رواية عانيت لاحبك الفصل الرابع 4 - بقلم فاطمة محمود

وصلن البنات المطعم وانبهرن بشكل المكان، ودخلن وقعدن على التربيزة. نور: عجبكم المكان يا بنات؟ البنات: تحفة. نور: طيب شوفوا المنيو وشوفوا هتطلبوا إيه. سلمي بتفكير: امم، إحنا نطلب بيتزا. آية: معاكي. شهد ونور: إشطا، وإحنا كمان. وبعدين طلبوا أكل وبدأوا ياكلوا. دخل يوسف وسيف نفس المطعم وقعدوا يطلبوا أكل. يوسف: هتطلب إيه يا سيف؟ سيف: مش عارف. يوسف: طيب شوف هتطلب إيه. وطلبوا أكل وبدأوا يأكلوا.

عند البنات، نور وهي بتاكل لمحت يوسف وسيف. سلمي: بتبصي على مين يا نور؟ نور: دا أخويا يوسف وسيف صاحبه. سلمي بصت على المكان اللي باصة فيه نور. نور: طيب يا بنات، ممكن يوسف يجي يقعد معانا شوية لو مش هيدايقكم. البنات: لا عادي، مفيش مشكلة. نور قامت وراحت ليوسف وقعدت قدامه. نور بهزار: إيه الندالة دي من غيري؟ يوسف بضحك: ما أنا رنيت عليكي وإنتي قولتيلي هتغدى مع أصحابي. نور: ما أنا جيت أنا والبنات هنا نتغدى.

سيف بص على البنات ورجع بص على نور. سيف: هما المزز دول صحابك يا بت يا نورين؟ نور بضحك: لا، دول حاجة تانية خالص، غير اللي تعرفهم. سيف بص على البنات تاني وبعدين قال: سيف بغمزة: لا، بس عجباني الشرسة دي. نور باستغراب: مين الشرسة دي؟ يوسف بضحك: اللي لابسة شيميز بنفسجي دي. نور بضحك: آه، إنتوا على إيه. وكملت بغمزة: دا إنت مركز يا أستاذ سيف بقا. سيف بإعجاب: هو مين يشوفها وميركزش معاها؟ البت فرسة برضو. و أنهى جملته بغمزة.

نور بضحك: معاك حق الصراحة. إحنا هنقضيها رغي بقا، أنا قولت لهم إنكم تيجوا تتغدوا معانا، وأهو تتعرفوا عليهم. سيف: بنت أصول من يومك يا بت يا نور. نور بضحك: طيب يلا. الشباب: يلا. وقاموا راحوا، ونور عرفتهم. نور: يوسف وسيف، ودي سلمي وآية وشهد. الشباب: أهلا وسهلا. البنات: أهلا ببشوات مصر. الشباب ضحكوا، وبعدين قعدوا. تليفون سلمي رن وكان فارس. كلمته وقالت له: "إحنا لسه بنتغدى، تعالى اقعد معانا شوية." آية: دا فارس.

سلمي: آه، قولتلُه تعالي اقعد معانا شوية. نور: طيب حلو، وأهو يتعرف على يوسف وسيف. سلمي: آه، اهو يبقوا أصحاب. وشوية كدا وجيه فارس. سلمي: دا فارس. يوسف: أهلاً بيك، أنا يوسف. سيف: سيف. فارس: تشرفت. يوسف: شرف ليا. سيف بهزار: كل دا يا عم على ما تيجي؟ دا إحنا هنموت جوع. فارس بضحك: آسف على التأخير. آية بضحك: إنت تتأخر براحتك يا فاروسة. سيف بص على آية وابتسم. فارس بضحك: قلب فروسة انتي. سلمي بضحك: خيانة. فارس بضحك: روح قلبي.

شهد بضحك: بيثبتك بكلمتين على فكرة. سلمي بضحك: ما مشكلتي إني عارفة. يوسف خطف نظرة لسلمي وجمالها وابتسم. سيف: عاوزين ناكل يا جدعان. يوسف: دايما فضحنا. نور بضحك: من ناحية الفضايح، فـ أوي. فارس سرح في جمال ضحكة نور، وبعدين طلبوا أكل وبدأوا ياكلوا. يوسف: إنت بتشتغل إيه يا فارس؟ فارس: أنا مهندس وماسك الشركة مع بابا. سلمي بصت لفارس: فاروستي دا أشطر مهندس. يوسف بص على سلمي وابتسم. يوسف: ربنا يوفقك. فارس: تسلملي يا يوسف.

سيف بهزار: أحب أعرفك بنفسي، الظابط سيف، رتبة أولى. فارس بضحك: أنا واخد بالي من اللبس برضو. سيف بص على هدومه وكمل كلامه. سيف بضحك: زيادة تأكيد بس. آية بضحك: إنت مشكلة. سيف تاه في آية لحظات، يوسف قرب من سيف. يوسف: احم احم. سيف: إيه! في إيه؟ يوسف بغمزة: أنا اللي في إيه برضه. سيف بص على آية بإعجاب وقال: سيف: هو مين يشوفها وميركزش معاها كدا؟ يوسف: طيب راعي وجود أخوها والبنات يا عم الحبيب. سيف بضحك: هحاول. عند البنات،

نور بضحك: لا، هو مشكلة فعلاً يا توتا. آية بضحك: مش كدا برضه؟ سلمي بضحك: كفاية قطم في الواد يا جماعة. سيف بضحك: أنا قولت عليكِ جدعة والله، ومترضيش الظلم. سلمي بضحك: إيه خدمة يا اسطا. سيف: يعني ظابط رتبة أولى، وفي الآخر يتقالي يا اسطا؟ يرضي مين دا؟ آية بضحك: أه، يرضي أنا. شهد بضحك: إنت مش ملاحظ إنك بتتهزق؟ سيف بضحك: ما أنا ملاحظ والله من أول القعدة، عمالين يشكروا فيا وأنا مبعرفش أرد على الكلام الحلو.

يوسف بضحك: من يومك يا حبيبي محبوب. فارس بضحك: بس بجد دمك خفيف يا سيف. سيف بضحك: والله ما حد نصفني غير يا فارس. شهد بضحك: دا مش دمه خفيف، بس دا شربات انت الصادق. نور بضحك: شربات إيه يا بنتي، دا مفيش أرخم من كده. سيف بضحك: دايماً اللي معليه من معنوياتي. يوسف بضحك: كفاية على الواد يا جماعة خلاص. وبعدين فضلو يهزروا واكلوا، وبعدين يوسف وسيف ونور مشيوا، وفارس وآية وسلمي وشهد كمان مشيوا. وكان يوم تحفة.

فارس وصل شهد قدام عمارتهم، وشهد نزلت. شهد: يلا سلام يا بنات، أشوفكم بكرة. سلام يا فارس، شكراً على التوصيلة يا اسطا. البنات: سلام يا شوشو. فارس بضحك: عدي الجمايل. شهد بضحك: ماشي يا اسطا، يبقى أحاسبك المرة الجاية. فارس بضحك: ماشي، يلا سلام. شهد: سلام. وفارس مشي، وبعدين شهد طلعت شقتهم ومامتها فتحتلها. شهد: مساء الخير يا نوجا. نجلاء: مساء الخير يا حبيبتي. شهد: أمال بابا ومراد فين؟ نجلاء: أحمد في أوضته ومراد دخل ينام.

شهد: وإنتي إيه مسهرك يا جميل؟ نجلاء بضحك: سيادتك. شهد بضحك: طيب أنا هدخل أنام يا ماما. نجلاء: ماشي يا حبيبتي. وبعدين دخلت أوضتها تنام. وصل فارس هو والبنات تحت العمارة اللي ساكنين فيها. البنات نزلوا وطلعوا، وسيف ركن العربية وطلع وراهم. سلمي وآية: مساء الروقان. محمد: حبايب قلبي، مساء الجمال عليكم. زينب: عجبتكم القعدة برا أوي يعني؟ سلمي حضنت مامتها وقالت: سلمي: هو في أحلى من قعدتك يا أحلى زوزا.

آية: اليوم كان تحفة، كان ناقصك إنتي وحمودي يا زوزا. زينب: أهم حاجة انبسطوا يا حبايبي. سلمي وآية باسو زوزا، وبعدين كل واحدة دخلت أوضتها. وبعدين دخل فارس. فارس: مساء الخير. محمد وزينب: مساء الخير يا حبيبي. فارس: أنا هدخل أنام شوية. زينب: ادخل يا حبيبي، أكيد تعبان. فارس: حاضر يا ماما. وبعدين فارس دخل أوضته نام. يوسف وصل سيف، وبعدين وصل البيت هو ونور. نور نزلت ويوسف طلع معاها، وهناء فتحت ليهم.

هناء: حمدالله على السلامة يا حبايب. نور: الله يسلمك يا ماما. يوسف: الله يسلمك يا نونا. أنا جعان نوم يا جماعة، هروح أنام. هناء: روح يا حبيبي ارتاح. ويوسف استأذن، ونور كمان راحت على أوضتها. يوسف دخل أوضته وأخد شاور، وبعدين قعد على السرير. وفجأة سلمي جات في باله وابتسم. يوسف بضحك: هو أنا مالي؟ جات في باله كدا؟ دا أنا أول مرة أشوفها النهارده. يوسف طنش الفكرة، وبعدين راح في النوم. صباح يوم جديد على أبطالنا.

عند يوسف، صحي من النوم وقام أخد شاور. وهو بيلبس الباب خبط. يوسف: ادخل. نور دخلت وقالت: نور: صباح الورد. دا أنا جايه أصحيك. إيه النشاط دا كله؟ يوسف ابتسم: يا بنتي أنا نشيط من يومي. نور: ماشي يا باشا، خلصت عشان نفطر. وبعدين توصلني الكلية. يوسف: حاضر، خلاص أهو. وبعدين يوسف بص على المراية وقال: يوسف: كدا تمام. نور بغمزة: مز آخر حاجة يعني. يوسف بضحك: قلبي. نور: طيب يلا بينا. يوسف: يلا. وبعدين خرجوا. يوسف باس راس مامته.

يوسف: صباح الخير يا حبيبتي. هناء: صباح الخير يا حبيبي. نور: صباح الياسمين على أحلى نونا. هناء: صباح الخير يا قمري. الباب خبط وكان سيف. فتحت نور. سيف: صباح الخير يا زمكس. نور: صباح الخير يا اسطا. وبعدين دخل وقال: سيف: بتفطروا من غيري؟ أزعل منك يا نونا كدا. هناء: لا يا حبيبي، مستنينك. يوسف: طيب افطر وبطل رغي عشان نوصل نور، وبعدين ورانا شغل. سيف: حاضر يا باشا. خلصوا فطار وقاموا، ويوسف وسيف ونور باسو رأس هناء.

هناء: ربنا يخليكم ليا يا حبايب قلبي. هما ردوا عليها: ويخليكي لينا يا نونا. وبعدين مشيوا، ويوسف وصل نور وراحوا الشغل هو وسيف. فارس وصل البنات، وبعدين راح على الشركة. فارس دخل الشركة وكان هيدخل مكتب باباه، وقفه صوت السكرتير. أسماء: صباح الخير يا فارس بيه. فارس: صباح النور يا أسماء. أسماء: حضرتك العملاء تبع الشغل الجديد منتظرين في غرفة الاجتماع يا فندم. فارس: تمام يا أسماء. وبعدين فارس راح مكتب باباه وخبط. محمد: ادخل.

فارس: الاجتماع يا بابا. محمد: ماشى. محمد وفارس راحوا غرفة الاجتماع، وسلموا على العملاء وقعدوا. فارس: أهلاً وسهلاً بحضرتكم. العملاء: أهلاً وسهلاً بيك. واحد من العملاء: عبدالله: حضرتك إحنا عرفنا إن شركتكم أحسن الشركات، فعشان كدا حبينا نشارك شغلنا معاكم. فارس: متقلقش حضرتك، إن شاء الله الكومبوند هيخلص أقل من سنة ومش هنخيب ظنك. واحد من العملاء: حسام: إحنا واثقين في كدا يا فارس بيه.

فارس: تمام حضرتك، لو حبيت تغير أي تفاصيل بلغني. عبدالله: تمام يا فندم، لو في أي حاجة حسام هيبلغكم قبل ما تبدأوا شغل إن شاء الله. فارس: تمام حضرتك، الأسبوع الجاي هنبدأ. محمد: وإن شاء الله كل حاجة هتبقى زي ما حضرتكم عاوزين. عبدالله: تمام يا محمد بيه. وبعدين العملاء مشيوا، وفضل محمد وفارس. محمد: الفترة الجاية عاوزين نركز يا فارس. فارس: متقلقش، هي أول مرة. عارف إنك عاوز أحلى حاجة، بس اطمن، إنت مش واثق فيا ولا إيه؟

محمد: حبيبي، أنا إيه مطمني غير وجودك. فارس: ماشي يا حبيبي، أنا هروح المكتب أخلص شوية شغل. محمد: ماشي يا حبيبي. فارس راح على مكتبه يخلص شغله، ومحمد راح قعد في مكتبه. عند يوسف في مكتبه بيشتغل على القضية، وسيف دخل قعد. يوسف وهو باصص على الورق: إيه؟ سيف: قولت آخد بريك شوية. يوسف: بريك إيه يابني، إحنا عاوزين نخلص القضية. سيف بص له: شكلها قضية معقدة. يوسف: إحنا قدها يجدع. سيف: إن شاء الله يا حبيبي. هو مالك مرنش عليك تاني؟

يوسف: لا، آخر مرة لما كنا هنا. سيف: طيب، هغلس عليه شوية. يوسف بضحك: ماشى. سيف رن على مالك، مردش. سيف: برن عليه مش عارف ليه مش بيرد. يوسف: تلاقيه مش فاضي. سيف: هرن عليه تاني. سيف رن عليه تاني، والمرادي مالك رد عليه. سيف: شرف ليا إنك رديت، واللهمالك بضحك: لسه خارج من العمليات لقيتك رنيت علي. سيف: طيب لو مش فاضي أكلمك في وقت تاني. مالك: لا يا سيف، فاضي. إنت عامل إيه؟ سيف: مية فل وعشرة، وإنت عامل إيه؟

مالك: بخير يا حبيبي، يوسف عامل إيه؟ سيف: اهو معايا اهو، استنى هفتح السبيكر وكلمه. وسيف فتح السبيكر. يوسف: عامل إيه يا حبيبي؟ مالك: الحمدلله بخير يا جو. أخبار إسكندرية عندك إيه؟ يوسف: ناقصك والله. مالك: قريب إن شاء الله. سيف: هو إنت يابني مش عاوز تنزل ولا إيه؟ مالك: مش كدا والله، بس كل ما أفكر أنزل ميوافقوش، عاوزين أفضل هنا. يوسف: متنساش إنك أثبت شطارتك في وقت قليل، عشان كدا محدش مستغني عنك.

مالك: أيوا الحمدلله، بس إن شاء الله مش هطول. يوسف: ماشي يا حبيبي، أكلمك في وقت تاني أكيد وراك شغل. مالك: ماشي يا جو. سيف: سلام يا ملوكه. مالك بضحك: سلام يا سيفو. وسيف قفل، وبعدين قام. سيف: طيب أنا هروح أكمل شغلي. يوسف: ماشي. عند البنات، كانو متجمعين في كافيه الكلية. آية: بصو، هسأل سؤال وكل واحدة هتجاوب عليه. إشطا؟ البنات: إشطا. آية: إيه هوايتك المفضلة؟ نبدأ بشهد. شهد بضحك: للأسف الشديد، هوايتي مقدرش أعملها دلوقتي.

نور: اشمعنى؟ شهد بضحك: عشان بحب الكورة. سلمي بضحك: بس إيه ولا أجدع لاعبة كورة فيكي يا إسكندرية. شهد بضحك: لما كنا صغيرين، تقريباً كان عندي 15 سنة، كنا نلعب أنا وسلمي وآية وفارس. كنت دايماً أغلبهن. نور بضحك: موهبة شهد يعني. شهد بضحك: طبعاً يا بنتي، لعلمك بقى أنا اتعرض عليا إني أنافس مو صلاح، بس أنا محبتش لأني هغلبُه. نور بضحك: مو صلاح مرة واحدة. شهد بغرور: أمّال يا بنتي. ثم أنهت جملته بضحكة.

آية بضحك: هو فعلاً مو صلاح، بس مش أبو مكة، لا دا أبو تسبيح جارنا. شهد بضحك: متهزريش، هو خلف؟ آية بضحك: أيوه والله، إنتي ليكي فترة متعرفيش أخبار عنهم. نور بضحك: أنا مش فاهمة حاجة. سلمي بضحك: أفهمك أنا. شهد من هي وصغيرة كانت بتحب الكورة جداً. كان فيه واحد جيراننا اسمهم محمد صلاح، برضو كان بيحب الكورة، فا شهد كانت بتلعب معاه، بس عمو أحمد رفض وزعق معاها. شهد بضحك: الله يسامحك يا حمادة. آية بضحك: نكمل طيب، دورك يا سلمي.

سلمي: أنا بحب أقرأ كتير، وبحب أعمل أكل أنا وتوتا لما يجيلنا مزاج، بقا ندخل المطبخ ونفنن في الأكل بقا. نور بابتسامة: أكيد بيبقى أكل محصلش. آية: ما هو محصلش فعلاً، لأنه مبيتكلش. نور بضحك: أصلاً. آية بضحك: أيوه والله. سلمي: يلا دورك يا نور. نور: بجد يا سلمي، إنتي وآية علاقتكم حلوة أوي. كان نفسي يبقى عندي أختي. سلمي قامت حضنتها. سلمي: أمال إحنا إيه بقا؟ آية حضنت سلمي ونور. آية: إنتي خلاص بقيتي أكتر من أخواتنا يا نوري.

شهد حضنت البنات. شهد: بالظبط كدا يا نوري. وبعدين آية بعدت وقالت: آية: أحب أقولكم إن انهارده يوم عالمي. شهد: إزاي يعني؟ سلمي: إنهارده أنا وآية جهزنا الفطار، فارس قعد يتريق علينا، فا اتفقنا أنا وآية إننا هنوري قدراتنا في الأكل، وإحنا انهارده هنجهز الغدا، وإنتوا لازم تيجوا، مفيش أعذار. نور: خلاص، هشوف ماما. سلمي: هاتي، أنا هكلمها. نور: ماشي. رنت نور على مامتها، وسلمي أخدت التليفون تكلمها.

أما عند آية بقا، اللي بصت لـ شهد. آية: أظن إنتي بقا لو جيتي محدش هيسأل فيكي. شهد: ليه يا جماعة؟ جايبيني من الشارع؟ ولا كسبوني في كيس شيبسي؟ آية بضحك: خلاص، متتحمقيش. أنا هقول لـ نوجا. شهد بضحك: ماشي يا ست الكل. عند سلمي. هناء: أيوا يا نور. سلمي: احم، لا يا طنط، أنا سلمي صاحبة نورة. هناء: اه، إزيك يا حبيبتي؟ نور حكتلي عنك، عاملة إيه؟ سلمي: الحمدلله يا طنط، إنتي عاملة إيه؟ هناء: الحمدلله بخير يا حبيبتي. هي نور كويسة؟

سلمي: لا، كويسة يا طنط، بس أنا طلبت أكلمك بس ليا طلب صغنون عندك. هناء: أكيد، اتفضلي يا حبيبتي. سلمي: أنا هاخد نور معايا البيت، محتاجاها، واهي تقعد معايا شوية. هناء: ماشي يا حبيبتي، بس متتأخريش. سلمي: حاضر يا طنط، مع السلامة. هناء: مع السلامة يا حبيبتي. نور: ها، قالتلك إيه؟ سلمي: وافقت طبعاً. نور: إشطا. سلمي: تعالي يلا نروح للبنات. سلمي ونور راحوا لـ البنات. وآية كانت بتكلم نجلاء مامت شهد.

نجلاء: خديها من غير ما تسأليني يا حبيبتي. آية: حبيبتي يا نوجا. يلا مع السلامة. وآية قفلت. آية بصت لـ سلمي وقالت: آية: إيه النظام؟ سلمي: وافقت. آية: طيب يلا بينا كدا على المحاضرة عشان نخلص ونروح. البنات: يلا. وآية راحت المحاضرة، والبنات كمان.