رواية علمتني الحب الفصل العشرون 20 - بقلم ميرفت محمد

انت لسه بتحبيه يا ريهام؟ ريهام سكتت. معرفتش ترد. هي أصلاً مش عارفة هي لسه بتحبه ولا لأ. مصطفى فهم إنها لسه بتحبه. طب أنا آسف جداً على اللي عملته ده. عن إذنك. نظرت له ريهام بلهفة. نفسها تقوله استنى بس. متعرفش عايزة تقوله إيه. سكتت. الأب: انت ماشي يا ابني؟ مصطفى بحزن: أيوه يا عمي. عن إذنك. الأب: إذنك معاك يا ابني. مصطفى مشي. الأب: إيه اللي حصل يا ريهام؟ رفضيه برضه زي كل عريس.

ريهام بدموع: بعد ما حاكيت له عن موضوع نادر. سألني لسه بحبه ولا لأ. ولما سكت. قال إنه هيمشي. الأب بحده: ولحد إمتى يا ريهام؟ ولحد إمتى هتفضلي عايشة على ذكرى واحد ميت؟ ريهام بدموع: مش عارفة يا بابا. مش عارفة. ودخلت على أوضتها. الأب بحزن على ابنته: استغفر الله العظيم من كل ذنب عظيم. ربنا يصلح لك حالك يا بنتي. *** عند سليم وسما. سما: لا يا طنط. أنا مش يرضيني آخد ابنك منك. هو برضه ابنك. ثم نظرت إلى سليم: سليم.

سليم: إيه يا سما؟ هتسبيني؟ سما: مقدرش أسيبك يا سليم. إحنا ممكن نقعد مع طنط في الفيلا عشان هي ليها حق عليك أكتر مني كمان. وبعدين مامتك زي مامتي عادي. سليم: أيوه طيب. انتي مش هتعرفي تاخدي راحتك في البيت. لأن سامر هيبقى موجود. ده غير ابن خالتي بييجي من السفر علينا. ومازن صاحبي برضه بييجي يقعد معانا كل فترة. يعني مش هتعرفي تاخدي راحتك. أحلام بغيظ: إيه إن شاء الله؟ هما غرب؟

حسن ابن خالتك ومتربي معاك وزي أخوك. وأنا برضه أنتم التلاتة. أنا اللي مربياكم. وبعدين ما حسن متجوز ومراته بتيجي تقعد عادي. ولا هي مراتك ملكة جمال مصر بتغير عليها ولا حاجة. سليم: أيوه يا ماما. سما ملكة جمال بس مش مصر. ملكة جمال قلبي أنا. وأخوه بغير. ولو سمحتي يا ماما. قولتلك أنا مش عايز كلام يجرح. وأكتر من كده. ومش هسمح لأي حد إنه يوجه لها كلام يجرحها. أحلام: بتقف في وشي عشانها؟ عشان دي؟ ماشي يا سليم. خليها تنفعك.

ومشت بغضب. ونظرت نهال لسما بقرف ومشيت برضه. سما بعتاب: ليه كده يا سليم؟ أنا ما يرضينيش إنك تكلم مامتك كده بسببي. سليم: أنا قولتلك هقف في وش أي حد يزعلك. وبعدين أنا مش وقفت في وشها ولا حاجة. لما هروح هصلحها. بس أنا قولت الكلام ده عشان مش تقولوكلام جارح ولا حاجة. وبعدين هنفضل نتكلم في الكلام ده؟ أنا لسه طالع من عمليات. سما: في حاجة بتوجعك؟ سليم: طول ما إنتي جمبي. لا. سما: هههههههه.

سليم بتكشيرة: بتضحكي ليه بقا إن شاء الله؟ كنتي قلتي نكتة. سما بضحك: بصراحة شكلك بيبقى حلو أوي وانت رومانسي. سليم برفع حاجب: شكلي بيبقى حلو إزاي؟ سما: بتبقى جميل. وبتبقى عسل. وبتبقى. سليم: بس بس. إيه جميل وعسل؟ وعايزة تكملي؟ إنتي بدلعي ابن اختك. سما: هههههههه. سليم: بطلي ضحك. ***

مرت الأيام. وسليم بقى كويس. وقدر يقف على رجله بعد جلسات العلاج الطبيعي. وسما مش بتسيبه. وسما وسليم جابوا الشبكة. واتخطبوا رسمي. بس سليم مش قادر يصبر. عايز يتجوز على طول. بس سما مش راضية. عايزة خطوبة. وأحلام اللي بتفضل تجرح في سما بكلام مش كويس. بس مش قدام سليم عشان ما يزعلش. هو صالحها على كلامه. ونهال اللي بتقرب منه عشان تاخده. مصطفى اللي بقى حزين وتعب من الحب. حب سما وبعدت عنه. وحب ريهام وطلعت مش بتحبه. بس قرر.

(مش هقولكم قرر إيه. خليها مفاجأة 👀) أحمد وليل اللي لسه الحب مستمر ما بينهم. وقضوا شهر عسل ورجعوا مصر. وأحمد رجع الشغل. ومصطفى فضل يناقر فيه. لأنه اتجوز. وكل ما ليل تتصل بيه. يرخم عليهم. *** عند سليم وسما. سليم: بقولك إيه يا سمايا. سما: نعم يا حبيبي. سليم: الله. سما بكسوف: عايز إيه. سليم: مش إحنا اتخطبنا. عايزين نعمل فرح بقا. سما: لا. أنا عايزة خطوبة. سليم: إحنا بقالنا شهر مخطوبين. كفاية. سما: عمرك شوفت خطوبة شهر؟

الخطوبة على الأقل ٦ شهور. سليم: نععععم. ولسه هستنى ٦ شهور؟ سما: عدى منهم شهر. يبقى لسه. سليم: وربنا ما هستنى. ياله هطلع دلوقتي على أمك. اتفق معاها إن الفرح يبقى الخميس. سما: يا سليم. سليم: ياله. *** عند مصطفى وأحمد. أحمد: خلاص يا حبيبتي. بطلي نكد شوية. الله يخربيتك يا مصطفى. ليل: وماله مصطفى. أحمد: ماهو اللي بينق عليا كل شوية. ليل: متعرفش هو مش هيتجوز ولا إيه.

أحمد: والله معرف. مصطفى ده تعبني. مش عايز يتجوز. وفاضل ينق عليا. ليل: ماشي. أنا هقفل. ولما أكلمك ترد على طول. بدل ما تلاقيني خطفتك. أحمد: خطفتي. ماشي. سلام. دخل عليه مصطفى. كان لسه بيقفل. مصطفى: يا عم بطل شوية جو الرومانسية دي. أحمد: بطل نق. كنا بنتخانق. كنا بنتخانق. مصطفى بضحك: ماشية. أحمد: بقولك إيه. انت مش ناوي تتجوز. مصطفى: لا يا عم. جواز إيه. أحمد: خلاص حل عني بقا. روح على مكتبك. مصطفى: ماشي يا عم. متزقش. ***

سليم اتفق مع أم سما. وقدر يقنعها إن الفرح الخميس الجاي. وهي وافقت. وهو فرح جداً. وسما برضه فرحت أوي. سما: يا سليم. فستان فرحي مش عايزين نجيبه ليه؟ سليم ببرود: خلاص يا سما. الفستان هيبقى عندك يوم الفرح. وهتلاقي أحلى من اللي انتي هتشتريه. سما: طيب. طيب يا سليم. سليم: هنكد من قبل الفرح؟ سما: لا مش هنكد. بس عايزة أقفل عشان في حاجات عايزة أشتريها. انت ناسي إني عروسة ولا إيه.

سليم: ماشي. هبعت لك السواق عشان تجيبي أي اللي انتي عايزاه. سما: ماشي يا حبيبي. عدت ساعة. سليم بعت السواق لسما عشان تنزل وتشتري طلبات. وفجأة جاله مكالمة من فون غريب. سليم: الو. : خطيبتك معايا يا سليم. لو باقي عليك هات معاك. هتتنازل عن الصفقة اللي انت داخل فيها.