رواية عانيت لاحبك الفصل الرابع عشر 14 - بقلم فاطمة محمود

ملك بضيق: كتر خيرك إنك جيت يا مراد بيه. مراد بضحك: اهدي بس يا قمري. ملك بضيق: مراد أنا مش بهزر، بقالي ساعة مستنياك. مراد: يا حبيبتي الشغل والله. ملك بعصبية: شغل شغل! ده أنا بسيب محاضراتي وأجي عشان أشوفك. مراد: آسف والله، آسف. ملك: والله! مراد بضحك: خلاص المرة دي سماح. ملك بصتله ومرديتش. مراد: ملك لازم تروحي الكلية وتحضري المحاضرات، مينفعش. ملك بضيق: قول إنك مش عاوز تشوفني تاني بقى.

مراد: يا حبيبتي اركني أم الجنان ده وافهمني. ملك: جنان؟ آه، ماشي. أنا ماشية. ملك قامت وكانت هتمشي. مراد مسك إيديها. مراد: ملك بطلي حركاتك دي، تقومي وأنا بكلمك! اقعدي. ملك قعدت وبصتله. مراد: ممكن تهدي؟ أنا بس مش حابب إننا بنتقابل في السر كده. ملك مسكت إيد مراد: مراد، أنا مش هقدر إني مشوفكش.

مراد باس إيدها: والله ولا أنا يا قلب مراد، بس عشان مامتك متشكش فيكي ومش عاوز يحصلك مشاكل. وهعرف أهلي وكده، يومين وهاجي أتقدملك وتبقي ليا. ملك بابتسامة: بجد يا مراد؟ مراد بابتسامة: بجد يا روح مراد.. بحبك. ملك بكسوف: هو مش هتطلب حاجة نأكلها؟ مراد بضحك: دايماً كده بتفصلي اللحظات الرومانسية. ملك بضحك: أنا! مراد: آه، انتي. بقولك بحبك عملتي نفسك مش سامعة. ملك: مراد، إحنا في كافيه.

مراد: هما قاعدين معانا يعني. ومن ناحية الكسوف مبتكسفيش من الأكل اللي مش بطال ده. ملك: كده يا مراد؟ طيب بقى لما أنكد عليك متسألنيش عن السبب. مراد: يا شيخة اتنيلي! أسيب واحدة في البيت ألاقي التانية. ملك: بتكلم عن مين؟ مراد: شهد. ملك: هو صحيح يا مراد، أنا النهاردة سمعت صوتها وأنا بكلمك. مراد: آه، ما هي دخلت عليا الأوضة وأنا بتكلم معاكِ. لقيتها في وشي. ملك: هي عرفت علاقتنا؟

مراد: مش بالظبط. عرفت اسمك بس. متعرفش إنك بنت عمت سلمي. استني كمان لما أروح هتستلمني. ملك بضحك: لازم تعرف اللي فيها. مراد بضحك: فضولية بطريقة تخض. ملك بضحك: بس لذيذة والله. مراد بضحك: ما هو فعلاً نتي لذيذة، وهي لذيذة، وهتبقوا رخمة اتنين، قصدي أحلى اتنين. ملك بضحك: هحوشلك نتيجة الكلام ده بعدين. مراد بضحك: طيب إيه؟ مش جعانة؟ ملك: أوه. مراد: طيب ناكل بسرعة عشان أوصلك عشان لو اتأخرتِ مدام سوزان هتعملك كفتة.

ملك ضحكت ومراد طلب أكل وأكلوا وبعدين مشي. مراد: وصلنا. ملك: وصلنا فين؟ لسه شوية. مراد: انتي عاوزة حد يشوفنا؟ انزلي. ملك: والله يا مراد ما قادرة أمشي. مراد: طيب خليكي وأنا أوصلك. ملك: لا يا عم خلاص، مش مستغنين عن عمرنا. مراد بضحك: طيب يلا انزلي وخلي بالك على نفسك. ملك: يعني أخلي بالي منك؟ مراد بصّلها: ديماً وقت رومانسيتك غلط. ملك بضحك: أهو وقت ما يتطلب معايا بقى. مراد بضحك: طيب انزلي عشان جبت آخري. ملك بضحك: أنا؟

مراد بضحك: انزلي يا بت. ملك بضحك: قلب البت. مراد ضحك عليها وملك مشيت ووصلت قدام العمارة ورجعت بصت لمراد اللي لسه واقف بالعربية بيبص عليها. ابتسمتله وهو ابتسم ليها ومشي. يوسف كان واقف بالبلكونة وشاف ملك كانت واقفة قدام العمارة. فارس: إيه ده؟ ملك واقفة ليه؟ بعدين شاف عربية مراد. فارس: معقولة يعني؟ كانوا مع بعض؟ بعدين دخلوا لقوا ملك وسوزان واقفين. فضل باصص على ملك. سوزان: تشرب حاجة يا فارس؟ فارس: قهوة يا طنط.

سوزان: حاضر يا حبيبي. وبصت على ملك وقالت بهمس: اتكلمي معاه. ملك بصت لمامتها بضيق إنها ديما بتفرضها على فارس بأي طريقة. سوزان مشيت وملك بصت على فارس. ملك: ازيك يا فارس؟ حمد الله على سلامتك. فارس: الله يسلمك يا ملك.. الحمد لله. ونتي عاملة إيه؟ ملك: الحمد لله كويسة. فارس: أخبار الكلية إيه؟ ملك: الحمد لله. فارس: طيب اقعدي. ملك قعدت وفارس قعد ومسك موبايله. بعد شوية قفله وبص على ملك. فارس: ملك، هو انتي ومراد؟

فارس شاف سوزان جات عليهم وكانت بالقهوة، فسكت. ملك: كنت بتقول حاجة؟ فارس: لا أبداً. سوزان ابتسمت لما شافتهم بيتكلموا. سوزان: اتفضل يا فارس. فارس: تسلمي يا طنط. سوزان قعدت معاهم والجرس رن وفارس كان يقوم يفتح. سوزان: خليك يا حبيبي، أنا هفتح. سوزان فتحت وكان محمد. محمد: ازيك يا سوزان؟ سوزان: الحمد لله يا محمد. بعدين دخل الريسبشن. محمد: فارس، حمد الله على سلامتك. فارس سلم على باباه.

فارس: الله يسلمك يا حبيبي. أخبار الشركة إيه؟ محمد: مش ملاحقين الشغل كتير. وانت سبتني يا بشمهندس؟ فارس بضحك: من بكرة هتلاقيني في الشركة. محمد: يا ريت، الشركة وحشة من غيرك. زينب: انت جيت يا محمد؟ حمدلله على سلامتكم. محمد: الله يسلمك يا حبيبتي. البنات فين؟ زينب قعدت جمب محمد: لسه فايقين من النوم. آية: بابا. محمد بصّلها: ازيك يا حبيبتي؟ آية قعدت جمبه: وحشتني. محمد بابتسامة: وأنتي كمان يا حبيبتي.

سلمي: وأنا يا حمودي ما وحشتكش يعني؟ محمد: أكيد طبعاً وحشتوني، ده البيت كان ناقص من غيركم. سلمي باسته من خده: يا عمري انت. زينب: طيب يلا نحضر الغداء يا بنات. سلمي: يلا. محمد: عاملة إيه يا ملك؟ ملك: الحمد لله يا خالو. سوزان: بقولك يا محمد عاوزاك في موضوع كده. محمد: قولي يا سوزان. سوزان: تعالي في المكتب أحسن. محمد: طيب تعالي. محمد وسوزان راحوا المكتب. محمد: عاوزة تقولي إيه؟ سوزان: إيه رأيك ما نجوز فارس لملك؟

الولد ابننا والبنت بنتنا. ........................................... سلمي كانت بتحط الأكل على السفرة. سلمي: فارس. فارس: إيه؟ سلمي: قوم ساعدني بدل ما انت قاعد. فارس: آية فين؟ سلمي: بتغرف الأكل مع ماما. ملك بابتسامة: استني هساعدك أنا. سلمي: لا يا ملك خليكي. ملك بابتسامة: انتي بتعتبريني ضيفة يعني؟ سلمي بضحك: لا مش كده، بس مش عاوز أتعبك يا ملوكة. بس ولا تزعلي، تعالي يلا. ملك بابتسامة: ماشية. فارس

كان ماسك الفون وبعت لنور: عاملة إيه؟ نور كانت خارجة من الحمام ولقيت رسالة وصلتلها من فارس. نور بابتسامة: تصدق، كنت على بالي. ردت عليه: الحمد لله، وانت عامل إيه؟ فارس بابتسامة: كويس. لما كلمتك. نور بابتسامة: يارب تبقى على طول كويس. فارس بابتسامة: هبقى كويس أوي لو سمعت صوتك. نور اتكسفت ومرديتش. فارس بضحك: في وضع الصدمة دلوقتي؟ عارف. سلمي كانت بتحط الأكل وشافته بيضحك. سلمي: بتضحك على إيه؟

فارس: لا مفيش، خليكي في اللي انتي فيه. سلمي بغمزة: عموماً أنا عارفة. فارس: لما انتي عارفة بتسألي ليه؟ سلمي: بتأكد بس. فارس: أنا هقوم أروح البلكونة. سلمي بضحك: هتفضل تهرب لحد إمتى؟ فارس خرج في البلكونة ورن على نور وفتحت عليه بس مش بتتكلم. فارس: نور. نور: نعم. فارس: ساكتة ليه؟ نور معرفتش ترد. فارس بضحك: لا بقولك إيه، اتعودي على كده. أمال بعدين لما نتجوز هتفضلي مكسوفة كده؟ نور اتكسفت أكتر ومعرفتش ترد عليه بإيه.

فارس: طيب لو مش حابة نتكلم خلاص؟ ممكن تقفلي؟ نور بسرعة: لا لا، مش كده. حابة طبعاً. فارس بضحك: أخيراً نطقتي. نور بضحك: أعمل إيه؟ كلامك معرفش أرد عليه. فارس: يعني لو قولتلك وحشتني مش هتردي؟ نور بكسوف: احم احم. فارس بضحك: ماشي يا ستي، عموماً ليكي وقت. نور: ليا وقت إزاي؟ فارس: هتقوليلي بحبك يا فروستي. نور بضحك: مين قال كده؟ فارس: انتي. نور: بس أنا مقولتش بحبك. فارس بضحك: اهو قولتيها اهو. نور: ده انت طلعت مش سهل يا عم.

فارس بضحك: معاكي بس. آية: فارس، يلا الأكل جاهز. فارس: طيب جاي.. هكلمك تاني يا نوري، سلام. نور بابتسامة: سلام. فارس قفل وراح قعد على السفرة وكلهم قعدوا. محمد: تسلم إيدك يا زوزا، الأكل تحفة. زينب بابتسامة: بالهنا على قلبك. آية: دي بعض لمساتي الأخيرة يا حمودي. محمد بابتسامة: تسلم إيدك يا توتا، الأكل طالع أحلى عشان كده أصلاً. آية بضحك: حبيبي يا حمودي. محمد: فارس. فارس: نعم يا بابا. محمد: مش ناوي تفرحني بيك بقى؟

فارس: أنا كنت هفاتح الموضوع ده معاك. محمد: طيب أنا فتحته بقى، إيه الموضوع؟ سوزان: والعروسة عندكم؟ فارس بابتسامة: لو أعرف الموضوع حلو كده كنت قولت من زمان. محمد: يعني مخبي علينا بقالك كتير؟ فارس: لا مش كتير أوي. بس انتي إزاي يا طنط عرفتي؟ محمد: ما هي ملك. ملك بطلت أكل وبصت بصدمة. فارس بصدمة: إيه؟ محمد: إيه يا فارس؟ مش انت بتكلم عن ملك؟ فارس: مين قال الكلام ده؟ سوزان: مالها ملك يا فارس؟ دي بنت عمتك وهي وحشة يعني؟

فارس: يا طنط أنا مش قصدي كده، بس ملك... محمد قاطعه: فارس، خد وقتك وفكر. فارس: يا بابا مش محتاجة وقت، هي ملك زي سلمي وآية. محمد: فارس، متتسرعش. أنا كنت زيك كده واتجوزت مامتك، بس بعدين حبيتها. فارس: يا بابا انت وماما غير. سوزان: يعني انت بترفض بنتي يا فارس؟ محمد: لا مش كده يا سوزان، فارس محتاج شوية تفكير بس. فارس قام ومشي. زينب: فارس. فارس مردش ودخل أوضته. زينب: يعني يا محمد، كان لازم تعمل اللي انت عملته ده؟

محمد: وأنا عملت إيه؟ أنا بفهمه بس. ومالها ملك؟ زينب كانت هترد على محمد، سوزان قاطعتها. سوزان: في إن مراتك مش حابة بنتي يا محمد. زينب: إيه اللي بتقوليه ده يا سوزان؟ سوزان: بقول اللي ساكتة عليه. ولا بتحبيني ولا بتحبي بنتي. سلمي: عيب كده يا طنط. سوزان: انتي هتردي عليا يا بت انتي؟ آية: على فكرة سلمي مش قصدها، ولا حتى الفكرة اللي واخدها عن ماما صح. سوزان: هو أنا هسمع إيه غير كده منكم؟

سلمي: على فكرة محصلش حاجة عشان حضرتك بتقولي كده. محمد: سلمي. سلمي: انت مش شايف كلامها يا بابا؟ سوزان: أنا ماشية يا محمد. كفاية لحد كده. يلا يا ملك. محمد: اقعدي يا سوزان، ده بيت أخوكي. سوزان: بس اللي في مش مرحبة بوجودي. محمد: يا ستي أنا صاحب البيت وبقولك اقعدي. آية وسلمي قاموا راحوا أوضة فارس وملك راحت على أوضتها. ............................................. آية وسلمي خبطوا على باب أوضة فارس ومش بيرد.

سلمي: فارس افتح عشان خاطري. آية: فارس ونبي. فارس: هو مش بيرد ليه؟ آية: خايفة يكون عمل في نفسه حاجة من عصبيته. سلمي: لا لا، هو كويس. فارس يا فارس. بعد شوية الباب اتفتح. البنات دخلوا الأوضة وفارس كان واقف في البلكونة. سلمي: انت كويس يا فارس؟ آية: فارس، انت مش بترد ليه؟ فارس بعصبية: هبقى كويس إزاي يعني؟ وانتو شايفين اللي بيحصل! أنا مش هقدر أتأجز حد غير نور. سلمي: أهدي بس وكل حاجة هتبقى زي الفل.

فارس بعصبية: مش قادر أبقى هادي ومش عارف بابا ليه مصمم أوي كده؟ آية: تلاقيها طنط اللي زنّت عليه كتير وقالتله رأي منطقي. فارس: إيه المنطقي في كده؟ سلمي: طيب هي ملك موافقة؟ آية: أنا شوفتها لما سمعت اتصدمت. فارس: يعني أنا هروح أسألها موافقة ولا لأ؟ انتو كمان. آية: مقولناش كده، بس اتكلم معاها. فارس افتكر لما شافها وشاف عربية مراد: هو فيه حاجة غلط في الموضوع؟ سلمي: هي ممكن متكونش موافقة. آية: دي بنت أمها، يعني موافقة.

فارس: طيب اخرجوا دلوقتي، يلا. سلمي: طيب هتعمل إيه؟ فارس: هتشوفوا كل حاجة. آية وسلمي خرجوا وفارس فضل يفكر. فارس: طيب أقولها إني شفتها مع مراد؟ لا لا. أنا هقولها إني مش موافق وخلاص، الموضوع كده. ............................................. ملك دخلت أوضتها ولقيت فونها بيرن وكان مراد. ردت عليه. مراد: مبترديش ليه يا ملك؟ قلقتني عليكي. انتي كويسة يا حبيبتي؟ ملك بتعيط ومبتردش. مراد بقلق: ملك، مبترديش ليه؟ ملك بدموع: مراد.

مراد بخضة: بتعيطي ليه؟ إيه حصل؟ ملك بدموع: ماما. مراد: ملك، بطلي عياط وافهمني، أنا قلقان. ملك بدموع: النهارده خالو قال إن فارس يتجوزني. مراد بصدمة: إيه ده؟ إزاي؟ ملك بدموع: فارس رفض، بس خالو مصمم. مش عارفة ماما قالتله إيه عشان بيضغط على فارس. مراد: طيب انتي رفضتي ليه؟ ملك بدموع: أنا معرفتش أقول حاجة. لو اتكلمت مش عارفة ماما هتعمل فيا إيه. مراد: طيب اهدي يا حبيبتي عشان خاطري، كل حاجة هتبقى كويسة.

ملك بدموع: كويسة إزاي يا مراد؟ مراد: ملك، انتي مش بتثقي فيا؟ ملك: أكيد. مراد: طيب امسحي دموعك عشان خاطري، وخليكي متأكدة إنك لمراد وبس. ملك: يارب يا مراد. مراد فضل يتكلم معاها عشان ينسيها قلقها. ................................. هناء: نور، هاتي السلطة من عندك. نور: حاضر يا ماما. نور جابت السلطة وقعدت. سيف: وحشني أكلك والله يا نونا. هناء: ألف هنا يا حبيبي. ملك: تسلم إيدك يا نونا. هناء: بالهنا على قلبك.

نور: محدش قالي رأيه. سيف: على إيه؟ نور: ما أنا عملت السلطة دي. سيف بضحك: وأنا أقول ليه طعمها متغير. نور: يعني وحشة؟ ملك: لا جامدة يا نوري. نور: حبيبي يا ملوكة، اللي معليني. سيف: بتلقحي إنتي يعني؟ نور: وياريت بتحسي. هناء: خلاص كفاية كلام، وكله بقى. سيف بص على يوسف: إيه يا عم يوسف؟ ساكت يعني؟ يوسف: أقول إيه؟ سيف: انت مش معانا يا معلم أصلاً. يوسف: لا معاكم.. ماما. هناء: إيه يا يوسف؟ يوسف: أنا عاوز أتجوز.

سيف: قنبلة الموسم دي. هناء: ده يوم الهنا يا حبيبي. ملك بابتسامة: طيب اعرفي العروسة. نور بضحك: انتي عارفها أصلاً. هناء: طيب مين؟ يوسف: سلمي يا ماما. هناء: صاحبة نور؟ نور بضحك: أيوه. هناء: طيب انت قلت حاجة ليه؟ يوسف: أنا اتكلمت مع فارس وقالي ابقى تعال، بس هكلم باباها ونشوف معاد ونروح. هناء: ربنا يتمم على خير يا حبيبي. سيف بضحك: عقبالي يا رب. نور بضحك: هي مين اللي هترضي بيك؟ ملك بضحك: أحسن حاجة قالتها نور.

سيف: قال إيه يا نونا؟ الكلام ده. هناء: فاشر يا حبيبي، ده انت مليون واحدة تتمناك. نور بضحك: قوليلى على واحدة منهم. هناء بضحك: بطلي يا بت. وانت يا سيف سيبك منهم. سيف بضحك: معاكي حق، انتي صح يا نونا. ....................................... نجلاء: أمال مراد فين يا شهد؟ أحمد: هو مرجعش من الشغل. نجلاء: لا شفته لما رجع، بس مش عارفة نزل ولا لأ. شهد: طيب أنا هقوم أشوفه. شهد خبطت على باب أوضة مراد ومردش. فتحت الباب ودخلت.

شهد: مراد. مراد مسح دموعه وقام بصّلها: فيه إيه؟ شهد: مراد، انت بتعيط. مراد بعد وشه عن شهد: لا مفيش حاجة. شهد قربت من مراد ومسكت وشه بين إيديها. شهد: مفيش حاجة إزاي؟ بصلي هنا. مراد بصّلها وعيونه مليانة دموع. شهد: مالك يا مراد؟ مراد عيط وحضن شهد. شهد: أنا أول مرة أشوفك بتعيط بالطريقة دي. مالك؟ مراد بدموع: ملك. شهد: البنت اللي بتحبها؟ مراد: أيوا. شهد: مالها؟ مراد: هتتجوز فارس. شهد: فارس مين؟

مراد: بلاش غباء، أنا مش ناقص أخو سلمي. شهد: لا لا، متقولش إنها ملك بنت سوزان؟ مراد: مالها يعني؟ شهد: مالها إيه؟ دي أمها ست حربوقة، وهي البت دي بحسها متنكة كده. مراد: أنا ميهمنيش ده كله، أنا اللي يهمني ملك. شهد: طيب خليها تجيب رقم اللي عملته عندهم. مراد باستغراب: يعني إيه؟ شهد: أصلاً موقعاك من الدور العاشر وعياط وحب، إيه ده يا عم؟ مراد: اهو عنيكي دي اللي جابتنا ورا. شهد: ليه؟ أنا اللي قلت لفارس يتجوزها؟

وبعدين أنا عاوزه أفهم فارس إزاي يتجوز واحدة زي ملك. مراد: هنبتدي طوله لسان؟ شهد: يا عم مش قصدي، بس هو بيحب أصلاً جوازه من ملك ده إيه؟ مراد: ما هي قالتلي إنه رفض، بس عمو محمد الله يسامحه هو اللي مصمم على الموضوع ده. شهد: وأكيد كمان الحربوقة أخته ليها إيد في الموضوع. مراد: ميهمنيش ده كله، اللي يهمني إنها تكون ليا. ده عمال أتكلم معاها عشان أنسيها قلقها، وأنا أصلاً كل ما أتخيل فكرة إنها تبقى لحد غيري، أتجنن.

شهد: طيب هتعمل إيه دلوقتي؟ مراد: أكيد مش هروح أقول لفارس إني بحبها كدة، هيعرف إني كنا مع بعض الفترة دي وممكن مامتها تعرف. شهد: لا لا، من ناحية يقول لمامتها، اطمن مش هيقول. مراد: حتى لو، مش عاوز ملك تكون وحشة في نظره، وإنها بتخرج معايا. شهد: اسمع كلامي بس، والله فارس جدع وعسل وهيتفهم كلامك. والله ده هيلاقيها نجدة يخرج من الموضوع. مراد: تاني؟ شهد بضحك: والله ما شتمتها.

مراد: شهد، أنا بيضايق أوي لو حد قال كلمة في حق ملك. شهد: خلاص والله مش هقول حاجة تانية. هي مرات أخويا مستقبلاً. مراد بابتسامة: قوليها تاني. شهد بضحك: تاني إيه؟ هو انت شايفني ملك بعترفلك بحبها؟ مراد بابتسامة: أصلاً انت مش فاهمة إحساسي لما بقول كلمة هتبقى مراتي. مبالك بقى لما تبقى مراتي بجد، أنا عقلي هيطير والله. شهد بضحك: مش وقته يطير، حل الموضوع ده دلوقتي وبعدين طيروا سوا.

مراد بابتسامة: أنا مكنتش عارف أفكر بجد، بس انتي خليتيني أهدي. ربنا يخليكي ليا يا شوشو. شهد بابتسامة: ويخليك ليا يا مو. وبعدين ماما وبابا بيسألوا عليك، تعال يلا. مراد: يلا. ............................................ محمد كان قاعد في المكتب وفونه رن. محمد: الو. يوسف: ازيك يا عمو محمد؟ محمد: الحمد لله، بس مين؟ يوسف: أنا يوسف يا عمو محمد. محمد: يوسف، ازيك يا حبيبي؟ عامل إيه؟

يوسف: بخير الحمد لله.. كنت حابب أطلب منك طلب. محمد: اتفضل يا ابني. يوسف: أنا حابب أجي أتقدم للآنسة سلمي بنت حضرتك. يوسف: والله يا ابني فاجأتني، انت تشرفني انتي ووالدتك بكرة، وإن شاء الله خير. يوسف: خلاص تمام. محمد: ماشي يا حبيبي، مع السلامة. محمد قفل وخرج من المكتب والكل كان متجمع في الريسبشن. محمد: كويس إنكم متجمعين. زينب: فيه إيه يا محمد؟ محمد بابتسامة: فيه إن ولادنا كبروا وهيتجوزوا. سوزان: ما تفهمنا يا محمد.

محمد: فارس هيتجوز، وسلمي متقدملها شاب. فارس بضيق: عن إذنكم، أنا داخل أوضتي. سلمي بصت لمحمد وقلبها وقف. زينب بابتسامة: ده مين ده يا محمد؟ محمد: يوسف. آية بهمس لسلمي: افرحي يا بت. سلمي بهمس: أنا قلبي كان هيقف من شوية لما تخيلت حد تاني بابا وافق عليه. آية بابتسامة: وهو جوزك يسيبك لحد كده؟ سلمي بضحك: هبقى خطيبة يوسف المنشاوي يا جدعان. آية ضحكت عليها. زينب: يوسف صاحب فارس. محمد: أيوا. زينب: طيب قالك إمتى هيجي؟

محمد: قولته ييجي بكرة. إيه رأيك يا سلمي؟ سلمي بكسوف: اللي تشوفه يا بابا. محمد ابتسم. زينب: مبروك يا حبيبتي. سلمي: الله يبارك فيكي يا ماما. سوزان: طيب مش تعرف الأول شاب كويس ولا لأ يا محمد؟ محمد: لا ده شاب كويس جداً. آية: وبعدين يا طنط، هو فارس هيصاحب حد مش كويس برضه؟ سوزان بغيظ: بسأل عادي.. مبروك يا سلمي. سلمي: الله يبارك فيكي. آية فونها رن، قامت دخلت أوضتها وردت. آية: الو. مالك: عاملة إيه؟ آية: مين؟

مالك: طيب الرقم مش عندك؟ ماشي، بس معقولة مش عارفة صوتي؟ آية بتفكير: مالك؟ مالك بابتسامة: أيوا. آية: صوتك متغير شوية عن الحقيقة. مالك: انتي بس عشان أول مرة تسمعيه في الفون. آية: أيوا فعلاً، بس جبت رقمي إزاي؟ مالك: بصراحة كده، من نور، بس أنا اللي أصرت عليها. آية: ماشي يا دكتور. مالك: آية. آية: نعم يا مالك. مالك: عاوز أقولك حاجة. آية: قول طيب، سمعاك. مالك: بصراحة مش عارف أقولك إزاي. آية بضحك: قولها زي ما هي.

مالك بابتسامة: آية، أنا بحبك. ..............................................