رواية عبد الرحمن و شمس الفصل السابع 7 - بقلم منار همام

إيهاب حط حور على الكنبة وقام بضيق: كلي وغيري هدومك عشان أهلك جايين. حور هزت راسها وقامت وطلعت هدوم من الدولاب. إيهاب بص لها طرف عينه وهو واقف على الكومودينة اللي جنب السرير بيصب مية عشان يشرب ورجع بص للي في إيده تاني. إيهاب بضيق: مكلتيش ليه؟ حور: مش جعانة. إيهاب داس على الكوباية اللي في إيده بضيق. هو أكتر حاجة بيكرهها كلامه ما يتسمعش. قلت كلي الأول وبعدين غيري… وبعد كده كلامي يتسمع من أول مرة، فاهمة؟ حور سابت الهدوم:

فا.. فاهمة… حور قعدت تاكل بتوتر، وزاد أكتر لما إيهاب سحب كرسي وقعد قصادها ياكل هو كمان. حور أكلت شوية صغيرين ولسه هتقوم. إيهاب من غير ما يرفع عيونه: في كوباية لبن متشربتش ليه؟ حور: م… مـ..ـبحبوش… بيقلبلي بطني. إيهاب شاور على الكوباية من غير ما يرفع نظره من على الأكل وبكل هدوء: اشربي. حور شربتها وهي حاطة إيدها على بطنها بوجع. شربتها وجريت على الحمام. نوسة: وأنت لمتى هتفضل مخبي على أبوك موضوع جوازنا؟

بقالي 25 سنة أقول معلش، بكرة يبطل خوف من أبوه ويقول… عباس وهو قايم (ابن جمال الخولي، أبو إيهاب) يوووه يا نوسة، ما هو أديكي عايشة وبعملك كل اللي أنتِ عايزاه. لزمته إيه أقول لأبويا؟ نوسة: وأنت عايز عيال نسمة يكوشوا على كل حاجة وأنا ابني يضيع وسطهم؟ عباس قام بغضب: أنا ماشي وسيبالك يا نوسة. عباس طلع من الأوضة شاف ابنه اللي قاعد على الأنتريه ولابتوب على رجليه وسجارة في إيده. عباس قعد جنبه وتكلم بحنية:

أدهم يا ابني، أنت عارف إن كل اللي قالته أمك مش هيحصل. أنت متسجل باسمي ولو حصلي حاجة تقدر تروح تطالب بحقك زيك زي إخواتك. سمعني يا أدهم. أدهم ببرود: خد الباب في إيدك وأنت طالع. عباس اتنهد ومشي. شويه وطلعت بنت من الأوضة بتظبط الخمار بتاعها وتكلمت بصوتها الناعم: خالتي أنا نازلة. أدهم زي ما هو على وضعه وبكل برود: تعملي إيه؟ آية بتوتر: ه… هشتري حاجة. أدهم من غير ما يرفع نظره من على اللاب: عندك في الأوضة جوه الدولاب.

آية وشها احمر من الكسوف هزت راسها ودخلت. إيهاب نزل قعد مع جده في المندرة رجع راسه لورا وغمض عينه. الجد بهدوء: ما قعدتش مع مراتك يعني؟ إيهاب: أهلها عندها فوق. الجد هز راسه بهدوء وكمل: أبوك طول أوي في مشوار القاهرة ده بقاله تلات أيام هناك. إيهاب: أكيد فيه عطل في حاجة، هو جاي النهارده. الجد: البيه التاني اللي مش لاقي حد يلمه ولسه مجاش من بره لحد دلوقتي. شوفلك حل معاه. إيهاب: حاضر يا جدي، هتكلم معاه. عبدالرحمن

دخل وبين على وشه التعب: أما أما اعمليلي قهوة. نسمة وشمس كانو واقفين في المطبخ. نسمة: روحي شوفي جوزك يا حبيبتي وعمليه لبن عشان صحته بدل القرف اللي بيشربه وأنا هعمل الشاي لأهل حور. شمس هزت راسها وعملت البن وطلعت بيه لعبدالرحمن. شمس دخلت وحطت البن جنب السرير اللي عبدالرحمن نايم عليه وحطت إيده على وشه بتعب. شمس راحت على آخر السرير وخلعت له الكوتش اللي كان نايم بيه. شمس خلصت وقعدت جنبه على السرير وبدأت تخلع له القميص.

عبدالرحمن زي ما هو. شمس شهقت ورجعت لورا: ا.. أنا فكرتك نمت.. ومش هترتاح لو نمت كده. عبدالرحمن قام قعد قصادها ومسك وشها بين إيديه: شمس أنا جوزك، حتى لو مش عشان أنام مرتاح أنا كلي ملكك، فاهمة؟ شمس هزت راسها. عبدالرحمن قرب منها وكل تركيزه على شفايفها وهمس: حلوين أوي يا شمس…