_وشاء الحب_
( بقلم بسمة البياتي)
_البارت الخامس و الثلاثون _
گضبتها من شعرها ملختها ماما وخالاتي يجرن بية
اخير شي جتني دفعة قوية من منال
اختل توازي ووگعت على ظهري بالگاع
من الوجع اهجس ظهري انكسر بالنص
نعيمة...يبوووووو راح الجاهل انگصف عمرج على هالدگة والله اذا يصير بي شي اطين عيشتكم
أصيل... غديت نار اول نوبة اصير شرانية وادور كوان هديت على منال ت أابرد گلبي بيها احلام گضبتني
دخلي يجي شاهر ويصير خير
منال... على كيفكم ترى ماقاصدة بس ردت اوخرها من ايات احنا شمعرفنا بيها حبلة
لو خايفة على حالها ماوكفت تتكاون
امنة... عشنا وشفنا بنص بيتها وتهدون عليها شكثر وكحات الخاطر الله
... هساع صرنا احنا الوكحات وهي البريئة عجل منو الجتي هدادة ومابقت كلمة ماحجتها وطعنت ايات بشرفها حتى الكونة هي البدت بيها.
ابتسام... اصيل امنة كافي گومو فيروز اخذوها الغرفة امي تا يجي شاهر ياخذها للمستشفى
وانتي منال ادعي ربج مايصير عليها وعلى الجهال شي ذاك الوكت صدك تصير موخوش بينا
نجوى... أخذوا فيروز للغرفة
أيات وأهلها الوجة صوفرت من الخوف ما جانن يدرن فيروز حامل
گرابتهن كلهن سلمن وطلعن منال من خوفها راحت وياهن
ظلت ام ايات وخواتها وجناينها
فيروز... انجضعت بفراش جدة والكل واكفات فوك راسي
احلام... متوجعة
.. لا هساع احسن
نعيمة.. يالعرمة لاتجذبين كولي شنو اليوجعج
... ماكو شي شنو بالگوة تريدين شي يوجعني
بالبداية ظهري توجع وهساع احسن
احلام.. أصيل دكيتي على شاهر خلي يجي ياخذها للمستشفى تا نطمن
... اي هساع هو بالظريق
فيروز...يبوووو يمعودات شبلاجن قابل الجاهل لازك بعلج من اقل شي يگع مابية شي
نعيمة... ولا كلمة خلي اطمن بالأول وبعدين احاسبج
... والله حلوة هاي تطمن علية وبعدين تحاسبني شلون رهمتيها ما ادري
فات شاهر مبين مهبوط
شاهر.. شصار شبيها فيروز
نعيمة... تكاونت ويا ايات ومنال دفعتها ووكعت على ظهرها اخذها للمستشفى شوف وضع الجاهل
.. شششششحجيت اني الف نوبة نبهتج وفهمتج معليج بيها عليش ماتسمعين الكلمة
.... من زكح بية تخبلت
فوكاها انت ابو الراهي گرابتها ملمومات وهلاهل وگاعدة بالنص مكيفة واني لأزم اشوف كل هذا واسكت موو
ماتحملت صرخت ولطمت تخبلت شكو قهر بگلبي طلعتو
ماما وخالة گاضباتني واني ارافس من بين ايدهن
اجة شاهر حضني ادفع بي ووووخر لاتگضبني كل الگاعد يصير بية انت سبوو
شاهر... ول يابة بطلي خبال هساع يسمعون حسج عبالهم جاعد اجتلج الخاطرهن
..... شكثر جنت مناهرة وحسي عالي من حجة هيج سكتت
عززا بس لا صدك عبالهن جتلني
سمعت حس خالاتي يضحكن
ابتسام... ههههههه واني أكول هاي شراح يسكتها تالي بكلمة خنست
امنة....ما انلام من احب سوالفها ههههههه
نعيمة... يولو مو وكت شقى وضحك كوم اخذها للمستشفى
شاهر... جيبولها شي تلبسو فوك هدومها امنة تعالي ويانة
.... صار خوية
.... گاعد أكولكم مابية شي عليش ماتصدكون
...تهيري وانتي ساكتة يلا بالعجل
نجوى.. .عمة امنة گضبت ايد فيروز وطلعن
بابا واكف بالمطبخ گبل لايطلع صاح بعلو حسو
.. يمة هساع رايح ومن ارد ما اريد الكي طييير البششر هين مفهوم
نعيمة...نصي حسك وليدي خما نطردهم
منال راحت مو هين.
.... غير هالحجي ماعندي يلا امشششو
... الظاهر سمعو الكلام
.
لمن غراضهن وطلعن زعلانات
بس ايات ظلت طبت للغرفة وقفلت الباب
..اخذني شاهر للمستشفى
سوولي فحص وسونار والحمد لله الوضع طبيعي ماكو شي يخوف
من طلعنا شاهر خابر جدة طمنها لان خبصت
الدنيا كل شوية ادك تسأل
شاهر.. خلي انزل اجيب عشا
امنة.. مسوين خير من الله عليش تكلف حالك
... هساع برد شيأكلو
وتاهاي الوكحة تأكل زين
... صديت راسي ماجاوبت يحجي ويدحج علية من المرآيا نزل جدام مطعم
ظلينا اني خالة ننتظروا
دك تلفونو خالة دحجت على الشاشة
گالت
... منو هذا الطلي؟!
... ششنو يا طلي
... شمعرفني مكتوب الطلي
... ههههههه قحط اسماء ومسمينو الطلي
هههههههه اني ادري
... خلصت الدگة ورجع دك نوبة ثانية
اجة شاهر شايل علاليك الأكل خلهن يمي
و صعد
امنة.. ههههههه الطلي دك عليك نوبتين
... شاهر ابتسم وما جاوب رجع دك انطه رفض .
صار عندي فضول اريد اعرف منو هذا
اكولك منو هذا وعليش ما جاوبتو
... ابو ايات
خلي يطير مالي خلگو
امنة... ههههههههههههه الله ينطيك العافية من صدك ضحكت من گلبي فلا تنلام بهالأسم
... حتى الطلي نظلمو من نشبهو بي على الأقل هذاك حيوان كومة فوايد بي
مو مثل اخينا بالله حتى على عرضو ماعندو غيرة
فيروز... شكثر جنت ضايجة ضحكت على سوالف شاهر
رجعنا للبيت هم زين اهلها مولين والعار بالغرفة
تعشينا وصعدنا
... تعالي الحضني ام لسانين
.. مااااا ما اريد
.... عجل مو من اصد تتحارشين بية
... عششتو على شنو اتحارش لاتخاف ما أصل يمك
... خوش تصبحين على خير بنيتي
... اشو هذا سواها صدك انطاني. ظهروا ونام
سكتت شوي
تالي حجيت بغضب
اي تريدها من الله تزعل طبعآ اكو التنوب عني بعد شتسوي بية
طز بفيروز والي خلف فيروز تموت تنقهر اطك عادي مو مهم
... حرت واحتاريت بزماني وياج
اكولح تعالي ماتجين انطمر تضوجين
حرت شسوي وشعمل وياج تا ترضين علية بعمر ١٨ سنة وما اكدرلج عجل من تخشين بالثلاثين شتعملين بحالي
... حجي يفيدك انت متغير لاتنكر ماعادت نفسو شاهر الأولي
اجة حضني وطوقني بيدو ورجلو باسني من حلكي قوي.
وخر وگال.
... صح ماعادت نفسو شاهر الأولي گبل جنت عاشگج هساع ميت بيج
... اي اي قشمرني تدري بية فطيرة وبسرعة اصدك
....الي مثلي مايعرف يقشمر ولا يعرف يتلاعب بالحجي هذا الكلام طالع من گلبي
... ممممم امووووت على گلبك
نجوى... ثاني يوم ام ايات وخواتها اجني يحجن ويانة من وره خشمهن سلمن على أيات وراحن
فيروز.. قبل الغدة . وكفت قريب من غرفتها
وححيت بحس عالي
ايات ما اريد تنجمع وياي على سفرة وحدة وما اريد الجح خيالهت باي مكان
الوكت الي اكون بي هين جوة ديربالها تشوفني خلقتها بالحرام هالنوبة اخش بخطيتها
جتلت حالها على الرجعة الهذا البيت خلي تتحمل الذل لان هذا مستواها
اصيل. جيت سديت ثم فيروز بيدي
كافي الخاطر الله وانبيائة
هساع مو جاعد ادحجيها مجبوبة بغرفتها ماكو داعي للعصبية وهالكلام
... الو داعي ونص حتى يكون عدها علم
شاهر گالي شتسوين سوي براحتج
... ماشي اكيد سمعتج وما راح تطلع كافي تعاي فوتي للربعة تا تتغدين
رجعت للربعة الحلو محد يكدر يناقشني حتى نعومة
من اليوم ايات حبست حالها بس وكت التريد تتزقنب تطلع تصب وترجع للغرفة
قادر صارلو جثير ماجاي الهين شاهر مايحاجي
اليوم باليل اجة تصالح ويا
شكلو تعبان ولا عبالك نفسو قادر القديم المرح وابو الضحكة الحلوة المتفارك وجهو.
نجوى من سمعت حسو صعدت. الغرفتها ماحدرت الحد ما راح
خالة احلام دوم تشكي منو اتكول امرمر سمر
ماينطيها وجه ومن اقل. كلمة يزكح بيها
رغم البنية فقيرة ونادرة الكل بالبيت يحبوها الا قادر مو طايقها
خالة احلام نوبات تگعد تلوم بحالها اتكول صوجي اني ضغطت علية وخليتو يتزوج ويظلم هالمسكينة ويا
بدة دوام المدارس
ايات هالسنة هم داومت هين
سمعت من نجوى اتگول من تصعدين الغرفتج.
تطلع تگعد يم جدة ادگلها ناعم وتحاول تراضيها
والحمدلله جدة لابستها وماتنطيها وجه
بيدي المشط امشط شعري
دحجت كومة شعر بي يبوووو تخبلت
عقلي يطير اذا توكع شعراية وحدة
جثير خلطات وزيوت واحسن الشامبوات استخدم ومگاعد يجيبن نتيجة يمكن من القهر والحمل گاعد يگع
دورت بالتلفون على خلطات طبيعية لكيت وكلهن من الثوم
اني هم ما گولت باطل
باليل من فاتو نامو وشاهر گعد يشرب نرگيلة فوك اخذت نجوى وحدت
... هااا شراح تسوين
... كعدي هرسي الثوم وياي
... بربج اكو واحد يخلي ثوم باليل شلون راح تنامين
... عادي قابل شصار نحط جيس على شعرنا تا ماتطلع الريحة
سويت واهس النجوى تا هي هم تخلي
كالت باجر جمعة يمكن راخ اخلي
رحت جبت سلة متروسة ثوم
كلهن هرسناهن وليصنا شعرنا بي
ريحة المطبخ عبارة عن ثوم بثوم
من كثر الريحة اهجس عيوني حرگني
نجوى... هساع انتي مخبلة والحمل مأثر عليج اني شبلاني وتهورت دحجي حالي الي يسوي طرشي هم مايخلي بي هالكثر
... انجعمي قابل ضربتج على ايدج
لوما كيفج رايد ماجان خليتي لاتبليني
صعدنا فوك نمشي والريحة جدامنا وورانا
شاهر ماكو مبين طب للغرفة
فتحت الباب وتمشيت بزود
شاهر رفع راسو گال
... يولي شنو هاي الريحة
.. هاا هاي خلطة الشعري گاعد يوگع
.... ومالگيتي غير الثوم تخلينو وبهاليل بعد جم شهر تصيرين ام شوكت تبطلين خبال
... اوووو شدعواك يعني الي يخلي الثوم الشعرو مخبل عجل الناس شلون تأگلو
... ينحط وبا الأكل مو نغرك الراس بي
ول يابة اكو حرمة عاقلة تنام بسد رجلها بهاي ريحتها
... لاتخبصني اذا تريد اروح من هين واتركلك الغرفة
.... ياريت
... هاا هيج صار الحجي ماشي شاهر بسيطة
... تصبحين على خير بنيتي طفي الضوا بدربج
.... اهجس غديت نار بس بالگوة ساكتة
تركتو وجيت الغرفة نجوى.
... هههههه بس لا انطردتي
... عشتو منو يگدر يطردني
خوفت لا لفراش يصير ريحة جيت انام هين
وعود فراشج نغسلو بعدين
... ههههههه اي صدكتج
يولي راسي گاعد يوجعني ما اكدر انام اهجس جبل فوكو
... جيت نمت بسدها
الله وكيلج راسي هم غدى طبل
سكتنا شوي اريد انام ما اكدر
... فجأة فيروز حفزت من مكانها جفلتني
يولي شبلاج وگعتي گلبي
... ابوج عليش ما رادني انام بالغرفة مو گبل يتخبل اذا تركتو الحالو
... تلكي راد يزحلكج تا ياخذ راحتو يمكن لكي حب جديد
... اي أكيد ويمكن يريد يجيب ايات للغرفة ولكاها خوش فرصة
... هههههههه الله يهديج. يولي گاعد اتشاقى لاتصيرين ثولة اياتيش بهاليل
كفيلج الله الميت اذا نمنا بسدو يكمز من الريحة حقو مارادج
... تركتها وطلعت. مشيت يواش وكفت جدام الباب وخليت اذني
ماكو اي حس معقولة مو هين وحدر يمها
اكثر من دقيقتين واني واكفة
فجأة وبدون مقدمات وسابق انذار انفتحت الباب لو ما ستر الله وشاهر يگضني جان وگعت على وجهي بالگاع
عليش واكفة بسد الباب ومافتي گبل
... هااا لا ما واكفة هساع جيت و انت فتحت الباب
.. لاتجذبين ادري بيج واكفة ومخلية اذنج
.. اوووي عليش مگاعد تصدك
بعدين انت شعرفك اني بسد الباب
... ريحتج سابقتج بنيتي صرتي تنعرفين من ريحتج گبل لاتخشين
.. انت عاد ظل اطمغني
الا اگص شعري تا ترتاح.
... تا اگص راسج وره
گوليلي واني اجيبلج زيوت وعلاج بدل هذا الخبال
... اهووو وتالي
... عليش رجعتي وواكفة تتنصطين
... هاا لا ما اتنصط جيت اخذ مخدتي ما اكدر انام على غيرها..
... حتى جذب ماتعرفين تجذبين
ول يابة شنو نسيتي صدري وذراعي مخدتج خاف ناوية تأخذيني وياج
.... خرب شكثر فشلني
...فوتي نامي هين والله يعيني على هاي ريحتح
.... مااااا مااريد مان علية حضرتك
تركتو ورجعت
للصبح ما گدرت انام من الريحة ونجوى المسكينة يمكن فقدت الوعي
ثاني ثلاث مرات سبحت وبطل شامبو خلصت من غير الزيوت البيهن عطر ودهن العود
وشعري بعدو ريحتو ثوم
من قهري گعدت ابجي.
نجوى. هذا اليسمع كلامج الأحد عندي دوام شسوي راح يگع شعري من الغسل والريحة بعدها بس ناقص اغسلو بجلافة خشنة
... الحال من بعضو اذا انتي مستحية من صديقاتج اني زلمتي راح يطلگني
... عود اني اخطبلو احلى وحدة بصديقاتي
. شلت المخدة وزتيتها عليها وهي تضحك
ابتسام.. يمة عندي سالفة وياكم انتي واصبل وأريد تساعدوني بيها
نعيمة.. خير ان شاء الله شنو سالفتج
.... رايدة نجوى النزار اريدكم تحجون وياها وتقنعوها
... واختج احلام خما تزعل لان طلبتها گبلج ومارضت
... عليش تزعل الزواج قسمة ونصيب ونجوى مو قسمة قادر
ابنها هساع مزوج ومستقر
والبارحة طلعت حرمتو حبلة
وحتى ترتاحين
اني حجيت ويا احلام گالت توكلي على الله اذا صارت القسمة ماتلگين احسن من نجوى
... اذا علية اكيف نجوى ماتلكي احسن من ابن عمتها
المشكلة بأم راس اليابس جاتلة حالها على المدرسة وياهو اليطلبها ترفضو
اصيل.. حجي امي صح نجوى ماترضى تتزوج اذا ماتكمل كلية
احجي وياها بلجي هالنوبة تقنع
... امشي صيحيها خلي اجس نبضها
نجوى.. اجتي ماما گالت تعالي عمتج ابتسام رايدتج بموضوع
حدرت وياها
كعدت جدامها ومن حجت انصدمت بسالفتها
عزززا شنو نزار
جاوبت بسرعة
عمة مو تدرين بية رافضة الزواج هساع من اكمل دراسة عود الله كريم
... يولي محد يمنعج من دراستج
تدرين بنزار اشكثر يحب الدراسة ويشجع عليها
من راح تصيرين حرمتو هو يساعدج وان شاء الله ويا تحقيقن احلامج وتاخذين الشهادة التتمنينها
... اوووف هساع شجاوب
عمة والله صعبة اعرف بحالي ما اكدر اوفق بين الدراسة والزواج
لو ما دراستي ما الكي احسن من نزار
الله عليج عذريني ولاتزعلين مني
... ما ارضى بهذا الحجي ما اريد جواب هساع فكري زين يلا جاوبي.
... ماما وجدة ظلن يقنعن بية
اهجس اختنكت بس اريد اكوم من جدامهم
تركتهم وصعدت
فيروز... هاا عليش انهزمتي
... عجل شتريدين اسوي
. فكري مثل مگالتلج
ماتلكين احسن من هيج قسمة لاطيرينها من ايدج
واذا على قادر جبري حالج وانسي
لشوكت تظلين رافضة الزواج
عيشي حياتج مثل ماهو عايشها تزوج وراح يصير اب ماكو امل بجمعتكم لو واحد بالمية
... ومنو گالج متأملة منو شي بس المشكلة الي بالگلب مو بسهولة ينسي
... ان شاء الله تنسين وتتعوضين خير بحياتج الجاية
... الله يسمع منج
ثاني يوم باليل الكل مجتمعين يتعللون
قادر ونزار هم موجودبن
من بين السوالف حجة زوج عمتي ابتسام ويا بابا وطلبني منو
بابا ماعترض گال اخذو رأيها اذا توافق گبعو وأخذو الرأي الأول والأخير بيدها
قادر ماتحمل الكلام ترك الربعة وطلع الكل ظلو صافنين على تصرفو
دقيقة واجاني مسج على التلفون
... هساع وجدام الكل ترفضين لا اجي احرك اهل اهلج
واخليهم يطلعون جنازة نزار جدامج وتكونين انتي السبب بموتو
احترك گلبي من كلامو هذا شبلاه
لشوكت اظل هيج ياهو الجاي يهدد بية
عمة گاعدة قريب مني گالت
هاا يولي شوكت تريحين گلب عمتج وتوافقين
بالحظة قهر وغضب حجيتها
هذا هو عمة اذا اهلي موافقين اني هم ماعندي اعتراض .......
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!