رواية عاصم حبيبي الفصل التاسع والعشرون 29 - بقلم اسماء محمد

عاصم فجأة شد الزناد من المسدس وصوبه ناحية نوران. "انتي لازم تموتي، اللي زيك ميستحقوش يعيشوا." فجأة فرح دخلت بفزع. "عاصم لااااا! ليه تودي نفسك في داهية بسبب الزبالة دول؟ وبعدين كملت برجاء: "عشان خاطري ياعاصم نزل المسدس." عاصم بتهور وهو بيدوس على الزر. فجأة صوت طلقة. فرح بصريخ: "لااااااااااااااا! عند يوسف وهو بيتكلم مع محمود.

"شوف انا جبتلك إيه عشان متتموتش، مع إنك كده كده هتموت بس قولت تعيش آخر أيامك وأنت في بيتكم القديم، تعيش بين ذكرياتك. هو صحيح البيت كله محروق بس مش مشكلة. بس أنا قعدت أفكر إيه أنسب موتة تليق بيك كرجل أعمال سابقاً، ملقتش غير جنب أهلك وحبيبك، جنب مراتك وأخوك في الحريقة. بس متخافيش مش هتموت لوحدك، حبيب قلبي أبوه هيموت معاك عشان طلع كان متجوز فرح كل السنين دي وأنا اللي طلعت مغفل وابنك هو اللي غفلني، ترضيلي كده؟

بس عشان فرح تبقى ملكي لازم عاصم يطلقها، وطبعاً عاصم حبيبك غبي ومش هيطلقها. فأنا قعدت أفكر أعمل إيه، أعمل إيه، لقيت إن لازم أقتله عشان أكون مع فرح ونعيش أنا وهي في أمان. بس دلوقتي هبعت فيديو صغنن وأنت معايا عشان نهدده بيه عاصم عشان ما يقولش حاجة لفرح ويجبهالي، أصل أنا عارف إن هو اللي خاطف فرح." عند عاصم. عاصم اتك على الزر والطلقة لسه هتيجي في نوران، بحركة سريعة من فرح الطلقة جات في السقف. فرح بصريخ: "انت مجنون؟

عاوز تضيع نفسك عشان ناس زي دول؟ كنت عاوز تسيبني لمين هااا؟ دنااا حبيبتككك فرررح! عاصم وقع على ركبته بضعف. ولاول مرة دموعه تخونه. "أنا خلاص خسرت كل حاجة، ليييه يحصل معايا أنا كده؟ دنا أكتر واحد اتأذى في الفترة دي، ليييه؟ أنا اتكسرت مرتين، مرة لما سبتيني وبعدتي عني وموثقتيش فيا، ومرة لما نسمة ماتت، قتلوا كل عيلتي، محدش باقي غيرك انتي وحازم وبابا، حتى انتي استكترتي عليا إنك تكوني جنبي."

فرح وهي بتاخده في حضنها وهي منهارة حرفياً. "أنا آسفة ياعاصم، آسفة على أي حاجة، على أي جرح كان بسببي، أنا آسفة ياحبيبي إني صدقت الكذاب وكذبتك، أنت حقك على قلبي ياقلبي، كذبتك طول السنين دي، كلمة آسفة قليلة، عارفة سامحني ياعاصم." أما نوران كانت فا*قدة ال*وعي من الخو*ف والر*عب وآثار التع*ذيب. عاصم وهو بياخد وشها بين كفوفه ووشه قريب من وشها.

"أنا مستحيل أزعل منك يافرحتي، انتي حبيبتي وعمري ودنيتي يافرح، انتي بنتي قبل ما تكوني حبيبتي ومراتي." قاطع اللحظة دي فون عاصم. عاصم ساب فرح وطلع فونه. عاصم بغضب أعمى. "يووووسف أنا مش هرحمكككك!