقه..

فقال يقعد لحد ما تخلص فضل مستنيها تخرج مخرجتش قلق قام يخبط تاني..

حبيبه حبيبه..

مرضتش فقرر يفتح الباب..

حبيبه انا هدخل حبيبه ..

دخل لقاها وقعه علي الارض

وهي ماسكه الفوطه ولبسه بجامه وشعرها مبلول ومغطي وشها..

االله يحرقك منا قلتلك متدخليش..

شالها من علي الارض وحطها علي السرير ولقي شعرها مبلول جاب فوطه وقعد ينشفهولها

فضل يخبط ع وشها عشان تفوق فقامت وبصتله..

اي لسه شايفه نفسك كويسه.. ?

مش عارفه بقه انا دايخه اوي..

ففتكر الادويه فقام عشان يدهلها

خدي..

اي دا..

دا برشام احمد قالي ادهولك..

احمد مين..

الدكتور اللي جالك..

لا مش مستهله..

هو اي الي مش مستهله انتي مش شايفه انتي عامله ازاي

خدي بقه واخلصي واجهزي عشان هو كمان شويا هيجي..

لي..

عشان يطمن عليكي ويشوفك بقيتي عامله اي دلوقتي

انا مرضتش اتصل بحد من ببايا او بباكي عشان مقلقهمش..

كويس..

وفضلت تبص حواليها

بتدوري علي اي..

ع الازدال..

اة اهه انا حطيته هنا بعد ما العتهولك..

ايه ؟؟؟..

لا لا دا امبارح

انتي كنتي لابسه يعني قصير وبعدين احمد كان جي فقلت البسهولك عشان مينفعش يكشف عليكي وانتي كدا وبعدين وهو ماشي قالي

اشيل اي حاجة ممكن تخنقك فاضطريت اشيله من عليكي يعني مش اكتر..

حطت حبيبه اديها ع شعرها وعلي جسمها وافتكرت اا مكنتش بتقعد ادامه غير بالازدال

ووشها احمر وحسام لاحظ كدا..

احم انا هروح اتصل بيه بقه اشوفه فين ..

بعد شويا سمعو صوت الباب فراح حسام فتح..

ازيك يا احمد عامل اي..

الحمد الله طمني اي الاخبار..

الحمد الله

احسن ع ما اظن اتفضل..

ودخل احمد وحبيبه قعده ع السرير..

ازيك يا مدام..

الحمد الله..

فضلت حبيبه تبص لحسام وهو واقف ومحروجه ووشها كل شويا يحمر

مش عارفه تعمل اي ادمها رجلين وهي لوحدها وبالنسبلها الاتنين زي بعض غريبين عنها

وجه احمد عشان يشوف النبض..

حبيبه: ايه..?

ايه..

حضرتك هتعمل اي.. ?

هشوف ضربات القلب..

لا هي كويسه..

هههههه طب خلاص بدل منتي شايفه كدا بس امبارح مكنتش كويسه خالص..

ازاي.. ?

كان عندك ارتفاع فيها..

واالله.. ?

اة فعشان كدا قلقنين شويا ممكن بقه اشوف..

طب طب..

وبصت لحسام ..

مفيش حد غريب يعني حسام وجوزك وانا دكتور يعني دي شغلتي..

نولته اديها وقالتله : اتفضل..

ههههههه ماشي

برضو لسه عاليه بس احسن من امبارح انتي اصلا بتعاني من اي تعب..

انا ؟؟

لا خالص الحمد الله..

طب الحمد الله

كدا الحرارة نزلت فمبقيناش عايزين المحلول ف حاجه..

ومسك اديها عشان يشيل الكلونه فشدت حبيبه اديها منه..

انت هتشلها.. ?

اة..

بصت لحسام بخوف :

طب مانا مستريحه بيها كدا..

مهي لازم تتشال..

لا لا انت بس سبها ومتقلقش..

مهي لو فضلت هتورم وممكن تعورك وتوجعك اكتر..

لا مش هشلها..

حولت تقوم جه حسام وقعد جمبها : حبيبه انتي رايحه فين اقعدي..

اقعدي ازاي بيقولك هيشلها

دا انا مش متخيله هي دخلت ايدي ازاي اصلا وانا نايمه هشلها وانا صاحيه ?

ابداا..

أحمد : طيب امسكي بايدك التانيه ايد حسام ولو وجعتك اضغطي عليها

بس واالله اوعدك انك مش هتحسي بيها اصلا..

لا برضو..

بصلها حسام جامد : حبيبه بطلي شغل العيال دا مهو قلك مش هتحسي بيها..

وانا اي يضمنلي..

احمد: واالله ما هخليكي تحسي اا ف ايدك اصلا..

قربت تقتنع فمسك احمد اديها تاني ومسكت هي بأديها التانيه ايد حسام وضغطت عليها قبل حتي ما احمد يمسكها اول ما بدا يشلها

مسكت ايد حسام وحطتها ع بوقها واديها فوقيها وهي مغمضه عنيها جااامد كل دا وحسام بيبصلها

ومن جواة بيضحك ع الطفلة اللي ادامه..

مدام حبيبه يا مدام ..

فتحت عنيها وكانت بدات تعيط : ها..

ها اي خلصنا..

بجد.. ?

اة واالله وشلتها اهه..

لا مش عايزة اشوفها خلاص..

هههههه خلاص والف سلامه عليكي

وربنا ما يعدها ان شاء االله..

شكرا..

ووصله حسام رجع لقي حبيبه بتعيط..

انتي بتعيطي لي..

اصل ايدي وجعاني..

لي يبنتي..

انت مكنتش شايف عامله ازاي..

دا حيله دبوس داخل ف ايدك..

اهه انت اللي بتقول

دبوس تخيل لما تدخل دبوس ف عروقك..

متخيل وعادي يعني..

اة ماهو لازم يبقي عادي

ماللي يعمل في الناس اللي انت عملته لازم يبقي عادي..

ع فكرة مش انا اللي طفيت النور..

لو سمحت انا مش عايزة اتكلم ف الموضوع دا

انت او لا مش عايزة اعرف..

انا كنت ف الشقه اصلا قبل ما النور يقطع ولما قطع خفت اكلمك تخافي..

انا قلتلك مش عايزة اتكلم ف الموضوع دا االله..

وشدت اللي بتتغطي بيه ونامت

بعد ما صحيو الصبح بصت حبيبه جمبها لقت اكل وحسام داخل عليها..

يلا قومي كلي..

اي دا مين عمل دا..

انا..

انت ازاي..

عادي يعني قمت وفننت وطبخت..

لا بجد.. ?

اة واالله دوقي بقه الشوربه دي..

االله مش انت بتقول مبتعرفش تعمل حاجه..

يبنتي انا كنت ف الكليه بعمل كل حاجه بس بحب اعمل بمزاجي..

لا شكرا مش عايزة

وكمان اصلا انت السبب ف كل اللي انا فيه دا

وعلي فكرة بقه انا مبخفش من الضلمه ولا حاجه

لتكون مفكر ان كل ما تعوذ تخوفني تعمل كدا

لااا دا انا جامده اوي..

ماشي يختي كلي بقه..

اخاف..

لي..

تكون حططلي حاجه كدا ولا كدا..

ازاي يعني..

شطه مثلا في الشوربه

ملح في العصير ويمكن الاقي ضفدع بينط ف وشي..

لا متخفيش

وعشان اثبتلك هاتي المعلقه كدا..

واكل من كل نوع معلقه

شوفتي اهه مفهوش حاجه..

فضلت حبيبه بصاله شويا..

اي متكلي..

قصة..(وليا معـــــــــــــاه حكـــــــــــايه)

هاتلي معلقه تانيه

يعني انت عايزني بعد ما كلت من دي اكل بعدك يععع..

تصدقي يابت انا غلطان اني عبرتك اصلا ان شاالله مكلتي..

لا لا خلاص سيب الاكل انا جعانه ..

طيب اصبري..

قام جبلها معلقه تانيه..

خدي..

انت بتعمل كدا يعني تكفيرا للي انت عملته فيا..

ياربنا هنفضل نعيد ونزيد ونقول مش انا اللي طفيت النور..

مش مصدقه بس ماشي..

عنك بقه

انا هقوم انزل تحت شويا..

طيب وانا هكلم بابا وماما اطمن عليهم..

تمام..

نزل حسام

وقامت حبيبه حست اا احسن

كلمت بباها وممتها ووضبت الشقه ودخلت تاخد شاور وبعد ما خرجت

جة حسام من عند بباه وممته وشافها وهي وقفه في الاوضه بتنشف شعرها فضل مركز فيها شويا وفي شعرها لحد ما حبيبه لحظت اول

ما شفته فضلت تشد ف هدومها ورجعت شعرها لورا

دخل الاوضه وقالها بارتباك كدا..

احم ابقي نشفي شعرك كويس عشان ميجلكيش برد وتسخني تاني بقه..

حاضر..

متفكريش اني بقول كدا عشانك يعني دا انا مش عايز اطبخ تاني بس..

انت هتزلني بالاكل اللي عملته

امال لو مكنش ناقص ملح وملوش طعم..

اسم االله ع اكلك..

نعم?

دا انا اكلي ولا الشيفات..

انتي هتقوليلي يتاكل من هنا وع المستشفي عدل..

دا انت اكلك زودني تعب فوق التعب اسكت والنبي..

اتنيلي انتي.

على فكرة انا هروح الشغل من بكرة..

لي..

هو اي اللي لي

هو انا هقعد ف البيت

دا شغلي انا اخدت اجازة وبابا مزودلي فيها كمان..

ماشي..

مالك.. ?

هتتاخر يعني..

لا علي حسب الشغل..

اصلي هخاف اقعد لوحدي..

انا لي حاسس اني لو كنت اتبنيت طفل كان هيبقي ارحم منك..

االله

طب متيجي نتبني طفل والنبي..

الصبر ياربي..

خلاص اعم

طب بص اي رايك تبقي توصلني بكرة وانت رايح الشغل عند بابا وماما اقعد معاهم شويا..

لي يعني..

منا بقولك بخاف..

وانتي هتفضلي خايفه طول الايام

وانا اقعد اوديكي واجيبك..

لا مهو شويا وهتعود..

ماشي بكرة وخلاص ..

اتفقنا

يلا بقه انا هنام عشان اول ما اقوم اروح البيت واروح اوضتي

ياه وحشوني اوي

تصبح ع خير..

استغربت من اللي هي قالته

لاا عمرها مقالتله تصبح علي خير فقامت تاني وقالتله..

اي دا

انا هغير النظام عشان عملتلي شوية شوربه يعني

لا متصبحش ع خير وانا لسه بكرهك على فكرة باي..

فضل حسام بصصلها باستغراب : انتي عبيطه يابت ولا شكلك كدا نامي نامت عليكي حيطه..

اهه انت بس يارب الحيطه تقع على النص اللي عنده بس

انما نص سريري لا..

نامي بقه يا صداااع صدعتي اهلي..

****

قامو الصبح ووصلها حسام لبيتها

كانت فرحانه فرحت الولد اول يوم مدرسه وراح هو شغله وكل

أصحابه رحبو بيه..

محمد: حبيبي بقه يا باشا حمد االله ع السلامه..

االله يسلمك يا محمد اخبارك اي..

تمام يا كبير..

انت اللي عامل اي واخبار شهر العسل..

اهه عدي..

يارب ايامكو كلها تبقي عسل

انا كنت مستنيك لما تيجي بقه

عشان اكلمك..

خير..

اللي انت كنت بتدعيلي بيه شكله هيحصل ..

هو اي دا..

شكلي هدبس زيك واخطب بقه واتلم..

بجد يا محمد؟

الف الف مبروك..

االله يبارك فيك

انا لسه بخلص شوية حجات كدا

وان شاء االله لو الامور ظبطت هنعمل خطوبة اخر الاسبوع..

ايوا بقه يا حماده بيه

الف مبروك ربنا يتمملك بخير يارب..

تسلم بس تجيب المدام وتيجو بقه..

دا اكيد يبني من غير ما تقول ..

طيب انا هروح بقه اخلص الشغل اللي ورايا بدل ما اتنفخ..

ماشي يلا..

وخلص حسام الشغل وروح خد حبيبه من البيت وركبت..

حسام: اي دا..

دا اكللل..

طب جيباة لي..

منا طبخت مع ماما وقلت بقه اجيب عشان نتغدي..

طب مكنش ليها لزمه تتعب نفسها..

ماكدا كدا طبخنا يعني

فيها اي..

انتي عندك كدا كل حاجه عادي

وكل حاجه بسيطه..

اة يبني انا ماشيه بمبدا

االله جاب االله خد االله عليه العوض

كل حاجه اخداها ببساطه

حياتي وتصرفاتي والكليه

حتي جوازنا دا خدته ببساطه

عادي جدا..

انتي غريبه..

هههههه عارفه

انت مش اول واحد يقولي كدا ع فكرة..

ماشي يختي يلا..

وفضلو ع الحال دا كل يوم

حسام يوصلها وهو رايح الشغل

ويجبها وهو مروح وتجيب معاها الغدا وكانو مستريحين بالوضع دا

لحد ما جه اخر الاسبوع وهما قعدين بالليل..

حسام: اعملي حسابك بكرة هنخرج..

اي دا بجد ريحين فين.. ?

خطوبة محمد..

اللي كان زففنا..

االله منتي حلوة اهو وبتفتكري..

يبني انا ذاكرتي فلاذيه افتكر النمله كانت لبسه اي ف شهر اتناشر اللي قبل اللي فات وهي رايحه تصيف..

يخربيت الهطل هي في نمله بتلبس..

يعني في حد بيصيف في شهر اتناشر هههههه..

صبرني يارب المهم اعملي حسابك اننا هنروح بكرة بالليل..

ماشي..

مالك مبسوطه لي كدا..

اصل بقالي كتير مخرجتش..

طيب اهو

جالك خروجه بالجاهز..

طب البس اي

ولا اعمل الطرحه ازاي..

وقامت جريت علي الدولاب وقعدت تدور وتقيس عليها حجات وتوريها لحسام

لحد ما نام وهو بيتفرج وهي برضو مبطلتش كلام..

طب بص كدا

اكيد دا احلي ولا البس الفستان دا احسن االله انت يبني

انت نمت

طب اخد راي مين دلوقتي االله بقه..

****

وكالعاده راحت حبيبه لممتها الصبح وبعدين روحو شقتهم بعد ماحسام خلص شغل

استريحو شويا وقامت حبيبه تجهز..

انتي رايحه فين..

رايحه البس..

دلوقتي ؟..!!

اة مش انت مش عايز تتاخر..

اة اكيد

بس دا لسه ساعه ونص..

يدوب الحق..

خلاص انتي حرة..

كانت حبيبه بقه راحه جايا ف الاوضه تدخل الحمام وتخرج منه

تاخد طقم وترجعه تاني

وحسام مراقب دا كله ومش عارف

هي بتعمل اي لحد ما مسكها وهي بتجري..

انتي بتعملي اي دوشتيني..

بجهز..

انتي كدا بتجهزي ولا بتعملي عمليه جراحيه..

هو احنا بنجهز كدا

ملكش فيه سبني بقه اجري عشان الحق..

طيب انا هروح البس..

ماشي..

وجهز حسام وبرضو حبيبه لسه مخلصتش

اي يبنتي اتاخرنا..

طب اسبقني انت بس

وانا وراك..

امال لو مش قايمه قبلها بسنه

االله يخربيتك..

يخربيتك انت لوحدك

اسكت بقه وسبني اركز..

انا نازل وهما عشر دقايق

الاقيكي ادامي..

حاضر يلا بقه..

قعد حسام يستناها في العربيه

نزلت حبببه

طبعا عارفين بعد التحضير دا كله

اول ما حسام شافها فتح بوقه

حبيبه كانت لبسه فستان احمر عليه سير فضي من الكتف اليمين للجمب الشمال زي حرف اكس ونص ضهرة بيج

و دراعاته بيج

طويل من تحت عليه شوزة بكعب عالي فضي وطرحه فضي ستان

وميك اب خفيف

وبيرفيوم رقيق اول ما دخلت..

اي اللي انتي لبساه دا..

ف ايه..

الفستان اللي يشوفه من بعيد يحس انك عريانه..

اي الكلام دا

متنقي الفاظك..

وانتي مش عارفه تنقي هدومك..

االله ماهو كويس اهه..

كويس اي بقولك لولا الطرحه كنت فكرتك لبساه كدا

من غير حاجه تحته

وكمان ضيق اوي..

هو دا كدا ضيق.. ?

اة وأوي كمان..

انت هتبدأ بقه موضوع اللبس

ومش اللبس

لا اوعي تفكر انك جوزي

وحوارات الغيرة دي بقه..

غيرت اي يابت

هو انتي صدقتي نفسك

انا بعمل كدا عشان كل صحابي هيبقو هناك..

طب وفيها اي..

هيشوفوكي كدا ؟..

شوف

اهه غيرة دي ولا مش غيرة..

مش غيرة يا زفته بس منظري..

ملكش فيه بقه دا لبسي وانا حرة فيه ولا عيزني اطلع اغيرة وأفضل

أربع سعات البس تاني..

بتحطيني ادام الامر الواقع يعني..

خدها زي ما تحب

يلا بقه عشان أتاخرنا..

وصلو القاعه اللي فيها الخطوبه اول ما دخلو

الناس كلها مترلتش عنيها من علي حبيبه من جملها ورقتها

وحسام لاحظ كدا

قعدو يستنو العروسه والعريس

كان كل شويا حد من صحاب حسام يجي يسلم عليه وعلي حبيبه.

وحبيبه ترد التحيه زة من راسها من غير حتي سلام

لاا كانت شيفا بصتهم ليها

نفس البصات اللي بترعبها من الرجاله

وقتها اكتشفت ان حسام عنده حق ومكنش لازم تلبس الفستان دا

بعد ما العريس جه طلع حسام يسلم عليه وفضلت حبييه مستنياه

مرضيش محمد يمشيه

غير لما يتصور معاه ويرقص معاه شويا

كل دا وهو متابع الطربيزة اللي قعده عليها حبيبه

شاف واحد وقف ادمها فضل يركز وهو بيحاول يسيب محمد ويروحلها

وبعد عناء سابه ومشي لحد ماراح الطربيزة

خبط علي ضهر الراجل اللي واقف عند حبيبه لفله وبصو لبعض..

مصطفي.. ?

اي دا حسام بيه

عاش من شافك يا حسام..

شكرا..

اي دا انت هتمشي كدا من غير ما تسلم..

عايز اي يا مصطفي..

هو اي اللي عايز اي دا

مكنش عيش وملح بنا يا اخي..

ياعم ورمينا العيش والملح ف الشارع لسه عايز حاجه بقه..

لا شكلك زعلان مني

من اخر مرة صح

انا عايزك تبقي كول كدا

دي لعبه ويا كسبان يا خسران..

سابه حسام عشان يقعد..

مصطفي: اي دا هي الطربيزة دي تبعك. تصدق باالله انا حسيت بكدا

دايما مبيشدنيش غير الحاجه اللي معاك..

اقسم باالله لو ما مشيت من هنا لكون مصفي دمك

انا مش عايز اقلب الفرح

بس كلمه كمان هولع ف امك ..

ههههه خلاص خلاص

انت لسه عصبي زي منت برضو

عارف مين معايا النهارده؟

قصة..(وليا معـــــــــــــاه حكـــــــــــايه)

موفجأه لازم اخليك تسلم عليها

بس برضو لازم اسلم انا الاول

وجري مصطفي ووقف ادام حبيبه..

ازي حضرتك انا مصطفي صاحب حسام من ايام ما كنا

اااد كدا..

هزتله راسها

فمدلها ايده عشان يسلم

ردت عليه : سوري مش بسلم..

سحب ايده وبص تاني لحسام :

انا رايح اجبلك المفجأه..

قعد حسام جمب حبيبه ودمه محروق لحد ما جه مصطفي تاني وماسك بنت..

مصطفي: بص ياعم انا قلت مينفعش امشي غير مخليها تسلم عليك..

بصله حسام وهو مش عارف يتكلم ولحظت حبيبه ارتباكه فمدت اديها وسلمت..

انا حبيبه مرات حسام..

بصتلها البنت بصدمه : مراته.. ?

اة مراته..

وانا منار خطيبت مصطفي ..

اهلا وسهلا..

بعد ما مشيو كان حسام باين عليه انه مضايق فسألته حبيبه:

ف اي.. ?

مفيش..

امال مالك

اتقلبت كدا لما شوفتهم

مين دول..

معرفه قديمه..

بس شكل البنت مش طيقه نفسها

ولا طيقاني

انت متأكد ام مجرد عشرة..

مقلنا اة

وخلاص اسكتي بقه..

قعدت تبص علي منار

ومنار تبص عليها

وفهمت ان اكيد كان في حاجه بنها وبين حسام لان نظراا دي مش نظرة

حد طبيعي

وقام مصطفي ومنار عشان يرقصو سلو مع العريس

وعنين منار مترلتش من علي حسام..

حبيبه: قوم..

اقوم فين..

قوم نرقص..

ياستي اسكتي بقه دلوقتي

انا مش فايق وحيات ابوكي..

بص انا عارفه انك عايز تغظهم

تعالا بس واسمع كلامي..

شدته من ايده وراحو يرقصو

ومسكت اديه حطتها علي وسطها ولفت اديها حوالين رقبته

وقربت جامد

وكانت دي اول مرة تعمل كدا مع حسام

حتي هو

مكنش مصدق اا بتعمل دا

بس اللي ميعرفوش ان حبيبه متخصصت غيظ مسمينها في قسمها الكياده

لان محدش يقدر يقف ادمها ولا يغظها وحطت راسها علي كتفه وفضلو يتميلو مع الاغنيه

ومصطفي ومنار متبعنهم

ولا منار نزلت عنيها من علي حسام

ولا مصطفي نزل عينه من ع حبيبه

وخلصو الرقصه وهما رجعين مكام حبييه كانت هتقع فمسكت في حسام وهو مسكها جامد عشان متقعش..

اي انتي كويسه؟..

رجلي مش عارفه شكلها اتلوت..

طب نروح؟..

ياريت يبقي احسن..

طب يلا..

فضلت حبيبه سنده علي حسام لحد

ما خرجو وبصت لمنار وهي ماشيه وضحكت

ووصلو للعربيه اول ما قعدت فضلت تضحككك..

ف اي..

فرحانه اني غظتهم..

انتي رجلك مش وجعاكي ؟..

هههههههه انت كمان صدقت امال هما بقه هيقولو اي

انا زي الفل اهه

ولا فيا اي حاجه حتي شوف..

انتي عايزة توصلي لاي ..

عايزة اغظهم..

عايزة تغظيهم ولا تلفتي الانتباه..

وهلفت الانتباه لي..

انتي مشوفتيش نظرات الزفت دا ليكي ولا اي..

اة شفت وشفت نظرات ناس تانيه كمان..

ناس مين..

الأستاذة منار

بص انا ميهمنيس تبصلك تغيظك بمصطفي تبصلي كأني مرات ابوها

انتو احرار ان شاالله تخدك ليها خالص بس متخدهمش بالصوت وتقلب الموضوع عليا

مش ذنبي انك عارف ناس زباله..

انتي عايزة تطلعي من الموضوع والسلام

انتي شايفه بصاتك وبصاته

نفس نظرا اللي كانت بتبصله بيها

انتو كلكو كدا بنات زباله..

متلم نفسك يابني ادم

هو اي اللي زباله؟

ابقي نقي صحابك وعشرتك الاول وبعدين ابقي أحكم ع الناس ..

انتي مشفتيش انتي لابسه اي

انا عارف

انتي عملتي دا كله عشان تلفتي النظر واللي عايزاة حصل..

علي فكرة انا عمري مالبست عشان حد ولا عشان الفت نظر حد

انا لو لبست بلبس عشان لما ابص لنفسي في المرايه ابقي راضيه

والحمد الله بعرف اراعي ربنا كويس

انما بقه لو الاخت منار دي كانت حلقتلك قبل كدا فدا مش ذنبي ومتجبش غلطك عليا...

****

وطلعو شقتهم ودخلو الاوضه وهما بيكملو كلمهم واتعصب حسام..

هي مين دي اللي حلقتلي يابت هي دي ولا اللي زيك يعرفو يعملو حاجه في حيام..

بص انا معنتش عايزة اتكلم ف الحوارات دي كتير

روح حل مشكلك مع اللي علمو عليك وبعدين تعالي ولا اللي مقدرش علي الحمار يتشطر ع البردعه..

برقلها ومسك درعها جامد فضلت تفك في صوبعه عشان يسيبها ..

سيب ايدي االله ..

انتي شكلك اخدتي عليا جامد

وانا اللي سبتك

اوعي تفكري اننا خلاص بقينا متجوزين

روحتي ولا جيتي انتي شئ قاعد في البيت زي اي كرسي ولما يجيلي مزاج ارميكي برة هرميكي

بس مزاجي..

ورماها علي السرير..

حبيبه: انا طول منا عايشه مش هقولك غير انك سافل وقليل الادب

وعمرك ما تقدر تتعامل مع بني ادمين انت واحد معقد ومستفذ..

علي فكرة انتي لسه مشوفتيش السفاله ولو انا عايز اوريهالك هوريهالك..

قصدك اي يعني..

قصدي انك مراتي واللي افكر اخده منك في يوم هخده

وغصبا عنك..

قرب منها..

بقولك اي وربنا هصوت وهلم عليك الدنيا كلها خليك بعيد ..

مش عايزة تشوفي السفاله انا هوريهالك عامله ازاي بقه..

وقامت تجري وهي بتشورله : بص خليك بعيد هجري وربنا انزل تحت لعمو وطنط..

هتقوليلهم اي..

هقولهم

هقولهم هقولهم انك عايز تضربني..

مش هيصدقوكي..

هقولهم اي حاجه المهم اني هترل

أبعد بقه..

ولزقت في الحيطه اللي وراها وهو ادمها وقرب من ودا وقال : ع فكرة انا سافل اوي

فمتستفذيش سفلتي عشان متزعليش منها..

فضلت حبيبه مغمضه عنيها لحد ما حسام بعد عنها..

واول ما فتحت: بص بص بقه..

فرجع تاني وبصلها

قالت بخوف : لا لا انا متكلمتش اصلا اتفضل حضرتك ..

ورجعو تاني زي الاول ينقرو في بعض بس المرادي وهما مش طيقين بعض اكتر

وفي يوم قالهم مجدي يترلو يتغدو معاهم..

حبيبه: ازيك يا عمو مجدي..

ازيك يا حبيبه اخبارك اي..

الحمد الله بخير..

الواد دا عامل معاكي اي

اوعي يكون مزعلك..

يا سلام ياعمو واللي زي حسام دا يعرف يزعل حد

دا يشل بس..

بتقولي اي..

لا بقول اللي زيه ميعرفش يزعل ناموسه حتي ..

وانت يا حسام اخبارك اي..

الحمد الله يا بابا..

حبيبه عامله معاك اي..

كويسه..

طيب بصو بقه انتو اكيد جعانين..

فردت حبيبه : اووي اووي يا عمو..

مجدي: بس احنا معندناش اكل..

فبصتله حبيبه بزعل: لي االله دا انا هموت م الجوع..

اصبري بس

انا حجزتلكو ف مطعم رهيب

هيعجبك اوي يا حبيبه..

حسام: لي يا بابا االله

احنا متفقين ناكل هنا..

وانا كمان كنت عامل حسابي علي كدا بس الظروف بقه

وكمان المطعم دا شيك اوي ويدوب لسه فاتح قريب..

فضلت حبيبه بصه لحسام وهي بتترجاه عشان يوافق..

حسام: خلاص يا بابا ماشي..

حبيبه: حبيبي يا عمو ربنا ما يحرمنا من مفجأتك ..

وجهزو وراحو المطعم فضلت تبص للمطعم وهي فرحانه لأن بقلها فترة مخرجتش ولا اكلت برة..

حبيبه: بجد عمو مجدي كان عنده حق لما قال انه هيعجبني روعه..

اخلصي وقولي هتكلي اي

عشان نمشي..

اصبر شويا لما اتبسط كدا

بص انا هاكل كل الاكل اللي هنا.

اي الطفاسه دي

اخلصي واطلبي نوع..

ماشي هاتلي دا

ودا ودا

ودا و..

هو لسه في وي كمان..

االله بقولك جعانه..

طيب

اما نشوف اخرا ..

طلبو الاكل وبدأو يكلو وجت الصدفه الغريبه..

حسام بيه منور الدنيا كلها..

بص حسام لمصدر الصوت واتقلبت كل ملامحه وحبيبه كمان

كان مصطفي وكالعاده عنيه مترلتش من علي حبيبه وحسام ملاحظ فرد بغيظ..

اهلا..

وراح مصطفي يسلم ع حبيبه..

اكيد مش هتكسفيني زي المرة اللي فاتت مش كدا..

وشد اديها وبسها

اتصدمت جبيبه م اللي هو عمله

ومن سرعة الموضوع

برقلها حسام وهي مش عارفه تعمل اي فشدت اديها تاني

قام حسام من علي الكرسي..

انت هتستعبط ياض

مش قالتلك المرة اللي فاتت مش بتسلم ولا انت غاوي زيق

وبعدين انت نططلنا ف كل حته نروحها لي

خير يعني..

عيب يا حسام دا احنا عشرة عمر

وكمان يا سيدي دي احلي صدفه

كفايا اا جمعتني بيك

المرة الاولانيه انت عارف محمد متربي معانا

والمرادي انا كنت جاي في غدا عمل

فلمحتكو قلت لازم اسلم

ولا يرضيك امشي كدا..

بص يالا

برود اهلك دا ميدخلش معايا فخلص واخفي من ادامي احسنلك..

مش قلتلك لسه عصبي زي منت..

تحب افكرك انا كنت ازاي

ولا انت فاكر..

لا ياعم خلاص انا هروح اكمل شغلي

بس لازم تعرف اننا هنتقابل تاني..

وكمل وهو باصص لحبيبه : واكيد هنقابل سيادتك تاني

فرصه سعيده..

حسام: يخربيت برود اهلك يا شيخ لازم تعكر دم الواحد لما يشوفك

وانتي يا هانم سيباله ايدك كدا..

وربنا شدها غصبا عني ومعرفتش اعمل اي..

اة هنبتدي نتحجج بقه

وبعدين هو اي عرفه اننا هنا..

وانا ايه عرفني متسأله..

ليكون يعني اتعرف علي حضرتك كدا

ولا كدا وانا مش موجود المرة اللي فاتت

مهو شكلو كان أخد راحته قبل ماجي..

دا كان عايز كرسي واالله

وانا قلتله اتفضل خده

احنا اتنين..

وانتي تكلميه لي..

االله

واحد بيسالني سؤال اعرف منين بقه اذا كان كويس ولا لا..

هاتي تليفونك..

نعم..?

تليفونك قولت..

عايزة لي..

قولت هاتيه..

وشده منها وفضل يقلب فيه..

زفت ?

مين دا بقه ان شاء االله..

حسام انا مش عايزة اعمل مشاكل ادام الناس فبطل قلة زوق وهات موبيلي..

ورن على الرقم اللي متسجل زفت وسمع نغمة موبيله بصلها..

انا مسمياني زفت .. ?

فارتبكت اكتر : الصراحه دي اقل جاجه توصفك وقبل ما تعمل الهبل اللي انت بتعمله دا

افتكر ان عمو هو اللي جيبنا هنا مش انا ،

يعني انا معرفتش ارقام حد

ولا كلمت حد واحترم نفسك بقه عشان الهبل اللي انت بتعمله دا ميتعملش معايا..

طبعا كان حسام خايف

مش عشان حبيبه ولا عشان غيران

كل اللي خايف منه مصطفي

هو دايما بياخد الحاجه اللي في ايده مهما كانت ايه بتحلي عنده

ودا بجد الي كان فيه مصطفي

مش بيحب يحط ايده علي حاجه غير لما تكون بتاعت حسام

حتي لو هيرميها تاني يوم

زي محس مع منار لما فكر ياخدها منه بس اللي خلاه يفضل مع منار لحد دلوقتي ام شبه بعض

وخلصو اكل وفضلت حبيبه مقفله لحد ما وصلو وأول ما دخلت الشقه رزعت الباب وراها..

حسام : ما براحه يا بت..

بص احترم نفسك

وكلام معايا مش عايزة..

لي ان شاء االله..

لا بجد حضرتك بتسأل!

انا قلتهالك قبل كدا حل مشاكلك معاهم وبعدين ابقي شوف اللي حواليك

لاني مش هقبل كلمه تانيه منك

بص يا أستاذ

انا الحمد الله بابا مربيني كويس واحسن من احسن وحده ممكن تشوفها فلو مفكر اني زي اللي كنت تعرفهم قبل كدا فانت غلطان

وكلمه تانيه معايا ف المواضيع دي

ولو قليت ادبك معايا

وربنا ما هترل غير لطنط وعمو واجيب بابا وماما واحكلهم علي اللي انت بتعمله وعلي الاسلوب الزباله اللي بتتبعه معايا وكفايا جدا

اني اقولهم

انك بتتهمني اني اتصلت بصحبك

او خدت رقمه

دي كفايا يطيرو فيها رقبتك ..

انتي بتهدديني..

تحب اوريك اني مش دد..

ومسكت موبيلها تتصل بوالدها

حسام: ولا هتقدري تقولي حاجه..

اتفرج بقه واحكم بعدها

هقدر ولا مقدرش..

ورن الموبايل فضل حسام مستني لحد ما قالت..

الو ايوا يا بابا..

وشد الموبايل من اديها وقفل..

حبيبه: هات الموبايل..

بطلي هبل..

دلوقتي ابطل هبل

واللي انت بتعمله ولا بتقوله دا اي

ولا لما تتهمني اني خدت رقمه

دا اي انت فاهم اللي انت قلته

ولا مستوعبه

لما وحده متجوزة تتهم بكدا فاهم خطورة الموقف

ولا انت اخد كل حاجه هبل والسلام

انا بحذرك ولاخر مرة لو سمعت كلامك دا تاني ولا اماتك دي

انا هخليهم يمسحوك من علي وجه الدنيا كلها

ويطلقوني منك وتطلع انت الغلطان ادام الكل عشان مش حبيبه محمد اللي يتقلها كدا ولا حد زيك يتهمها بكدا..

مخلاص انتي ما صدقتي..

اة ما صدقت ..

خلاص بقه انا مكنش قصدي اني اقول كدا ولا امك بكدا..

فضلت حبيبه بصه ف الأرض وهي زعلانه :طب هات التليفون..

عايزاة لي تاني..

عشان اطمن بابا وميقلقش..

واتصلت بيه : الو ايوا يا بابا

معلش الشبكه بتفصل

اخباركو اي

الحمد الله سلملي علي ماما كتير ماشي يلا سلام ..

وطبعا حسام مكنش بيتأسف وهو جواة مقتنع كل الموضوع

انه مش بعد الفترة اللي عدت دي كلها يطلع برضو غلطان

لان اي حد ممكن يغلطه في اللي هو قاله

وحبيبه برضو حولت تخبي اا زعلانه بس هي كانت حزينه اوي

لان عمر ماحد اامها بحاجه زي دي

هي طول عمرها محترمه ولا كلمت ولاد ولا بتتعامل معاهم

وبتعامل ربنا في كل حاجه..

وخلص اليوم وهما الاتنين بيحولو يدارو اللي جواهم

ونزل حسام ف يوم تاني يروح الكافيه اللي متعود يقعد فيه دايما

وشاف صحابه وقعد معاهم وجت اللي مكنش متخيل انه يشوفها تاني..

كنت عارفه اني هلاقيك هنا..

بص حسام وقال وهو مش مستوعب: منار?

انتي اي جابك هنا..

وحشتني قلت اجي اطمن عليك ..

لا والنبي.. ?

اة

وقلت اكيد هلاقيك في نفس المكان الي بتقعد فيه دايما..

وانتي محستيش اني وحشك الا الأيام دي ..

قعدت ادامه ومسكت اديه : وحشتني..

حسام: جبتيها معاكي ؟..

هي اي..

البوبرونه اللي هتديهاني ،

بت انتي هتستعبطي وتفكريني عيل زهقتي وسبتيه

وهترجعي تلاقيه قاعد مستنيكي..

حسام انت بتعاملني لي كدا..

سؤال منطقي انا بعاملك لي كدا

اقولك لي

عشان انتي واطيه وزباله وحقيرة وعمر ما حد يأمنلك في حياته

ولا يأمن للي زيك

انتي انسانه متتعشرش انتي تترمي

وتيجي زي الكلبه تاني

انتي من الناس اللي عمرها ما هتعلي دايما بتبصي لبيئتك وللي شبهك..

خلصت كلامك.. ?

انا لو فضلت اتكلم عشر سنين ادام مش هقدر اوصفلك انتي اي

ومش هعرف اخلص كلامي..

انا محتجالك اوي..

انتي مبتحسيش يابت

بصي ، لو مقومتيش من ادامي

انا هقوم اجيبك من شعرك وارميكي برة..

بص انا مقدرة كل اللي انت بتقوله واللي بتعمله

لان عندك حق في كل حاجه

انا بجد انسانه حقيرة ومتتعشرش

عارف لي عشان سبتك تروح من ايدي..

ودا اكتشفتيه امته ان شاء االله..

من زمان بس مكنتش قادرة اجيلك

ولا اتكلم معاك

حسام انت عارف احنا كنا بنحب بعض اد اي..

قصة..(وليا معـــــــــــــاه حكـــــــــــايه)

كنا انتي قلتيها

كنا..

لا ولسه بنحب بعض

انا عارفه انك لسه بتحبني..

انتي عبيطه!

اقولهالك ازاي

قسما باالله انا اطيق اي حاجه ولا اطيقك..

طب موحشتكش ايامنا

خروجتنا مسكت ادينا..

وضغطت علي ايده جامد فشد ايده وقالها: واالله يبنتي انا لما بفتكر الايام دي

مش بصدق اني عملت كدا

ازاي انزل بمستوايا

لوحده زيك..

انا عارفه ان كل دا من ورا قلبك..

انتي بارده ?

ولا مالك

اقولك اي اكتر من كدا

وبعدين فين الأستاذ بتاعك

اي عملين التمثليه الهبله دي مع بعض عشان تسلو وقتكو..?

انا جايا من وراة اصلا..

لي

مكنتي تجبيه معاكي

اهو نفرفش مع بعض

بت انا مش ناقص اهلك

قومي يلا..

حسام عارفه اني غلطت

وسبتك ورحت للي اقل منك

بس انا عرفت قيمتك

عمري ما حسيت مع مصطفي بحاجة

ولا حسيت انه بيحبني زي ما كنت بتحبني

مش بيهمه حاجه غير الشغل والخروجات

مينفعش غير يتصاحب وخلاص

انما يبقي جوز مينفعش..

وانتي شيفاني المصلحه الاجتماعيه اللي جايا تشكلها همك..?

يبني انا نفسي بس تديني فرصه

تجربني..

وقال وهو بيبص في ساعته : وانا مكنش عندي غير فرصه وحده وخلاص خلصت..

منار: اي اتاخرت عليها..

هي مين دي..

مراتك..

وانتي مالك..

بتحبها ؟..

اقولهالك تاني برضو وانتي مالك

احبها اخللها انتي اي دخلك..

حساك مش مستريح معاها..

لا واالله

واي كمان..

مش عارفه بس لما شوفتكو المرة اللي فاتت محستش انكو اخدين بعض عن حب

اي جواز صالونات..

لا انتريهات ياروح امك..

وقام وهو بياخد حجاته..

منار: هتصل بيك مش لسه رقمك زي ماهو..

لا..

مسكت موبيلها ورنت عليه : لا لسه زي ماهو..

انتي اكتر وحده قبلتها معندهاش كرامه..

ومشي من الكافيه وروح علي البيت

****

.... بعد ما طلع مكنش طايق نفسه قعد شويا وبعدها تليفونه مبطلش رن وهو كل شويا يكنسل ويرميه جمبه فلحظت حبيبه الاتصالات

الكتير..

فسألته: اي مش سامع؟

سامع اي..!

تليفونك بيرن من سعتها..

لا مش عايز ارد..

ومين الرخم اللي مبطلش رن دا!..

ملكيش دعوة..

طب مترد عشان تخلص..

قلتلك مش عايز االله..

خلاص ياعم

طب متسبني ارد انا..

االله

انتي متعرفيش تقعدي ف حالك ابدا..

وقفل التليفون وقعد يفكر وكل شويا يبص لحبيبه..

حبيبه وهي مستغربه: االله مالك..

مش عارف..

ازاي يعني..

بصي انا بفكر في حاجه ولأول مرة بفكر تفكير عيالي كدا..

بتفكر ف اي يعني..

عايز انتقم..

من مين..

منهم..

فهمت انا كدا؟

متوضح كلامك يبني..

من منار ومصطفي..

اوبا بقه

اي دا هو انت بتفكر زي البني ادمين العادين كدا

وبتفكر ف الانتقام والحجات دي..

معرفش عمري مفكرت ف حاجه زي دي بس من ساعت ما شفتهم وانا مش بفكر غير في كدا..

طب متحكيلي الاول اي الموضوع انا من ذكائي وفطنتي فهمت ان البت منار عنيها منك ومصطفي دا مش بيطيقك

بس اي بقه الحكاية بالظبط..

هحكيلك..

وحكلها القصه بتعته هو ومنار من الاول للاخر..

حبيبه: واللي زي دول حد ينتقم منهم دول يضربو بالجزمه

اي البت دي!

واللي اسمه مصطفي دا كمان

مش باقي علي العشرة اللي بينكم..

بس انا لو عملت اللي ف دماغي هحتاج مساعدتك..

انا ?

لي..

في حجات هحتاجك تعمليها..

وانا لي اساعدك اصلا ؟..

لو ساعدتيني هعملك اللي تطلبيه ولو عايزاني اطلقك هطلقك

بس اخلص منهم هما الاتنين..

مممم مش عارفه

بس مين قالك اني عايزة اطلق

يا غبي لو اطلقت هيبقي شكلي وحش وأسمي مطلقه

بص انت ممكن تتنقل الصعيد مثلا

وتقعد هناك

وانا اقعد هنا ويبقي اسمنا متجوزين ادام الناس وكل واحد فينا يعيش حياته برحته بقه..

خلاص وانا موافق..

بس انا بخاف من اللي زيك..

متخفيش وكمان انا اللي بطلب مسعدتك وهما عشر ايام نخلص فيهم الموضوع ، حصل اللي في تخطيطنا كان ا ، محصلش نقفل علي

الموضوع..

مم خلاص علي بركة االله فلننطلق عشر ايام وابقي حرة هييح ..

وسلمو ع بعض وبداو بالتخطيط..

حسام: بصي انا لما سألت عرفت ام بيشتغلو مع بعض وليهم بيزنز مشترك في التسويق العقاري

وأهم حاجه في الشغلانه دي الناس

اللي بيتعملو معاهم فلو عرفنا الناس اللي بيشتغلو معاهم في كل بزنز يعملوة وقفلنا عليهم الطرق

هيخسرو شغلهم وكمان يخسرو الناس وبعدها بقه هما احرار مع بعض

وكدا كدا منار عايزة تكلمني الايام دي

وبدأت تزن عليا تاني فلو رضيت عليها وكلمتها هتقولي علي كل حاجه..

طيب دي منار

هتعمل اي بقه في مصطفي..

منا عايزك بقه عشان كدا..

ازاي..

بصي هو بنظراته كدا هيموت عليكي لاني عارفه بيحب ياخد الحاجه اللي في ايدي ..

تصدق انت معندكش دم بتقول كدا عادي علي مراتك.. ?

االله وانتي شيفاني سيبه منا هعكر حياته اهه احنا ندخل من الناحيه دي

وتكلميه وانا بقه اعمل اني مش عارف حاجه وهو هيصدق لانه عملها قبل كدا مع منار..

اة وانت نايم ع ودانك..

اتلمي..

حاضر..

بصي هو بيقعد في المطعم اللي احنا شوفناه فيه دايما

وبيقابل الناس هناك فأنتي تروحي مرة وانا مش معاكي وتسبيه بقه يصدق انه بيضحك عليكي والكلام دا..

وانت ايه ضمنك انه مش هيضحك عليا..

لاني واثق فيكي..

بصتله حبيبه فترة وهي مستغربه طريقته وكلامه وتخطيطه لأول مرة يقعدو ويتكلمو ويتفقو علي حاجه

ولأول مرة يقولها انه بيثق فيها وميقولهاش كلمه تجرحها

واتفقو ع كل حاجه وبدأو التنفيذ

وعرفو ان مصطفي قاعد في المطعم لبست حبيبه وراحت المطعم واتفقت مع حسام علي اللي هتقوله واللي هتعمله

وقبل ما تترل من العربيه..

انا خايفه..

من اي..

خايفه م الزفت اللي جوا دا..

متقلقيش انا هبقي معاكي دايما المهم عرفتي هتقولي اي..

اة بس خايفه اتوتر..

لا انا عارف انك هتبقي ادها وهتقدري عليه وعلي عشرة زيه..

بصتله كدا ورفعت حجبها

اي مالك بتبصيلي لي كدا..

مستغرباك..

لي..

اول مرة يعني تقولي الكلام دا

اي عشان محتجلي وكدا ولا مالك..

لا واالله ابدا

انا بس عارف انك هتقدري عليه

كفايا انك مطلعه عيني..

ايوة كدا رجعت تقل أدبك

طمنتني..

طيب انزلي وزي متفقنا..

حاضر..

نزلت وقعدت في طربيزة لوحدها وبصت علي كل الطربيزات اللي حواليها وشافت مصطفي قاعد مع ناس ببدل سودا عملت اا مش

شيفاه واستنت شويا

مشفهاش

اضطرت تقوم تعمل نفسها رايحه الحمام عشان تعدي من أدامه ويشوفها وبعد ماجت قعدت علي طربيزا تاني وطلبت حاجه تشرا

وفقدت الأمل انه يجلها

وفكرته مشفهاش بعد ما خلصت بدأت تلم حجتها..

اي مستعجله.. ?

بصت لقته ادمها

مصطفي: مستعجله لي..

وحضرتك مالك..

ازاي مش انتي مرات صحبي برضو

لازم اطمن عليكي..

لا متشكرة جدا بعد ازنك..

استني بس انتي دايما كدا..

دايما كدا ازاي؟..

مش عارف متنرفزة ومتوترة ومش طيقه حد..

واالله وحضرتك شفتني مرتين بس عرفت دا كله ؟..

واكتر كمان انا دايما تم اعرف الناس اللي بعزهم ..

هو انت وصحبك كدا زي بعض

قللات الزوق .. ?

بصي انا عارف صحبي

انما انا بقه هعجبك اوي..

وانت تعجبني ولا متعجبنيش لي

وانا مالي بيك..

اعتبريني صديق..

وانا مبحبش اصادق ناس زيك..

لي منا قلتلك هعحبك..

االله انت مبتفهمش

لو سمحت بقه عديني عشان امشي..

طب خلاص مش هتكلم تاني

بس اقبلي اعزمك علي حاجه واعتبريني بتاسفلك..

عملت نفسها بتفكر وبعدين قالت : ماشي..

وقعدو يشربو مع بعض

مصطفي: انتي كنتي جايه هنا لي..

المفروض هتغدي هنا انا والأستاذ..

وبعدين..

قالي انه وراة شغل ومش هيقدر يجي كالعاده..

لي هو بيعمل كدا دايما..

اة معندوش غير الشغل وبس

انما انا اخر همه عمرة ما حطني في اولوياته..

ياة حسام يعمل كدا في حد رقيق زيك..

دايما بعمله اللي هو عايزة

وقيدالة صوابعي شمع بس هو مبيقدرش..

غلطان في حد يبقي معاه جوهرة زيك وميصواش..

قوله بقه الكلام دا..

هو حسام دايما كدا مبيهتمش باللي معاه عشان كدا انا باجي اهتم بالحجات بتاعته..

ازاي يعني..

لا متخديش في بالك احكيلي بقه اتجوزتو ازاي

ولا اتقبلتو فين..

جواز صالونات وكمان مغصوبين ع بعض..

هو حسام بقه بيتغصب علي حاجه.. ?

اة للاسف

بس انا قلت عادي

وممكن نحب بعض بس هو مش مديني فرصه مع اني عيشاله حياتي كلها

عمري ما حبيت حد قبله

هو اول راجل في حياتي بس للاسف محستش معاه باي حاجه

انتو اصحاب من زمان ؟..

ياة عشرة عمر

هو محكلكيش ولا اي..

هو انا بشوفه اصلا عشان يحكيلي

دا النهارده كان جاي يغديني عشان امبارح ارت وقلتله مينفعش نكمل فقال يصلحني بس خرا كالعاده..

هو حسام طول عمرة كدا عصبي ومش بيحب غير نفسه

انا عارف انه صحبي ومينفعش اقول عنه كدا بس دي حقيقه حتي منار..

مالها.. ?

دي كانت زميلتنا وبعدين حبتني حسام مستوعبش الموضوع وفضل زعلان مني لحد دلوقتي..

بتهزر يعني حسام كان بيحب منار..

اة خطبتي تصدقي كدا..

عمرة ماقالي حاجه زي كدا..

ولا هيقول طبعا

او لو قالك هيقول ان انا اللي وحش كالعاده..

انا اول مرة اسمع الكلام دا يعني حسام كان بيحب غيري..

وبيخوني..

ازاي.. ?

كلم منار واحنا مخطوبين وقالها انه بيحبها وكان عايز..

عايز اي ..

يخليها تسبني وتروحله..

حسام يعمل كدا مصدقش..

لازم تصدقي هو حسام كدا طول عمرة انا مش عارف لي دايما بيعاملني كدا وبيحب ياخد الحاجه اللي بأيدي حتي هند..

هند مين..

اخته..

هو حسام ليه اخت ..

اة بس ماتت واحنا صغيرين..

ازاي..

وقعت من علي السطوح..

ياعيني دا عمرة ماجبلي سيرا..

ولا هيقولك لانه هو السبب ف موا..

حسام ..? ?

اة كل الناس عارفين كدا وبباه وممته وجرانا وصحابنا..

هو انتو كنتو جيران..

ايوة وفي مدرسه وحده وف فصل واحد..

طب ازاي هو السبب ف موا..

كانو مع بعض فوق السطح وخلاها تقف علي السور وخوفها فوقعت..

وانت عرفت منين دا كله..

هو اللي قال بلسانه

انه وقفها وخوفها وعمل نفسه بعدها ناسي ومش فاكر حاجه..

قال اي يعني ؟..

انا هحكيلك

بعد ما نزل فضل يقول انا السبب

انا اللي وقعتها

انا اللي وقفتها لو مكنتش اتكلمت مكنتش وقعت..

سكتت حبيبه وافتكرت بباه وهو بيحكلها بس ازاي يبقي السبب او هو اللي وقفها مع انه كان بيحبها اكتر من نفسه فكملت كلام:

طب اي حصل بعدها..

مفيش بقه اتنقلو في مكان تاني

بس فضلنا في المدرسه مع بعض

لحد ما كل واحد دخل كليه بس فضل زي ماهو حتي لما انا قلت خلاص

انسي اللي عمله معايا انا ومنار عشان العشرة اللي بينا

هو برضو مش عايز ينسي..

ياه اد كدا قلبه اسود..

هو بس عصبي شويا

الصراحه انا مش عارف انتي صبرة ازاي وحده زيك في جمالك وشياكتك وسنك عايزة اللي يقدرها ..

وهو عمرة ما قدرني..

عشان كدا عايز نبقي صحاب

يمكن اعرف افيدك

انا حافظ حسام واقدر اخليه يحبك..

بجد ؟..

اة وكمان احكيلك علي اللي فيا وافضفضلك اهو نفيد بعض..

يا سلام اد اي انت شخص طيب اوي

انا كنت وخده صورة تانيه عنك خالص..

اهو كل اللي يشوفني ف الاول يقول كدا بس بيحبني بعدها ..

طيب انا مضطرة اقوم عشان متاخرش..

ماشي بس هشوفك تاني..

اكيد..

طب هطلب منك طلب

بس اوعي تفهميه غلط..

اتفضل..

ممكن رقم تليفونك عشان نبقي نتكلم وابقي اطمن عليكي

عامله اي مع حسام وكدا..

ممممم..

اوعي تفكري اني عايزة عشان حاجه

انا بس عايز اطمن عليكم مش اكتر..

مش عارفه

اصل كمان حسام لو عرف حاجه زي دي..

ماهو مش لازم يعرف

دي حاجه بنا

ولا احنا مش هنبقي صحاب..

فضلت حبيبه ساكته شويا وهي بتبصله فكمل هو كلامة : طيب بصي خدي الكارت بتاعي ولو حسيتي انك محتاجه تكلميني

كلميني..

ماشي اشوفك تاني بقه..

لازم عشان لو مشوفتكيش تاني هزعل..

ان شاء االله سلام..

خرجت ووقفت تاكسي وركبت فيه

وحسام لف من الشارع التاني ومشي وراها ووصلو شقتهم..

حسام: اي عملتي اي..

ياربي مستفذ وكداب ورخم..

قالك اي يعن

قصة..(وليا معـــــــــــــاه حكـــــــــــايه)

فضل يتكلم بقه

ويقول انك انت اللي ظلمه والكلام دا..

ها وخد رقمك..

لا يا عبيط لازم اعمل في الاول اني خايفه وكمان محترمه

عشان هو شافني قبل كدا محترمه فلو ادتله الامان من اول مرة هيقلق

لازم ابينله اني شرياك ومضطرتش اكلمه غير عشان مش لقيه حد حنين والكلام دا..

اي التفكير دا

انتي كدا ازاي يبنتي؟..

هههههه االله مش لازم نبقي شريرين عشان نغلب الناس الشريرة دي..

طب يلا يا شريرة كملي..

لا آكل الاول واقعد كدا وامخمخلك..

وكلو وقعدو يستريحو شويا

وبداو يكملو كلمهم وحكتله حبيبه علي اللي حصل كلو بس من غير ما تجيب سيرة هند ..

حسام: طيب احنا لحد دلوقتي زي الفل نسيبه يومين كدا وبعدين تتصلي بيه..

طيب وانت هتعمل اي مع منار..

كلمتها وعملت نفسي كنت زعلان وهحاول اقرب وحده وحده

عشان متشكش وهعرف كدا براحه اخبار شغلهم والناس اللي بيتعملو معاهم وانتي كمان لما تقابلي مصطفي تاني لازم تحولي تعرفي

الناس اللي بيتعامل معاهم او حتي تجيبي ارقمهم

وابدأ بقه باتصلاتي ونتفق مع الناس دي ونوقعهم ف بعض..

تمام ع االله التساهيل..

وقعدت حبيبها بعدها محتارة وكل شويا تبصله وتحاول تتكلم بس ترجع في رأيها تاني

حسام : ف اي مالك.. ?

لا مفيش..

في حاجه عايز تقوليها؟..

اممم مش عارفه

في بس خايفه..

اي قولي..

اصل

اصل مصطفي يعني حكالي علي فترة طفولتكو..

ماشي وبعدين..

يعني قالي علي موضوع كدا بس عايزة افهمه منك..

هو اي الموضوع ؟ ..

هند اختك..

بصلها وهو مضايق وفضل ساكت وبعدين سألها : قالك اي عنها..

مقالش حاجه بس انا كنت عايزة اعرفه منك..

مش لازم تعرفيه..

اصل في حجات كتير مش فهماها..

قلتلك مش لازم ومش عايز اتكلم فيه..

نام وادلها ضهرة وهي استغربت رد فعله اللي اتحول مرة وحده

ونامت بعده

فتحت عنيها وسمعت حسام جمبها فقامت تشوفه لقته بيتقلب في السرير وهو نايم واسم هند مبيفرقش لسانه ..

هند متخفيش انا ماسكك..

حولت تصحيه : حسام حسام..

هند متسبنيش انا محتجلك اوي

عشان خطري..

فتحت النور ومسكت اديه وفضلت تحسس علي راسه : حسام اهدي..

انا السبب سمحيني..

ونزلت دمعه من عينه

حبييه: حسام انت سمعني..

فتح عنيه لقاها مسكا اديه وحطا اديها التانيه علي شعرة فستغرب ومسح عنيه وسألها : ف اي..

انت كويس..

قال وهو حاول يداري عنيه عنها : اة كويس..

طب خد اشرب ميه..

ماشي شكرا ..

بصتله عشان يتكلم او يحكي اي حاجه بس فضل باصص ادامه فترة ..

مش عايز تتكلم.. ?

اتكلم اقول اي..

اي حاجه

اللي عايز تقوله انا هسمعه..

لا مش عايز..

بص انا عارفه اننا عمرنا ما اتفقنا

ودايما ناقر ونقير

بس بما اننا خلاص لسه ادمنا تسع ايام مع بعض وكل واحد هيبقي في حاله فعادي ممكن تتكلم ،

ها يلا مش هتلاقي الفرصة دي كتير..

مبعرفش اتكلم انا..

خلاص انا هجرب معاك

بص هقولك علي سر وانت تقولي سر انا بخاف م الصراصير..

ودا سر.. ?

لا بخاف منهم اووي اووي اوي كمان..

ماشي..

هو اي اللي ماشي قول يلا انت سر..

معنديش اسرار..

مفيش حد معندوش اسرار

كلنا عندنا أسرار لو الانسان كان عايش كدا من غير سر يضحكه او يبكبه

مكنش حس انه عايش

انا مثلا في اسرار عندي سعات بتبكيني بس بعد ما اعيط بفتكر ان ربنا رزقني حجات كتير اوي اضحك عليها

صحابي حياتي ببايا وممتي

ضحكتي وسعات افتكر سر يضحكني هي الحياة ماشيه كدا..

مبحبش اقول اسراري لحد..

ساعات افعالك بتفضح اسرارك..

دا اللي هو ازاي..

زي خوفك من ركوب الطيارة..

مين قالك اني بخاف م الطيارات..

منت طول ما بتكابر في خوفك هتفضل زي منتا

كان في دكتورة نفسيه بتقول لما تكون بتخاف من حاجه قولها بأعلي صوتك وبينلها انك مش خايف منها عشان هي اللي تخاف منك

..

طب متنصحي نفسك الأول..

ومين قالك اني معملتش كدا انا جربت الموضوع دا..

ازاي..

وقفت مرة في البلكون وقلت بصوت عاالي انا بخاااااف م الضلمه والصراصير ..

منتي هبله اتوقع منك اي حاجه وعلي كدا استفدتي ان شاء االله..

الصراحه لا ههههه

بس مش هو دا موضوعنا

انا بس عايزاك تتكلم ومتسبش نفسك كدا الصراحه مش عشانك

دا عشاني لاني عمري ما قعدت مع حد ومضحكتوش وانت من اول ما شوفتك وانت مكلضم

ودا وحش ع سومعتي كحبيبه يعني

ازاي اقعد مع حد ضارب اكتئاب في وشه خمسه وسبعين ساعه في اليوم..

هي دي خلقتي

انا مش متعود اضحك..

ازاي يعني سايب وشك كدا ناشف عمرك مرويته..

ارويه ازاي ؟..

بضحكه

انت متعرفش ان وشك زي الارض لازم ترويه بضحكه لاما هينشف ويموت قبل ما انت تموت

اهو بص علي وشي معتنيه بيه وبضحك كل دقيقه..

انتي وحده هبله انا اعمل زيك لي..

يا سيدي متعملش زي علي الاقل اضحك مرة وحده ف اليوم متسبش نفسك كدا

يا بابا مش حلو ع صحتك..

عايزة اي يعني..

قولي بتخاف من الطيارات لي..

االله منا قلتلك مبخفش..

هنرجع تاني ياعم متقول بقه..

وانتي عرفتي منين اني بخاف بتشمي علي ضهر ايدك..

الواحد لما بيخاف من حاجه بيبان ف عنيه وانت ناسي اني بخاف من الضلمه؟ ويوم ما كنا هنسافر شوفت ف عنيك نفس نظرتي..

فاهمه اوي حضرتك..

مش حكايه فاهمه انا بس بحس يعني احسن من ناس تانيه..

هتلبخي بقه..

منت اللي هتخليني البخ

متخلص بقه بتخاف من الطيارات لي..

انا مبخفش من الطيارات..

يوووة..

انا بخاف من اي حاجه اكتر من 5 ادوار..

ازاي..

اي حاجه زي الطيارات والادوار العالية..

طب ازاي عرفت تفضل في الكليه بتاعتك..

بالمعارف

مكنش حد يعرف الموضوع دا كتير

ولو كان حد عرفه مبيتكلمش

عشان والدي

دا غير توصيات بابا ومركزة

ولما كانت بتزنق معايا اوي كنت بضطر اعمل التمارين لو في مكان عالي بس اخري خمس ست ادوار غير كدا لا ..

ودا بسبب حادثه هند.. ?

سكت شويا فقالتله حبييه: بص لو مش عايز تتكلم بلاش

انا عارفه الموضوع مش سهل..

الصراحه انا عمري ما اتكلمت فيه مع حد حتي منار حبتها وعرفتها

وعمري ما كلمتها فيه ومش عارف ازاي بحكيلك مع اننا مش بنطيق بعض

بس يمكن عشان كدا..

طب قول..

هند كانت اختي الصغيرة اصغر مني بسنه..

وحكلها علي قصته..

حبييه: امال مصطفي بيقول انك مش فاكر اللي حصل لي..

انا مكنتش فاكر

بس كل شويا كنت بضغط علي نفسي وافتكر جزء

بس برضو انا الي الان مش فاكر كل حاجه حصلت

حاسس ان اليوم مغروش في دماغي مش قادر افتكر كل الاحداث

واللي انا قلتهولك دا كنت بفتكرة مع نفسي واسكت وعمري ما قلته لحد ومهما ضغطت علي نفسي الايام دي معنتش بضيف حاجه

جديدة

وكل الدكاترة نصحوني مضغطش علي نفسي اكتر من كدا

لاني هتعب نفسي علي الفاضي ومش هفتكر..

بس انت ملكش ذنب في اللي حصل

لي قولت انك انت السبب..

لا انا السبب اني طلعت في يوم ادمها انا السبب اني نزلت وسبتها

انا السبب اني اتكلمت..

دا قدر ربنا..

ونعم باالله

بس تقدري تفهمي الناس كدا

تقدري تفهمي اصحابنا اللي كانو كل ما يشفوني يخافو مني

علشان قتلت اختي زي ما بيقولو

تقدري تشيلي الحزن والزعل اللي في عنين والدي ووالدتي

تقدري تخليهم ميحسوش اني السبب في موا

انا طول عمري بكفر علي اللي انا عملته بحاول علي اد مقدر ابقي كويس

ارضيهم حتي لما وفقت اننا نتجوز

كان عشان بابا عايز كدا

وانا كالعاده بحاول اكفر عن الذنب اللي عملته ومينفعش اقول لا

بس حد فيهم سأل عن احساسي عن اللي جوايا

انتي فاهمه يعني اي هند

هند دي كانت حياتي كلها

مكنش عندي غيرها بنتي واختي وحبيبتي وصحبتي وصحبي

مكناش زي اي طفل وطفله

عمري ماغرت منها زي الاخوات

بالعكس كنت بحب اعطيها اللي فأيدي كانت حنينه عليا اوي

هي الوحيده اللي لما كنت اتعصب ديني..

فضل يحكي ودموعه بتجري ف عنيه غصبا عنه وحبيبه بتسمعه اول مرة تشوفه بالانكسار دا

وبالحاله دي عمرها ما كانت تتصور ان حسام اللي مبيبطلش نقار معاها يبقي كدا وف الحاله دي كان صعبان عليها..

انا حسيت بعدها اني مت كانت ملاك عمري ما احتجت لحد زيها

ولا عمري نستها اول ما حصل الحادثه لمو حجاا وصورها وزكرياتنا عشان ينسوهاني بس انا خبيت كذا صورة لينا مع بعض وعمري

ما سبتهم

حتي العابنا وكلمها واخر كلمه قالتهالي..

قالتلك اي..

واار في البكا: اشوفك ف الجنه..

وحضن حبيبه فجأة وقفت متسمرة مكاا وهي رفعه اديها

فضل ماسك فيها زي العيل الصغير الي ماصدق لقي مامته عشان يعيط في حضنها لما سمعت صوت عياطه وايارة حطت اديها علي

ضهرة وفضلت تطبطب عليه وتحسس ع شعرة عشان يهدي..

انا عمري ما تمنيت حاجه غير ان الايام ترجع وامسكها

امسكها جامد

من يوم ما راحت

وانا في حاجه نقصاني حاسس ان في شئ ناقص جوايا ..

طب اهدي..

افتكر انه حاضنها فحاول يسبها وقعد مكانه وهو بيمسح دموعه ارتبكو هما الاتنين وحولت حبيبه تتكلم ..

علي فكرة انت لو رجع بيك الزمن ومسكتها كان هيحصل اللي حصل عشان دا قدر ربنا

وساعت القدر محدش يقدر يعمل حاجه حاول بس تنام وبكرة نبقي نكمل كلمنا..

نام وحبيبه بتبصله وبتفكر جواها..

اكيد دا مش حسام اكيد دا انسان تاني لان عمرها ما شافته كدا

حتي نظراته كلها اتغيرت والبراءة والطيبه اللي ع وشه خوفه وهو مسكها حتي لما حاول ينام فضل ماسك اديها لاول مرة تحس انه

طفل..

طفلها وهي مسؤله عنه عيزاة يبطل عياط حتي لو هيضيقها زي الاول فضلت قاعده جمبه وبتبطب عليه وماسكه اديه وضغطه عليها

جامد وهو كمان

لحد ما نام

قعدت تبص عليه ازاي دا حسام

اللي بيزعقلها وبيضيقها

ازاي دي اديه اللي كان دايما يضغط علي دراعها بيها ويوجعها

وفضلو ماسكين أدين بعض حتي لما راحو في النوم لحد الصبح..

****