رواية عانيت لاحبك الفصل العاشر 10 - بقلم فاطمة محمود

صباح يوم جديد على أبطالنا. هناء: يابنتي متمشيش بسرعة كدا هتقعي. نور: ما أنا لازم أمشي كده لما ألاقي الأستاذ لسه مفاقش وإحنا لازم نكون جاهزين. هناء بضحك: انتي هتروحي تضربيه مش تقوميه من النوم؟ نور بضحك: لو مفاقش هعملها. هناء: طيب روحي. نور: حاضر. نور راحت وفتحت باب الأوضة على طول ولقيت يوسف واقف وماسك هدوم وفي هدوم كتير على السرير. يوسف: إيه يابنتي خضتيني، داخلة مرة واحدة كدا ليه؟

نور: ما حضرتك مش خارج من الأوضة، فكرتك لسه نايم عشان كدا دخلت من غير ما أخبط. يوسف: لا صاحي بقالي ساعة. نور وهي بتبص على الهدوم: صاحي بقالك ساعة ولسه ما جهزتش؟ وإيه ياابني الهدوم دي كلها؟ يوسف: كويس إنك جيتي عشان مش عارف ألبس إيه. نور: في إيه يا جو؟ مش غريبة شوية. يوسف: هو إيه اللي غريب؟ نور: إنك تبقى محتار في إنك تلبس إيه. يوسف بصلها شوية وحط إيده على شعره. يوسف: مش عارف. وكمل كلامه وهو بيفتكر سلمى.

يوسف: ممكن عشان هتبقى قدامي على طول، عايز أبقى أحلى حاجة. نور بخبث: هي مين؟ يوسف فاق من تفكيره وبص لنور. يوسف: اخلصي هتساعديني ولا لأ؟ نور بضحك: هيجي الوقت وهنعرف. يوسف: طيب يلا. نور مسكت قميص أبيض وبنطلون أزرق. يوسف: إيه دا؟ انتي عارفة مبحبش الألوان الفاتحة. نور: ونت عاوزنا نختارلك أسود يعني؟ يوسف: آه. نور سابت الهدوم. نور: خلاص اختار انت. يوسف بغيط: انتي بتستغلي إني مش عارف أختار يعني. نور بضحك: لا أبداً.

يوسف بص على الهدوم. يوسف: يعني مفيش غير الألوان دي؟ نور بغمزة: البسهم هتعجبها. يوسف رمى الهدوم على نور. يوسف: اطلعي برا يا بت. نور بضحك: متتعصبش وخد الهدوم دي البسها وبلاش تتأخر. يوسف: طيب. نور خرجت ويوسف مسك الهدوم وراح الحمام ياخد شاور. آيه قامت على صوت المنبه. آيه بضيق: هو مين حط المنبه دا هنا؟ آيه قفلت المنبه ورجعت تنام. وسلمى دخلت الأوضة ولقيت آيه لسه نايمة. آيه: كنت عارفة إني هلاقيكي لسه نايمة.

آيه: سبيني أنام شوية. سلمى: تنامي؟ دا إيه؟ قومي عشان هنتأخر. آيه بنوم: هو في إيه عشان نتأخر عليه يعني؟ سلمى: انتي فقدتي الذاكرة يا بنتي ولا إيه؟ مش انهاردة رايحين الساحل؟ آيه افتكرت كلام سيف. آيه: روحوا انتوا وسيبوني أنام أنا. سلمى: متهزريش يا توتا وقومي يلا. آيه قامت قعدت على السرير وبصت على سلمى. آيه: أيوا بقى إيه الشياكة دي كلها؟ سلمى بضحك: يعني هعجبه. سلمى بغمزة: إذا كان أنا اتثبتت ما بالك هو.

سلمى بضحك: الله يطمن قلبك. آيه بضحك: ماشي أنا هقوم البس. سلمى: ماشي. آيه دخلت الحمام تاخد شاور وسلمى رتبت السرير وبعدين قعدت على الكنبة وفونها رن وكانت نور وردت عليها. نور: صباح الجمال. سلمى: صباح الورد. نور: خلصتوا ولا إيه؟ سلمى كانت هترد بس آيه خرجت. سلمى: ملبستيش ليه؟ آيه: الشميز ولا الدريس؟ سلمى: اممم الشميز حلو بس الدريس أحلى. آيه: رأيك كدا؟ سلمى: أه. نستيني نور على الفون. آيه: نور طيب خدي رأيه.

نور: افتحي فيديو كول طيب. سلمى قفلت وفتحت فيديو كول وشافوا نور. سلمى بضحك: ها؟ نور بضحك: هاي. آيه بضيق: اخلصوا انتي وهي بقى عشان ألبس بدل ما نتأخر. نور بضحك: طيب وريني كدا. آيه مسكت الشميز وبعدين الدريس. نور: امم هو فعلاً الشميز حلو بس الدريس هيبقى أحلى عليكي يا توتا. سلمى: أنا قولت كدا. نور: لا بجد حاجة تحفة. آيه: طيب هلبسه وأجي. آيه أخدت الدريس عشان تلبسه. سلمى: بس إيه الحلاوة دي؟ نور بضحك: استني كدا هثبت الفون.

نور ثبتت الفون وبعدت شوية. نور: ها إيه رأيك؟ سلمى: لا جمدان عليكي. نور بضحك: عيب عليكي دا أنا بقيت فاشونيستا. سلمى بضحك: إزاي؟ نور بضحك: اخترت هدوم يوسف انهارده برضه. سلمى بضحك: ياواد يا جامد. آيه كانت لبست وخرجت. سلمى: لا بجد قمر. آيه: قلب القمر. نور: وريني كدا. سلمى قلبت الفون ونور شافت آيه. نور: آخر دلع يا توتا. آيه: قلبي اللي مدلعني. وفجأة فارس دخل عليهم الأوضة. فارس: يا بنات يلا بقى هنتاخر.

شاف نور بتتكلم مع آيه في الفون. فارس بابتسامة: إزيك يا نور. نور بابتسامة: إزيك يا فارس. سلمى: لا قمر أوي. فارس بضحك: حلوين يعني. آيه بغمزة: قميص أبيض على بنطلون أسود على نظارة.. دا انت هتتشقط انهارده. سلمى بضحك: وأهو أول واحدة بتشقطك. فارس ضحك وفجأة شهد دخلت بهجوم. شهد بصوت عالي: في إيه يا جماعة؟ ليا ساعة قاعدة. فارس: انتي بتكذبي؟ انتي لسه واصلة من شوية. شهد: عندي الدقيقة بتعدي بساعة.

البنات كانوا بيضحكوا على شهد وفارس. نور بضحك: أهدي بس يا وحش الكون. شهد: هو دا صوت نور ولا بيتهيألي؟ نور بضحك: لا مش بيتهيألك يا جميل. شهد بضحك: انتي هنا من امتى؟ آيه بضحك: من قبل ما تدخلي. نور بضحك: متتعصبيش، العصبية مش حلوة ليكي. شهد بتمثيل: والله ما عارفة أعمل إيه معاهم يا نور، مستحملة وساكتة وزعيق وتهزيق وحاجة قرف. فارس بضحك: أوبااا لا جامدة، دا انتي ولا طلعتي مني ذكي. آيه بضحك: قلبي الصغير لا يحتمل.

شهد بضحك: انتي طلع عندك قلب زينا؟ آيه بضحك: والله هضربك. شهد: خلاص يا عم سكتنا اهو. نور بضحك: طيب أنا هقفل يلا متتأخروش ولو عملوا فيكي حاجة يا شوشو قوليلي بس. شهد: قلبوبتي. سلمى بضحك: حد قالك إننا بنعذب ولا إيه؟ نور بضحك: لا أبداً يا سلومتي. آيه بضحك: هي بتاخدها على قد عقلها. شهد: لا والله هي بقت كدا. نور بضحك: لا لا مش كدا. فارس بضحك: طيب كفاية هبل انتي وهي ويلا عشان نمشي. نور بضحك: أوك يلا باي، مستنياكم.

نور قفلت والبنات وفارس خرجوا من الأوضة والبنات سلموا على محمد وزينب. البنات: هتوحشيني يا زوزا انتي وحموزي. زينب: يا حبايب قلبي انتوا كمان هتوحشوني، مش عارفة إزاي تلات أيام مش هشوفكم في البيت. آيه: وعدك تلات أيام مش هنتأخر عليكي. سلمى: هنفضل نكلمك في الفون كتير مش هتحسي بغيابنا. شهد: كفاية يا جماعة هتأثر وهعيط. فارس بضحك: انتي عندك مشاعر عادي؟ شهد بغيظ: لا عندي طحينة. البنات ضحكوا عليه.

محمد: خد بالك على نفسك وعلى البنات يا فارس. فارس: حاضر يا حبيبي متقلقش. بص للبنات وكمل كلامه. فارس: يلا بينا. فارس والبنات نزلوا وفارس حط الشنط في شنطة العربية ولسه هيركب لقي شروق في وشه. شروق: إيه دا يا فارس انت رايح فين؟ فارس: نعم. شروق: مش قصدي شوفت الشنط بس. شهد: حبيبتي متدخليش نفسك في خصوصيات، إحنا أسرة مع بعض. شروق بغيظ: مش قصدي حاجة بسأل عادي.

شهد: خلي العادي ليكي يا شوقي، قصدي شروق، ويلا يا فارس اركب خلينا نوصل. شروق مشيت بغيظ وفارس ركب. فارس بضحك: يخرب بيتك يا شهد. شهد بضحك: مش زودتها بدل ما هي مش عايزة تمشي؟ سلمى بضحك: زودتيها يا بنتي مش لدرجة شوقي. آيه بضحك: طيب والله لأقولها. البنات وفارس فضلوا يضحكوا. يوسف كان خلص لبس وحط برفانه ولبس نضارته وخرج. نور: لا لا متقولش إنت. يوسف بضحك: وأنا قولت حاجة يا بت انتي. نور بضحك: شوفت ذوقي حلو إزاي؟

طلعت منك يوسف تاني خالص. يوسف بضحك: هو أنا في مني اتنين وأنا معرفش؟ نور بضحك: امال إيه؟ استني كدا نونا يا نونا. هناء خرجت من المطبخ. هناء: إيه يا نور؟ نور: تعالي كدا. هناء راحت عندهم وشافت يوسف. هناء: إيه القمر دا؟ نور بضحك: اهو أول معاكسة يا عم. يوسف بضحك: انتي رأيك كدا يا نونا؟ أنا شايف إنهم مش حلوين. نور بضحك: ردي يا نونا. هناء: لا ذوقك تحفة. نور بضحك: حبيبتي يا نونا عارفة والله. يوسف بضحك: هتتغرّي انتي ها؟

نور بضحك: آه. يوسف بضحك: طيب فارس والبنات قربوا يوصلوا. نور: آه قفلت معاهم قبل ما تيجي. يوسف: طيب يلا ننزل يكونوا وصلوا. نور: سيف ومالك فين؟ سيف: أنا اهو. نور بضحك: انت بتظهر على السيرة يابني. سيف بضحك: آه لسه واصل. نور كانت بتبص على الباب المفتوح. نور: فين مالك؟ سيف: شكله مش جاي. نور: أنا هروح أشوفه. نور كانت خارجة تروح شقة مالك بس لقيته داخل. نور: مالك. مالك: إيه يا نوري؟ مالك زعلانة كدا؟

نور: انت صحيح مش هتروح معانا؟ مالك: معلش يا حبيبتي مش هقدر لأني لسه بادئ شغل. نور: كنت قلتله مش هتتأخر. مالك مسك وش نور بين إيده. مالك بحنية: يا حبيبتي حاولت ومش هينفع. نور بزعل: يبقى مش هروح. مالك: لا يا حبيبتي روحي وانبسطي. نور: مش هعرف انبسط. مالك: يوسف وسيف والبنات معاكي كمان مش هتحسي بغياب. نور: أكيد لا. مالك: لا طبعاً وبعدين مبتبقيش حلوة وإنتي زعلانة كدا. اضحكي كدا وهعوضك في سفرية أحلى من دي كمان. نور: طيب.

نور حضنت مالك وبعدت عنه. نور: هبقى أكلمكم. مالك بابتسامة: ماشي يا حبيبتي. سيف مسك الشنط. سيف: يلا بينا يا نوري. نور: يلا. نور حضنت هناء وبعدين خرجوا هي وسيف. يوسف بغمرة: هستناكي متتأخريش. مالك بضحك: متقلقش. يوسف نزل ومالك راح شقته. سيف حط الشنط في شنطة العربية ونور كانت واقفة ويوسف كان نزل. يوسف: ما وصلوش لسه؟ سيف: رن عليهم يا نور. نور رنت على آيه وردت عليها. نور: إيه فينكم؟ آيه: خلاص اهو خمس دقايق. نور: طيب.

وبعدين قفلت مع آيه. يوسف: إيه؟ نور: بيقولوا قربوا يوصلوا. سيف قرب من نور وحضنها. سيف: خلاص يا نوري بقا متزعليش. نور: مش زعلانة بس كنت عايزة يروح معانا. يوسف: معلش يا حبيبتي مش بإيده. نور: طيب. سيف: طيب اخفي البوز اللي اتمي شبرين قدام دا. نور ضحكت. سيف بضحك: ياللي شمس الدنيا تطلع لما تطلع ضحكة منك. نور بضحك: حسي بالناس الغلابة اللي زيك بعد إذنك. يوسف بضحك: أحن أنا ولا أعمل إيه؟ سيف: لو تعرف مفيش مشكلة. نور: وصلوا أهم.

فارس والبنات كانوا وصلوا ووقفوا بالعربية وسلموا على بعض كلهم. آيه بهمس لسلمى: انتوا مظبطين مع بعض في اللبس ولا إيه؟ نفس الألوان. سلمى بهمس: أظبط إزاي وأنا مش بكلمه حتى يا ذكية؟ آيه: معقولة؟ صدفة يعني؟ إيه قصة الحب الغريبة دي؟ سلمى: انتي خليها قصة حب كمان. آيه: امال إيه يا بنتي هتشوفي؟ سلمى: طيب اسكتي لحد يسمعنا. نور: لا أنا عايزة أنا والبنات نركب سوا. يوسف: هتركبوا لوحدكم يعني؟ نور: لا كلنا سوا.

سيف: اللي عاوزاه يا نوري. يوسف: وانت يا فارس رن على حد يجي ياخد العربية بتاعتك. فارس: تمام. يوسف: سيف. سيف: إيه. يوسف: انقل الشنط كلها في العربية التانية. سيف: ماشي. سيف مسك الشنط وراح يحطها. فارس مشي شوية ورن على مراد في الشركة ييجي ياخد العربية. يوسف: يلا يا بنات اركبوا انتوا. نور: أوك يلا يا بنات.

البنات ركبوا العربية وآيه بتفتح باب العربية عشان تركب وسيف كان ماسك آخر شنطة هيحطها في شنطة العربية واتقابلوا عيونهم وسيف لسه هيبتسم آيه تجاهلته وركبت بسرعة. سيف فضل واقف يبصلها وهي ادتله ضهرها. يوسف: سيف ليه واقف يالا؟ سيف: خلاص اهو هحط آخر شنطة. وسيف حط الشنطة في شنطة العربية وطلع قدام وركب وفارس ركب ويوسف ركب مكان السواق. مشوا بالعربية وفجأة وقفوا لما شاب ظهر قدام العربية. نور بخضة: يوسف!

يوسف: اهدي يا حبيبتي مفيش حاجة. يوسف نزل وقرب من الشاب. آيه: هو مين الشاب دا؟ سيف: وشه مش باين. وبعدين بص على آيه اللي تجاهلته خالص. نور: حاسة إني أعرفه مش عارفة ليه. شهد: هو باين على يوسف من وقفته معاه يعرفوا بعض. سيف: أنا هنزل أشوفه. عند يوسف. يوسف: انت عايز تموت يعني؟ مالك بضحك: لاا دا أنا عايز أدخل دنيا يا عم. يوسف بضحك: امال ظهرت مرة واحدة قدام العربية؟ كنت هتموت. مالك بضحك: واثق فيك إنك هتقف.

سيف: إيه يا عم انت وهو؟ اخلصوا. ومالك: مالك يااض انت كمان؟ سيف: عايزين نمشي كان إيه لازمتها اللفة دي كلها؟ ما كنت جيت معانا من الأول. مالك وهو بيشاور على سيف: سكت الواد دا أحسن يا يوسف. يوسف بضحك: طيب يلا بينا. مالك: انتوا أخدتوا شنطتي؟ سيف: أيوا خدناها. يوسف ومالك وسيف راحوا العربية عشان يركبوا. والبنات كانوا بيتكلموا واخدوش بالهم لما الشباب ركبوا ومشوا بالعربية. مالك: إزيك يا فارس؟

فارس: الحمد لله يا مالك انت عامل إيه؟ مالك: الحمد لله بخير. مالك: إزيكم يا بنات؟ البنات: الحمد لله. نور: مالك؟ مالك: إيه يا نور؟ نور: لا يعني انت بجد هنا؟ انت الشاب اللي وقفت قدام العربية؟ مالك: آه يا حبيبتي. نور: مش قلت المدير موافقش؟ مالك: لا وافقت أنا مقدرش أرفضلك طلب بس قولت أخليها ليكي مفاجأة. نور بابتسامة: وأحلى مفاجأة. مالك: حبيبتي. وبعد ساعتين من الوقت وهما ماشيين.

شهد: وقف العربية يا يوسف واشتري لنا حاجة الواحد جعان. يوسف: حاضر بس استنى شوية قدام في سوبر ماركت. بعد شوية البنات نزلوا ودخلوا السوبر ماركت. يوسف: يلا يا شباب ننزل. فارس: انزلوا انتوا. سيف: يا عم ونبي بلاش اعتراض اسمع كلامنا. يوسف بضحك: يلا يا فارس. سيف: مالك يلا. الشباب نزلوا ودخلوا السوبر ماركت وكل واحد اشترى حاجة. سلمى: إيه دا يا شهد؟ شهد: زي ما انتي شايفة. آيه: جايبة كل دا لوحدك؟

شهد: في حاجة اسمها ما شاء الله عارفينها ولا هتخلصوا علينا بدري بعينكوا دي؟ نور بضحك: لا عارفينها بس انت السوبر ماركت كله هيركز معاكي وهتاخدي عين. شهد بضحك: هقرأ سورة الفلق وسورة الناس اهو، الحسد يقل. آيه بضحك: طيب انتي كدا تمام ولا هتاخدي حاجة تاني؟ شهد: لا تمام. نور: طيب يلا نروح نحاسب. البنات راحوا عند الشباب. فارس: إيه يا شهد؟ شهد: في إيه يا جماعة؟ لسه تلات ساعات تاني عشان نوصل، أكل إيه في الطريق لو جعت؟

يوسف بضحك: لو دول مش هيكفوكي ممكن أجيب لك تاني. شهد بضحك: أنا شامة تريقة في الكلام بس هحسبها جدعنة واهو لو لقينا في الطريق يبقى نقف. سيف بضحك: طيب هاتي أمسك معاكي الكيس كبير. شهد بغيظ: لا ياعم سيف مش كبير ولا حاجة انتوا مأفورين الموضوع. مالك بضحك: انتي زعلتي ولا إيه؟ شهد: لا أنا مفيش حاجة تزعلني غير الأكل لما يكون بعيد عني. سلمى: طيب يلا يا شوشو. يوسف: روحوا انتوا اركبوا العربية وأنا هحاسب.

البنات مشيوا ويوسف حاسب وبعدين طلع هو والشباب وركبوا العربية ومشوا. نور: ما تشغلينا حاجة يا يوسف. يوسف: عايزة إيه؟ شهد وهي بتاكل: شغلنا يا مسافر اهو تليق بالوضع اللي إحنا فيه دا. مالك بضحك: انتي كارثة يا شهد والله. فارس بضحك: كلنا بنشكر فيها. سيف: أقل كلمة تبقى مسخرة منها. شهد بضحك: متحرمش من كلامك الحلو دا. فارس بضحك: كفاية أكل لتطفسي طيب. شهد: متتركزش معايا نبي يا فارس. سلمى بضحك: دا هو خايف من كتر الأكل منلحقكيش.

شهد: ليه هتنفخ مثلاً؟ آيه بضحك: مثلاً. يوسف بضحك: ما سيبوا البت في حالها يا جماعة. شهد بضحك: انت بقيت المحامي بتاعها خلاص. نور بضحك: بقي ليكي ضهر وسند اهو يوسف المنشاوي. شهد بضحك: يوسف المنشاوي؟ أول مرة أعرف بس أي اسم روايات دا؟ يوسف بضحك: عجبك؟ شهد بضحك: أوي. يوسف بضحك: أي خدمة. شهد بضحك: خدماتك مغرقاني والله يا منشاوي. يوسف ضحك. سلمى: حد حافظ الأغنية يا جماعة؟ يوسف بابتسامة: للأسف. شهد: أنا هحفظ المنشاوي.

يوسف بضحك: لو كدا ماشي. شهد: شغلنا بقا يا جو. يوسف بضحك: حاضر. شهد: راجع على بيتي راجع تنسيني المواجع وأشوف القمر القمر. آيه: دايب يا أعز الحبايب هنعمل عجايب ويحلى السهر السهر. نور: مسافات والشوق يقتلنا والقلب يحن يتمني هاتي مدة ما تعنقنا بيبي وش حن لغير. سلمى: مسافات والشوق يقتلنا والقلب يحن يتمني هاتي مدة ما تعنقنا بيبي وش حن لغير.

فارس: يا مسافر يا مسافر طمني عليك خليك فاكر دا برضو حبيبك هنك ناطر ليحلى السهر السهر. مالك: يا مسافر يا مسافر طمني عليك خليك فاكر. سيف: دا برضو حبيبك هنك ناطر ليحلى السهر السهر. يوسف بضحك: يا مسافر. شهد: الله عليك يا يوسف أحلى حد غنى. يوسف بضحك: من بعدك. بعدين شهد حطت إيدها على بطنها. سلمى: مالك يا شوشو؟ شهد: بطني وجعاني. آيه: وجعاكي ليه؟ شهد: هيكون من إيه غير نقكم عليا من وقت ما شوفتوا الأكل.

نور بضحك: تلاقيه مغص بس عشان الأكل اللي أكلتيه كتير دا. شهد: طيب ما أنا على طول باكل كدا. يوسف: يكون عشان الأكل فيه مواد حافظة كتير. شهد: مبنتأثرش إحنا بالمواد الحافظة يا يوسف. مالك بضحك: استني في بنزينة قريب اهو يبقا انزلي. شهد باستغراب: هنزل أعمل إيه؟ همول العربية ولا إيه؟ سلمى بهمس: يا غبية عشان تدخلي الحمام. شهد: ماشي. بعد شوية وصلوا وشهد نزلت والبنات نزلوا معاها. وبعد شوية طلعوا. آيه: أحسن دلوقتي. شهد: شوية.

سلمى: طيب يلا بينا. البنات ركبوا وبعد شوية وصلوا قدام الفندق ونزلوا. سلمى: يلا بينا احنا يا بنات. فارس: والشنط دي؟ شهد: والعضلات اللي عندك دي؟ نفخ ولا إيه؟ فارس بضحك: طيب عشان طول لسانك دي هتشيلها. سيف بضحك: شهد معاها حق يا عم شيل. فارس: آه يعني أشيل لوحدي؟ مالك بضحك: شكلك بقى وحش يا فارس. سيف بضحك: يا عم هي دي شنط عادية مش عارف حاطين فيها إيه. يوسف بضحك: خلاص يا حبيبي انت وهو محدش هيشيل. يوسف: يلا ندخل.

بعدين دخلوا وراحوا الاستقبال. يوسف: مساء الخير. البنت: مساء النور حضرتك. يوسف: أنا يوسف المنشاوي حجزت هنا في الفندق امبارح. البنت: لحظة يا فندم. يوسف: اتفضلي. نور: إحنا والبنات عايزين نقعد في أوضة واحدة. يوسف: والله كنت عارف عشان كدا حجزت ليكم سويت. نور: حبيبي يا جو. البنت: آه فعلاً يا فندم حضرتك حجزت امبارح اتفضل حضرتك. يوسف: شكراً حضرتك ممكن حد يوصلنا الشنط؟ البنت: حاضر يا فندم.

بعدين الشباب والبنات مشيوا وكل واحد راح على أوضة والبنات سوا وآيه كانت هتدخل لقيت حد شدها فجأة.