راهب ابو غضب
بقلم زهراء الحسناوي
،،،،،،،،،،،،،،،،،،،،
عيناك الخضر غابات ارز من بلادي حيث الجمال علئ الغصون مخلد 😍
.......
لارا،،رجع گلبي يدگ بقوة عبالك مسويه جريمه وخفت بقيت امتمت
استاذ ر راهب ن نعم اتفضل
راهب،،ماگتيلي ليش جنتي منتظرة استاذ عمار
لارا،،م مو ردت استفسر ع عن المحاضرة وسالته بخصوص ا الدرجات
راهب،،اهااا درجات گتيلي
زين مالگه غير هذا الوقت حتئ يتصل?
لارا،،م ماادري
راهب،،اوك روحي نامي
لارا،،سد الخط قبل. مااجاوب انتبهت الروحي اني جنت ابررله اتصال استاذ عمار؟؟
عزاااا امداااني امدداني امدداااني
بقيت اغم بروحي وافتر بالغرفه مثل الخبله
هو شكو ومنو وليش جاي ابررله لاوالمصيبه جذبت حتئ اقنعه عززااا بعينج لارا
ليش هلگد اتخافين منه وانتي ماتعرفي غيرر من فترة گصيرة
يبووو طيح الله حضي اشلون اجيب الروحي الفشله گوة
راهب،،انتجيت براسي ع الجربايه
وافكر بيها ساعه اگول شنو ذنبها وبلحظة يصحئ بداخلي شعور الانتقام وارجع واگول ذنبها الاكبر هي بنت جلال الدمر امي واخواتي الي دمر عائله كامله بسبب الجشع والطمع العمه عيونه والله لدمرك انته وعائلتك واحد واحد
من رحت الها للجامعة وسمعتها تحجي ويه صاحبتها عن خطوبه واستاذ ومااعرف شنو
صح ضجت لان ردت انتقم بيها من ابوها يمكن لو علئ ابواب زواج هم اخذها الي وماانطيها
وانوب اتصلت وفاجئتني من عبالها استاذها متصل نار اشتعلت بداخلي وحطيت بالي ويه استاذها لو اني لو هو
لارا،،ثاني يوم صادف جمعة خلصتها نوم ماكعدت غير العصر سويت عشه ويه امي وغسلت ملابسي
ونضفت البيت
بعدها اتعشينه وكل واحد دخل الغرفته احنه صح عائله بس ماعدنه شخص يكون قائد هاي العائله ابوي وامي كلمن محتار بروحه واخواني كذالك عايشين ابيت واحد بس اتحس كل واحد عايش الحاله
طلعت كتبي وگعدت اقرة اجاني اشعار ع الفيس
فتحته شفته داز
راهب،،
مشتاگلك گد غيبتك
بس خايف انه بشوفتك
تلچم جروحي الغافيه
مشتاگلك يلنظرتك
مدري تزيدلي العلل
مدري تردلي العافيه
مشتاگلك شوگ الذي
جاسه البرد ليل الشته
وحن السوالف دافيه
مشتاگلك بس گلي انته بيادرب
روحي تجيلك حافيه
لارا،،بقيت ساكته احس احساس حلو عبالك اعرفه من اسنين بقيت مبتسمه دزلي
راهب،،بس لو اعرف ليش تخنسين
لارا،،سؤال
راهب، ،جواب
لارا،،ممكن اعرف حضرتك شتريد مني بالضبط
راهب،،اولا كلمة حضرتك شيليها لن ذبحتيني بيها
ثانيا
اريدج كلج
لارا،،رجفت ايدي اوكع الموبايل مني عزاا بعينه هذا شيقصد?
طلعت بسرعه من المحادثه وانطيته حظر ماصارله كم يوم من عرفني وهو هيج يحجي
زين واني شكو منطيته مجال واسمع كلامه
رجعت ع الرقم مالته خليته بالقائمه السودا
شفته رقمه ظهر ضمن الاتصالات المحظورة تركته
مرة مرتين مالغيته
اخر شي اجاني مسج من رقم ثاني
راهب،،قسما بمحمد اذا مالغيتي الحظر منا الدقيقتين راح تلگيني واگف اباب اهلج
لارا،،خاف جنت عايزة بهذا كلامه كلها التمت من الخوف منه رجعت لغيت الحظر
راهب،،عفيه بالشاطرة
وهاي ثاني نقطه اتسجلت عليج
لارا،،رجائا استاذ راهب بعد لتتصل ولااتعب نفسك
اني مومال علاقات ومن ذني السوالف
راهب،،ومنو كالج ادور وياج علاقات ?
اني احبج
لارا،،دگات گلبي تقرة الف احساس اول مرة احس بي
احس روحي صخنت ومااعرف بشنو اجاوبه
راهب،،الخوينسه ليش ماتحجين
لارا،،ش شوكت ح حبيتني وانته ما ماصار كم يوم من عرفتني
راهب،،ليش انتي ما امامنه بالحب من النظرة الاولئ
اني حبيتج من اول وگعه
لارا،،ابسمت قصدة من وگعت گدام سيارته
راهب،،لارا بس اريدج تخلين هلكلمتين براسج
انتي من انولدتي صرتي باسم راهب وبس ملك الي وحدي
ف خلي ابالج لااستاذ عمار ولابطيخ ولاهم يحزنون واليفكر ينضرلج نظرة افگس عينه ماااشي
لارا،،بدون وعي هزيت راسي مثل الخبله وهو يرسل مسجات واني وحدي مندمجه اهز براسي عبالك گاعد گدامي
گلبي مااسيطر علئ دگاته عبالك واحد يركض وراي
احسه يريد يطلع من صدري
سديته الموبايل وبداخلي الف سؤال مالهن جواب
ليش بس وياه حسيت بهيج احساس؟؟
ليش احس روحي قريبه منه كلش
ليش اسمع كلامه وليش اخاف منه وليش اهابه
وليش وليش وليش وكلهن مالهن جواب
رجعت اسال نفسي عمار احلئ منئ بهواي
مقارنتا بالشكل بس هو ك شخصيه
شخصيته اقوئ من شخصية عمار بقاطات
راهب اسم ع مسمئ
التفكير نخر راسي نخر معقوله اعترفلي بحبه بهاي السرعه لا لا مستحيل خاف نيته يلعب بمشاعري
لازم اخليله حد وياي حتئ مايتجاوز حدودة اكثر
بيوم الاحد داومت بس احس بشعور متناقض ليش اباوع علئ باب الكليه?
شمنتضرة?
وفعلا شفته من بعيد اجه هو اواحد وياه لابسين نفس الزي ومن اتقرب مني عرفته هذا نفسه الشفته بالصورة وياه
شافني ابتسم دنگت سويت روحي مومهتمه
سحبت جنطتي وكتلها گومي ساندرا ندخل للقاعه
راهب،،انتظري لارا
لارا،،نعم اتفضل
راهب،،اكو شي صاير ?
لارا،،جاوبت بدون مااباوع بوجها
نعم ليش هو شكو حتئ يصير شي?
راهب،،اهاا هيج صار الحجي
لارا،،ساندرا بس تباوع علينه مافاهمه شي وهو لبس نظارته وراح صديقه لحگه
قاسم،،انتظرر يمعود انتظر
راهب،،صعدت بالسيارة وقاسم صعد يمي
قاسم،،اشبيك طرت مواصيح وراك
راهب،،حلو تمثيلي?
قاسم،،مافهمت?
بووويه خررب عقلك يعني كل هذا الفلم وطلعت زعلان بدون ماتحجي جان تمثيل?
راهب،،خلص دوري اركض وراها بنت جلال الكلب
اجه دورها خليها تركض وراي
التفتت القاسم گتله اريد منك خدمه واريدها تجهز بااسرع وقت
قاسم،،عيوني الك ابو غضب بس اامرني
راهب،،اريد ازور جنسيتي لكن فقط اللقب واسم الام
قاسم،،ولك والله حيرتني وياك مخليني مثل المطي كلشي ماافهم
راهب،،توك عرفت روحك مطي?
قاسم،،عمي احجي وفضني
راهب،،اريدك تغير اسم امي واسم العشيرة حتئ ابوها مايشك ويتاكد مني اني ابن اخو
قاسم،،زين واسمك واسم ابوك وجدك اكيد راح يعرفك
راهب،،حسب كلام امي من جانت حامل بيه عبالهم هم اتجيب ابنيه مايدرون الله دزني الها حتئ انتقملها منهم
اريده يرهبه اسمي واسم ابوي اريدة يعيش بخوف وقلق من يشوفني
قاسم،،والله انته مو سهل بس انه خايف من نهاية انتقامك خاف ينگلب السحر ع الساحر وانته بالاخير الي تتاذه
راهب،،افه عليك بعد اخوك حاسبلها احساب مال عرب
لو بالهدف لوبالنجف وانشاءالله كلهم للنجف
وفعلا اسبوع وجابلي قاسم جنسيه مزورة بس اسم الام اني اختاريته
لارا،،مر اسبوع وهو مامتصل ولااني حاولت اتصل بي بس احس مفتقدته رغم مابينه اهواي مواقف ولابيناتنه كلام اهواي مجرد اذكر كلمته من گال احبج احس بروحي اعرگ ورجفه تسري بجسمي
بليل جنت گاعدة يم امي انتابع مسلسل اجاني اشعار فتحته شفته ناشر صورة اله بالزي مال الدوام وكاتب جوه
ياحيرتي الماتنوصف شحچيلك وتفهمني
تركت امي وصعدت الغرفتي
دخلت ع التعليقات كلها الضابط افلان نقيب علان
هذا الكاتبله الله لايحير عبدة وذاك كاتبله مبين واگع النقيب وهو يرد عليهم بالضحك والشقه
لگيت روحي اضحك علئ سوالفه احس مشتاقه احجي وياه
دخلت علئ اخر محادثه كتبت السلام عليكم وبلحظة حذفتها خاف يشوفها لان اترددت
بنفس اللحظه اجاني جوابه
راهب،،هله بالبذاته وعليكم السلام والرحمه
لارا،،يبووو شبسرعه شافها گتله اشلونك
راهب،،هسه صرت زين
لارا،،بقيت ساكته مااعرف شكتب
راهب،،الخوينسه شوكت تبطلين سالفة السكته والخنسه هاي مو شلعتي گلبي
لارا،،دزيتله سمايل مبتسم
راهب،،احجي شي ترة مشتاقلج گد رحمة ربج
لارا،،شحجي?
راهب،،اي كلمه منج اعتبرها تزيدني عمر فوگ عمري
لارا،،احس گلبي يركض ونفسي سريع مااعرف شكتب
راهب،،لارتي ليش ماتفرحيني وتحجين ?
لارا،،حروح
راهب،،موقبل مااسمع صوتج حتئ انام مرتاح
لارا،،اعتذر بس
وقبل مااكمل اجاني اتصال
فتحت خط ب ايد ترعش
الو
راهب،،اوووف الله توني ردت روحي
لارا،،استاذ راهب
راهب،،اسمي راهب شيلي كلمة استاذ لااجي ابسطج
لارا،،تبسطني?
راهب،،بسطه من نوع ثاني بس علئ طريقتي
لارا،،الرجفه زادت بجسمي طلعت بسرعه من المحادثه لان مبين السانه يحجي كله مشفر خررب شنو هذا وليش هيج يحجي وياي?
بس اني شدعوة هيج فرحانه رغم كلامه الجريئ بس ماضجت اووو خل انام احسن الي راسي حينفجر من التفكير
مرة الايام وراهب يوميه اشوفه لو اسمع صوته لو يدزلي شعر لونبقئ نحجي وماننتبه ع الوقت
يوم بعد يوم اتعلقت بي وبشخصيته وبهيبته ورجولته الطاغيه
صرت مااتخيل يومي يمر بدون مااشوفه لو اسمع صوته
استاذ عمار مابطل محاولاته وياي رغم دائما يتلقئ الصد مني لان صرت متاكدة اني معجبة براهب
اتعجبت علئ نفسي جنت ماحاطه فكرة الحب وانو ارتبط ابالي اله اكمل كليه واتخرج وبعدها الله كريم بس من شفت راهب احسه گلب كل الموازين
ساندرا عدها علم بعلاقتنه بس ماگتلها عن حقيقة مشاعري
صادف اليوم سبت وعطله اجتني ساندرا العصر جابها سيران اخوها
صعدت يمي بالغرفه
بقيت احجي ومتناسيه كلامي كله عنه فقط
ساندرا،،انتي منتبها علئ نفسج صارلج ساعه تحجين باستاذ راهب مالتج
لارا،،ضحكت وحكيت خشمي حلوة كلمة مالتج
ساندرا،،وووي لارا يمكن حبيتي ?
لارا،،مااعرف ساندرا اني معجبة بي كلش مااعرف هذا حب لو مجرد اعجاب
ساندرا،،بس هلشي غلط لارا شوكت عرفتي حتئ تسلمي گلبج ومشاعرج بهاي السرعه
ترة ماصارله شهرين من عرفتي شبسرعه لحگتو واحد يحب الثاني
لارا،،اني صرت اامن بالحب من النظرة الاولئ وهو كذالك لج مااتخيل يمر يوم بدون مااشوفه
هيبته طوله رموشه الكثيفه عيونه اللونهن يسحر الگلب لو الشوارب الزايداته رجوله اوسامه لو العضلات وال
ساندرا،،هوووب هوووب فصختي الرجال مبين واگعه فد نوب والمصيبة اتگلي مااعرف معجبة لو احبه
لارا،،ومكسور راسي هم
ساندرا،،بس شنو نهاية هذا الحب
لارا، هو اليوم طلب ايدي وانطاني مهله افكر
ساندرا،،عااااا لج كل هلتطورات واني ماادري?
لارا،،احس بالذنب اتجاه استاذ عمار لان خطيه هواي حاول بس الگلب ومايهوئ
ساندرا،،الرب يحميكم صدگي فرحتلج واتمنئ تكونين سعيدة وياه ويطلع من صدگ خوش رجال ويستاهلج
لارا،،رفعت اااديه اااامين يارب
بعدها ساندرا العصر وصلناها اني وبابا
بالطريق بابا گال خل نروح نفول بانزين ونرجع للبيت
وگفنه ع الهوز الاول جنت اگلب بنقالي رفعت راسي شفت سيارة راهب بصفنه
باوعلي ابتسم وغمزلي
ابتسمت علي حركته وخطفت گلبي هيبته واني اشوف اشلون الشرطي اجه اخذله تحيه
كمل وطلع قبلنه واحنه وراه
بليل گاعدة يم اهلي ونسيت موبايلي بغرفتي للساعه 10ياالله صعدت لگيته اهواي متصل
وداز رساله
راهب،،ماضل شي واصعدج يمي بالصدر مال سيارتي
لارا،،يربي شجاي يصير وياي انثول من اشوفه داز رساله ابقه بس اوزع ابتسامات اول مرة اجرب احساس الحب شي حلو من يكون اكو شخص هو سبب سعادتك
بعد فترة رجع اتصل جاوبت اجاني صوته حسيت السانه ثگيل عبالك نايم
راهب،،لاراا ولللج احببببببج بنت الكلللب امموت علئ ربج
احببببج
يتتتتتتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!