رواية اعشقك ولكن كبريائى يمنعنى الفصل السابع 7 - بقلم لوكا

فرح طول الطريق بتفتكر اللي البنات عملوه عشان يفرحوها راحوا لها البيت وقعدوا يهيصولها طول اليوم ويغنوا ويرقصوا ولبسوها الفستان كأنه يوم الفرح ولبسوا هم كمان فساتين وقعدوا معاها واتصوروا صور كتير مع بعض وصلوا البلد وراحوا بيت جدهم أول ما دخلوا ودوا فرح عند الستات وقعدت تسلم على ناس كتير جدا من كترهم مش فاكرة هما مين أصلاً كانوا واصلين على العصر

دخلت أخدت شاور وبدأت تجهز وخصوصًا إنها هتفضل قاعدة في الأوضة لغاية ما تيجي ماشية *** أدهم أول ما وصل راح بيت جده برضه وقعدوا يسلموا عليه وبعدين سابهم وراح يجهز وده كانوا إخواته غاصبينه عليه *** أسر وجاسر بقى المفروض كانوا هيلبسوا بدل بس ابن عمهم جابلهم لبس صعيدي لبسوه جه وقت كتب الكتاب أدهم وكل أبوه وفرح وكلت أبوها وكتبوا الكتاب بس طبعًا كان فيه دبايح واحتفالات الصعايدة وضرب نار كان فرح جامد لكل الناس ماعدا فرح وأدهم

المفروض أدهم ياخد فرح ويروح معاها شاليه في العين السخنة جه أبوه يعرفه على أسر وجاسر أدهم سلم عليهم من تحت درسه أول ما شاف لبسهم الصعيدي اتصدم وقال لإخواته أدهم بغيظ: بصوا إخواتها لابسين إيه، أمال هي هيبقى شكلها إيه؟؟ فريد: اهدى يا أدهم شوية عدى اليوم حسام: يا عم ارحم نفسك كده هيجرالك حاجة أدهم: يا رب صبرني طلبوا من جاسر يطلع يجيب أخته طلع جاسر كانت لابسة فستان وحاطة ميكب خفيف بين جمالها "هي أصلًا قمر"

الفستان كان عريان وكانت هتلبس الكاب وهي نازلة جاسر: إيه يا بت الحلاوة دي فرح: إيه حلوة؟؟ جاسر: قمر، أنتي طول عمرك قمر بس الفستان جامد عليكي فرح: بجد يا جاسر جاسر: بجد يا قلبي فرح: جاسر إيه اللي أنت لابسه ده جاسر: حلو مش كده فرح: حلو أوي بس ليه فين البدلة جاسر: أصل ابن عمك عبدالله جابلنا اللبس ده وحبينا نمشي الجو فرح: قمر يا حبيبي، أمال أنت جاي ليه؟؟ جاسر: جاي آخدك تنزلي عشان تمشي مع جوزك لسه هتلبس الـ"أب" لقوا

أسر وباباها داخلين فرح: بابا إيه رأيك؟؟ فؤاد: بدر منور يا حبيبتي أسر: حلو أوي يا توتة فرح: حلو يعني كلهم: أوي لمهم سلمت عليهم واتصورت معاهم ولبست الكاب ونزلت بعد أما نزلت لقت أدهم كان شكله وسيم أوي أوي "الواد مز أصلًا" أدهم شافها لابسة الكاب من هنا قال "هي بدأت، لبسالي خيمة" خدها أدهم بعد توصيات من باباها وإخواتها عليها وركب العربية معاه فرح طول الطريق ساكتة وهي كمان ساكتة لغاية أما وصلوا السخنة دخلوا الشاليه

أدهم: أنتي اسمك إيه؟؟ فرح بدهشة: ها هو مش أنت كنت موجود في كتب الكتاب أدهم: اخلصي، كنت نايم، ها اسمك إيه ولا ملكيش اسم فرح: اسمي فرح أدهم: هتفضلي لابسة الخيمة دي كتير؟ عاوز أتكلم معاكي فرح: عاوز تقول إيه؟؟ أدهم: بصي بقى، أنا مغصوب عليكي، فيا بنت الناس أنا أصلًا مش طايقك، فأنا هعمل معاكي اتفاق فرح: أي اتفاق؟؟ أدهم: هنبقى إخوات، محدش ليه علاقة بالتاني، أنا وأنتي، كل واحد له طريق لوحده

فرح: يعني كل واحد ما يسألش التاني عن حاجة وملناش علاقة ببعض، إخوات يعني، مش هيحصل بينا حاجة صح أدهم: وأضاف باستفزاز: مهو مش أدهم الحسيني بعد البنات اللي بتترمى عليه، اتجوز واحدة جاية من ورا الجموسة فرح: ها ماشي، تصبح على خير أدهم: رايحة فين؟؟ فرح: هنام، عاوز حاجة أدهم: هتنامي فين؟؟ فرح: في الأوضة، أمال عاوزني أنام فين أدهم: ماشي، أنا هنام هنا فرح: براحتك، تصبح على خير

أدهم كان مستغرب من طريقة كلامها، مش بتتكلم صعيدي بس قال الحمد لله الموضوع عدى فرح دخلت قلعت الكاب وقعدت تبص على نفسها في المراية وغيرت الفستان وصلت ولبست برمودا وبدي كتف أدهم غير وصلى ونام وفرح كمان نامت صحت فرح الفجر صلت وهي مبتنامش بعد الفجر طلعت لقت أدهم نايم على الكنبة صعب عليها راحت تصحيه يدخل ينام على السرير فرح: أدهم.... أدهم احم احم أدهم وراحت تصحيه أدهم شافها قام مفزوع أدهم: أنتي مين؟؟ فرح: أنا فرح

أدهم: فرح مين؟؟ فرح: مراتك أدهم: معلش نسيت اسمك فرح: طب صلى الفجر ونام على السرير، أنا خلاص صحيت أدهم: آه، أصل أنتم بتنزلوا الزريبة من الفجر فرح: آه، عاوز حاجة أدهم: لا شكرًا، أنا هصلي وأنام، متصحنيش