رواية عاشقه لروح السليم الفصل العشرون 20 - بقلم اسيل باسم

كانت بتبص للشبه اللي بينهم بحزن شديد، حتى الابتسامة نفسها، كل حاجة بتقولها إنه ده ابن سليم وجميلة. رفعت لها جميلة حاجبها بشماتة. جاء مراد وهو بيبص لأبوه بجمود ولجاسر ببرود. مراد ببرود: "حمد الله على السلامة سليم بيه." سليم: "الله يسلمك." مراد لروح: "يلا بينا ي ماما." بصتله بمعني إنها مش عايزة تروح، بس هو سحبها من إيدها. وصلوا البيت وكان متعصب أوي. مراد: "هو مش فاكرك ي ماما، عايزة تفضلي معاه ليه؟

"هو دلوقتي فاكر نفسه متجوز الست اللي كانت سبب في طلاقك انتي وهو! "هو مش فاكر من دماغه، هو معتش جوزك، هو... قلم نزل على وجه مراد، لف وبص لأمه بصدمة. روح بغضب: "اللي بتتكلم عنه ده يبقى أبوك وجوزي، فاهم؟ هو جوزي وفاكرني ولا نسيني، هو جوزي وهيفضل جوزي طول العمر." "إنت لازم تفهم إنه مهما حصل مش هسيبه وهفضل وراه لحد ما يفتكرني." حطت إيدها على راسها بتعب ودموعها بتجري بصمت.

قبض مراد على إيده بغضب واضايق أوي لما شافها بتبكي، وراها خرج من البيت كأنه الشياطين بتلحقه. ... دخل زين عند سليم بابتسامة جميلة لصاحبه بس. سليم: "اتأخرت أوي ي زين." "لو بس تعرف اللي حصل." زين باستغراب: "هو إيه اللي حصل؟ حكاله سليم، وبعدها: "هو فعلاً إنت اتجوزت السكرتيرة بتاعتك ي زين؟ زين بهدوء: "آه اتجوزتها." سليم: "ليه؟ مش كنت بتحب صاحبتها؟ زين: "اكتشفت إنه كان مجرد إعجاب، وهي كانت بتحب حد تاني."

سليم: "أبو ابنها مش كده؟ زين: "هو مراد جه هنا؟ سليم: "معرفش اسمه إيه بس كان شكله غريب ومتعصب، خدها بسرعة وراح." ثم أردف بفضول: "و... أبو ابنها فين؟ زين بابتسامة واسعة: "سافر عنده شغل برا البلد، فبيضطر يسافر كل فترة." سليم: "ومالك مبسوط أوي كده؟ قاطع كلامهم دخول العقربة جميلة. "إيه ده، زين باشا بنفسه هنا." زين بحنق: "اللهم طولك ي روح." ثم لسليم: "أنا هخرج أتكلم مع دكتور وأسأله يخرجكم إمتى، أصل الجو اتخنق فجأة."

وبعدها خرج علطول وهو بيبص لجميلة باحتقار، وجميلة بتبصله بغضب. سليم وهو بيبوس إيدها: "مالك ي حبيبتي زعلانة ليه بس؟ جميلة بحزن مصطنع: "زعلانة عشان جاسر ي حبيبي." "أصل انت قبل الحادثة كنت هتكتب لجاسر نص أملاكك وكنت هتسلمه إدارة الشركة." جميلة بخبث: "ما انت قولت إنك خلاص تعبت من إدارة الشركة وناوي تتقاعد ونطلع أنا وانت شهر عسل تاني وتعوضني على إهمالك ليا بعد جوازنا."

"وبصراحة كده يعني جاسر كان مقرر يتجوز، بس بعد اللي حصل بطل يتجوز." سليم وهو بيبوس إيدها: "ولا تزعلي ي ستي." "أول ما أطلع من هنا هتنازله عن الشركة وعن أملاكي كلها، بالنهاية هو ابني الوحيد وكل حاجة ملكه هو وملكك ي روحي." جميلة وهي بتحضنه: "الله يخليك ليا ي حبيبي وميحرمنيش منك أبداً." كانت جاية تبوسه من شفايفه، بس فجأة دخل...