رواية عانيت لاحبك الفصل السابع 7 - بقلم فاطمة محمود

عند البنات في المول كانو بيتفرجو. نور: كل واحدة تشتري فستان. البنات استغربو. سلمي: إيه السبب؟ نور: عشان عيد ميلادي. آية حضنت نور: كل سنة وإنتي طيبة يا نور. نور: وإنتي طيبة يا توتا. شهد: كل سنة وإنتي طيبة يا قلبي، امتى عيد ميلاد القمر بقى؟ نور: وإنتي طيبة يا شوشو، هيكون كمان بكرة. سلمي: يعني القمر هيكبر سنة؟ نور بابتسامة: تخيلي كدا، وأكيد هتيجوا صح؟ وهخلي يوسف يقول لفارس. البنات: أكيد يا حبيبتي هنيجي.

البنات دخلوا محل فساتين، وكل واحدة اختارت فستان، وكلهم أحلى من بعض. وبعدين البنات طلعوا من المحل. نور: هما الشباب فين؟ آية: رني على يوسف طيب. نور رنت على يوسف وقالها إنهم قاعدين في الكافيه. البنات راحوا الكافيه اللي في المول ولقوا الشباب وقعدوا معاهم. يوسف: إيه التأخير ده كله؟ نور: على ما اخترنا، كنا محتارين، كل حاجة تحفة بصراحة. سيف: دول بياخدوا تلت ساعات في اللبس، طبيعي لما يختاروا حاجة يقعدوا أكتر.

آية: ما إحنا لازم ناخد وقت، هي أي حاجة وخلاص؟ سيف بضحك: هو إنتي منهم؟ آية بضحك: هو مين فينا مش منهم؟ سيف بضحك: أنا قولت كدا. نور: على أساس يعني الشباب مش زي البنات؟ فارس بضحك: مش كل الشباب. يوسف بضحك: اتكلموا عن نفسكم. سلمي بضحك: نفهم إيه يعني؟ زينا ولا زيهم؟ يوسف بابتسامة: يابنتي أيوه، أنا نص ساعة وأبقى خلصت. نور بضحك: شوفوا مين بيتكلم. شهد بضحك: شكله بيشتغلنا. يوسف بص لنور وقال بضحك: دي ظلماني.

آية بضحك: إحنا عارفين اللي فيها. يوسف بضحك: اللي هو إيه بقى؟ سلمي بعدم وعي لكلامها: يعني شيك وقمر في نفسك، فاكيد ليك وقت. يوسف متوقعش إنها تقول كدا، بس فرح أوي بكلامها. بعدين قال: تسلميلي يا سلمي. سلمي اتكسفت أوي إنها قالت كدا، واتمنت لو الأرض تبلعها بدل الإحراج اللي هي فيه. ولقتهم كلهم بيبصولها وعينها جت في عين يوسف اللي بيبصلها، وقررت إنها تروح الحمام عشان تهرب من نظراته. سلمي: احم، أنا هروح الحمام. آية: أجي معاكي؟

سلمي: لا، أنا هروح لوحدي. فارس بص لها: خدي بالك من نفسك. سلمي: حاضر. وسلمي فضلت تمشي لحد ما لقيت الحمام ودخلت، وقفت قدام المراية. سلمي: يخرب بيتك يا سلمي، إيه اللي إنتي قولتي ده؟ سكتت شوية. سلمي: ما هو بصراحة أمور أوي. سلمي: طيب أنا أعمل إيه دلوقتي؟ أنا إزاي هطلع وأقعد معاهم دلوقتي؟ سكتت شوية. سلمي: لا، اهدي كدا وخلّيكي طبيعية وكأني ما فيش حاجة حصلت. خدت نفس عميق وبعدين خرجت.

نور: جو حبيبي، عاوزين المرادي نغير جو ونروح الساحل. يوسف بابتسامة: إنتي تأمري يا أميرتي، بس الكلية بتاعتكم. نور بابتسامة: قلب أميرتك، ما هما تلت أيام ونيجي. سيف: إيه الندالة دي؟ تطلعوا من غيرنا؟ نور بضحك: وإحنا من امتى بنطلع من غيرك؟ بعدين نور ابتسمت وقالت: ياريت لو كمان مالك معانا، كانت هتبقى أحلى. آية باستغراب: مين مالك ده؟ نور: ده صاحب يوسف، وبالنسبة لي زي يوسف وسيف بالظبط.

آية: ربنا يخليكم لبعض. بس مشفناهوش خالص، يعني. نور: ما هو في أمريكا، درس هناك وعمل ماجستير، وحاليًا بيشتغل دكتور. آية: دكتور إيه؟ نور: دكتور جراحة. آية: ربنا يوفقه. سيف حس بالغيرة لما آية بتسأل كتير عن مالك. سيف بضيق وهو باصص لـ آية: يعني هتطلعوا ولا إيه؟ آية لاحظت نظرات سيف واستغربت، بس طنشت الموضوع. نور: أكيد وإنتوا كمان يا بنات هتطلعوا معانا. سلمي: هنشوف بابا، لو وافق هنطلع أكيد.

نور: وإنتي يا شوشو، شوفي بابا واطلعي معانا. شهد بضحك: متقلقوش، كدا كدا هخلي حمادة يوافق وأطلع معاكم. نور بضحك: أكيد هننبسط سوا. يوسف بص لفارس: وإنت يا فارس، أكيد هتيجي؟ فارس بابتسامة: إن شاء الله يا حبيبي. سيف: أيوه برضو، مقلتوش امتى هنطلع؟ يوسف: بعد عيد ميلاد نور، ويكون ظبطنا الشغل وكل حاجة، وبعدين نطلع. نور بابتسامة: ده هيكون عيد ميلادي السنة دي، هيكون معايا مع أخواتي.. بس مطولش نبي. يوسف بابتسامة: حاضر.

البنات ابتسموا. سلمي بابتسامة: ده إحنا بكرة هتزهقي مننا. آية بابتسامة: هنيجي ونقضي معاكي اليوم من أوله. شهد بابتسامة: ده إحنا هنخليها هوليلة. نور بابتسامة: ربنا يخليكم ليا. يوسف: طيب يلا بينا بقى. الكل قام وكل واحد ركب عربيته ومشيو. عند بيت محمد. كانت قاعدة زينب وسوزان ومحمد ولمى. سوزان: أمال هما اتأخروا ليه؟ زينب: زمانهم على وصول. لمى: كنت عاوزة أسلم على فارس والبنات قبل ما نمشي.

محمد: هما جايين يا حبيبتي، فارس قالي في التليفون. فارس والبنات دخلوا وهما قاعدين، واتفاجئوا بعمتهم وبنتها اللي ليهم زمان ما جوش. فارس: مساء الخير. الجميع رد: مساء الخير. سوزان: عامل إيه يا فارس؟ فارس: الحمد لله بخير يا عمتو. آية: إزيك يا عمتو؟ سوزان: الحمد لله يا آية. سلمي: عاملة إيه يا عمتو؟ سوزان: الحمد لله يا سلمي. البنات: عاملة إيه يا ملك؟ ملك: الحمد لله.. إزيك يا فارس؟

فارس بصلها: الحمد لله بخير.. بعد إذنكم يا جماعة. ودخل أوضته. البنات قعدوا معاهم شوية، واتكلموا، وبعدين سوزان وبنتها مشيو، وكل واحد دخل أوضته ينام. عند يوسف. كانوا وصلوا قدام العمارة وطلعوا، ويوسف رن الجرس. هناء فتحت له. سيف: مساء الخير يا نونا. نور: مساء الخير يا قلبي. يوسف: مساء الخير يا ماما. هناء: مساء النور يا حبايبي، في مفاجأة بقالكم زمان مستنيينها. يوسف باستغراب: مفاجأة؟ مفاجأة إيه؟ سيف: بقالنا زمان.

نور: إنتي كدا شوقتيني أعرف المفاجأة إيه. هناء بابتسامة: ادخلوا جوا وانتوا تعرفوا. يوسف وسيف ونور دخلوا يشوفوا إيه هي المفاجأة. ولقوا شاب واقف مديلهم ضهره. مالك بص عليهم: surprise، وحشتوني يا ولاد الإيه. يوسف وسيف ونور باصين عليه ومتفاجئين. مالك بضحك: مالكم باصين وكأني شايفين شبح. يوسف بابتسامة: دا بجد ده؟ مالك: وجد الجد كمان. يوسف حضن مالك وبعدين بعد عنه.

سيف قال: وإنا اللي برن عليك وإنت مبتردش، أثاريّك نزلت وإحنا منعرفش. مالك بابتسامة: قولت أعملكم مفاجأة. بعدين سيف حضن مالك. نور بابتسامة: ودي أحلى مفاجأة، ده أنا كنت لسه جايبة سيرتك. وبعدين حضنت مالك. مالك بابتسامة: وحشتيني يا أوزعة. نور: أوزعة إيه؟ ده كان زمان، دلوقتي أنا في كلية وهبقى مهندسة قد الدنيا. مالك بضحك: الأوزعة اللي هتكبر سنة. نور: هعدهالك عشان أنا مبسوطة بس، ومبسوطة أكتر إنك هتحضر عيد ميلادي السنة دي.

سيف: وكمان يا عم، طالعين الساحل وإنت معانا أكيد. مالك: لا، أنا معايا شغل. يوسف: يابني إنت نازل من الشغل أصلاً. نور: تعال معانا بس، وبعدين تعال لشغل بتاعك دا، إنت هتنبسط أوي. مالك بضحك: عشان خاطرك يا أوزعة بس. نور بضحك: هو دا كوكو اللي أنا أعرفه. مالك بضحك: كوكو مش كفاية سي سيف، ملوكة تيجي إنتي كمان كوكو. سيف ضحك: عشان بنحبك يا ملوكة. مالك بضحك: حبيبي يا سيفو. نور: يلا أنا بقى أروح أنام عشان بكرة يومي، تصبحوا على خير.

مالك بابتسامة: وإنتي من أهل الخير يا سندريلا. سيف بضحك: طيب أنا بكرة من الفجر هتلاقي هنـ. نور بغمزة: ما أنا عارفة، ليه هتبقى من الفجر هنا؟ سيف بضحك: دايماً فاهمني غلط. نور بضحك: عليا أنا برضو؟ يوسف: طيب يلا يا لمضة روحي نامي عشان معاكي كلية بكرة. نور: طيب يلا، تصبحوا على خير. الكل: وإنتي من أهل الخير. عند سلمي. كانت في الأوضة واقفة في البلكونة، والباب خبط. سلمي: ادخل. دخلت آية وراحت لـ سلمي البلكونة ووقفت جمبها.

آية: إيه مسهر القمر؟ سلمي بضحك: مفيش عادي. آية بغمزة: هو إيه اللي حصل إنهاردة دا؟ سلمي باستغراب: حصل إيه؟ آية: استهبل، استهبل. سلمي: يا بنتي والله مش فاهمة حاجة. آية وهي بتقلد سلمي: يعني شيك وقمر في نفسك، فاكيد ليك وقت. سلمي بضحك: أنا بتكلم كدا؟ آية بضحك: يعني معترفة إنك قولتي. سلمي بضحك: لا. آية بضحك: هعتبر إنك قولتي أيوا. سلمي ضحكت. آية: قوليلي بقى مش فاهمك. سلمي: مش فاهمة إيه؟ آية: كلامك إنهاردة.

سلمي بهيام: بصراحة، هو قمر أوي يا توتا. آية بابتسامة: وإيه كمان؟ سلمي بعدم وعي: مش قادرة أوصفه بصراحة، يا بخت نور بتشوفه كل يوم. آية حضنت سلمي: ما إنتي بكرة هتشوفي. سلمي: تصدقي دي أحلى حاجة هتحصل في اليوم، والأحل هيبقى قدامي كتير. آية بضحك: ده إنتي واقعة من الدور العاشر بقى. سلمي فاقت على ضحك آية. سلمي: ها؟ لا، أه، مش عارفة. وحطت إيديها على وشها. آية: إنتي حبيتيه يا سلومتي؟ سلمي بصت لـ آية.

سلمي: مش عارفة، بستنى أي صدفة تخليني أشوفه، لما بشوفه بحس بحاجات غريبة، نظرته بتوترني، بحب ضحكته أوي، شكلي حبيته. آية بابتسامة: ودي حاجة حلوة ولا وحشة؟ سلمي: مش عاوزة مشاعري تكبر أكتر من كدا، ممكن هو معندوش مشاعر تجاهي. آية: اللي ليكي مش هيكون لغيرك، اطمني. سلمي ابتسمت. سلمي: إنتي بقى إيه الحكاية؟ آية باستغراب: حكاية إيه؟ سلمي: لاحظتيش حاجة إنهاردة؟ آية: إنتي بتتكلمي بالألغاز ليه؟

سلمي: يعني إنتي مشوفتيش نظرات سيف باشا ليكي؟ آية: أنا لاحظت، بس أكيد لا، مفيش حاجة من اللي في دماغك دي. سلمي بغمزة: وإنتي إيه عرفك باللي في دماغي؟ آية: قصدك يعني حب والكلام ده؟ سلمي: بت، متلفيش عليا. آية: يابنتي زي ما بقولك، أنا من ناحيتي مفيش أي حاجة، ممكن من ناحيته في. سلمي: من جهة من ناحيته، فا هو في، إنتي مشوفتيش نظراته إنهاردة؟ آية: طيب سيبك من الموضوع ده، ويلا أنا هروح أنام. سلمي: طيب ما تخليكي، ننام سوا.

آية: طيب يلا بينا عشان هموت وهنام. وبعدين البنات ناموا. في صباح جديد الساعة الثامنة صباحًا، يوم مليء بالأحداث. بتصحى نور من النوم وبتلاقي هدية جمبها على السرير. وبتفتحها وبتلاقي فستان باللون البينك، وفرحت أوي. وبعدين أخدت شاور ولبست هدومها وخرجت من أوضتها ولقيتهم متجمعين على السفرة. نور: صباح الخير على الجميع. الكل: صباح الخير يا نور. نور بابتسامة: شكراً على الهدية يا جو. يوسف بابتسامة: على إيه يا قلب جو.

نور: وإنتوا بقى فين الهدية؟ مالك: أحلى هدية هتجيلك إنهاردة يا نور. نور: حبيبي يا كوكي. سيف: أحلى هدية هتكون عند القمر بتاعي. نور: هو دا سيفو حبيبي. هناء بابتسامة: ربنا يخليكم لبعض يا حبايب قلبي. الكل: ويخليكي لينا يا نونا. يوسف: طيب يا شباب، أنا هوصل نور، وإنتوا ظبطوا الدنيا على ما أجي، وإنتي يا نور يلا بينا. نور: يلا. ونور ويوسف مشيو، ومالك وسيف كانوا بيشوفوا هيعملوا إيه. عند سلمي وآية.

كانوا نايمين والباب خبط ودخلت زينب. زينب: قوموا يا بنات، إنتوا لسه نايمين؟ سلمي بنوم: خمس دقايق كمان يا زوزا. زينب: يا بت الساعة تمانية ونص، امتى هتروح الكلية؟ سلمي فتحت عينها وقامت بسرعة. سلمي: يالهوي، زمانها نور وصلت وهتضايق مننا، آية قومي يلا. آية: في إيه يا بنتي؟ سلمي قامت. سلمي: الساعة تمانية ونص، فوقي، وأنا هاخد شاور. آية: طيب. بعد شوية سلمي طلعت وآية دخلت الحمام تاخد شاور، وسلمي بتلبس.

وبعد شوية آية طلعت ولبست وخرجت هي وسلمي. كان محمد وفارس وزينب قاعدين على السفرة. آية وسلمي: صباح الخير. الكل رد: صباح النور. زينب: اقعدوا افطروا يلا. سلمي: لا، قدام، إحنا اتأخرنا. فارس: طيب يلا أوصلكم. البنات وفارس نزلوا وركبوا العربية. في العربية. سلمي: إحنا محتاجين نجيب هدية. آية: أوبس، ده أنا نسيت. فارس: في محل قدام بتاع هدايا، متقلقوش. سلمي: طيب تمام. بعد شوية وصلوا قدام المحل ونزلوا البنات وفارس.

البنات كانوا بيتفرجوا ومحتارين يجيبوا إيه، وفارس كان بيتفرج، وفي سلسلة عجبته أوي، فا قرر يجيبها. وكان لسه هيروح بس وقف. فارس: ثواني بس، إنت هتجيبها لمين؟ سكت شوية وبعدين قال: هيكون لمين يعني؟ أكيد لنور. وبعدين البنات كانوا اشتروا هدايا وراحوا لفارس. سلمي وهي بتبص على السلسلة اللي ماسكها فارس. سلمي: إيه الجمال ده؟ فارس: يعني بجد حلوة، عشان أنا مش هعرف إنها ممكن تعجبها أو لأ. آية: اللي هي مين دي؟ تعجبها ولا لأ؟

فارس: نور. آية: اممم. فارس: مالها البت دي؟ سلمي: سيبك من البت دي، السلسلة تحفة. فارس: طيب تعالوا ندفع تمنهم عشان نمشي. وبعد شوية فارس والبنات مشيو وراحوا الكلية. يوسف وصل نور قدام الكلية. يوسف: لما تخلصي رني عليا عشان أجي آخدك. نور بابتسامة: كمان البنات هييجوا معايا. يوسف: خلاص ماشي، أنا هروح أشوف الشباب وأظبط الدنيا لحد ما تخلصي. نور: ماشي يا حبيبي. يوسف: ادخلي الكلية، ويلا سلام. نور: سلام.

نور دخلت الكلية وراحت الكافيه ولقيت شهد قاعدة. وسلمت عليها. نور: صباح الورد يا شوشو. شهد: صباح الجمال يا قمر، يومك. نور بابتسامة: إيه حمادة وافق؟ شهد بضحك: عيب يا بنتي، ده أكيد. نور ضحكت. نور: محدش من البنات لسه جه. شهد: لا، أنا لسه واصلة من شوية. وفضلوا يتكلموا. عند فارس. كان وصل قدام الكلية والبنات نزلوا وفارس مشي. والبنات دخلوا الكلية وراحوا الكافيه ولقوا شهد ونور قاعدين. آية: صباح الحلويات.

نور وشهد: صباح الشقاوطة. سلمي: صباح الورد. شهد ونور: صباح الفل. نور: اتأخرتوا ليه؟ سلمي: راحت علينا نومة. نور: لا، ده إنتوا إنهاردة لازم تبقوا فايقين أوي، إنهاردة مش أي يوم. سلمي: ده أكيد يا قمري. شهد: يلا بينا على المحاضرة طيب. البنات: يلا. وشهد ونور وسلمي راحوا المحاضرة، وآية راحت محاضرتها. عند يوسف. كان وصل ونزل من العربية وطلع شقتهم وفتح له مالك ودخل ولقى سيف بياكل. يوسف بص على مالك. يوسف: هو بيعمل إيه؟

مالك بضحك: زي ما إنت شايف، بياكل. سيف بص لهم: في إيه يا عم إنت وهو؟ يوسف: لا مفيش، بس هو إنت مش من شوية كنت بتاكل؟ سيف: جوعت بصراحة. يوسف: ده إحنا مكملناش ساعتين على بعض. سيف: أفضلوا إنبروا لحد ما أختفي خالص من قلة الأكل. مالك بضحك: ده إحنا اللي هنختفي جنبك والله. يوسف: ده إنت بتاكل ومش باين عليك، مش عارف إزاي. سيف: نونا، تعالي شوفي ابنك وصاحبه اللي باصين في الأكل اللي بأكله. هناء جات. هناء: ما تسيبوا الواد ياكل.

سيف: قوليلهم. يوسف: قوم كفاية طيب، خلينا نشوف هنعمل إيه. والشباب بدأوا يعملوا تزيين حلو لعيد ميلاد نور. عند فارس في الشركة. كان مع باباه في المكتب. محمد: بخصوص حسام، في جديد في الشغل؟ فارس: هو غير شوية حاجات زي ما قولتلك المرة اللي فاتت. محمد: وهتبتدي امتى شغل فيها؟ فارس: بكرة إن شاء الله. صحيح، إنهاردة عيد ميلاد نور، وعزمتينا عندهم. محمد: طيب، وقلت لمامتك؟ فارس: ما أنا قولت أقولها لما نروح.

محمد: تمام، روح على مكتبك عشان تخلص شغل. فارس: طيب. وبعدين فارس خرج من المكتب وراح مكتبه يشتغل شوية. عند البنات. كانوا خلصوا واتجمعوا. آية: يلا بينا نمشي ولا إيه؟ نور: يوسف هيجي ياخدنا، أنا هرن عليه. ونور رنت على يوسف اللي رد عليها. يوسف: أيوا يا حبيبتي. نور: إحنا خلصنا يا جو. يوسف: طيب، مسافة السكة. وبعدين قفلت معاه. وعند يوسف كانوا الشباب خلصوا تزيين وكانت حاجة تحفة. يوسف: طيب، أنا هجيب نور والبنات.

سيف: طيب ما تاخدني معاك يا خيي. يوسف بضحك: بلاش إنت. سيف: ماشي، ليك يوم يا عم. مالك بضحك: امشي إنت بس هات نور والبنات وسيبه. يوسف مشي راح يجيب البنات. عند البنات. كانوا قاعدين في الكافيه وفون نور رن وكان يوسف، ردت عليه. نور: أيوا يا جو. يوسف: أنا وصلت يا نور، اطلعي يلا. نور: ماشي. وقفت معاه، وبعدين البنات طلعوا من الكلية لقوا يوسف بعربيته وركبوا العربية. البنات: السلام عليكم. يوسف: وعليكم السلام.

نور: إيه، أمال سيف ومالك فين؟ يوسف: في البيت. نور: طيب، بينا عشان نوصل. وبعد وقت وصلوا قدام العمارة، البنات نزلوا وطلعوا مع نور ويوسف طلع وراهم. نور رنت الجرس وفتح ليها سيف. نور: وسع كدا. سيف: طيب، حتى سلمي عليا الأول، أو سبيني أسلم على البنات. نور بضحك: إزيك يا حضرة الظابط؟ سيف بضحك: أهلاً يا باش مهندسة.. إزيكم يا بنات عاملين إيه؟ البنات: أهلاً بيك يا حضرة الظابط.

البنات دخلوا وقعدوا في الريسبشن، ونور راحت تشوف مامتها. وهناء خرجت وسلمت على البنات وقعدت معاهم. نور: أمال فين مالك يا ماما؟ هناء: بيتكلم بالفون في البلكونة. آية باستغراب: هو مش مالك ده اللي في أمريكا برضو؟ نور بابتسامة: ما هو امبارح لما رجعنا لقيناه هنا وعملها لينا مفاجأة. آية: طيب كويس، حمد الله على سلامته. وبعدين مالك بيطلع من البلكونة وبيلاقي البنات قاعدين. نور: تعال يا مالك، أعرفك بصحابي آية وسلمي وشهد.

ودا بقى مالك. مالك: أهلاً وسهلاً بيكم. البنات: أهلاً بيكم. مالك بهمس لنور: هما دول صحابك البنات؟ نور بنفس الهمس: أه. سيف بهمس: إنتوا بتهمسوا على إيه؟ نور: وإنت مالك يا ضة؟ سيف: هي بقت كدا، ماشي. يوسف: وإنت دايماً حاشر مناخيرك في اللي مالكش فيه ليه؟ نور بضحك: شكلك بتتهزق. آية بضحك: اقعد بكرامتك أحسن يا سيف. سيف بضحك: والله أنا دمي خفيف، بس هما بيقفشوا عليا. سلمي بابتسامة: ما هو باين إنك بتحب الهزار.

يوسف: هو إنتي شفتي حاجة؟ دي حاجة بسيطة. شهد بضحك: هو في أكتر من كدا تاني؟ مالك بضحك: كتير أوي. هناء: طيب يلا يا نور نحضر الغداء. آية: استني يا طنط، هنيجي معاكي. هناء: لا مش عاوزة أتعبكم يا حبايبي. سلمي: مفيش ولا تعب ولا حاجة يا طنط. شهد: يلا بينا طيب. سيف: متتأخريش علينا يا نونا عشان جعان. والبنات وهناء دخلوا المطبخ يحضروا الغداء. يوسف: يخرب بيتك، أمال اللي كان بياكل مين ده؟ سيف: هو إنت هتعد عليا الأكل يا عم إنت.

مالك بضحك: بصراحة، كتر خير البنت اللي هتتجوزه. سيف: عارف والله، يا بخته اللي هيكون من نصيبي، هياخد شاب أمور وحليوه. يوسف بضحك: متواضع. مالك بضحك: قصدك مغرور. سيف: أشكركم على مدحكم ليا. نور والبنات حضروا السفرة وخلصوا الأكل ونور نادت على الشباب وأكلوا في جو هادي. سلمي وهي بتاكل وقع على هدومها أكل، فقامت. سلمي: نور، هي أوضتك فين؟ نور: آخر الطرقة على إيدك اليمين. سلمي: طيب. آية: أجي معاكي أساعدك؟ سلمي: لا، خليكي إنتي.

سلمي مشيت آخر الطرقة ودخلت الأوضة ودخلت الحمام ونضفت هدومها وخرجت من الحمام، لقيت صورة ليوسف كبيرة، ابتسمت وبعدين قالت: سلمي: هي نور حاطة صورة ليوسف ليه؟ كملت كلامها: إيه الغباء ده؟ ما هو أخوها. بعدين ظبطت نفسها بالمراية، وهنا يوسف دخل الأوضة وقفل الباب وقلع القميص بتاعه. سلمي باصة في المراية على انعكاسه ومش عارفة تتحرك. يوسف بص وراه ولقى سلمي واقفة، بص لها ومسك قميصه ولبسه.

يوسف كان هيتكلم، سلمي خرجت من الأوضة بسرعة. وراحت للبنات كانوا في المطبخ. نور: طولتي ليه كدا؟ سلمي: على ما خلصت. آية لاحظت توتر سلمي. آية راحت لسلمي وقالت بهمس: إنتي كويسة؟ سلمي: كويسة. هناء: طيب روحوا يا حبايبي إنتوا ارتاحوا. نور: يلا بينا يا بنات. والبنات راحوا أوضة نور. عند فارس. كان خلص شغل وطلع من مكتبه وراح مكتب باباه، وبعدين طلعوا من الشركة ومشيو. وبعد شوية وصلوا وطلعوا وفتحت لهم زينب.

زينب: حمد الله على السلامة. فارس: الله يسلمك يا ماما. محمد: الله يسلمك يا حبيبتي. زينب: غيروا على ما أحضر الغداء. وبعد شوية أكلوا سوا وخلصوا. وفارس كان هيدخل أوضة. فارس: ماما، إنهاردة عيد ميلاد نور وعزمتك. زينب: ماشي يا حبيبي. بعدين فارس دخل أوضة. وبعد وقت البنات كانوا لبسوا الفساتين وكانوا حلوين أوي. نور: تعالوا يا بنات نتصور. وفضلوا يتصوروا كتير. هناء دخلت عليهم: يلا يا بنات. البنات: حاضر.

بعدين خرجت هناء ووراها البنات، ونور عرفتهم على الضيوف وفضلوا يتكلموا ويهزروا. سلمي وهي بتضحك عينها جت على عين يوسف اللي بصالها، توترت وشالت عينها بسرعة. سلمي: هروح الحمام وهاجي. البنات: ماشي. سلمي مشيت ويوسف راح وراها. وبعدين سلمي كانت قدام أوضة نور ودخلت البلكونة وفضلت تتنفس شوية. وبعدين خرجت وكان يوسف قدام الباب. سلمي بصتله ومش عارفة تقول إيه.

يوسف: أنا حابب أوضحلك سوء التفاهم اللي حصل، أنا آسف، مكنتش أعرف إنك في الأوضة. سلمي: أنا اللي آسفة، كنت فاكرها أوضة نور. يوسف ابتسم: حصل خير. سلمي: بعد إذنك. يوسف: اتفضل. سلمي مشيت ويوسف ابتسم ومشي. فارس ومامته وباباه كانوا وصلوا. يوسف وهناء استقبلوهم. هناء: نورتوا يا جماعة. زينب: ده نورك يا حبيبتي. يوسف: اتفضلوا يا جماعة. محمد وزينب وفارس قعدوا والبنات راحوا ليهم. نور: إزيك يا عمو؟

محمد: أهلاً يا حبيبتي، كل سنة وإنتي طيبة. نور بابتسامة: وإنت طيب يا عمو.. عاملة إيه يا زوزا؟ زينب بابتسامة: الحمد لله بخير يا حبيبتي، كل سنة وإنتي طيبة. نور: وإنتي طيبة يا زوزا. نور بصت لفارس اللي كان عيونه عليها. فارس: كل سنة وإنتي طيبة يا نور. نور بابتسامة: وإنت طيب يا فارس. آية فونها رن وقامت ترد عليه، كانت بتتكلم وفجأة. حد خبط فيها. مالك: آسف والله، مقصديش. آية: ولا يهمك، حصل خير. مالك: طيب إنتي كويسة؟

آية بابتسامة: الحمد لله تمام يا دكتور. مالك بضحك: دكتور إيه؟ إنتي تقولي مالك من غير دكتور. آية بضحك: أوك يا مالك. مالك بابتسامة: إنتي كلية إيه بقى؟ آية: هندسة. مالك: يعني زي الأوزعة اللي هناك دي. آية باستغراب: أوزعة مين؟ مالك بضحك: أقصد نور. آية بضحك: هو إنت مسميها أوزعة؟ مالك: بحب أنكشها بس. فضلوا يهزروا ويضحكوا. وسيف كان واقف وشايفهم من بعيد وحس بالغيرة، فا راح يشوف بيضحكوا على إيه. سيف بضيق: بتضحكوا على إيه؟

آسفة على التأخير يا بنات. رأيكم 💗