رواية عبد الرحمن و شمس الفصل الثامن 8 - بقلم منار همام

شمس بهمس: عبدالرحمن عبدالرحمن: امم شمس: اشرب اللبن الأول علشان هيبرد عبدالرحمن بعد بضيق: وقته يعني شمس: أيوه ونام شويه، أنت ما نمتش من امبارح عبدالرحمن بعد وقام ياخد اللبن: لا أنا متعود أطبق، بس هو فنجان قهوة وبرجع زي الفل… وبعدين أنتِ شيفاني عيل جايبالي لبن شمس: ومين قال إن اللبن ده لعيال.. ده كله فايدة وصحة ليك.. اتعلم من إيهاب عبدالرحمن قلع التيشرت اللي لابسه وهو بيعرض عضلاته قدام شمس: قصدك إيه اتعلم من إيهاب؟

أنتِ مش عاجبك الفرمة دي؟ شمس ضحكت: لا عجباني عبدالرحمن بدأ يشرب اللبن وشمس فضلت تتأمله بحب. آيه فتحت الشنطة بتاعتها ملقيتش غير 50 جنيه آيه نفخت بضيق: يووووه، ومحتاجة أصور ورق وملازم… أكيد نايم وهيقعد يقولي لبسك ومش لبسك…. آيه حسمت أمرها ودخلت أوضة أدهم اللي نايم على السرير عار*ي الصدر آيه قربت بتوتر وهي بتهز في كتفه: أدهم… أدهم… أدهم فتح عينيه بنوم آيه بتوتر: عايزة فلوس

أدهم غمض عينيه تاني: افتحي الدرج خدي اللي أنتِ عايزاه آيه بتفتح وخدت الفلوس ولسه طالعة وقفها صوت أدهم: عندك كام محاضرة النهارده؟ آيه: اتنين أدهم: تخلصي وتجيني على المعرض (أدهم عنده معرض عربيات) آيه هزت راسها وطلعت. أم حور: خدي بالك من جوزك وحماتك يا حبيبتي حور هزت راسها أمها: طيب يا حبيبتي أسيبك أنا دلوقتي حور مسكت فيها: لا خليكي يا ماما أمها بحنية: ما تخافيش يا حبيبتي.. هوصي إيهاب عليكي حور بصتله بدموع وأمها نزلت.

قابلت إيهاب طالع أم حور: خد بالك منها يا ابني إيهاب مكنش عارف يرد، هو تعامله مع الستات محدود جداً هز راسه: حاضر إيهاب سابها وطلع لقي حور قاعدة على السرير بتعيط إيهاب تمتم بضيق: أنا كان مالي ومال الصنف ده، ما كنت قاعد مرتاح… كمل بصوت عالي لحور: مالك؟ حور مردتش وصوت عياطها زاد إيهاب بضيق قفل ضلفة الدولاب اللي كان فاتحه وبحدة: ما تردي، هو أنا هتحايل عليكي عشان تطلعي الكلام؟ حور صوتها اتخنق وهي بتعيط بزيادة: بطني وجعاني

إيهاب بص له بذهول إن كل ده علشان بطنها.. فاق وقرب منها: إيه اللي واجعك طيب… أكلتي حاجة مش كويسة… نفخ بضيق… حتى فطرنا سوا وأنا ما فيش حاجة أهو….. حور بتعيط بس إيهاب قرب وسعدها تنام على السرير وحط إيده على بطنها حور انكمشت بس خافت تتكلم إيهاب: طيب معدتك بتتعبك من اللبن؟ حور هزت راسها بدموع إيهاب قام وهو بيجيب لها برشام من الدرج: طبيعي هتتعبك أول مرة لو مش متعودة عليه، بكرة تتعودي.. اشربي المسكن ده حور قامت بتعب وشربت.

إيهاب وهو نازل: عندي مشوار وهتأخر، هبعتلك أمي لو حسيتي بتعب، هترني عليا. أدهم قاعد على كرسي المكتب بتاعه ومركز في الورق اللي قدامه الباب خبط أدهم من غير ما يرفع راسه: ادخل رجع بجسمه لورا على الكرسي لما حس إنها هي اللي داخلة أدهم ورأسه على الكرسي ببرود: تعالي آيه قربت وقفت جنبه شهقت لما شدها تقعد على رجله آيه حاولت تبعد، هو أول مرة يعمل كده، وليه زاد لما حاول يشيلها الخمار آيه: ا.. أدهم أدهم: هشششش…

أدهم شال الخمار ورجع لها شعرها ورا ودنها هنا دخلت بنت باين عليها الخبث أندهشت من المنظر: إيه ده؟ أدهم اللي كل البنات بتتمناه نظرة منه وهو بيكرفهم كلهم مش مصدقة أدهم قرب من آيه وباسها بوسة رقيقة آيه بصت له باندهاش: إيه رأيك… مراتي؟ البنت: بجد!!! ذوقك حلو أوي، دي أجنبية؟ أدهم وهو بيبص لآيه وبيزيح شعرها: لا مصرية بس أحلى من الأجانب البنت: طيب إيه هنخلص الصفقة ولا… كملت وهي بتبص لآيه بغل… ولا مشغول مع المدام؟

أدهم نزل آيه من على رجله وقعدها على الكرسي همس قبل ما يبعد وهو مميل عليها: لفي الخمار وهبعتلك حد بعصير.. تمام آيه هزت راسها أدهم بعد وتجه لبرا: يلا بينا. في بيت الخولي الكل متجمع على الغدا عبدالرحمن بص لأبوه: احم، بما إن مقدرناش نتكلم لما أنا جيت وحضرتك سافرت علطول.. ف أنا هتكلم النهارده قدام الكل سكت شوية وكمل: أنا عايز أطلق شمس، وزي ما وعدتني قبل ما أمشي.