رواية عانيت لاحبك الفصل الثالث 3 - بقلم فاطمة محمود

صباح جديد على إسكندرية وجمال بحر إسكندرية. عند أبطالنا بقا. قام من النوم يوسف، واخد دوش ولبس هدومه ورش البرفان بتاعه وخرج. لاقى مامته بتحط الأكل على السفرة. نور مش موجودة. استغرب وسأل مامته. يوسف: أمّا نور فين؟ هناء: بتلبس يا حبيبي. يوسف: طيب، أنا هدخلها. هناء: ماشي يا حبيبي، روح شوفها ومتتأخرش عشان خلاص قربت أخلص. يوسف: حاضر يا ماما. يوسف خبط على الباب. نور: ادخل. يوسف: ادخل. يوسف بابتسامة: صباح الورد يا نور.

نور بحب: صباح الفل يا جو. نور: بقولك إيه، أنا محتارة، حلو ده ولا أغير وألبس ده؟ يوسف وهو باصص: إيه الفرق؟ الاتنين زي بعض. نور: أهو نفس الشكل بس اللون مختلف. نور: شكل إيه يا جو ركز، وبعدين أنا بسأل مين؟ نور: امشي يا حبيبي. يوسف بضحك: يعني أنا منفعتش في الحاجات دي؟ نور بضحك: الصراحة لا، وبعدين لما تتجوز مش هتعرف تساعدها لو محتارة. يوسف بغمرة وضحك: لا دي حاجة تانية خالص. نور بضحك: يا ولااااد. دخلت هناء الأوضة.

هناء: هو يا يوسف، أقولك شوفها ومتتأخرش، مش طالعين من الأوضة خالص. يوسف: معلش يا ماما. نور بضحك: كنا بنتناقش شوية بس. هناء: طيب يلا، الفطار جاهز. نور ويوسف: حاضر يا ماما. هناء خرجت والباب خبط، فتحت الباب وكان سيف. سيف: صباح القشطة يا قشطة. هناء: صباح الخير يا حبيبي، اقعد أفطر. سيف قعد وبدأ ياكل. نور ويوسف خرجوا وشافوا سيف قاعد بياكل. نور: صباح الخير يا باشا مصر. سيف: لا تصدقي، حلوة يا بت، باشا مصر مكبراني والله.

نور بضحك: قولت أعلي من معنوياتك شوية. يوسف: صباح الخير يا سيف. سيف: لا صباح الخير يا باشا. هناء: اقعدوا افطروا يلا. الكل قعد وفطروا. وبعد شوية. يوسف: يلا بينا. سيف ونور: يلا. ودعوا هناء ومشوا. يوسف وسيف ركبوا، ونور ركبت ورا. وفي طريقهم لكلية نور. محمد وزينب وفارس كانوا بيفطروا. محمد: البنات في... سلمى وآية خرجوا. آية وسلمى: إحنا اهو يا حمودي. محمد: بتعملوا إيه كل ده؟ فارس: ده لبس وميكب وساعتين على المراية، يعني حوار.

سلمى: لما نشوف مراتك يا عم فارس انت. آية بضحك: وبعدين مش هيقدر يقولها حاجة والله. سلمى بضحك: ما هي بتيجي على الغلابة. فارس بضحك: حيلك حيلك انتي وهي، وبعدين مين قال مراتي، هتاخد الوقت اللي انتوا بتاخدوه ده. سلمى بضحك: أنا وانت والزمن طويل وهنشوف. آية بضحك: هفكرك بعدين. زينب بضحك: طيب كفاية أكل وكله عشان تروحوا الكلية. البنات: حاضر. فارس: يلا. البنات: حاضر. البنات وفارس باسوا زينب ومحمد ومشوا.

شهد: كانت خارجة من الأوضة. نجلاء: يابت اقعدي افطري. شهد: لا يا نوجا، متأخرة. أحمد: طيب يا حبيبتي، اقعدي كلي حاجة على الأقل. شهد: هاكل أي حاجة قدامي يا بابا. مراد خلص أكل وقام. مراد: يلا هوصلك. شهد: يلا سلام يا حبايبي. نجلاء وأحمد: سلام يا حبيبتي. مراد: يلا مع السلامة يا جماعة. نجلاء وأحمد: مع السلامة يا حبيبتي. مراد وصل شهد وبعدين راح على شغله. هو بيشتغل في شركة محمد، والد سلمى.

أعرفكم بمراد، أخو شهد، عنده 26 سنة، درس في كلية تجارة، ومدير الحسابات في الشركة. شهد وصلت قدام الكلية ودخلت وقعدت في كافيه الكلية تستنى البنات. رنت على سلمى تشوفها اتأخرت ليه. عند سلمى في العربية. سلمى: دي شهد بترن أهي. آية: شوفيها طيب. سلمى ردت. سلمى: صباح الورد. شهد: صباح الفل، إيه فينكم كدا؟ سلمى: خلاص شوية وهنوصل. شهد: طيب. شهد قفلت. سلمى وآية وصلوا. فارس: يلا يا بنات. وفي نفس الوقت كان يوسف وصل ونور نزلت.

نور بابتسامة: إيه الصباح القمر ده. آية بضحك: انتي اللي قمر يا حبيبتي. سلمى: صباح الورد يا نور. وحضنوا بعض، وبعدين دخلوا سوا. فارس ويوسف وسيف كانوا بيتابعوا بعيونهم. بعدين فارس مشي. سيف باستغراب: واد يا يوسف، اللي أنا شايفه ده صح؟ يوسف بضحك: آه، ده انت فاتك كتير امبارح. نور حكتلي إنهم بقوا أصحاب. سيف: يعني اختك بقت صاحبة الشريشة دي؟ يوسف: آه، واختها الرقيقة كمان. سيف: رقيقة؟

يوسف: البت اللي كانت معاها دي، اللي قالتلي متقصدش. سيف: افتكرت. يوسف: طيب يلا بينا عشان ورانا شغل. وراحوا على شغلهم. البنات: صباح الجمال يا شوشو. شهد: صباح النعناع، انتوا جاين مع بعض ولا دي صدفة؟ نور بابتسامة: لا صدفة، وأحلى صدفة. سلمى: سلمنا على بعض وبعدين دخلنا. شهد: آه، يعني عمالين تحبوا في بعض وسايبني هنا. آية بضحك: غيورة شوشو يا جماعة. نور بضحك: أوعدك متحصلش تانية، إحنا نقدر على زعلك يا شوشو.

شهد بضحك: ماشي يا حتة انتي وهي. سلمى: المحاضرة قربت ولا إيه؟ شهد: لا شوية كمان، اقعدوا. نور: إيه رأيكم بعد ما نخلص محاضرات نروح نتغدى سوا، وأهو نغير جو. البنات: معاكي في أي حاجة. شهد: بس هرن على ماما عشان متقلقش عليا. نور: تمام. سلمى: وأنا كمان هقول لفارس عشان يبقى عارف. آية: أيوه أحسن عشان ميقلقش علينا. نور: يبقى بعد ما نخلص محاضرات نتقابل يا قمرات. البنات: أوك.

آية: أنا هروح المحاضرة عشان هتبدأ، وانتوا كمان يلا روحوا. آية راحت على المحاضرة وكمان البنات. عند يوسف وسيف، بعد ما خلصوا راحوا القطاع كان في اجتماع بخصوص قضية. بعد ما خلصوا قرروا يروحوا يتغدوا. يوسف وسيف طلعوا وخرجوا من القطاع وهيركبوا العربية. سيف: شكلها القضية دي مش سهلة. يوسف: إحنا قدها إن شاء الله. سيف: بينا طيب يا عم، نعيش اليوم ده عشان شكلنا كده اليومين الجايين هنفضل سهرانين كتير. يوسف: يعني هي أول مرة؟

سيف: طيب يلا بينا. يوسف: أنا هرن على نور أشوفها خلصت ولا لسه، ولو خلصت أجيبها تتغدى معانا. سيف: أشطا. يوسف رن على نور ونور كانت لسه طالعة من المحاضرة. يوسف: إيه يا حبيبتي، خلصتي؟ نور: لسه مخلصة يا جو. يوسف: طيب، لسه مخلص وهعدي عليكي ونروح نتغدى سوا. نور: اتفقنا، أنا والبنات هنتغدى سوا مرة تانية. يوسف: خلاص ماشي يا حبيبتي، بعد ما تخلصي رني عليا وأجي آخدك. نور: ماشي يا حبيبي.

وراحوا يوسف وسيف المطعم اللي دايماً بيتغدوا فيه، والمفضل ليوسف، وبيأخدوا نور فيه كمان. البنات استنوا آية شوية وبعدين خرجت. نور: كل ده تأخير يا بنتي. آية: معلش، المحاضرة طولت شوية. شهد: أنا واقعة من الجوع. سلمى بضحك: طيب يلا، لشهد تاكلنا. نور صفرا: هوديكم مكان كده تحفة، ودائماً أخويا يوسف بياخدني هناك. شهد: خلاص أشطا. وبعدين البنات راحوا على المطعم.