رواية علمتني الحب الفصل الحادي والعشرون 21 - بقلم ميرفت محمد

خطيبتك معانا لو باقية عليك تتنازل عن الصفقة اللي انت داخل فيها. سليم: ياولاد**** اهدي كده علي نفسك، خطيبتك بقولك معايا يعني أي تصرف مش عاجبني مش هيبقى من مصلحتها. سليم بغضب: أقسم بالله لو حد لمسها هقتلكم. : تمام هنشوف. سلام. سليم بغضب: الو الووووووو ياولاد*** سليم وهو بيتصل على حد: الوو.. شريف بقولك هجبلك رقم تجيبلي مكانه ضروري.... هفهمك بعدين ضروري ياشريف. (شريف ده صاحب سليم بس مش أوي، هو ظابط) *********

عند أحمد بيكلم ليل على الفون. أحمد: يابنتي بطلي نكد بقى، أنا زهقت. ليل: قصدك إني نكدية ياأحمد. أحمد: ياحبيبتي مش قصدي، بس انتي زعلانة ليه. ليل: كنت فين امبارح. أحمد: هكون فين يعني غير في الشغل. ليل: كذااااب. أحمد وخلاص جاب آخره: بقولك أي انتي عايزة إيه. ليل: عايزة تقولي انت كنت فين امبارح. أحمد: قولت كنت في الزفت الشغل. ليل: وصاحبتي اللي شيفاك امبارح في الكافيه مع واحدة صح ولا غلط.

أحمد: دي واحدة عميلة عندنا كنت بكلمها في شغل. ليل: شغل والله. أحمد: بقولك إي أنا مش هعيش في النكد ده كل يوم، إيه القرف ده أنا ماشي ياشيخة من وشك. ليل فضلت تبكي بقهر: هو ده الحب اللي وعدتني بيه ياأحمد. بينما أحمد برا بيلف في الشارع مدايق من حب عمره اللي بتشك فيه كل شوية ومصدقاه، هو مكنش بيخونها فعلاً كان خارج معاها في شغل. ********* عند مصطفى. ريـهام: مصطفى. مصطفى: ريهام!! ريـهام

ببكاء: مصطفى أنا واقعة في مشكلة ومحدش هيشيلها غيرك، ساعدني أرجوكم. مصطفى بقلق: في إيه ياريهام؟ ريـهام ببكاء: ********* عند سليم. شريف كلمه وقال له على مكان صاحب الفون وهو اتصدم إنهم في يخت على البحر وجري بسرعة عشان يروح هناك. عند سما كانت خايفة، هي كانت في العربية وفجأة طلعوا عليهم وخدروها وضربوا السواق وخدوها، ولما فاقت لقت نفسها في يخت على البحر. سما ببكاء: أنتوا عايزين مني إيه. : عايزين خطيبك.

سما: سليم، هو عمل فيكم إيه. : سليم ده عدوي الوحيد في السوق، داخل صفقة لو أنا خدتها هبقى في حتة تانية وهو عايز ياخدها مني، خطفتك بقى عشان يتنازل عليها، فهمتي ولا لأ. سما: عشان خاطري متعملوش فيه حاجة. : مقدرش أوعدك. سما سكتت شوية وجرت على الشط عشان تنط في الماية ولكن مسكوها بسرعة. الباشا بغضب: عايزة تموتي، مانتي كده كده هتموتي بس قدام حبيب القلب. سما ببكاء: سيبوووووني حرام عليكم سيبوني. : سمممممممممما.

سما بفرحة: سلييييم. (اليخت كان قريب من الشط شوية عشان كده سليم قدر يشوفهم) وفجأة ضرب النار اشتغل وسليم من لهفته عليها نسي المسدس بتاعه. سليم نزل الماية عشان يوصل ليهم وضرب النار شغال على سليم وفجأة... سما بصراخ: سليييييييييم.