رواية عانيت لاحبك الفصل التاسع 9 - بقلم فاطمة محمود

شهد كانت نايمة ودخلت مامتها الأوضة. "شهد يا شهد." "اممم." "يابت قومي يلا." "سبيني شوية يا نوجا." نجلاء رمت عليها المخدة. "قومي اخلصي مش هقول تاني." "هو في حد يصحّي حد كدا، يوليه انتي! نجلاء رمت عليها مخدة تاني. "قِلّة أدب كمان." "خلاص خلاص." وبعدين قامت وقفت على السرير. "أمتى بقى تيجي يا قرة عيني وتاخدني من هنا؟ "أمه داعية عليه أصلاً." شهد بابتسامة: "آه والله يا نوجا، هياخدوا حلاوة وشياكة ودلع ورقة."

"بتوصفي حد تاني انتي صح؟ أصلاً الحاجات دي مش عندك." "الله بقى يا نوجا، إحنا مبنطلعش الحاجات دي غير لما ييجي حبيب القلب." "قلبك يقف يا بعيدة، اخلصي يلا." شهد بضحك: "حاضر." وبعدين شهد خدت شاور ولبست هدومها وخرجت من الأوضة وراحت على السفرة، كان موجود أحمد ومراد ونجلاء. "صباحو ورد." الكل: "صباح الخير." شهد: "بقولك يا حمادة." أحمد: "إيه يا حبيبتي." شهد: "البنات هيروحوا الساحل." مراد: "طيب والكلية بتاعتك."

شهد: "هما تلات أيام، وآيه وسلمي وفارس رايحين." نجلاء: "وإنتوا رايحين ليه؟ شهد: "عيد ميلاد نور، وهيغيروا جو، قالتلنا أنا والبنات وفارس." مراد: "يعني هتباتي بره البيت." شهد: "يا مراد، يعني أنا هبات في الشارع؟ أكيد لأ، وبعدين مش كل حاجة هتقول لأ." مراد: "أنا كل الحكاية خايف عليكي." شهد بحب: "حبيبي يا مارو، عارفة والله، بس متقلقش عليا." مراد: "طيب يبقى تاخدي بالك من نفسك." شهد: "حاضر يا حبيبي.. ها يا بابا مقولتش حاجة؟

أحمد بابتسامة: "مراد قال رأيه خلاص." شهد: "ربنا يخليكم ليا." نجلاء: "وإمتى هتروحوا؟ شهد: "مش عارفة لسه، هشوف البنات النهارده." نجلاء: "طيب افطري يلا." شهد: "حاضر." مراد: "يلا عشان أوصلك." شهد: "أوكي." بعدين شهد ومراد مشيوا. *** عند آيه، دخلت أوضة سلمي لقيتها ماسكة الفون ومبلمة. آيه باستغراب: "مالك مبلمة كدا ليه؟ سلمي وهي ماسكة الفون: "مكنتش أتوقع." آيه: "يابت في إيه؟ سيبتي أعصابي." سلمي أدّت فونها لآيه.

آيه بصت في الفون لقيت يوسف باعت أد لسلمي. وبعدين رجعت بصت لسلمي. آيه بضحك: "معقولة بالسرعة دي." سلمي بضحك: "أنا اتفاجئت أصلاً." آيه: "طيب إيه هتردي؟ سلمي بتردد: "مش عارفة بصراحة." آيه: "اممم، استني اتقلي شوية عشان ميقولش أول ما بعتلها قبلت." سلمي: "إنتي رأيك كدا؟ آيه: "امشي ورايا وإنتي تكسبى." سلمي بضحك: "يا خوفي في الآخر." آيه بضحك: "متقلقش، ويلا عشان زوزا جهزت الفطار." سلمي: "ماشي." وبعدين طلعت هي وآيه.

آيه وسلمي: "صباح الفل." الكل: "صباح الورد." زينب: "إيه يا بنات كل دا." سلمي: "معلش يا زوزا، كنت بلبس." زينب: "طيب يلا عشان متتأخروش." وأكلوا سلمي وآيه، وبعدين مشيوا مع فارس. *** في عربية يوسف، كان بيسوق وجمبه مالك ونور، وسيف ورا كانو بيعملوا تيك توك. سيف ماسك نور من هدومها. سيف: "إيه دا إيه دا." نور وهي بتبعد إيده: "ابعد إيدك، الشاكت لو سمحت." سيف: "شاكت إيه وقرف إيه." مالك بضحك: "إيه دا انتوا اتقابلتوا."

نور: "إنت تعرفه يا سعيد." مالك: "دي مرفت يا مصري." سيف: "مش عاوزة أفتكرها." مالك بضحك: "اقفل التريند على كدا." يوسف بضحك وهو بيقلد نور: "الشاكت، يا خسارة التعليق." نور بضحك: "يابني دي لغات انت مدرستهاش، هتعرفها إزاي بس." مالك بضحك: "دي دراسات عليا للإنجليزي يا يوسف، معدتش عليك يا حبيبي." سيف بضحك: "درسناها أنا ونور سوا." نور بضحك: "محدش قدانا يا سيفو." وفضلوا يضحكوا. يوسف: "إنت لقيت شغل هنا يعني يا مالك."

مالك: "أيوا، وكمان وافقوا." نور: "هما يلاقوا دكتور زيك بس ويقولوا لأ، ده انت شهرين تلاتة وتبقى مدير المستشفى." مالك بضحك: "واثقة فيا أوي كدا." نور بضحك: "قدها أكيد." سيف بضحك: "أوعى تخيب آمالنا، كله فيك كبير." مالك بضحك: "متقلقش، عيب عليك، إحنا معلمين." يوسف وقف العربية. يوسف: "طيب يلا كفاية هزار، انزلي يا نور." نور نزلت وقفت. يوسف: "خدي بالك من نفسك." نور: "حاضر." مالك: "سلام يا أوزعة." نور بضحك: "سلام يا كوكي."

سيف بضحك: "خدي بالك من الشاكت." نور بضحك: "في إيد أمينة." نور دخلت الكلية، والشباب مشيوا. نور دخلت الكلية ولقيت شهد ماشية قدامها. نور: "شهد." شهد وقفت وبصت وراها ولقيت نور وسلمت عليها. شهد: "عاملة إيه يا نوري." نور: "بخير يا حبيبتي، إنتي عاملة إيه." شهد: "الحمد لله يا قلبي، لسه جاية ولا إيه." نور: "أيوا من شوية." شهد: "البنات وصلوا أهو." نور بصت لقيت آيه وسلمي. سلمي وآيه: "صباح الورد." شهد ونور: "صباح الفل."

آيه: "واقفين هنا ليه." شهد: "لسه واصلين واتقابلنا." سلمي: "كلنا متأخرين النهارده ولا إيه." نور: "شكلها كدا، بس محدش دخل محاضرات، كله موجود." سلمي: "طيب تعالوا نقعد شوية." البنات راحوا الكافيه وقعدوا سوا. شهد: "نشرب آيس كوفي بقى." البنات: "اشطا." شهد: "هجيب وأجي." سلمي: "متتأخريش." وآيه فتحت فونها ولقيت رسالة من سيف. آيه في سرها: "معقول هو." بعدين دخلت ع الرسالة ولقيته سيف باعت رسالة. "إزيك يا قمر." ابتسمت وردت.

آيه: "مين." في نفس اللحظة دي كان سيف ماسك الفون. وصلته الرسالة. سيف ابتسم رد عليها في الشات. سيف: "مين، اعملي فيها المستهبلة بقى." آيه: "هو أنا أعرفك عشان أستهبل معاك مثلاً." سيف: "ده بجد ده ولا بتهزري." آيه: "لأ بجد، وجد الجد كمان." سيف بابتسامة: "طيب أحب أعرفك بنفسي، معايا المهندس عمرو." آيه بضحك: "لأ وكداب كمان." سيف بضحك: "ليه، إنتي تعرفيني يعني." آيه بضحك: "لأ مش عارفة ولا حابة أتعرف."

سيف: "خدي يابت هنا، يعني إنتي مش عارفاني بجد." آيه: "بت في عينك، وقولتلك إني معرفكش." سيف: "طيب معاكي سيف." آيه: "سيف مين." سيف: "طيب الظابط سيف." آيه: "يعني كدا عرفتك أنا." سيف: "لأ إنتي كدا بتستهبلي بقى." آيه بضحك: "طيب أنا ورايا محاضرة دلوقتي، وبعدين نبقى نعرف إنت مين." سيف: "ماشي يا قمري." يوسف كان قاعد قدامه وشافه مبتسم. يوسف: "سيف." سيف: "عايز إيه." يوسف: "إيه شغلك في الفون ومخليك مبتسم."

سيف: "شوفت البوست اللي نزلته نور." يوسف: "اممم، ماله." سيف: "كانت عاملة منشن للبنات." يوسف: "مش فاهم برضه." سيف: "بصراحة دخلت ع اكونت آيه وبعتلها." "فا رديت عليا، دي كل الحكاية." يوسف: "طيب وإنت داخل تكلمها ليه." سيف: "يابني البت عجبتني." يوسف: "يعني كل الفكرة عاجبك مش أكتر." سيف: "لأ طبعاً مش كدا، بس مش هيجيلها الموضوع خبط لزق يعني." يوسف: "ربنا يفرح قلبك." سيف: "يارب يا حبيبي." *** شهد كانت جابت الآيس كوفي.

شهد: "اتفضلوا." سلمي: "المحاضرة بدأت يا بنات، نشرب مرة تانية يلا." شهد: "يعني أنا بعد ده كله أروح وأجي ومش أشرب." نور: "خلاص خليكي عشان الدكتور يطردك." شهد: "هاخده معايا." آيه: "طيب خدي، ويلا روحوا." البنات راحوا المحاضرة. *** عند فارس، في الشركة كان قاعد في مكتبه وباب المكتب خبط، وكانت ندا السكرتيرة. ندا: "كل حاجة تمام يا فندم، تقدر تمشي، ولو في حاجة جديدة هبلغك." فارس: "تمام يا ندى."

ندا خرجت، وبعدها فارس خرج من مكتبه. فارس: "لو محمد بيه سأل عني، قوليله راح فيلمدام هالة." ندا: "تمام يا فندم." وبعدها فارس مشي وطلع من الشركة وركب عربيته، واتوجه لطريق الفيلا. *** عند مالك، كان دخل المستشفى وسأل على مكتب مدير المستشفى وراح عندهم. مالك خبط على الباب ودخل. مالك: "إزيك يا دكتور طارق." طارق: "أهلاً بيك يا دكتور مالك، نورت مصر." مالك بابتسامة: "تسلملي."

طارق: "شفت في الأوراق بتاعتك إنك درست في أمريكا وعملت ماجيستير واشتغلت كمان." مالك: "ده حقيقي." طارق: "طيب وسبت الشغل ونزلت ليه." مالك: "حبيت أنزل وأبدأ شغل هنا." عصام: "يعني هتستقر هنا." مالك بابتسامة: "لو الشغل حلو إن شاء الله، بس بتسأل ليه، مش حابب تشغلني هنا ولا إيه." طارق بابتسامة: "ده شرف لينا دكتور زيك يبقى معانا هنا." مالك: "تسلم على ذوقك." طارق: "أخدني الكلام ونسيت أقولك، تحب تشرب إيه."

مالك: "لأ ملوش لزوم، أنا حابب أبدأ شغل." طارق: "اللي تحبه حضرتك." طارق مسك الفون وكلم حد، وبعد شوية وصل شاب. طارق: "ده دكتور مالك، وده دكتور عمر." عمر بابتسامة: "تشرفت بحضرتك." مالك بابتسامة: "الشرف ليا يا دكتور." عمر: "طيب اتفضل معايا." مالك قام مع عمر وخرجوا من المكتب. عمر بابتسامة: "أول شغل تستلمه هنا." مالك: "أنا درست وعملت ماجيستير واشتغلت في أمريكا." عمر بابتسامة: "لأ ده أنا كده قدامي شخصية مهمة."

مالك بضحك: "يعني مش لدرجة." عمر: "شكلنا هنبقى صحاب إن شاء الله." مالك بابتسامة: "ده أكيد يا صاحبي." عمر: "طيب يلا نجهز عشان معانا عملية." مالك: "عملية إيه." عمر: "قلب مفتوح لطفلة عندها عشر سنين، تقدر تقرا التقرير تبع الحالة." مالك: "خلاص اقرا، وبعدين أجهز، هي العملية عليها وقت قد إيه." عمر: "كمان ساعة." مالك: "طيب كويس، فين التقرير." عمر: "اتفضل." *** شهد كانت في المحاضرة ونور وسلمي، وكانت بتسرب الآيس كوفي.

الدكتور: "إنتي يا آنسة." شهد فضلت تسرب الآيس كوفي ومش واخدة بالها. الدكتور: "يا آنسة." شهد وقفت: "بتكلمني أنا يا دكتور." الدكتور: "آه إنتي." شهد: "اتفضل يا دكتور." الدكتور: "إنتي قاعدة في إيه." شهد: "في المحاضرة." الدكتور: "لما إنتي عارفة محاضرة، بتشربي إيه." شهد: "آيس كوفي." الدكتور: "أمال أنا بشرح لمين." شهد: "ما أنا مركزة معاك حضرتك." الدكتور: "طيب أنا كنت بقول إيه." شهد: "إيه." الدكتور: "لأ أنا بسالك."

شهد: "ما أنا بسالك." الدكتور بزعيق: "لأ إنتي بتهزري بقا." شهد بضحك: "لأ أبداً يا دكتور." الشباب والبنات ضحكوا. الدكتور: "بس ضحك، وإنتي لو اتكرر اللي عملتيه النهارده، ده مش هيحصل، كويس اتفضلي." شهد قعدت: "داهية تاخدك، وإنت عامل زي الراديو، واللي مش بيبطل." سلمي ونور ضحكوا. الدكتور: "في حاجة." شهد: "لأ يا دكتور، كمل." وفضل يكمل وهو باصص على شهد اللي ماسكة نفسها من الضحك. ***

فارس وصل قدام الفيلا ونزل من العربية ورن الجرس، وفتحت له الخدامة. فارس: "مساء الخير." الخدامة: "مساء النور." فارس: "مدام هالة موجودة." الخدامة: "أيوا، أقولها مين." فارس: "بشمهندس فارس." الخدامة: "طيب اتفضل حضرتك." فارس دخل وقعد في الريسبشن. وبعد شوية دخل شاب عليه. علي: "إزيك يا بشمهندس فارس." فارس: "الحمد لله بخير." علي: "أكيد بتسأل مين عشان أول مرة تشوفني، أنا علي جوز مدام هالة." فارس: "أهلاً بحضرتك."

علي: "أهلاً بيك، اتفضل نشرب إيه." فارس: "متشكر حضرتك." علي: "ما يصحش، ده إنت أول مرة تزورنا." فارس: "طيب قهوة." علي: "حالاً، سعاد يا سعاد." الخدامة: "تأمر بحاجة حضرتك." علي: "اتنين قهوة يا سعاد." الخدامة: "حاضر يا بيه." علي: "اتفضل أفرجك على الفيلا." فارس قام يتفرج على الفيلا مع علي. *** يوسف وسيف نزلوا من العربية ومشوا، ووقفوا قدام سوبر ماركت ودخلوا ولقوا راجل تقريباً في الخمسينات. يوسف: "السلام عليكم."

نصر: "وعليكم السلام." سيف: "حضرتك ممكن نشوف الكاميرات اللي هنا." نصر: "أكيد طبعاً يا باشا، اتفضلوا." يوسف وسيف فضلوا يشوفوا الكاميرات. وبعد وقت شكروا الراجل ومشوا. سيف: "هنرجع نكمل شغل." يوسف: "لأ هنجيب نور ونروح." وبعدين ركبوا ومشوا. *** مالك وعمر كانوا خارجين من العمليات. عمر: "أكيد تعبت يا دكتور، بقالك تلات ساعات واقف." مالك: "أهم حاجة العملية نجحت." عمر: "ده بفضلك يا دكتور."

مالك: "وإنت على فكرة شاطر كمان يا عمر." عمر: "تسلملي يا دكتور." مالك: "ما بلاش ألقاب يا عمر." عمر بابتسامة: "أوكي يا مالك، تحب أجيبلك قهوة تفوقك." مالك: "ياريت يا عمر." عمر: "حاضر." بعدين سمعوا صوت زعيق عالي. مالك: "إيه الصوت ده." عمر: "مش عارف، هشوف وأجيبلك قهوة وإنت روح مكتبك." مالك كان هيدخل المكتب بس الصوت بقى أعلى، فقرر يروح يشوف في إيه. مشي وراح مكتب الدكتور طارق اللي الصوت جاي من مكتبه، ولقى الباب مفتوح.

مالك: "في حاجة يا جماعة." مصطفى: "وإنت مالك إنت كمان." طارق: "مينفعش تكلم دكتور مالك كدا يا مصطفى." مصطفى: "آه يعني إنت دكتور مالك." مالك: "أيوا، أنا في حاجة." مصطفى: "في إنك تاخد شغل مش شغلك." مالك: "مش فاهم." مصطفى: "أفهمك، إحنا ورانا إيه، حضرتك عملت العملية اللي المفروض أعملها أنا." مالك: "آه يعني إنت جاي تحاسبني على تأخيرك ولا إيه." مصطفى: "متغيرش الموضوع."

مالك: "لأ أنا مش بغير، أنا برد عليك، عاوز تفهم مش عاوز، مش مشكلتي." مصطفى اتعصب ولسه هيقرب من مالك، بعده عمر. طارق: "مصطفى اهدى، وإنت يا عمر خد دكتور مالك من هنا." عمر أخد مالك ومشي وراحوا المكتب ودخلوا قعدوا. عمر: "هو على طول كدا بمشاكل." مالك: "هو باين عليه." عمر: "طيب اتفضل قهوتك." مالك أخد القهوة شرب شوية منها. مالك: "بقاله كتير بتشتغل هنا." عمر: "يعني أربع سنين كدا." مالك: "تعال نكمل شغل." عمر: "يلا."

مالك وعمر مروا على كل الحالات اللي في المستشفى وخلصوا بعد وقت كبير. مالك: "هو في عمليات تاني النهارده." عمر: "في عملية كمان ساعتين كدا." مالك: "نسيبها لدكتور مصطفى لا يتعصب أكتر من كدا." عمر بضحك: "آه، واللهم." مالك: "إنت مروح دلوقتي." عمر: "أيوا." مالك: "طيب أوصلك." عمر: "معايا عربيتي يا مالك." مالك: "طيب سلام يا عمر." عمر: "سلام يا مالك." مالك خرج من المكتب وشاف مصطفى اللي كان بيبص له، بس مالك تجاهله ومشي. ***

سلمي بضحك: "إيه يا بنتي اللي عملتيه جوا ده." شهد: "وأنا عملت حاجة أصلاً." نور: "معملتيش إزاي وإنتي واقفة تهزري قدام الدكتور." شهد: "أهو كنت بحاول أفرفشه بدل وشه ده اللي جايب لنا الاكتئاب." سلمي بضحك: "في دي عندك حق." آيه جات عليهم: "بتضحكوا على إيه." نور: "شهد." آيه: "مالها." سلمي حكتلها على اللي قالته شهد. آيه بضحك: "يخرب بيتك، مخوفتيش يطردك بره المحاضرة." شهد: "يطرد مين يابنتي." آيه: "الثقة دي جايباها منين إنتي."

شهد بضحك: "من عند البقال." نور بضحك: "لأ وخفة دم كمان." شهد بضحك: "امال إنتي فاكرة إيه يا بنتي، ده إحنا أساتذة في خفة الدم." نور: "طيب يلا بينا نروح عشان كل واحدة تحضر شنطتها." شهد: "على الساعة كام." نور: "مش عارفة، لسه هعرف الدنيا وهبعتلكم على الجروب." سلمي: "أوكي." آيه: "يلا بينا طيب." بعدين البنات خرجوا من الكلية لقوا يوسف وسيف بالعربية، والبنات راحوا له. سيف: "أزيكم يا هندسة." البنات: "الحمد لله."

نور: "هو فارس مش جاي ياخدكم ولا إيه يا بنات." سلمي: "لأ معاه شغل، بس السواق هيوصلنا." نور: "طيب يلا، سلام على تواصل." البنات: "سلام يا نور." ونور ركبت ومشيت، والبنات ركبوا مع السواق ومشوا. *** يوسف وصل قدام العمارة ونزلوا وطلعوا الشقة. وفتحت لهم هناء ولقوا مالك موجود. يوسف: "مساء الخير." هناء: "مساء النور." يوسف: "إنت هنا." مالك بضحك: "لأ هناك." نور بضحك: "ده إنت رايق بقى." مالك بضحك: "حاجة زي كدا."

سيف: "رفعت راسنا ولا خبت، طمنا." مالك: "إنت تعرفني عني كدا." سيف بضحك: "لأ." يوسف: "وإيه أخبار الشغل." مالك: "كويس، شوفت النظام وعملت عملية قلب مفتوح." سيف: "طيب ونجحت." مالك: "الحمد لله." نور: "طيب جهز نفسك عشان بكرة هنروح الساحل." مالك: "إنتوا متفقين بقى." يوسف: "اتفقنا في اليوم اللي جيت فيه." مالك: "طيب مش عارف ممكن مقدرش أروح معاكم." نور: "لأ لأ مفيش الكلام ده، هتروح يعني هتروح."

يوسف: "أطلب منهم إجازة يومين، بس إحنا مش هنقعد كتير." مالك: "أنا لسه بدأت النهارده، هطلب منهم إجازة يومين إزاي." سيف بضحك: "قولهم عندي حالة وفاة." يوسف بضحك: "هتهزر." سيف: "عندك حل تاني." مالك: "مش عارف." نور: "إنت مش قلت عملت عملية ونجحت، وأكيد بقيت أشطر دكتور، قولهم أخد إجازة يومين." مالك بضحك: "لأ والله." نور بضحك: "جرب بس." يوسف: "طيب جرب قوله." مالك: "هتروحوا الساعة كام." يوسف: "هنِمشي 10 الصبح."

نور: "طيب أنا هقول للبنات، وإنت يا مالك شوفه ممكن يوافق." مالك: "طيب ماشي، أنا همشي، تصبحوا على خير." الكل: "وإنت من أهل الخير." سيف: "خدني معاك يا مالك، تصبحوا على خير يا جماعة." الكل: "وإنت من أهل الخير." سيف ومالك مشيوا وكل واحد راح على شقته. نور: "دخلت أوضتها وبعتت للبنات على الجروب إنهم هيروحوا الساعة 10." يوسف دخل أوضته ومسك فونه ولقى نور قبلت الأد. يوسف: "إيه ده، هو أنا بعت إمتى." بعدين دخل يكلمها ع الخاص.

"أنا آسف، بعت بالغلط." ساب الفون ودخل ياخد شاور، وبعدين خرج، كان بينشف شعره لقي رسالة وكانت سلمي باعتها. محتوى الرسالة كان: "ولا يهمك، لو مش حابب ممكن ألغي الأد." يوسف ابتسم ورد. "لأ أبداً، بالعكس، أنا مبسوط جداً." وبعدين رن على فارس اللي رد عليه. يوسف: "عامل إيه يا حبيبي." فارس: "بخير يا جو، إنت عامل إيه." يوسف: "طيب بكرة الساعة 10 تبقى جاهز." فارس: "خلاص ماشي." يوسف: "إيه صوت العربيات ده، إنت لسه برة."

فارس: "آه في الطريق، رايح." يوسف: "ماشي يا فارس، يلا سلام." فارس: "سلام يا يوسف." *** عند سلمي، كانت ماسكة الفون وشافت الرسالة وفرحت أوي. سلمي بابتسامة: "توتة." آيه: "إيه." سلمي: "يوسف قالي بالعكس إنه مبسوط جدا." آيه بضحك: "العب يا عم." سلمي ضحكت: "نور بعتت على الجروب الساعة 10 تكونوا جاهزين." آيه: "آه، يبقى نقول لفارس." آيه ماسكة الفون ولقيت رسالة من سيف. سيف: "نتعرف دلوقتي." آيه بضحك: "لأ."

سيف: "مش مهم، إحنا كدا كدا عارفين بعض." آيه: "إنت مصمم بقا." سيف بضحك: "آه." آيه بضحك: "هو في حاجة بتوجعك." سيف بضحك: "قلبي." آيه بضحك: "تاهت وجع في قلبي." سيف بضحك: "آهون عليك يا جميل." آيه: "طيب لم الدور." سيف بضحك: "ألم إزاي وأنا وقعت من الدور العاشر." آيه: "ولما إنت وقعت من الدور العاشر عايش إزاي." سيف: "ما أنا عايش على حبك." آيه: "إزاي مش فاهمة." سيف: "أنا بصراحة بحبك."

آيه شافت الرسالة وسكتت ومعرفتش ترد، فا قفلت. سيف استنى منها رسالة بس مبعتتش، فبعت رسالة. "لاقيتها قفلت." سيف: "هو أنا عكيت الدنيا ولا إيه." بعدين قفل فونه ونام. *** فارس وصل قدام العمارة ونزل من العربية وطلع. وفتحت له زينب. فارس: "مساء الخير." زينب: "مساء النور." زينب: "حمد الله على سلامتك يا حبيبي، أحضرلك حاجة تاكل." فارس: "لأ يا ماما، أكلت." زينب: "شكلك مرهق، روح نام يا حبيبي." فارس: "تصبحوا على خير."

فارس دخل أوضته وأخد شاور وغير هدومه. ولسه هينام الباب خبط. فارس: "ادخل." آيه وسلمي دخلوا. آيه: "كويس إنك لسه منمتش." فارس: "ليه في حاجة." سلمي: "بكرة مسافرين الساحل." فارس: "يوسف اتصل عليا وقلي، يلا يا بت انتي، وهى عشان عاوز أنام." سلمي وآيه: "تصبح على خير يا فارسه." فارس: "وإنتوا من أهله يا قلب فاروسه."