رواية وشاء الحب الفصل الثاني والعشرون 22 - بقلم بسمة البياتي

_وشاء الحب_
( بقلم بسمة البياتي)
_البارت التاسع  عشر     _

... شاهر نفض ايدوا من قادر وصعد يركض ثواثي وسمعنا صراخ تهاني ملى البيت.

ركضنا كلنا الفوك
ماما وجدة وقادر يدكون الباب ومحد يفتح وصراخ تهاني يزيد

نعيمة... عززا العزاني راح تموت البنية جوة ايدوا
ول قادر اكسر الباب

قادر... ششششاهر راح اكسر الباب والخلقك

... قبل لا قادر يسكروا بابا فتح الباب وحدر بسرعة
قادر مشى وراه

نريد نفهم شبيهم وشنو السالفة ماندري
طبينا للغرفة تهاني غادية جنازة من الجتل خشمها وحلكها يصبن دم

نعيمة... يولي شمفينة وأجة الزلمة شايش عليش ساكتة  احجي لاتشلعين افادي

اصيل.... ول تهاني فهمينا تا نساعدج

... تهاني تبجي بصوت عالي وماتقبل تحجي شي
صرخت بالكل اطلعوا عوفوني وحدي

.... فان حظج مو صوجج صوج المحروك گلبوا عليج وجاعد يسألج

... حدرنا جوة والفضول يقرأ الف 
جدة خابرت بابا ميجاوب
ودكت على قادر حجة كلمتين كال لاتخافون هيانوا شاهر يمي

نسينا السالفة ووكفنا نحضر العشا
فات عامر ونزار گالوا افتحوا باب الاستقبال

فيروز.... منو جة
... اخوان تهاني وأمها

... اني ونجوى وايات وحدة دحجت على الأخرى
فاتوا اخوان تهاني
جدة والولد گعدوا يمهم بين مايجي شاهر

أيات..مبين السالفة جبير

نجوى.. ما ندري الله اليستر
ام تهاني صعدت فوك يم بنتها
جة بابا وقادر فاتوا للآستقبال

اصيل... حضروا الجاي وصيحوا واحد من الولد ياخذوا الهم

... سوينا الجاي وجة نزار اخذ الصينية

اصيل... ول نزار شگاعد يصير جوة

... الله وكيلكم مافهمت شي ناس تجر بالبطول وناس بالعرض هساع افهم واجي اگلج

... مصگوعات وين موليات گعدوا هين

فيروز...والله هساع لو تربطيني بحل هم ما اگعد اريد افهم شصاير
عفنا ماما تحجي وكفنة وره الباب تهاني وأمها هم وياهم

.اخو تهاني حجة خوية بسا هدي وفهمنا السالفة وعليش جمعتنا وسصاير و جاتل تهاني هيج

شاهر... اسأل امك المرة العاقلة الجبيرة خلي هي تحجي

...يمة ترى تهاني حجتلي انت فاهم السالفة غلط احنا ماجبنا طاري احد
واسأل امك بنفسي حجيتلها على كلام الحرمة الكشفت التهاني

نعيمة.. يا سالفة غير افهم بالأول بعدين تشهديني

.... بحظج وبختج مو گوتلج جارتي اخذتني يم حرمة تشوف شنو سبب التابعة وكالت عمل والمسوي من طرف زلمتها

... اي صح هذا السمعتوا منج

غازي... عجل وين المشكلة الجبتنا علمودها

شاهر....دام امك ماحجت كل الكلام اني راح احجي
امك المؤمنة التخاف الله هي وحرمتي المحترمة
رايحات على سحارة

... اكف يا سحارة الحرمة علوية وكشافة

.... جاعد تضحكين على منو انتي شنو الجدامج  زعطوط
گبل شوي اخذت اسمها من بنتج والعنوان وتعنيت سألت عليها والمنطقة كلها تعرفها تسوي سحر وشعوذة
واذا والدج مامصدكين روحوا بنفسكم تاكدوا

.... صخام بوجهج نورية والله يمة ما ادري بيها تسوي سحر اني على نيتي رحت جيرانة قشمرتني واني ام معلوك گلبي على بنيتي وشيكولولي اسوي مثل الغرگان ويتعلك بكشاية

... عجل خوش بهاي انضحك عليج
واصيل شششدخلها بالسالفة؟!

.. ام تهاني ظلت تمتمت هاا شبيها اصيل منو الجايب طاريها

..... استحي على الشيب التارس راسج جاعدة جدام الكل تجذبين

غازي... الزم حدك لهين وبس لاتجاوز حدودك

..... هاي. امك الحاعد ادافع عنها  تفتر على السحارات 
ووين ماتكعد يم گرابتنا اتكول اصيل مسوية سحر البنتي ماتريدها تخلف تا تظل هي وجهالها الكل بالكل ومكوشين على كلشي

... يمممممممه صح هالحجي

... هاا لا يمة جذب اصيل مثل بنواتي شلون احجي عليها

....  هسسساع اخابر ام قصي تجي هين  موبس هي يم كل الحجيتي جدامهم وعود جذبي
بنتج بنفسها گبل شوي اعترفت وگالت امي شكت بأصيل

نعيمة... انكص لسانج يا مثبورة بنواتي مربيات ويخافن الله حسبي الله عليج

....ام تهاني بدموع وخوف هي الحرمة انطتني مواصفاتها
وجانت حزة شيطان وصدكت

.. صار صياح جوة اخوان تهاني يتعاركون ويا امهم

شاهر.... تروحن فدوة المداس اصيل وهساع اخذوا اختكم وياكم معد الها مكان ابيتي وبين اهلي

فيروز... غديت نار اريد افوت اكطع الحياية
صديت ماما ورانا وترجف فاتت من نصنا وطبت للربعة

اصيل.... طبيت عليهم الكل رفع راسو علية
اني اسسوي سحر تا اهجم بيت اخوية واحرموا من الخلفة ول تهاني هاي جزاتي بس فهموني وريحوا گلبي بكلمة شنو البدر مني وخلاكم تشكون بية علگت اصباعي العشرة شمع الج والأهلج من تحبلين بيدي اسويلج الأكل واحطوا جدامج احير شسويلج وهساع طلعت اني سبب حرمانج من الجهال
حسبي الله ونعم الوكيل سلمتكم بيد الله

اخوان تهاني اعتذروا منها وكاموا كدامها لزموا تهاني شبعوها كتل حتى ويا امهم تعاركوا

غازي... خوية الخاطري امسح الصار بوجوهنا ولاتكبرون السالفة ومن هالحزة انطيك كلمة امي معد الها شغل بتهاني وما توصل يمها بس لاتكبر السالفة وتوصلها للطلاگ

.... اني الخاطركم الحد هالساع ساكت وماسويت شي لان موقفكم كبر بعيني اختكم اخذوها وياكم اذا ظلت هين ماراح تبقى سالمة

.. راح ناخذها بس وال يرحم ابوك لاتفكر بالطلاگ

.. هساع اخذوها وعود الله كريم.

.... اخوان تهاني اخذوها وراحوا ماما سكتت وبعد ماحجت اجة شاهر عليها باس راسها اشكد. حجة وياها ما جاوبت

اصيل... اهجس وجع بكل جسمي لساني نربط
سمعت حس اذان المغرب
كمت من مكاني طلعت للحوش

رفعت راسي للسما وفكيت زيجي بجيت بقهر
ربي مايوم شكيتلك بس هساع فاض بية معد اتحمل عليش ياربي الفقير دوموا مظلوم ربي حگي اريدوا منك هاي النار البگلبي محد يطفيها غيرك الك المشتكى
  حسبي الله ونعم الوكيل

نجوى... واكفين اندحج على ماما تبجي وتدعي من القهر كعدت تلطم
جينا اني فيروز كضبنها شو صارت مثل العجينة بيدنا غمضت وما عادت تتحرك ملابسها تنگعن مي مدري منين جة

فيروز...مامااااااا الله عليج رددددي
ول نجوى امششششي صيحيهم

.. طبيت اركض صحتهم بابا وقادر جوي شالوها جدة حتى حيل ماظل بيها تريد تكف ماتكدر
ايات جابت عباية خلتها على ماما اخذوها للسيارة

فيروز..صعدت وياهم رادوا انزل زگحت بيهم مااعوفها

طلعنا للمستشفى وامي ماكو ماتكعد
جدة وخالاتي جني ورانا خابروا بابا گال بالطريق هساع اجي

فحصوها كالوا وضعها ووضع الطفل ما زين لأزم ندخلها عملية قيصرية بسرعة جهزوها للعمليات ودخلوها

جة بابا متخبل مايدري بسالفة عبالة تخربطت من كيفها
هساع هي بنهاية السابع

واكفين ننتظر. وايدنا على گلبنا شبعت بجي
جة بابا لونة مخطوف بالكوة يحجي سأل شبيها مو بعد وكت على ولادتها

جاوبتة خالة احلام عادي تصير جثير نسوان يولد بالسابع

نجوى سودة علية كل شوية تتصل على خالة ابتسام وتبجي

تاخرت بالولادة ومن طلعت الدكتورة كالت وضعها ووضع الطفل حرج  راح يخلونها بالعناية المركزة والطفل بالخدج

الخبر نزل مثل الصاعقة على رؤوسنا بابا كعد وخلى ايده على. راسة ويبجي خالاتي تهسترن اما جدة ماتحملت تخربطت

عيوني على الكل شاهر هو وقادر برا من سامع ما ادري وين رايح

تلفون خالة بيدي دكت نجوى

جاوبتها واني اشهك من البجي

نجوى... الله عليج لا تكولييييين ماما بيها ششي هساع گلبي يطك وامووت

.  يولي ششششحجي وشكول امنا حالتها خطرة
ادعيلها بلكي الله يباوع الحالها والحالنة

.. زتيت التلفون گرفصت حضنت رجلي وابجي

ايات... كولي يا الله ولاتخافين ماعليها شي منا الباجر تتحسن وكولي ايات كالت والنبي متفائلة

.. الله يسسسمع منج يولي اذا يصيبها شي امووت بدونها

   لا اسم الله لاتحجين هيج
ماعليها شي بس اهدي دحجي رغد شلون خايفة وتبجي وحسن جاعد بالباب من القهر

... اخذت رغد الحضني وظلينا نبجي سوة

فيروز... جت خالة احلام حضنتني صرت اناشغ من البجي

.... كافي گلبج راح يطك اصيل قوية وان شاء الله تكوم بسلامة وداعت قادر گلبي بارد عليها لاتخافين

...شلون ما اخاف ما اريد اتيتم مرة اخرى
بالاولى الله رحم بحالي واخذ امي گبل لا اشوفها بس هساع شلون بية ياربي اخذ من عمري وانطيها

... الله يوكف وياها بجاه الحبيب محمد
اصيل كافلة ايتام وام گلب الحنون ربج مايتخلى عنها

... وخرت من حضن خالة وجيت بسد بابا گضبت ايدوا

احلام... خوية اخذ فيروز رد للبيت گعدتك هين ماتسوي شي اني وابتسام هين گوي نفسك الخاطر هالمساكين

... ومنين اجيب القوة أصيل مو بس زوجتي امي واختي واهلي بدونها نضيع اني وجهالي
لمتني ولمت بنتي بالوكت الي حتى اهلي تخلوا عني ياربي اذا كاتبلها شي اكتبة الي واخذني بدالها

.... حضنت بابا اسم الله عليك
ان شاء الله تكوم بسلامة  ونفرح بشوفة طولها

.. أمين يارب.

...رادوني ارد للبيت ماقبلت كتلهم ما اتحرك من هين اذا ما ماما وياي

بابا اخذ جدة ورجعوا
ظلينا ننتظر وگلوبنا غادية نار
للفجر الله باوع الحالنة وماكسرنا بيها
كعدت ماما فتحت عيونها الحلوة
ووضعها شوية احسن

نجوى.. الفجر گاعدة اقرأ قرآن سمعت حسهم بالربعة طلعت اركض من وجوهم التضحك عرفت ماما گعدت
حضنت جدة وابجي من الفرح

اصيل... القهر الصابني بيوم التهموني مسوية سحر بس الله يعلم شكبروا احساس الظلم شي صعب

من تخربطت ما جة شي على بالي غير جهالي اذا صابني شي منو الهم بعدني اسمع حس بنواتي يصرخن ما اكدر ارد عليهن فقدت والهوا انگطع وبعد ما حسيت
قبل لا اصحى شفت فيروز ونجوى اجن علية گضبني من ايدي وكومني

من وعيت عرفت صارت عندي بنية وضعها تعبان وبالخدج انقهرت وبجيت على حالها وحالي

ورة يومين طلعت من المستشفى
وصلت للبيت واخذت جهالي الحضني فيروز نجوى حسن  رغد
لميتهم تحت جنحي  اهجس كل تعبي ووجعي راح بشوفتهم

نافع... ااخ اصيل بس الله وحدة يعلم شصار بحالي من شفت وضعج الله لايحرمني منج ام بيتي

.... فدوة الطولك بعد عمري ولا يحرمني منك ان شاء الله

جة شاهر حبني من راسي وتحمدلي بالسلامة استغليت الفرصة وحجيت ويا

خوية عندي حجاية وياك بروح أبونا اسمعي للأخير ولا تعترض

... اعرف الراح اتكولي اياج تحجين شي بالحرام بالگوة گاضب حالي تا ما أروح اخش بخطيتهم

... شاهر بغلاتي عندك افهمني الهين وبس بعد ما اكدر اظل بهالبيت
الحمدلله وضعنا المادي زين وكل هذا بفضل الله وفضلك هساع نگدر نفتح بيت ونعيش مستورين

خلينا نطلع خوية احسن النة والكم
والله يرضى عنك دنيا واخرى ويجعلك بكل خطوة سلامة وان شاء الله وين ما تصعد تلكي الخير جدامك
العدها اخو مثلك لو تظل تحمد ربها ليل ونهار قليل

... الخير انتي خيتي بيوم طبتكم الهذا البيت جبتوا الخير وجيتوا الله يشهد نرزقت بجيتكم
اصيل الف مرة كتلج هذا بيتج ومن باجر احول المشتمل بأسمج تا ماتحسين انتي گاعدة عدنا
يولي المنو تعوفينا اني وامي مالنة غيركم

... اياك تسويها وتحول المشتمل الي والله ازعل منك
خوية عليش مجاعد تفهمني بقيتنا هين بعد ماترهم
اني وحرمتك صعب نتوألم

... يا حرمة الجاعد تحجين عنها تهاني ما عادت حرمتي بنفس اليوم النزتيتي بي بالمستشفى رحت البيت اهلها لوما اخوها جان ماتت جوة ايدي ومن حزتها طلگتها

... لا شششاهر عليش هيج سويت الصوج بأمها مو بيها

.... هيج حرمة ماتناسبني

.. شاهر بروح ابوي ما اكدر اظل اني افضحت بين عمامنة والله صعبة

..دخلي اسمع احد جايب طاريج بكلمة اكص لسانوا واخلي بيدوا
اصيل كل گرابتنا يعرفونج محد مصدك الحجي  انسي الصار ولا تخلينوا بالج

فيروز... گاعد اسمع وعيني تفتر بينهم
من گال طلگت تهاني الكلمة ما هزتني ولا تأثرت بيها جنت اتمنى ماما تظل مصرة على كلامها ونطلع

بس للأسف شاهر عندوا قدرة اقناع عجيبة حتى بابا من جة حجة ويا هم كدر يقنعوا

طلع شاهر رحت وره

اكف اريد احجي وياك
صد علية احجي أسمعج

..... خالي لشوكت تظل مجلب بينا الخاطر الكعبة خلينا نطلع من هين

... صارلي ساعة ريجي يبس واني اقنع أبوج وامج انوبة جة دورج

... لاتعب حالك اني مو مثلهم مستحيل اقتنع

... وهساع شرايدة

... تعوفنا نشيل ما اريد اظل هين
واكف ومخلي ايدوا ورة ظهروا جة تقرب مني

.... تذكرين اليمين الحلفتوا فيروز ما الج طلعة من هالبيت انسي وهساع خلي اروح اتسوك للعزيمة تأخرت على قادر

.... صد يريد يروح حجيت وره راح اظل اكرهك للموووووت

... ههههه خوش يلا فوتي وسدي الباب لاتبردين

.... شطت من العصبية رگعت الباب قوي وطبيت

نجوى.... ثاني يوم من طلعت ماما سوينا عزيمة ووزعنا خير على سلامتها البيت انگلب گرابتنا كلهم جوي
الكل يحبون ماما والحمد لله من شافت حبهم الها وخوفهم عليها شوية ارتاحت وما عادت تفكر بالصار

بس ظلت خايفة على الطفلة وضعها الهساع موزين وبالخدج خطية عالية وعمة ابتسام يروحون يمها

اكثر وحدة فرحت بطلاك بابا وتهاني هي ايات الدنيا ما سايعتها

جنت اظن فيروز راح تفرح بس العكس صار الموضوع ما اثر بيها

وره فترة طلعوا جنة من المستشفى الحمدلله وضعها تحسن زغيرة وناعمة بالگوة تنشال
لان نولدت بالسابع

اليوم الظهر انصدمنا بجية عمة امنة هي وبنتها الزغيرة
ندري جهالها مدارس ما تكدر تجي
من كعدت وحجت عرفنا جاية زعلانة هههههه

امنة... معد ارجعلوا وخلي وحدوا يحير بالجهال

اصيل... هساع غير تفهمينا عليش تكاونتوا

... بعد هاي العشرة يزگح بية علمود مها

نعيمة... فان حظج يولي عبالي جاتلج

...ههههههه والله عندج سوالف زين عليش زگح بيج

.... مها مشيطنة معلعلتني بوكاحتها ضربتها لو تخبل تعصب علية الخاطر بنتوا
حلفت ما اظل بالبيت ومن الصبح خليت مصطفى يجيبني

فيروز.... هههههههههه عجل عليش جايبة مها وياج اذا علمودها تعصب عليج

... انجعمي ما كدرت ابقيها

... هههههههههههه اليوم شراح يخلصج من قادر اذا سمع.

...تسكتونها لا اخلي قهري بيها

اصيل. ههههههه ول فيروز بس

.... ههههههههه اول نوبة اسمع بهيج كونة زگح بيها علمود جتلت بنتوا ومن زعلت جابتها وجتي

نعيمة... ادري بعمر فقير والله بلاه بيج بنتي واعرفج تكاونين زياگج

... شلون بله اعوف البيت واهج

اصيل.. عوفوها معليج بيهم هم زين جيتي والله مشتاگيلج

فيروز.. جيت بسدها حضنتها لاتزعلين خالتي الحلوة گاعد اتشاقى وياج

... يمة أشكد حيالة يولو اذا جة قادر لاتحجولوا السبب ماناقصة دوختوا

...لليل جني خالاتي وقادر وياهن ومن سمع لعب بيها طوبة ههههههه

خالة ظلت ثلاث ايام بعدين جة عمو عمر رجعها

بهاي الفترة مرتين جوي علية خطابة واحد من گرابتنا والثاني من الجيران
وشاهر طلع عيوب الدنيا بيهم ورفضهم

ايات عينها تفتر علية واذا طلب شي تسبق الكل تا تروح تجيبة
عيونها فاضحتها مبينا عدها مشاعر تجاهوا

نجوى.... اليوم باليل جوي بيت عمة احلام يتعللون يمنا

ابو قادر... شاهر اليوم جايين وعدنا طلب يمك مانريد تردنا

فيروز... بسرعة شاهر دحج علية وخزرني
هذا شبي هساع اني شمسوية

شاهر... كول خوية اذا شي اكدر علية من عيوني

... ان شاء الله تكدر
نريد اناسبك رايدين نجوى القادر

... الربعة صارت هدوء لو نزت الابرة نسمع حسها قادر مدنگ ويفر بسبحتوا نجوى وجها غدة دم
من الخجل عافتنة وطبت للغرفة

احلام.. هااا خوية شو سكتت
قادر گبل لا يكون ابن اختك هو اخوك وصديقك وانت تعرفوا اكثر منا محد. يحافظ على نجوى ويصونها مثلوا

شاهر... بصراحة تفاجأت بطلبكم مامتوقعوا نجوى بعدها زغيرة وينها وين الزواج

نعيمة.. لا مو زغيرة احنا ازغر منها تجوزنا وفتحنا بيوت يول ماتلكي احسن من ابن اختك تأمنوا على بنتك

شاهر... اي يقادر شو ماسمعتلك حس لايكون خجلان

قادر... هااا حلومة دحجتي بعينج اخوج شلون لكاها فرصة علية
وانتي خبصتيني ول اثگل ولا تحجي شي

احلام... يول اگضب لسانك خلي ناخذها بالأول

شاهر... اذا علية ما الگي احسن منو القرار بيدها والأزم تاخذون راي امها

اصيل.. اذا القادر ننطي واحنا مغمضين

.. عجل اخذوا رايها واذا وافقت يگبع وياخذ

قادر....لا ترى بديت اخجل واتأثر  ولاجاي اعرفك خالي الغالي

... انجعم

فيروز.... أول مرة اشوف هيج خطابة
هههههه. ماما راحت تسأل نجوى

.... هاا بنيتي الحلوة يولن بسرعة كبرتن وراح اشوفجن عرايس

..... اني من وره اخوج راح احمض على گلبج اطمئني

.... فان حظج اششش لايسمعج
هااا نجوى عليش ساكتة احجي بنيتي ولاتخجلين شنو رايج بقادر توافقين لو لا

... انگضب لساني من الخجل ابد ماتوقعت بيوم قادر يخطبني  قادر بي كل المواصفات التحلم بيها اي بنية

..... احجي بنيتي

فيروز... اني اجاوبج بدالها موافقة

... انجعمي اريد اسمع الموافقة من ثمها

.... هااا بكيفج
... لا مو بكيفي تقبلين لو لا

.... ادري شنو هالاحراج گاعد تكولج بكيفج يعني موافقة ضروري تلحين

... بالحرام راح الفخج على ثمج انتي شحابج امشي اطلعي

.... غير انبطت مرارتي دحجي من هسة اكولج اذا صار بيوم ولو ادري مايجي هاليوم وانحطيت بمكانها من اكولج بكيفج بسرعة هلهلي خير البر عاجله

..... ههههه. على هذا لسانج يتورط اليأخذج
راح اسمع كلام هاي الوكحة وأكولهم موافقة خوش

.نجوى... هزيت راسي بخجل بمعنى خوش

اصيل.... طلعت بشرتهم شاهر شرط عليهم كلشي يتم بالعطلة المشية والعقد والزواج مايريد شي يشغلها عن دراستها وهما وافقوا

نجوى... الفرحة الأني بيها ماكو شي يوصفها
قادر من يجي عينوا علية انسحر بنظرتوا بيها كل الحب والحنان

جنا طايرين بس نريد تجي العطلة ونرتبط للأبد

بس اه من الدنيا وغدرها بالحظة الحلم تحول كابوس مالحكت افرح الظاهر اني مامكتوبلي الفرح.............

يتبع