رواية عاشقان الروح الفصل الثاني عشر 12 - بقلم يمنى الباسل

ظلت معاه طوال الليل تضع له الكمدات لتتخفض درجة حرارته. بعد أن أخرج الحارس الرصاصة، ظلت تبكي بحرقة عليه خوفًا من فقدانه. ليفتح عينه ببطء وينظر لها ليطمئنها. عدي بتعب وهن: أنا معاكي، متخفيش. ثم وضع رأسه على قدمها لينام. وهي ظلت ترتل له القرآن بسور قد حفظتها في صغرها من صديقها. وهو ظل طول الليل يخترف باسمها ويقبض على كفها بقوة. عند بيلا بعد ما روحت.

فضلت تعيط بقوة على اللي حصل معاها. كانت فكرة إنسان محترم. حتى والده لما حكالها ماقالهاش إنه بالهمجية دي. كرهته جدًا بعد أسلوبه ده. حتى لما فكرت في كلام والده وإنها هتوافق، لقيت نفسها بترخص نفسها لما هتدخل في العلاقة دي. وقررت إنها هتسيب الشغل وتشتغل في حتة تانية أو ترجع الكلية. بس هي كل اللي عايزاه إنها تبعد عنه عشان متفتكرش اللي حصل، اللي مهما حصل هتفضل فكرة. أما بقى عبد الرحمن بعد ما روح.

فضل يأنب نفسه إنه إزاي عمل كدا معاها. أو أصلًا يكون في بنت معندهاش علاقات في حياتها. أو هو لما بيكون عايز واحدة بيخدها ومفيش حاجة بتقف قدامه. بس هي مختلفة، مختلفة جدًا غير أي واحدة. اللي تحافظ على نفسها ولبسها وقيمتها. أنا مستحيل أفرط فيها. وفكر إنه أخت صاحبه. الكلمة اللي كانت غايبة عنه إنها أخت مصطفى اللي أخلاقه بيضرب بيها المثل. وهي مش هتقل عنه خالص. وعزم على تنفيذ قراره مهما كلفه الأمر. أما بقى ملك ومصطفى.

علاقتهم رجعت تاني بعد ما اعترفوا لبعض بحبهم. وهو عزم على تغييرها وخصوصًا إنها تصدق كل كلمة هو بيقولها وتحذراته لازم تتعمل. وهي عزمت على عدم خسارته مرة تاني. هتحاول تعمل أي حاجة بس يفضل معاها. مش عايزة تدمر تاني في بعده. في صباح يوم جديد. في قصر كريم العمري. أية: انت ي عم. يصحوا كريم على صوتها وينظر لها بحب. كريم: صباح الخير يا حبيبتي. أية: حبيبتك في عينك. ابعد عني. كريم بعدم فهم: ابعد عنك إزاي؟

أية: ي عم أنت مكتفني أوي. هو أنا ههرب منك؟ كريم: ههههه. إيه مكتفك دي. دا اسمه. لتقاطع كلامه. أية: أيوه اسمه إيه؟ اخلص قول. كريم: ما أنا بقول أهوه. أية: طيب ما تقول. انجز. كريم: طيب. أية: بسرعة. كريم بغضب: ما تنبس بقى. بالعة راديو. مش عارف أقول كلمتين على بعض. إنتي عندك رد على كل حاجة. اسكت. أية بخوف: طيب. حاضرة. كريم بتنهيدة: حقك عليا يا عروسة. أية بابتسامة: ولا يهمك.

كريم بخبث: الأ قوليلى. هو في حد لما بيصحى بيبقى حلو كدا الصبح؟ أية بعدم فهم: ها. كدا إزاي يعني. لما يعطيها رداً سوا أنه سحبها معه لدنيته الخاصة به. في شركة أدهم المنشاوي. أدهم بعصبية: يعني إيه اللي بتقوله دا ي حسن. حسن: يا باشا زي ما بقولك كدا. البت تبع الحكومة. وكمان مش من الحكومة بس. دي تبع عدي الجارحي نفسه. أدهم: وإيه اللي جاب عدي الجارحي للحكومة. حسن: ياباشا دا اسمه النسر. عدي الجارحي.

أدهم بفهم: يعني النسر هو عدي الجارحي. حسن: بالظبط يا باشا. أدهم بغضب ووقع كل اللي على المكتب في الأرض. أدهم: يعني كل دا يطلع من عدي الجارحي. وديني ما أنا راحمه. ليقطعه رنين هاتفه. أدهم: هات اللي عند انت كمان. خلصت عليها. الرجل بخوف: لا يا باشا. كانت مع عدي الجارحي وهو اللي خد الرصاصة بدالها.

أدهم بغضب: إنتوا إيه. رجالة بهايم. ببعتكم أي مكان تنهوا اللي بطلبه منكم. أنما حتت بنت مش عارفة أقتلها. معاك 48 ساعة. خبرها يبقى عندي. فاهم. يا ما هندمكم واحد واحد. وعدي مات ولا عايش. الرجل بارتباك: عايش. أدهم بغضب: عايش إزاي. الرجل: الرصاصة جات في كتفه بس. أدهم: غور. نفذ اللي قولتلك عليها. وياك تفلت منك النهاردة عشان مش هرحمك المرادي. ليسمع طرقات على الباب. رانيا: الجرايد ي ادهم بيه. أدهم: سيبها على المكتب.

رانيا: يا ادهم بيه فيها خبر مهم. أدهم بغضب: بلا خير بلا زفت. غورى انتي كمان. لتخرج سريعًا. ليلمح اسم عدي الجارحي. ليقرأ الخبر سريعًا. عن خطبة عدي الجارحي من فتاة لا أحد يعلم هويتها سواه. اسمها يمنى الأمير. أدهم: بقى اتنين حبيبة. هي الحكاية كدا. أدهم بتهديد: أخلص منها وأفضالك يا بن الجارحي. في قصر عدي الجارحي. حلم نفس الحلم إنها بتقع من المرجحة ومش عارفة ينقذها. ليستيقظ سريعًا ينادي باسمها. عدي بخوف ولهفة: يمنى.

يمنى بخوف عليه: عدي. اهدى. أهو أنا معاك. ليتطلع لها حتى هدأ خفقان قلبه. ليضمها له بقوة. عدي: إنتي كويسة ي حبيبتي. لتبتسم على كلمته. حتى وهو مصاب يهتم بحالها. يمنى بابتسامة: أنا يبقى كويسة طول ما أنا معاك. ليبتعد عنها وينظر في عينها. وهي تسرح في عسليتها التي تسحبها بقوة له. ليعود لوضع النوم ويسحبه لاحضانه حتى تطمئن روحه وقلبه. يمنى بخجل: عدي مينفعش كدا.

عدي: لا ينفع. طول ما أنا معاكي. أي حاجة تنفع. يالا نامي. شكلك منمتيش طول الليل. الإرهاق باين عليكي. كمان دموعك منشفتش. وظل يجفف دموعها. لتتنهد بعمق. يمنى: تعرف أنا حاسة بالأمان وأنا في حضنك. كنت كل ليلة ليلة بحس بيه. وانهاردة أنا كنت محتاجاه أوي. ليضمها بقوة. عدي: اهدى. حضني ليكي دايما. ملهوش وقت معين. وقت إنتي تحبي تاخدك في حضني هتلاقيني فتحالك. عشان هو اتخلق ليكي إنتي بس ي يمنى. يمنى: تعرف ي عدي.

عدي: عرفيني ي حبيبتي. يمنى وهي تضغط على التيشرت الخاص به. يمنى: أنا بحبك أوي ي عدي. عدي بتنهيدة: يااااااااااه. أخيرًا سمعتها. يمنى: إيه. هو إنت كمان مستنيها. عدي: جدًااااا. ليقبل رأسها بعمق. وأنا بعشق بجنون ي يمنى. لتبتسم بشدة. وكأن الفرح عرف طريقه لقلبه. ليميل عليها يقبلها بشغف. وبعدها يحتضنها بقوة لتغفو سريعًا. وهو يتأملها ويحمد ربه على نعمة وجودها في حياته. حتى نام. في مكتب عمر المصري. بعد أن وضعت الورقة أمامه.

عمر: إيه دا ي بيلا. بيلا: استقالتي. عمر: ليه ي بنتي. حصل إيه. بيلا: محصلش حضرتك حاجة. أنا مش حابه أكمل. هرجع الكلية تاني. عمر: إزاي وإنتي مش حباه. لتظل واقفة دون رد. فقرب منها. عمر: إنتي مش عايزة تكملي عشان اللي قولتهولك عن عبد الرحمن. لتتنهد بعمق. بيلا: معلش. أنا مش هقدر أكمل. ليعلم جيدًا أن ابنه فعل معناها شيئًا. لأنه يعلمه جيدًا.

عمر: أوك. بس بعد ما القضية دي تخلص. دي قضية مهمة جدًا. واللي هيتعدم فيها مظلوم. وإنتي اللي هتدفعي عنه مش أنا. بيلا بفرحة: إيه بجد. أنا هنزل المحكمة وهمسك قضية كبيرة. عمر: يالا على مكتبك. وريني شطارتك بقى. بعد أن خرجت. شخص ما يسحبها الأسانسير بقوة. بيلا بعصبية: أنت مجنون. إنت إزاي تعمل كدا. وإزاي تحط إيدك عليا. عبد الرحمن: أمال عايزاني أعمل إيه. أنا معنديش مانع أعمل أي حاجة. لتضربه في صدره بقوة.

بيلا: إنت قليل الأدب ووقح كمان. عبد الرحمن باستفزاز: إيه. لسه واخده بالك ي حلوة. بيلا: حلوة في عينك. الزم حدودك. وإياك تلمسني تاني. وبعد كدا عندي شغل. مسك يدها بقوة ويرجعها للخلف فحاصرها. لتضع يدها بتلقائية على شفتيها. عبد الرحمن: متخفيش. مأجلها شوية. جهزي نفسك. هاجي أطلبه بكرة ي عروسة. وبتحذير: وعارفة لو فكرتي إنك ترفضي. هخطفك والقانون بقى هيجوزك غصب عنك ليا. وساعتها أنا هفكر أتجاوزك أو لأ. لتنظر له بصدمة.

بيلا: إنت بتقول إيه. إنت أكيد مجنون. عبد الرحمن: طبعًا. بقيت مجنون بيكي. لينفتح الأسانسير وهو يرحل. عبد الرحمن بغمزة: جهزي نفسك بكرة. ويا ريت تلبسي فستان أزرق. عشان أول مرة شوفتك بيه. وكمان لوني المفضل. ليتركها منصدمة ويرحل. لتهمس لنفسها: دا كيد مجنون. لتبتسم بقوة على أفعاله. وترحل لعملها. في بيت شاهي.

شاهي بعصبية وشر: خطب إزاي. ومين دي اللي خطبها بقى. دي اللي يسيب جمالي عشان واحدة معندهاش ذرة جمال. وقريب منها إزاي كدا. دا أنا لما بكلمه بيبعد عني مسافة كبيرة. حتى مش بيخليني ألمسه. هو ماسك إيديها. هي إيه فيها يجذبه ليها. وأنا إيه فيا غلط عشان ميعبرنيش. طيب ي عدي. أنا سكت كتير. بس لأ. لحد كدا وكفايا. إنت ليا. والثروة بتاعتك كلها ليا. لو اضطريت إني أقتلك لو ماطلتش حاجة منها. في قصر كريم العمري.

أية بغضب: ممكن تبعد عني وتسبني. كريم: إنتي بتحلمي إني أسيبك. أية: كريم. أنا مجنونة. وإنت عارف. فسبني أحسن ليك. كريم باستفزاز: ولو مسبتكيش هتعملي إيه. أية بتفكير: هاااااا. أه. هتصل بعدي وهو يخليك تبعد عني. كريم: عدي. طيب تعالي. أية بتوسل: لا ونبي مش هكلمه. بس ابعد. والله جعانة أوي ي كريم. مش قادرة. ما أكلتش من امبارح. عشان خاطري. اكلني. كريم: معلش ي حبيبتي. والله نسيت. أية بغضب: تنسى إيه. إنت مش جعان.

كريم بتوهان: هو اللي يبقى معاكي ي أية. يجوع أصلًا. أية بخجل وهي تبعده عنها: طيب يالا قوم. اكلني. كريم: بس كدا. عينيا يالا. في المطبخ. كريم: ها. هتاكلي إيه. أية بتفكير: بيتزا. كريم: نعم يختي. أعمل بيتزا إزاي دلوقتي. ومفيش خدم. شوفى حاجة تانية. أية: اممممممم. طيب إنت بتعرف تعمل إيه. كريم: أنا آخرى أقلّي بيض. أية بتهمكم: بيض. وبحزن مصطنع: اااة ي عدي. ااااة ي خويا. قولتلي إنه فاشل. بس مش لدراجادي.

كريم بغضب: بقى هو قالك كدا. بس أما أشوفه. وإنتي شملولة قوي. تعالي إنتي. أعملي. ووريني شطارتك بقى. أية بخضة وارتباك: هاااا. أنا. كريم: أيوه إنتي. وبتسليه: ااااااة. نسيت. أمي قالتلي إنك خايبة في كل حاجة. أية بغضب: بقى ماما قولتي كدا. على فكرة أنا بعرف أعمل مكرونة وبانيه. كريم بسخرية: بعرف أعمل مكرونة وبانيه. حد قالك هنعيش عليهم. أية بدموع: طيب ي كريم. هتعلم. أعملك كل حاجة.

ليتسم على أثر جملتها. وقترب منها. حاضن وجهها بين يديه. كريم بحب: وأنا كمان ي حبيبتي. هتعلم معاكي. لتحتضنه. أية بفرحة: بجد ي كريم. كريم: بجد ي قلب كريم. كريم بغمزة: وانجزى. اعملي المكرونة والبانيه. بدل ما نطلع الجناح. ومش هتنزل. ما تعملي قرده. أية: على فكرة إنت قليل الأدب. وأنا مكنتش أعرف عنك كدا. كريم: هو إنتي لسه شوفتي حاجة. إحنا لسه بنقول يهادي. في قصر عدي الجارحي.

استيقظت يمنى ولم تجده. ظلت تبحث عنه كثير. لتسمع صوت صفرته. تتجه لمصدر الصوت. يمنى بخوف: عدي. إنت إزاي تقوم وإنت تعبان. صمتت سريعًا وتضع يدها على وجهها. بعد أن رأته عارياً بفوطة حول خصره فقط. يمنى بصدمة: أنا آسفة. مكنتش أعرف إنك بتستحمى. جاءت لترحل. فامسكه يديها. وقربه منه. يخفق قلبه بشدة. وتغمض عينها بقوة. عدي بتسلية: مكنتش أعرف إنك تتكسفي كدا. يمنى: عدي. سبني أخرج. أرجوك. عدي: لا. مش هسيبك.

ليسحبه لاحضانه. ويتلذذ في النظر لخجلها. عدي: تعرفي شكلك حلو وإنتي صاحية من النوم. وهي لم تعد قدمها تتحمل الوقوف. يمنى وهي تضع يدها على صدره لتبعده: عدي. ابعد من فضلك. عدي: هبعد. بس بشرط. ليفتح عينيها سريعًا. يمنى: إيه هو. أنا موافقة. بس تبعد. عدي: هههههههه. جهزي لي هدوم من الركنية اللي على الشمال. وتركها لتجري بسرعة البرق. تتخفى عن أنظاره. عدي: هههههههههههه. مجنونتي. في غرفة الملابس.

ظلت خفقان القلب يعلو. إلى أن هدأ. وجهزت له الملابس سريعًا. أخرجت بسرعة من الجناح. لمحها وهي تجري. وظل يضحك بقوة على أفعاله. ليخرج من الجناح بعد أن ارتدى ملابسه. على رائحة تجذبه بشدة إلى المطبخ. كانت تعد له الطعام. بعد رفضها للخدم بإعداده. ليدخل المطبخ بهدوء. يشاور للخدم بالخروج. وقترب منها. يمنى وهي مندمجة: اوعى تفكر تقرب. عدي: وإنتي بقى عرفتي إنّي هنا إزاي. يمنى: من رائحة البرفيوم.

عدي: امممم. طيب يعني لو مش حاطط برفان مش هتعرفيني. يمنى بتلقائية: لا. هعرفك. عدي: امممم. أما نشوف بقى. يالا اطلعي غيري هدومك. ومينفعش تفضلي بيهم أكتر من كدا. يمنى: بس أنا مش معايا هدوم هنا. عدي: هتلاقي هدوم على السرير في الجناح. البسيها. وتعالي. وأنا هكمل الأكل. يمنى بتساؤل: وإنت جبتها إمتى الهدوم. والاكل إزاي هتكمله. إنت بتعرف تطبخ.

عدي: أول ما صحيت بعت ع الـ application بالحاجة اللي عايزها. وجات الحرس استلمها وطلعهالي. أما بقى الأكل فدا هوايتي المفضلة. يمنى بإعجاب: ماشاء الله. عدي: يالا بقى. اطلعى. يمنى: حاضر. ورحلت. ليبتسم على كلامها. ويعد باقي الطعام. في مكتب مصطفى. كان يعمل بتركيز. مصطفى بخضة: إيه إيه. ي بني بتدخل كدا ليه. خضتني. عبد الرحمن بدون مقدمات: أنا عايز أتـجوز أختك. وبكرة أجي أكتب الكتاب. مصطفى ظل يتطلع له. حتى انفجر من الضحك.

عبد الرحمن: مش بقول حاجة تضحك. مصطفى بعد أن تملك ذاته: وإنت عايز تتجوزها ليه بقى. عبد الرحمن بارتباك: إيه يعني. مصطفى بجدية: يعني إيه. ولا إنت فاكر عشان بتعاملك بحدود. وموقفاك عند حدك. ووقفت قصادك وتتحداك. يبقى تتجوزها. لا ي صاحبي. إنت شايفها نوع جديد مش أكتر. وعايز تجربه. بس بطرق تانية. بس أنا آسف. مقدرش أرمي أختي في النار بإيدي. عشان نزوة من صاحبي. هتاخد وقتها وتنتهي.

عبد الرحمن: أنا لا يمكن أعمل كدا فيها. أنا حبيتها. هي فوقتني عن حاجات كتير مكنتش شايفها. أنا من يوم ما شوفتها. وأنا بطلت كل اللي بعمله. بقيت كاره ومش عايز أعمله. وبقيت أصلي معاك. إنت مش واخد بالك إني اتغيرت. بس معرفتش سببه إيه. غير لما شوفت خوفي لما أغم عليها في المكتب. وقتها فعلًا قلبي كان هيتخلع من مكانه. نسيت الذكرى اللي كنت عايش عليها. لدرجة إني مش بفتكره أصلًا. ولا كاني مرت بيها في حياتي. صدقتى ي مصطفى. أنا من غير بيلا ولا حاجة.

مصطفى بتفكير: طيب. أنا هكلم الحج انهارده. وأرد عليك بكرة. عبد الرحمن بتنهيدة: إن شاء الله. في قصر الجارحي. في الجناح. يمنى بعد ما غيرت هدومها. فضلت ماسكة الفستان. ودموعها بتنزل بغزارة. وهو قلق من تأخيرها. وطلع يشوفها. حاسس فيها حاجة. هي اللي أخرتها. فقرب منها. عدي بخوف: فيه إيه ي حبيبتي. مالك. إيه حصل. وماسكة الفستان كدا ليه.

يمنى: شوفت. أول لما فكرت ألبس لون غير الأسود. شوف الأبيض بقى لونه إيه. لونه دم. مش أي دم. دمك إنت. الدنيا مستكتره عليا أفرح يوم واحد بجد من قلبي. وأنسى كل حياتي. بس إزاي. أتجاهلها كدا. فإذتني فيك ي عدي. إذتني فيك. عشان كدا أنا حياتي سودة. أخرج منها عشان متتإذيش بسببى. أنا مش حمل أي صدمات أو فقد في حياتي والله. ليضمه له بقوة. ويقسم على نسف أي حاجة تأذيها.

عدي: اهدى ي حبيبتي. مش لازم كل اللي بيحصل تربطيه لنفسك. ووجودك معايا. حتى برضه متربطيهوش بحياتك. عايزك تنسي حياتك كلها. متفتكريش غير الوقت اللي عرفتيني فيه. هو دا ميلادك الحقيقي ي حبيبتي. وأوعدك. أنا هنسيك كل دا. بس مش هسمحلك تخرجي من حياتي. أو أنا أخرج من حياتك. عارفة ليه. لتنظر تود أن تعرف السبب. عدي: عشان إنتي روحي. وأنا مقدرش أعيش من غيرك. وإنتي كمان. أنا روحي. وتقدرش تعيش من غيري.

لتحتضنه بقوة. وتتشبص به. لأنه مناجاتها الوحيد. عدي: جهزي نفسك. فرحنا بعد أسبوع. يمنى بصدمة: إيه. أسبوع. عدي: أيوه. أنا مش قادر أبعد عنك. وإنتي تبقي في مكان. وأنا في مكان. عايزك في قصري وجناحي ي يمنى. عايزة معايه وجنبي. يمنى: أيوه. بس أنا مش جاهزة. يعني لسه مجهزتش. عدي بعدم فهم: تتجهزي إزاي يعني. يمنى: يعني إحنا عندنا العروسة بيبقى عليها حاجات تيجيها. والعريس برد كدا.

عدي: إزاي يعني. قصدك على الهدوم. زي أية ما جابت. وإنتي عملتي لها. يمنى: أه. وكمان عليا المطبخ وكل الأجهزة الكهربائية. عدي: إيه اللي بتقوليه دا. انسى كل دا. القصر فيه كل حاجة. يعني هو بيتك. عايز تضيفي فيه. أو تغيري. زي ما تحبي. يمنى: أنسي إزاي. مينفعش. عدي بحب: أنا مش عايز غيرك ي يمنى. يعني متفكريش في حاجة. ماشية. لتبتسم له بقوة. وهو يقبل رأسها. عدي: يالا بقى ناكل. ونروح القصر. يمنى: لا. أنا هرجع. كفايا كدا.

عدي بإصرار: لا. هتيجي معايا. يمنى: خليني أروح كمان. عايزة أتكلم مع دكتور عبد الحميد. وأقعد شوية معاهم. قبل ما أنشغل. عدي: لا ي يمنى. خليهم هما ياجوا القصر في أي وقت. دا بيتك. يمنى: لا. إزاي ي عدي. عدي بغموض: لا. مش هتروحي. يمنى: لو قولتلك عشان خاطري عندك. هتخليني أروح. عدي: طيب. روحي. بس الحرس معاكي. وتكلميني كل شوية. يمنى بفرحة: حاضر. في شرم الشيخ. صافي وجون في الجناح. وجالها تلفون. وقامت ترد.

صافي: كل تمام. مش باقي غير التنفيذ يا باشا. أدهم: برافوا عليكي. بقولك. عدي الجارحي خطب. صافي بصدمة: إيه. خطب مين. أو عو يكون شاهي. أدهم: لا. وحدة عندي في الشركة. صافي: إيه. وإنت عرفت إزاي. أدهم بتهكم: عرفت إزاي دا مصر كلها عرفت. إنتي مقرتيش جرايد انهاردة ولا إيه. دا عدي حدث حديث البلد. صافي: هو دائمًا حديث البلد. وإنت عارف. استنى هشوف. وبصدمة. لا مش معقول. يمنى أختي. أدهم بصدمة: إيه. أختك. إزاي.

وبعصبية: إنتي كمان بتبعتيني. صافي: اهدى. أنا مشفتهاش من زمان. من وقت ما عمري كان 8 سنين. وشفتها من سنتين. لما روحت أزور أمي. بس دي هبلة. وصلت لعدي الجارحي إزاي. أدهم: ما واضح. الأمورة زيك. صافي: لا طبعًا. هي محترمة. وملهاش في الشمال. أدهم: ليها أو ملهاش. أنا هقتلها بكرة. صافي: اقتلها. ملهاش لازمة. ما أنا مش هسيبها تتهنى بفلوس الجارحي أبدًا. وهحاول معاه تاني. أدهم: تعجبيني ي صافي. جهزي نفسك. جيلك قريب.

صافي: تنور ي حبيبي. هتيجي تمضي على طول. الحوار مترجم. جون: بتكلمني مين. صافي: أخويا. جون: وأخوكي يعرف إنك معايا. صافي: طبعًا. مهو شريكك الجديد. جون: أيوه. بس أنا خايف من عدي الجارحي. صافي بدلع: متخافش. أنا معاك ي حبيبي. تعالى بقى. ههههههههه.