رواية عقوبة العشق الفصل الأول 1 - بقلم نور شريف

أحنا رايحين فين يا ماما؟ مسحت دموعها بقهر: فرح بابا يا حبيبي. قالتها بحزن وهي بتلبس جزمتها وماشيه. بصت عليه ودموعها نازلة بهدوء، كان بيرقص والفرحة ظاهرة في عيونه: هو مش بابا اتجوزك، امال مين دي؟ دي طنط ياسمين، بابا بيحبها وقرر يتجوزها. أنا وأنت هنحضر الفرح ونسافر بعيد، النهاردة آخر يوم هتشوف فيه بابا. زقه بغضب: أنا مش هروح معاكي، أنا هروح مع بابا. جري الطفل على أبوه أول ما شافه، حضنه وعيط: متسبنيش يا بابا عشان خاطري.

رفعه رحيم لحضنه وابتسم: لازم ترجع مع ماما، مينفعش تبقى معايا. مسحت نجمة دموعها وجريت على شقتها تعيط وتصرخ في الشقة: مش قادرة أتخيل أنه معايا ولا قادرة أشوفه خلاص، قررت الطلاق وهو رافض، عايز يعذبني وأبقى بشوفه معاها وأبان قوية. خلصوا الفرح، ونجمة نزلت الدور الأرضي مع الدادة وابنها نام. سمعت صوت الزفة، طلعت لقيته داخل وشايل ياسمين على إيده وصوت ضحكهم عالي.

بصلها رحيم بتوتر ونزل ياسمين بهدوء. ابتسم وهو شايف عيونها ورمة من العياط. اسبقيني يا ياسمين وأنا جاي وراكي. طلعت وهي بتبص لنجمة باستغراب. ساعتها قربت نجمة، نزلت كف شديد على وشه. حطت إيدها على قلبها وقالت بصوت مخنوق: انت جرحتني. لمس رحيم وشه وبصلها بتركيز:

أنا اتجوزتك يا نجمة عشان خاطر أمي بتحبك وشايفاكي زوجة مناسبة. أنتِ ونعم الزوجة وعمرك ما قصرتي في حقي وأنا كنت جوزك ومقصرتش. عارف أنك بتحبيني بس أنا مش قادر أحبك. أنا بس اتقبلت الواقع معاكي. أنتي عارفة كويس أني بحب ياسمين ووعدتها بالجواز. ولو راحت مني كنت هعيش ندمان طول عمري. أنا عايزة أطلق يا رحيم، مش هعيش معاك ثانية واحدة بعد دلوقتي. زي ما قولتلي أمشي أنا همشي وأنا مطلقة مش على ذمتك، وكده تبقى عايش مع حبيبة قلبك.

شدها من وسطها بغيظ: عايزة تحرميني منك ومن أن أشوف ابني، أنتِ مراتي ومستحيل أطلقك يا نجمة. ابعد عني بقا، عايز مني إيه تاني بعد ما اتجوزت عليا؟ قلب إيه دي اللي يحب اتنين؟ عايزني ولا عايزها؟ انتوا الاتنين، انتي أم ابني وهي حبيبتي. الكلمة نزلت عليا زي جردل مياه ساقعة. مسحت دموعي وأنا بستوعب كلامه: أم ابني دلوقتي. نجمة بقت أم ابني. عايزة أقولك إيه يعني يا نجمة؟

ليا اتجوز بدل الوحدة أربعة، وده حقي. مقصرتش في حقك، عملتلك فرح وعملتلها. يبقى ناقصك إيه؟ ناقصني حبك ليا يا رحيم وأحس إنك مش شايف غيري. وقفت ياسمين على السلم وقالت بغل: بس هو مش شايف غيري أنا يا اسمك إيه انتي؟ آه صح نجمة!!! يلا يا رحيم عشان تفتحلي سوستة الفستان مش عارفة أفتحها. طلع رحيم فوق وهو بيودع نجمة بنظراته. أخد ياسمين ودخل أوضته. مع نجمة اللي أول ما شافته صرخت: بلاش هنا يا رحيم لو أنا غالية عندك.

شدته ياسمين بإصرار للأوضة ورزعت الباب بقوة. بدأت تقلعه البدلة وهو سرحان في عيون نجمة وكلامها ليه. يلا يا رحيم قلعني الفستان. فتح السوستة ونزل الفستان وكانت قدامه شبه عريانة. قرب منها واتجاوب معاها. طلعت نجمة تاني يوم الصبح. فتحت الباب واتصدمت لما لقتهم في حضن بعض على سريرها. صرخت بوجع: رحيمممممم. فتح عيونه بنوم وبصلها بتوتر: نجمة أنا... يتبع عقوبة _العشق بقلمي نور شريف