رواية اعشقك ولكن كبريائى يمنعنى الفصل الثاني 2 - بقلم لوكا

النهارده اول يوم دراسه بقالي سنتين بدرس في جامعه القاهره. طول عمري اول يوم دراسه لازم اروح بطقم جديد. انا في المدرسه مكنش عندي يونى فورم فمتعوده البس طقم جديد. حتى لما بقيت بدرس لازم اول يوم دراسه البس طقم جديد. صحيت النهارده علشان اصلي الفجر ولازم تبدأ المعركه. اصحى اسر وجاسر هو ده العذاب. معرفش ازاي بيعرفوا يناموا كده. المهم يلا بقى بقى نبدا المعركه. *** فرح: اسر اصحي يا حبيبي. اسر بنوم: حاضر يا توته شويه وهصحى.

فرح: قوم يا حبيبي بدل ما اصحيك بطريقتي. اسر مفزوع: لا لا انا صحيت اهو. فرح: ناس مبتجيش غير بالعين الحمرا. المهم اسر صحى. فاضل جاسر. اهي اهي اهي. *** فرح: جوره حبيبي يلا يا بابا صلاه الفجر. جاسر: بصي 5 دقايق وهصحى. فرح: هتصحى دلوقتي. جاسر: فرح قومي من على وداني دلوقتي. فرح: ماشي انت اللي جبته لنفسك. قامت فرح جابت تلج وحطيته في قفاه. جاسر بفزع: ايه يا فرح ده انتي بتستعبطي. فرح: ايوه يلا صلاه الفجر.

جاسر بغيظ: قمت اهو بطلي بقى. فرح باسته: حبيبي يا جسور. المهم صلينا وقعدت شويه اقرا قران وبعدين بدات اقرا في كتاب. وبدات احضر الفطار. هو ده الروتين اليومي بتاعي. حضرت الفطار. *** على الفطار: جاسر: فرح هاخد عربيتك لحد اما عربيتي تخلص من الصيانه. فرح: طب هروح الجامعه ازاي. جاسر: هوصلك واي حد منا يجيبك. فرح: تمام ماشي. بابا: توته حبيبتي انا هتاخر النهارده شويه عندي عمليه وهتطول. فرح: اوك يا بابا بس خد بالك من نفسك.

اسر: فرح كنت عاوزك ننزل نشتري شويه حاجات. فرح: بعد الغدا ننزل. المهم خلصنا فطار وركبت مع جاسر العربيه ووصلني الجامعه. عندي اول محاضره سنه 2. طبعا احنا عشره قديمه اعرفهم كلهم. بس في منهم طلبه عزيزه على قلبي. اهمهم بنوته اسمها مريم بحبها بتفكرني بنفسي. مش عارفه ليهم. مريم تعتبر اشطر واحده في دفعتها يمكن علشان كده بحبها. المهم دخلت اول محاضره. *** الدكتوره هنا السيوفي: صباح الخير.

انا الدكتوره هنا السيوفي هدرسلكم السنادي واظن احنا نعرف بعض كويس. المهم بدات اشرح المحاضره. *** على جانب آخر. بيت بيدل على الفخامه والرقي. بيسكن فيه فرد من افراد عيله الحسينى من اعيان قنا. عايش في البيت ده هو واولاده. هو الحاج فاروق الحسينى. هو غني جدا عنده مصانع وشركات تقريبا في كل حاجه. ولاده ماسكين الشغل معاه. الكبير حسام: عنده 32 سنه بيشتغل مع ابوه في الشركه مهندس متجوز ومش مخلف.

الوسطاني ادهم: من شكله تحسه راجل عنده 30 سنه مهندس برده شغال مع ابوه في الشركه. فريد: صيدلي عنده 27 سنه ماسك شركه الادويه بتاعه ابوه. اخر العنقود سكر معقود مريم: لسه طالبه عندها 20 سنه. سعاد: الام بتحب ولادها جدا. امل: مرات حسام مش بتحبه دي بتعشقه وهو كمان بس ربنا مرزقهمش باولاد. كده العيله خلصتهم قاعدين على الفطار. حسام: بابا انت هتسافر امتى. فاروق: دلوقتي بس مش عارف هاجي امتى.

ادهم: متخفش يا بابا الشغل هيمشي زي ما انت عايز. فاروق: انا عارف ان ورايا رجاله. ادهم: امال فين مريم يا ماما. سعاد: راحت الجامعه عندها محاضره مهمه. المهم خلصوا فطار وكل واحد راح شغله.