_وشاء الحب_
( بقلم بسمة البياتي)
_البارت الواحد و الثلاثون _
صراخ وهوسة واني جامدة بمكاني رجلي ما عادت تشيلني تا اروح اشوف شكو عيني تشخصت على الباب اريد
بابا يفوت تا ادحج طولو وارتاح..
فاتن بنات خالاتي يتباجن
بالگوة فكيت حلكي وسألتهن برجفة
شصار
.. كولو بسببج لو ماجاية هين احسن من انتي زغيرة فگرتي امج
وهساع فگرتي عمران وحرمتو من وراج جتلها
... يبس زردومي الكلام ماعاد يطلع من حلكي شنو جتلها
برا مخبوصين واني ماتحرك
طبت جدة نعيمة الوجه اصفر وبالگوة تمشي
... ناوشيني عباتي وامشي نطلع من هين هساع تصير هوسة وتجي الشرطة
.... يعني صدك جتلها وماتت
....يولي لاتكثرين حجي رجلي ماعادت تشيلني خلي نطلع من هين
... ناوشتها عبايتها گضبت ايدها وطلعت البيت مگلوب حتى الجيران هين
طلعنا للباب باب گاضبينو زلم المنطقة وبالجهة الأخرى خوالي وولدهم
من شكلهم متكاونين ويا
وكلهم ملمين علية ملابسو محربطة ودم يم خشمو
صعدت للسيارة جة بابا غادي بركان ساق سريع
اريد أسالهم شصار اخاف احجي
نعيمة... الله لايوفقهم تولوك ولية مخانيث شافوك الحالك التمو عليك
.... خلي يگفولي بالحرام ما افوتها الهم
... وليدي اتركهم انت ماقصرت بيهم رغم كثرتهم شبعتهم تكفخ ولاتنسى مصيبتهم جبيرة
... طبهم طوب ما مقهور غير على بنت العالم السبحت بدمها بسبب واحد كبسلجي مايندل دربو والله اليعلم راح تعيش لو لا
.... الله يأخذ حگها
ما دحجت الجبان شلون گعذ يبجي مثل النسوان من الخوف
يگول هي جرت أيدي وجتي الطلقة بيها بالغلط
... اهلو ال****** هزمو تا ماينسجن
... وين يروح مصيرهم يگضبو
نجوى.. من كلامهم فهمت كل السالفة
رجعت راسي ليورا وغمضت
جفلني حس بابا وهو يحاجيني
.... بيج شي لشتج جاعد ترجف
... حجيت بتعب لا مابية بس اريد اصل للبيت
نعيمة..... حگها تنهبط الصار مو شوي هاك دحج حتى اني لشتي ترجف وصعدن عندي الضغط والسكر
.... اوديج للمستشفى
... لا مايحتاج من اصل للبيت اخذ علاجي
أصيل... طبو امي وشاهر الوجوه ماتبشر بخير وشكل شاهر متكاون
احلام... يولو شغادي حالكم خما تكاونتو
نعيمة... بالأول خلي اگعد واخذ نفس
فيروز... شاهر ماحجى شي صعد فوك
صعدت وره
شبيك حبيبي عليش هذا حالك
....ماكو شي لاتخافين طلعيلي ملابس رايح اسبح
.. طلعت ملابسو وظليت انتظرو اريد افهم شبيهم
طلع من الحمام وكف يبدل واني احوص
مو الفضول جتلني عليش ماتحجيلي شبلاكم
...صارت طلابة شكبرها من وره سوالف جديت نجوى وعمران
والكلب بالغلط صوب حرمتو
... عززززا وماتت
... ما ادري بسرعة ودوها المستشفى
... خطية ان شاء الله مابيها شي
وعمران وينو
.. الجبان انهزم واخوانو وعمامو العارات بدال مايحيرون بالمصيبة السواها ابنهم النذل وكفو يتكاونون وياي وطلعو السبب مني
... دخلي يولون لو بيهم خير جان گضبو ابنهم وادبو كل يوم والثاني يسويلهم طلابة شكبرها وهما يطمطمولو
... رايح يم الولد ديربالج على نجوى وامي وضعهم مو تمام
.... حدرنا جوة شاهر طلع جيت للربعة جدة گاعدة تسولف الماما وخالاتي على الصار اهناك
نجوى گاعدة وصافنة
گعدت بسدها صدت علية وحضنتني وانفجرت بالبجي
اصيل... صدينا على حس نجوى حاضنة فيروز وتبجي ادري بيها خايفة
سحبتها من فيروز وحضنتها اصبر بيها واشجعها
ابتسام... لاتخافين بنيتي ماكو بيت ماتتصير بي مشكلة مصارين البطن تتكاون
وان شاء الله حرمة عمران تكوم بسلامة
نجوى... كل الصار بسببي
احلام... وانتي شعليج قابل گوتيلهم تكاونو
الصوج بجدتج من يوم يومها شرانية ودور مشاكل من جوة الگاع علگت الدنيا بسوالفها
اصيل... لاتلومين حالج وهذا عمران واحد زايعتو الگاع شرب وكبسلة شنو زايدة علينا تا ننطيج الو
حتى جديتج ترضى علينا والله هاي بطرانة
.... بعد ما اريد اروحلهم الله عليكم لحد يطلب مني اروح اهناك
نعيمة....ومنو بعد يخليج تصلين بابهم
منا وغاد اريد من صدك احرمهم منج واعلى مابخيلهم خلي يركبو
فيروز... كومي وياي غسلي وبدلي
كامت غسلت وبدلت وجت انجضعت بالربعة ومن الخوف بسرعة نامت
عرفنا حرمة عمران حالتها خطرة شايلين وحدة من كلياتها وبقت يم الله اذا تعيش
اهلها واخوانها گالبين الدنيا يدورون العمران ومتحلفين بي
نجوى تمرضت من الخوف بقى بالنة عليها وشاهر تخبل يحير شيسوي تا يخليها تنسى
ماما ظلت تنيمها بحضنها للصبح تا ماتحاف
مر اسبوع على هالسالفة وحرمة عمران لساعها بالمستشفى
اليوم باليل گبل لا انام دك تلفون شاهر
رفعت راسي منو يدك عليك بهالحزة
.. قادر خلي اشوف شيريد
فتح خط وحجة ويا
ملامح شاهر تغيرت
... صدك تحجي منين سمعت الخبر
لاحول ولا قوة الا بالله
انا لله وانا اليه راجعون
... عززا منو مات بس لا حرمة عمران خطية لساعها زغيرة
... لا مو هي لاگين عمران مجتول ومذبوب بالشارع
.. يمه منوووو سوة هيج
.... مدري قادر يگول يمكن اخوان حرمتو
.. الله يرحمو الميت ماتجوز عليه غير الرحمة
تروح للفاتحة لو لا
... مدري الصبح انشوف شلون تصير
الصبح حدرت ماما وجدة بالمطبخ يحجون بسالفة موتت عمران
أصيل...اخاف نجوى تسمع وتخاف بالزايد ترجع تلوم بحالها
ماصدكت صحتها شوية تحسنت
فيروز... بيها وبلايها تعرف الموضوع ماينضم
نعيمة... رغم سوالفو الشينة انقهرت علية راح بعز شبابو الله يصبر اهلو
نجوى... منو مات
. صدينا عليها واكفة باب المطبخ ادحج بخوف تنتظر جوابنة
اصيل. عليش هالكثر خفتي ووجهج صوفر تعالي هين خلي احاجيج
... احجو منو مات
نعيمة..عمران ابن خالج انطاج عمرو
... فكيت عيني لساني نعگد من الصدمة مو قهر علية لان اني اخر وحدة بالدنيا تنقهر علية
بس ماجنت متوقعة موتو
اصيل... يولي شبلاج هذا يومو قدر الله وما شاء فعل
.... شلون مات احجو مابية شي قابل على شنو اخاف
.... لاگينو مجتول
... هااا خوش جيت گعدت بسد فيروزة صبيت جاي وظليت اكل
فيروز... ندحج على نجوى خبر موتو ما اثر بيها مبين من صدك تضوج منو
.... على السواه بية ما ابري الذمة اليوم الدين
ويمكن هاي دعوتي الله استجابها وخلاه يموت ابشع موتة
بابا وعمامو وولدهم النسوان راحو للفاتحة
گالو نسوي الواجب لو شمايصير بينا يبقون گرابتنا والظفر مايطلع من اللحم.
من رايحين وخوالي شايفينهم متكاونين وياهم
وزاتين اللوم كولو على بابا
يگولون بذاك اليوم لوما انت جاي ومستفز عمران ماجان صار كل هذا
بسببك ماتت اقبال وهساع عمران
من رجع بابا للبيت حلف يمين معد النة صلة بيهم وحتى لو يموت واحد منهم محد منا يروح واني بحياتي ما اصل الذاك البيت
حرمة عمران تحسنت حالتها وطلعت من المستشفى واخوانها طلعوا من سالفة موتت عمران مثل الشعرة من العجينة ماكو اي ادلة ضدهم
محد خسر غيرو وهاي نتيجة افعالو
فيروز... اجتي العطلة وأخيراً راح اخلص من ايات
گبل لاتروح بيوم گاعدة ويانة گالت
... والله تعودت على عيشتي هين صرت من اروح البيت اهلي اهجس حالي مثل الغريبة بنصهم
نعيمة.... احنا هم تعودنا عليج وهجسناج وحدة من اهل البيت.
....فدوة العمرج خالة وانتي بمقام امي وبغلاتها.
فيروز.... ما ادري نعامة شوكت تبطل سوالفها التعبانة
ايات... النقل من هين البغداد جثير صعب ما اعتقد راح يجي قرار نقلي السنة التجي وانتوا تحملتوني جثير ما اريد اثگل عليكم
نجوى.. همست باذن فيروز هاي بس لا هم راح ترجع تظل هين
... بالحرام غير اگلب البيت فوگ راسها
نعيمة.. هلا بيج بنيتي بكل وكت بيتنا مفتوح للغريب قبل القريب
... جاعد. اخجل من كلامج الله يطول بعمرج ويجعل الببت عامر بحسج
فيروز... يعني شنو سنة الأخرى راح ترجعين هين؟
... هااا عادي اذا ماتقبلون ما اجي
نعيمة.. فيروز ضبي لسانج ولاتسمعينا حسج
.... قابل شحجيت گاعد استفسر ومستغربة اهلها شلون يرضون بتهم تظل بغير بيتها
... اهلي واثقين بية وبنفس الوكت مأمنين علية هين
.. هاا والله ياعمري اني أكول لو تظلين يم اهلج احسن حتى لو اهلج واثقين منج حجي الناس ماراح يرحمج وانتي لساعج مامزوجة موحلوة بحقج تظلين بيت غير بيت اهلج
..... اشكرج على النصيحة واذا جيتي تضوجج هذا هو بعد ما اجي
.... اي احسن
جدة شالت تلفونها وضربتني بي
ايات زعلت وطبت للغرفة
اصيل... فان حظج يولي ام لسانين هم رديتي الوكاحتج شستفاديتي من فشلتيها
نعيمة. الظاهر حسج على وصرتي تتحكمين بالبيت ولغيتي وجودنا دخلي يجي شاهر بالحرام اذا ما لگالج صرفة اني ارجع اربيج من جديد
... شسوون سو ويكون بعلمكم لو اني لو هي بهذا البيت
تركتهم وصعدت الغرفتي
نجوى.. فيروز ظلت فوك
. وايات حبست حالها بالغرفة زعلانة
گبل العشا طبو بابا وقادر
نعيمة... تعال أگعد جدامي أريدك تلكي حل المگصوفة الرگبة من تالي عمري انهان صايرة هي ام البيت وحجايتها التمشي وامك طز بحجيها
قادر.. شمفينة زعيمة العصابة
... صاير ماتنجرع وشحدو الي يحاجيها
... يومية نفس الطلابة گالت حرمتك عملت حرمتك اي سولفي شبيها فيروز
.. ترضى تزغرني جدام الكل
... معاش اليزغرج واني عايش
هساع احجي شسوت
نجوى... جدة خرطت الأول والتالي
بابا ساكت ويسمع
شاهر... عاشت ايدها زين سوت
.... صخام الصخمج نعيمة يول تطرد ضيوفنا وتفشلني وجاعد اتگول عاشت ايدها
... عجل شتريذين اكول
ترى الشغلة طلعت من طورها وصارت ماصخة استقبلناها بدال السنة سنتين وماقصرنا وياها الهين وبس عدها عمام خلي تروحلهم
يمة بروح ابوي مجاعد ناخذ راحتنا بوجودها دوم متقيدين ونحسب الف اجساب گبل لا نفوت للبيت. حنى نافع اكثر وكتو بذاك البيت مايجي هين بس وكت الأكل
اذا. ابيتنا منأخذ راحتنا عجل وين نولي
قادر.. كلامو صح كافي عاد خلي ترد الأهلها
بالحرام متعجب من ابوها وأخوانها شلون قابلين يتركون بنية شابة بغير بيت
... يولو لاتفضحونا اذا رادت تظل خما نطردها
شاهر... المايستحي مني ما استحي منو الهين وبس
... الظاهر خبال حرمتك صابك شحجي وشگول غسلت ايدي منك
قادر... دام غسلتيها نشفيها زين تا ماترجع تتوسخ
.... كووووم من جدامي فان حظكم تالي وكت تفشلوني
.. جدة ظلت ادردم وبابا وقادر يشاقونها
فيروز... فات شاهر الوجه مبتسم
.. عليش عازلة حالج ومعتكفة هين
... من سوالف أمك
... اكثر كلمتين صرت اسمعهن بهذا البيت حرمتك وامك هي تشكي منج وأنتي تشكين منها واني واكع بيها
... تريد تبقي ايات هين
.. لاتغثين حالج لا ماتبقى
... ثاني يوم لمت ملابسها وراحت وأخيراً تنفست براحة سبع حجارات وراها روحة بلا رده
نجوى.... اجتي عمة احلام على جدة
.. اكولج يمة حددنا عرس قادر نهاية الشهر أريد اسويلو عرس وافرح بي خما احد يحجي لان عمران ما صارلو جثير من ميت
... ان حجو وان ماحجو هما والمداس
قدرناهم ورحنا الفاتحتهم دحجتي السوو بينا طردونا جدام الناس
... والله لو يستاهلون أأجل العرس الخاطر مصابهم جان اجلتو بس سوالفهم ماخلت بگلوبنا حنية عليهم
... توكلي بالله ولاتشغلين بالج
افرحي وفرحي وليدج معليج باليحجي
.. ان شاء الله
خالة صفية گبل العرس تجي تظل هين تا تطلع الزفة منا مو مال نزفها من الرمادي السامراء
... اي حجيت وياها گوتلها اعتبري البيت بيتج وعزمي اليعجبج
.... شاهر خما يضوج
.. لا يمة عليش يضوج اذا مايوكف الأخو بعرسو عجل شوكت يوگف
... الله لايحرمني منكم
نجوى... اوووويلي عليك يا گلبي شتتحمل بعد حتى حفلتهم هين والزفة تطلع منا والله الجاعد يصير جثير علية
فيروز... ادري بنجوى انقهرت ظليت اراقبها اريدها تنطي ردت فعل لو تبجي تا اكضبها واحقق وياها عسى ولعل تحجي
ورة العشا شاهر راح يتعلل ويا ربعو
ماما وبابا وجدة فاتو نامو
ظلينا اني ونجوى گاعدات
نجوى... الجو حلو اريد اصعد انام فوك
... فان حظج يولي منيلو حلو بوخة وحارة
... شو عجبني اصعد
... وابوج اذا عرف تدرين بي مايقبل
... عليش مايقبل شو بيتنا عالي وماكو سطوح بسدنا
راح اخذ فراش واصعد معليج انتي
... راحت نجوى صعدت وراها لكيتها فارشة ومجضوعة عينها على السما
.. هااا شو لحكتيني مو بوخة هين شجابج
.... رجلي جابتني شو عجبتني النومة هين عندج اعتراض
.... على أساس لو اعترضت راح تفكين ياخة مني
... أكيد لا
.. عجل انجعمي وخليني ادحج على النجوم
ردت اظل وحدي بس اوووف من فيروز حتى بالجدر تطلع جدامي
... فرشت دوشك ونجضعت بسدها
دحجتها هادئة ماردت احاجيها واضوجها
دك عليه شاهر
هلا حبيبي
. وينج لا انتي ولا نجوى هين وين موليات بهاليل بدون علمي
... وين نولي ياحسرة نايمات بالسطح.
... شتفينن بالسطح بهالحزة
.. نطير حمام يعني شنسوي غير نايمات
... حدرن لا اجي ازتجن من فوك
... بعدو يحجي وياي سمعنا حس خطواتو صار جدامنا
.. يلا جدامي حدرن بسرعة
.. بابا والله ضوجة جوة ردنا نشم هوا والجو حلو تعال انت هم نام هين
فيروز..نجوى اشرت الشاهر يجي ينام بيني وبينها ادري بي مايحب يكسر خاطرها
اجة نجضع
نجوى... بابا مدلي ايدو خليت راسي عليها بحضن بابا ارجع ذيج نجوى الطفلةالزغيرة الماعدها لا هم ولا غم
والله لوما حبهم وحنيتهم علية جان متت من زمان
تحسرت ودحجت على النجوم
شاهر.. حسرتج شكبرها منو المضوجج يبعد ابوج
... بوجودك محد يگدر يضوجني
فيروز... ترى اغار مايصير هيج
... انجعمي اني الأصل
.. ايباه احد گايلج اني التقليد شو من جيت للدنيا واني جدامو
.. حجي يفيدج دمي نفس دمو ونفس الجينات هاا منو الأصل
شاهر... مو صوجكم صوج الفزاعة الي بالنص احدر گبل لا تتمالخن واظل بينكم
نجوى... ههههههه لاتخاف مانتمالخ هاي عركاتنا مو جديدات
بابا شنو قصة هذن النجمات الي اسمهن بنات نعش
.. ويني وين القصص والسوالف
فيروز... اني أسولفلجيها اعرفها جدة حسنة الله يرحمها مسولفتها الي
بأيام گبل رجال عندو سبع بنات اسمو نعش
كتلو زلمة اسمو سهيل ومات
البنات حلفن يمين يشيلن نعش ابوهن ويمشن الحد مايلگن سهيل وياخذن بثار ابوهن
اربعة منهن شالن نعش وثلاثة يمشن وراه
سهيل من عرف بيهن يريدن يكتلنا
انهزم المكان بعيد البنات خلص عمرهن شايلات نعش ويمشن الحد ما ماتن وما اخذن بثار ابوهن ولا لگن سهيل
الهذا السبب هالنجمات سموهن بنات نعش
ونجمة سهيل نادراً ماتطلع لهذا يكولن سهيل خايف مايطلع
شاهر.... هههههههه سوالفج حلوة ول يابة بعد شعلمتج جديتج الله يرحمها
.. اووو سوالف جثيرة بيهن اذكرهن وبيهن نسيتهن
نجوى...شلت راسي من ايد بابا
راح احدر مو مال اظل نايمة هين الجو بي بوخة
.. كوم خلي احنا هم نحدر صدك بوخة
صد علية
... هساع اجة دوري اني اسولفلج
... هااا شتسولفلي مو گبل شوية گولت وينك وين القصص والسوالف
.... هاي القصة حلوة دحجي هاي النجمتين قيس وليلى خلي اسولفلج عليهم
.. هههههههههه لا تسلم اعرف سالفتهم وهو منو المايعرفها مشكور حبيبي ماتقصر
... ول يابة السالفة التعرفيها مو مثل سالفتي اني انطيج تفاصيل ومعلومات اكثر
... يمعود احنا بالسطح شگاعد تسوي لايروح احد يصعد
... تدرين زين كلها نايمة ومحد يصعد
....يبوس بية ويهمس باحلى كلام الغزل
... فيروتي
... عمرها
... احجي مثل ابوج اريد اسمع لهجتو بالسانج
... هممم شحجي
... اي شي تغزلي ادلعي
من انتي بحضني مسموحلج كلشي تسوين
... موتدلل اذا الك ما احجي لعد المنو احجي
.. ال لعد طالعة من ثمج مثل الشهد
... باسني من شفايفي بحب وهي حياتي ويا كلها حب
وره شوية لمينا الفراش تا ننزل دحجت تلفون نجوى ناسيتو هين شلتو وحدرت
رحت غسلت ورجعت للغرفة اخذت تلفون
حبيبي رايحة اشوف نجوى عشر دقايق واجي
.
... تعاي نامي نجوى هساع اكيد بسابع نومة
.. شوية. واجي ما اتاخر
ذبيتلو بوسة وطلعت
فتحت باب غرفتها
بحركة سريعة غطت راسها عبالها ما شفتها طبيت وسديت الباب واخير وگعتي بيدي
احم عيني ام الجوج طلعي راسج هاج تلفونج ناسيتو فوك
تجوى... دموعي مبللة وجهي ما اكدر اكشف الغطى
... يولي ادري كاعدة شلت الغطى من راسها
مغمضة عينها لزمت خدها وعينها مبللات
دفعت ايدي
.. فكيت عيني جريت التلفون من ايدها يلا روحي وخليني انام
.. ماكو نوم من الاخير گوليلي عليش گاعد تبجين
.. لا ما ابجي نعسانة وتثاوبت ونزلن دموعي
... هممممم خوش عذر خليت اصبعي السبابة على خدي خلي افكر اقتنع بي لو لا
... اهووو يولي فكي ياخة مني وروحي البابا خلي يكملج قصة قيس وليلى
.... هههههههههههههه ضحكت من كل گلبي وهي الفطيرة تبجي وتضحك
خرب غيرتج بس لا سمعتي القصة
عاد گوليلي من يا جزء لحكتي عليها
... ههههههههههه اطمئني ماشفت شي گبل لا اطب للغرفة تذكرت التلفون رجعت صعدت
گبل لا اصل يمكم سمعتوا يريد يسولفلج القصة درت راسي ونزلت
... طبيت وياها بالفراش دحجت عليها بملامح جادة
زين شنو رايج تسولفيلي قصة نجوى بنت شاهر
... ماعدها قصة يلا روحي اريد انام
... اطرديني تتجاوزين علية تضربيني هم ماراح اتركج
... فيروز بداعة بابا فكي ياخة مني
... بداعة ابوج وبداعتج ما اتركج اليوم
جريت التلفون من ايدها دكيت على شاهر.
خطية جاوبني بخوف
عباله نجوى بيها شي
ماكو شي شبيك بسرعة خفت راح ابات هين اريد اظل سهرانة ويا نجوى
.... ماشي براحتج تصبحين على خير بعد عمري
... وانت من اهل الخير حبيبي
سديت الخط وصديت على نجوى وهاي راح اظل هين للصبح ماكو مفر مني اليوم
... فيروزة لاتضغطين يولي شحجي البية مايتسولف والله مايتسولف
... ميخالف جبري حالج وسولفي غمضي عينج واعتبريني ماموجودة لاتضمين شي خلي نتشارك يمكن اكدر اساعدج ولو بشي بسيط
... محد يكدر يساعدني غير الله
... ونعم بالله يوضع سرو بأضعف خلقو لاتستهينين.
... ضميت راسي بحضن فيروز وغمضت ما اكدر ادحج بعيونها
عمري ست سنين جنت انجبر اروح البيت جدي
ما احب اروحلهم بسبب بنات خوالي دوم ياذني
وبابا وماما اصيل حريصين علية مايقبلون ابات اهناك
بيوم جت جدة تكاونت وياهم وتدرين بيها شلون لسان تخبص الدنيا بحسها
اتكول البابا شلون ما تامن تخلي نجوى تبات عدنا انت تتقصد تريد تحرمنا منها مثل ما نحرمنا من امها بسبب عمايلك.
وبعد كونات وهوسة قبل بابا اروح وياها ابات عدهم
نوبة وحدة البتت والله نوبة وحدة وياريتني ميتة ولا رايحة
نجوى تحجي واني گلبي يعصرني خايفة من الراح تحجي
.... خالاتي وخوالي كلهم مجموعين اهناك صار وكت النوم فرشو فوك وصعدنا نمنا
نص الليل گضبني مغص بطني
گعدت خالتي الزغيرة ماقبلت تگوم وياي ظليت اتلوى من الوجع اخاف اسويها على حالي ومن يعرفون يتعصبون علية
الحمام والتواليت بالحوش جدام الدرج دحجت اكو كهرباء رغم الخوف ماكدرت اتاني الصبح
حدرت من فوك اتلفت واتجفل
قضيت حاجتي وطلعت بسرعة وكفت اغسل ايدي صار عمران جدامي بذاك الوكت يمكن جان عمرو 15 سنة
... شسوين هين وحدج
... اشرتلو على التواليت وصديت تا اصعد
... اكفي
.. هاا شرايد
.. جايبين جوة كيكة وشربت ونساتل تعالي انطيج منهن اكيد جوعانة البنوات كلهم حدرن اخذن وصعدن
كيفت اي كيفت حالي حال اي طفل من يسمع بطاري الكيك والنستلة
فيروز... ما اكدر اسيطر على دموعي بدون ماتكمل عرفت البيها اااخ ربي اهجس گلبي راح يوگف
... خشيت للبيت اركض جدامو فتح باب غرفتهم وفوتني وقفل الباب عيني تتلفت ادور الكيك الگالي علية
عجل وين الكيك يلا مو نعسانة اروح انام.
.... صيري عاقلة وسوي الأكولج علية شتريدين انطيك كيك نساتل لعابات وحتى فلوس
ما افهم شگاعد يحجي تقرب مني راد ينزعني التيشيرت دفعت ايدو دك عندي ناقوس الخطر
ماما ماتقبل انزع جدام الولد
اريد اطلع گضبني وسد حلكي صرت ارافس وابجي
... اشششش بالحرام اذا طلع حسج وصرختي اخليهم يذبحونج ويزتونج بالبلوعة اكلهم نجوى حدرت من فوك وجت علية للغرفة نزعت هدومها جدامي وتريد اسويلها سوالف مال كبار وعيب.
ظل يهدد بية عقلي زغير ومو واعية خفت منو
يارتني لو صارخة بحزتها ولا السواه بية
اعتدى علية يولي اعتدى
كمت اصرخ وابجي وخانگة وجهي بصدر فيروز
... طكيت من البجي كل هذا شايلتو بگلبج وساكتة دخيلك ربي
لك عمران الله لايرحمك عساك بنار جهنم
كوليلي عمران اخذج احجي واشهك
... ما اعرف بحزتها توجعت جثير من تركني حتى حيل مابية
كال بس تحجين شي اكلهم جذب وهي وحدة ادبسز تتحارش بية
خفت منو وسكتت لبست هدومي وصعدت اركض خشيت بالفراش ارجف
ثاني يوم بالگوة جنت اكدر كعد من الوجع ولكيت ثلاث نقاط دم بهدومي الجوة
ومن حزتها بعد مابتت اهناك
واذا اشوف عمران اختل منو
خطبني قادر وفرحت
وبيوم الرحت البيت جدي گضبني النذل حجة وياي گال اني اخذتج ماتكدرين تتزوجين
هسساع عرفتي البية عرفتي همي والگاعد يصير بية لاتلوميني اذا ما حجيت مصيبتي جبيرة
...يبعد عمري لاتشيلين هم وياج للموت الي يفكر ياذيج يجتلني اول شي ما اتركج وراح اسوي المستحيل تا اساعدج
انتي ماغلطتي ومحد يكدر يحاسبج طفلة ونغدرتي
.. الله عليج لاتحجين الأحد فدوة اروحلج سكتي
.. لاتخافين ما احجي ولج اخاف عليج اكثر ما اخاف على حالي شلون تتوقعين احجي و اضرج
للصبح عيني مضاگت النوم دموعي مانشفن
نجوى نايمة الظاهر تعودت تتعايش ويا مصيبتها
تركتها وطلعت لاگاني شاهر جدام باب المطبخ دحج علية بستغراب
.... شنو هذا حالج وعليش عيونج منفوخات
.. دموعي بسرعة نزلن زتيت حالي بحضنو وابجي
... فيروز ول يرحم اهلج احجي شبلاج عليش تبجين
... بطني توجع ماكدرت انام
.... اخذج المستشفى
.. لا ما اريد هساع احسن
جت ماما تستفسر شبية گوتلها خربطت بالأكل وبطني وجعتني
شاهر گبل لايروح للشغل ظل يوصي ماما علية
طلع هو وبابا
ماعندي غير حل گضبت ماما من ايدها واخذتها للبيت الثاني طبيت الغرفتها
. بسم الله شسامعة اليوم يولي شبيج وضعج يخوف
... گعدي وسمعيني وركزي وياي بهالحزة محتاجين ام قوية مو ضعيفة وتنهار بسرعة
.. هو كلامج الحالو هد حيلي
.... ماما ربيتنا احسن تربية اتطيتنا حب وحنان اكثر من حبج الحسن ورغد وجنة
... هذا واجبي ماكو ام ماتحب بنواتها احجي فيروز شصاير
.. الصاير مو بية بنجوى
راح احجيلج وعديني تساعدينها وماتضعفين اقل غلطة منا نخسر نجوى وللأبد
... احجي عاد مو گلبي راح يگف
... بديت احجي الماما كلام نجوى
ماما ظلت ترجف وشفايفها يبسن ركضت جبتلها مي اريدها تهدي انفجرت بالبجي
... مو اكول اني مو خوش ام محد يصدك طين برأسي وين انطي وجهي على هاي المصيبة صخام الصخمني بنتي ضاعت
... اشش لاتحجين هيج مايصير شي عليها نجوى ما غلطت اول شي لأزم ناخذها للدكتورة تفحصها بلكي يطلع ما ماخذها
الكلب
واذا ماخذ عذريتها اكو الف حل الله عليج بطلي بجي. وساعديني
امسحي دموعج ولاتحسسينها اتتي عرفتي تا ماتخاف
العصر نروح للدكتور راح أكول الشاهر اروح علموذ بطني
... شلون اتصرف طبيعي بعد السمعتو يولي گلبي راح يطك
... عليش اتخليني اتندم لان حجيتلج انتي امها لازم تساعديها مفهووووم كافي بجي هزيتها من جتفها قوي اريدها تصحى
... الخاطرها اسوي كلشي
.. اي هيج اريدج
اصيل... احاول اتصنع القوة طلعت اكمل شغل واني حيل مابية بالكوة واكفة على رجلي
سمعت حس نجوى ماصديت عليها ادري اذا ادحج عليها انهار وما اكضب حالي
نجوى.. هجست ماما مو طبيعية وبالگوة واكفة تطبخ
رحت على فيروز حجيتي الماما موووو؟!
... اي وتهيري العصر نروح للدكتور
... ليش فيروز ليش عود امنت بيج عليش طعنتيني هساع شسوي گعدت. بالگاع ابجي
... زكحت بيها ولا كلمة
تسوين الأكولج علية وبس تهيري وانتي ساكتة
اجة شاهر كوتلو اريد اروح للدكتورة ويا نجوى. وماما
ماعترض
گال عليش تاخذون نجوى وياكم
.. صارلها جثير مطالعة خلي تشم هوا
... هذا هو براحتكم
... تهيرنا وطلعنا للدكتورة كل وحدة بينا شايلة هم بكبر الجبل.......
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!