رواية اعشقك ولكن كبريائى يمنعنى الفصل السادس 6 - بقلم لوكا

وصلنا المرة اللي فاتت لما فرح طلبت إنها تقابل البنات. فضلت فرح تفكر طول الليل في قرارها وإيه اللي هيحصلها بعد الجواز، ويا ترى جوزها هيبقى عامل إيه معاها. أما أدهم، فكان بيفكر طول الليل إزاي هيتجوز ويأمن لواحدة، وإزاي كل الستات خاينه. في اللحظة دي افتكر خطيبته اللي سابته في أكتر وقت كان محتاجها جنبه فيه. **فلاش باك** كانت الشركة اتعرفت لازمة كبيرة وكانوا قربوا يفلسوا. أدهم: يعني إيه يا مها؟ مش فاهمك. انتي بتتخلي عني؟

مها: يا حبيبي أنا عمري ما حبيتك، أنا حبيت الفلوس والعربيات. أما دلوقتي مفيش، فخلاص بقى. أدهم: أنا إزاي اتغشيت فيكي؟ انتي بني آدمة زبالة أوي كده. مها: متتاخدهاش بحساسية أوي يا بيبي. أدهم: أنا ندمان أصلاً إني في يوم عرفتك. **باك** آه يا ربي، في الآخر هتجوز برضه وتيجي واحدة تدخل حياتي؟ يا رب صبرني. *** تاني يوم الصبح، أسر وجاسر واخدين موقف من فرح ومش بيكلموها، وهي كانت مضايقة أوي بس معملتش حاجة.

راحت الجامعة، خلصت محاضراتها وراحت تقابل البنات. أول ما وصلت سلمت على البنات. الاء: مالك يا فرح؟ فيكي إيه؟ فرح: كنت عاوزاكم تنزلوا تشتروا معايا حاجات الفرح. أماني: فرح مين؟ فرح: فرحي. البنات: نـــــــــــــــــــــــــعم؟ فرح: فرحي. الاء: إمتى؟ حنين: إزاي؟ أماني: مين؟ فرح: حكتلهم على اللي حصل كله. أماني: أخواتك عندهم حق، انتي عبيطة. الاء: حبيبتي، انتي كده بتضحي بعمرك. حنين: مش كل حاجة كده، مش هتضحي بحياتك؟

فرح: انتوا ليه مش فاهمين إني مقدرش أرفض لبابا طلب؟ مش مثالية بس أنا فعلاً كده. انتوا مشفتوش النظرة اللي كانت في عينيه عشان خوفه إني أرفض، ولا النظرة لما وافقت؟ كنت حاسة عينيه فرحانة. انتوا ليه مش عايزيني أفرحه؟ ليه؟ الاء: يا حبيبتي فرحيه، بس مش على حساب نفسك. أماني: أكيد كان هيبقى فيه حل تاني. فرح: إيه؟ عاوزينه يطلع عيل قصاد أهله؟ حنين: طب هو وافق من الأول ليه؟ فرح: مش عارفة، بس اللي أنا متأكدة منه إن لازم كنت أوافق.

الاء: خلاص يا بنات، اللي حصل حصل. المهم هنعمل إيه دلوقتي؟ فرح: هننزل نشتري الفستان والهدوم والحاجة. أماني: هو مين اللي هيسافر؟ فرح: أنا وبابا وأخواتي. حنين: طب هو هيبقى منفصل صح؟ فرح: آه، هناك الستات لوحدها والرجالة لوحدها. أماني: طب يلا نجيب الحاجة. *** عند أدهم في الشركة، كان متعصب جداً على كل الموظفين، بس حسام هداه شوية وكان بيخلص الشغل في منتهى العصبية. ***

عند البنات، اتفقوا يجيبوا فستان عريان ويجيبوا كاب تلبسه فوقه. وفرح بتقيس جوه، البنات كانوا بيتكلموا. أماني: هي مضايقة، متضايقوهاش زيادة. حنين: مش باين عليها، بتحاول تبين إنها مبسوطة بس هي زعلانة. الاء: مش كفاية هتتجوز بعيد عننا لوحدها. أماني: عندي فكرة حلوة، نشتري فساتين ونروح لها يوم الأربعاء ونلبسها الفستان ونهيصلها شوية ونصورها ونتصور معاها، وأهو نفرحها شوية. حنين: فكرة جامدة. الاء: يلا نشوف الفساتين.

خرجت فرح لابسة الفستان، كان تحفة عليها. البنات: وااااااااااااااااااااااااااااااااااااااو! تحفة! فرح: حلو؟ البنات: جامد جداً. المهم فرح اشترت الفستان، والبنات اشتروا فساتين وخرجوا يشتروا باقي الحاجة. اشتروا كام طقم خروج وهدوم البيت. راحوا محل الإنجري. فرح: لا يمكن ألبس الحاجات دي. الاء: انتي هبلة يا بت، لازم تلبسيها. أماني: بطلي عبط، هتتجوزي من غير لانجري؟ حنين: هبلة من يومك.

فرح: لا يمكن، أنا أتحرج ألبس كده قدام حد غريب. البنات: غريب دا جوزك يا هبلة. بعد عناء طويل، اشتروا الحاجة. *** روحت فرح البيت ومعاها الحاجة، لقت أسر وجاسر أول ما شافوها مشيوا وسابوها. فرح مكنتش عارفة تعمل إيه، بس مكنش ينفع تزعل باباها. عدى الأسبوع، فرح راحت قدمت على إجازة أسبوع، وجه يوم الخميس. سافرت فرح واخواتها بعد أما صالحتهم وباباها. وأدهم عصر على نفسه لمون وسافر مع اخواته وابوه.