رواية عار بلا داعي الفصل الثالث 3 - بقلم منصور سيد

وفعلًا ذهبت إليها، ولكن عندما وصلت كانت المفاجأة الغريبة. فعندما وصلت إلى شقتها وفتحت لها صديقتها، فبمجرد أن فتحت صرخت بها وظلت تبكي، وقالت لها: "إيه اللي أنتِ عملتيه فيا ده؟ منك لله، خربتي بيتي وطلعتيني خاينة". وظلت تضرب فيها. وصديقتها مذهولة ومش فاهمة أي حاجة، كل اللي عملته إنها مسكت إيدها وقالت لها: "مالك يا سالي؟ أنتِ اتجننتي ولا إيه؟ أنا مش فاهمة أي حاجة، فهميني إيه اللي حصل؟ سالي: "أنتِ هتستعبطي يا سلمى؟

إيه نسيتي الرسالة اللي بعتيها لي إنك عاوزاني أقابلك ضروري في العنوان اللي بعتيه لي عشان أنتِ واقعة في ورطة هناك، وإن أجيب معايا فلوس؟ ده أنا حتى فضلت أرن عليكي بعدها عشان أفهم في إيه ومالك، لقيت تليفونك مغلق، فاضطريت أجيلك على العنوان اللي بعتيه زي ما بعتِ لي خوفًا عليكي، وجريت زي الهبلة على العنوان زي ما طلبتي مني. ولما وصلت الشقة اللي كانت في العنوان وفتحت لي واحدة سألتها عنك،

قالت لي: أيوه هنا هدخل وهبعتهالك حالا، ودخلت ومخرجتش. واتفاجئت بحازم جوزي هو اللي واقف على الباب ودخل، ولما شاف منظر الراجل اللي فتح له عاري وأنا معاه في الشقة واقفة خلفه، اتجنن ودفع الراجل وجرني من شعري ونزل فيا ضرب زي الساقطة لحد ما سقطت على الأرض وسابني ومشي. وأنا فضلت أجرى خلفه عشان أفهمه، بس هو كل ما أقرب منه يفضل يضرب فيا ويسب فيا لحد ما أسقط منه على الأرض. منك لله، عملتِ فيا كده ليه؟

أنا عملت فيكي إيه عشان تعملي فيا كده؟ سلمى: "رسالة إيه اللي بعتها لك؟ وكان إمتى الكلام ده؟ أنا تليفوني ضايع من بعد آخر مرة كنت معاكم أنتِ وجوزك، ده أنا حتى رجعت وقتها ليكم أسألكم عنه، وقتها قابلت جوزك وقال لي: لا أبدًا ما فيش حاجة هنا، ده أنا حتى مش عارفة أوقف الخط لحد دلوقتِ عشان باسم أخويا وأخويا مسافر." سالي: "تليفونك ضايع منك إزاي؟ أمال مين اللي بعت لي الرسالة دي وعمل فيا كده ليه؟

وعارف منين إننا أصحاب وإن مجرد ما يبعت لي الرسالة دي إني هروح؟ وعمل كل ده ليه وكان عاوز إيه؟ سلمى: "مش عارفة، يمكن يكون اللي سرق التليفون كان هدفه يسرقك، وعشان كده طلب إنك تيجي ومعاكي فلوس." سالي: "طب ومين اللي قال لجوزي وإزاي جه ورايا؟ سلمى: "يمكن كان...