رواية عاشقه لروح السليم الفصل الخامس والعشرون 25 - بقلم اسيل باسم

جاسر: هو انتي أمي فعلاً زي ما بيقول؟ روح: مش فاهمة قصدك إيه. جاسر: بقولك، هو انتي أمي الحقيقة؟ روح: جاسر، هو انت كويس؟ جميلة هي أم... جاسر: لا، هي مش أمي. أنا اتربيت في دار أيتام، وأول ما خرجت من الميتم جميلة هي اللي خدتني عندها عشان تستخدمني أداة تنتقم بيها من سليم، مقابل إنها تقولي مين هي أمي. ودلوقتي قالتلي إنك أمي. نزلت دموعها بصمت: أنا آسفة على كل اللي مريت بيه، بس أنا معنديش أولاد غير مراد وليلة.

نزلت دموع جاسر بحزن: كان نفسي كلامها صح. نفسي أبقى واحد من ولادك التوأم، نفسي... روح: بس أنا مولدتش توأم يا جاسر. أغمض عينه بغضب وبعدها هرب من قدامها. وهي بتنده عليه، جريت وراه بسرعة حتى وقفته. جاسر بغضب: جارية ورايا ليه؟ عايزة مني إيه تاني؟ روح: عايزة منك تفهمني كل حاجة من البداية. حد فيهم بيكذب يا جاسر؟ ولازم نعرف مين هو. ..... في الصباح. سليم كان بيفطر وهو بيكلم زين. سليم: أيوا يا زين، كل حاجة جاهزة زي ما قلتلك.

زين: أيوة. سليم: أنا قررت أقول لروح كل حاجة، هقولها الحقيقة كلها قبل الحفل، مش عايز أبعد عنها أو عن الولاد أكتر من كده. زين: طيب وهتعمل إيه بخصوص جميلة؟ سليم: امبارح بالليل حاولت تقتلني وأنا نايم. زين بقلق: انت بتقول إيه؟ سليم: أنا كنت متأكد إنها هتعمل حاجة زي دي، بس متقلقش، أنا كنت عامل حسابي واتصرفت معاها. زين: الحمد لله. زين: يعني أخيراً خلصنا منها؟ طيب وجاسر هتقوله إيه لو سألك عنها؟ سليم: هقوله الحقيقة طبعاً.

أنا عايز أعيش باقي أيامي مع ولادي ومراتي في بيت واحد بقى. زين: الله يسعدك يا صاحبي، ده أنت تستاهل كل خير. جاءت بسمة من وراءه زين وهي بتقول بخوف: الحق يازين، روح مختفية من امبارح ومش لاقينها وتليفونها مقفول. زين: بتقولي إيه يا زين؟ بسمة: ليلة ومراد كلموني وسألوني عنها إذا كنت أعرف هي فين، بس أنا مشفتهاش من يومين. سليم بقلق: زين، فهمني إيه اللي بيحصل عندك. روح فين يا زين؟ هتروح فين؟

زين: اهدى يا سليم، هي مش طفلة، هتكون في أي حتة وهترجع لوحدها أكيد. أغلق معه سليم وكاد يخرج من البيت كي يبحث عنها، لكن... رن هاتفه فرد عليه بسرعة: أيوا يا قلبي، انتي فين؟ روح ببكاء: سليم، الحقني، هما عايزين يقتلوني. سليم بخوف: هما مين دول يا حبيبتي؟ قوليلي انتي فين وأنا هاجي أخده دلوقتي بعمري انتي. روح ببكاء: معرفش هما مين، بس... سليم بجنون: الووو، روح ردي عليا يا حبيبتي.

توقف حينما سمع صوت أحدهم: لو عايز تاخد مراتك، تعال على ***** لوحدك، وإلا هولع فيها. سليم: اوعي تيجي جنبها، واللي عايزه هو اللي هيحصل. بس متقربش منها، وإلا هتكون هي دي نهايتك. سليم بإصرار: هلاقيك يا عمري، وقلبي كله، انتي.