رواية عار بلا داعي الفصل الخامس 5 - بقلم منصور سيد

ولم تكمل سلمى كلامها، سقطت سالي فجأة على الأرض مغمى عليها. حاولت سلمى إفاقتها ولكن دون جدوى، فوضعتها على السرير وذهبت لتحضر لها طبيبًا. عندما أتى الطبيب وكشف عليها، وجدها حاملًا وفي حالة إعياء شديدة. فسأل الطبيب سلمى: مين السبب في الحالة اللي هي فيها دي؟ واضح إنها تعرضت للضرب وتحملت كثيرًا. سلمى: آه فعلًا يا دكتور، هي اتعرضت لظروف صعبة أوي وسبحان اللي كان موقفها على رجليها كل الوقت ده.

الطبيب: بس كده كان ممكن الحمل ينتهي ودي كانت هتبقى جريمة. سلمى: لا أبدًا يا دكتور مش لدرجة جريمة، ده خلاف بينها وبين زوجها، إن شاء الله خير وإحنا مش عاوزين شوشرة. المهم هي هتكون كويسة وحالة الجنين كويسة؟ الطبيب: إن شاء الله. المهم الراحة التامة والأدوية اللي هكتبها دي، وبلاش تتعرض لأي ضغوطات أو زعل. سلمى: إن شاء الله يا دكتور، بس هي هتفضل نايمة كده كتير؟ الطبيب: شوية كده عشان الحقنة اللي ادهالها.

غادر الدكتور، ودخلت سلمى غرفة أخرى بشقتها ونامت بعد أن اطمأنت عليها. في منتصف الليل، وجدت سلمى سالي أمامها توقظها وتقول لها: قومي معايا، أنا لازم أروح الشقة اللي روحتها دي تاني، لازم أشوف حد من اللي كان فيها. نظرت سلمى في الساعة: تروحي فين دلوقتي يا سالي؟ أنتي عارفة الساعة كام؟

ده إحنا في منتصف الليل. وبعدين ما أنا روحت الشقة وموجدتش حد فيها. استهدي بالله وارجعي نامي، أنتي تعبانة والدكتور قال لازم ترتاحي. واللي أظن أنك متعرفهوش أنك حامل. سالي: إيه، حامل كمان؟ وضعت يدها على بطنها وقالت: تفتكري حازم هيعترف بالجنين ده؟ سلمى: أنتي بتقولي إيه؟ أكيد طبعًا، وإيه اللي مش هيخليه يعترف بيه؟ أنتي زوجته يا بنتي وعلى ذمته، هيعترف ولو غصب عنه. سالي: يعني مش عارفة إيه اللي ممكن يخليه مش هيعترف.

سلمى: عارفة يا ستي وفاهمة تقصدي إيه بس... سيبها على الله، روحي نامي بس دلوقتي وربك يحلها. رجعت سالي الغرفة اللي كانت راقدة فيها، وفضلت قاعدة على السرير تفكر في اللي حصل ليها لحد ما راحت في النوم. استيقظت سالي الصبح على صوت رجل بالخارج يتحدث مع سلمى. قامت سالي وخرجت فوجدت.