كان يطيل النضر اليها وهي تتحدث
كما لو ان عينيه هما اللتان تسمعان
لارا،، اتركني
راهب،،والله محتاجج صيري احسن مني لترحين
لارا،،اترددت ردت انهض لزم ايدي حيل
راهب،،ينطيج كلبج تعوفيني مريض وتگومين?
لارا،،بقيت ساكته وجهي بوجها قريب مني كلش نفسه صاير نار
مخلي راسه علئ اثنين امخاد سحب وحدة حطها بصف الثانيه اشرلي بمعنئ نامي
راهب،،لتخافين وغلاتج مااسويلج شي بس نامي
لارا،،ابتعدت عنه نمت بالنهايه ع الطرف جبت غطه الي اتغطيت انطيته ظهري ونمت بس گلبي من سرعته احسه سمع دگاته
نمت الفجر ماگعدت غير الصبح حسيت ثگل علئ خاصرتي انتبهت وجان اشوفه عايف افراشه ونايم يمي متغطي بغطاي حاضني ونايم
انخبصت ردت اگوم قفل ايدة علئ خصري فزيت من سمعت صوته وهو نايم
راهب،،لتحاولين ماتگدرين
لارا،،اتركني اريد اگوم
راهب،،خليج شويه
لارا،،راااهب
فتح عيونه دفعني بخفه نام صفح خله ايده الصاحية سند بيها راسه
ايدة الثانيه لازم بيها ايدي
ضليت صافنه بوجها جر نفس
راهب،،احلئ صباح والله
شگد جنت غبي بالسويته بيج حسيت خسرتج ردت اتخبل عفت امي والناس والكل واجيتج شايط
لارا،،وخر عني اريد اگوم
راهب،،وغلاة امي عندي رايد نفتح صفحة جديدة انطيني فرصه وحدة اعوضج بيها كل الصار فرصه موااكثر
لارا،،غوشت عيوني گتله مااگدر صعب
راهب،،والله انتظرج لو اضل طول عمري انتظر اتسامحيني هم اگول عندي امل يخليني مرتاح
لارا،،مااعرف شحجي الساني اتخيط
گتله جسمي يوجعني من ضربك بس وخر عني
ميل جسمه شويه جر ايدي باسها بهدوء
صار كل مايشوف اثر يبوسه
دفعته وگمت جسمي يختض باوعت بالمراية غميت روحي غبيه تحبين المهانه بعد كل ذاك الضرب وبعدج تضعفين كدامه
الساعه ب 7اجه قاسم جايب ريوگ وياه استحي اكل وياهم صبيتلهم واجه راهب اخذ الصينيه حالته احسن
كعدت بالمطخ شربت جاي اكلت لكمتين
وطلعت لبست حجابي لفيته عدل وعباتي اخذت جنطتي دخل راهب گال ياالله انتبهت ماماكلين شي بس شاربين جاي
طلعو كدامي طلعت وراهم قاسم راح صعد بسيارته واحنه رحنه السيارة راهب فتحت باب كشن الورة وصعدت قبل ليتحرك عدل الجامه الجهتي
راهب،،تعاي يمي
لارا،،شكرا اهنا مرتاحه
لبس نظارته شغل السيارة وانطلق قاسم يمشي گدامنه
صارت الساعه 9ونص وصلنه لنهاية الحلة قريب الكفل دگ موبايله
راهب،،ها ولك
اي شوفلنه مطعم خل ننزل كلنه نتريگ
لارا،،نهئ المكالمه شويه وانتبهت القاسم صف سيارته گدام مطعم وراهب صفها وراه
نزل
راهب،،انزلي نتريگ
لارا،،مااشتهي اتريگت
راهب،،انزلي بويه السيارة حارة تبقين بيها
لارا،،فتحت الباب ونزلت وراه دخلنه الجناح عائلي
گعدنه كلنه سوة قاسم عدل الكرسي الجهة راهب بحيث منطيني نص ظهرة يعني وجها مو للميز گاعد صفح خاف استحي اكل گدامه
جابو الاكل مشاوي مااكلت
راهب،،اكلي
لارا،،شبعانه
مد ايدة سوالي لفة انطاها الي استحيت اردها وافشلة اخذتها ابتسمت علئ كلام قاسم عبالك عندة عيون يمنه
قاسم،،ياصلاتك يامحمد اليوم الاجواء ورديه الله يستر
راهب،،بس لااطگنه ابعين من غبشه واحنه مابينه شي جفيني شرك
قاسم،،هههههههه والله اخاف منك ماتنحزر ساعه ترعد وساعه تسوي لفات
راهب،،انجب زمال اذا مرتي ماتتحملني منو يتحملني غيرها
قاسم،،شريد غير الله يهديك عليها
راهب،،اطلع من السالفه وماعليك
لارا،،رجعو يتناگرون واني صافنه علئ سوالف قاسم نفس خطيبته اثنينهم اسبورتيه
كملنه ردنه نطلع طلع قاسم كدامنه واني وگفت ردت اخذ جنطتي وگف گدامي رفعت راسي اباوعله مد ايدة عدل حجابي ابتسملي
راهب،،شعراتج طالعات من الحجاب
لارا،،عافني ومشه كدامي طلعت وراه ردت افتح الباب الورة ماانفتح كاعد ومقفل السيارة
خزرته افتح الباب
راهب،،البيبان الورة عطلن تعاي اهنا
لارا،،عرفته مقفلها مد ايدة فتح الباب اليمه الجو حار انصگع راسي من الشمس فتحت الباب وگعدت يمه
راهب،،نسوان ماتجي اله بالعين الحمرة
لارا،،حجاها وطگها ضحكه
بدة يسوق شال ايدة المتصوبه حطها بحضني
ردت اوخرها
راهب،،صارت تاذيني عوفيها هيج احسن
لارا،،. وخرها
راهب،،حاطها بحضن حلالي ماعليج انتي
لارا،،موحلالك حجيتها بدون قصد
راهب،،انه اخوك جا حلال منو انتي?
لارا،،عضيت شفتي علئ جفصتي
راهب،،احترگ ابووج لاتعضعضين بيهن
لارا،،راااااهب
راهب،،عيونه وگلبه وروحه وام بيته وكيانه وكلهن انتي
لارا،،يمكن الضربه ماثرة بيك اليوم الله ينطي محمد
راهب،،كون ابوس اخوج علئ ضربته لو ادري اني رايحلة واگله ارميني حتئ اختك تحن
لارا،،مارماك لو ماشايفك ماذي اخته
راهب،،خليني مرتاح لارا لاتذكريني روحي تختنگ من اذكر اشلون ضربتج
ولللللج اغااااااار يااامة الاسلااام اغااار
اغار من تحطين راسج بحضن امي موبحضني
اغار من تضحكين ويه فاطمه وعايفتني
اغار من تحجين ويه ضرغام وماتباوعيلي
اششششتعل وانطفي من اشوفج متجاهلتني
اااتمنئ اشبعج كتل بساعتها لان مفرفحه گلبي
قسما بالله العظيم اغار موبيدي اريد بس الي
لارا،،ابتسمت بااستهزاء گتله ليش انته ماشابعني كتل?
راهب،،من نوصل ابوسهن حتئ يطيبن
لارا،،لتحلم
راهب،،والله يوميه احلم بيج بس ليش تجيني بدون ملابس ماتستحين ?
لارا،،فتحت عيوني علئ وسعهن گتله ولاااتبطل سوالفك
راهب،،اموووت علئ خجلج
لابويه جذب اصلا تجيني بالحلم مبوشه ولابسه عبايه ودرع وجواريب
لارا،،ماگدرت اتحمل درت وجهي للجامه حاصرتني الضحكه
رجع گال
راهب،،فديت اعور الدجال
لارا،،درت وجهي علي اعرف يقصد عيني لان حمرة
گتله الفضل الك استاذ راهب
راهب،،انتي بس سامحيني وكلشي مااريد
لارا،،بعدها وصلنه للبيت دخل واني وراه اتلكتنه الحجيه وفاطمه
عمتي فاتحه عيونها شايطه عبالها راح يجيبني ويضربني
اتفاجئت من اتلكاها راهب يضحك جرها باس راسها ودخل
الحجيه،،هله ييمه ليش هيج وگعتي گلبي ?
لارا،،انقهر عليها ماتستاهل التفرفح بوستها وبست ايدها گتلها اعذريني عمه
الحجيه،،والله ييمه ضليت افتر بالحوش مثل الخبله عبالي سويتي بروحج شي
وانوب هذا المخبل عافنه وراح وهو ايدة مجروحة
فاطمه، ،هله بلارا جابج قابضا ?
لارا،،حجتها وهي مبتسما قصدها قبض عليه
ابتسمتلها بوستها ودخلنه
بهذا اليوم شفت راهب ثاني يضحك ومنطلق ناسي حتئ الم ايدة
الحجيه وفاطمه وضرغام يباوعون مصدومين مبينين بعدهم ماصاحين من صدمة تغيرر راهب المفاجئ واني حالي حالهم
زهرة واحلام جاي رجل احلام مرجعهن للبصرة حتئ البيت هدوئ
ضرغام مبين بوجها حجي يريد يعتذر مني بس خجلان
مرة خمس ايام وراهب احسن مايكون حتئ البيت اتحسه صار فره بسبب ضحكه وسوالفه
باجر اول يوم رمضان نظفنه البيت اني وفاطمه حتئ نبقئ نايمين الصبح
بعدني انام بغرفه وحدي مااگدر اسامحه بسهوله
صارت الساعه ب2كعدنه تسحرنه كعد يفرك بعيونه
الحجيه،،اللهم صل علئ محمد اتريد اتصوم?
راهب،،شكالولج كافر اي اصوم
لارا،،باوعت الفاطمة اتريد تضحك
جر الخبز يغمس بالقشطه
الحجيه،،سبحانك يامغير الاحوال تكدر اتغير البشر من حال الئ حال
راهب،،شجاج حجيه محسستني من كفار قريش
الحجيه،،اول تالي اتصوم?
راهب،،دخلت الاسلام باركيلي
لارا،،دنكت كاتمه ضحكتي وهو يحجي صدگ ملامحه جديه اعرف ضاج من كلام امه واعرف نيته يريد يبين انو اتغير للاحسن
بعد يومين
انتهت اجازته وباجر يلتحق هو وقاسم
للعصر اجت سارة هي وام قاسم جايبها ابوها يم عمتها الصبح وعايفها بليل يرجعها قاسم
سارة،،اوووو لويرة ولج وين شردتي خليتي الوادم واحد يردم الاخر يركضون وراج
لارا،، التجي من ايدة الله يزيدة
سارة،،يبووو اذا قويسم حجه وياي بيوم اله ابيته بالشارع
لارا،،الله يساعدة عليج من هسه
كعدنه وحدة بصف الثانيه وام قاسم والحجيه گاعدات سوة مويمنه شويه عنه وفاطمه. بالمطبخ تحضر بالفطور
كتلها بشري اشلونج بفترة الخطوبه اعتذر ماباركتلج جريتها بستها كتلها مبروك
سارة،،ماخليتها فد مرة للعرس اطبگيهن سوة باركيلي مرة وحدة عليش مكلفه نفسج هسه تباركين وبالعرس تباركين شنو هالاصراف يااختي مايصير هلحجي
لارا،،ضحكت علئ سوالفها كتلها ولج بيوم المشيه. مالتج اني شابعه طن كتل
سارة،،اووووو هنيالج كتل الحبيب مثل اكل الزبيب
لارا،،فتحت حلگي گتلها تردين تاكلين زبيب مثل الاكلته اني ?
سارة،،هو وينه كلشي قابله زبيب طماطه بصل المهم اتوسد اذراعه بليل وانام
خييه خليني صويمه لاتخليني اغرد المهم هسه ماعلينه
رگصت بعرسج اطلبج بعرسي تذبين لحم
لارا،،صار يابه غير من عيوني
سارة،،باجر يلتحق مشتاقتله من هسه مايصير ياخذني وياه اسوي جاي للجنود?
هم اشوفه وهم مقدمه خدمه للوطن
لارا،،هههههههه والله تفكير عندج
اباوعلها مبوزة تريد تبجي طلعنه اني وياها للحديقه كعدنه بالمرجوحه اتصلت بقاسم وفتحت سبيكر
سارة،،ختيبي
قاسم،،وعلي صاير حلگي يوجعني من اقرة مسجاتج
المشكله صايم ومابيه حيل افك شفرة كلماتج المتقاطعه
سارة،،وين انته?
قاسم،،احضر جنطتي باجر التحق
سارة،،ضجت من هسه مايصير تاخذني وياك ?
قاسم،،سارة ماضل شي عن الفطور لاتخليني افطر. بسببج
سارة،،والله راح ابجي من هسه اشتاقيتلك اكلك گلي شي حلو يعدل النفسيه
قاسم،،بقلاوة
سارة،،خرب بحضي مو اكله اريد اتگلي شيي يخليني اثور
قاسم،،باگو النفط وديحو الشعب
سارة،،ههههه منيلك هاي السالفه اليوم ?
قاسم،،والله شفت واحد ناشر محادثته هو وخطيبته ومبين مثل حضي متورط بطفله تتعيقل براسه وتتماوع
سارة،،يعني اني صرت ورطه?
قاسم،،غير احلئ ورطه
سارة،،هههههه فدوة اگلك غازلني
قاسم،،ولج غضببب الله صيام بعد ساعه ونفطر واشبعج غزل
لارا،،ماگدرت اتحمل گوة كاتمه ضحكتي اخر شي ضحكت بصوت ناصي سمعني
قاسم،،ولج خبله منو يمج?
سارة،،ههههه لارا
قاسم،،وعلي خبله غير تحجين?
سلميلي عليها
سارة،،هههههههه وانته شحجيت خلصتها صايم وصايم المهم وصل سلامك سمعتك
قاسم،،
والله جنت عاقل وراح اتخبل من وراج اوصيج المكالمه الثانيه ذيعيها بالجامع
سارة،،ههههههه غير فرحانه بيك ختيبي
قاسم،،اشتعلت صفحت ختيبج علئ هلمصيبه
ياالله حبي روحي هسه ورة الفطور اغازلج غزل افلطوني بعيدا عن اعين النازيين
لارا،،نهت الاتصال وياه واني ميته ضحك شخصيته مرحه عكس راهب حتئ ضحكته اتحسها تشتريها بفلوس
راحت سارة وام قاسم واحنه حضرنه الفطور عليه الخفايف اشتغل بيد وحدة عيني صارت زينه مابقه اثر غير نقطه دم حمرة
الاثار صارت كلش خفيفه والوضع بالبيت احسن مايكون
فرشنة السفرة وهو بعدة ماجاي صار ضرغام ينقل بالاكل
دخل راهب محمل علاليگ بيد وحدة وطلب من ضرغام ينزل الباقي من السيارة
الحجيه،،يمه الثلاجه متروسه خير من الله شتسوي بي هلگد متسوگ?
راهب،،حجيه اليوم صايم ياشغله اشوفها گدامي اشتهيها ماخليت شي بنفسي اذا مااشتريته
لارا،،كف اردانه وصار يطلع من العلاليك ويحط بالسله يغسل بيهن وزعهن بالمواعين
للحجيه صافنه فاتحه حلگها التفتتلي
الحجيه،،الله وكيلج هاي اول مرة يسويله شي بيدة
لارا،،ضحكت وهو اجه جايب المواعين وضرغام جاب بطاله مال عصاير
گعدنه صاح الاذان مالگينه غير الاخ جر بطل اللبن شربه نصه واكل وياه تمرة بعدها اكل طاسه شوربة
قرة الفاتحه لبو گال شبعت
الحجيه،،شكلت انته يايمه اذا ترست معدتك بس ماي ولبن وشوربة
راهب،،بالسحور اعوض حجيه
لارا،،اني هم اكلت بس شوربه وشبعت كملنه لمينه السفرة اتوضينه وصلينه
فاطمه،،انوب اصلي يالله افطر لان من تنترس معدتي مااگدر انهض بعد اله بشفل
لارا،،ههههه اي والله احسن
مرة ايام رمضان وراهب صايم وملتزم بصلاته بالنهار يتجنبني مايحجي يضل ينافخ ويستغفر
وبليل يتولاني وليه كل مايشوفني لازم يشمرله حجاية اتخليني انهزم من الخوف
كل محاولاته وياي للتقرب مانجحت لان جرحي بعدة مامندمل حاولت انطي فرصه بس ماگدرت
بليل قبل السحور كعدت سويت اكل فاطمه معذورة ذني الكم يوم لذالك بقت نايمه
كملت الاكل وصعدت حتئ اگعدة فتحت الباب ودخلت شفته نايم علئ وجها متغطي لحزامه بالجرجف
دنگت علي مديت ايدي ندسته من متنه حتئ يگعد
مرة واثنين وهو ماكو بسابع نومه
اتقربت اكثر يم وجها وانه اصيح بااسمه حتئ يگعد
بس فاصل مايتحرك
اخر شي همست بصوت ناصي عبالي نايم
گلت اروح انزل اخلي الحجيه تصعدله
التفتت ماحسيت غير ايدي انجرت
وگعت ع الجربايه رفع الغطه وغطانه اثنينه
همست بصوت خايف ومرتبك
راهب شجاي ا اتسوي??
راهب،،اششش
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!