رواية راهب ابو غضب الفصل السابع 7 - بقلم Zahra_Alhussnawy

راهب ابو غضب

بقلم زهراء الحسناوي
//

لمن كسر قلبآ 💔الملائكة دونت والله رائ

......................

لارا،،گعدت الصبح بنشاط عكس كل مرة
غسلت وبدلت لبست اسود نيلي وبلوز للركبه نيلي مقفل ب ابيض لفيت حجابي ولبست حذا ابيض رياضي

خليت شويه مكياج انتبهت لعيوني لونهن صار سمائي مو اخضر

طبعا ابوي دائما يگلي طالعه علئ بيبيتج عيونها خضر جانت كلش حلوة عدنه صورتها هي وجدي گاعدين يم بيت طين وسعف بالريف قديم

بيبيتي كلش حلوة عكس جدي بوكته يگولون جان رجال بكل معنئ الكلمه والكل تهابه وتخاف منه وجان خيال قبل عندة مهرة اصيله مسميها اصايل

كملت وطلعت لگيت الخط ينتظرني
وصلنه للجامعه نزلت اتلگتني ساندرا هي وشعراتها الطايرات ويه الهوئ

ساندرا،،اووو شنو هلنشاط اليوم خاف احسدج جايه من وكت ههههه

لارا،،حتئ اني مفاجئه بنفسي هههه

رحنه گعدنه ع المسطبه نسولف ونضحك بعدها دخلنه للمحاضرة كانت المحاضرة الاولئ ل استاذ عمار اسمع البنات وراي يتغزلن بوسامته بس بدون مايسمعهن

وحدة وراي گالت
يبووو عيون لوطرگاعة الله

ابتسمت علئ كلامها الابنيه زاحفه درجه اولئ ههههه
بدة يلقي المحاضرة بس اكثر نظراته مسلطهن اتجاهي عبالك بس اني بالقسم

انتهت المحاضرة ردت اطلع گال

عمار،،لارا ممكن دقيقه

لارا،،رجعت وكفت گدامه
اتفضل استاذ

عمار،،ما الله هداج وغيرتي رأيج

لارا،،احس صخنت من الفشله بس سويت السالفه بضحك گتله شنو السالفه استاذ

عمار،،راح اتجلطيني واني شاب والسالفه دوختيني بعيونج وانتي مثل الثلج ماحاسه بنار الموجرة بگلبي

لارا،،فتحت عيوني بسبب جرئته اول مرة اسمعه هيج يحجي او الاصح اول مرة اسمع كلام غزل بهلطريقه تركته وطلعت بسرعه من القسم واحس مصخنه من الفشله

اتلگتني ساندرا

ساندرا،،هوووب هوووب منو يركض وراج اجيتي طايرة شكو??

لارا،،اخذت نفس وگعدت احجيلها حتئ هي انصدمت لان استاذ عمار معروف بهدوئه وثگل شخصيته

ساندرا،،هذا عود الثگيل هههههه

لارا،،حتئ اني مصدومه

جنه نحجي انتبهت للشخص الدخل بكامل اناقته قاط اسود وقميص ابيض فاتح اول دكمتين منه ونظارة سودة رافع شعرة بترتيب

دنگت سويت روحي مامهتمه كملت كلامي ويه ساندرا بس من اشوفه احساس غريب يجتاحني كانه شي بداخلي مااعرف بشنو اوصفه بس اتوتر كلش ويبين عليه من رجفة ايدي

شفته اجه ب اتجاهنه بدون مقدمات وبدون تفكير مالگيت نفسي غير انتفضت من مكاني واتوجهت علي مثل الاعصار
هو منو مفكر نفسه وكل شويه ناطلي للكليه

گتله بنبرة تهديد

اسمعني استاذ راهب خاف عبالك اني من ذني البنات الي يدورن علاقات ترة انته غلطان

شفته حط ايده بجيب البنطرون نزع نظارته وباوعلي وهو رافع حاجبه اكره هاي النظرة

احس الگاع افترت بيه من سمعت صوت الدكتور من وراي گاله

دكتور علا، ،اهلا سيادة النقيب كنه ب انتظارك

لارا،،بقيت جامدة بمكاني
كال للدكتور

راهب،،اعتذر ع التاخير بس عندي كلمتين ويه ست لارا
لارا،،الدكتور راح وهو اتقرب منيي حط عيونه بعيوني ورفع النظارة بيدة ياشر بيها بااتجاهي

راهب،،مومشكلتي اذا تفكرين بيه الدرجة يتهيالج جاي علمودج

لارا،،تركني وراح ردت اوگع من الفشله السببتها النفسي حطيت روحي بموقف سخيف وبايخ

اجت ساندرا بس ماعلقت علئ كلامي مبين من وجهي بس اتگلي اشبيج اطگها بچيه يمكن اگعد الطم من فشلتي

اخذتني للنادي جابتلي عصير شربته كله مرة وحدة

ساندرا،،اشبيج عبالك گاطعه جزيرة وبعدين لتضوجين انتي ماغلطانه اليشوفه جاي كل يوم اكيد عباله عليج

لارا،،رجاءا كافي ادري تردين تهدين اعصابي لان اني غلطانه
خررب بحضي علئ تفكيري ودماغي المحجراات

ساندرا،،ههههههه ولج كافي باعي الشعواط الطلع من راسج

لارا،،بقينه كاعدين اريدة بس يروح ومااشوفه بعد هسه شراح ياخذ نظرة عني اكيد يگول هي التريد احجي وياها

جفلني صوته وراي يضحك ومنطلق ويه الدكتور بالنادي

شويه والدكتور اجا طالب صاحله وبقئ گاعد وحدة ردت استرجع شويه من كرامتي حتئ ليفكر اني راكضه وراه

حجيت بصوت مسموع لان صاير بالكرسي الوراي مباشرتا

اگلج ساندرا دكتور عمار رجع عرض عليه موضوع الخطوبه شتگولين اقبل
ولو اني قررت اوافق لان ماكو احد بشخصيته وثقافته انسان محترم والف وحدة تتمنا

حجيت هيج وساندرا فاتحه حلگها تباوعلي وتباوع للجها البيها هو

حسيت بخيال فوگ راسي رفعت راسي بكل ثقه

شو هذا طگها ضحكه صار وجها احمر من الضحك
شرب كاسة الماي الگدامي باوعلي ورجع ضحك لبس نظارته وراح

احس مثل دخان القطار يطلع من راسي شگد مستفز لالا اني الغبيه والبايخه ردت اصلح غلطي بغلط اكبر منه

ساندرا،،ههههههههه عرفج اتجذبين خرررب والله يلوگله منصب نقيب يلكفها وهي طايرة

لارا،،اسكتي لااطلع قهري بيج
بيني وبين نفسي صرت الوم بروحي اني ليش هيج حجيت بلحظة عدم ادراك وفهم؟؟

بعدها مر اليوم عادي بس اني الوب من الفشله شسويت بحالي لو ساكته اشرفلي اجيت اكحلها عميتها
جامعه شگدها شكبرها من دون الكل گمزتي عبالج جاي يشوف جهرتج

مااعرف اشلون انتهئ الدوام لان جنت مختنكه من روحي

رجعنه للبيت وساندرا گوة كاتمه ضحكتها ادري بيها اتخاف تحجي خاف اعيط بيها

دخلت لگيت خالي يمنه سلمت وصعدت الغرفتي

بعدها اجو رافد ومحمد من الشغل
محمد انعزالي بشكل موطبيعي نادرا نشوفه گاعد ويانه ع الاكل دوم اكله بغرفته وماعلي بينه لونحترگ يمكن هم مايطلع

ورافد عايش بعالمه الخاص ماله دخل بشي من يوم الراد يتقدم الوحدة اهلها حالتهم تعبانه كلش بس امي رفضت ومن يومها صرنه مانشوفه كلش حتئ مرات يبات برة البيت

بدلت ونزلت ميته جوع بس موقف الكليه ابراسي شجاني وحجيت خرب بحضي الفگر

جلال،،اشبيج بابا صافنه ليش ماتاكلين

لارا،،ها اي بابا هياتني دا اكل

سعاد،،بشري اشلونج بالدوام والامتحانات ترة مااتراجع عن ممتاز

لارا،،صار ماما تدللين انتي بس ادعيلي

سعد،،لارا خالو بس اغسلي ملابسي ذبيتهن بالسله

لارا،،هو اني ملابسي اتعاجز منهن حجيت بگلبي طبعا
صار خالو من اكمل غدة اغسلهن

كملنه وشلنه المواعين وكفت ويه امي اغسلهن

سعاد،،روحي اغسلي ملابس خالج اني اكمل المواعين

لارا،،هو ينفصل تضحك علي النسوان واحنه نبتلي

سعاد،،لارااا انجبي لااطيح حضج ياالله ولي اغسليهن خاف يلبسهن العصر

لارا،،رحت اتافاف ضايجه فتشت جيوبه خاف بيهن فلوس ادري بي منتف ولا فلس بس خاف ناسيله ربع
ويخبصني
مديت ايدي شو لزگت لعبت نفسي خرررب بالحض
طلعته علج معلوج وحاطه بكاغد والجيب الثاني كذالك
اخذت الدشداشه ورحت ل امي

شووفي اخوج يعلج ويضم العلج بجيبه تررة والله لعبت نفسي مجبورة اتحمل لعبان النفس خو مامجبورة

سعاد،،ديالله ذبي واغسليها هو علج قابل شنو

لارا،،شمرت الملابس بالغساله غسلتهن وجففتهن ماصدكت اشرهن واخلص
صعدت گبل للغرفه طلعت كتبي وگعدت اقرة

ماحسيت علئ نفسي من غفيت ماگعدت غير وامي تگعدني حتئ نتعشئ

لميت شعري بقراصه ونزلت واني مفتحه عيوني بالگوة بعدها النومه بعيوني
غسلت وجهي وتوضيت بعدها صليت وگعدت يمهم

جلال،،اكو مشروع لو ادخل بي اربح ذهب

سعاد،،صلوات علئ محمد صدگ تحجي وشنو هو ?

لارا،،بقيت اراقب كلامهم امي فرحانه اليشوفها يگول هاي تتغدة ماتتعشئ واجاها الفرج

جلال،،اكبر مشروع مال مطعم بحي ......ابغداد

اذا اشتري المطعم يعني انفتحتلنه ابواب السعد

رافد،،وشگد سعرة ?

جلال،،سعرة زين اذا باعو ب 500مليون

سعاد،،عندي فكرة ليش ماتدفع نص المبلغ والنص الثاني اداينه من اصدقائك وبعدين سدده من افلوس المطعم من الربح

جلال،،انتي عبالج الحجي بس تسفيط وثاني شي مااريد ادخل احد شريك وياي وينفس المشروع ويطيرة من ايدي قررت ابيع العرصه مالتي ويه المبلغ العندي واداين الباقيات من المختار بين ماابيع البيت. اسدد الدين

سعاد،،صدگ تحجي بعت البيت مال الگريعات بربع المبلغ ?
اشلون تأمن وتثق بواحد ماتعرفه

جلال،،اشلون مااعرفه ياسعاد رجال بالدوله واله مركزة واسمه ومعروف اصلا المثله مايهم للفلوس مبين ابن خير

لارا،،تركتهم وصعدت الغرفتي مااحب سوالف البيع والشرة
فتحت كتابي ردت اقرة اجاني اشعار ع الفيس
فتحت الموبايل شفته دازلي

راهب،،مساء الخير

لارا،،قريتها بس ماجاوبت ضايجه منه ومن تصرفه

رجع كتب
راهب،،ادري زعلانه اسف اذا بدرت مني كلمه بس انتي جبرتيني علئ هذا الشي

لارا،،هم قريتها وماجاوبت
دزلي

راهب،،بس جاوبي بحرف وريحي گلبي كافي عليه عذاب عيونج مدوختني

لارا،،ايدي لاااراديا رجفت ليش بس وياه هيج يصير بيه كتبتله
ماصار شي واني الي غلطانه ويه حضرتك

راهب،،اني فعلا جنت جاي حتئ اشوفج

لارا،،شنوو?

راهب،،اي اعترف اجيت اشوفج بس من شفتج عصبيه ماردت اضوجج
بس تدرين شكلج يخبل وانتي معصبه

لارا،،بقيت صافنه مااعرف اجاوبه

راهب،،شو خنستي

لارا،،تصبح علئ خير

راهب،،هههههه اوك وانتي من اهل الخير

بس قبل ماتروحين حاب اگلج كلمه خليها ترجيه بااذنج
شگد ماكثر عنادج تاليتج تحبيني
باي

لارا،،انتبهت علئ نفسي موطبيعيه عركانه وگلبي سريع خوف على ارتباك على توتر
شوكت عرفني حتى هيج يحجي وياي؟

شويه ودزلي مقطع ل اغنية كاضم الساهر

فرشت رمل البحر ونامت
وتغطت بالشمس
واني مثل النار اعصابي
يمته الحلوة تحس

بقيت اعيد بالمقطع كل شويه بدون مااعرف السبب
بعدها بقيت اتگلب مااجاني نوم غير وجه الصبح
حتئ من دگ المنبه گمت اسحل بروحي سحل النومه بطرف عيني

غسلت ولبست تنورة سودة وقميص ابيض وجاكيت اسود خليت كحله ومرطب شفايف رشيت عطر وبعدها لفيت حجابي ونزلت لبست حذا فلات ابيض

طلعت صار بوجهي ابو منذر صبحت ع الموجودين بالخط وانطلقنه مرينه بساندرا شو الاخت هم طلعت گوة مفتحه عيونها

ساندرا،،صباح الخير

الكل،،صباح النور

لارا،،اشبيج اليوم

ساندرا،،يمكن انعديت منج نمت متاخرة

لارا،،ههههه ليش

ساندرا، ،اجو اولاد عمي گعدنه واخذتنه السوالف مانمنه غير الفجر

لارا،،ليش همه وين ساكنين??

ساندرا،،ب ااربيل

لارا،،وصلنه للجامعه وابتدة اليوم عادي بين المحاضرات بعد ماانتهت اخر محاضرة

طلعنة صار بوجهي استاذ عمار

عمار،،اشلونجن بنات?

لارا،،طبعا هو اخذنه ثاني محاضرة بس كل مايشوفني يسلم

استاذ عمار،،ليش واگفات تعالن بدربي اوصلجن

لارا،،ساندرا رادت تحجي سبقتها
شكرا استاذ الخط علئ جيه

غمض عيونه بتعب اترخص وراح

التفتت علئ ساندرا كتلها

انتي ياهو اليگول اوصلجن ماتصدگين ترحين ركض وتسحليني وياج

ساندرا،،تدرين بيه ضعيفه كدام الكيك هههههههه

لارا،،انتي حتئ گدام البيدنجان ضعيفه

ساندرا،،لاوحش الطاوة مااحبه هههههه

لارا، ،رجعت للبيت وكالعادة خالي سعد وسوالفه وامي وتصنيفها ع العالم

بليل سبحت وصعدت شغلت الصوبه وگعدت كدامها
اباوع موبايلي مشتعل ضوه
رحت لگيت مكالمتين رقم غريب
بعدني دااشوف بالرقم رجع اتصل
بيه حاله مااجاوب الرقم الغريب

تركته يتصل بدون مااجاوب
اجتني رساله

اني استاذ عمار جاوبي

قريتها واتفاجئت استاذ عمار منين حصل رقمي
رجع اتصل اخذت نفس وجاوبته

الو نعم

عمار،،ينعم الله عليج اشلونج لارا

لارا،،تمام استاذ بخير بس خير اتصلت بيه

عمار،،لارا من الاخير اني احبج يشهد الله ورسوله احبج وموقصدي اتجرا واتصل بيج واگلج هذا الحجي بس تعبت وانتي مو حاسه بشي

لارا،،استاذ

عمار،،خليني اكمل رحمه الموتاج
والله من اشوفج گدام عيني بالكليه روحي تطلع
قدري هذا الشي وانطيني امل حتئ لو واحد بالميه
حتئ لو كان هلشي بصيص امل يكفي ابقئ انتظرج طول العمر
راح اعترفلج بشي انتي ماتدرين بي
حبيتج من اول يوم شفتج بي بالكليه يعني صار سنتين احبج بيني وبين نفسي جنت خايف اعترفلج وترفضيني وفعلا طلع شكي بمحله
بس ريحي گلبي وگليلي اذا اكو شخص بحياتج ?

لارا،،مصدومه بكلامه صح هو اتقدملي بس ماجنت اعرف حقيقه مشاعرة

عمار، ريحيني بكلمه الله يريحج

لارا،،استاذ

عمار،،اشتعلت عشيرة الاستاذ نفر نفر بويه گولي عمار اريد اسمع اسمي بلسانج

لارا،،اعتذر استاذ بس اشوفها صعبه اصيح الحضرتك ب اسمك لانك استاذي واحترامك من واجبي
اني گتلك قبل وارجع اعيدها مامفكرة ارتبط حاليا بعد كدامي طريق طويل واريد احقق احلامي واشوف الزواج راح يشتت تفكيري لذالك راح اجاوبك علئ سؤالك لا ماعندي احد

عمار،،لعد ليش رافضه ليش ماجاي تقدرين حبي شوفي صارلي شگد اتوسل لان مااريد اخسرج
هواي اكو غيرج بنات بالكلية الاحلى والاجمل بس حبيت عفويتج وروحج وشخصيتج المرحه ماحبيت شكلج

لارا،،استاذ والله مااعرف شنو اجاوبك بس

عمار،،كافي لارا روحي لان بهذا كلامج مستحيل تحسين بوجع گلبي
لو كايله بس كلمه وحدة جان من الصبح دزيت امي واخواتي لهلج

لارا،،سدة بوجهي صدگ ضجت لان مااعرف شنو اريد
رجع دگ الموبايل بدون ماانتبه ع الرقم جاوبت

استاذ عمار اسفه

راهب،،لازم جنتي منتظرة مكالمه مهمه من استاذج

يتتتتتتتبع