رواية عملي الاسود الفصل الثالث 3 - بقلم شروق الجندي

"ايه رأيك فى الفطار؟ أظن فطار ملوك اهو." "اه طبعا سندوتش جبنه بالطماطم فطار ملوك فعلا." "اتريق اتريق." "لا طبعًا، هو أنا أقدر؟ ده انتي أحسن شيف في الدنيا، أحسن واحدة تسلق بيض." "ماشي، عشان الكلمتين الحلوين دول هعملك أحلى فنجان قهوة." "استر يارب وماروحش المستشفى." "ههه، لا اطمن." "هقوم البس لحد ما تخلصه." واقف أجمع في ورق المشروع وماشي. "القهوة ياحزومي." "شكرا ياقلبي." "بس قولي بتحبني ياحازم؟" "هو أنا في حاجة مصبراني ع جنانك غير إني بحبك." لفت إيدها على رقبتي برقة. "وأنا بموت فيك ياروحي ومستحيل أزعلك." جيت أقرب منها. "تؤتؤ، هتتأخر ع شغلك، اشرب قهوتك ياروحي أنا." "انتي تأمري." شربت أول بؤء من القهوة وكأن حد حط بركان في بؤقي. "آآآه إيه ده؟" "هههه، سوري، أصل ملاقيتش سكر، فحطيت شطة." "شطة!! وديني لأقتلك يارحمة." طلعت أجري وراها بالابجورة وهي تجري زي الأرنب وتضحك على آخرها. وكل ما أحذف عليها حاجة متجيش فيها، تطلع لسانها وتترقص. "مجتش فيااا." قعدت عالكرسي أنهج. "الله يهدك يابعيدة، ربنا ع المفترى." رن تليفوني وببص لقيت مديري. اتنفضت من مكاني وطلعت أجري. "منك لله، آخرتينى." "ههه، تستاهل." دخلت مكتبي متعصب. "هههه، شكلها مظبطاك انهارده." "غور من وشي، هو انت هنا؟ وأختك فالبيت؟ عيلة متخلفين."