رواية عبد الرحمن و شمس الفصل الرابع 4 - بقلم منار همام

الجد: وانت مش هتصغرني قدام الناس بعد ما اديتهم كلمة. إيهاب باحترام: اللي تشوفه يا جدي. الجد طبطب على كتفه: روح نام عشان تبقى فايق بكرة. إيهاب هز راسه بهدوء والجد طلع. إيهاب نزل يتمشى في الجنينة لما حس إنه مخنوق. "بتعملي إيه؟ " دا كان صوت إيهاب لحور لما شافها داخلة من البوابة. حور بخوف وهي بترجع لورا: ا.. أنا.. كنت بودي الشاي لأبويا.

إيهاب بص لها من راسها لرجليها بتركيز وداس على إيده بغضب لما شاف إنها طالعة ببجامة وفوقها خمار. إيهاب: وإنتي متعودة تطلعي بشكلك ده بليل كتير؟ حور: لا والله دي أول مرة بس عشان أمي قالت لي الحق قبل ما الشاي يبرد. إيهاب بضيق: اتزفتي على جوه ومش أشوفك طالعة برا كده تاني.. مفهوم؟ حور بخوف من صوته: م.. مفهوم. نسمة: وهيقرب منك إزاي وإنتي ضاربة البوز ده؟ أم عبد الرحمن كانت ماسكة

شمس من دراعها وبتزعق فيها: احمدي ربنا جدك كان ناوي يجيلك هو بس فضلت أتحايل عليه وأقول له هكلمها أنا يا حج. شمس بدموع: والله عملت كل اللي قولتِ لي عليه.. ب.. بس هو اللي عايز كده. أم عبد الرحمن: ما أنتِ أكيد ببوزك ده هتخليه يطفش.. مفيش راجل معجز بيضعف قدام مراته وأنا ولدي شاف البنات الألوان وأشكال في بلاد برا تقوم تلبسي حاجة من اللي في الدولاب وتحطي لك شوية ألوان من اللي بيحطوها ده.. فاهمة؟ شمس: فاهمة يا مرات عمي.

عبد الرحمن كان لسه داخل من باب الشقة قابل أمه. عبد الرحمن باستغراب: في حاجة يا ماما؟ أم عبد الرحمن: لا يا قلب أمك خش ارتاح مراتك مستنياك جوه. وطلعت. عبد الرحمن دخل وهو بيقلع هدومه. غمض عينيه بضيق لما شاف شمس وتمتم: مش هتعديها على خير. شمس قربت منه وساعدته يقلع هدومه. عبد الرحمن قعد على الكرسي وشاور لـ شمس: تعالي يا شمس. شمس قربت وقفت قدام عبد الرحمن وهو بيقلع الكوتش: أمي كانت بتعمل إيه هنا؟

شمس بتوتر: م.. مبتعملش حاجة. عبد الرحمن بضيق: شمس مش عشان اتعملت معاكي كويس.. يبقى خلاص أنا مكرهتش في حياتي قد الكذب. شمس: ه.. هي.. يعني… كملت بدموع… جدي اللي بعتها. عبد الرحمن نفخ بضيق: مش هيسكت غير لما يعمل اللي في دماغه. شمس قعدت تحت عبد الرحمن بدموع: طب ما تعمله خلينا نخلص.. أنا مش حمل ضرب تاني والله. عبد الرحمن مسكها من كتفها وقعدها جنبه: وإنتي هتبقي راضية لما يبقى غصب عنك؟ شمس نزلت راسها لتحت. عبد

الرحمن رافع راسها بصباعه: بصيلي وأنا بكلمك يا شمس. شمس: ب.. بس على الأقل هنخلص من زن جدي. عبد الرحمن غمض عينيه بضيق: إنتي عايزة كده يا شمس؟