رواية عانيت لاحبك الفصل الثامن 8 - بقلم فاطمة محمود

سيف بضيق: بتضحكو علي ايه؟ آيه ومالك استغربوا طريقته لأنه على طول بيهزر. آيه: مفيش، كنا بنتكلم عادي. بعد إذنكم. مالك بابتسامة: اتفضلي. سيف فضل باصص على مالك. مالك باستغراب: في ايه يا مالك يا عم؟ سيف محبش يقول إنه اتضايق لما كانوا واقفين بيهزروا سوا هو وآيه، فغير الموضوع. سيف: لا مفيش، شوفتكم بتضحكوا وبتتهزروا، قولت آجي أضحك معاكم. انت عارفني بحب الهزار.

مالك بابتسامة: بس دخلتك علينا مكانتش بتقول كده، ده البنت اتخضت ومشيت يا جدع. سيف: ده أنا ضايقتها أوي كده؟ ده أنا مكنتش أعرف. مالك بضحك: شوفت بقى. سيف بضحك: طيب تعال نشوف يوسف. وبعدين راحوا ليوسف. كان قاعد مع فارس وفضلوا يتكلموا. عند البنات. شهد: إيه قعدة المطلقين دي؟ نور بضحك: عاوزة إيه طيب؟ آيه بضحك: أنا عارفة هي عاوزة إيه. سلمي بضحك: شغلي ليها أغاني بس مهرجانات. نور ضحك: ثواني هشغل وأرجع.

ونور شغلت مهرجان: اسحب سيفك يلا. شهد: يلا بينا هنزيع، ننطلق ونشجع مشاغبين. دماغي والعة، جابوا سلاح، جهزوا، طالعة هتخرب، تخرب، هتقلب، تقلب، نضرب، اضرب، ولع، ولع، نفرقع، نفرقع، نسمع، نسمع. البنات ضحكوا عليها. شهد: تعالوا نرقص يلا. سلمي: طيب والناس؟ نور: فكك يا عم. آيه: تعالوا، اليوم ده مش هيتعوض. نور بضحك: توتا معاها حق. وبدأوا البنات بيرقصوا وكل الموجودين والشباب بصوا لهم وانبهروا برقصهم.

والبنات كانوا بيرقصوا وبيغنوا سوا وهما مبسوطين. سيف: إحنا هنفضل نتفرج عليهم ولا إيه؟ يوسف: هنعمل إيه يعني؟ مالك: نرقص مثلا. سيف بضحك: فاهمني إنت. مالك بضحك: طيب قوم يلا. سيف: يلا يا يوسف. يوسف بضحك: إحنا ظباط يا ابني، هنرقص إزاي؟ سيف: حد قالك إنك واخد شهادة ممنوع الرقص؟ مالك بضحك: مش عارف يوسف دماغه فاكة النهارده ليه. يوسف بضحك: أنا دماغي فاكة. مالك بضحك ورفع إيده: بسحب كلامي. سيف بضحك: يا جدعان يلا.

يوسف بضحك: ماشي، يلا. سيف بص على فارس. سيف: يلا يا فارس. فارس بص له: أكيد مش بتكلمني أنا؟ سيف بضحك: لا بكلمك إنت يا عم، تعال يلا. فارس: لا أنا مبعرفش، روحوا إنتوا. سيف بضحك: منظرك هيبان وحش وإنت واقف لوحدك، تعال اخلص. فارس بضحك: ما أنا هسقف لكم. مالك بضحك: يا عم اخلص يلا. البنات كانوا بيرقصوا واتفاجئوا بالشباب بيرقصوا هما كمان. البنات: أوووو. شهد: استنوا، هغير ليكم المهرجان. وشهد غيرت

المهرجان وشغلت مهرجان: صاحبي يا صاحبي. والشباب رقصوا وانبهروا برقص فارس. سيف بضحك: إيه يا عم ده؟ مال العالم برة عاملين كده ليه؟ يوسف بضحك وهو بيشاور على سيف: وأنا وإنت يا صاحبي مالنا؟ مش لايقين كده ليه؟ مالك بضحك: مش شبه الناس دي في حاجة، ولا فاهمين منهم حاجة. فارس بضحك: ولا عارفين نسلك وسط الهوجة هنعمل إيه. شهد بضحك: صاحبي يا صاحبي، إنت اللي لوحدك شبهي. سلمي بضحك: ده في ناس في كروش بتعبي، وناس بتنسي تربي.

آيه بضحك: صاحبي يا صاحبي، إنت اللي مقوي لي قلبي. نور بضحك: إنت اللي ساندي وجنبي، وطول ما إنت كتف في كتفي. الشباب والبنات: نقدر ع الدنيا، نقدر ع الدنيا يا صاحبي. فضلوا يغنوا ويرقصوا بسعادة. وبعد شوية خلصوا رقص، والبنات والشباب قعدوا. سيف: فين ده اللي مش عارف يا عم فارس؟ ده إنت أبهرتنا. فارس بضحك: أصلًا مش متعود أرقص. سيف بضحك: يعني أنا اللي عارف، ما كنت بهبل وخلاص. مالك بضحك: فعلًا، إحنا كنا بنهبل.

سيف بضحك: أحلى هبل ده ولا إيه؟ يوسف بضحك: مصاحب شوية مجانين والله. الشباب فضلوا يتهزروا ويضحكوا. ونور جت عليهم. نور: يوسف تعال إنت والشباب نتصور سوا. يوسف: ماشي يا قلبي. بعدين الشباب راحوا عشان يتصوروا. الشباب وقفوا جنب بعض والبنات جنب بعض واتصوروا، وكانت صورة جميلة أوي. نور: ماما زوزا، عمو محمد، تعالوا اتصوروا معانا. واتصوروا كلهم سوا. يوسف بابتسامة: يلا يا حبيبتي عشان تطفي الشمع.

وبعدين نور وقفت قدام ترابيزة كبيرة عليها حلويات كتير وكيك متزين بطريقة تجنن. سلمي وآيه وشهد كانوا واقفين من ناحية، ويوسف وسيف ومالك وفارس من ناحية. كل الموجودين والشباب والبنات غنوا أغاني عيد الميلاد، ونور مبسوطة. آيه: يلا اطفي الشمع يا نور. نور كانت هتطفي الشمع بس وقفت على صوت سلمي. سلمي: لا، اتمني حاجة الأول. نور اتمنت وبعدين طفت الشمع وقطعت الكيك. آيه: كل سنة وإنتي طيبة يا نوري، اتفضلي.

نور: وإنتي طيبة يا توتا، شكراً على الهدية يا قلبي. سلمي: كل سنة وإنتي طيبة يا قلبي، يارب تعجبك. نور: وإنتي طيبة يا سلومتي، أكيد هتعجبني يا حبيبتي. شهد: كل سنة وإنتي طيبة يا روحي، اتفضلي. نور: وإنتي طيبة يا شوشو، شكراً يا قلبي. سيف: كل سنة وإنتي طيبة يا نوري، اتفضلي. نور: وإنت طيب يا سيفو، تسلم لي. مالك: هديتك يا قمري، عام الهنا. نور: حبيبي يا مالك. فارس كان عاوز يديلها الهدية بس مكانش عارف.

وبعدين كلهم قعدوا، الشباب سوا والبنات سوا. ومحمد وزينب وهناء سوا. وبعدين آيه كانت بتوزع الكيك على الشباب. وراحت للشباب اللي كانوا قاعدين سوا. آيه: اتفضل يا حبيبي. فارس: ماشي يا قلبي. آيه: اتفضل يا باشا. يوسف بابتسامة: ماشي يا بشمهندسة. آيه بابتسامة: اتفضل يا دكتور. مالك ابتسم: شكراً يا هندسة. آيه: هو سيف فين؟ فارس: بيتكلم في الفون في البلكونة. آيه: ماشي. وبعدين آيه راحت لسيف البلكونة. كان خلص بالفون.

آيه: اتفضل يا حضرة الظابط. سيف بابتسامة: شكراً يا آيه. آيه كانت ماشية وقفت لما سيف اتكلم. سيف: آسف. رجعت بصت لسيف. آيه: على إيه؟ سيف: لما كنتي بتهزري إنتي ومالك وبقولكم بتضحكوا على إيه، حسيتك اتضايقتي. آيه: ما حصلش حاجة. سيف: أتمنى إنك ما تكونيش زعلانه مني. آيه بابتسامة: لا أبداً. سيف: تصدقي ابتسامتك حلوة. آيه بكسوف: ميرسي. بعدين آيه مشيت وروحت عند البنات وفضلوا يتكلموا سوا. نور: ما تيجوا نشرب حاجة.

آيه: أنا هجيب أنا وسلمي، وإنتي وشهد خليكم هنا. نور: ماشي. آيه: تعالي يا سلمي. سلمي: يلا. آيه وسلمي راحوا يجيبوا عصير. نور بصت لشهد: إيه يا شوشو، الكيك عاجبك؟ شهد وهي بتاكل: جداً. نور بضحك: ما واضح، ده إنتي وسختي إيدك زي الأطفال. شهد بضحك: طيب هروح الحمام وأرجع. نور: ماشي. فارس كان قاعد مع الشباب. بص على نور، شافها قاعدة لوحدها، ولقى إنها فرصة مناسبة يديلها الهدية وقرر إنه يروح لها. فارس: بعد إذنكم يا شباب.

يوسف: اتفضل يا حبيبي. وبعدين راح عند نور. فارس: نور. نور بصت له: نعم. فارس طلع علبة صغيرة متزينة بطريقة حلوة. فارس: اتفضلي. نور: إيه ده؟ فارس: شوفتها وبصراحة عجبتني، فا جبتهالك. يارب تعجبك بس. نور أخدتها من فارس. نور بابتسامة: أكيد هتعجبني. فارس ابتسم: طيب بعد إذنك. نور بابتسامة: اتفضل. فارس مشي، وآيه وسلمي راحوا لنور. آيه: اتفضلي يا ست الكل. نور بابتسامة: ميرسي يا توتا. سلمي: شهد فين؟

نور بضحك: راحت الحمام. أصلًا إنتوا مشوفتوش شكلها وهي كانت بتاكل الكيك. سلمي بضحك: عارفين الفضايح دي. شهد كانت جايه عليهم. آيه بضحك: لسه جايبين في سيرتك. شهد باستغراب: ليه؟ سلمي بضحك: أخبار الكيك إيه؟ شهد بغيظ: وأنا أقول ليه شرقت وأنا بشرب مياه؟ أتاريها عيونكم اللي جايبانا ورا. نور بضحك: متزعليش نفسك، بس ده لو عاوزة كيك تاني، أجيب لك كمان. شهد بضحك: أنا مش زعلانة خلاص، هاتي بقا. آيه بضحك: جبنالك أكل وتديكي عنيكي.

شهد بضحك: بنات أقرب ما للإنسان معدته، فبلاش قر علينا بقا. البنات ضحكوا وفضلوا يتكلموا كتير. محمد: يلا بينا يا فارس. فارس: حاضر يا بابا، هقول للبنات. هناء: ما تقعدوا شوية يا جماعة، ده إنتوا نورتونا والله. زينب بابتسامة: حبيبتي، تسلمي. مرة تانية إن شاء الله. البنات وفارس ومحمد وزينب سلموا على نور وهناء. والشباب ومشوا. نور بابتسامة: كان أحلى عيد ميلاد في حياتي. هناء بابتسامة: كل سنة يبقى أحلى إن شاء الله.

مالك بضحك: مش مصدق الأوزعة كمان كبرت سنة. نور بضحك: لا صدق، أهو الأوزعة دي كبرت سنة. سيف: بس كان عيد ميلاد تحفة، انبسطنا فيه. نور: لا بس فاجأتني انهارده وإنت بترقص. سيف بضحك: دي حاجة بسيطة بس يابنتي من اللي عندي. يوسف: طيب يلا يا أخويا إنت وهو، كل واحد على شقته. مالك: شايفه ابنك بيطردنا يا نونا. هناء: هو يقدر أصلاً. سيف بضحك: أهو نونا دي اللي ميقدرش يتكلم قدامها. يوسف بضحك: طيب يلا يا خفيف.

مالك وسيف: طيب، تصبحوا على خير. الكل: وإنتوا من أهله. ومالك وسيف كل واحد راح على شقته. نور: هدخل أنام أنا، تصبحوا على خير. يوسف وهناء: وإنتي من أهل الخير. ويوسف دخل أوضته وكمان هناء. عند نور دخلت أوضتها وقعدت على السرير وقررت تفتح الهدايا وانبسطت بيهم أوي، وبعدين فتحت الهدية اللي جابهالها فارس وعجبتها أوي، وبعدين مسكت فونها ونزلت الصورة اللي اتصورها سوا البنات والشباب على الفيسبوك وعملت لهم كلهم منشن ما عدا فارس.

نور بابتسامة: كان نفسي أعملك منشن يا فاروسة، بس مش عندي أصلًا. سكتت شوية وضحكت. نور بضحك: فاروسة إيه؟ إنتي كمان اهدي كده، خلينا في الصورة كدا. وبعدين كتبت عليها: كان أحلى عيد ميلاد بوجودكم معايا. نور بابتسامة وهي بتفتكر فارس: قد إيه كان لطيف انهارده. طيب أنا عاوزه أشوف صورة دلوقتي، أعمل إيه؟ سكتت شوية. نور: راحت عليا من عند سلمي. بعدين دخلت أكونت سلمي وشافت آخر بوست. وكان فارس عامل لايك. نور بضحك: أيوا بقى.

ودخلت أكونت فارس وفضلت تتفرج على صوره. عند سلمي وآيه، كانوا قاعدين سوا وكل واحدة جالها إشعار من الفيسبوك من نور عاملة لهم منشن وشافوا الصورة. آيه: شوفتي الصورة اللي نزلتها نور؟ سلمي: أه، ماهي عاملة منشن. آيه: دي عاملة منشن لشباب كمان. وبعدين بصت لسلمي. آيه بغمزة: جاتلك لحد عندك أهي، تتفرجي عليه براحتك. سلمي ابتسمت: خلاص بقى. آيه بضحك: إنتي بتكسفي. سلمي بابتسامة: يوووه يا توتا. آيه ابتسمت على سلمي،

وبعدين علقت لنور: وجودك في حياتنا أجمل حاجة يا قلبي. وبعدين قامت. آيه: أنا هروح أنام، مش هتنامي ولا إيه؟ سلمي وهي باصة في الفون: شوية كدا. آيه بغمزة: متسهريش كتير ها، ورانا كلية بكرة. سلمي بضحك: ماشي. آيه طلعت من أوضة سلمي وراحت أوضتها. وسلمي علقت لنور: حبيبتي، وجودك هو اللي محلي حياتنا. ودخلت أكونت يوسف وفضلت تتفرج. سلمي بهيام: قد إيه إنت جميل يا جو.

فارس كان في أوضة قاعد على السرير وماسك الفون وشاف الصورة اللي اتصورها. عند سلمي، فدخل على أكونت نور وفضلت تتفرج على صورها، كان هيدخل يكلمها بس اتردد. فارس: طيب أقولها إيه؟ أيوا، هقولها عجبتك الهدية وخلاص. بعدين بعتلها وفضل يتفرج على صورها وهو مبسوط. عند شهد، كانت واقفة في البلكونة ومشغلة أغاني. وصلها إشعار من الفيسبوك، مسكت التليفون وشافت الصورة، ابتسمت لما شافت سيف،

وعلقت لنور: وجودك في حياتنا أجمل صدفة يا نوري. وشافت أكونت سيف، دخلت عليه واتفرجت على صوره. عند مالك، كان قاعد مسك الفون وجاله إشعار من الفيسبوك من نور، ابتسم لما شاف الصورة وعلق: وجودك هو الأحلى يا أوزعة. بعدين شاف آيه معلقة، ابتسم، بعدين دخل أكونت آيه وفضل يتفرج عليه. عند سيف، كان نايم على السرير وجاله إشعار من الفيسبوك من نور، دخل ع الفيسبوك وشاف الصورة.

بعدين علق لنور: القمر اللي منور الصورة. بعدين دخل على صفحة آيه، بعتلها على الخاص: إزيك يا قمر. عند يوسف، كان خارج من الحمام ووصله إشعار. مسك الفون وشاف الصورة، ابتسم وعلق: وجودك هو أجمل حاجة في حياتي يا قلب أخوكي. بعدين شاف سلمي معلقة ودخل الأكونت بتاعها وفضل يتفرج لحد ما نام. صباح جديد على أبطالنا. يوسف كان صحي من النوم وأخد شاور وكان بيلبس هدومه والباب اتفتح وكان سيف. سيف: صباحو نعناع.

يوسف: صباحو زفت عليك. هو الباب اتعمل ليه؟ سيف: تصدق، عندك حق. يوسف: طيب الحمدلله إنك فهمت. سيف بضحك: المفروض ما كانش اتعمل. يوسف بص له بقلة حيلة: بكلم مين أنا؟ فارس بثقة: سيف باشا. يوسف: اركن الثقة دي على جنب، وانهارده ورانا شغل كتير. سيف: يا عم لما نروح الشغل يبقى نتكلم، مش هيبقا هنا. وهناكوا أخلص يا خويا، مش ليك ساعة قدام المراية، الواحد جاع. يوسف: حبيبي، وإيه الجديد؟ إنت على طول جعان. سيف: طيب يلا. يوسف: جاي وراك.

سيف مشي، ويوسف كان بيكمل لبس. سيف قعد على السفرة. سيف بصوت عالي: إيه يا نونا؟ هناء وهي طالعة من المطبخ: خلاص يا حبيبي، أهو. سيف: محدش في البيت ده ليه مش طالع من أوضته ابنك؟ ليه ساعة قدام المراية؟ والبت نور فين؟ هناء قعدت هي كمان. هناء: بتلبس جوا. سيف: طيب ناوليني عيش. هناء: اتفضل يا حبيبي. سيف أخد العيش وفضل ياكل. هناء: عجبك الأكل؟ سيف: الله عليكي يا نونا، إنتي بتسأليني؟ ده أنا قربت أخلص الأكل.

هناء بابتسامة: بالهنا على قلبك يا حبيبي. سيف بضحك: حبيبتي يا نونا. والباب خبط، وهناء قامت تفتح وكان مالك. مالك: صباح الخير يا نونا. هناء: صباح الخير يا حبيبتي. مالك بص على سيف: إنت كنت بايت هنا ولا إيه؟ سيف: صباح الخير يا عم. مالك قعد جنب سيف. مالك: طيب خف شوية لتشرق من كتر الأكل. سيف: بعد عيونك، إنت وأنا هبقى زي الفل. يوسف خرج من أوضته وقعد معاهم. يوسف: صباح الخير. الكل: صباح النور. يوسف: إحنا هنحسب إقامتك هنا.

سيف وقف أكل. سيف: طيب والله البيت ده ما له حس من غيري، مش كده يا نونا؟ هناء بضحك: ده أكيد يا حبيبي. نور جت وقعدت معاهم. نور: صباح الورد. الكل: صباح الفل. نور: ماله صوت سيف عالي كده؟ مالك بضحك: ده سيف اتحمق شوية بس. نور بضحك: ليه؟ إيه حصل؟ مالك بضحك: كالعادة، يوسف بينكش في سيف. نور بضحك: طيب بطلو تنكشوا في بعض دلوقتي عشان توصلوني الكلية. سيف: أنا كنت قاعد في حالي بفطر، وأخوكي اللي بينكش فيا.

يوسف: طيب افطر وانت ساكت عشان ورانا شغل. مالك: ياريت تاخدوني معاكم. يوسف بهزار: هو مش كل واحد منكم معاه عربية؟ مالك وسيف في صوت واحد: عشان بنحبك يا جو. نور بضحك: ده إنتوا طلعتوا مصلحجية. هناء: كفاية كلام يا لمضة، وإنتوا كدا هتتأخروا على شغلكم. آيه كانت خارجة من الأوضة وزينب كانت بتحط الفطار على السفرة. آيه: صباح الخير يا ماما. زينب: صباح الخير يا حبيبتي. آيه: أساعدك؟ زينب: لا يا حبيبتي، روحي شوفي سلمي اتاخرت ليه.

آيه: حاضر يا ماما. آيه راحت لأوضة سلمي، وزينب كانت خلصت تجهيز فطار ومحمد خرج من الأوضة. محمد: صباح الخير يا حبيبتي. زينب: صباح النور يا حبيبي، اقعد أفطر يلا. محمد قعد. محمد: حاضر.. أمال فارس والبنات فين؟ زينب: آيه فاقت وقولتلها تشوف سلمي، وأنا هروح أشوف فارس. محمد: ماشي يا حبيبتي. زينب راحت أوضة فارس وخبطت. فارس: ادخل. زينب بابتسامة: إنت خلصت لبس؟ كنت فاكرك لسه نايم. فارس بابتسامة: لا يا زوزا، أهو خلصت.

زينب: طيب يلا عشان نفطر. فارس: حاضر، جاي وراكي يا حبيبتي. زينب بابتسامة: ماشي يا حبيبي. وبعدين زينب خرجت، وبعد شوية فارس خرج. عند آيه، دخلت أوضة سلمي لقيتها ماسكة الفون ومبلومة. آيه باستغراب: مالك مبلومة كده ليه؟