_وشاء الحب_
( بقلم بسمة البياتي)
_البارت التاسع _
شاهر.. يمه اي وكت يناسبج روحي خطبيلي
نعيمة. . صلوات على النبي كللووشششش اي هساع بردت افادي تعال احبك من راسك
فيروز..... عيني غوشت من البجي ضميت راسي بحضن ماما بالگوة كاتمة الشهكة
ادعي من الله يقويني وما انفضح جدامهم
اريد انهزم من هالمكان مسحت دموعي وكمت
... هاا وين
... رايحة اغسل وأكمل قرأية
...راح اصبلج أكلي وبعدين اقري من الصبح مامكلة
... ما اريد اتناقش واطول بوكفتي هزيت راسي بالقبول عفتها ومشيت
غسلت وطبيت للغرفة من كثر ما بجيت الدموع نشفن وظلت بس الغصة بصدري
لزمت كتابي بالجذب حتى لحد يحجي وياي
ماما جابت الأكل ووصتني لأزم اكلوا كلو
ما اشتهي ونفسي لعبانة
فاتت رغد وبنت خالة ابتسام الزغيرة
صحتلهن وحطيت الأكل جدامهن
نجوى.. هاي شنو عليش ما أكلتي
... بلي أكلت وبقى شوية كعدن يأكلنة
... هااا خوش
... تعالي اقري لاتظلين تفترين
... مالي واهس ما اريد بابا يزوج تهاني
.. عجل من سألج عليش ما كولتيلوا هالحجي
...ما اكدر هو من حقوا يزوج واذا اعترض شيخلصني من جدة وعماتي
... عجل انطمي وسكتي
... اخذت الكتاب أگلب بي بدون تركيز بالي مشوش بسبب زواج بابا وهم بسبب حالة فيروزة بيها شي ضامتوا علية
... ثاني يوم راحن جدة وخالتي يخطبن تهاني
بهذا اليوم بس هو الله يعلم البية
وضعي صعب ينوصف
من رجعن مكيفات اهل تهاني. بنفس اللحظة موافقين گايلين گبعوا واخذوا
شاهر طلب منهم يحددون المشية والعقد ورة الأمتحانات هه عود خايف لايتشوش تفكيرنا
ابتعدت عن الكل وحبست حالي بالغرفة بحجة الدراسة
ومن اروح امتحن ما اعرف شجاوب لو شكتب مالي واهس بشي حتى النفس بالگوة اتنفسوا
خلصنا الأمتحانات وظل يومين للمشية والعقد
جدة وخالاتي مخبوصات بالتحضيرات ويومية محدرات للسوك
اليوم العصر جتي ماما الغرفتنا مبدلة
أصيل... رايحة ويا احلام للسوك تجن اظلن بيت أبتسام ويا البنات احسن ماتظلن وحدجن محد راح يبقى بالبيت
نجوى... شطلع هالسوك يومية رايحات اليگول ما اعرف خاطبين منو
.. عيب يولي شنو هالحجي تهاني راح اتصير حرمة ابوج واحترامها من احتراموا مايصير تحجين عليها
هسه قابل شححيت
.. محد فين حظج غير فيروزة علمتج على اللسان الطويل
يلا تجن لو لا راح اتأخر نريد ناخذها تشتري الذهب
... ليش شوكت الخطوبة
.. بنفس يوم المشية
... غمضت عيني وصديت على الجهة الاخرى حجيت بضيق اريد ارتاح من تعب الأمتحانات راح انام
نجوى... اني هم اظل هين ويا فيروز
... اذا طلعوا امي وشاهر قفلوا الباب زين ولاتفتحونوا الطير البشر
... ماشي راحت ماما وفيروز نامت طلعت من الغرفة جدة لابسة عبايتها تريد تروح البيت عم بابا
ضجت وحدي اخذت هدوم وطبيت اسبح
.... مجضوعة بالفراش وعيني على السگف الف فكرة سودة تجي الرأسي ما گاعد اتقبل فكرة شاهر يتزوج
انفتحت باب الغرفة عبالي نجوى طب شاهر
... عجل نجوى وين
... راحت تسبح
.. اذا بيج حيل أكويلي ملابسي اريد اطلع
.... كمت من مكاني بدون ما اجاوب صعدت فوك
اجة طلعلي الملابس اليريد اكويهن وراح انجضع على الجرباية يلعب بالموبايل
وكفت اكوي عين علية وعين على الملابس
مجاي اتحمل قربوا هالكثر مني وأبقى ساكتة
اعترف اني مو بوعيي وگاعد اتصرف بخبال ويمكن سن المراهقة مخليني مندفعة وما اتحكم بتصرفاتي
دحجت علية
انت ليش تريد تتزوج مو جنت رافض؟!
...شنو هالسؤال بنيتي عجل خما اظل العمر كلة بدون حرمة
...اني مو بنتك بابا اسمو نافع
.. شگاعد تخربطين يولي
.. زتيت الاوتي من يدي وتقربت منو مسافة زغيرة بينا
حجيت بغصة لاتتزوج
... لا أله الا الله هساع عليش چاعد تبجين
حتى لو تزوجت زواجي ما راح ينقص من حبكم البگلبي وتظلن العزيزات عندي بنياتي وأغلى من روحي
.. حجيت بعصبية كااافي لا تكول بنتي انييي مو. بنتك ولا بنت اختك شششاهر الله عليك لاتتزوج مو گاعد اموووت ليش ماتحس
زت التلفون من ايدو طروا بالگاع واجة گضبني من زندي
.. عيدي الحجيتي اني مو خالج مووووو
...رغم عصبيتوا ما خفت منو خلي يعرف وشيصير. يصير
لا مو خالي احبك وما اريدك تأخذ غيييييير وحدة
دفعني بكل قوتوا للكاع نص وجهي وخشمي انضرب بالكومدي بالگوة كتمت صرختي
شاغت روحي من الوجع اهجس خدي وخشمي غدن نار
خليت ايدي على خشمي مثل بوري ماي الحار ينزل بيها
مدنجة وشاهر وكعلي كفخات على رأسي
... انعل ساس اهلج اليووووووم منين متعلمة هالسوالف بعدج بگد الگطف وتتمعشگين ومنوووو اني الربيتج وتسميني خالي
صارليييييي فترة شاك بيج واحس نظراتج مو خالية بيهن شششي واجذب روحي وأكول لا فيروز مترباية ماتسويها اكيد ضاجت لان حاسبتني مثل ابوها وتخاف اتغير عليها
... كل كلمة يحجيها بكفخة طر الميز والاوتي بالگاع ودفر الجرباية
ما اكدر اجاوبوا ايدي امتلت دم ونزل على رگبتي وهدومي مدنجة ما ارفع راسي
... مأمن ومخلي بنتي ليل ونهار وياج وانتي بهالأخلاق امشششششي حدري جوة وخلقتج بعد ما اريد اشوفها المكان التشوفيني بي تطلعين منو مفهووووم
... جرني من شعري يريد يطلعني برأ الغرفة شلت ايدي من خشمي اريد اوخر ايدو لان تأذيت
الدم نزل لهدومي رفعت راسي علية من شافني العصبية صارت خوف وصدمة
... منين هالدم انعل ساس اهلج كوووومي وياي
.. وكفت اريد اطلع منعني
.. اكفي خلي اشوف خشمج خما مكسور
... طبني مرض عليش خايف علية مو من هالحزة بعد ماتريد تشوفني
... اكفيييييي لاتخليني من صدك ابتلي بيج
.. لزم خشمي الدم يفور منو مايوكف سحبني من ايدي اخذني للمغسلة بيدوا يغسل وجهي ورأسي يريد يوكف الدم وماكو فايدة دموعي تزخ غوشن عيوني ما احس بوجع الضرب بكثر وجع گلبي
رجعني. للغرفة گعدني على الجرباية جاب الكلينس خلى على خشمي وظل هو گاضبوا
... استغفر الله عجبج الصار ليش خليتني امد ايدي عليج يولي وينج وين الحب ومنو الحبيتي خالج مخبلة انتي
يابنتي حتى لو مو خالج الحقيقي تذكري اني الربيتج عمرج ساعات وشلتج بيدي شفتج گبل لا ابوج يشوفج
كلمة بابا كولتيها الي گبلوا
بعدج صغيرة وبسن حرج يخليج تفكرين بطيش والمشاعر تتخربط عندج
من تكبرين وتوعين راح تضحكين على حالج وتكولين شلون حبيتوا وهو اكبر مني ب ٢٠ سنة
شلون تتوقعين بيوم من الأيام اكدر انظرلج بنظرة ماحلوة شلون اخون ثقة ابوج بية وهو مأمني عليج
كعدي ويا نفسج وفكري عدل
يولي الناس كلها تعرف انتي بنت اختي واني خالج حتى نسوا منو امج الحقيقية
ادري بيج عاقلة وراح تسمعين الكلمة وترجعين نفس گبل بنيتي الماكو بغلاتها
هساع گعدت حجيت وياج بهدوء ونبهتج بس اذا انعاد الحجي ما ارحمج
بيدي اذبحج وزتج بالبلوعة
... دحجت علية والشهكة بية ياريت تذبحني وتخلصني من الگاعد احس بي
... فيررررررررروز شبلاج وتالي
... والله اسمع كلامك وبعد ما احجي شي واذا ماتريد تشوفني هم ميخالف بس لا تتزوج شششاهر لاتموتني الله عليك ما اكدر اتحمل اشوفك جدامي وياها سايمة الله عليك لاتموتني واني عايشة
... امشششششي اطلعي الحجي وياج مامنو فايدة منا وهيج راح استخدم الضرب بلجي عقلج يرد الراسج
.... طلعت من يموو غاصة بالبجي حدرت اركض طبيت للغرفة خلصت قوتي وگعدت بالگاع ابجي بصوت عالي
نجوى.. جفلت من من شكل فيروز ملابسها دم وخشمها وخدها حمر
گعدت بالگاع تبجي من كل گلبها ركضت عليها اريد أكومها ماتقبل تتحرك
شبلاج يولي
وكعتي لو احد ضاربج احجي لاتخوفيني
.... گاعد اموووووووت ومحد داري بيه گوليلي شسوي وشلون اطفي النار الگاعد تأكل بيه
موذنبي حبيتوا والله مو ذنبييييييييي
... هوو منو بس بطلي صراخ بابا فوك لا يسمعج
... خليييييي يسسسسسمع اني گاعد اموووت من وراه هما السبب هما الفطنوني علية شسوي ويگولون لا عيب وميصير لو عايفيني حالي من حالج ماجان حبيتوا ونظرتلوا بغير نظرة
بأذني سمعتهم يكولون فيروز لاتظل تتخشخش بحضنو وتبوس بي شاهر رجال ويحل عليها
وامي وجدة من يومها شسوي ويحاسبوني
ماجنت اعرف شششي هما الفتحوا عيوني
... ابجي وياها وارجف مگاعد استوعب كلامها ولا افهموا كل ضني تبجي لان راح يتزوج ويمكن يتغير علينا ماظنيت السالفة اكبر من هيج
فيروز بابا يحبنا حتى لو يتزوج ما يتغير علينا
... ليشششششش مگاعد تفهمين ما اريدووووو يتزوج ششششاهر مو خالي واني مو انتي احبووووو والله احبوووو ليشششش استهان بمشششششاعري
... يولي وحدة وحدة علية شلون يعني تحبينوا
هزيتها بكل قوتي بطلي صراخ گلبج راح يوگف
.. اني اريدوا يوكف اريد امووووووت گبل لا اشوفوا وياها
.... هسة عرفت شبيها وشنو الگالب حالها فيروز تحب بابا
مو حب بنت اخت الخالها
كلشي يخطر على بالي الا هاي السالفة ركضت اجيبلها ماي اجهس على لحظة گلبها يوكف
فتحت الباب
بابا واكف ووجهوا احمر دم
بجيت بقهر
بابا سكت فيروز راح يصير بيها شي
ما حجة شي عافني وطلع
جبتلها ماي شربتها شوية وغسلت وجها
ملابسها دم جبتلها ملابس ماقبلت تبدل انجضعت وهي الهساعها تشهك وتبجي
ما حجيت وياها اخاف ترجع تنهار
جيت يمها والعب بشعرها
يمكن من البجي والتعب غفت
خدها وخشمها ورمن وصارن زرك وحمر معقولة بابا ضاربها اي هو ماكو غيروا
للمغرب وهي على نفس النومة مگابلتها وگاعدة اراقب نفسها اليصعد وينزل خايفة عليها
سمعت صوت امي وعماتي وجدة رجعن
طلعت واني حايرة شكول الماما اذا سالت عليها
اصيل.. تعالي شوفي شجبتلجن انتي وفيروز ملابس للخطوبة عجل وين فيروز
... هااا نايمة
. . وتالي ويا هالبنية شوكت تبطل نومة المغارب
روحي كعديها
... لا ماما عوفيها خطية وكعت وخشمها طك دم وظلت تبجي من الخوف
... زتيت الملابس ووكفت الحيلي شنو منين وكعت ركضت الغرفتها
نايمة والوجة وارم
ابتسام. يولي نجوى هاي منين وكعت هالوكعة
...رجلها زلكت ووكعت على وجها
فيروز.. فتحت عيني ماما بسدي وخالاتي جدامي مابية حيل احجي من الصراخ حنجرتي توجع
اصيل...اسم الله عليج بنيتي يولي غير تنتبهين لو صاير براسج شي
احلام....قدر ولطف مابيها شي لاتخافين
... خما راسج يوجعج
... حجيت بصوت مبحوح لا مابية شي دحجت على نجوى تأشرلي بحواجبها مافهمت عليها مدري شكايلتلهم سكتت حتى لا اجفص بشي
اصيل... كومي شوفي الغراض الجبتها الج والنجوى
.... هسة مابية حيل عود بعدين اشوفهن
طلعت ماما وخالاتي وياها
جت نجوى
.. هاا شلونج هسة
... على الله
.. ونعم بالله
لو ما اعرف شبي وجهج بس كتلهم زلكتي وكعتي
.. اي احسن
.. بابا ضربج
... هزيت راسي بمعنى اي
.. حجيتي نفس الحجي السمعتوا منج مو والهالسبب جتلج
... اي
.... لاتنقهرين اكيد انصدم الموضوع مو عادي اني بعدني الهساع مامستوعبتوا
.. ظليت ماعندي جواب الاي كلام
نجوى... شلونها الحلوة يلا كومي راح انصب عشا
.. منو هين
... بابا نافع وجدة وماما والجهال
وابوج؟!
...لساعوا ماراجع يلا كومي بابا من سمع واكعة تخبل راد يجي يشوفج كوتلوا اني اصيحها
...غسلت ومشيت وياها للربعة.
بابا من شافني تخبل لو ما رجلوا يكف الحيلوا
اخذني الحضنوا ويمسح على راسي
... يا بابا غير تنتبهين جم مرة كايلج امشي على كيف وبطلي ركض
.. مابية شي لاتخاف
.. الحمدلله
اصيل. كملي عشا حتى اسويلج كمادات بلجي ينزل الورم
... جاملتهم وگعدت انگمش وياهم بالكوة ابلع اللكمة
ورة العشا خليت راسي على رجل ماما سوتلي كمادات
شاهر وقادر... السلام عليكم
... وعليكم السلام
نعيمة... الوضع مازين لاتظلون تتأخرون لنصاص الليالي
قادر...بعده الليل بأولو يانصاص واحنا گاعدين هين يم ربعنا مو بعيد
...صاير قبغ ثمي شحجي تسكتني
... ادري شبيكم علية ابنج گالب الوجه ومايتحاجة وانتي ستلمتني من الباب اليگول ماكل عشاكم باليلة عرسكم
يولي زعيمة العصابة شبي وجهج بس لا گارصج زنبور وراح تودعين
اصيل.. فالك جوة رجلك بيش طالبها يول
.... شبيها المحروسة
... واكعة على وجها
... سلامتج يولو عجل شلون راح تجين الخطوبة خالج بهاي الخريطة
فيروز.. يحجون واني مو يمهم ما اريد اصد واشوفة گلبي متملخ بسببوا
جاوبت قادر منا العگب باجر يحلها الحلال
... غير تنتبهين شبيج مثولة
نعيمة... هي ليش تهجع وتگعد بمكان اطارد مثل خيل الحمزة هين وهين
نجوى... شبيكم وياها كافي خلصن السوالف وجلبتوا بيها
... حجت المساعدة مالتها سكتنا يابة
نعيمة... يمه شوكت تجيب غرفة النوم حتى بنفس الشهر نزفكم
. .. لا خلي العرس بعدين اريد انهد البيت ونرجع نبني من جديد مساحتوا جبيرة وبي جثير امكان مامستغليها بالبناء والحديقة شكبرها نكبر البيت احسن من هالخربطة
... منين طلعت بهالسالفة على حجيك منا السنة يلا تزوج
.. اذا العمال يستمرون بالبناء مايطول
نافع. هم زين فتحت الموضوع لان اني هم عندي موضوع وياكم والبارحة جنت احجي بي ويا اصيل.
... شنو الموضوع ابو حسن
... صارلكم سنين شايليني وشايلين عائلتي ونعم منكم ومن اصلكم والسويتوا الاخ مايسوي الأخو
كفيتوا ووفيتوا لهذا قررت الزم بيت قريب منا واخذ عائلتي ونطلع
فيروز... يمكن هذا احسن خبر سمعتوا اليوم بعد مستحيل اكدر اعيش ويا بنفس البيت
من دحجت على ملامح نجوى غمضت عيني اذا طلعنا اكيد ابوها مايخليها تجي ويانة
حلها ياربي
شاهر...ابو حسن يعني بعدك الهساع حاسب روحك خطار هين وغريب ترى البيت صار بيتك مثل ما هو بيتي شلون تهون عليك عشرة السنين وتريد تفارجنا
نعيمة...عليش تريدون تهدون فرحتي بزواج شاهر
تدرون بية ما اكدر افارج حسن
نافع.. افهموني والله صعبة من تجي زوجتك مراح تكدر تأخذ راحتها واني كذالك بعدين احنا مانروح بعيد نسكن. اهنا بنفس المنطقة
نعيمة. يولي اصيل احجيلج كلمة عليش ساكتة
...شحجي القرار الاول زالأخير يم نافع
شاهر... جنت محسب حساب هالسالفة عجل ليش اريد اهد البيت واخذ جزاء من الحديقة ويا ونسوي مشتمل الكم حتى تاخذ راحتك اعتقد بعد ما مقبول اي عذر
... ياخوية والله صعبة تريد تهد البيت وترجع تبني علمودنا
.. اول وتالي اجدد بنائوا لان قديم لاتفكر بالسالفة وال يرحم اهلك
...اوووف شلون مراح اخلص منك
بابا سكت ما كدر يعترض
اصيل... عجل وين نروح وكت البناء
قادر... بيت عمي فارغ شاهر گضبوا تسكنون بي بين مايخلص البناء
... عفتهم وطبيت للغرفة وجه شاهر ماشفتوا ابد جت نجوى يمي
...شلونج
... ما زينة ابوج عليش مايتركنا نطلع من هين ليش هالكثر اناني
... واني يجي من گلبج تتركيني
... لا طبعآ اكيد اخذج يمي
ولج حسي بية ما اعرف شصابني گلبي ممرود مرد
... تعجل مو جنتي تصيحي خالي شلون حبيتي
... اني هم ما ادري كل الي اعرفوا حبيتوا وخلص نجوى اكفي وياي وساعديني انساه
... وياج وما اتركج الگطع النفس
حضنتها وبجيت على بجيها
... اليوم يوم المشية والخطوبة صبحت مريضة الليل كله الصخونة ادك بية وجسمي يوجع
دايسة على نفسي ومتحملة القهر والمرض وواكفة جدامهم عادي
اذا عرفوا بية مريضة يشكون واني ما اريد احد يعرف
نجوى... خلي انظل هين مانروح وياهم انتي عندج سبب وجهج بعدوا ازرك كوليلهم استحي اروح بهذا منظري ومنا انتي مريضة خايفة تتخربطين
بابا البارحة گالي كولي الفيروز لاتجي .
..ههههه خايفة علية لو خايف اخرب خطوبتوا.
... اكيد ما يريدج تضوجين
لو تشوفينوا شكثر مقهور وليل ونهار عصبي ويزكح
... على هذا كلاموا عناد الا اروح..........
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!