تحميل رواية «عهد الضبع» PDF

حازم بزهول ورعب: ليلى حبيبتي مين عمل فيكي كده؟

خلص جملته وجرى عليها بخوف كبير لما لقاها قدامه مرميه تحت السرير وفمها وأنْفُها بينزفوا. فحملها برعب عليها وقال بقلق وخوف:

ليلى ياقلبي مالك ردي عليا ارجوكي ردي عليا ياليلى

كان بيحاول يفوقها بس بدون جدوى. فطلع بيها جرى زي المجنون ومعرفش يروح بيها عند مين. فتوجه لغرفة ضبع برعب ودفع الباب بقوة ودخل بهلع.

حازم برعب على ليلى: ضبع الحقني بسرعة ليلى بتنزف أوي معرفش ليه؟

ضبع وعهد بصوا عليه بصدمة كبيرة. وضبع قال بقلق:

حطها هنا بسرعة واتصل على الدكتورة بسرعة

حازم قرب ووضعها على السرير وعهد رنت على الدكتورة بسرعة. وقعت جنب ليلى بتوتر وقلق.

وبعد وقت الدكتورة فحصت ليلى وقالت:

حالتها بقت صعبة أوي بسبب الإهمال ومحتاجة رعاية كبيرة واهتمام في الأكل لأنها بقت ضعيفة أوي

حازم بقلق: تمام يادكتورة طيب هتفوق إمتى كده؟

الدكتورة: ساعة كده وهتفوق يافندم وأنا هكتب لها فيتامينات ومقويات لحالتها بالشفاء إن شاء الله

حازم أخد منها ورقة العلاج وودعها لخارج القصر ورجع تاني. لقى ضبع بيبص عليه بتركيز. فتهند بتوتر وخوف وقال:

ضبع أنا هفهمك كل حاجة أنا...

ضبع ببرود: بتحبها مش كده ياحازم؟

حازم بتوتر: احم أنت قصدك على مين؟

ضبع بخبث: قصدي على مراتي ليلى أنت بتحبها مش كده؟

حازم بخوف: ضبع أنت فاهم غلط أنا هقولك الحقيقة كلها من الأول صدقني

وقف ضبع وقرب منه ببرود وحازم بلع ريقه منه بخوف. وفجأة ضبع حضنه بقوة وقال:

اهدي ياحبيب أخوك أنا مستحيل أأذيك ياحازم اهدي أنا عرفت الحقيقة كلها من الأول

حازم بصدمة: أنت بتقول إيه عرفت الحقيقة إزاي؟

عهد ببسمة: أنا اللي حكيتله كل حاجة ياحازم اهدي ضبع مستحيل يأذيك أبداً

حازم بفرحة: بجد ياضبع أنت مسامحني أنا وليلى يعني؟

ضبع: وأنا من إمتى زعلت منك ياحازم أنا بس كنت مجروح من خيانة ليلى وهي لسه على ذمتي وحاولت معاها كتير علشان تقولي الحقيقة بس هي رفضت من خوفها عليك كانت فاكرة أني ممكن أأذيك بس أنا مستحيل أعمل كده معاك. أنا آسف ياحازم علشان اتعصبت عليها وقتها وضربتها بالشكل ده سامحني

حازم بفرحة كبيرة: يعني كل حاجة اتحلت دلوقتي وهطلقها مش كده ياضبع؟

ضبع ببسمة: من عنيا ياحبيبي هطلقها وبعد شهور العدة بتاعتها هعمل لكم فرح كبير أنت وهي وهعوضكم عن كل حاجة وحشة حصلت بسببى

حازم نزلت دموعه بفرحة كبيرة وحضن ضبع بقوة تحت نظرات السعادة من عهد اللي انسحبت بهدوء من الغرفة. بس قبل ما تطلع منها ضبع مسك إيدها بسرعة وقال:

أنتي رايحة فين ياعهد؟

عهد ببسمة: أنا همشي ياضبع بيه كده دوري هنا خلص وعملت اللي عليا وكل حاجة بقت تمام بينكم دلوقتي

ضبع ببسمة: تمشي تروحي فين ياعهد هو فيه عروسة تسيب عريسها ليلة الدخلة؟

عهد بصدمة: أنت قصدك إيه؟

ضبع بخبث: قصدي إن النهاردة كتب كتابنا ياحرم ضبع الهواري

عهد بصت عليه بصدمة وقلبها دق بقوة من كلامه ومردتش عليه. فقرب منها ضبع ولمس وجهها بحنية وقال:

أنا هنزل أتصل على المأذون ييجي فوراً وانتِ جهزي نفسك لحفلة جوازنا ياقلبي ماشي

عهد ركزت في عينيه بتوهان وهزت رأسها بهدوء وضبع سابهم وخرج.

حازم قرب منها بفرحة وقال:

ألف مبروك ياعهد أنا بجد فرحان أوي ليكي ضبع بيحبك أوي صدقيني ومستحيل تلاقي شخص بيحبك قده

عهد ببسمة: الله يبارك فيك ياحازم وعقبالك أنت وليلى كمان

حازم بحب: آمين يارب ياعهد وشكراً أوي على المساعدة يامرات أخويا

عهد: العفو ياحازم يالا أنا هطلع علشان أجهز نفسي بقى

خرجت عهد علشان تجهز نفسها وحازم قعد جنب ليلى وهو بيتأمل ملامحها بحب كبير وهو بيقول:

قريب كل حاجة هترجع لأصلها ياليلى وانتي كمان مكانك الحقيقي في حضني أنا ياقلبي

وعند ضبع لبس بدلته بسعادة كبيرة وتوجه لمكتبه وحمل ملف مهم وخرج من القصر كله.

وبعد دقايق دخل المخزن ببرود وهيبة. فجرى عليه عم عهد برعب وقال:

أبوس إيدك يابيه طلعنا من هنا اللي عاوزه كله هنعمله ليك

ضبع بخبث: وأنا جيت علشان أخرجكم من هنا متقلقوش

مصطفى بفرحة: بجد يابيه؟

ضبع ببرود: بجد بس الأول هتمضي على الورق ده وكمان هتجمع باقي عيلتك اللي هنا علشان تحضروا فرح عهد بنت أخوك أصل مش معقول أكتب عليها لوحدها وعيلتها كلها موجودة هنا. يالا يا عم مصطفى علشان محتاجك تبقى وكيلها قدام المأذون

مصطفى بصدمة: أنت هتتجوز عهد؟

ضبع بخبث: إيه سمعت خبر وحش ولا إيه ده خبر جواز بنت أخوك يا عمي

وهنا معتز سمعه بضعف وقال:

لا يا بابا أرجوك امنعه عهد دي بتاعتي أنا وأنا ممكن أموت نفسي لو بقت لشخص تاني غيري

ضبع سمعه بغضب حاول يكتمه جواه وبص على مصطفى بتحذير وقال:

آخر مرة هحذر ابنك يا عم مصطفى عهد خط أحمر وبعد دقايق هتبقى مراتي وعلى اسمي. فلو سمعت اسمها تاني على لسانه أنا هقطعه ليه وقد أحذر من إنذار

مصطفى بخوف: لا خلاص يابيه متشلش همه أنا هحبسه عندي لغاية ما يرجع لعقله تاني أوعدك

ضبع ببسمة: تمام يا عم مصطفى خد امضي هنا علشان تخرجوا

مصطفى مسك الورق بسرعة ومضى عليه بخوف من ضبع وقال:

كده تمام يابيه عاوز حاجة تاني مني؟

ضبع حط الورق في جيبه وقال:

أيوه عاوز تيجي معايا علشان أكتب كتابي على عهد وتبقى وكيلها

مصطفى بلع ريقه وبص على ابنه معتز بحزن وهز رأسه بطاعة وقال:

حاضر أنا هاجي معاك فوراً

وفعلاً بعد وقت تم كتب كتاب عهد وضبع تحت صدمة عهد من وجود مصطفى عمها معاها وانه كمان بقى وكيلها قدام الناس كلها.

وضبع بص عليها بحب كبير وقرب مسك إيدها بحنية وقال:

ألف مبروك ياحرم ضبع الهواري أخيراً بقيتي حلال

وأخد إيدها ووقف بيها قدام باقي المعازيم كلهم وقال ببسمة:

أقدم لكم البنت الوحيدة اللي خطفت قلبي من أول ما عيني وقعت عليها وبقت حياتي كلها حب وسعادة بفضلك ياعهد الضبع

عهد بصت عليه والدموع لمعت في عينيها وضبع قبل إيدها واخرج من جيبه الورق وقدمه لها وقال:

ودي هدية جوازك ياقلبي أنا وعدتك أني هاخد حقك منهم ودلوقتي وفيت بوعدي ورجع حقك كامل منهم كمان

عهد بصت على الورق بفرحة كبيرة وهي مش مصدقة نفسها وحضنت ضبع بقوة وقالت:

شكراً ياضبع شكراً أوي أنا مش عارفة أقولك إيه بجد

ضبع بخبث: تقدري تقوليلي بحبك أو بعشقك ياضبع مثلاً أنا هموت وأسمعها منك ياعهد

عهد بحب: أنا بحبك بجد ياضبع من أول يوم قلبي دق ليك وحدك ومحستش بالأمان والسعادة غير معاك رغم كل اللي كنت بتعمله معايا بس أنت كنت أماني الوحيد ياضبع

ضبع سمعها وقلبه كان هيطير من السعادة وحملها بحب وفرحة كبيرة وقال بخبث:

عن إذنكم بقى يا جماعة علشان معانا حرب فوق ولازم نستعد لها من دلوقتي

ضحك عليه المعازيم كلهم وعهد ضربته في كتفه بضيق وقالت:

اتلم مش كده قدام الناس

ضبع بضحك: معلش ياقلبي بس أنا اللي في قلبي على لساني يالا نطلع بقى حان وقت الحرب

ضحكت عهد بخفوت عليه وحازم قرب منه وقال:

ألف مبروك ياضبع وربنا يديمها سعادة عليكم يارب

ضبع ببسمة: آمين يارب ياحبيبي تسلم.. روح أنت شوف حالة ليلى ومتسبهاش لغاية ما تفوق وأدعيلى بقى ياحازم

حازم بغمزة: ربنا معاك ويقويك على الحرب ياحبيبي

ضبع ابتسم ليه وسابه وطلع غرفته بعهد وحطها على السرير بحنية وقال بخبث:

أساعِدك؟

عهد بكسوف: تساعدني في إيه ياضبع؟

ابتسم ضبع وقال: وهساعدك في إيه يعني قصدي أساعدك في فك سوسة الفستان ياعهدى ده أنا من أول يوم شفتك فيه وأنا مستني اللحظة دي

ضحكت عهد عليه بكسوف وقالت: لا أنا بعرف أفكها لوحدي متقلقش هروح أغير بقى عاوز حاجة؟

ضبع بحب: أيوه عاوزك تلبسي ده

عهد بصت عليه بتركيز لما لقيته ماسك في إيده قميص نوم قصير وتحفة أوي لونه أحمر فقالت بكسوف: أنت عاوزني ألبس البتاع ده؟

ضبع ببسمة: أيوه عاوزك تلبسيه دي ليلة العمر ومحتاجة حاجة جامدة زي دي والا إيه رأيك؟

عهد بقى وجهها كله أحمر من الكسوف وضبع قرب منها بحب وقال: أموت في الورد البلدي تعالي وأنا هعلمك إزاي تلبسيه جوه ياقلبي

عهد شهقت بصدمة ولما لقيته حملها وتوجه بيها للحمام ودفنت رأسها في رقبته بحب.

وفي صباح اليوم التالي صحيت عهد الأول ولقت ضبع جنبها نايم مثل الأطفال فحطت إيدها على وجهه بحب وهي بتتذكر ليلة امس بكسوف. وفجأة فتح ضبع عينيه ليها وقال:

صباحية عسل على أجمل عسل دوقته في حياتي

عهد بكسوف: مش هتبطل سخافتك دي بقى ياضبع؟

ضبع قرب وحاوطها بإيديه بحب وقال: لا ياقلبي مش هبطلها مدام معايا بطل زيك هنا جنبي

ابتسم عهد بفرحة ودفنت وجهها في صدره بدفء وأمان. بس فجأة رن فون ضبع فمسكه ورد بضيق.

ضبع ببرود: نعم يافندم... تمام تحت أمرك هاجي حالا

عهد بقلق: في إيه ياضبع؟

ضبع ببسمة: مفيش ياقلبي بس طلبوني في الشغل علشان المهمة اللي ماسكها أنا من سنين ولازم أروح دلوقتي ضروري بس مش هتأخر عليكي ماشي ياعهدي

عهد بتوتر وقلق: ضبع متروحش أنا قلبي مش مطمن للمهمة دي أرجوك خليك معايا أنا خايفة عليك

ضبع بحب: اهدي ياعهدي أنا ماسك المهمة دي من زمان وأخير عرفنا مكانهم بقى فين ولازم أروح بنفسي أقبط عليهم متقلقيش زوجك ظابط قد الدنيا ومن أقوى الظباط في المخابرات السرية حتى ملقبيني بضبع المخابرات ياقلبي

عهد بقلق: تمام طيب أوعدي إنك هترجع ليا بخير ياضبع أرجوك

ضبع ببسمة: حاضر أوعدك بإذن الله هرجعلك بخير وبعدها هنطلع شهر عسل بره مصر في أي مكان انتي عاوزة تمام

عهد ببسمة: تمام ربنا يحرسك ليا يارب

وبعد وقت ضبع جهز نفسه ولبس بدلته الرسمية في القصر لأول مرة ونزل تحت لقى حازم وليلى معاه وهو بيأكلها بإيده بحنية فابتسم وقرب منهم بحب وقال:

صباح الخير والسعادة

حازم بانتباه: صباح العسل ياضبع وصباحية مباركة ياعريس

ضبع ببسمة: الله يبارك فيك ياحبيبي

ضبع سابه وقرب من ليلى وقعد قدامها بحزن وندم وقال:

ليلى سامحيني على كل حاجة عملتها معاكي يابت عمتي أنا آسف أوي ونفسي تسامحيني بجد ياليلى

ليلى رفعت عينيها ليه بتعب وقالت: وأنا مسامحاك ياضبع المهم أن كل حاجة بقت تمام دلوقتي وكل واحد رجع لمكانه الصحيح دلوقتي

ضبع ببسمة: عندك حق ياليلى كل واحد لقى نصه الحلو دلوقتي علشان كده أنتِ طالق وربنا يقدرني وأفرحك أنتِ وحازم الباقي من عمركم سوى

حازم كان هيطير حرفياً من السعادة وليلى كمان ابتسمت بسعادة كبيرة وضبع وقف وقال:

عن إذنكم بقى دلوقتي وأدعولي بقى أنجح المرة دي وأقبض على العصابة اللي مطلعة عيني من سنين

حازم ببسمة: ربنا معاك ياحبيبي وخلي بالك من نفسك كويس

ضبع بحب: إن شاء الله ياحبيب أخوك يالا سلام بقى

ليلى وحازم مع بعض: سلام ياضبع وربنا يحميك لينا يارب

وبعد خروج ضبع من القصر كانت في عيون بتراقبه حتى انطلق بالعربية. وطبعاً العيون دي كانت سوزي مرت أبوه اللي ابتسمت بخبث كبير وهي بتقول:

واخيراً هخلص منك ياضبع أنا استنيت اليوم ده بفارغ الصبر فرحان طبعاً علشان هتقدر تقبض على العصابة اللي مطلعة عينك من سنين ومتعرفش إنها مخططة لموتك قبل ما توصل لمكان المهمة اصلا وقطعت سلك فرامل عربيتك علشان قبل ما توصل لمكان المهمة أخلص منك في الجرف الموجود هناك. قلبي واخيراً أقدر أقول دلوقتي باي باي يابن رقيه الغالي.....

واخيرا هخلص منك ياضبع.

انا استنيت اليوم ده بفارغ الصبر.

فرحان طبعا علشان هتقدر تقبض على العصابه الي مطلعه عينك من سنين.

ومتعرفش اني مخططه لموتك قبل ماتوصل لمكان المهمه اصلا.

وقطعت سلك فرامل عربيتك علشان قبل ماتوصل لمكان المهمه اخلص منك في الجرف الموجود هناك.

قلبها واخيرا اقدر اقول دلوقتي باي باي يابن رقيه الغالي.

وبعد مرور شهر القصر كله كان قلقان على ضبع بسبب تأخره.

و عهد تعبت اوي من خوفها عليه.

وحازم كمان منمش ليل نهار وهو بيحاول يوصله بأي طريقه.

عهد بدموع:

حاول تاني ياحازم ابوس ايدك.

انا هموت من الخوف عليه.

حازم بحزن:

انا لسه بحاول ياعهد.

مسبتش مكان في شغله وكله قالي معلومات المهمه دي سريه ولسه مخلصتش والله.

اهدي وان شاء الله هنعرف حاجه عنه.

ليلى بحزن عليها:

عهد تعالي معايا علشان ترتاحي.

اني حامل جديد ولازم ترتاحي علشان ابنك.

عهد بدموع:

ارتاح ازاي وزوجي معرفش حاجه عنه.

حسوا بيا بقى انا مش بنام ليل نهار من القلق عليه.

حازم بشفقه:

ليلى خدي عهد لغرفتها لو سمحتي.

وخليكي جنبها لغايه ماتنام وانا هطلع يمكن اعرف حاجه عنه.

ليلى بطاعه:

حاضر ياحازم.

وخلي بالك من نفسك ياحبيبي.

حازم بتعب وحزن:

حاضر وان شاء الله خير.

عن ازنكم.

خرج حازم وعهد نزلت دموعها بغزازه.

وليلي بصت عليها بحزن واخدها لغرفتها علشان ترتاح.

وعلى الناحيه الاخر كانت سوزي بتراقبهم من بعيد ببسمه خبيثه وهي بتقول:

مساكين اوي ميعرفوش ان ضبع خلاص الله يرحمه بقى مبقاش موجود في الدنيا اصلا.

وبصت تجاه غرفه عهد بضيق وكملت:

بس لازم اكمل جميلي بقى واخلص كمان من اخر شئ يربط وجوده في الحياه وهو ابنه.

طبعا لازم يحصل ابوه كمان.

خلصت جملتها وزهبت لغرفتها حتي تخطط للقادم.

وعند عهد بعد مجهود كبير من ليلى اخيرا قدرت تخليها تاكل وكمان اخدت علاجها ونامت بدموع.

وليلي سابتها وخرجت ترتاح هي كمان.

وبعد وقت فتحت عهد عنيها الغرقانه دموع ومسكت صوره ضبع الي جنبها بدموع وحزن دفين وقالت:

ده وعدك ليا ياضبع انت مش وعدتني هترجع لحضني تاني كده تسيبني انا وابنك من قبل ماتعرف بوجوده حتي.

طيب هتكون فين دلوقتي ارجوك ارجع ليا تاني انا بحاجتك اوي جنبي.

خلصت جملتها وانهارت في البكاء بقوه وهي بتتذكر ايامهم سوى ولحظاتهم الجميله مع بعض.

وفضلت الليل كله على نفس الحال حتي الصباح.

وقفت ومسحت دموعها العالقه في عنيها ودخلت الحمام تاخد شور علشان ترتاح شويه.

وبعد خروجها قعدت قدام المرآيه وهي بتبص على ملامحها الذابله من الحزن.

وحطت ايدها على بطنها برقه وقالت:

بابا هيرجع ياحبيبي انا واثقه انه هيرجع تاني علشان يفرح بوجودك ياحته من قلبي.

ووقفت باقي الجمله في فمها لما لقت سوزي مسكت حته قماشه وحطتها على رقبتها وبدأت تخنقها بيها بقوه وهي بتقول:

حبيب قلبك مات ياحلوه ومش هيرجع هنا تاني.

وانا هبعتك انتي وابنه كمان عنده دلوقتي علشان تعيشوا سوى في الجنه.

عهد كانت بتحاول تبعدها عنها بس مش قادره عليها بسبب صحتها اللي تراجعت من قله الاكل والحزن على ضبع.

وحاولت وحاولت بكل قوتها لغايه ماقدرت بصعوبه تدفعها بعيد عنها.

وقالت بصراخ:

لااا مستحيل انتي عملتي في ضبع ايه انطقي عملتي في جوزي ايه ياحيوانه.

سوزي بصت عليها بشر وقربت منها بغضب وقالت:

قتلته ياعهد وخلصت منه للابد.

واجه دور ابنه كمان يحصله وبعده انتي كمان ياحلوه هخليكي تخسري ابنك الاول وبعدها هسيبك هنا تتصفي لوحدك.

عهد سمعتها بصدمه وتراجعت برعب وقالت:

لا ابوس ايدك ابعدي عن ابني ده باقي ليا من ريحه ضبع جوزي.

سوزي بخبث وشر:

وعلشان كده انا هخلص منه لاني مش عاوزه أي شئ يبقى موجود من ريحه ضبع في الدنيا كلها.

خلصت جملتها ومسكت عهد رمتها على الارض بقوه وبعدها رفعت رجلها علشان تضربها في بطنها.

وعهد صرخت برعب منها بس فجأه.

اجه شخص مسك رجل سوزي بقوه ودفعها بكل قوته حتي وقعت بعنف بعيد عن عهد.

وقالت بعضب رهيب:

دنا هطلع روحك في ايدي دلوقتي يامرات ابويا.

سوزي برعب:

ضبع انت..انت ازاي لسه عايش؟

انا قطعت فرامل عربيتك بايدي ورجالتي كمان شافو عربيتك وهي بتقعد في الجرف ازاي طلعت عايش منها؟!

وقف ضبع بعد ماسند عهد جنبه اللي كانت في دنيا من الفرحه بوجوده جنبها وقال:

دي رحمه ربنا بيا ودعى اللي بيحبوني كمان نجاني من خطتك السوده يامرات ابويا.

بعد ماعرفت ان فرامل العربيه مش شغاله وقربت من الجرف بصت جنبي لقيت شجره قريبه اقدر انط عليها فنطيت من العربيه عليها والحمد لله طلعت باصابات سطحيه بس من الحادث.

سوزي بصت عليه بصدمه وكان بتفكر تهرب من قدامه بس سمعته بيقول بخبث:

متفكريش حتي في الهروب ياسوزي هانم لان الشرطه في طريقها لهنا بعد ماقبضت على عصابتك كلها متلبسه واعترفوا عليكي كمان.

سوزي بلعت ريقها برعب وفجأه دخل حازم اللي قال بصدمه وفرحه اول ماشاف ضبع قدامه:

ضبع انت هنا بجد انا مش مصدق عنيا.

انا دورت عليك في كل مكان.

وسكت حازم بصدمه لما لقى سوزي مامته مسكت سكينه من الطبق جنبها وحطتها على رقبة حازم وقالت بتهديد:

لو مطلعتش من هنا قبل ما الشرطه توصل انا هقتل اخوك ياضبع.

ضبع بصدمه وخوف:

انتي بتعملي ايه ابعدي عنه انتي اجننتي ده ابنك هتضحي بأبنك علشان تهربي من هنا.

حازم بصدمه ودموع:

ماما انتي بتعملي ايه انا حازم ابنك هتقتلي ابنك بأيدك علشان تهربي.

سوزي بجنون:

انا مستعده اقتلكم كلكم المهم اهرب من هنا ولو كان التمن ايه.

حازم نزلت دموعه من كلامها زي الشلال من الصدمه فيها.

وضبع قال بخوف:

تمام اهربي بس ابعدي عنه انا مفيش عندي اغلا منه.

حازم بص عليه بدموع وهو مش مصدق نفسه.

ضبع اخوه اللي من ابوه بس خايف عليه كده وامه اللي جابته على الدنيا مستعده تضحي بيه علشان تنقذ نفسها من السجن.

وفي اللحظه دي حازم جمع كل قوته اللي في قلبه وضرب سوزي في بطنها بزراعه بكل قوته خلاها تراجعت بألم كبير منه والسكينه وقعت منها كمان.

حازم بحده وغضب:

انتي اكبر نقطه سوده في حياتي كلها.

وانا بتمني بجد انك تطلعيش من السجن وتتعفني هناك.

ياريتك ماكونتي امي اللي جابتني على الدنيا ياسوزي هانم.

سوزي رغم اللي عملته معاه بس قلبها وجعها اوي من كلامه لانها كانت بتهدد بيه ومستحيل تقتله بس عملت كده لانها عارفه ان ضبع بيحبه اوي ومستحيل يضحي بيه ابدا.

وبعد دقايق وصلت الشرطه وسوزي وقفت في مكانها ومتحركتش لغايه ماتم القبض عليها.

وحازم جرى على ضبع وبقى يبكي في حضنه بقوه وقال:

رغم اللي عملته معايا بس قلبي وجعني عليها ياضبع دي امي رغم كل شئ حصل.

ضبع بشفقه وحزن عليه:

اهدئ ياحبيبي اخوك معاك.

ومش هسيبك ابدا ياحازم وهعوضك عن غيابها اوعدك ياحبيب اخوك.

حازم فضل متمسك بيه بقوه تحت نظرات عهد اللي كانت هطير من الفرحه برجوع ضبع لها تاني.

وبعد مرور ثلاثه اشهر ضبع عمل فرح كبير اوي لحازم وليلا وكانت الاجواء رائعه.

وحازم كان سعيد جدا ونسى كل حاجه حصلت بسبب وجود ليلا حبيبته جنبه وكمان ضبع وعهد مراته.

حازم بفرحه كبيره:

انا مش مصدق نفسي اخيرا هجوزك ياليلا وهتنامي في حضني كمان.

ليلى بكسوف:

لا صدق ياحبيبي انا جنبك وهفضل في حضنك العمر كله كمان ياحازم.

حازم بحب:

انا بحبك اوي ياليلا ربنا يديمك لقلبي العمر كله ياروح قلبي.

ليلى بحب مماثل:

وانا كمان بحبك اوي ياحازم وربنا مايحرمني من وجودك في حياتي يانبض قلبي.

حازم سمعها بحب كبير وحضنها بقوه وسعاده لاتوصف.

وعند ضبع بص على عهد بخبث وقال:

الولاد عاملين ايه معاكي ياقلبي.

عهد بتعب:

مطلعين عين قلبك ليل نهار ضرب في بطني ايه ولاد بطل مصارعه.

ضبع بضحك:

لا ولاد بطل في الملاكمه وظابط اول مخابرات سريه ياروح قلبي.

عهد بضيق:

لا والله طيب ماتخدهم شويه عني اخدت نفسي بس منهم ياضبع.

ضحك ضبع بقوه عليها وقال:

مش لما يتولدوا الاول ياعهد هاخدهم ازاي من بطنك بس ياحبيبتي اهدي اهدي دي كلها هرمونات الحمل بس.

عهد ببسمه:

عندك حق طب بقولك ايه ياضبع.

ضبع ببسمه:

عيون ونبض قلب ضبع امري ياروحي عاوزه ايه؟

عهد بحب:

انا نفسي في رنجه وايس كريم دلوقتي.

الولاد نفسهم في كده.

ضبع بصدمه:

رنجه وأيس كريم ازاي طيب هتكليهم ازاي مع بعض ياعهد؟!

عهد بحزن:

وانا اعمل ايه في اولادك واحد عاوز رنجه والتاني عاوز ايس كريم اتصرف انت بقى مش دول ولادك برضه.

ضبع بحب:

ولادي وحته من قلبي واللي يطلبوه اجيبه لو فوق سطح القمر ياقلبي تعالي معايا وانا هأكلك اللي انتي عاوزاه.

عهد بحب وتأثر:

تمام انا بحبك اوي اوي ياضبع.

ضبع بحب كبير:

وانا بموت فيكي ياعهد الضبع.