تحميل رواية «رحمة في رمضان» PDF

رواية رحمة في رمضان الشخصيات

في حيٍّ من أحياء بلدنا العريقة، وفي أجواء رمضانية جميله وكل سنه وانتم طيبين و بخير

وفي حي شعبي في حارة من حواري هذا الحي،

الذي يترابط سكانه وكأنهم جميعًا بيتًا واحدًا.

هيا بنا لنتعرف على أبطال روايتنا.

أولًا: رحمه صابر (بطلة الرواية)

رحمه فتاة تبلغ من العمر 27 عامًا،

حاصلة على دبلوم تجارة،

ولكنها تشعرك أنها حاصلة على الدكتوراه،

فهي فتاة مجنونة جدًا.

تقطن رحمه مع:

والدها المعلم صابر

والدتها السيدة أمينه

أختها رانيا

في منزل يملكه والداها.

والدتها السيدة أمينه ربة منزل،

ووالدها المعلم صابر يعمل نجارًا،

وأختها رانيا تدرس في آخر سنة في الثانوية العامة.

تعريف الأشخاص والأسرة

المعلم صابر: والد رحمه

السيدة أمينه: والدتها

رانيا: أخت رحمه

يقطنون في منزل يتكون من ثلاثة طوابق،

كل دور مكوَّن من شقتين.

تفاصيل المنزل

الدور الأول:

يقطن به العم خليل، رجل أرمل على المعاش، لا ينجب، ويحب رحمه جدًا.

الشقة المقابلة يستخدمها المعلم صابر مخزنًا للأخشاب.

الدور الثاني:

تسكنه أسرة رحمه.

الشقة المقابلة فارغة وتُؤجَّر بالقانون الجديد.

الدور الثالث:

يقطن به السيد عزيز وزوجته شكريه.

لهما ولد واحد يدعى عصام، متزوج ويعمل في الخليج.

الشقة المقابلة يملكها عصام.

سطح المنزل:

كانت أم رحمه تستخدمه في تربية الطيور.

باقي أفراد الحارة

العم عبده:

يملك دكانًا كسوبر ماركت صغير، يقضي به معظم وقته، ولم يتزوج.

السيدة زكيه:

سيدة مطلقة، تقطن مع ولدها ذكي.

الأستاذة نجاه:

تعمل مدرسة، ولها ولد وبنتان، وتعيش مع زوجها الأسطى فاروق.

المعلم فرجاني أبو العز:

صاحب القهوة، يمتلك قهوة كبيرة، يجلس عليها معظم أهل الحارة.

السيدة فتنه:

ولها ولد اسمه يوسف.

الخالة أم سيد:

سيدة متزوجة من المعلم حسن،

ولها منه ولدان: سيد وعاشور.

المعلم حسن يملك دكانًا لبيع الخضروات والفاكهة.

سمره:

الزوجة الأخرى للمعلم حسن،

تقطن معهم في نفس المنزل،

ولها منه ابنة وحيدة تدعى بهيه،

وقد سمتها على اسم والدتها.

كبير الحارة:

المعلم شاهين الجزار،

يملك أكبر دكان جزارة في الحي.

المعلمة فتحيه:

صاحبة دكان لبيع الطيور.

كارثة الحي:

السيدة بمبه، كما يطلق عليها سكان الحي.

بطل الرواية

آدم المهندس آدم،

يعمل مهندسًا، ومنقول حديثًا من الصعيد.

السيدة بمبه

لا تترك منزلًا في الحي إلا ودخلته،

لتنقل الأخبار،

ولكنها تزيد عليها من عندها،

أو كما تقول: البهارات بتاعت الحكاية.

وفي أول الحارة،

يوجد دكان العم شكري،

الذي يعمل حلاقًا.

ام عصام 👇

رانيا اخت رحمة 👇

ابو عصام 👇

العم خليل 👇

امينة ام رحمة 👇

زكية 👇

ادم 👇

رحمة 👇

صابر 👇

باقي الشخصيات هنتعرف عليهم من خلال احداث الرواية

رواية رحمة في رمضان الفصل الثاني والثلاثون

لتجلس رحمه وهيا تفكر ماذا ستفعل هل عليها اخبار والدها ووالدتها لتقول مينفعش اقولهم هيعملو مشكله ويتخانقو معاهم وممكن بعد كده يفكرولي ف حوار تاني ووقتها مش هبقى عارفه الضربه هتيجي منين طاب اعرف ادم ولا ده كمان غبي وهيعملي فيها خط الصعيد هتعملي ايه يارحمه بس حلو اوي انا بقا هديكم درس متنسهوش طول عمركم وهشوف بقا انا ولا انتو

رحمه: اتصل علي خلو

رحمه: خلو حبيبي عامل ايه

خليل: انتي لسه فاكره تساءلي عليا

رحمه: معلش حقك عليا اصلي مشغوله اوي ف الشغل وبعدين يا راجل انته انا مش جيبالك عروسه

خليل: عايزه ايه يا رحمه اوعي يكون وراكي نصيبه من نصايبك

رحمه: لتضحك رحمه فعلا وكبيره اوي كمان

خليل: في ايه قلقتيني

رحمه: هقولك بس خليها ف سرك

خليل: ماشي بس في ايه

رحمه: لتقص عليه رحمه كل ما قاله لها يوسف

خليل: اه يا ولاد الابالسه طاب وهنعمل ايه

رحمه: صبرك عليا ده انا هربيهم بس طبعا انته معايا

خليل: في حد تاني يعرف

رحمه: لاء انا وانته ويوسف

خليل: طاب اسمعي اتصلي على يوسف خليه يروح يقعد تحت شباك بمبه ويعمل نفسه زعلان وبيعيط ولازم بمبه تشوفه

رحمه: وبعدين

خليل: طبعا هيا فضوليه هتساءله ماله هيقولها البت رحمه خليتني اضرب من ام ويشه عشان التوت وكمان ابويا ضربني علقه جامده وقاللي خليك قاعد ف الشارع انا بقا رحمه ديه هموتها النهارده إنشاءالله حتي يحبسوني وكده كده انا بقيت ف الشارع وقتها هيا هتقوله يعمل ايه

رحمه: اه يا ابن اللذينه يا خلو انته شكلك كنت رئيس عصابة إنما ايه

خليل: بس يا هبله انتي بنتي انتي ناسيه اني انا اللي مربيكي ومختارلك اسمك كمان

رحمه: اكيد طبعا

ادم: هيا المجنونه ديه بترغي مع مين وموطيه صوتها اوي كده

رحمه: انته حبيبي وروح قلبي ونور عيوني كمان

ادم: بغضب اه يا خاينه يا تري بتكلمي مين ليكي حق طبعا ما اهو انا المقطف

رحمه: باي يا قلبى بقا وزي ما اتفقنا نتقابل بعد الفطار

ادم: وكمان هتقابليه ماشي يا رحمه انا هعرف بتخونيني مع مين وساعتها مش هيكفيني موتك

ادم: وهنا يصدر ادم صوتا

رحمه: اي ده معقوله جناب المدير بنفسه عندنا

ادم: بقولك ايه يا رحمه

رحمه: قول

ادم: ولا اقولك خلاص

رحمه: هو ايه اللي خلاص

ادم: ياله لمي حاجتك عشان نروح

رحمه: ليه بدري كده

ادم: معلش مصدع شويه

رحمه: لاء الف سلامه عليك

ادم: ياله بس

لتجمع رحمه اغراضها

رحمه: انته مش واخد بالك اني عماله ارغي وانته منطقتش ولا كلمه من ساعه متحركنا

ادم: معلش معلش عندي صداع خلاص احنا وصلنا انزلي وانا هجرش العربيه واطلع ارتاح

رحمه: ممكن يكون الصداع قله نوم

لتتركه رحمه وتدخل عند خليل

رحمه: هاه عملت ايه

خليل: كله تمام وكمان بمبه صدقت الواد يوسف وكلمت عمتك

رحمه: حلو رن بقا علي يوسف وقوله يقول لبمبه اني رجعت بدري وأنه هيسحبني علي المكان اللي هيخطفوني فيه

خليل: تمام

ليتصل خليل علي يوسف

يوسف: حاضر حالا اهو

ليذهب يوسف الي بمبه

يوسف: خالتي البت رحمه لسه جايه وانا اقدر اجيبهالك ف المكان اللي انتي عايزاه

بمبه: طاب اصبر اتصل علي صباح

لتتصل بمبه علي صباح

صباح: حلو اوي انا هجيب توك توك وارشلها بنج واحطها ف بيت اخت جوزي بيت فاضي مفيهوش حد ومتطرف ياله شهلي

بمبه: عيوني طاب اخلي يوسف يقولها ايه

صباح: خليه يقولها أنه عايز يشتري هديه لامه عشان عيد ميلادها وهيا هبله وهتصدق

بمبه: من عيوني حاضر

صباح: اسمعي هشيعلك التوك توك علي الحاره وخلي يوسف يركبها والسواق عارف المكان هيجيلي علي هناك وانتي ابقي تعالي معاهم عشان نفش غلنا

بمبه: ده يا عيني الواد يوسف هيطرشق من جنابه

صباح: حلو كله في ميزان حسناتها

لتغلق بمبه الهاتف مع صباح

بمبه: هاه يا يوسف سمعت

يوسف: اه تمام اروح انا بقا اسحبها

بمبه: اصبر بس لما التوك توك يوصل كاءنك موقفه عشان تروحو بيه وترجعو بيه

يوسف: مخك الماظ يا خالتي

بمبه: بص اول ما التوك توك يوصل صباح هتديني رنه

يوسف: طيب انا هلعب تحت الشباك

بمبه: ماشي

ليخرج يوسف ويبتعد قليلا ليتصل علي العم خليل ليبلغه بكل ما حدث

خليل: عال عال

يوسف: طاب سلام عشان بمبه بتنده عليا

خليل: ماشي يابطل

ليغلق يوسف الهاتف مع خليل ويدخل شقه بمبه

بمبه: التوك توك وصل واقف أول الحاره

يوسف: لاء خليه يدخل الحاره عشان رحمه ممكن مترضاش تركب لو بعيد لكن انا هقولها اني جايبه مخصوص

بمبه: طيب هرن علي صباح

لتتصل بمبه علي صباح

صباح: ماشي

ليدخل التوك توك الحاره

ليذهب يوسف الي منزل رحمه

يوسف: لتخرج معه رحمه

ليذهب بهم التوك توك الي منزل قديم مهجور وكانت بمبه خلفهم

رحمه: ايه يا يوسف انته جايبنا هنا ليه

يوسف: انزلي بس

لتنظر رحمه خلفها لتجد بمبه

بمبه: خشي يا حلوه لقضاكي

لتدخل رحمه المنزل المهجور لتجد عمتها وابنها صادق

رحمه: ايه ده في ايه

صباح: في انك هتتربي النهارده علي ايدي بقا انا يابت ياصفرا تخلي اخويا يطردني من بيته وكمان تلبسي ابني نصيبه وانتي سارحه مع الرجاله كتفها يا صادق

يوسف: امشي انا بقا

صباح: تمشي فين يا حلو عشان تروح تقولهم علي مكانا

يوسف: انا طبعا لاء ده انا فرحان فيها اوي

بمبه: انا خلاص عملت اللي عليا

صباح: خدي هاتي حاجه حلوه لعيالك

بمبه: تعيشي يا ام الدكتور

اما ف شقه ادم

دخل ادم الي غرفته وهو حزين ليغط في نوما عميق

لتمر الساعات وها هو اذان المغرب

صابر: هيا رحمه هتفطر ف الشغل النهارده

امينه: مش عارفه

رانيا: ثواني ارن عليها

رانيا: ايه ده تليفونها مقفول

رانيا: طاب هرن علي ادم

رانيا: مبيردش

رانيا: هروح اساءل عليه

رانيا: هو ادم ورحمه هيفطرو برا النهارده

انتصار: لا يا حبيبتي ادم هنا من قبل صلاه العصر

رانيا: امال رحمه فين

انتصار: اصبري هخش اساءله مع اني دخلت اصحيه يفطر راح مزعج وجاللي غوري من وشي

لتدخل انتصار غرفه ادم

انتصار: هيا رحمه فين

ادم: معرفش

انتصار: طاب هما بيساءلو عليها

ادم: قولت معرفش واطفي النور واقفلي الباب وغوري جاتكم القرف كلكم

انتصار: كتر خيرك يا اخوي

انتصار: سمعتي يا رانيا يمكن اتخانقو خلاص هنزل اشوفها عند عم خليل

لتغلق رانيا الهاتف مع انتصار

رانيا: مش أبا ادم جيه من بدري لوحده وميعرفش رحمه راحت فين

امينه: تكون راحت فين

رانيا: هساءل عليها عند عمي خليل

لتنزل رانيا شقه خليل

رانيا: هيا رحمه مش عندك

خليل: لاء

رانيا: طيب شكرا هشوفها فوق عند خالتي ام عصام

خليل: لاء ده عصام خدهم كلهم وراحو يفطرو عند أهل مرات عصام

رانيا: تكون راحت فين بس تكونش بتلعب مع العيال ف الحاره زي عوايدها

خليل: لاء يا بنتي احنا ف ساعه فطار يعني كلهم ف بيوتهم

رانيا: خلاص هطلع انا لغيت ما تيجي

خليل: ربنا يطمنا عليها

لتصعد رانيا الي شقتهم

اما رحمه فكانت صباح قد قيدت يديها وتركتها هيا ويوسف وذهبت لتعد طعام الإفطار

رحمه: يوسف واد يا يوسف

يوسف: عايزه ايه انا جعان اوي

رحمه: انته مش متكتف تعالي فكني

يوسف: ماشي خلي بالك انا صورت كل اللي حصل بتليفوني

رحمه: جدع تعالي بقا قبل ماتيجي

ليفق يوسف قيودها

رحمه: ياله نمشي من هنا

ليخرجو من المنزل المهجور

رحمه: ايه ده ده مافيش اي حد هنا ولا حتي سريخ ابن يومين بقولك ايه ابعت اللوكيشن لعمك خليل وخليه يجيب الحكومة ويجيي

يوسف: تمام

رحمه: تعالي بقا اربطني تاني

بعد أن قيدها يوسف

يوسف: فها هو يرسل العنوان العم خليل ويبعث له تسجيل صوتي ليبلغ الشرطه

لياءخذ خليل هاتفه ويتجه إلى القسم ليبلغهم

اما صباح فها هيا قد وصلت مره اخري حيث توجد رحمه ويوسف

صباح: خلاص يا عروسه هانت صادق راح يجيب الماءذون وهتبقي مرات ابني واوريكي النجوم ف عز الضهر

رحمه: ده بعينك يا عمتي

بعد نصف ساعه يصل صادق ومعه الماءذون

صادق: ياله يا شيخنا اكتب الكتاب

رحمه: انا مش موافقه وهما خاطفيني

ليغمز لها الماءذون دون أن يراه أحد

الماءذون: عايزين اتنين شهود

صباح: ثواني احضرهملك

لتتصل صباح علي ساءق التوك توك

صباح: هات واحد صاحبك وتعالى مطرح ما نزلت المخفيه

الساءق: أوامر يا ست الكل

صباح: الشهود جايين

وهنا تصل بمبه

بمبه: يا دوبك فطرتهم وصليت المغرب وجيت

رحمه: لا وانتي مؤمنه اوي

بمبه: اخرسي يا بت بدل ما اجي اعرفك شغلك

بعد وقت قصير يصل الساءق ومعه رجلا آخر

الساءق: خير يا ست الكل

صباح: هتشهدو علي جواز ابني الدكتور اكتب ياله يا شيخ

الماءذون: يحاول تعطيلهم هاتو البطايق

رحمه: مغاييش بطايق انا

صباح: فتشيها يا بمبه

لتفتشها بمبه

بمبه: لتجد البطاقه

لتصفعها علي وجهها

بمبه: ما البطاق موجودة

صباح: متخلصنا بقا يا شيخ

ليفتح الماءذون الدفتر وهو يحاول اضاعه الوقت

رواية رحمة في رمضان الفصل الثالث والثلاثون

الماءذون: اين والد ووالده العروس

رحمه: دول خاطفيني يا عم الشيخ وعايزين يجوزوني غصب عني

الماءذون: لا يجوز

لتنظر صباح الي الساءق

ليخرج سلاحا ليشهره في وجه الماءذون

الساءق: اكتب وخلصنا

وما أن بدء الماءذون في تسجيل البيانات ولكنه كان يكتبها خطاء

لتصل الشرطه وتقبض علي الكل

ليتعثر العم خليل ليقع

رحمه: لو سمحت يا حضرة الظابط عم خليل لازم يروح مستشفي لاءنه عنده السكر والوقعه غلط عليه خصوصا انها جابت دم كتير

الظابط: متخافيش يا انسه رحمه ربنا يسترها

وهنا يذهب الظابط الي المستشفي

الظابط: انسه رحمه خليكي انتي هنا وهسيب معاكي اتنين عساكر عشان لما تروحو وانا لازم اروح القسم عشان اققفل المحضر والصلح ابقي عدي عليا

رحمه: حاضر وشكرا جدا لحضرتك

ويمر الوقت

وها هيا الساعه ٢ بعد منتصف الليل

وأهل رحمه قلقين جدا عليها

صابر: حاولي تكلمي اختك يا امينه يمكن راحتلها

امينه: كلمتها والله وقالتلي مشافتهاش من يوم العزومه

اما ف المستشفي

يخرج الطبيب

الطبيب: انسه رحمه الحج هيفضل معانا النهارده لاءن السكر عنده عالي جدا ولازم السكر ينزل

رحمه: يعني اروح

الطبيب: اه وتعالي بكره قبل العصر إنشاءالله نكون ظبطناله السكر

رحمه: انشاء الله

لتتحدث رحمه الي العساكر

رحمه: الدكتور قالي روحي تقدرو تروحو علي القسم وانا هروح

العسكري: لاء طبعا احنا هنروحك لغيت بيتك

رحمه: كتر خيركم

اما ادم فكان قد استيقظ من نومه ليخرج الي الصاله

ادم: اما جهزو نفسكم هنسافر البلد حالا

انتصار: خير عيالي فيهم حاجه

ادم: لاء بس ياله

سعديه: مالك يا ولدي

ادم: بصوت يملؤه الغضب اما مش عايز كلام كتير

وحيد: طاب حتي نتسحرو ونمشو

ادم: هنتسحرف الطريج

انتصار: بس انته ما دوجتش الوكل خالص

ادم: انا نازل اشتري سجاير

ليخرج ادم من الشقه ويصفع الباب خلفه

لينزل علي السلم

ليجد رحمه تدخل المنزل ومعها اتنين عساكر

ادم: بغضب الحلوه راجعه بعد نص الليل والحكومه جايبها طبعا ماهو الشمال اللي زيك اللي بيدورو علي حل شعرهم كت مغشوش فيكي واتاريكي كلبه من كلاب السكك الحمدلله ان ربنا كشفك ليا قبل ما اتدبس فيكي من النهارده مش عايز اشوف وشك في أي مكان يا رخيصه يا زباله اه اللاب توب اللي عندك مش عايزه عشان ايدك الشمال لمسته

لنجد أن رحمه دموعها تنزل رغما عنها

رحمه: انته شايف كده

لتتحدث الي العساكر

رحمه: شكرا ليكم تقدرو تمشو

العساكر: بحزن علي حالها عن اذنك

ليتركوها ويذهبو

رحمه: بعد اذنك وسع عايزه اطلع

ادم: بسخريه يا تري اللي كتي معاهم بيدفعو كويس كتي قولتيلي انا أولي وكت هدفعلك اكتر منهم

رحمه: لو سمحت وسع عايزه اطلع

ادم: يعني تلفي وتدوري مع الكل وتيجي عندي انا وتعملي فيها شريفه

رحمه: ربنا يسامحك

ادم: وانتي تعرفي ربنا بتترتكبي الكباءر من المعاصي ف الشهر الكريم ويا تري تسعيرتك كام اطلعي غوري اشكال زباله

لتصعد رحمه السلم وتدخل شقتها

صابر: كتي فين يا بت

امينه: وشك مصفر كده ليه مالك

رانيا: ديه بتعيط يا اما

امينه: مالك يا رحمه فيكي ايه حد عملك حاجه

رحمه: رانيا هاتيلي شويه مايه ابوس ايدك

رانيا: حاضر

لتذهب رانيا لتحضر لها المياه

صابر: اتكلمي يا بتي متخليش مخي يروح لبعيد

رحمه: اختك صباح وابنها ومعاهم بمبه خطفوني وكانو عايزين يجوزوني صادق غصب عني بس الحكومه وصلت ف الوقت المناسب وخدوهم كلهم علي القسم

صابر: انتي بتقولي ايه اوعي يكون مقلب من مقالبك

رحمه: تفتكر ده شكل واحده عامله مقلب

امينه: نهارهم اسود بقا اختك تعمل كده ف بتي يا صابر والله

رحمه: خلاص يا اما الحكومه قبضت عليهم وهياخدو جزاءهم

رحمه: بس انا ليا طلب عندك يا أبا

صابر: خير

رحمه: عايزه اروح اقعد مع خالتي نادره كام يوم بعد اذنك

صابر: ماشي الصباح رباح

رحمه: خلاص هصلي الفجر واروح اخش اخد دش

امينه: طاب مش هتاكلي يا بتي

رحمه: ماليش نفس

امينه: بحسره منك لله يا صباح انتي وبمبه ربنا ينتقم منكم

لتدخل رحمه الحمام وهيا تبكي ولكنها تكتم صوت البكاء

رحمه: كده بردك يا آدم انا تقولي الكلام ده انا شمال وقدرت تقولها

لتسمع صوت طرق علي الباب

رانيا: اخرجي يا رحمه بقالك كتير

لتغلق رحمه الدش ثم تخرج

رانيا: تعالي يا حبيبتي انيمك ف اوضتك

رحمه: انا عايزه اصلي يا رانيا

رانيا: حاضر هجيبلك المصليه

رحمه: كتر خيرك

رانيا: اعملك كوبايه لبن

رحمه: ماليش نفس

رانيا: عشان خاطري

رحمه: ماشي

رانيا: هو انتي اتخانقتي مع ادم

رحمه: ليه

رانيا: أصله لما روحت اساءله عنك أخته دخلتله عشان تصحيه سمعته بيزعقلها ولما دخلتله انا قعد يزعقلي ويقولي معرفش حاجه عنها

لتبكي رحمه وتنتحب

رانيا: في ايه رحمه

رحمه: تعالي نخش جوه وانا هفهمك كل حاجه

رانيا: خشي انتي وانا هجيبلك كوبايه الحليب الدافئه خشي انتي ارتاحي

رحمه: بحزن ماشي

لتعد لها رانيا الحليب الساخن وتدخل عليها

لتجدها تبكي

لتقترب منها رانيا وتحتضنها

رانيا: مالك بس

رحمه: لتقص عليها كل ما قاله لها ادم

رانيا: نهاره اسود بقا ادم يقولك انتي كده

رحمه: خلاص يا رانيا قفلي علي الموضوع ده

رانيا: اسمعي يا رحمه متروحيش عند خالتك خليكي هنا قاعده معانا وانا اخدمك برموش عيوني

رانيا: اوعي تفتكري يا رحمه اني مش بحبك حتي لما قولتلك انا ثانويه عامه وانتي دبلوم كان قصدي انك تغيري وتشوفي مستقبلك لكن انا مليش غيرك انا بحبك اوي يا رحمه

رحمه: وانتي اغلي انسانه عندي

رانيا: طاب اقولك علي مفاجاءه حلوه

رحمه: وهو فين الحلو ده

رانيا: مش انا فتحت حسابك علي اليوتيوب عارفه بقا عندك كام ١٠٠الف متابعه وكلمت اصحابي كلهم وهيشتركو عندك

رحمه: فتحتيه ازاي

رانيا: انا عارفه انك بتحبيني اوي ولما بتعملي اي حساب بتخلي الباس وورد تاريخ ميلادي ايه رءيك بقا نفتح ونتكلم شويه مع البنات وتعرفيهم عليا

رحمه: مليش نفس

رانيا: ولو قولتلك تعدميني

رحمه: بخضه حرام عليكي هو انا ليا غيرك الف بعد الشر عليكي خلاص هفتح حاضر

وهاهيا رحمه تفتح قناتها وتتحدث مع الفتيات هيا ورانيا

بعد أن انتهو من اللايف

رانيا: ايه رءيك انام جنبك النهارده واونسك

رحمه: يا ريت

رانيا: خلاص من عيوني

ويمر الليل وياءتي صباحا جديدا من ايام الشهر الكريم

لنجد أن ادم قد استيقظ من نومه ليجد والدته تجلس ف الصاله

سعديه: يعني جعدت تجول نسافرو نسافرو وبعد ما جهزنا نفسنا تنام وتهملنا واختك وجوزها جعدو يصحو فيك وانته كانك بجالك سنه منومتش

ادم: معلش يا اما اصلي واخد منوم شديد

وهنا يسمعون صوت طرق علي الباب

ليفتح ادم الباب

ليجد سيد أمامه

ليضربه سيد في وجهه

ثم يمسكه من ياقه قميصه

ادم: ايه ده اوعا كده انته اتجننت

سيد: هو انته لسه شوفت حاجه

سعديه: فيه ايه

سيد: من غير شوشره تاخد اهلك وتغور من المنطقه بحالها ومتعتبش هنا تاني لاحسن قسمغ بالله هقتلك واحسر امك عليك

سعديه: ليه يعني كت مين انته الله ولا انته ولا بلدك بحالها تجدرو تمسو شعره من ولدي

حسن: هنشوف

وهنا يخرج وحيد

وحيد: ايه الصوت العالي ده فيه ايه

ادم: معرفش سيد جاي يتخانق معايا وضربني بالبونيه ف وشي وانا متكلمتش لاءني مش فاهم حاجه

وحيد: تعالي يا استاذ سيد اتفضل وفهمنا ادم عمل ايه

سيد: هو عارف كويس

ادم: والله ما اعرف

سيد: انا قولت تغورو حالا

وحيد: طاب فهمنا

سيد: الاستاذ المحترم سب رحمه ف شرفها وقالها كلام وكاءنها واحده مش محترمه وساقطه ازاي لسانك طاوعك تقولها يا شمال

ادم: عشان هيا شمال فعلا

سيد: قطع لسانك رحمه اشرف من بلدك كلها

ادم: اه حتي باءماره أنها جايه مع اتنين عساكر اكيد قبضو عليها ف مكان مشبوه وشكلها ضحكت عليهم عشان كده سابوها ومشيو

وهنا يدخل عليهم العم خليل

خليل: ايه ده بتزعقو ليه انا جاي من المستشفي وقولت اطمن علي رحمه الاول

ادم: ليه هو انته كت معاها حتي انته طلعت شمال زيها

خليل: شمال زي مين

ادم: ربه الصون والعفاف الانسه قصدي مدام رحمه

خليل: قطع لسانك ياكلب يا حيوان قسما بالله لاءجيب رقبتك علي صدرك رحمه كانت مخطوفه

ادم: ليضحك مخطوفه اه لحقت الفت حدوته

خليل: طاب اسمع التسجيلات ديه

ليشغل خليل الهاتف

ليستمعو جميعهم الي التسجيلات

ادم: يا نهار اسود انا ظلمتها وهنتها جامد اوي انا اسف حقكم عليا انا هروح اتاءسفلها

سيد: بعد ايه بعد ما كسرتها واتهمتها ف شرفها

ادم: هبوس ايديها ورجليها

سيد: مش هتسامحك

وهنا يستمع الجميع الي صوت صراخ يصدر من شقه رحمه

ليذهب سيد مهرولا وخلفه ادم وخليل

ليدخلو الي الشقه

سيد: في ايه يا خالتي

امينه: بصراخ رحمه بتي اننحرت

لتتحدث رانيا الي ادم

رانيا: من غير زعيق ولا اي حاجه تاخد بعضك واهلك وتفارقنا

ادم: انا عايز اطمن عليها

رانيا: سمعتني انا قولت ايه

ادم: ببكاء هطمن عليها بس والله

ليخرج صابر من غرفه رحمه ومعه الطبيب

صابر: متشكرين يا دكتور

سيد: هات يا عمي الروشته اجيب العلاج

صابر: الدكتور بيقول ادعولها ادعيلها يا خليل رحمه حبيبتك

لينظر الي ادم

صابر: ايه اللي جاب ده هنا

ادم: يا جماعه اسمعوني واحنا ف الشركه سمعت رحمه عماله تتكلم مع واحد وتحب فيه كانت بتقوله

خليل: كانت بتقوله انتي حبيبي ومقدرش استغني عنك وهخلص شغل واكلمك يا قلبي

ادم: اه صح

خليل: المكالمه ديه كانت الساعه ٢

ادم: مظبوط عرفت منين

خليل: عشان كانت بتكلمني انا خد التليفون شوف وقت المكالمه ومدتها اد ايه

صابر: بس يا خليل انا بكلمك بالذوق خد اهلك وفارقنا

ادم: طاب حتي اطمن

صابر: سمعتني قولت ايه

ليهز ادم رءسه ويتركهم ويذهب

ليبدأ خليل في البكاء علي حال رحمه

خليل: يارب وحياه حبيبك النبي محمد اشفيها يارب وخد بيدها يا رب ندرا عليا ادبح عجل أوكل الغلابه كلهم انا لو كان عندي بنت عمري ما كنت هحبها زي حبي لرحمه

صابر: إنشاءالله ربنا هيشفيها

امينه: اسم الله عليكي يا قلب امك ياريتني انا وانتي لاء اه يا بتي حسبنا الله ونعم الوكيل في اللي كان السبب ف رقدتك ديه

صابر: خشي يا ام رحمه اعملي شويت شوربه عشان اختها تاءكلها

امينه: حاضر هسلقلها فرخه تاكلها وتشرب شوربتها

خليل: انا رايح الجامع اصلي واخلي كل اهل الحاره يدعولها

صابر: استني انا جاي معاك

ليذهبو الي الجامع

خليل: بعد اذنك يا شيخنا المكروفون

خليل: يا اهل الحاره الكرام برجاء الدعاء لرحمه بنت صابر كلكم عارفينها وبتحبوها وهيا بنتكم

ليتوافد أهل الحاره الي المسجد وهم قلقون

اهل الحاره: مالها رحمه فيها ايه رحمه

خليل: ادعولها بس بالشفا

ليجهش ف البكاء

اما في شقه رحمه

كانت والدتها قد أعدت الطعام لها

امينه: خدي يا رانيا اكلي اختك مش قادره اشوفها ف الحاله ديه

لتدخل عليها رانيا بالطعام

رانيا: ياله يا رحومه عشان تشربي الشوربه وتاكلي الفرخه امك مضحيه وعامله فرخه بحالها يا ريتني انا كمان عيانه عشان كانت امينه عملتلي فرخه ديه هتتسجل ف موسوعه جينيس من عجائب الدنيا ال٨

رحمه: معلش يا رانيا بعد اذنك اخرجي واطفي النور وسيبيني انام

رانيا: مش هتاكلي

رحمه: انا صايمه

رانيا: رحمه بالله عليكي متوجعي قلب معاكي لو سمحتي عايزه انام

رانيا: حاضر من عيوني ربنا يشفيكي ويعافيكي يارب

رانيا: انا هخرج هذاكر ف الصاله لو عوزتي حاجه اندهي عليا

رحمه: حاضر بس اطفي النور وانتي خارجه

لتقبل رانيا رءس رحمه ثم تخرج

امينه: ايه ده الاكل زي ماهو ليه

رانيا: والله اتحايلت عليها مرضيتش وقالت صايمه

امينه: طيب يا بتي حطي الاكل ف المطبخ وابقي شقري علي الرز وانا هصلي العصر

رانيا: حاضر يا امي ولما تخلصي صلاه هبقا اصلي بعديكي

امينه: امانه عليكي ابقي ادعي لاختك

رانيا: بدعيلها والله يا امي

وهنا يسمعون صوت طرق عنيف علي الباب

امينه: ايه في ايه استرها يارب

لتفتح رانيا الباب

لتجد فرحه ابنه عمتها

رانيا: خير عايزه ايه

فرحه: ابوس رجليكم امي وأخويا هيضيعو هيا فين رحمه يا رحمه الحقيني

امينه: بس يا بت بطلي وش

فرحه: حرام عليكم اخويا مستقبله هيضيع وامي هتموت ف السجن وانا واخويا هنتشرد

وهنا تخرج عليهم رحمه بعد أن سمعت صوت ابنه عمتها

رحمه: تعالي معايا

امينه: علي فين يا رحمه وانتي تعبانه كده

رحمه: معلش يا امي مشوار صغير وهرجع بسرعه

رانيا: طاب اجي معاكي

رحمه: لاء خليكي انا مش هتاءخر

رواية رحمة في رمضان الفصل الرابع والثلاثون

وها هيا رحمه تخرج من منزلها لتتجه الي قسم الشرطه

العسكري: خير يا انسه

رحمه: بتعب لو سمحت عايزه رئيس المباحث

العسكري: خير

رحمه: ربنا يكرمك عايزه ادخله ضروري

العسكري: طيب خلاص أقوله مين

رحمه: قوله رحمه بتاعت قضيه الخطف

العسكري: طاب خليكي واقفه لغيت ما أبلغه

وبعد خمس دقائق

العسكري: اتفضلي يا استاذه

لتدخل رحمه عند رئيس المباحث

رحمه: نادر باشا انا اسفه اني بزعج حضرتك بس بعد اذنك كنت عايزه اتنازل عن بلاغ الخطف

نادر: انتي مجنونه

رحمه: بالله عليك انا خلاص متنازله

نادر: يا بنتي ازاي تتنازلي

رحمه: مش عايزه اكون سبب ف ضياع مستقبل صادق مش عايزه اعيش بعقده الذنب

نادر: واضح انك مصممه

رحمه: بعد اذن حضرتك طبعا

نادر: ماشي هقفل المحضر واخرجهم بس هناخد عليهم تعهد أن محدش منهم يقربلك

رحمه: كتر خيرك يا باشا

نادر: يا عسكري

العسكري: افندم نعم جنابك

نادر: هاتلي المتهمين صباح وبمبه وصادق

العسكري: أوامر حضرتك

ليذهب العسكري ليحضرهم

بمبه: في ايه هو انتو هتعدمونا

العسكري: امشي يا وليه انتي من سكات

صباح: الله يخربيتك يا ريتني ماسمعت كلامك فضلتي تسخنيني علي اخويا وبنته ومشيت وراكي زي البهيمه ادينا روحنا ف توكر

العسكري: ياله خشو عند الباشا وانا هجيب المتهم

ليتركهم العسكري ويذهب لاءحضار صادق

نادر: ادخلوا

صباح: ايه ده رحمه بت اخويا حقك عليا ابوس ايدك ورجلك انا مش مهم بس ابن عمتك صادق مستقبله يرضيكي يقضي شبابه ف الحبس

وهنا يدخل العسكري ومعه صادق

صادق: عمت مساءا سيدي الكولونيل

نادر: نعم يا اخويا

صادق: اني أرحب بك يا سيدي

لتضحك رحمه

رحمه: معلش يا باشا أصله مثقف شويه عنده دكتوراه ف النمل

نادر: رحمه اتنازلت عن المحضر يعني خلاص مافيش قضايا

صباح: يحيا العدل يحيا العدل

بمبه: يعني احنا خلاص هنروح

نادر: اه بس بعد متمضو إقرار وتعهد انكم مش هتحتكو بيها

صباح: ايه يا بيه نمضي وماله

وبعد وقعت صباح وبمبه علي التعهد

نادر: وانته ايه ظروفك

صادق: سيدي الكولونيل انا لا اريد ان اخرج من هنا فقط امنحني بعض ايام

نادر: ليه يعني هو في حد بيحب السجن وكبت الحريه

صادق: بالطبع لا ولكني وجدت كنزا كبيرا في غرفه الحبس

نادر: كنز ايه انته عبيط

صادق: صدقني سيدي لقد وجدت أسراب من النمل ووجدت أيضا مجموعه من الحشرات القارصه ولقد بدءت فعلا في مراقبتهم لاءعرف من اين ياءتو لابد وأنهم قبائل كثيره

نادر: يعني قصدك الكنز هو النمل والحشرات انا لازم اتصل بمستشفي المجانين ييجو ياخدوك ايه ده يا ربي انا ناقص جنان

صباح: امانه عليك يا بيه انا ها اخده ونروح علي طول وحضرتك عمرك مهتشوفنا تاني

نادر: ياله بدل ما اغير كلامي

صباح: ماشيين اهو قدامي يا مجنون يا ابن المجنونه

وبعد أن انصرفو

رحمه: اشكرك جدا يا افندم

نادر: لا علي ايه ده شغلي

رحمه: طاب عن اذن حضرتك

وقبل أن تنصرف رحمه تدخل علياء زوجه نادر ومعها ابنتها كنزي

كنزي: الحقي يا مامي مش ديه رحمه اللي بتيجي ف التليفون بتاع حضرتك

علياء: اه هيا ازيك يا استاذه رحمه

رحمه: اهلا بحضرتك وبالقمر الصغنن ده

علياء: ايه يا نادر اوعا تقصر رقبتنا قدام رحمه

رحمه: لاء والله خالص

كنزي: طنط رحمه ممكن ابوسك

رحمه: ده انا اللي ابوسك

لتحملها رحمه وتقبلها

كنزي: ممكن طلب تاني

رحمه: انتي تؤمري

كنزي: عايزه اطلع معاكي ف الفون والناس تشوفنا مع بعض

رحمه: بس كده عيوني بعد اذنك يا نادر باشا

نادر: اتفضلو اما نشوف

علياء: انتي عسوله اوي يا رحمه

رحمه: ربنا يخليكي هاه جاهزه يا كنزي

كنزي: اه

رحمه: طاب احنا لايف علي الهوا اصحابي واخواتي بحبكم اوي اد الدنيا وبشكركم جدا كمان بس النهارده هنتكلم عن تجربه شخصيه مريت بيها وعلي اد ما اللي حصل وجعني وجعني اوي كمان لكن الحمدلله ربنا اكرمني اولا باءنسان محترم بيؤدي شغله علي اكمل وجه وكمان زوجته العزيزه ربنا يخليهم لبعض والمفاجأة الجميله رحبو معايا بالقمر كنزي ياله يا كنزي قوللي حاجه لاصحابنا

كنزي: انا بحبكم اوي وبحب بابي ومامي اوي وبحب اصحابي ف النادي وبحب رحمه

رحمه: طيب يا حلوين انا عايزه اتكلم مع اصحابي احب اقولكم اوعو تثقو ف اي حد بسرعه واوعو تحكمو عواطفكم خلي العقل هو اللي يسوق صدقوني العقل دائما قرارته صح اما القلب فقليل جدا لما بتكون قرارته صح وكمان يا بنات لازم نحاول نشتغل عشان ننتج حتي لو كل خمسه اوست بنات يعملو مشروع باءقل الإمكانيات وإنشاء الله تنجحو صدقوني النجاح حلو اوي وانا هبدء معاكم انا محتاجه عشر بنات هيشتغلو معايا والشغل هيكون عباره عن ماركتينج لسلع كلنا بنحتاجها ياله يا كنزي اديهم بوسه بيباي يا احلي اخوات

وبعد أن أغلقت رحمه اللايف

علياء: تعرفي أن عندك كاريزما القبول واي حد يشوفك يحبك ممكن نبقا أصحاب

رحمه: اكيد انا ليا الشرف

علياء: طاب هاتي رقمك

رحمه: من عيوني

علياء: انتي ساكنه فين

رحمه: ساكنه ف حاره الأهل

علياء: الأهل ولا الاهلي

رحمه: لاء الأهل عشان كلنا بنعتبر عيله واحده

علياء: الله انا نقسي اقضي يوم ف حاره عارفه يا رحمه احنا ساكنين ف كومباوند لكن محدش يعرف حد ولا حد بيساءل

نادر: اه وانتي طبعا بتحبي اللمه

كنزي: ممكن اجي معاكي يارحمه

رحمه: يا خبر ده ممكن ونص وتلت تربع كمان وكمان هعرفك علي مامتي واختي وابويا وكل اصحابي

علياء: ممكن يا نادر نروح معاها

نادر: مش حاسه كده انك بارده انتي وبنتك زيك

علياء: كده ميرسي خالص خلينا انا وبنتك كده كل يوم نفطر المغرب لوحدنا

نادر: يعني عايزاني اسيب شغلي واقعد جنبك انتي وبنتك

رحمه: اهدو يا جماعه وصلو علي النبي

نادر: وزوجته عليه الصلاة والسلام خلاص روحو مع رحمه خلي بالك منهم يا رحمه ايه ابعت عسكري معاكم

رحمه: لاء طبعا احنا ادها وادود

لتنصرف رحمه ومعها علياء والطفله كنزي

وها هم قد وصلو الي الحاره

علياء: الله ايه الانوار ديه كلها انتو عندكم فرح وايه الترابيزات ديه انت عاملين ماءده افطار

رحمه: مش عارفه تعالو نشوف

وما أن دخلو الي الحاره

لتسمع رحمه صوت الصواريخ

ثم تنظر حولها

لتجد العم خليل يقترب منها

رحمه: في ايه يا عم خليل

خليل: قلب عمك خليل نورتي الحاره يا نواره الحاره

لتجد أهل الحاره جميعهم يقتربون منها

اهل الحاره: رحمه الغاليه نورتي الحاره يا ست البنات

خليل: أهل حاره الأهل الكرام ربنا يديمكم سند وعزوه وأحب اقول اني فرحان اوي ببنتي رحمه ايوه رحمه ديه كل اهل الحاره شركا فيها من صغرها وهيا متربيه ف بيوتنا كلها واحب اذيع الاتفاق اللي ما بينا من النهارده حارتنا ديه حاره الرحمه

لتدمع عينا رحمه

رحمه: ربنا يخليكم ليا

سيد: خطيب رانيا لسه في مفاجأة تانيه

سيد: أهل الحاره كلهم معزومين علي فطار جماعي علي شرف اختي الغاليه رحمه

رحمه: بس ده كتير اوي

شاهين: ميكترش عليكي حاجه يا ست البنات

ليقترب الاطفال من رحمه

يوسف: خلي بالك هنلعب كوره بعد الفطار

رحمه: شايفين القمر الصغنن ديه تبقا كنزي صاحبتنا وديه مامتها صاحبتي

الاطفال: الله ديه حلوه اوي

وهنا تنزل امينه من منزلها لتجري علي ابنتها

امينه: يا قلب امك يا بتي

رحمه: امي حبيبتي اعرفك علي صاحبتي علياء وبنتها كنزي

كنزي: هيا ديه تيته

رحمه: اه

امينه: ماشاء الله قمر تعالي ف حضن تيته

ثم ياءتي صابر

صابر: ايه ياقلب ابوكي عامله ايه

رحمه: الحمدلله يا أبا

صابر: شايفه أهل الحارة كلهم فرحانين بيكي ازاي

رحمه: دول اهلي وناسي يا أبا

امينه: ايه يا ابورحمه مش هتسلم علي القمر الصغنن

صابر: بسم الله ماشاء الله ايه الجمال ده كله

كنزي: ميرسي ياجدو انا كنزي صاحبه رحمه وديه مامي دكتوره بتبيع نونوهات

صابر: ايه

كنزي: يعني طنط تروح لمامي تشتري منها النونو

ليضحكو عليها

كنزي: بابي بقا بيشتغل بوليس بيقبض علي الحراميين

صابر: الله اكبر عليكي ربنا يحميكي

كنزي: ميرسي يا جدو

صابر: الله كلمه جدو ديه حلوه اوي

اما سمره فكانت تقف مع سيدات الحاره جميعا

سمره: عايزين قبل الاذان بخمس دقائق كل واحده فينا تطلع هديتها

السيدات: حاضر

بخيته: انا جيبتلها هديه علي اد ما اوسم

حكمت: هو انتي كمان جوزك كان عايز يتجوزها

بخيته: لا والله بس الصراحه رحمه الله يباركلها كانت بتجيبلي اكل انا وعيالي قبل ما نشتغل حتي ام ناهد بتاعت الفجل بردك كانت بتحن عليها ربنا يجازيها خير

عزه: اخت ذكيه طاب اقولكم علي حاجه تعرفو أن رحمه هيا السبب ف أن جوز اختي ذكيه يرجعلها عشان كده اول ما اختي اتصلت بيا قولت اجي اعمل الواجب

مرضيه: زوجه شاهين الجزار تعرفو يا اولاد رحمه ديه تستاهل كل خير والله عمري ما هنسي لما وقفت جنبي لما كان شاهين عايز يطلقني انا وضرايري ويتجوز غيرنا رحمه بقا اتكلمت معاه وخليته غير فكره خالص

وها هم أهل الحاره يجلسون جميعا علي ماءده الافطار

لينظر سيد علي أول الحاره

سيد: يا ابن المجنونه

حكمت: مالك يا ضنايا بتكلم نفسك

سيد: سلامتك يا اما بصي شوفي ادم عامل ايه ف نفسه

لتنظر حكمت

حكمت: يا عيني رحمه جننت الجدع

ليقترب ادم منهم وهو يحمل كفنه علي يده ومن خلفه فرقه موسيقيه تعزف لحن الموت

ادم: انا جيتلك يا رحمه وقدام أهل الحاره كلهم وشايل كفني علي ايدي وبعترف اني غلطان وحمار حمار كبير كمان واسف علي كل كلمه قولتهالك ابوس ايدك سامحيني يا اما تموتيني وتريحيني من عذاب الضمير

لتنظر رحمه حولها

لنجد أن امينه تتحدث الي ادم

امينه: تسامحك علي اياك كسرتلها كوبايه انته كسرت قلب بتي إنشاءالله انته وامك

لتضحك رحمه

رحمه: خلاص يا امينه

رحمه: عايزني اسامحك

ادم: بفرحه يا ريت

رحمه: تبوس الجدم وتبدي الندم علي غلطتك ف حج

ادم: كملي ف حج الغنم

رحمه: انا غنم يا ابن سعديه

ادم: خلاص صافي يا لبن

رحمه: حليب يا قشطه

رانيا: ايه الهبل سامحتيه بكل سهوله كده

رحمه: المسامح كريم والعفو عند المقدرة لكن صحيح ايه اللي لخبط وشك كده

ادم: سيد

ليضحك سيد

سيد: تعيش وتاخد غيرها وخلي بالك رحمه اختي وشد خط تحت كلمه اختي ديه يعني لو زعلتها مش هيكفيني عمرك فيها

ادم: والله حرمت وعمري مهزعلها

سيد: طاب أترزع اقعد فاضل خمس دقائق علي الفطار

ليجلس ادم بجانب رحمه

وهاهم سيدات الحاره يضعن كل الهدايا علي سفره الفطار

سمره: بالنيابه عن نفسي وبالاصاله عن كل سيدات الحاره بنقول لرحمه كل سنه وانتي طيبه وياريت تقبلي هدايانا

رحمه: بفرحه ربنا يخليكم ليا يارب لكن الهدايا ديه عباره عن ايه

حكمت: افتحي وشوفي

لتفتح رحمه

رحمه: الله ايه ده دهب كل الدهب ده ليا

نجاه: انتي تستاهلي اكتر من كده بكتير

وهنا تدخل صباح واولادها ومعهم بمبه

صباح: حقك عليا يا بت اخويا

بمبه: اهو ربنا خدلك بتارك جوزي هيطلقني انا عارفه اني استاهل سامحيني يا رحمه

رحمه: خلاص سماح ربنا يسامحنا كلنا

رحمه: ما هو النهارده يوم السماع العالمي ومتقلقيش يا خالتي بمبه انا اتكلمت مع جوزك وكله تمام

صباح: صابر اخويا

امينه: مرات اخويا

امينه: خلاص يابت بقا اقعدي

صابر: خلاص يا صباح مادام عرفتي غلطم وقريتي بيه نفتح صفحه جديده اقعدو ياله

صادق: خالي انا

صابر: قسما بالله لو اتكلمت بالنحوي ما انا عمري مهسامحك

رحمه: اتاءخر كده مش قولت خمس دقائق يا عم سيد

سيد: كت بشتغلكو

خليل: رحمه

رحمه: نعم

خليل: مش جيبتلك عروسه عايز مني ايه تاني

رحمه: اه يا جزمه الجزم خساره فيكي والله انا صورتك كل اللي حصل ونزلته علي صفحتك

رحمه: اه يا ابن خليل

خليل: هاه ايه يا ابن نظام

رحمه: يا ابن نظام

خليل: الله يخربيتك محدش هنا يعرف اسم امي

وهنا يؤذن المغرب

الله اكبر الله اكبر

فرجاني: ياله يا جماعه بسم الله

رحمه: ممكن اقول كلمه

رانيا: يخربيتك جعانين

رحمه: دائما همك علي بطنك كده

رحمه: انا عايزه اشكر اهلي وناسي ربنا يخليكم ليا

علياء: الله انتو حلوين اوي انا هقول لنادر يشوفلنا شقه هنا جنبكم

كنزي: اه يا مامي ياريت

وهنا ياءتي العم عبده البقال حاملا كرتونه

عبده: خدي يا رحمه كرتونه شيبسي علي حلويات عشان تاكلي وتتبسطي

رحمه: حبيبي يا عوبد

وهنا تاءتي أيضا نادره خالت رحمه وابنتها نادين

رحمه: يابختك يا خلو

خليل: بطلي قر وخليكي ف حالك

ادم: جري ايه يا عم متحوشها عني

سمره: الا مين القمرين دول يا رحمه

رحمه: اه صح انتو كلكم متنحين لهم كده ليه

سمره: عايزه الحق اصل اول مره حارتنا يبقا فيها ناس نضاف وشياكه والاجه

رحمه: ديه مدام علياء وبنتها كنزي وتبقا مرات نادر باشا رئيس المباحث

عبده: رئيس المباحث حته واحده

رحمه: لاء كذا حته وفي بالكاتشب كمان

سيد: بت يا رحمه انا عارف انك فشاره اوي جري ايه يا ام لمعه

رحمه: والله العظيم هيا فعلا مرات رئيس المباحث

علياء: ايه يا جماعه مستغربين ليه هو يعني رئيس المباحث ده مش ابن تسعه زينا وله زايد شويه كلنا واحد وكلنا بنخدم بعض بس كل واحد بيخدم بطريقة مختلفة ممكن ناكل المغرب اذن من شويه

الجميع: اتفضلي حضرتك الف هنا

علياء: الأجواء هنا تحفه

رحمه: انتي لسه مشوفتيش اهم حاجه عندنا

علياء: وايه هيا

رحمه: كوبايتين شاي بالنعناع الأخضر فوق سطح بيتنا ومعاهم حتتين كنافه من ايد البت رانيا اختي هتنسي الدنيا ومافيها وانتي شايفه الزينه والانوار

علياء: يا خساره يا ريتني اتعرفت عليكم من اول رمضان

رحمه: رمضان ده ضيف عزيز وغالي بس الوقت فيه بيطبر

امينه: متاكلو يا ولاد وخلو الحكاوي بعدين

ادم: ممكن يا رحمه كوبايه تمر هندي من اللي قدامك ديه

رحمه: ايه يا عم هيا الكحكه ف ايد اليتيم عجبه

سيد: يا بت بيتلكك عشان يشرب وراكي عشان تجرو ورا بعض

رحمه: ليه يا اخويا داخلين ماراثون ديه الجوازه العجيبه ديه

ادم: هانت كلها اسبوع ورمضان يخلص وهنتجوز اول يوم ف العيد

رحمه: لا يا بابا خليها تاني او تالت يوم

ادم: ليه هو حضرتك وراكي حاجه اول يوم

ليضحك سيد وباقي أهل الحاره ضحكا شديدا

ادم: ايه ده هما بيضحكو ليه

رحمه: لما تكبر هقولك

علياء: طاب هتقوليلي انا

رحمه: اصبري وانشاء الله اول يوم العيد تشوفي بنفسك

رواية رحمة في رمضان الفصل الخامس والثلاثون

وهنا يرن هاتف علياء

علياء: يا خبر ده نادر رن كتير وانا مسمعتوش شكلها هيبقا فيها خناقه عشان يعجبك يا ست رحمه

رحمه: ولا خناقه ولا حاجه هاتي الموبايل

علياء: هتعملي ايه

رحمه: يا بنتي هاتي بس

علياء: خدي

رحمه: كنزي القمر حبيبتي

كنزي: نعم

رحمه: شوفي انتي هتردي علي بابي وتقوليله سوري اصل التليفون كان معايا وانا زعلانه من مامي هيا عايزانا نمشي وانا حبيت المكان اوي والناس اللي هنا كلهم طيبين

كنزي: اوك

لتتحدث كنزي مع والدها

كنزي: لتقول له كل ما قالته لها رحمه

نادر: قلب بابي انتي خلاص اقعدو براحتكم وانا هعدي اخدكم وانا مروح

رحمه: هاتي كده يا كنزي

رحمه: باشا انته هتتسحر معانا

نادر: ملوش لزوم

رحمه: اسمع كلامي ده لمصلحتك

نادر: مش فاهم

رحمه: لما تشرفنا هتفهم

نادر: طاب جهزولي طبق حلويات وكوبايه شاي بالنعناع الأخضر

رحمه: بس كده وهتشرب الشاي علي الروف جاردن عندنا

نادر: هيا مراتي فين

رحمه: انسجمت مع اهل الحاره

نادر: شكرا ليكي يا رحمه بجد

رحمه: هو انا عملت حاجه شكر على ايه

نادر: انا استجدعتك وهاءمنك علي سر

رحمه: اوعا الحكومة بذات نفسها هتاءمني علي سر يا بركه دعاكي يا امينه عارف امها شكلها ف الاول كانت بتدعي بس الدعاء مش بيتحقق عارف ليه اصل امي كانت بخيله طاب عارف القطه لما كانت تدخل شقتنا تطلع مغم عليها ايوه الله بس هيا بقا ايه بقت كريمه وبتعملنا اكل فراخ ولحمه اه والله

نادر: الله يخربيتك انا مالي انا بامك بخليه ولا كريمه ولا امينه نسيتيني كنت هقولك ايه

رحمه: طاب خلاص خلاص احسن يطقلك عرق

نادر: بتقوللي ايه

رحمه: صدق نسيت انك حكومه هاه كنا بنقول ايه

نادر: اصل علياء مراتي بنت وحيده ووالدها ووالدتها أتوفو من سنتين وبعد كده يعني كان في بيبي جاي اخ لكنزي لكن للأسف من كتر الحزن الحمل مكملش وكانت دائما حزينه

رحمه: يا عيني يا حبيبتي بقولك ايه انا مبحبش النكد

نادر: انتي مجنونه يا بنتي

رحمه: انا ده انا مسميني العاقله

نادر: اه الصراحه يعني باين اوي

رحمه: هو حضرتك هتفضل تتكلم كتير

نادر: اه طاب سلام

علياء: الحمد لله شبعت

امينه: هو انتي كلتي حاجه

علياء: والله اول مره اكل بالطريقة ديه ربنا يسامحك يا رحمه خليتني ابوظ الدايت

امينه: عايزه مسحوق الغسيل في حاجه وقعت علي فستانك ولا ايه

علياء: لا يا طنط قصدي اني بوظت الريجيم

امينه: احسن برده ومتعمليهوش تاني

علياء: ليه

امينه: اسمه الرجيم يعني شيطان

علياء: عن اذنك اخد كنزي عشان نروح

امينه: لسه بدري

علياء: ميرسي

لتتركها علياء وتذهب لتحضر ابنتها التي تجلس بجانب رحمه

علياء: ياله ياقلبي عشان نروح

كنزي: لاء انا هقعد شويه مع رحمه

علياء: كده بابي هيزعل مننا

رحمه: يزعل منين إذا كان هو بنفسه جاي يشرب الشاي معانا

علياء: بتهزري صح

رحمه: لا والله بتكلم جد

علياء: وعرفتي منين أنه جاي

رحمه: اصلي انا كلمته

وها هم قد انتهو من طعار الإفطار الرمضاني

لنجد أن صادق ينظر إلى نادين ابنه خالت رحمه

ثم يذهب الي جوارها

صادق: عمتي مساءا آنستي الجميله

نادين: عمت مساءا أستاذيى العزيز

صادق: استاذك كيف اكون ذلك

نادين: الا تعلم أنك تدرسلي ف الجامعه

صادق: وهل انتي طالبه عندي

نادين: نعم استاذي

صادق: يا لها من مفاجاءه جيده

نادين: احقا أنها مفاجأة جيده

صادق: نعم وما هو موضوع رسالتك

نادين: انا ادرس ف السنه الأولي ولكنني إنشاءالله ساءتخصص ف الحشرات القارصه اريد ان اعرف من اين تاءتي هذه الحشرات

صادق: جميل جدا بالتوفيق

وهنا تقترب منهم رحمه

رحمه: اهلا ما جمع الا ما وفق قفلين واقفين قدامي

نادين: لماذا تتحدثين هكذا

رحمه: اتعدلي معايا وانته والله العظيم لو اتكلمت بالفصحي تاني هرجع ف كلامي واروح اقولهم ف القسم انك انت اللي خطفتني

صادق: ساءعدك اني لن اتكلم اللغه العربيه الفصحى مره اخري

رحمه: انا اروح القسم احسن

صادق: خلاص يا ستي هتكلم باللغه العاميه زيكم

رحمه: وانتي يا ست نادين

نادين: وانا كذلك

رحمه: يا وجع القلب ياربي وبعدين هو انتي من أمته بتتكلمي بالفصحي

نادين: اسكتي مش الدكتور صادق بيدرسلي ف الجامعه

رحمه: لا والله بجد بس صادق معيد مش دكتور احنا بس بنقوله دكتور باعتبار ما سوف يكون إنشاءالله بس انا شايفه بوادر اعجاب

صادق: عايزه الصراحه انا فعلا معجب بيها من فتره لما شوفتها عندكم بس امي الله يسامحها كانت عايزاني اتجوزك عشان زي ما بتقول أن خالي هيدينا الشقه اللي قدامكم

رحمه: ليه هو انتو فقرا ما انتو عندكم بيت

صادق: امي الطمع كان عاميها لكن بعد موقفك من اللي حصل غيرت فكرتها تماما

رحمه: وانتي يا حجه نادين شعورك ايه

نادين: بصراحه انا معجبه بحضرته

رحمه: يبقا خلاص تتخطبو لبعض

صادق: بجد

رحمه: اه بجد بس اهم حاجه متنطقش بالفصحي تاني

صادق: وعد مني

رحمه: طيب احنا بعد شويه هنطلع علي السطح عندنا خلي امك وأخواتك يروحو وتعالي اقعد معانا

رحمه: وانتي يا نودي خالتي هتطلع معانا هيا وخلو

نادين: حلو ده

رحمه: طيب ساعه كده وهنطلع

لتمر الساعه

ليصعدو جميعهم علي سطوح منزل رحمه

رحمه: تعالو يا جماعه منورنا يا نادر باشا

نادر: ده نوركم انتو

وهنا تصعد امينه ومعها رانيا وهم يحملون الشاي والحلوي

امينه: ياله يا جماعه الف هنا وشفا

صابر: تعالي اقعدي معانا يا امينه

امينه: احنا كبرنا علي الحاجات ديه

رحمه: متقعدي معاه ما هو كل واحد قاعد مع حبيبته

صابر: والله الفرحه مش سيعاني بتشريفك لينا يا نادر باشا

نادر: ربنا يكرمك يا حج

كنزي: بابي ممكن تسيبوني هنا مع جدو صابر وتيته امينه

امينه: يا قلب تيته

كنزي: اصل انا مش عندي تيته وجدو كلهم راحو عند ربنا

صابر: لا حول ولا قوه الا بالله العلي العظيم

نادر: اصل علياء مراتي والدها ووالدتها توفو الله يرحمهم وانا شرحه

صابر: ولو أننا مش اد المقام بس ياريت تعتبرني ف مقام والدك

نادر: ده انا ليا الشرف يا حج اللي يربي انسه زي رحمه شرف لاءي حد أنه يكون والده

رحمه: اشكرك

ادم: جري ايه انا بغير

ويمر الليل وهم يضحكون ويتسامرون

الي أن اتي موعد السحور

امينه: ياله بقا ننزل نتسحر

نادر: مالوش لزوم احنا هنتسحر ف البيت

كنزي: هتسيبوني اقعد هنا مع تيته وجدو

نادر: اه يا قلبي

صابر: هنتسحر كلنا سوا ومافيش كلام تاني بعد كلامي

ويمر الليل

وها هي ايام الشهر الكريم تنقضي

واليوم هو وقفه عيد الفطر المبارك

رحمه: اما انا طالعه اساعد خالتي ام عصام ف عمايل الكحك والبسكويت

امينه: روحي وخدي الدقيق بتاعنا والحاجه كلها وانا هخلص طبيخ واحصلك

رحمه: انا هتصل علي علياء عشان كانت موصياني أنها عايزه تحضر عمايل الكحك

امينه: ماشي وانا هعمل حسابهم ف الفطار

رحمه: طاب اوعي تتاءخري علينا

امينه: يا بت انا سلقت البط وعملت كمان كباب حله وحشيت المحشي بس لسه بدري قرب المغرب بساعه ابقا انزل أسويه

رحمه: طاب متطلعي معايا

امينه: لسه هعمل صواني رقاق وجلاش وصنيه بطاطس بالفراخ

رحمه: اما هو انتي عيانه

امينه: بعد الشر ليه

رحمه: اصلك ماشاءالله عامله وليمه

امينه: عشان عازمه عمك خليل وخالتك وبتها وعيله ام عصام ما هو مش معقول الوليه تساعدنا ف عمايل الكحك ونسيبها كده

رحمه: طاب والأكل هيكفي

امينه: انتي مجنونه مش قولتي الاكل كتير

رحمه: ما انا مكتش اعرف انك عازم كل دول

امينه: ده انا كمان نسيت اقولك علي نسايبك

رحمه: مين

امينه: ام ادم وانتصار بنتها وجوز بنتها

رحمه: هما جم أمته

امينه: بليل

رحمه: طيب ربنا يستر والأكل يكفي عشان منسمعش كلمتين من سعديه

امينه: متخافيش انا عامله ماشاء الله خمسه كيلو لحمه وست فرخات وست بطات غير جميع انواع المحشي وكمان في مفاجأة

رحمه: خير

امينه: دكرين رومي بلدي إنما ايه معتبرين

رحمه: اما هو انتي يتعوضي كل السنين اللي كتي مش بتاءكلينا فيها

امينه: عايزه الصراحه اه

رحمه: طاب الحاجه ديه كلها هتستوي فين

امينه: ما انا هشغل الافران اللي على السطوح ده الفرن الواحده تاخدلها ديكين رومي

رحمه: اخيرا هتشغليهم

امينه: اه امال ايه وكمان ابوكي شيعلي الصبي اللي عنده ملالي الأنابيب والحمدلله انتي واختك وضبتو الشقه وخليتوها فله

رحمه: ما هي هتتعك تاني يا اختي غير المواعين

امينه: لا متخافيش انا عامله الاكل كله ف صواني فويل

رحمه: والله واتمدنتي يا امينه

رحمه: وبعد منخلص كل حاجه هتنزل نشتري بيجامات للعيد ليكي انتي واختي

رحمه: اما انا هتجوز تاني يوم العيد

امينه: عارفه يا حبيبتي بس انتي ناسيه أن جهازك كله أهل الحاره جابوه والله مرزقه من يومك

رحمه: طاب انا هتجوز ازاي وأهله قاعدين ف الشقه

امينه: لاء يا اختي انا جيبت بخيته وبمبه وضبو الشقه اللي تحت وابوكي خد البضاعه علي الورشه والشقه بقت الاجه وهما قاعدين فيها وبالنسبه للبس بتاعك قصدي يعني القمصان والارواب والبجايم علياء اشتريتهم لك حتي عاتبتها وقولتلها ليه كده قالتلي يا ماما رحمه ديه اختي حتي العشا بتاع العروسه هيا اللي هتعمله اما طبيخ الفرح نسوان الحاره حلفو ميت يمين أنهم يعملوه وفرجاني قال الحاجه الساقعه بتاعت الفرح كلها عليه شوفتي يا حبيبتي الناس بتحبك ازاي ربنا يحبب فيكي خلقه حتي الحصا ف الأرض يا رحمه يا بت امينه

رحمه: طاب ميتجوزو بدالي

امينه: ده لسه المفاجأة الكبيره

رحمه: خير في ايه

امينه: مش واخده بالك ان اختك مش هنا

رحمه: اه صح راحت فين

امينه: سيد خدها وراحو يشترو فستان الشبكه واشترولك فستان فرح إنما ايه هيبقا عليكي زي الكحكه

رحمه: ربنا يخليكم ليا

امينه: شوفي مين علي الباب

رحمه: الله ديه علياء ده انا كت لسه هتصل عليكي

علياء: رانيا كلمتني وقالتلي كنزي

كنزي: تيته امينه حبيبتي

امينه: تعالي ف حضن تيته يا قلب تيته

كنزي: هو جدو فين

رحمه: جدو ف الورشه تحبي تروحيله

كنزي: اه

رحمه: طاب استني

لتخرج رحمه الي البلاكونه

رحمه: يوسف يا عمرو تعالو اطلعو عشان تودو كنزي الدكان عند ابويا

الاطفال: طالعين حالا اهو

ليصعد الاطفال

رحمه: خلو بالكم منها

علياء: اوعي تعملي شقاوه يا كوكي

كنزي: حاضر يا مامي

علياء: مش هتقوليلي بقا ايه هيا طقوس اول يوم العيد عندك يا رحمه

امينه: اقولك انا اصل الفالحه بتلم نسوان الحاره كلهم وفاكره نفسها كوافيره تقعد بقا تصبغ وتكوي ف شعورهم ده لمؤاخذه الشمع الفالحه بتعمل شادر كبير وتقعد تلعب ف خلء النسوان وسبحان الله بيطبعو زي القمر وبتقولك كوافير نوجه للبنات والحريم العوجه

رحمه: ده انا بلم لم اوعا ستات الحاره مستعدين يدفعو دم قلبهم بس يطلعو من تحت ايدي حلوين

لتضحك علياء

علياء: انتي ايه يا بنتي سوبر وومن

رحمه: سبع صنايع والبخت ضايع يا أختاه

علياء: بس انتي اول يوم العيد مش هتبقي موجوده هنا ف الحاره

رحمه: ليه يعني

علياء: عشان حجزتلك ف بيوتي سنتر اول يوم هنعمل شويت حاجات وبروفه وتاني يوم هنعمل ميكب العروسه

رحمه: ايه هو انا مش هاءجر عجل والعب مع العيال ف العيد

علياء: اكبري بقا

امينه: قوليلها يا بتي نفسي تعقل وتكبر هتفتح بيت ازاي ديه

علياء: لا يا ماما رحمه ست البنات وهتبهرنا

امينه: ده انتي طيبه اوي ديه هبله هتتجوز عبيط

رحمه: اما مسمحلكيش هو طويل واهبل

علياء: اقولك ادم فين

رحمه: مش عارفه ممكن يكون نايم ما هو النهارده اجازه

علياء: لاء رحمه امال فين ابن سعديه بقا

علياء: اصل نادر وسيد خدوه عند الحلاق وكمان هيقعد مع نادر لغيت الفرح

رحمه: ايه ده ليه

علياء: عشان يوحشك

رحمه: ايه ده هو مش هيعمل حنه

علياء: هيعملوها عندنا

رحمه: ايه ده ف الكومباوند

علياء: لاء

رحمه: امال فين

علياء: يا ربي عليكي هيعمل حنه هنا تحت البيت يا ستي وانتي بقا حنتك نقطه من اخوكي نادر

رحمه: ليه بس انتو غرقتوني بجمايلكم

علياء: وبعدين معاكي كده تزعليني منك طاب والله العظيم يارحمه من يوم مقابلتك عند نادر وجيت هنا واتعرفت علي أهل الحاره كلهم حسيت اني بقا ليا أهل وعايشه وفي ناس بيحبوني وبحبهم ده انا كنت ف الكومباوند كت بقعد كذا يوم مشوفش بني ادم واحيانا نادر كان بيبقا عنده شغل وبيبات برا هو اه الحمدلله الدنيا هناك أمان بس انا بحب الناس وبحب اللمه والعيشه وسط الناس

رحمه: واحنا حبيناكي اوي وربنا يعلم انك بقيتي عندي ف غلاوه

رانيا:

وهنا تشعر امينه بدوخه شديده لتقع علي الارض

رحمه: اما يا اما

علياء: لازم نجيب لها دكتور

لتتصل علياء علي الطبيبه الخاصه بها

الطبيبه: حضرتك ابعتي اللوكيشن وهكون عندك

رحمه: خدي يا علياء رشيلها برفان لغيت ما اتصل بابويا

وبعد ساعه تصل الطبيبه

وكان صابر يجلس ويجلس كنزي علي رجله

كنزي: يارب تيته امينه تخف وتبقا كويسه

صابر: إنشاءالله يا حبيبتي

وهنا تخرج عليهم الطبيبه بعد أتمت الكشف علي امينه

وتخرج رحمه خلفها وهيا تضحك بهستريا

علياء: في ايه بتضحكي كده ليه انتي اتجننتي يا بنتي

صابر: يابت اسكتي امك عيانه

رحمه: عيانه هههههه

صابر: مالها البت ديه الله يخربيتك الحجه مالها يا دكتوره

الطبيبه: مبروك المدام حامل

صابر: انتي متاكده يا ضاكتوره

الطبيبه: اه طبعا ياحج ديه كمان حامل في تلت شهور

رحمه: منك لله يا أبا انته وامي يا راجل انتو مش كبرتو علي كده

صابر: بس يا بت احنا لسه شباب ده انا مجوز امك وهيا عندها ١٥سنه

رحمه: لاء وانته الصادق اتجوزتها وهيا ف اللفه

صابر: خشي اقعدي تحت رجل امك مش عايزها تعمل اي حاجه

رحمه: ايوه اعملي زي الافلام العربيه القديمه متشيلش الياسمينه من علي الارض وتنزل من علي السرير بشويش بقولك ايه انا معنديش مراره

ويحدث كل هذا أمام علياء التي تضحك بهستيريه

علياء: سوري ياكتور

الطبيبه: انا كتبتلها علي ادويه وفيتامين ولازم تاكل كويس وراحه تامه وياريت تجيلي العياده كل اسبوع عشان نتابع الحمل

صابر: هو احنا نقدر نعرف نوع المولود أمته بيقولوا في اجهزه حديثه تعرفنا النوع وتورينا شكل العيل

الطبيبه: كمان شهر إنشاءالله هنعمل سونار ونتاءكد

لتنصرف الطبيبه

لتخرج عليهم امينه

رحمه: حامل يا اختي طلعتي حامل يا وليه ده انا اطول منك وهتجوز كمان كام يوم

امينه: والله انا مكسوفه اوي اودي وشي فين من الناس

صابر: ليه يعني جايباه ف الحرام ولا ايه

امينه: لا طبعا بس يعني الناس هيقولو علينا ايه

صابر: حدش ليه حاجه عندنا اللي بيدينا لقمه يقطعها

وهنا تدخل عليهم رانيا بالفستان وهيا تزغرت

رحمه: بتزغرتي علي نصيبه ايه امك حامل يا اختي

رانيا: بفرحه بجد الله مبروك يا اما مبروك يا أبا إنشاءالله الله هتجيبلنا ولد ويبقي عندي اخ ولد

صابر: ياريت يا بنتي

رانيا: فاكره يا اما الحلم اللي قولتلك عليه اهو انتي اللي هتجيبي الواد احنا قولنا رحمه لما تتجوز لكن انتي اللي كنتي ف الحلم بتدي ابويا فرع شجره وساعتها هو فرح وقالك انشاء الله هتسند عليه انا وأخواته وصحيت علي اذان الفجر

صابر: ربنا يبشرك بالخير يا نور عيون ابوكي

رحمه: يا خبر ومين هيكمل اكل العزومه

امينه: أنا يا اما

صابر: ازاي الضاكتوره قالت ترتاحي

امينه: يا اخويا انا زي الفل اهو هيا ديه اول مره يعني قول يا باسط

رحمه: تلاقيها هاصت واهي هاصت فعلا

رانيا: مخلاص بقا افرحي واتبسطي

رحمه: اه ما انا فرحانه

علياء: ياله يا ماما وانا هساعدك

رانيا: وانا كمان وخالتي حكمت كمان هتصل بيها هيا وسمره

امينه: ربنا يخليكم ليا

رحمه: الف مبروك يا امونه انتي وصبوره

رحمه: اه صح خالتي نادره جايه هيا كمان

امينه: فرحان يا ابو رحمه

رحمه: ابو رحمه ايه بس طبعا لما ييجي الواد هيبقا ابو كذا لما نشوف هتسميه ايه

صابر: فشر انا طول عمري هفضل ابو رحمه اول فرحتي

امينه: اقولك لو واد هسميه ايه

رحمه: ايه

امينه: رحيم

رحمه: حلو ده

رانيا: وانا ايه وقعت من قعر القفه

صابر: انتي واختك العين اليمين والشمال

رحمه: والواد هيبقى كبدك

صابر: حلوه ديه

علياء: طاب ايه مش ورانا شغل ولا ايه

كنزي: هيا تيته هتجيب نونو وانا هبقا اكبر منه واعلمه ويقوللي يا طنط زي ما ما انا بقول لطنتاتي

رحمه: اه يا عسوله

كنزي: مامي قالتلي انك عروسه انتي وخالتو رانيا

رانيا: حلوه اوي خالتو منك ديه يا كوكي

كنزي: وانا كمان هلبس عروسه بس هتجوز مين عارفين هتجوز بابي

رحمه: طاب ومامي

كنزي: مش مشكله هناخدها معانا

امينه: خلي بالك يا عاليه البت ضره امها

علياء: فعلا يا امي

علياء: عايزين نشوف شقه تكون قريبه منكم عشان الكام يوم بتوع الفرح والحاجات الحلوه ديه

رانيا: هقولك في شقه ف بيت سيد خطيبي اللي هنتجوز فيها اصله كان عايز نتجوز ونسكن ف شقه علي النيل بس انا مرضيتش اصلي لو خرجت من الحاره اموت زي السمك بالظبط ما هو انا لازم اقعد جنب امي وابويا واخواتي

كنزي: وانا

رانيا: وانتي يا روح قلب خالتو

صابر: انا نازل اصلي الضهر عايزين مني حاجه

امينه: سلامتك يا اخويا

صابر: انتي متاكده انك بخير

امينه: اه والله الحمدلله روح يا اخويا صلي وادعيلنا

رواية رحمة في رمضان الفصل السادس والثلاثون

صابر: ربنا يكرمكم ويراضيكم

كنزي: جدو انا عايزه اصلي معاك ف الجامع

صابر: بس كده عيون جدو

علياء: بس يا كوكي متضايقيش

صابر: حد برده يضايق من القمر ده ياله بينا

رانيا: اما ستات الحاره كلهم طالعين

امينه: افتحيلهم

السيدات: احنا لمينا نفسنا كده بربطه المعلم عشان نساعد قوليلنا يا ام رحمه عايزانا نعمل ايه

رحمه: ام رحمه ايه بقا خلاص هتبقا ام رحيم

السيدات: يا صلاه النبي الف مبروك بس بردك هنقولها ام رحمه

علياء: طاب عن اذنكم ياله يا رحمه عشان نعمل البروفه ف السنتر

رحمه: يا اختي انتي كمان كت انا حطيت لنفسي المكياج وخلاص

سيدات الحاره: اه صح مين بقا اللي هيذوقنا ف العيد احنا معتمدين عليكي

رحمه: ايه المزنق ده بقا معلش اتصرفو انتو

السيدات: مش مهم اهم حاجه اننا نشوفك عروسه

امينه: نجاملكم ف الافراح يا رب وتفرحو بولادكم

امينه: شوفو بقا كام واحده منكم هتساعد شكريه ف خبيز الكحك والبسكوت وكام واحده تساعدني ف الطبيخ وكام واحده يمسحو شقه العروسه ويرصولها هدومها

نجاه: ربنا يتمم بخير انتي تعرفي يا ام رحمه أن رجاله الحاره بيعلقو ف تعاليق الفرح من النهارده

امينه: ربنا يراضيهم ويفرحهم بعيالهم يارب

مرضيه زوجه شاهين الجزار: لاء وايه كمان دول كلمو طباخ كبير اوي بييجي ف التلفزيون ومعاه اربع مساعدين عشان طبيخ الفرح

سمره: ام امال الفرح حلو يا اولاد

حكمت: ماشاءالله قالو هيكلفو الفرح كله ومش هيدفعو عم صابر جنيه رحمه ديه بنتنا كلنا

امينه: مش كفايه اللي عملتوه جيبتولها دهب ده غير رجالتكم جابو كل الاجهزه الكهربائيه والله ما عارفه اودي جمايلكم فين

نجاه: هو انتي فاكره أن رحومه بتك لوحدك ديه بنتنا كلنا

امينه: بتكم يا اختي امال ايه ما انتو اهلنا هو احنا لينا غيركم

حكمت: ديه رحمه ديه ام التفانين تعرفي أنها اتفقت معانا كلنا نفضي نفسنا ساعتين ف الاسبوع عشان هتعلمنا نعرف نقرأ ونكتب

امينه: عجبه رحمه ديه دائما بتفكر ف غيرها

علياء: الله لون شعرك جميل اوي ايه نوع الصبغه اللي بتستعمليها

رحمه: صبغه ايه ده انا بغسل وشي بالعافيه

علياء: ايه

رحمه: بهزر معاكي ده بصلي وبصوم وبعدين ده لون شعري الطبيعي

علياء: بجد ماشاء الله

رحمه: المهم هيعملولي ايه

علياء: شويت ماسكات ونقص الشعر

رحمه: تقصو مين ده اللي هتحط مقص علي شعري اقطعلها أيدها

علياء: خلاص بس علي الاقل يتساوي

رحمه: ماشي

علياء: وهنعمل باديكير ومانيكير

رحمه: بقولك ايه فاضل كتير علي المغرب

علياء: حوالي تلت ساعات

رحمه: حلو اوي

علياء: ليه

رحمه: اصل قولنا ان النهارده الوقفه من النتيجه لكن الرؤيه بعد العشا

علياء: ايوه برده ده علاقته ايه بيكي

رحمه: بقولك ايه هيا مراره واحده

علياء: والله ما انا فاهمه حاجه

رحمه: ما علينا

انتصار: خاله امينه محتاجه حاجه اعملها معاكي

امينه: كتر خيرك يا حبيبتي ستات الحاره مقسمين نفسهم شويه بيخبزو كحد العيد وشويه بيجهزو معايا العزومه وشويه بيفرشو الشقه

انتصار: خلاص انا هوضب الشجه بعد العزومه واشطب المطبخ

امينه: بس يا حبيبتي يمكن جوزك يحتاج منك حاجه

انتصار: له جوزي راح يجيب العيال

امينه: ماشاءالله عيالك جايين

انتصار: امال عشان يحضرو فرح خالهم والصراحه يا خاله انا طالعه لغرض تاني

امينه: خير في ايه

انتصار: هتسمعيني للآخر اتفجنا

امينه: هو في ايه انتي قلقتيني

انتصار: احنا ف الصعيد عندينا أن العروسه لازم تهادي ام العريس بهديه دهب وكمان اي حد يزورها من أهل العريس تديله هديه يعني حاجه بسيطه عشان كده يا خاله انا جولت لوحيد جوزي يشتري كام حتت جماش وكمان اشتريت الخاتم ديتي عشان رحمه تلبسه لامي ف الفرح جدام الناس

امينه: لاء يا حبيبتي خلي الخاتم بتاعك معاكي وانا هتصرف اما القماش انا هدفع تمنه

انتصار: ناجص حاجه

امينه: اه عارفاها ام العروسه بتبعت عشا لاءهل العريس غير الخضار والفاكهه والزيت والسكر والرز والسمنه

امينه: حاضر يا انتصار انا بنفهم ف الأصول ولا ينكن اخلي حمات بنتي تضايقها ولا تنبط عليها بالكلام

انتصار: والله ما جصدي يا خاله بس احنا طلعنا لجينا الكلام ديتي

امينه: وماله يا بتي المهم خشي ساعدي الجماعه اصلي عقبال امالتك انا حامل

انتصار: حامل انتي ازاي

امينه: ايه هو اللي ازاي زي الناس يا حبيبتي

انتصار: الف مبروك يا خاله ربنا يكرمك ويسعدك وتجومي باءلف سلامه

امينه: لسه بدري اوي علي كده المهم نفرح برحمه وادم

انتصار: طاب انا هخش اساعد الجماعه واصبن المعاوين بس بشرط

امينه: خير

انتصار: نفطرو معاكم

امينه: من غير شروط طبعا هتفطرو معانا بس انتو صحاب بيت يعني ميصحش نعزمكم وكمان عشان نتفرج علي الرؤيه

انتصار: إنشاءالله العيد بكره يا سعدك يا هناكي يا انتصار هتعيدي ف مصر

امينه: العيد هنا بقا ف حارتنا غير

رحمه: ياله يا علياء انا وشي واجعني

علياء: طاب بصي كده ف المرايا هتشوفي واحده مختلفه خالص

رحمه: طاب ياله بس ابص ف مرايه بيتنا

علياء: ياله

رحمه: يا خبر نسيت نشوي

رحمه: ايوه يا نشوي حقك عليا

نشوي: ربنا يخليكي ويسعدك ويراضيكي امي عملت العمليه امبارح وبقت زي الفل وكمان حطوها ف اوضه عاديه والدكتور قاللي ممكن تخرج بعد الفطار بس يكون معاها حد متفرغ البشمهندس ادم قاللي خليكي جنبها واشتغلي من البيت لوحابه ومرتبك ماشي

رحمه: الف حمدالله على سلامتها

رحمه: الفضل كله يرجع لله سبحانه وتعالى ثم انتي والبشمهندس

رحمه: بطلي هبل انتي اختنا

نشوي: بشمهندس ادم قاللي أن فرحكم تاني يوم العيد

رحمه: اه انشاء الله ولازم تيجي

نشوي: إنشاءالله هجيلك اقعد معاكي ساعتين اكون اديت لماما العلاج واكلتها ونيمتها

رحمه: تمام

صابر: تفله خد تعالي عايزك

تفله: نعم يا عم صابر

صابر: ايه يا ابني ده انتو جايين تعملو ماءده اخر يوم ف رمضان

تفله: لاء ماءده ايه ده المعلم سيد قال إن كل ستات الحاره بيساعدو خالتي ام رحمه فقام قال هيعمل فطور جماعي للحاره كلها عشان خاطر الاستاذه رحمه

صابر: والله جمايل أهل الحاره زادت اوي

تفله: جمايل ايه بس ده كله من خيرك وبعدين هو قال الطبيخ اللي بيتطبخ عندكم هو هيزود عليه وبعدين ده نسيبك

كنزي: الله يا جدو هناكل هنا ف الشارع

صابر: نادر باشا

كنزي: بابي

نادر: هيا كنزي بقت خلاص معاك ف كل حته

صابر: اصلنا كنا بنصلي العصر

نادر: تقبل الله وكنزي صلت

صابر: اه الحمدلله علمتها الصلاه ربنا يحرصها متنساش الفطور عندنا النهارده

نادر: حاضر من عيوني والله يا عمي مش عارف اقولك ايه عوضتونا عن اهلنا وبقيتو فعلا أهلنا

صابر: ربنا يديم المعروف يا ابني

نادر: طاب انا هجيب معايا شادي ظابط صاحبي لما حكيتله عنكم شبط فيا

صابر: ينور ويشرف بس عرفه أننا هنفطر فطور جماعي ف الحاره واجب من سيد خطيب رانيا بنتي

نادر: طاب عملتلي ايه ف الشقه اللي قولتلك عليها

صابر: شوف يا سيدي عصام عايز يبيع شقته ويسكن مع أبوه وأمه عشان الفلوس اللي معاه متكفيش يعمل بيها مشروع لو حابب تمام

نادر: اه انا جاهز ف اي وقت وشوفه طالب كام

صابر: انته ليك كرامه يعني هتاخدها بسعر محترم

نادر: كتر خيرك خلص انته معاه وقوللي علي السعر عشان اسحب المبلغ من البنك

صابر: عيوني واحنا بنفطر اخلصلك الموضوع

نادر: خلاص خلال نص ساعه هنكون ف الحاره

رحمه: عاجبك كده وشي يوجعني هو كت قولتلك اني عايزه اتنيل علي عيني اروح سنتر ماكت انا عملت لتفسي أو حتي كت روحت لتفيده حواجب

علياء: لتضحك بصوت عالي جدا اسمها ايه تفيده ايه حواجب

رحمه: بتضحكي علي ايه

علياء: تصدقي اني انا غلطانه عشان اوديكي سنتر المشاهير

رحمه: مشاهير ايه يا شيخه روحي ده البنات مفككين من بعض قال وعايزني اعمل نيولوك

علياء: لتضحك ايوه صح انتي ملكيش غير تفيده حواجب

رحمه: طاب وحياه امي لا عرفك شغلك ولا عشان متجوزه رئيس مباحث هخاف منك

علياء: الحقنيى يا بابا

صابر: بنتك بتجري ورايا عايزه تضربني

صابر: وربنا معارف اعمل معاها ايه

علياء: كوكي وحشتيني

صابر: سمعي يا كنزي لماما الفاتحه والمعوذتين

علياء: الله هيا حفظتهم

صابر: ماشاء الله واتوضت وصلت معايا ف الجامع

علياء: ربنا يخليك لينا

صابر: ويخليكم يا بنتي

صابر: اه صح احنا إنشاءالله هنفطر هنا والكابتن نادر جاي وصاحبه شادي جاي معاه

رحمه: مسكتك

علياء: اصبري حضرتك بتقول أن شادي جاي مع نادر ياربي هيخنقني

رحمه: يخنقك ليه انتي سالفه منه فلوس ومش عايزه ترجعيها

علياء: فلوس ايه انتي كمان أصله عايز عروسه وموصيني اجيبله عروسه تكون حلوه ومحترمه ومؤهل عالي

رحمه: طلبك عندي

علياء: بجد

رحمه: اه اصبري

رحمه: بت يا نشوي تعالي الحاره عايزاكي ضروري

نشوي: في حاجه ولا ايه طمنيني

رحمه: تعالي بس وانتي تعرفي

نشوي: تمام هخلي الممرضة تقعد مع ماما وانا هجيلك

رحمه: اما يا اما

امينه: اهي جات بزعابيبها زي امشير خير

رحمه: الواد سيد خطيب رانيا عامل فطار جماعي ف الحاره

امينه: ليه يعني

رحمه: عشاني طبعا

رانيا: نعم يا اختي احنا نتهد هنا ويطلع عنينا وحضرتك تروحي تذوقي

رحمه: انا نازله احجزلي مكان

امينه: ابقي عدي علي حماتك وعرفيها

رحمه: جاتها حمي وليه بومه مش مهم كله يهون عشان دومي

امينه: دومي ف عينك

رحمه: انتي مش واخده بالك ان هتجوزه كمان يومين وهطلع عين سعديه اللي هيا أمه

رانيا: يبقا اضمني يا اما أنها هترجعلك يوم الصباحيه

رحمه: بس يا هبله ده انا ها ابهركم

امينه: طاب انزلي وبطلي وش

رحمه: مالك ياخلو

خليل: يا سلام اساءلي نفسك يا اختي مبتساءليش عليا ليه

رحمه: طاب هو انا اقدر مساءلش علي خليل قلبي

خليل: ماشي

رحمه: ياله تعالي هنفطر ف الحاره كلنا

خليل: ايه هو كل يوم نفطر ف الحاره

رحمه: يا عم بقا تعالي

نشوي: انا ابوها يا بتي

صابر: والدتك اخبارها ايه

نشوي: بقت بخير وكله بفضل رحمه

صابر: متقوليش كده اهي رحمه اهيه كلمي صاحبتك

رحمه: نشوي صديقتي الغاليه اللي لسه عارفاها من كان يوم ياله تعالي احجزيلك مكان

نشوي: ايه ده انتو بتفطرو ف الشارع

رحمه: اه ديه زي متقولي كده نقوط من خطيب اختي

نادر: انته يا ابني باصص فين

شادي: هاه

نادر: هاه طيب تعالي اقعد

رحمه: النهارده طبعا عيدك يا امينه لسه مقالوش العيد أمته

امينه: لاء يا اختي ما احنا نزلنا الاكل اللي عملناه وهو زود عليه

صابر: هتوحشينا يا رحمه وتوحشنا شقاوتك

امينه: هيا مين ديه اللي هتوحشك ما هي هتسكن ف الشقه اللي قدامنا

سعديه: بت يا رحمه كلي وانتي ساكته

رحمه: معرفش يا حماتي

رحمه: وليه عقربه

ادم: سمعتك علي فكره

رحمه: انا كت بقول انك امك بلسم ومرهم حروق

ادم: اه ما انا عارف

رحمه: هجوزهالك متقلقش بس اوعا يكون عندك ام زي حماتي

شادي: انا امي متوفيه

رحمه: يعني اشمعنا انتو امهاتكم متوفيه وانا حماتي العقربه عايشه

ادم: انتي ايه اللي قومك تعالي اترزعي هنا

سعديه: ايوه كده اشكمها راجل يا ولدي

نشوي: حماتك ديه شكلها بتحبك اوي

رحمه: حبها حنش وليه غلسه المهم ايه رءيك ف الظابط القمر ده

نشوي: مين

رحمه: بت ده انتو الاتنين عنيكم منزلتش من علي بعض وهجوزهولك

نشوي: ايه انتي مجنونه يا بنتي

رحمه: اه طبعا اصل جيبتك هنا عشان كده

علياء: ايه تمام

رحمه: فل الفل

وبعد أن انتهى الجميع من الإفطار، أحضر سيد شاشة كبيرة وقام بتشغيلها.

رحمة: إيه يا سيوده، هتنافس عمك فرجاني؟ أوعى تكون هتلم مننا حق الأكل!

سيد: لأ يا فالحه، ده عشان نشوف الرؤية كلنا.

صابر: طيب تعالوا نصلي المغرب عشان العشا هتأذن.

وبعد أن أدوا صلاة المغرب، قال سيد:

يلا، اللي عايز مشروب من القهوة يطلبه.

رحمة: سيوده بيضحي!

آدم: اسكتي شوية، إنتي إيه ما بنفصليش؟

وها هو موعد إعلان رؤية هلال العيد، وقد أعلنت وزارة الأوقاف أن اليوم هو المتمم لشهر رمضان الكريم، وأن غدًا هو أول أيام العيد.

وتبادل أهل الحارة التهاني والتبريكات بمناسبة عيد الفطر المبارك.

أما آدم فكان يبحث عن رحمة:

هي راحت فين دي؟ ده حتى مش موجودة!

سيد: بتدور على رحمة صح؟

آدم: مش عارف راحت فين.

سيد: اطلع على أول الحارة هتلاقيها هناك.

فذهب آدم.

أما سيدات الحارة فكنّ يقدمن الكحك والبسكويت والفول السوداني والترمس والحمص، بينما الرجال يشربون الشاي ويأكلون.

وهنا رأى آدم رحمة وهي تركب عجلة، وكانت نشوى قد ذهبت إلى المستشفى لوالدتها.

آدم: رحمة! تعالي هنا، إيه اللي بتعمليه ده؟

رحمة: بلعب، إيه يعني؟

آدم: يا بنتي كبري، إنتي هتتجوزي كمان يومين!

رحمة: ما تخنقناش بقى، كل سنة وإنت طيب. شد لك عجلة وتعالى العب معانا.

آدم: فكرة برضه.

فركب آدم عجلة هو الآخر.

رحمة: كفاية عجل، تعالوا نفرقع بومب.

آدم: لا مستحيل.

رحمة: براحتك.

يوسف: هنفرقع في مين؟

رحمة: زي كل مرة، في الناس.

عمرو: ما تيجوا نطلع على الشارع؟

رحمة: أوك، تعالوا يا عصابة.

آدم: رحمة، تعالي هنا!

يوسف: فكك منه، كلمي رحمة. يلا بينا. وكمان هنلم العيدية. مش أنا كنت بسحر الناس في رمضان؟

عمرو: ده يوم واحد بس!

رحمة: بس يا واد إنت!

رواية رحمة في رمضان الفصل السابع والثلاثون

رحمة: مش إنت شاهد يا يوسف؟

يوسف: يا رحمة اعقلي بقى، العيد اللي فات الناس جريوا ورانا! وبعدين إنتي ناقصة فلوس؟ ده بيقولوا عريسك مليونير.

رحمة: ما هي عينكم دي اللي جايباني الأرض! خلاص بقى، براحتكم.

يوسف: طيب أنا عندي فكرة حلوة.

رحمة: قول.

يوسف: مش إنتي بتعملي فيديوهات على اليوتيوب؟

رحمة: اسمها بلوجر يا غبي.

يوسف: ماشي، هنطلع معاكي في الفيديو ونروح نلم العادة من الناس، وناخد العيدية ونصور.

رحمة: مينفعش يا فالح نصور الناس من غير ما يعرفوا.

عمرو: طيب إيه رأيك تصورينا في صلاة العيد وتنزلي الفيديو وكل الناس تشوفه؟

رحمة: فكرة حلوة.

يوسف: إحنا هنطلع بقى عشان نستحمي ونلبس لبس الوقفة.

رحمة: لسه بدري!

يوسف: عشان نرتاح شوية.

رحمة: ماشي، بس تنزلوا قبل الصلاة نتصور كام صورة مع بعض.

عمرو: ماشي.

رحمة: وهنفرقع بومب للصبح!

يوسف: الله يخربيتك يا رحمة!

رحمة: ليه يا أخويا؟

يوسف: إحنا مش هنفرقع. عايزة تفرقعي، فرقعي لوحدك.

رحمة: طيب غوروا!

لتذهب رحمة إلى منزلها، فتجد آدم في شقتهم ينتظرها.

رحمة: إيه ده؟ في حاجة ولا إيه؟

آدم: لأ، بس جبتلك لبس العيد.

رحمة: متشكرين! يعني هعمل زي البنات وأصور اللبس وأنزله وأكتب: عيدية خطيبي؟

آدم: لأ، العيدية والحلويات جوه في بوكس على سريرك. كل سنة وإنتي قلبي.

رحمة: بقولك إيه يا ابن سعدية، النحنحة مش لايقة على طولك.

آدم: تصدقي إني حيوان! طب غوري جوه واتنيلي شوفي لبس العيد. كل عيد وإنتي هبلة.

رحمة: هو ده؟ وطبعًا السوسة رانيا هي اللي عرفتْك مقاسي.

آدم: لفي الطرحة كويس، مش عايز يبان منك شعراية. وفي مفاجأة بعد الصلاة هتكون في الحارة.

رحمة: إيه؟ هاه إيه؟

آدم: اخرسي بقى، قلت مفاجأة.

رحمة: طيب أنا هخش أنام عشان هلكت.

آدم: لازم تهلكي من اللعب اللي لعبتيه.

رحمة: تصبح على خير.

آدم: وإنتي من أهله.

رحمة: انزل يا آدم، جبرنا!

آدم: عيلة خنيقة!

لينزل آدم، وتدخل رحمة غرفتها، وتفتح صندوق الهدايا، فتجد علبة قطيفة بها سلسلة مكتوب عليها "آدم"، ثم تجد جميع أنواع الشيكولاتة، وظرفًا به عشرة آلاف جنيه، وكارت مكتوب عليه:

"كل سنة وإنتي قلبي وروحي وعمري".

رحمة: ده الواد ابن سعدية طلع عنده ذوق!

ثم تنظر فتجد شنطة كبيرة، تفتحها فتجد بها إسدالًا للصلاة من النوع الفاخر جدًا، ثم تجد فستانًا جميلًا يشبه فستان سندريلا.

لتضحك رحمة: أحلى حاجة إنه جاب فستان سندريلا بتاع الساعة 12!

ثم تصوّر أشياءها فيديو وتقول:

"العيد السنة دي أجمل الأعياد، كل سنة وإنتوا طيبين يا بنات. رحمة عروسة العيد المنتظرة، ودي هدايا قلب قلبي دومي دومي."

ثم تغلق الهاتف وتتثاءب لتنام.

وبعد أربع ساعات توقظها والدتها:

يلا يا قلبي، كل سنة وإنتي طيبة، صلاة العيد هتبدأ.

رحمة: وإنتي طيبة يا قمر، بس إيه الحلاوة دي؟

أمينة: مش عيد يا بت!

رحمة: بس شيك أوي الإسدال ده.

أمينة: ده هدية من آدم، وكمان اداني عيدية كبيرة خمس تلاف جنيه، وأختك كمان زيي. عنده ذوق وجدع. اه، وخدي دي عيديتي.

رحمة بدهول: إيه ده يا أما؟ إنتي عيانة؟ ألفين جنيه؟

أمينة: اه يا جزمة الجزم! خلاص هاتيهم.

رحمة: أوعي يا ولية، ده هخليهم ذكرى للتاريخ!

أمينة: طيب بطلي لماضة، قومي فاضل ربع ساعة.

رحمة: أخش أخد دش وأتوضى وأجهز.

أمينة: يلا، على ما أصحي أختك.

لتدخل عليهم رانيا:

أنا صاحية! كل سنة وإنتوا طيبين. خدوا العيدية، سيد حطهالي في السبت.

لتضحك رحمة: بقولك إيه يا بت يا رانيا، خلينا مخطوبين وما نتجوزش!

رانيا: ليه يعني؟

رحمة: ده إحنا هنلم لم من خطيبي وخطيبك!

رانيا: بمناسبة اللم، الفيديو بتاعك عمل مليون مشاهدة! محدش قدك، زمان الدولارات هتهل عليكي.

رحمة: عينك بس! بجد عمل كده؟

رانيا: اه، حتى شوفي.

لتنظر رحمة إلى هاتفها وتقول بفرحة:

أما يا أما، بنتك اتحوّلها على حسابها بما يعادل 250 ألف جنيه!

لتزغرد أمينة.

رانيا: هتعملي بيهم إيه؟

رحمة: إن شاء الله هنطلع صابر وأمينة العمرة.

رانيا: معقولة فيديو واحد يعمل كل الفلوس دي؟

رحمة: ربنا ما يجعلنا جار ولا عين. الفلوس على كل الفيديوهات.

أمينة: ربنا يسعدك يا رحمة يا بت بطني.

رانيا: وأنا إيه؟

أمينة: وإنتي يا نور عيني. يلا، الصلاة هتفوتنا.

رحمة: ابن سعدية بيقولي في مفاجأة بعد الصلاة.

رانيا: أفضلي إنتي قولي ابن سعدية، لما يقلب عليكي!

رحمة: امشي يا بت، خليني أروح أستحمي.

وهنا تسمع أمينة صوت أطفال الحارة:

"رحمة! رحمة!"

أمينة: الله يخربيتك يا رحمة، عيال الحارة كلهم بينادوا عليكي!

رحمة: يا ولية، مش كنتي لسه بتدعيلي؟ 😄

أمينة: ما إنتي مش عايزة تعقلي!

لتخرج رحمة إلى البلكونة:

خلاص يا ابني إنت وهو، نازلة!

وبعد أن استحمت وتوضأت، ها هي تذهب لصلاة العيد.

يوسف: عاجبك كده؟ الصلاة قربت تخلص!

رحمة: صلّوا بس، وبعد كده هروق عليكم وأديكم عيدية، كل واحد 100 جنيه.

يوسف: أهي دي بقى كدبة أبريل!

رحمة: لا والله، هديكم.

وقبل أن تبدأ رحمة في الصلاة، تجد أن الصلاة قد انتهت.

رحمة: يا بنت اللذينة يا أما، إنتي ورانيا قعدتوا ترغوا لحد ما الصلاة خلصت!

الأطفال: العيدية يا حلوة!

رحمة: تعالوا نصوّر فيديو وأنا بديكم العيدية.

حد شاف آدم يا عيال؟

عمرو: كان بيصلي هو وعم وحيد، بس مش عارف راحوا فين.

لتبدأ رحمة في التصوير وتوزيع العيدية:

رحمة: خالتي بمبة خدي العيدية، وإنتي يا خالتي بخيتة عيديتك، ودي لولادك.

بت يا بيبو، خدي العيدية.

وبعد أن انتهت من توزيع العيدية وفرّحت الجميع، ها هم يذهبون إلى الحارة.

لتجد رحمة الحارة كلها أنوار، ويوجد صب كبير جدًا، وأغاني صعيدية.

ثم يخرج آدم بملابسه الصعيدية هو ووحيد زوج أخته، ويرقصان بالعصا رقصة التحطيب.

رحمة: الله! إيه الجمال ده!

ليفصل آدم الصب، ثم تظهر فرقة موسيقية لتعزف، ليغني آدم.

انتصار: بت يا رحمة، تعالي عايزاكي اصبر يا عندليب،

رحمه: عايزه اي

انتصار: ادخلي معايا والبسي اللبس الصعيدي بتاعنا.

سعدية: خدي يا العروسة الغالي، البسي الكردان والغوايش دول، والحلق كمان.

رحمة: إيه يا حماتي؟ راضية عني يعني؟

سعدية: من دلوقتي تقوليلي يا أما، كيفك يا رحمة؟

لتقبل رحمة يديها:

حاضر يا أما.

لترتدي رحمة الزي الصعيدي والمصاغ، وتخرج إلى الحارة.

لينظر آدم إليها وينبهر بها، ثم يبدأ في الغناء:

أنا كنت عايش في الحياة مقطوع بطولي

وتخيّلي إنتي تثبتي واحد في طولي

ليكي إنتي أتعب وأشتغل وأهز طولي

لتقترب منه رحمة وهي تغني معه:

إنت الحنان كله وأنا الحضن الحنين

إنت اللي بتزوّق له وبروح له المزيّن

وإن يوم تبصبص ده أنا أقتلك، خاف من كلامي

ليندهش أهل الحارة جميعًا.

أما رانيا فكانت تصوّر كل ما حدث، وعلياء تتحدث إلى زوجها:

شايف يا حضرة الظابط الرومانسية؟ مش إنت؟

نادر: إنتي عايزة واحد في مركزي يقعد يغني؟

علياء: مش عايزة حاجة.

نادر: هبقى أغنيلك لوحدك، فكي بقى.

علياء: طيب اتفرج بقى على المفاجأة بتاعتي.

لتتصل علياء بفرقة الحنّة:

علياء: اسمعوني يا حلوين، هنعمل الحنّة حالًا. يلا يا عروسة عشان الفرقة جاية.

رحمة: فرقة إيه؟

أمينة: أنا ما عملتش حسابي! جبت الحنّة والشمع بس، ما عجنتش الحنّة.

لتجد أمينة نساء الحارة يحملن صواني الحنّة، وهي على شكل تورتة كبيرة.

أمينة بدموع: ربنا يخليكم لينا… وإنتي يا علياء، مش عارفة أعمل معاكي إيه.

علياء: كده برضه يا أمي؟ هو أنا يعني مش زي رحمة ورانيا؟

أمينة: زيهم والله، ونفس الغلاوة.

لتبدأ مراسم الحنّة، وكانت أجمل حنّة حصلت في حارة الرحمة.

وها هو الليل قد أتى، وكل منهم ذهب إلى بيته.

رحمة: أنا اتهديت في الرقص!

رانيا: ده إنتي طلعتي كبت السنين. خدي صورتك وكل حاجة عشان تنزليها على صفحتك.

رحمة: ربنا يخليكي ليا يا رنوش قلبي.

رانيا: ويخليكي يا حبيبتي. تعرفي أحلى حاجة؟ إن علياء ظهرت في حياتنا.

رحمة: آه فعلًا. يلا بقى اطفي عشان أنام.

رانيا: مين قدك؟ بكرة فرحك وكتب كتابك كمان!

رحمة: أهل الحارة دول ناس حلوين أوي، عشان كده بفكر أجيبلهم كلهم هدايا.

رانيا: وهتلحقي؟

رحمة: في بلوجر كلمتني، عايزاني أسوّق لها منتجاتها، فبفكر أشتري منها هدايا لأهل الحارة وأعمل عنهم ريفيو.

رانيا: الله عليكي! تصبحي على ألف خير.

رحمة: وإنتي من أهل الخير.

رانيا: ممكن أطلب منك طلب؟

رحمة: عيوني.

رانيا: أنام النهارده جنبك.

رحمة: تعالي في حضن أختك.

لتمر أول أيام العيد في فرحة وسعادة…

وها نحن في ثاني أيام العيد، يوم الأفراح… فرح رحمة.

رواية رحمة في رمضان الفصل الثامن والثلاثون والاخير

فرح رحمة – ثاني أيام العيد

كانت رحمة تغط في نوم عميق، لتدخل عليها علياء:

يا عروسة إنتي يا بنتي!

رحمة: عايزة إيه؟

علياء: اصحي عشان ورانا حاجات كتير.

رحمة: أنام نص ساعة بس، وكل حاجة هتبقى تمام.

علياء: ما تقومي يا زفتة!

رحمة: طيب مش قايمة، اطلعي برا بقى.

علياء: طيب اصبري… يا ماما! يا ماما! أمينة! بنتك مش راضية تصحى!

لتدخل أمينة:

إنتي يا باردة، قومي! أختك راحت الكوافير من بدري.

رحمة: (لا رد)

أمينة: قومي الله يخربيتك، فرحك النهارده!

رحمة: مش عايزة أتجوز!

أمينة: ورحمة أمي لو ما قومتي، إنتي حرة!

لتجلس رحمة على السرير:

أدينا قمنا… إيه الدوشة دي؟

علياء: يا بت إنتي معندكيش دم؟

رحمة: أنا مين قال؟

علياء: يا بنتي إنتي فرحك النهارده! أقول كمان؟

رحمة: عرفنا إن فرحي النهارده، عايزين مني إيه؟ مش الفرح لسه بالليل؟

علياء: الله يكون في عونك يا آدم!

رحمة: عايزة إيه إنتي دلوقتي؟

علياء: قومي خدي لك شاور عشان تفوقي.

رحمة: جسمي كله واجعني… أجّلوا الفرح!

أمينة: منك لله، هتولديني قبل أواني!

رحمة: وإنتي كمان يا أما! مش كفاية حامل وداخلة عليا النهارده؟

أمينة: شكلها هتبقى خرجتك يا اللي ما عندك ريحة الدم!

رحمة: أنا هقوم أهو، عايزاني أعمل إيه يا ست علياء؟

علياء: حضرتك تاخدي شاور، وهنروح الكوافير عشان نلحق.

رحمة: مش هيحطوا شوية مكياج؟

علياء: لا يا فالحه، دي ليلة طويلة… ماسكات للجسم كله، غير حمام الورد، غير الدلكة عشان تبقي بتلمعي كده.

رحمة: كل ده عشان ابن سعدية؟

أمينة: سيبيها يا علياء. بقولك إيه، تعالي أعمل لك فنجان قهوة معتبر، وخليها تلبس أي حاجة من هنا وتنزل بشعرها المكوش ده.

رحمة: طيب أنام ساعتين؟

علياء: قسمًا بالله لو ما قومتي!

ليُسمع صوت طرق على الباب.

علياء: ثانية!

لتفتح الباب فتجد آدم أمامها.

آدم: صباح الخير يا أم كنزي.

علياء: صباح النور.

آدم: فين عروستي؟

أمينة: إنت طيب يا ابني وابن حلال… الغي الجوازة دي، بنتي ما تستاهلكش!

لتخرج رحمة جري من غرفتها:

في إيه يا أما؟ متوحدي الله كده، صلّي على النبي في قلبك.

أمينة: ألف صلاة وسلام عليك يا حبيبي يا رسول الله.

رحمة: دومي دومي!

آدم: هي أمك مالها؟

رحمة: تخاريف حمل.

آدم: مش فاهم.

علياء: بنصحّيها مش راضية تصحى، وبتقول أجلوا الجواز.

آدم: قدامك نص ساعة تكوني جاهزة عشان أوصّلك الكوافير، غير كده هقعدك في الكوشة بشكلك ده. مش كفاية قلتلك نعمل الفرح في فندق فايف ستار؟ قولتي لأ، اعمله في الحارة.

لتضحك رحمة:

طب وهي أمك شكل فنادق؟ يخربيتك! دي لو راحت الفندق هتفضحنا.

آدم: إنتي يا أختي اللي شكل فنادق! وبعدين اي دا انتي لما بتصحي بيبقى شكلك كده، أعوذ بالله، هصتبح بيها إزاي دي كل يوم يا ربي؟

رحمه: ماله شكلي يا ابن سعديه؟

ادم: رحمه احترمي نفسك.

لتنظر رحمه في المرايا الموضوعة في الصالة: نهارك أسود! انت شوفتني بشعري بالهوا؟ يا أما هاتي حاجة أغطي بيها شعري.

ادم: انتي هبلة؟ انتي ناسية إننا كتبنا كتابنا امبارح في الحنة وكمان كام ساعة هيتقفل علينا باب واحد.

رحمه: ولو برضه.

علياء: معلش يا آدم، ربنا يصبرك على ما بلاك.

أمينة: خشي يا رحمه، ربنا يهديكي.

لتضع رحمه يديها في خصرها: مش عاجبك يا حبيبي؟ هو انت كنت تحلم بواحدة في جمالي ولا حتى في عقلي ولا هدوئي؟ ده أنا نسمة النساسيم، ده أنا عاقلة العقاقيل، ده أنا قمر القمامير.

أمينة: يا بت الجزمة لو مبطلتيش وغورتي على الكوافير ورحمة أمي وأبويا لأرنك علقة لغاية ما يبانلك صاحب.

ادم: لأ طبعًا يا حماتي، كله إلا حبيبي، ديه دي قلبي، ديه ديه دي عمري.

أمينة بغضب: صحيح يا ولاد، الحاجة المعفنة تقول نيني نيني لما ييجي المعفن يشتريني.

ادم: عاجبك انتي كده يا ست زفتة؟

علياء: مع نفسكم بقى، أنا رايحة أظبط حالي.

ادم: يخربيتك، أصحابي مستنيني.

رحمه: ليه رايح فين؟

ادم: رايح للحلاق.

رحمه: طيب متخليهوش يقصرلك شعرك أوي.

ادم: حاضر، تجهزي انتي يا قمر.

رحمه: عيوني ليك يا دومي دومي.

ادم: ربنا يهديكي ياقلب دومك

أمينة: والله الاتنين أبرد من بعض.

ادم: أنا نازل عشان مسمعش كلمتين، خليها تعدي على خير.

لينزل ادم، ثم تنزل رحمه من بعده هي وعلياء، ليوصلهم إلى البيوتي سنتر.

ادم: مش عايز مكياج كتير، وعلى الله تبان شعراية من الطرحة.

رحمه: من عيوني.

لتمر الساعات وها هو موعد خروج العرائس من السنتر، وها هو سيد يأتي بسيارته التي يضع عليها ورودًا وبلالين، لينزل من سيارته ليدخل السنتر.

رحمه: إيه ده؟ فين ادم؟ انت جاي لوحدك ليه؟

سيد: وأنا إيش عرفني؟ وبعدين وسعي كده أنا جاي أخد عروستي.

لينظر سيد إلى رانيا بذهول: الله أكبر، عروستي قمر، ملكة جمال قلبي.

رحمه: بقولك فين ادم؟

سيد: ياله يا عروستي.

لتقترب منه رانيا ليمسك يديها.

رحمه: اوعي يا بت! اجري يا سيد شوفلي ابن سعديه فين، أما انتو أحرار بقى.

وهنا يدخل عليهم ادم: اهو ابن سعديه جاه اهوه، وهحاسبك على ده بعدين.

رحمه: إيه الحلاوة ديه يا ابن سعديه؟

ادم: بس يا بت، منك ليها، ده دومي بتاعي أنا بس.

ادم: ياله يا هبلة، أمال مدام علياء فين؟

رحمه: علياء خلصت قبلنا وراحت عشان تساعد أمي.

ليخرجوا جميعًا من السنتر، لتنظر رحمه بذهول: إيه ده؟

ادم: ألف مبروك يا قلبي، ما هو ده اللي أخرني، كنت بجهز أسطول العربيات عشان يزفونا.

لتفتح رحمه هاتفها وتبدأ في لايف:

"زفة البرنسيسة رحمه، عقبال كل البنات لما ربنا يرزقهم بعريس قمر زي دومي."

لتنظر إلى ادم: تحب تقول إيه لحبايبي؟

ادم: معلش يا جماعة، مش عارف أقول إيه غير ربنا يسعدنا ويسعدكم.

رحمه: باي، وإن شاء الله هصورلكم أجواء الفرح كلها.

لتغلق رحمه الهاتف.

ادم: مبسوطة يا قلبي؟

رحمه: طبعًا.

ادم: ربنا يقدرني وأسعدك.

رحمه: وأنا كمان.

ادم: تعرفي إن عم خليل كتب كتابه على خالتك، وكمان عم عبده البقال هو كمان كتب كتابه؟

رحمه: الله! أنا فرحانة أوي.

ادم: انتي تستاهلي كل الفرحة اللي في الدنيا عشان فرحتي الناس كلها.

رحمه: وكمان صادق ابن عمتي هيخطب البت نادين.

ادم: بس اسمعي، بعد كده عايزك تفضيلي نفسك خالص، أصل أنا نفسي تخلفيلي ٦ عيال.

رحمه: ستة بس؟ خليهم ١٠، ما أنا الأرنبّة اللي جوزتهالك أمك.

ادم: طيب اخرسي بقى عشان منكدش عليكي يوم فرحك.

رحمه: طيب أنا هنام، وابقى صحيني لما نوصل يا أبو ٦ عيال.

ادم: قسمًا بالله لو غمضتي عيونك لأكون مديكي قلم جايبلك ارتجاج في المخ

رحمه: تجيب لمين انت ارتجاج في المخ؟ طيب أنا هغمض عيني وعلى الله أسمعلك نفس.

لتغمض رحمه عيونها، لتمر الساعات وها هم قد وصلوا.

ادم: رحمه ياله وصلنا.

رحمه: في نوم إيه؟ عايز إيه؟

ادم: وصلنا، اخلصي عشان نقعد شوية في الكوشة وبعدين لما نطلع ابقي نامي براحتك.

رحمه: أف بقى.

وها هي الزفة تبدأ، ثم تجلس رحمه في الكوشة، أما ادم فكان يرقص مع أصدقائه.

رحمه: شوف ابن سعديه، ما صدق رزعني على الكرسي وهاتك يا رقص، أنا عايزة أنام أعمل إيه؟

وهنا يقترب منها العم خليل: مبروك يا رحومه.

رحمه: الله يبارك فيك، وانت كمان مبروك.

خليل: انتي قاعدة مكتومة كده ليه يا عروسة؟

رحمه: ابن سعديه سايبني وبيرقص ولا كأني كيس جوافة.

خليل: قومي ارقصي معايا، خليه يغير ويتجنن.

لترقص رحمه مع خليل، ليراها ادم، ليترك أصدقاءه ويذهب إليها:

ادم: إيه يا حلوة بترقصي في الشارع؟

رحمه: طيب انت بترقص.

ادم: أنا راجل.

خليل: متسيبها تفرح.

ادم: خليك في حالك يا عم خليل.

خليل: مالك؟

ادم: انت عارف إني بغير عليها.

ليضحك خليل.

وبعد ساعة ينتهي الفرح، وتصعد رحمه شقتها مع ادم.

ادم: ألف مبروك يا أجمل عروسة في الدنيا.

رحمه: الله يبارك فيك.

وبعد ٧ سنوات كانت رحمه قد أنجبت توأم ولد وبنت، ورانيا تزوجت سيد وأنجبت بنتين، وكانت رحمه في شقة والدتها.

أمينة: بقولك يا رحمه فطري عيالك وأخوكي وأنا هرتاح شوية، أحسن بقاللي يومين حاسة إنه داخل عليا برد.

لتضحك رحمه: اوعي تكوني حامل تاني.

أمينة: اختشي يا بت، رحيم مسك الختام.

وهنا تدخل عليهم رانيا.

رحمه: تعالي، حماتك بتحبك.

رانيا: خلي العيال عندكم عشان راحة أكشف.

أمينة: مالك؟

رانيا: شكلي حامل.

رحمه: يخربيتك وشغلك.

رانيا: يا أختي بقى هو أنا قادرة؟ خلو بالكم من العيال.

لتتركهم رانيا وتدخل أمينة أيضًا غرفتها لتنام.

رحمه: إيه ده؟ أنا هقعد بخمس عيال؟ آه فكرة… بقولكم إيه يا عيال تيجوا ننزل نلعب في الشارع؟

الأطفال: هييه.

رحمه: هنلعب كورة.

لتنزل رحمه مع الأطفال ليلعبوا الكرة.

أدهم ابن رحمه: جون والله جون.

إيلين ابنة رحمه: لا انت بتغش.

وهنا يشوط رحيم أخو رحمه الكرة: أنا كمان جون.

لتأخذ رحمه الكرة: إيشمعنى انتوا تجيبوا جوان وأنا لا؟ أنا هشوط.

لتشوط رحمه الكرة بعيدًا، لتطير الكرة إلى القهوة وتكسر الكوبايات.

وهنا يجري عليهم المعلم فرجاني: مين اللي شاط الكرة؟

ليشاور الأطفال على رحمه.

فرجاني: يعني قولنا اتجوزتي وخلفتي وهتعقلي؟ برده لسه زي ما انتي.

رحمه: مش أنا، العيال دول.

فرجاني: محدش يعملها غيرك.

رحمه: ينفع يعني تمسكني كده؟

فرجاني: أمري لله، بس لو لعبتي كورة تاني مش هسيبك.

رحمه: تشكر.

لتأخذ رحمه الأطفال وتصعد إلى شقتها.

رحمه: بقى بتشهدوا عليا؟ اصبروا.

لتحضر حبلًا وتكتف الأطفال، ليبكوا جميعًا.

وهنا يتصل العم خليل بادم: الحق مراتك رابطه العيال وبتخبط عليها مش راضية تفتح.

ادم: طيب اقفل أنا جاي.

أما رحمه فكانت تأكل الآيس كريم مع الشيبسي وتضايق الأطفال.

وهنا يدخل عليهم ادم: إيه ده؟ انتي رابطه العيال كده ليه؟

رحمه: عشان شهدوا عليا لما شوطت الكورة وكسرت كوبايات فرجاني.

ادم: تعالوا يا حبايبي.

ليفك ادم الأطفال.

رحمه: سيبهم يتربوا.

وهنا تدخل عليهم رانيا: إيه ده الباب مفتوح ليه؟

ادم: انتي مجنونة يا بنتي سايبة عيالك مع دي؟ دي كانت مكتفة العيال كلهم عشان قال إيه شهدوا عليها وهي بتلعب كورة.

رانيا: عيالي حبايبي، يا أما تعالي خدي ابنك.

لتخرج أمينة: في إيه؟

ليقص لها ادم كل ما حدث.

أمينة: اسم الله عليك يا قلب أمك، آه يا بت المجنونة. تعالي يا أخويا نروح شقتنا.

ادم ممسكًا بأطفاله: أما انتوا بقى هوديكم البلد عند ستكم.

رحمه: نعم يا أخويا وأنا روحت فين؟

ادم: يعني مرة تلاعبيهم على مصروفهم وتاخديه منهم، ومرة تانية تاخدي الألعاب تلعبي بيها، وغيره وغيره، ودلوقتي تربطيهم؟ لا أنا مأمنش على عيالي معاكم.

الأطفال: هييه هنسيب ماما المجنونة ونروح عند تيته.

رحمه: آه يا ولاد الكلب.

ادم: اخرسي خالص.

رحمه: خلاص آخر مرة.

ادم: اه فاكراني هصدقك؟

رحمه: طيب وغلاوة عيالي مش هعمل كده تاني.

ادم: هصدقك المرة دي وأمري لله.

رحمه: طيب ما تيجي ألعّبك كوتشينة على ساعتك الحلوة دي؟

ادم: أعمل إيه أنا فيها دي؟

لتركض رحمه ويركض ادم والأطفال خلفها.

رواية رحمة في رمضان الفصل التاسع والعشرون

أم ويشه: خلاص طيب

رحمه: تعتذريلي قدامهم كلهم الله يخربيتك العريس هيطفش

أم ويشه: حاضر وهبوس على راسك كمان يا جماعه انا بعتذر للأستاذه رحمه حقك عليا يا ست البنات

رحمه: بغرور اعتذار مقبول شرفتي

(تتركهم أم ويشه وتذهب)

آدم: ارجوك يا عمي انا عايز اكتب كتابي على رحمه بكره

أمينه: ليه الاستعجال قولنا على العيد خلاص ده فاضل كام يوم

صابر: خلاص بقا يا آدم

آدم: يبقا بعد اذنك رحمه تنزل معايا الشغل من بكره عشان تيجي مهدوده وتنام وتبطل تعمل مشاكل

رحمه: موافقه على الاقل ابقا صاحبه مرتب

صابر: على خيرت الله

آدم: الساعه عشره صباحا تكوني جاهزه وتوصلي الشغل وتمضي في الدفتر اي تأخير خصم من المرتب اليوم بتلاته

رحمه: هو انت مش هتوصلني معاك

آدم: لا طبعاً اول يوم هوديكي وبعد كده هتروحي لوحدك

رحمه: طيب يا اخويا شكراً

انتصار: احمدي ربنا إن امي نزلت نامت ومشافتش نصايبك

رحمه: بقولك ايه هو انا اخلص من امك تطلعيلي انتي أبا انا هنزل انام شويه وابقو صحوني على السحور

صابر: احنا نازلين معاكي مضمنكيش يا بت

أمينه: خلاص ننزل كلنا

(ينزل الجميع من السطح وكل واحد يذهب لشقته)

رحمه: هخش انام

(بعد ساعتين)

أمينه: حضري السحور يا رانيا وانا هصحي اختك

رانيا: حاضر يا اما بس هحمر بطاطس

أمينه: ماشي بس خفي ايدك على الزيت

(تذهب أمينه لتوقظ رحمه)

أمينه: قومي اتسحري

رحمه: لا عايزه انام

أمينه: يا بت قومي السحور فيه بركه

رحمه: شبعانه سيبيني بقا

أمينه: هتجوعي بكره عندك شغل

رحمه: يعني انام فين انا بقا

أمينه: خلاص براحتك

(تعود رحمه للنوم، وينتهي السحور ويؤذن الفجر)

(بعد الصلاة تستيقظ رحمه)

رحمه: عطشانه اقوم اشرب واعمل اي لقمه اكلها ده انا جعانه اوي

(تخرج وتراهم يصلون)

رحمه: ايه ده بيصلو ايه دول

(تذهب للثلاجه)

أمينه: بصوت عالي الله اكبر

رحمه: متصلي في سرك ايه ده

(تأخذ زجاجة مياه)

أمينه: بصوت عالي سمع الله لمن حمده

رحمه: ايه يا اما مالك

(تنهي أمينه الصلاة)

أمينه: انتي يا غبيه بتعملي ايه

رحمه: بشرب الله

أمينه: يعني غبيه وحماره وطرشه كمان الفجر أذن يا حلوه

رحمه: يا نهار ومحدش صحاني ليه

أمينه: اه امي اللي قعدت تصحي فيكي اد كده

رحمه: طاب انا جعانه

أمينه: اجري اتوضي وتعالي صلي الفجر اخلصي

رحمه: طيب

(في شقه آدم)

(آدم يصلي إماماً بوالدته وأخته ووحيد)

(بعد الصلاة يجلس يقرأ القرآن)

وحيد: يا بختك يا آدم ختمت القرآن تلت مرات

آدم: ما هو قرك ده اللي جايبني ارض ارض متقرا حد حايشك

(تمر الساعات)

(الساعة التاسعة صباحاً)

(يطرق آدم باب شقه صابر)

أمينه: تعالي خش

آدم: صباح الخير فين رحمه

أمينه: رحمه نايمه

آدم: نايمه ازاي صحيها

أمينه: مش قولت هتمشو الساعه عشره

آدم: هنروح النهارده بدري عشان اعرفها على الموظفين انا راكن على اول الشارع هنزل اسخن العربيه قدامها ربع ساعة تكون قدامي غير كده هيتخصملها

(تخرج رحمه على صوته)

رحمه: تخصملي ايه هو انا لسه اشتغلت ايه الهم ده

(يتركهم آدم ويذهب)

رحمه: طيب يا ابن سعديه انا ما طلعته كله على عينك انت وامك مبقاش رحمه

رحمه: صبرك بس عليا انا ما قلبتلك شركتك مراجيح هههه شريره اوي انا

(بعد أن ارتدت رحمه ملابسها تنزل وتقترب من سيارة آدم)

آدم: اركبي خلينا نمشي

(بعد ساعه يصلو إلى المكتب)

آدم: عم صالح اجمعلي الموظفين كلهم في مكتبي

صالح: تحت امر حضرتك

آدم: تعالي ادخلي المكتب بتاعي عشان اعرفك على زملاتك

رحمه: بلويه بوذ طيب

(بعد ربع ساعة يحضر جميع الموظفين)

آدم: احب اعرفكم على زميلتكم الجديدة الانسه رحمه

الموظفين: اهلا بيكي إن شاء الله هترتاحي معانا

رحمه: اه إن شاء الله

آدم: خديها يا انسه شروق وعرفيها مكتبها وسلميها الشغل

شروق: تحت امرك يا افندم

رحمه: في سرها كل دول شغالين عندك يا ابن سعديه المفتريه

شروق: ياله يا استاذه رحمه

آدم: ثواني يا شروق بالنسبة للأوراق بتاعت رحمه إن شاء الله هنمضي معاها التعاقد بعد العيد يعني هي حاليا تحت التمرين

شروق: تمام حضرتك

(تذهب رحمه مع شروق)

رحمه: هي الشركه مالها ساكته كده ليه

شروق: شكلك متعرفيش البشمهندس آدم

رحمه: اشمعنه

شروق: بصراحه بمجرد ما بيوصل الشركه ترمي الابره ترن

رحمه: للدرجه ديه

شروق: واكتر كمان المهم تعالي اوريكي مكتبك وكمان اسلمك الشغل

رحمه: ماشي لما نشوف

(تدخل شروق غرفه كبيره مليئه بالمكاتب)

شروق: ده قسم الرسومات تعالي اقعدي على مكتبك اللي على اليمين دي نشوي واللي جنبها ايه وده نصر والتاني ده سامي واللي في اخر المكتب سهير وناير دول بقا زمايلك

شروق: انا رايحه بقا على مكتبي اصل مستر آدم ميستغناش عني ابدا مبيعرفش يقعد من غيري اصل في مشروع خطوبه قريب وانتي اكيد معزومه يا رحمه

رحمه: اه إن شاء الله

(تتركهم شروق وتذهب)

(بعد ساعه)

رحمه: هو فين الشغل ده انا زهقت

نشوي: لسه الرسومات مجاتش

رحمه: طاب متيجو نلعب

نشوي: نلعب ايه احنا صغيرين

رحمه: تعالو بس هنعمل مراكب ونمشيها في المايه اهو نتسلى شويه هاه قولتو ايه

الجميع: موافقين

رحمه: هروح اجيب طبق فيه مايه

(تحضر رحمه طبق كبير من المطبخ وبعض الملفات وتصنع منها مراكب)

رحمه: ياله كل واحد يمشي مركبه

نشوي: هترفدينا

رحمه: العبي بس

(يبدأو اللعب)

رحمه: تعالو بقا نلعب كوره

نشوي: بس هنجيب كوره منين

(تنظر رحمه حولها وتجد كره ديكور)

رحمه: ياله ايوه انا اللي هشوط

(تشوط رحمه الكره)

(ليتهشم زجاج المكتب ويصدر صوت عالي)

(يخرج آدم من مكتبه وهو يجري)

شروق: حضرتك سمعت الصوت الرهيب ده

آدم: اه

شروق: ده جاي من المكتب اللي فيه الموظفه الجديده

آدم: رحمه

شروق: اه يا افندم

آدم: طاب تعالي معايا

(يدخلوا المكتب ويجدوا الزجاج متهشم)

آدم: ممكن اعرف ايه اللي حصل

رحمه: مافيش اصلي كنت فاضيه فقولت العب كوره

آدم: تلعبي كوره وايه الطبق ده نهارك مش فايت انتي عملتي ملفات الشغل مراكب

رحمه: عادي يعني اكيد متسجلين على الكمبيوتر

شروق: انتي مرفوده من قبل ما تتعيني

رحمه: وهو عشان انتي خطيبه المهندس آدم يحقلك ترفديني

(يرن هاتف آدم)

آدم: يا خبر الوفد الطلياني وصل الشركه والمترجم مش موجود اعمل ايه انا

(تخرج رحمه من المكتب)

رحمه: تعالي ورايا

آدم: هتخربي بيتي ربنا ياخدك

رحمه: بتدعي عليا طيب ربنا يسامحك

(ينظر آدم أمامه)

(يجد ليوناردو ومعه باقي الوفد)

(تقترب رحمه وتتحدث معهم بلغتهم)

ليوناردو: اني اعشق الجمال المصري

(تضحك رحمه وسط استغراب آدم)

آدم: هو بيقولك ايه عشان تضحكي كده

رحمه: بيقوللي انه بيعشق الجمال المصري

آدم: طاب قوليله انك خطيبتي

رحمه: ولا اعرفك

آدم: اخلصي مش كفايه اللي عملتيه

رحمه: اقوله بس بشرط تجمع كل الموظفين وتقول قدامهم اني خطيبتك وانا هخليك تاخد ديكور الخمس فنادق

آدم: انتي يا مفعوصه ده انا بقاللي تلت شهور بجري وراهم

رحمه: هنشوف

آدم: ماشي وانا موافق عم صالح لو سمحت اجمعلي كل الموظفين حالاً

صالح: حاضر يا افندم

(يجمع صالح الموظفين)

رحمه: اتكلم

آدم: احب اعرفكم على الانسه رحمه

الموظفين: ما احنا اتعرفنا عليها

آدم: اه بس متعرفوش انها خطيبتي وهنتجوز على العيد إن شاء الله

رحمه: ايه يا شروق مافيش مبروك ولا ايه

شروق: حضرتك هتتجوز ديه ديه متشرده

رحمه: بس على الاقل احسن من اللي مركبه زمبلك في وسطها وبذمتك ده لبس يتلبس في الصيام طيب احترمي الشهر الكريم

رحمه: اه قرار رقم واحد الكل هنا في الشركه هيلبسوا يوني فورم البنات سووت مقفوله وحجاب محترم وممنوع الميكب اللي عاجبها اهلا بيها واللي مش عاجبها مع الف سلامه الباب يفوت حمار

(ينظر الموظفين إلى آدم)

آدم: تمام نفذوا أوامر رحمه ومن النهارده هي السكرتيره الخاصه بيا

شروق: وانا مستقيله

رحمه: حلو ده

آدم: اخلصي رتبي شغل الفنادق

(تتحدث رحمه مع ليوناردو ويدخلوا مكتب آدم)

رحمه: انا بتأسف لأننا صايمين انا عارفه انكم من ديانه تانيه ومن الذوق انكم متشربوش حاجه واحنا صايمين

(يعجب ليوناردو بجرأتها)

(بعد نصف ساعه تخرج رحمه)

(تجد آدم واقف)

آدم: ممكن اعرف بقا مخليتنيش ادخل ليه

رحمه: ادخل عشان تمضي العقد وبقوا سبع فنادق كمان

آدم: بفرحه بجد

رحمه: عيب عليك

(يتم آدم الصفقه وينصرف الوفد الايطالي على وعد بعزومه فطار في خيمه رمضانيه)

آدم: انا عمري ما كنت احلم بالنجاح ده

(تخرج رحمه)

رحمه: معلش يا عم صالح اجمع الموظفين وخليك واقف معاهم

صالح: شكلي النهارده بجمع الموظفين بس

(يجمع الموظفين)

رحمه: مكافأة تلت شهور لكل افراد الشركه

نشوي: وسعت منك اوي ديه

(يتحدث آدم من خلفها)

آدم: مكافأة واجازه العيد اسبوع بس إن شاء الله نرجع كلنا نشاط وحيويه

نشوي: ربنا يخليكي يا أستاذه رحمه ربنا يعلم قد ايه انا كنت محتاجه الفلوس ديه عشان والدتي تعبانه جدا ومحتاجه عمليه وانا وهي ملناش غير بعض

رحمه: الف سلامه عليها اجر وعافيه إن شاء الله

(تقترب رحمه من آدم وتبلغه بما قالته نشوي)

آدم: طيب ايه رأيك اديها مبلغ العمليه

رحمه: لا عشان متجرحهاش قدام زمايلها هفضل اعلم فيك لغاية امتى

رحمه: بقولك يا نشوي ممكن تبعتيلي صور الاشعه والتحاليل انا ليا قريب دكتور هبعتهمله وإن شاء الله خير

نشوي: كتر خيرك ربنا يجازيكي خير

رحمه: يا بنتي احنا لازم نكون عون وسند لبعض

آدم: تعالي يا رحمه

رحمه: هيعملي فيها مدير منك لله يا ابن سعديه المفتريه

آدم: بتقولي حاجه

رحمه: بستغفر ربنا ايه بلاش آدم

آدم: لا استغفري براحتك خشي اترزعي واسكتي

رحمه: لتدخل المكتب ادينا اترزعنا ارغي

آدم: طولي لسانك براحتك كله في ميزان حسناتك المهم انتي اتعلمتي ايطالي فين

رحمه: بغرور مش ايطالي بس وبعرف تركي كمان

آدم: ليه حضرتك روحتي تركيا وانا معرفش

رحمه: مش لازم اروح تركيا بحالها جات لغاية عندي

آدم: اللي هو ازاي يعني

رحمه: هقولك واكل من بيتنا الايطالي وباقي اللغات اتعلمتها من النت واخدت فيها كورسات كمان اما التركي اتعلمته من المسلسلات التركيه وخاصة الحب الاعمي بوراك ونسليهان انت مش عارف انا بعشق بوراك اوزجافيت

آدم: نعم يا حلوه بتعشقي مين

رحمه: يعني هو هيبصلي ده متجوز قمر فهريه

آدم: يا سلام وانا فين بقا

رحمه: عايز الصراحه تغور من وش امك

رحمه: وبعدين احنا جايين نشتغل ولا عشان حضرتك تسبل

آدم: برضه مفهمتش قصدك

رحمه: عشان غبي لو انا مش عايزاك وافقت عليك ليه

آدم: يعني انتي

رحمه: رمضان كريم اللهم اني صايمه

آدم: صايمه ضحكتيني بعد الخراب اللي عملتيه وتقولي صايمه

رحمه: يعني الحق عليا موظفينك كانوا كسلانين قولت انشطهم شويه

آدم: اه فعلا تقومي تكسري زجاج المكتب وتلعبي بالملفات

رحمه: مخلاص بقا قلبك ابيض ما انا جيبتلك شغلانه مكنتش تحلم بيها ايه العالم دي لا حمد ولا شكرانيه

آدم: طيب خلاص اقفلي البلاعه اللي اتفتحت عليا دي

رحمه: عن اذنك يا حضرة المدير اروح اشوف شغلي هو فاضل كتير على المغرب

آدم: ليه

رحمه: اصلي جعانه اوي ما انا متسحرتش امبارح

آدم: هتحكيلي تاريخ حياتك ياله يا ماما على شغلك

(تخرج رحمه من المكتب)

(يتصل آدم بوالدها)

آدم: عمي بعد اذنك هنفطر النهارده في الشركه عندنا شغل كتير

صابر: وماله يا ابني المهم رحمه عامله معاك ايه

آدم: بكذب رحمه دي نسمه

صابر: هي مين دي بتي وانا عارفها

آدم: لما اجي هحكيلك

(يغلق الهاتف ويتصل بمطعم لطلب افطار)

(يمر الوقت ويتبقى ساعة على المغرب)

رحمه: هو في ايه احنا هنروح امتى

صالح: مش عارف يا بنتي والله انا مشواري بعيد اوي

رحمه: طيب متروح تقوله احسن يكون نسي

صالح: لا خليه حضرتك هو اللي يقول

رحمه: الله يخربيتك يا آدم يا ابن سعديه المفتريه فاضل نص ساعه

الموظفين: ربنا يستر

(يدخل آدم)

رحمه: ايه هنروح

آدم: لا هنفطر كلنا هنا خلاص الدليفري طالعين وضبطوا ترابيزة الاجتماعات نفطر عليها

رحمه: يا فرج الله اخيرا هناكل

آدم: هتاكلي يا اخره صبري

رواية رحمة في رمضان الفصل العاشر

امينه: يابت اخرسي شويه انتي ايه

رحمه: خرسنا

لتتركهم امينه لتعد الشاي

ادم: انتي شاطره ف الحسابات

رحمه: يعني شويه

ادم: طاب واللغات

رحمه: حماره

ادم: اما هتشتغلي معايا ازاي

رحمه: هبقا اروقلك المكتب زي ماروقتلك الشقه

ادم: طيب ماشي بكره الصبح اعملي حسابك هننزل سوا نروح المكتب

رحمه: لاء طبعا انته اديني العنوان وانا اجيلك

ادم: اشمعنه

رحمه: انته عايزني اروح واجي معاك والناس تتكلم عليا

ادم يضحك: طاب ما هما كده كده بيتكلمو عليكي

رحمه: عارفه وبيقولو عليا مجنونه

ادم: اه طيب خدي الكارت اهو فيه عنوان المكتب

رحمه: ايه ده مكتبك ف جاردن سيتي جاتك نيله وجاي تسكن عندنا ده انته طلعت عبيط اوي

ادم: احترمي نفسك انا المدير

رحمه: طيب

وهنا يدخل عليهم امينه

امينه: الشاي يا حبيبي

ادم: شكرا لحضرتك

اما العم شكري الحاتي كان يجلس في مطعمه

شكري: شدو حيلكم يا ولاد عشان مطلوب مننا طلبيه كبيره لمصنع الهدوم الي بعدينا بشارعين

عبدالهادي شريكه ف المطعم: عملتو ايه عند الدكتور

شكري بحزن: مافيش فايده كل العلاج اللي خدناه مجابش نتيجه شكلي اموت قبل مشوفلي حتت عيل يقوللي يا أبا

عبدالهادي: طاب اقولك علي وصفه إنشاءالله بعدها ربنا يكرمك علي طول

شكري: انا ومراتي خدنا كل الوصفات عطارين علي وصفات تانيه اللي تقولها هاتي السمكه المبروكه واللي تقولها روحي الترب لا اقفي قدام القطر لاء روحي مش عارف فين وادحرجي عبدالهادي ولا اي حاجه من دول

عبدالهادي: وصفه ايه طيب

عبدالهادي: صلي يا شكري واطلب من ربنا سبحانه وتعالى ولح ف الدعاء صلي ف اي وقت وادعي ربنا انته ومراتك والجامع اللي مبتعتبوش روح صلي فيه

شكري: الصراحه يعني انا بصلي بس مش علي طول

عبدالهادي: عارف وكمان بتكروت ف الصلاه

شكري: ما انته عارف الشغل بقا

عبدالهادي: ادي العباده حقها وطلع صدقه انته مش فقير ربنا الحمدلله كارمك

شكري: والله كلامك صح يا صاحبي

اما ذكيه فكانت تجلس مع عزه اختها

ذكيه: هو انتي بتلفي وتدوري ليه يا بنت امي وابويا

عزه: انا عايزه مصلحتك جوزك عايز يرجعلك الراجل اتعدل وعرف قيمتك وطلق اللي كان مجوزها ديه

ذكيه: عايزاني ارجعله بعد ما رماني انا وابنه ده لولا بيت ابونا كت قعدت انا وابني ف الشارع وبردك لولا معاش ابونا كان زماني مش لاقيه اللقمه

عزه: بس هو اعترف بغلطه وهيعوضكم عن كل حاجه وحشه حصلتلكم

ذكيه: بقولك ايه انا راسي وجعتني تشربي قهوه

عزه: أه بتهربي طاب يكون ف علمك بقا انا عزمته بكره يفطر معانا

ذكيه: انتي عبيطه انا بقا مش قاعده ف البيت هروح أفطر علي اي ماءده

عزه: طاب عيني ف عينك كده انتي لسه بتحبيه هتنكري

ذكيه: اه لسه بحبه بس كرامتي اهم

عزه: صدقيني يا اختي ابنك لازم يتربي معاكم البطيخه مبتكبرش غير ف عرشها يا اختي

ذكيه: مش عارفه بقا

عزه: خلاص هنربيه شويه وبعدين ابقي ارجعيله

ذكيه: اللي فيه الخير يقدمه ربنا

اما بخيته فكانت تجلس مع زوجها

بخيته: ايه يا اخويا مرتاح ف الشغل مع كريم باشا

زوجها: اه والله ده راجل طيب اوي ده حتي اداني بدلتين من عنده وكمان قاللي هيوديني مستشفى عشان يشوفولي حل ف رجلي

بخيته: مش انا قولتلك ربنا مبينساش حد انا بقا هروح ادفع مقدمه تلاجه وتلفزيون

زوجها: طاب خدي الفلوس ديه اهي تساعد معاكي

بخيته: ربنا يخليك لينا

أما الست بمبه فكانت قاعدة مع زوجة أخوها اعتماد.

بمبه: شوفتي يا أختي اللي حصل؟

اعتماد: ايه؟

بمبه: الولية أمينه نزلت بعد الفطار ومعاها شاب طول بعرض، ولفت بيه على كل الدكاكين واشترت شوية حاجات.

اعتماد: هي مين دي اللي اشترت؟

بمبه: زي ما بقولك كده! ما هو الشاب ده اللي كان بيدفع، ولما سألوها عليه قالت إنه ابنها! بس أنا عرفت إنه الساكن الجديد اللي عندهم.

اعتماد: عندهم بيت وورشة وبيلموا إيجار، والجلابية هي هي!

بمبه: وليه حانوتية تموت على القرش ده! أنا لو عندي ربع اللي عندها كنت عيشت أحلى عيشة.

وبعدين جوزها يا أختي، تقوليش برهم جروح… راجل طيب أوي، لا بيهش ولا بينش.

اعتماد: ما هو حظ المقشفة وأم عرقوب، وإحنا بختنا مايل.

بمبه: آه يا أختي…

اعتماد: هتعملي أكل ايه بكرة؟

بمبه: مش عارفة.

اعتماد: أنا هعمل مسقعة باللحمة المفرومة.

بمبه: الله! ده أنا نفسي فيها أوي… خلاص اعملي حسابنا صينية كده.

اعتماد: هو ربع كيلو لحمة يادوب على قدنا.

بمبه: ايه يا حلوة؟ هو انتي بتجيبي من بيت أهلك؟

اعتماد: دي فلوس جوزي ولازم أخاف عليها.

بمبه قربت منها وقالت بخبث:

يا أختي يا حلوة، يا هتعملي الصينية يا أقول لأخويا على السر.

اعتماد بتوتر: سر ايه؟ أنا معنديش أسرار!

بمبه: يابت عليا أنا… أمال الجمعية اللي داخلاها مع ذكية وباقي نسوان الحارة تطلع ايه؟ وكمان قبضتي اسم وفاضل اسم.

اعتماد: الله يخربيتك! وانتي عرفتي ازاي؟

بمبه: مش عيب عليكي تقوليلي كده؟ أنا ليا طريقتي… المهم قولتي ايه؟

اعتماد تنهّدت: خلاص حاضر هعملك.

بمبه: إلا قوليلي… وديتي فلوس الجمعية فين؟

اعتماد: بطلي حشرنة شوية.

بمبه: ما أنا لو عايزة أعرف هعرف.

اعتماد: شيلتهم في البوستة… هديتي؟

بمبه: طيب متنسيش تقطعي بصلتين كده جنب المسقعة ورز أبيض.

اعتماد: طيب يا أختي.

بمبه: أنا داخلة أريح شوية قبل السحور.

اعتماد: اه أحسن برده.

دخلت بمبه شقتها، ونادت بصوت عالي:

بمبه: بت يا ملك! انتي يا بت!

ملك: ايه عايزة ايه؟

بمبه: هتروحي عند الست سمرة مرات المعلم حسن، وتقوليلها أمي بتقولك لو عندك أي طبيخ باقي ولا حاجة عشان في واحدة غلبانة وجعانة… وهاتي من عندها قد عشر أرغفة. يلا روحي.

بمبه: بت يا منال خدي تعالي.

منال: ايه هشحت ايه النهارده؟

بمبه: عارفه بيت المعلم فرجاني؟

منال: ماله؟

بمبه: هتروحي لمراته تقوليلها أمي بتسلم عليكي وبتقولك لو عندك أي أكل فايض منكم هاتيه عشان في واحدة غلبانة وجعانة وينوبك ثواب فيها.

منال: حاضر.

بمبه: ياله روحي.

بمبه: بت يا ألفت انتي يا مزغوده.

ألفت: عايزه ايه؟ بذاكر.

بمبه: عارفه دكانة شاهين الجزار؟

ألفت: أم مالها؟

بمبه: هتروحي تقوليله أمي بتقولك في واحدة غلبانة وجعانة، لو عندك حتت ماسورة تعمل عليها شوربة، أصلها بتربي أيتام، واعملي نفسك إن حالها صعبان عليكي.

ألفت: هو كل يوم نفس الموال؟

بمبه: غوري يا بت ياله قبل أبوكي ما يرجع من شغله.

ألفت: يا أما حرام عليكي، كل يوم تخلينا ندور في الحته نشحت الأكل، هو انتي ليه مش بتطبخي زي باقي الستات اللي بيطبخوا لعيالهم؟

بمبه: طب وهو أنا فاضية؟ روحي يا بت ياله.

أما في شقة أم سيد زوجة حسن.

سيد: ولدها، إن شاء الله لما تلبسي النظارة الصداع هيروح.

حكمت: بس يا ابني، أبوك ومراته يعني هيقلسوا عليا.

سيد: ليه يعني؟ وانتي أصلًا نظرك وصحتك راحوا زمان أيام الشقا والتعب.

حكمت: آه والله يا ابني، كنت بسافر الفلاحين من قبل صلاة الفجر وألم الزرع، حتى في عز ما كنت حامل فيك كنت بشيلك وأفضل ألف بيك، ولما كبرت شوية وجيه أخوك كنت باخدكم انتوا الاتنين وأبوك نايم للضهر، وأول ما شم نفسه شمه عليا وراح اتجوز، حتى معاملته معايا زي ما انت شايف.

سيد: خلاص بقى يا أما، عايز أقولك خبر هيفرحك.

حكمت: خير يا حبيبي؟

سيد: عارفه البت رانيا بت عم صابر النجار؟

حكمت: آه طبعًا مالها؟

سيد: الصراحة يعني أنا عايز أخطبها.

حكمت: بس يا ابني دي بنت متعلمه وبيقولوا هتخش الجامعة.

سيد: وايه يعني؟ هو انتي ناسيه إن أنا معايا بكالوريوس زراعة؟

حكمت: اسكت الحيطان ليها ودان.

سيد: ربنا يخليكي ليا يا أما.

حكمت: ويخليك انت وأخوك وأفرح بيكم.

سيد: طب قولتي ايه؟

حكمت: بس انت يا ابني عارف إن أمها ماسكه على الدنيا.

سيد: وأنا مش عايز منهم حاجة، أنا الحمدلله راجل وكسيب والحالة مستورة.

حكمت: ربنا يسترك دنيا وآخرة… ايه ده فاضل على الفجر ساعتين.

سيد: خليكي مرتاحة وأنا هجهزلك أحلى سحور، ولا أقولك أنا هسحرك النهارده بره.

حكمت: بره فين؟

سيد: هنروح نسهر في خيمة رمضانية.

حكمت: طب خش صحي أخوك عشان يروح معانا.

سيد: عيوني، وهنروح بعربيتي الجديدة.

حكمت: انت عايز أبوك يطين عيشتنا ويقول إنك بتخنسر منه؟

سيد: أنا جايبها من عرق جبيني يا أما، والله عمري ما مديت إيدي على جنيه من فلوسه، ما انتي عارفه يا أما إني سمسار فاكهة وخضار.

أما في شقة رحمة كانت أمينه تعد السحور.

رحمه: هتسحرينا ايه؟

أمينه: فول وبطاطس.

رحمه: أنا عايزه جبنه وزبادي.

أمينه: اديكي هتشتغلي ابقي هاتي اللي انتي عايزاه من فلوسك.

رحمه: خلاص اخش اجيب أنا من المخبأ السري.

أمينه: انتي يا بت خدي هنا.

لتدخل رحمه الغرفه الصغيره.

رحمه: شكلها نسيتها مفتوحه قشطه… لتدخل رحمه ايه ده! أمي مخبيه خيار… وايه ده جبنه وطماطم يا خبر!

لتدخل عليها أمينه.

أمينه: عارفه لو مطلعتيش وسيبتي الحاجه اللي في ايدك ديه هكسر رقبتك.

رحمه بصوت عالي: الحقوني أمينه هتموتني!

وهنا تسمع رانيا صوت طرق على الباب، لتجد آدم أمامها.

رانيا: اتفضل ادخل. أبا تعالي كلم المهندس آدم.

صابر: جاي يا بنتي.

لتسمع أمينه صوت رانيا، فتخرج من الغرفه وتغلق على رحمه بالمفتاح.

أمينه: اهلا يا آدم خير يا ابني؟ ده ميعاد السحور.

أدم: أيوه يعني انتو جاي ليه لما هو ميعاد سحور؟

أدم: مش احنا اتفقنا إني هفطر واتسحر معاكم كل يوم؟

أمينه: ليه يا أخويا حد قالك فاتحينها سبيل؟ روح شقتك خلينا نعرف ناكل اللقمه.

ليشعر آدم بحاله ذهول، ليجد رحمه أمامه.

أمينه: انتي خرجتي من الاوضه ازاي؟

رحمه: الباب خشب وقديم كسرت منه حته وخرجت.

أمينه: يا بنت ال… إن مكسرتك مبقاش أنا أمينه!

رحمه: قول يا فكيك.

أدم: المهم أنا هتسحر ايه؟

أمينه: روح على شقتك أنا العفاريت بتتطنط في وشي.

أدم: وهو فيه عفاريت في رمضان؟

صابر: يا وليه كفاية فضايح، اقعد يا ابني اتسحر معانا.

أمينه: والله ما حد هيدوقه غير لما تصلحلي الباب اللي كسرته الشملوله بتك.

أدم: يا ستي أنا هجيبلك باب غيره بس أنا جعان والمحلات كلها قفلت.

أمينه: يعني انت هتجيبلي باب غيره؟

أدم: اه.

أمينه: الباب بكام عندك يا صابر؟

صابر: يا ربي على الكسوف.

أمينه: متخلص يا راجل.

صابر: في باب يعمل باكو ونص.

أمينه: باب تقيل يعني؟

صابر: اه.

أمينه: ادي لعمك صابر حق الباب.

أدم: الحمدلله إني سحبت فلوس زياده.

أمينه: اخلص الفجر هيدن.

أما رحمه فكانت تجلس مع أم عصام.

أم عصام: شكريه كده برده يا رحمه؟ ديه عمله تعمليها يا بنتي؟ عاجبك اللي أمك عملته فيا؟

رحمه: مخلاص بقا خليكي حلوه يا خالتي، والله لو عم خليل صاحي كنت قعدت واتسحرت معاه.

أم عصام: يا نضري انتي متسحرتيش؟

رحمه: لا.

أم عصام: طب اقعدي اسحري معايا، على الاقل تنوسيني. عمك أبو عصام بيسحر بدري عشان العلاج وأنا بسحر لوحدي.

رحمه: هتسحريني ايه؟

أم عصام: فول وبيض وجبنه وبطاطس محمره وزبادي.

رحمه: قشطه… طب متتبنيني يا خالتي؟

أم عصام: من غير أي حاجه تعالي افطري واتسحري معانا كل يوم بدل ما احنا قاعدين لوحدينا.

رحمه: بجد؟

أم عصام: اه يا بنتي بجد والله.

رحمه: عارفه يا خالتي أنا كان نفسي أمي تبقى حنينه، لكن للأسف أمي بخيله حتى في مشاعرها، وأبويا غلبان. هو ساعات بيتخانق ويتعارك معاها بس برده بتعمل اللي هي عايزاه.

أم عصام: ربنا يهدي يا بنتي.

أما المعلم فرجاني صاحب المقهى فكان يجلس مع الصبي تفله.

فرجاني: خلص ولم الكراسي.

تفله: عايزين شوية طلبات يا معلمي، العناب خلص والسكر بيشطب.

فرجاني: ماشي اعمل شيشني على كل حاجه، بس الأول تعالى عايزك في حاجه.

تفله: أوامر يا معلمي.

فرجاني: عايزك أول ما تشوف الأسطى صابر بعد المفطر تقولّي على طول، حتى لو أنا في البيت اتصل عليا.

تفله: ماشي، بس ليه يعني؟

فرجاني: أصلي ليا عنده أمانه.

تفله: طب ما أنا وصبيان القهوه نتلم عليه ونعدمه العافيه ونجيبلك أمانتك من عنده.

ليضحك فرجاني: بس يا عبيط.

تفله: الله!

تفله: عبيط ليه بقى؟ ده أنا عايز أخدمك.

فرجاني: الأمانه دي تبقى رحمه بنته.

تفله: أكيد المجنونه بت المجانين دي عملت حاجه زعلتك.

فرجاني: اخرس قطع لسانك! دي رحمه دي ست البنات.

تفله: هي مين دي اللي ست البنات؟ دي بت لاسعه ورايحه منها على الآخر.

فرجاني: ما هو ده اللي محببني فيها… بالك يا واد، البت دي لو اتجوزتها هترجعلي شبابي، البت زي القمر حتة بت… إنما ايه مهره على حق.

تفله: ده انت واقع أوي يا معلمي.

فرجاني: غرقان لشوشتي.

تفله: طب أنا عندي فكره حلوه.

فرجاني: قول، وليك الحلاوه.

تفله: بس ده هيكلفك شويه.

فرجاني: مش مهم، الخير كتير أوي.

تفله: تعمل فطار جماعي لأهل الحته كلها، وطبعًا أمها مش هتصدق، وإحنا بنفطر تكلم أمها، لكن صابر ده إيدك منه والأرض.

فرجاني: عفارم عليك… خلاص بكره تروح تتفق مع شكري الحاتي يعملنا وجبات الفطور، وخليه يتوصي ويزود.

تفله: وانت بقى تنبه على أهل الحاره، وتخلي الفطور بعد بكره.