_وشاء الحب_
( بقلم بسمة البياتي)
_البارت السادس _
شاهر....شبيج خيتي عليش كاعدة بالحوش
... نافع تاخر وبالي يمو مو من عوايدوا يتاخر هالكثر
... ذكري الله يمكن عندوا شغل وتاخر
منا النص ساعة اذا ما جة اطلع اشوفوا وين ظل
... فاتت النص ساعة والهساعوا مابين
شاهر اخذ قادر وراحوا يدورولوا
نعيمة... لاتظلين تفترين ركدي بمكان قابل نافع جاهل. وتايه بالدرب هساع يجي لاتخافين
... شلون ما اخاف اول مرة يتاخر هالكثر من يوم التزوجتوا مايوم جة فايت وكت
... مثل ما گال شاهر يمكن صار عندوا شغل وتأخر
... الله يسمع منج ويطلع عندوا شغل
فات الوگت ومحد جة منهم حتى امي خافت
طلعت گعدت اباب الحوش
للساعة وحدة محد ماكو خبر منهم محد جة امي راحت البيت خواتي طلبت من زلمهن يدورولهم
احلام... عليش ماجيتوا من وگت وبلغتنونا هساع وين يدورونهم
اصيل... دموعي تجري متربعة جدام باب الحوش مابية حيل اجاوبهم امي تجاوب بدالي
ابتسام...يولي كافي بجي راحوا يشوفهم وين ظلوا وان شاء الله يلگوهم بخير
... گلبي يگولي صاير شي اهجس بلوگة فوك صدري وفابضة روحي
من القهر بطني وجعتني ماصارلي جم يوم من عرفت بنفسي حبلة ونافع جان طاير من الفرح
يول نافع وين ظليت ربي دخيلك والله گلبي بعد مايتحمل مصيبة جديدة
ابن ابتسام صاح بمه جة قادر
حفزت بسرعة وركضت عليه
وينهم احجي نافع وينو عليش ما جة وياك
نعيمة.... احجي يول انفتت گلوبنا من الخوف عليكم نافع وخالك وينهم
قادر.... خلوني اخذ نفس شبلاكم مثل الذبان التميتوا عليه
نعيمة.. مگصوف العمر منو الذبان جاوب لابالمداس على ثمك
.... دحجت على اصيل ماكو شي لاتخافون نافع وهو جوة السيارة جاعد يصلحها وكعة على رجلوا وشوية مجروح
اصيل... لطمت على خدودي وصرخت لاتجذذذذذذب احجي نافع شششششبي مات مووووو
.... فان حظج نصي حسج بيش طالبتوا وروح جدي مابي شي لاتخافين بس يعالجون رجلوا ويرجع للبيت شاهر ظل يمو من يكتبولو خروج من المستشفى يجيبوا ويجي
... اخذني اشوفوا ما ارتاح ويبرد گلبي اذا ما اشوفوا بعيني
...وال برحم اهلج وين اخذج بنص الزلم اخوانوا اهناك وهو بردهة الزلم
هو وشاهر نبهوا عليه اي حرمة ممنوع توصل للمستشفى
نعيمة... الحمد لله المهم هو بخير وطلع منها سلامات
ابتسام ... مسحي دموعج الصايرات مثل البوري الحمدلله الزلمة بخير كافي تبجين وتفاولين عليه
امشي ارتاحي
.... مشيت وياها بس لساعني خايفة اذا ما اشوفوا جدامي ما ارتاح
احلام... ول قادر خما صاير للزلمة شي وماردت تخوفها
... والله يمه مدري شگولج حالتوا تصعب على الكافر السيارة ماردة رجلوا اليسرى ونازف دم جثير ببن ما موصلينوا للمستشفى رجلوا منتهية
مدخلينوا للعمليات بسرعة ومن خلصانة عمليتوا
الدكتور كايل اضطرينا نبتر رجلوا الحد الركبة
نعيمة... عزززززا العزاج اصيل تطينتي وتعزيتي
.... اششش جدة لاتسمع لاتحجولها شي
احلام... هساع هو شلونوا
... نايم بالمسكنات
الله يحبوا جانوا جايين للمستشفى كادر طبي من بغداد هما سولوا العملية
... قدر ولطف الحمد لله على كل حال المهم عايش وحسوا بالدنيا
اصيل... يومين وما اعرف عنو شي محد يخليني اروحلوا المستشفى
ثالث يوم گضبت شاهر من ايدو اتوسل بي
بداعت بنيتك احجي الصدك شبي نافع وعليش الهساعوا بالمستشفى ماطلع
... گعدي خلي احجي وياج
انتي مو كل اليهمج عايش وخشمو يشم الهوا
... اي اكيد ما اريد شي غير سلامتوا ووجودو بوسطنا
... والحمدلله زلمتج حي يرزق والله كتبلوا عمر جديد الخاطرج والخاطر جهالوا
بس يا خيتي الحادث ماجانت سهلة ولوما ستر الله يروح بيها وبسبب الحادث خسر رجلوا اليسرى
... جفلت ورجف جسمي شنو مافهمت يعني شلون خسر رجلوا
... انمردت جوة السيارة والأطباء ماكدروا يعالجوها ويوكفون النزيف اضطروا يبتروها
... يعني نافع تعوق
.... هاي حكمة ربج وانتي مؤمنة هساع اجة دورج تكفين ويا وتساندي نافع محتاجج الصابوا مو قليل هساع راح يبين معدنج الاصيل يا خيتي اصيل
....كلاموا انطاني قوة مسحت دموعي ودحجت بعينوا خيتك كدها واني راح اكون عكازتوا بدل رجلوا الراحت المهم هو عايش هالشي كافي
... كفووووو والنعم من بطن امي الشالتج
زلمتج تعبان والوجع هاد حيلو من يزول مفعول المسكن يظل يون من الوجع
... اريد اشوفوا
... من يطلع شوفي المستشفى كلها گرابتوا وعمومتنا واصدقائوا وين اخذج بوسط الزلم
... اليوم موعد طلعتوا من المستشفى
شاهر من البارحة جاب طلي حتى بذبحوا على سلامتوا
جابوا وفات للبيت ضعفان وتعبان تخبلت من شفتوا بكرسي المعوقين حجيت بخوف
عليش جاعد على الكرسي
ابتسام... بعدو تعبان من تتحسن حالتوا يكدر بمشي بعكازة تعينوا ويا رجلوا الثانية
... فاتوا الزلم جوة شاهر جابوا للمطبخ امي وخواتي والنسوان سلمن عليه
گربت منو حبيت رأسو ردت احب ايدو سحبها وباس راسي الحمدلله على سلامتك ابو بيتي وتاج راسي
... يسلملي راسج عمري
اهجسوا مكسور حتى الحجي بالكوة يحجي
جني فيروز ونجوى يمو حضنهن واخذ حسن حبوا وناوشنية
شاهر.. اخذي البنوات الزلمة تعبان خل يرتاح
التهينا بالشغل. الخطار للمغرب ناس رايحة ناس جاية
اخوانوا من جابوا من المستشفى بقوا شوية وراحوا
باليل هاج الوجع عليه ظليت ابجي على حالوا ما اعرف شلون اخفف عنو
جة المضمد ضربوا ابرة
انطيتوا باقي العلاج ونام
من اليوم بدت معناتي ويا يتحسس من وضعوا ومن يهيج الوجع يتخبل علينا
نفسيتوا تعبانة وبتعصب ويزكح من اقل شي حتى الجهال صاروا يخافون يجون يمو
باليل مجابلتوا وگاعدة
نافع. . اصيل اني بعد ما افيدج
... شلون يعني ماتفيدني
... تعوقت بعد ما مني اي فايدة لا أكدر اشنغل ولا اصرف عليج وعلى الجهال
شاهر لشوكت يبقى متحملني ومتكفل بكلشي حتى فلوس علاجي والدكاترة عليه
باجر اروح
.... وين
... البيت اخوي وانتي ابقي اهنا وفيروز دزيها البيت جدها
وحسن والبطنج امانتج ادري لا انتي ولا شاهر راح تقصرون وياهم
... انت مستوعب الجاعد تگولوا تريد تتركني وتترك جهالك
.. اذا اروح الناس راح تعتبرج منفصلة وما يحجون شي اذا اهلج تكفلوا لعيشتج
... واحنا شعلينا بحجي الناس نافع بروح اهلك ارجع الوعيك انت مو اول. ولا اخر واحد يفقد رجلوا الحمدلله الرجل الثانية سليمة وتكدر توكف عليها
.... لج بابا فهمييي اني انتهيت تعوقت اذا ابقى اهنا ادمركم وتضطرين انتي تصرفين عليه شغل بعد ما اكدر اشتغل ولا اكدر اكون مسؤول عن بيت وعائلة
... رحت للكنتور طلعت الذهب خليتوا بحجروا
... شنو هاي
... بيعوا وافتحلك كشك زغير بيع بي حلويات شغلة سهلة مايحتاجلها تعب وحركة مثل شغلك القديم
زت الذهب بالگاع وظل يصيح اريدوا بس يسكت ويهدي البيت راح يكعد على صوتوا
شاهر دك باب الغرفة ركضت فتحت الباب
... شصاير عليش حسكم عالي
... فوت هدي لابصيرلوا شي
.... شبيك خوية عليش تصيح
... اختك مجاي تفهم اني بعد ما افيدها
.... شلون يعني ماتفيدها
اصيل. يريد يترك البيت ويروح بعيش بيت اخو وفيروز يدزها للرمادي الخالة حسنة
... صدك تحجي وعليش كل هذا
... احسن مثل مدخلنا بالمعروف نطلع بالمعروف
... بهالسهولة تترك مرتك وجهالك
.... احسن مايجي يوم هما يملون مني ويعوفوني
.... اعرف شبيك ومن شنو ضايج ماتريد تظل بدون شغل.وشغلك القديم ماتكدر ترجعلوا
تعال اشتغل وياي بواحد من المحلات
..... شاهر بروح اهلك كافي ترى ديونك كثرت وافضالك غركتني
... لا دين ولا فضل مرتك لساعها ما ماخذة حصتها من ورث ابوية راح تشتغل بحلال مرتك مو من عندي وهذا كلوا بالاخير الجهالكم
والشغل سهل راح توكف تكيل للناس اليشترون وتحاسبهم
واني وصيتلك عكازات باجر ان شاء الله اجيبهن الك
اصيل. احساس العجز صعب نافع خلى ايدو على وجهوا وكام يبجي جة شاهر حضنوا ويشجع بي من طلع من الغرفة
فتحلي ايدوا حضنتوا بجينا اثنينا
... والله احبج بس الجاي يصير بيه صعب ودمرني
... الصعب نتجاوزو سوة اذا ما اكف وياك بمحنتك عجل شوكت اكف نافع انت صرتلي اب واخ وزوج لاتتركني بروح اهلك
.... الله يحبني رزقني بيج ياعمري
ولج انتوا الي صرتولي اهل وسند الله لايحرمني منكم
اخواني الي من لحمي ودمي من طلعت من المستشفى بعد محد سال عليه
... الله لايحوجكم عليهم
..بفضل الله ووجودكم ان شاء الله ما احتاجهم
... ثاني يوم شاهر جاب عكازات النافع
وأخذوا للشغل ويا بالبداية
تعب جثير لان مامتعود على هذا وضعوا
وبمرور الوكت صار سهل
ولدت وصار عندي ثلاث بنوات ووليد
فيروز نجوى ورغد وحسن
فيروزة ونجوى اغلى من رغد عندي
كل ظنهم اني امهم الحقيقة وحتى الناس نسوا منو امهاتهن
نجوى تصيح النافع بابا
كعدت اعلم بيها تصيحوا بابا
وهي تقلد فيروز بكلشي من تشوفها تكولو خالي
هي هم تكول خالي
شاهر يضحك يكول خليها على راحتها شتريد تسميني خلي تسميني عسى ماتگلي شاهر
اثنينهن متعلقات بي من يرجع من الشغل مايفارجنة وحدة تكعد من هين ووحدة من هين محاوطاتوا مثل خيالوا
بهالسنوات جثير امور تغيرت بالبلد تغير النظام وتغيرت الوضع ويا
زوج خالتي حسنة جد فيروز توفى رحنا للرمادي الفاتحتوا خالتي الكبر مبين بيها
من شافت فيروز حاضنتها وتبجي تذكرت المرحومة بيها
بنواتي من بدن يوعن عرفن اني مو امهن من الاسماء البجنسية بس هالشي ما اثر عليهن بشي
بقيت اني امهن وهنا النفس اليصعد وينزل
ا.... ني فيروز نافع بنت اصيل بالروح مو بالدم
فتحت عيني على الدنيا وهي امي غرگتني بحنانها وبحبها يمكن لو بنتها من لحمها دمها ماجان حبتني هالكثر
الله رزقني بعائلة لو ادور الدنيا كلها ما الكي مثلهم
اب حنون
خال الوصف قليل بحقة روحي متعلگة بي
واخت صديقتي وتوأم روحي
اما جدتي نعيمة لا هاي اني وياها امالخ
يوم دهن ودبس ويوم ثوم بصل ههههه
جديتي حسنة اموت عليها كل عطلة اروح يمها
بختصار هاي عائلتي
كلامي ولهجتي يوم مثل بابا ويوم مثل ماما وخالي هههه ما احب ازعل احد مني
اصيل. . هاج ودي الجاي وسلمي على عمج
... خلي نجوى تودي هذا الرجال من الله ما احبو
.. اششش انجعمي لايسمعج نافع عيب امشي سلمي ولاتخليني اشوفج الوجه الثاني
نجوى... كل مرة تكوليلها اشوفج الوجه الثاني وماتشوفينها
... تروحن من جدامي لا اضرب راس برأس صايرات عصابة
... جيبي اودي ابتليت بهالعم المشخوط
... وتاليييييي
... رايحة
اخذت الجاي وتصنعت الأبتسامة
هلو عمو شلونك
... هلا بيج ما شاء الله كبرانة ومحلوه
عجل خما اصغر واني من يوم يومي حلوة
بابا خزرني سكتت
ناظم..... ههههههههه بنتك من جماعة العجل ولو هو حتى انت لهجتك صايرة مدري شلونها
نافع... وشبيها لهجتهم تخبل
... انقهرت منو ادري يستهزء بينا
مديتلوا الصينية سويت حالي عثرت وگلبت الجاي الحار عليه
كام يكمز ويهفي الروحوا
... شششششبيج عمية لو ثولة
نافع...مصار شي خوية حسن اخذ عمك يغسل
... بابا عيونوا غدن دم من طلع عمي تقرب مني وكفخني بسرعة انهزمت من جدامو
صاح وراي اليوم اكسر راسج واربيج من جديد
اصيل... يالمصخمة شفينتي
.... عثرت ووكع الجاي خما متقصدة
نافع... عيني عينك تجذبين ولج من عيونج عرفت راح تسويلج مكسورة بسيطة خلي يروح واني اعلمج
.... طلعت ويا ماما ابجي
اصيل.. شوكت تبطلين سوالفج يولي عيب ترى كبرتي ماعدتي جاهلة كل فاينة تسويها اكبر من راسج
... ممسوية شي انتوا ظالميني
نجوى. هو وكع اكيد مو متقصدة عليش تحجون عليها
...انجعمي انتي الأخرى.
... ماما احجي ويا بابا لان تحلف بيه يضربني
... فلا عليه هالمرة منج الو انتي ويا تنجازون
نجوى. همست روحي البابا
... اي صح
ركضت صعدت فوك فتحت الباب على وسعة وصحت خالييييييييي
جفل وكعد الحيلو
.... ششششبيج ششصاير يولي
.. بابا تحلف بيه يريد يضربني عفية احجي ويا
.... من انعل ساس اهلج عبالي صارت مداهمة لو مصيبة مال اجي اني اكتلج بدال نافع
كعدت على الجرباية ابجي واشهك
ششششبيكم وياي صاير محد يحبني بابا كفخني على راسي ويريد بعد يضربني وماما اتكول بعد معلية بيج. وانت تصيح عليه
.... هههههههه ول يابة بطلي هالحركات محد يعرفج بكدي وره كل فاينة تعيدين نفس الحجي
اي بشريني شسويتي هالنوبة
... ماسويت شي جيت بكل ادب واحترام سلمت على عمي ناظم وقدمتلوا الجاي عثرت ووكع الجاي عليه
... صمطتي ابو ابو الزلمة ومامسوية شي
بنيتي من الاخير احجي الصدك عليش حرگتي
ضوجني يكول البابا بنتك هم من جماعة عجل ويضحك بستهزاء
... العجل تاج راسو وراس عشيرتو منعول الصفحة
... جيت بسدو وشبكت ايدو خالو حبيبي انزل احجي ويا بابا لاتخلي يضربني
... ناوشيني الذشداشة نافع خلفج وزتج على فادي ( گلبي)
.. كمزت بستو بخدوا وجبتلوا الدشداشة
طلعت انتظروا اباب الغرفة بدل وحدرنا سوة
خاتلة بظهروا ولأزمة الدشداشة
... شمفينة هالخبلة ومخليتك متعصب
نافع. محد راح يجيبلي الضغط والسكر غيرها
.. صلي على النبي خوية لساعها زغيرة
علمها وفهمها بدال الضرب
... ليش يفيد وياها التعلوم
... بنيتي عاقلة وتسمع الكلمة مو صح فيروزة
.... مديت راسي من ورة اي صح بعد ما اعيدها
... عجل امشي جيبلي جاي ودربالج من تجيبينوا مو تزتينو عليه
... ههههههه لا لا ما اوكعة
هاي حياتي اسوي مصايب وخالي وماما يطمطمولي
وره يومين باليل كاعدة ويا نجوى ننتظر جيت خالي من برا
فات هو وقادر كعدوا بالربعة
. نجوى. جيت كعدت بسد بابا وحضنتوا
وجت فيروز كعدت بالطرف الاخر وكضبتوا من زندوا
قادر.. كتلك امشي نكمل تعلولة يم احمد مارضبت هساع زين من وكعت بنص العصابة
فيروز.. اذا عندك تعلولة روح شكو مگابلنة وكاعد
... خو گولي اطلع برأ ظلت على هالكلمة
... حتى لو اكولها ماكو احساس
... الظاهر جلدج يريد جتلة بالحزام
. . هو وينو الحزام لوما لابس دشداشة
... ششششاهر تسكتها لا افين حظها
... هههههههه اصعد انام ولا هاللغوة
نجوى. لا بابا اكف عدنا موضوع وياك
.... اي احجي
... حبيبي خلي نروح للرمادي صارلنة جثير مارايحين اشتاگيت العمة امنة وبناتها
فيروز... اي خالي واني اشتاگيت الجدة حسنة عفية خلي نروح
.... الف مرة حجيت وعدت بالسالفة روحة للرمادي ماكو الوضع موزين سترن علينا
. فيروز... الناس مو رايحة جاية بس احنا من نريد نروح الوضع يصير موزين
نجوى.. ظلينا زن زن بم اذنو تعصب وزكح بينا
.فيروز .. جت جدة نعامة مدري شكاعدها بهالحزة يومية هيج وگت نايمة
نعيمة... خير ياطير شكو ملمومات وكاتمات على انفاسوا
... اني ونجوى كاعدات انگلوا تزوج نريد نرگص بعرسك قصدي نفرح بيك
وتفرح جدة خطية تريد تشوف عريس شوكت تحن علبها
قادر..... ههههههههههه واني اشهد على هذا الكلام حتى بجيتي وانتي توصفين حال جدة وهي تريد شاهر يتجوز
نعيمة... شوف حتى البنوات يريدنك تتجوز يمه شوكت اشوفلك وليد مو راح اموت بحسرتي
... قادر غص من الضحك وخالي فاتح عينو وخازرني
جرني من شعري يواش ( على كيف) همس راح اضيف صفة جديدة الصفاتج الماتنعد هم ممثلة وهم جذابة
... ههههههه شبيك خالي كاعد اتشاقى ويا جدة
صديت عليه وجت عيني بعينو صفنت وفهيت حسيت بشي غريب اول مرة احسو........
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!