رواية عانيت لاحبك الفصل السادس 6 - بقلم فاطمة محمود

صباح جديد على أبطالنا. محمد خرج من الأوضة، وزينب كانت في المطبخ. وفارس قاعد على السفرة وماسك الفون. محمد: صباح الخير. فارس: صباح النور يا بابا. زينب طلعت من المطبخ جايبة الأكل. زينب بحب: صباح الخير يا محمد. محمد بابتسامة: صباح النور يا زوزو. زينب: هما البنات لسه ما خرجوش؟ فارس: تلاقيهم نايمين أصلاً. سلمي وآية كل واحدة طلعت من أوضتها. سلمي وآية: صباح الورد. الكل: صباح النور. زينب: يلا اقعدوا افطروا. سلمي وآية: حاضر.

البنات قعدوا يفطروا. محمد قام: هستناك في الشركة يا فارس. فارس: حاضر يا بابا. وبعدين فارس قام. فارس: مش يلا؟ آية: يلا. محمد مشي، وفارس هيوصل البنات لكلية. *** عند يوسف. قام من النوم، واخد شاور، وبعدين لبس بدلته ورش برفانه وخرج من أوضته. هناء كانت قاعدة على السفرة، ونور كانت خارجة من أوضتها. يوسف: صباح الحلو. هناء: صباح الخير يا حبيبي. نور: صباح الورد يا أحلى جو. هناء: اقعد افطر يا حبيبي. يوسف: لا متأخر يا ماما.

هناء: طيب، كل حاجة بسيطة. يوسف: يبقى آكل أي حاجة قدام. هناء: استني هعملك سندوتش طيب. نور بضحك: يعني آخرة الشياكة دي وبرفان، تمسك سندوتش وتنزل يا حضرة الظابط؟ يوسف بضحك: ما أنا هخليكي انتي تمسكيه. نور بضحك: نمسك؟ يا عم احنا نقدر نقول لأ. يوسف بضحك: يلا يا لمضة. هناء عملت سندوتش ليوسف ونور. هناء: اتفضل يا حبيبي، وانتِ كمان يا نوري. يوسف ونور باسوا إيدين هناء. يوسف: ماشي يا حبيبتي، يلا سلام. هناء: مع السلامة يا حبيبي.

نور: سلام يا ماما. هناء: سلام يا حبيبتي. يوسف ونور نزلوا وركبوا العربية. *** ولأول مرة نروح مطار القاهرة. كان في شاب وسيم خارج من باب المطار وبيجر شنطته وراه، وبعدين وقف وعلى وشه ابتسامة. الشاب: يااه، أخيراً رجعت ليكي يا مصر. وفضل شوية يتفرج على المناظر اللي افتقدها بقاله عشر سنين، وبعدين وقف تاكسي قدامه. السواق وقف ونزل، وأخد منه الشنطة وحطها في شنطة التاكسي. الشاب ركب. السواق: رايح فين يا أستاذ؟

الشاب بابتسامة: على إسكندرية. السواق: ماشي. *** عند زينب. كانت في البيت، والباب خبط. زينب فتحت الباب واتفاجأت. زينب: سوزان. سوزان: مش حابة تشوفيني ولا إيه يا زينب؟ زينب: لا حابة طبعاً، اتفضلي. سوزان دخلت وكان معاها بنوتة. سوزان بصت على البنوتة اللي معاها. سوزان: دي ملك يا زينب. زينب: بسم الله ما شاء الله، كبرت وبقيت زي القمر. ملك: تسلميلي يا طنط. زينب: تحبوا تشربوا إيه؟ سوزان: أي حاجة يا زينب.

زينب: طيب، عن إذنك ثواني وهرجع لكم. البيت بيتكم. سوزان: أكيد يا زينب، مش محتاجة أعرف منك. زينب ابتسمت وراحت على المطبخ. سوزان وهي بتبص على الشقة كلها. سوزان: شايفة يا بت؟ شايفة العز اللي عايشين فيه، شقة واسعة وجميلة. ملك: أيوا يا ماما، جميلة. سوزان بصتلها: انتي أكيد عارفة هتعملي إيه. فارس دا لازم يتجوزك، أكيد مش واحدة هتيجي تاخد دا كله واحنا نقعد نتفرج. إنما انتي بنت عمته، وأهو تضمني مستقبلك، وهو كمان شاب طول بعرض.

ملك: متقلقيش يا ماما. سوزان اخت محمد، طماعة أوي، كل همها الفلوس. ملك مش بتحب طريقة مامتها، بس غصب عنها بتسمع كلامها. *** يوسف وسيف ونور وصلوا قدام الكلية، ونور نزلت. نور كانت لسه هتمشي، رجعت. نور: يوسف. يوسف: إيه يا نور؟ نور: ما تيجي معانا انهارده؟ يوسف باستغراب: معاكو؟ الي مين يعني؟ وفين؟ نور: البنات امبارح اتفقوا إنهم هيخرجوا انهارده بعد ما نخلص محاضرات. يوسف: طيب، انتي وصحابك وفارس. أنا أجي بصفة إيه؟

سيف بص على يوسف. سيف: تصدقي، أخوكي دا عيل فصيل. نور ضحكت: دا يوسف هيعلقك دلوقتي. يوسف مسك سيف من هدومه. يوسف: مين دا اللي عيل؟ يلااا! سيف: مش قصدي يا كوتش، كل الفكرة بس إننا نروح معاهم يعني ونغير جو. يوسف ساب هدوم سيف. يوسف: عندن فيك بقا وفي لسانك، مش رايحين. سيف وهو بيتكلم بصوت واطي: أبو شكلك يا خي. يوسف بص له ورفع حاجبه. يوسف: بتقول إيه يا ض؟ سيف رفع إيده. سيف: والله ما قولت حاجة. نور بضحك: جبان. سيف بص على نور.

سيف بغيظ: اسكتي انتي كمان، مش ناقصاكي. كفاية أخوكي. نور ضحكت. في اللحظة دي كان فارس وصل ومعاه البنات. آية وسلمي نزلوا من العربية وابتسموا لنور وراحوا عندها. سلمي بابتسامة: صباح الخير. نور: صباح الورد يا قمري. سيف ويوسف: صباح الخير. آية: صباح الفل يا جدعان. نور: صباح الجمال يا توتا. سيف بصوت واطي: صباح العسل يا عسلي. يوسف ضرب سيف في جنبه. سيف ويوسف: صباح الخير. فارس نزل من عربيته. فارس: صباح الفل يا شباب.

فارس سلم على يوسف وسيف، وابتسم لنور وسلم عليها. سلمي: يلا بينا يا بنات. آية ونور: يلا. البنات مشيوا، ويوسف بص على سلمي وابتسم على رقتها. فارس: بقولك إيه، فاضي انهارده؟ يوسف: والله معايا شغل. فارس: طيب، كنسل انهارده. البنات هيخرجوا بعد المحاضرات وهتيجي معانا، وانت كمان يا سيف. يوسف: مرة تانية، معانا شغل يا فارس. فارس: حبيبي، الشغل ما بيخلصش، والخروجة دي مش هتتعوض. يوسف: هحاول. فارس: مفيش حاجة اسمها هحاول، انت هتيجي.

سيف: يا معلم، اعتبرنا خلاص جينا. فارس بضحك: عسل انت يا سيف. سيف بضحك: حبيبي. فارس: طيب يا شباب، أشوفكم كمان كام ساعة. يوسف؟ سيف: متتأخروش. يوسف: حاضر. فارس: يلا سلام. يوسف وسيف: سلام. فارس ركب عربيته ومشي، ويوسف وسيف ركبوا العربية ومشوا. *** يوسف وسيف في العربية. يوسف: إحنا دلوقتي نروح الشقة، وبعدين نروح على القطاع. سيف: مش هنتأخر على الخروجة؟ يوسف بص لسيف. يوسف: متحمس أوي.

سيف بابتسامة: هشوفها، وهتبقي قدامي يا جدع، متحمسش إزاي؟ يوسف ابتسم: ماشي يا عم الحبيب. بعد شوية، يوسف وسيف وصلوا قدام العمارة اللي فيها شقة الضحية. يوسف: يلا. سيف: طيب، انت معاك مفتاح الشقة؟ يوسف: آه. وبعدين يوسف وسيف نزلوا من العربية وطلعوا السلم وفتحوا الشقة، وكانوا بيدوروا على أي دليل. يوسف: سيف. سيف: في إيه؟ يوسف: بص كدا. سيف: لقيته إزاي دا؟ *** عند فارس. وصل مكتبه. فارس: صباح الخير يا ندا. ندا قامت.

ندا: صباح الخير يا فارس بيه. فارس: ابعتيلي قهوتي، وكمان ابعتيلي كل ملفات الشغل. ندا: حاضر يا فندم. فارس دخل، وخلع جاكت بدلته وحطه على الكرسي وقعد. ندا خبطت، وفارس سمحلها بالدخول. ندا: قهوتك يا فارس بيه. فارس: ماشي يا ندا، شكراً. ندا: العفو يا فندم، شوية والملفات هيبقوا عندك. فارس وهو بيشرب القهوة. فارس: تمام، في أي اجتماعات انهارده؟ ندا: لا يا فندم، بس في ميعاد لـ مدام هالة بخصوص تغيير ديكورات فيلتها.

فارس: إمتى الميعاد؟ ندا: كمان ساعة يا فندم. فارس: ماشي يا ندا، اتفضلي. ندا خرجت، وفارس فضل يشرب قهوته. *** في الكلية. البنات كانوا قاعدين سوا. شهد: يعني انهارده هنخرج؟ آية: أيوا يا بنتي، هنروح كلنا سوا. سلمي: حابين نعمل إيه بقى؟ نور: امم، إيه رأيكم نروح المول؟ سلمي: وبعدين نروح نتغدى في مطعم. آية: ونجيب آيس كريم. شهد: دا هيبقي يوم تحفة. البنات: أكيد. سلمي: بينا نخلص المحاضرات عشان بعدين نخرج.

كل واحدة من البنات راحت محاضرتها. *** في الشركة. فارس: تمام يا مدام هالة، وهحاول متأخرش، لأن معايا شغل كتير الفترة الجاية دي. هالة: ولا يهمك يا فارس بيه. فارس: تمام يا مدام هالة، وحددي المعاد اللي تحبي أشوفه في الفيلا قبل التغييرات. هالة: الوقت اللي تحبه حضرتك. فارس: تمام يا فندم. هالة قامت وسلمت على فارس. هالة: هتشرف بشغلك معايا يا فارس بيه. فارس: الشرف ليا يا مدام هالة. هالة: بعد إذن حضرتك. فارس: اتفضلي.

هالة خرجت، وفارس فضل يشتغل شوية، وبعدين قام وراح مكتب باباه. أسماء: أهلاً بيك يا فارس بيه. فارس: إزيك يا أسماء؟ بابا جوه؟ أسماء: أيوا يا فندم. فارس دخل، وقعد قدام محمد. فارس: أنا هخرج البنات انهارده يا بابا. محمد: ماشي يا حبيبي. فارس: طيب، أنا ماشي دلوقتي، عاوز حاجة؟ محمد: لا يا حبيبي، خد بالك على نفسك وعلى أخواتك. فارس: حاضر يا حبيبي، انت هتمشي دلوقتي؟ محمد: أيوا. فارس: طيب، يلا أوصلك.

محمد: لا يا حبيبي، روح انت، هخلي السواق يوصلني. فارس: ماشي يا بابا. فارس قام خرج من المكتب، وبعدين رجع مكتبه، أخد جاكيت البدلة وخرج ومشي بالعربية. *** عند يوسف وسيف. كانوا في المكتب. يوسف: أنا هرن على مالك. سيف: أوك. يوسف رن على مالك، بس مردش. سيف: إيه؟ يوسف: مردش. سيف: ممكن مشغول. يوسف: ممكن. فون يوسف رن، وكان فارس، ورد عليه. فارس: إيه يابني، فين؟ يوسف: خلاص، أهو خلصت وخارج. فارس: ماشي، أنا كمان في الطريق، متتأخرش.

يوسف: مسافة السكة وهكون عندك. فارس: ماشي، يلا سلام. يوسف: سلام. يوسف بص لسيف. يوسف: يلا بينا. سيف: يلا. يوسف وسيف خرجوا وركبوا العربية. *** السواق كان وصل الشاب قدام العمارة اللي ساكن فيها. السواق: حمد الله على السلامة. الشاب: الله يسلمك. السواق طلع شنطة الشاب من شنطة العربية. السواق: اتفضل يا أستاذ. الشاب: شكراً. وبعدين طلع فلوس واداها للسواق.

الشاب ابتسم، وبعدين طلع ومسك شنطته ووصل قدام الشقة بتاعته، وطلع المفتاح. فضل يفتح في الباب مش بيفتح. بعدين نادى على البواب. البواب: خير يا أستاذ، في حاجة؟ الشاب: الباب مش بيفتح معايا. البواب: انت حضرتك تعرف الشقة دي؟ الشاب ابتسم: أنا مالك يا عم إسماعيل. إسماعيل بابتسامة: مالك؟ اتغيرت أوي يا ابني. مالك بابتسامة: عشر سنين يا عم إسماعيل، أكيد هتتغير. إسماعيل: حمد الله على سلامتك يا ابني.

مالك: الله يسلمك، شوفلي الباب دا. إسماعيل: أنا معايا نسخة للمفتاح، ثواني هجبهولك. مالك: ماشي. إسماعيل نزل يجيب المفتاح، وبعد شوية رجع. ومالك أخد المفتاح وفتح الباب. مالك: شكراً يا عم إسماعيل. إسماعيل: العفو يا ابني، عاوز أي حاجة تانية؟ مالك: لا، تسلم. إسماعيل مشي، ومالك دخل شقته وهو مبسوط، وفضل يفتكر ذكرياته. مالك: أرتاح شوية، وبعدين أروح ليوسف وسيف. بعدين مالك أخد شاور ونام شوية. ***

يوسف وسيف وصلوا قدام الكلية، كان فارس مستنيهم. ويوسف وسيف نزلوا وراحوا لـ فارس اللي كان واقف قدام عربيته. يوسف: إيه، لسه البنات مخرجوش؟ فارس: خرجوا أهم. البنات كانوا خرجوا وراحوا للشباب. فارس: يلا بينا. يوسف: يلا. آية وسلمي وشهد ركبوا مع فارس، ونور ركبت مع يوسف وسيف. فارس: عاوزين تروحوا فين؟ سلمي: أول حاجة، هنروح المول. فارس: طيب، هرن على يوسف أقوله. آية: إحنا اتكلمنا سوا، ونور أكيد هتقول لـ يوسف. فارس: تمام.

وبعدين وصلوا قدام المول، والبنات نزلوا ودخلوا سوا، والشباب مع بعض دخلوا وراهم. *** عند مالك. قام من النوم وقرر يروح عند هناء. خرج من الشقة ونزل الدور اللي تحت منه. وخبط على شقة يوسف، وهنا فتحت له. هناء فتحت وفضلت تبص. مالك بابتسامة: أوعي تقولي مش عارفاني؟ هناء بابتسامة: مالك. مالك ابتسم: أيوا. هناء: حمد الله على سلامتك يا حبيبي، إمتى جيت، ومقولتش ليه ليوسف؟

مالك ابتسم: الله يسلمك يا نونا، وجيت انهارده من كام ساعة. مقولتش ليوسف، قولت أعملها مفاجأة. هناء: أحلى مفاجأة يا حبيبي، اتفضل ادخل. مالك دخل وقعد في الريسبشن. مالك: أمال يوسف وسيف فين؟ هناء: في الشغل. مالك: عامله إيه انتي؟ طمنيني عنك. هناء: بخير يا حبيبي، انت عامل إيه؟ مالك: الحمد لله، بخير. هناء: دا يوسف وسيف هيفرحوا لما يشوفوك. مالك بابتسامة: أمال أخبار البت نور إيه؟ هناء: الحمد لله كويسة، دخلت كلية هندسة.

مالك بضحك: ياااه، كبرت وهتبقى باش مهندسة. هناء: دي كمان هتفرح أوي لما تشوفك. مالك بابتسامة: دا أنا اللي مبسوط والله إني هشوفهم. وبعدين كمل كلامه. مالك: أمال هي فين؟ هناء: خرجت مع البنات. مالك باستغراب: بنات مين؟ هناء: بنات معاها في الكلية، أصحابها. انت لازم تتغدى معايا. مالك بابتسامة: طبعاً، دا أنا أكتر حاجة وحشتني أكلك يا نونا. هناء بابتسامته: طيب، أنا هقوم أجهز الغدا. مالك: استني، هاجي معاكي.

مالك وهناء فضلوا يتكلموا هما بيجهزوا الغدا.