رواية عهد الاسود الجزء الثاني الفصل الثالث 3 - بقلم زهرة الربيع

اقلعي بقى واخلصي قبل الباشا ما يوصل ويقفشنا. متتعبيش قلبي يا موزه، قولتلك انا بدفع حلو، خصوصا في الجامدين الي زيك. قالت بخوف وبكا: لا ارجوك، انا مش كده، لو سمحت اطلع، اطلع من هنا ارجوك، سيبني في حالي وانبي. الشاب قال بسكر: لا لا يا موزه، اوعي تبكي، دموعك غاليه قوي. وشدها عليه وبقى يقرب لها بطريقه قذره. حنين خافت وبقت تترعش وتزوقه، بس مش بيسبها. ضريته برجلها تحت الحزام بقوه وجريت ناحية الباب.

بس الشاب وقف بالم وشدها من شعرها، وقعها على الارض وهجم عليها. صحابو سمعو صوت صراخها، خبطو جامد على الباب وواحد منهم قال بزعيق: متولي افتح يا متولي، سيب البنت دي، جبران بيه موصي محدش يلمسها. بس الشاب كان سكران ومش بيرد وبيتهجم على حنين بعن،،ف وغضب وهيه بتصرخ ومش قادره عليه. اما جبران كان غالب بيزعقلو لانو كان بيجيب سيرة والدتو. وقال: يا جبران لو جبت سيرتها تاني همشيك. جبران ضحك وقال:

طيب طيب خلاص، بس قولي هو انت ازاي كده، لا شبه ابوك ولا شبه امك. اااووووف مش قادر مجبش سيرتها، يا لههوي على جمالها، مزه يلا من النوع المتين وترفع الادرنالين. غالب قام وكان هيمشي بس جبران ضحك ومسك فيه وقال: يا عم متزعلش، انا قصدي انها جامده يعني. بصلو بضيق وقال: يووووه اوعى بقى، ماشي يعني ماشي. جبران زقو على الكنبه وقال: يا عم اترزع خلاص، طب اعمل ايه، دي المصطلحات الي اعرفها، كان قصدي اقول انها خساره في ابوك بس كده.

غالب قال: ليه بقى، ده بابا ده دنجوان عصره وقمر ولسه محافظ على جماله. جبران قال بسخريه: مقصدش جماله، اقصد انه قفل جدا، مرتحتلوش بصراحه. غالب ضحك وقال: القلوب عند بعضها، هو كمان من ساعة ما شافكم في الحفله واتعرف عليك وهو بيعزك معزه خاصه انت وابوك. جبران قال بخبث: لكن متعرفش ليه. غالب قال: تؤ ابدا، بيقول انو علشان شغلكم، بس بحس فيه حاجه تانيه. جبران شرب كاسه وقال: امم... طب وعمك اسامه، ليه مجاش الحفله؟

انا كان نفسي اتعرف عليه من كلامك عنه. غالب قال: اسامه الثابت يجي حفلات، والله قلبك ابيض ده يا ابني، ملوش في الاماكن النضيفه والمجاملات البارده، حياته كلها على صفيح ساخن. جبران ضحك وقال: والله معاه حق، بلاش قرف وتضطر تضحك في وجوه تستخسر تت،ف عليهم ريقك ينشف على الفاضي. غالب ضحك وقال: يا ابني ايه القرف ده، ما علينا من امثالك الجميله، خلينا في المهم، مش هتقولي بقى ايه حكاية ابوك وليه بيعاملك كده؟

يعني انا كل مره بقولك عايزك تحكيلي بس انت مش بتقول حاجه. جبران شرب شويه بضيق شديد وقال: احم.. انا مش بحب اتكلم في الموضوع ده. وبس قطع كلامو على صوت تليفونو وكان واحد من الحرس بتوعو. نفخ بضيق ورد وقال: يا نعم. الحارس قال بسرعه: يا باشا متولي، متولي سكر تاني وبيتهجم على البنت الي جبتها وهيه بتصرخ ومش راضي يرد علينا. جبران وقف بسرعه وقال:

اسمع اكسرو الباب وكتفوه لحد ما اجي بسرعه، لو قدر عليكم وقربلها هلبسكم بدل رقص وتهزولو طول الليل. سمع كده وقفل معاه بغضب وسحب الجاكت بتاعه. غالب قال: فيه ايه يا ابني تاني. جبران قال بغضب: ابدا، حتت جح،ش عندي، كل يوم يسكر ويعك الدنيا، جبت بنت خليته يحرسها راح يتهجم عليها. غالب قال بضيق: اخس، ندل بجد. جبران قال بتأكيد: جدا، سا،،فل، مش يستني لما اظبطها انا الاول، مفيش ولاء خالص، ولا سناء حتى. غالب بصلو بزهول وقال:

نعم يا اخويا، هيه دي المشكله. جبران بقى يلبس جزمتو بسرعه وقال: طبعا، هو فيه خدام ياكل قبل سيده، على العموم هروح اشوف الموضوع ده واجيلك، عالم زباله، مع اني عمري ما بخلت عليهم، واي واحده اخلص معاها بدهالهم. غالب قال بضيق وزهول: بس بس، مش بقدر اسمع كلامك ده، يخربيتك. جبران ضحك وقال: وانبي تركن انت يا مخلص، خليك في الست وعد الي مش طيقاك. وقبل ما يطلع بصلو وقال: بس معاك حق، ملبن، بموت انا في الصغنن الي لسه مستوا.

بصلو بحده وقال بغضب: جبراااان. جبران قال بسرعه: يا عم خلاص سكت، هشوف الدنيا وراجع. غالب قال بغيظ: غور في داهيه. جبران ضحك وطلع وعند الباب بصلو وقال: بقولك ايه، المزه بتاعتك دي ميجبش مناخيرها الارض غير الي قولتهولك، غير كده هتفضل شايفه نفسها عليك، استرجل واعملها. غالب قال بخنقه: وايه الرجوله في الي قولتهولي، دي بنت اسد ابن عمتي واقرب حد لابويا، وهيه متربيه معايا، ازاي اعمل فيها كده، لا طبعًا. جبران قال:

بس انت نيتك خير، وعايز تتجوزها، اسمع مني ادخل عليها واكسر عينها، ساعتها هيه هتترجاك. قال كده ومشي. وغالب شرب شويه وهو بيفكر في الموضوع بتردد. في القصر كان اسامه مع شوق قاعدين بيشوفو فيلم وشوق قالت بفرحه: ليالي كلمتني راجعه هيه وجوزها من شهر العسل وعزمتهم كمان. اسامه قال بضيق: ولو اني جوزها ده لا بطيقه في سما ولا في ارض، بس كلو يهون علشان خاطر لولو. وبصلها وقال بغمز: وعيون ام لولو. شوق ابتسمت وقالت:

ربنا يخليك ليهم، وليا. اسامه اتنهد وقال: والله ما مصدق اني جوزت بنت ومعايا شحط على وش جواز وبنت برضو كبيره، حاسس زي ما اكون كبرت. بصتلو بغيظ وقالت: زي ما تكون كبرت، انت داخل على الستين، انت فاكر نفسك عيل، انت بس الي مش راضي تعترف، وتعترف ازاي متقدرش اتبطل سنكحه يموت الزمار وصباعو بيلعب. اسامه غمز وقال بوقاحه: بيلعب فين. شوق ضربتو في صدره وقالت: اتلم. ضرغام ندالو من بعيد وقال: اسامه عايزك. اسامه فضل باصص لشوق وقال:

استنى يلا، في واحد بيلعب في النهائي وانا في الاحتياط. ضرغام ضحك وقال: قوم عايزك، الماتش انتهى يا اس، اعلن الاعتزال اكرملك. شوق ضحكت جامد واسامه قال: مبسوطه كده لما سيحلي، هروح اشوفو واجي. ولسه هيمشي بصلها وقال: هو انا من ساعة ما قابلتك يا جميل عكيت تاني شوفت غيرك حتى، ده انا بشوفك في وشوش الكل حتى في وش محاسن. شوق ضحكت وقالت:

اعتقو على فكره، سيبو في حالو، مش كل شويه تقولو محاسن، وبعدين انا عارفه انك مبتكلمش غيري ومتقدرش تعملها، بس كمان مش قاعد عاقل، فاكر خطوبة ليالي لما فضلت تعاكس في صاحبتها الشقرا. اسامه ضحك وقال: قلبك اسود على فكره، ده انا كنت بذاكر لها دي قد بنتي. شوق قالت بغيظ: قول لنفسك. اسامه قال: انا مالي، هيه الي عاكستني وقالتلي شوجر دادي، فقولتلها عسل بالزبادي، غلطت انا. ضرغام نادى تاني وقال: يا اسامه عايزك. اسامه نفخ وقال:

جايلك حبيب قلبي. واتنهد وقال لشوق: هروحلو واجي تاني، الله يرحمك يا بابا، كان هيجراله ايه لو خلفني ولم نفسو. شوق ضحكت واسامه راح لضرغام يشوفو عايز ايه. في الصاله كان اسد قاعد وبيذاكر لبناته، وعد اتعرفنا عليها، وبنت تانيه اكبر منها بسنه جميله وشقره بعيون خضر وبشره شقره جدا، دي روزان بنت اسد ١٩ سنه. قالت: بابي هو صحيح ماما هتيجي تزورنا. اسد اتنهد وقال: اه هتيجي، كمان كام يوم وتشوفوها. روزان قالت بفرحه:

انا مبسوطه جدا، مش مصدقه. وعد اتنهدت وبصت لابوها بحزن وقالت: هتقعد كتير. اسد حط ايده على حجابها وقال: دي مامتك يا حببتي، المفروض تنبسطي، انتي ملكيش دخل بالي بيني وبينها. وعد قالت: مامتي، الي رفضت تعيش معانا وسابتنا. روزان قالت: معاها حق بصراحه، العيشه بره احسن من هنا خالص. اسد اتنهد وقال: دي افكار يا بنات وكل واحد وافكاره، وانفصالي انا وامكم انتو ملكمش دخل بيه، ويلا ذاكرو بقى عايز افرح بيكم. وبص لروزان وقال:

ضرغام مش مستني وعايز يعمل خطوبه مؤقته. روزان قالت بقلق: احم، خطوبة مينا. اسد قال: وبعدين هتفضلي تعملي هبله لامتى، ما انتي عارفه انو عايزك لابنه فارس. قالت بضيق: وانا قولت لا مية مره يا بابا، ولو سمحت متضغطش عليا، ارجوك. قالت كده وطلعت على اوضتها، وكان نازل على السلم شاب في العشرين يشبه اسد شويه في الملامح، ده نديم الثابت ابن اسامه. محاسن الجزء الثاني😹. بصلها وابتسم وهيه ابتسمتلو بحزن وطلعت. واسد كان بيناديلها وبيقول:

روزان انتي يا بت. وبص لوعد وقال: طب شايفه حتى مش بترد عليا. اسامه كان معدي وقال: معاها حق، ما انتي لو تشدي عليها يا محاسن مكانش يبقى ده حالك. اسد قال بزهق وغضب: ملكش دعوه انت، امشي شوف وراك ايه. اسامه ضحك ومشي ووعد قالت: برضو يا بابا، المفروض هيه كمان يكون لها رأي في شريك حياتها. اسد ابتسم وقال:

يا حبيبه قلبي، انا عايز مصلحتكم وعمري ما هأذيكم او اختار لكم اي حد وخلاص، طب ما ضرغام طلبكم انتو الاتنين لاولادو الاتنين، وانا. وعد قاطعتو لما وقفت وقالت برعب: لا وانبي ابوس ايدك يا بابا غالب، لا وانبي لو ليا خاطر عندك. اسد وقف واتفاجأ من خوفها وقال: من غير ما تقولي يا قلب بابا، انا يستحيل اوافق عليه، ورفضتو اصلا، قولتولو موافق على فارس انما غالب نجوم السما اقربلو مني. تنهدت بارتياح وحضنتو وقالت: شكرا يا بابا.

اسد ابتسم وقال: انا معنديش اغلى منكم انتو كنزي في الدنيا دي. عند جبران وصل لقا الحرس طلعو متولي ورابطينو في الكرسي وهو خايف جدا من جبران الي قرب منو وبصلو بغضب وقال: عملها ايه. الحارس التاني قال: لحقناها يا باشا، بس يعني بهدلها شويه، بس لسه تمام. جبران بصلو بغضب وقال: انا المره الي فاتت ادتلك تحذير صح، وانت عارف اني مش بحزر حد، ومع ذلك رجعت تاني قليت معايا. بص للحرس وقال:

متولي حببنا.. وضبوه توضيبه VIB.. ميعرفش بعدها يتعامل مع اي ست. قال كده ودخل عند حنين وهو متجاهل بكا متولي وانو بينادي عليه. في القصر كان اسامه قاعد عند ضرغام في المكتب وضرغام رايح جاي بغضب وقال: مش فاهم انا، مش فاهم يعني ايه سر الصداقه دي، يعني ليه متمسك بالولد ده بذات، انا هتجنن، انا الف مره حذرتو ومخلتش حاجه معملتهاش، ودلوقتي ساب البيت وعهد عملاها مناحه ومش راضيه تطلع من اوضتها، وانا قرفت، قرفت بجد.

اسامه اتنهد وقال: اهد، يا ضرغام اهدي، انا الف مره قولتلك خلينا نجرب طريقه غير الكلام المباشر معاه، خلينا نجوزو، هو مش بيحب بنت محاسن، جوزوهالو، وخلص، اكيد هيتشغل معاها وفي الفرح وكده وهينسى موضوع جبران ده. ضرغام قعد بيأس وقال:

دي اول حاجه فكرت فيها، بس هو مش راضي يتجوز غيرها، واسد مش موافق عليه، بيخاف منو، بيقول انو شبهك سكري وفلاتي وكل يوم مع واحده وميناسبهاش، ومعاه حق، البنت مؤدبه جدا ومحجبه ومجتهده في دراستها وغير كل ده بتترعب منو، مش هينفع. اسامه بصلو بزهول وقال: وبتقولها قدامي، يعني بيقول شبهي، وعديت فيه صفات ابليس كلها، انا مش فاهم محاسن عايز مني ايه. ضرغام قال: انا بتكلم جد دلوقتي. اسامه قال:

لو عايز الجد مفيش غير طريقتين، الاولى انك تقولو مين هو جبران الغول وعايز مننا ايه. ضرغام قال:

مش هينفع، عايزني اروح اقولو ان ده ابن النعمان ويبقى اخو اسد من ابوه، ده اسد نفسو ميعرفش بوجوده وفاكرو ابن صفوان الغول عمه، ولا عايزني اقولو انو بينتقم لابوه مني وواخدو طريق، ازاي اقولو ابوه قتل عمتك وابن عمك وكان هيموتنا كلنا، مش هينفع وبعدين مش هيصدق ان الولد زي ابوه واكيد مزقوق علينا علشان ينتقم، اصلا مش هينفع احكيلو عن الماضي ولا عن شغلنا وعلاقاتنا الزباله دي، لا انسى. اسامه اتنهد وقال: يبقى الحل التاني مفيش غيره.

ضرغام قال باستغراب: حل ايه ده. اسامه قال: وعد، تفتكر يجري ايه بينهم لو غالب عرف ان جبران ضايق وعد وحاول يخطفها منو، صدقني ممكن يقتلو بايده. ضرغام قعد وقال بتردد: لا، لا طبعا، دي بنت اسد، يستحيل اورطها كده مع شخص زي جبران. اسامه قال: اسمع مني، دي خطه متخرش الميه واحنا مش هنسبها، اسمع مني لو فكر الولد ده يلمسها، وغالب مسكو متلبس مش هيبص في وشو تاني. ضرغام وقف وقال بغضب: نعم، يلمسها، يلمسها ده ايه انت اتجننت رسمي.

عند جبران اول ما دخل لقى حنين نايمه على الارض وهدومها متبهدله وشعرها نازل على وشها وبتترعش جامد. قرب عليها ونزل لمستواها وقعدها وقال: بت.. مالك. وبس اتفاجأ بأنها مضروبه جامد واثار المقاومه واضحه عليها وهدومها متقطعه ومتخربشه في كل مكان. اتنهد وغمض عنيه بغضب وفتحهم وقال: احم.. انتي كويسه، محتاجه دكتور. حنين بصتلو بتوهان ورجعت نامت تاني على الارض بس جبران قعدها وجاب قزازه ميه وبقى يغسل لها وشها وقال:

اتكلمي، قولى حاجه، انتي كويسه ولا ايه. البنت بصتلو بغضب شديد ودفعتو بعيد عنها وقالت: ابعد عني، متعملش قلقان عليا، سبوني في حالي بقى. جبران بصلها بغضب شديد ومسكها من فكها وقال: مين ده الي يقلق عليكي يا حشره انتي، انا كنت خايف بس يسبقني لان الي هو كان هيعملو ده حقي انا، ولا ناسيه انك بقيتي بتاعتي لحد ما ابوكي يدفع. حنين بصتلة بزهول وهو قلع جاكت بدلته وقال: انا محبش اجيب حاجه وحد يلمسها قبلي. ومشى ايده عليها وقال:

خصوصا لما تكون لسه طازه ومحدش داقها، كده خلاص اول ختم، يبقى ختم جبران الغول. وقرب منها ووووو. وياعيني يا حنين تطلع من فخ تقع في فخ الي جاي دمار حرفيا. ياترى اسامه هيقدر يقنع ضرغام بفكرته وفعلا ممكن يجازفو بوعد. وياترى اسد هيفضل على موقفه بجواز روز من فارس وايه رد فعل فارس. احداث كتيره وخطيييره انتظرو البارت الي جاااااي دمار واتفاعلو يا قمراتي.