رواية عمياء وسط الذئاب الفصل السابع والأربعون 47 - بقلم محمد طه

_داليا وهيا عارية الجزء اللي فوق.. حضرتك دي.. ما تقلهاش تاني أنا اسمي الغاليا.. يلا تعالا شيلني ودخلني ع السرير جوا _داليا.. خد الجهاز ده.. دا اللي بيحدد مكانهم.. والتلفون دا عشان تتابع معايا.. وتبص على نص جسمها العاري وتقول اللي انته شايفه دا نص المكافئة.. والنص التاني بعد ما تخلص المهمة بنجاح _عماد بشهوة.. أوعدك يا غاليا.. إني هخلص المهمة.. وهاجيبهم تحت رجليكي.. ولو ما قدرتش وفشلت..

هضرب نفسي بالنار.. مش عشان فشلت ف المهمة.. لأ.. عشان خسارتي للمكافئة _داليا بدلع وشهوة.. والمكافئة مستنياك على نار (في عربية سمير) (سمير ونور) _سمير يوقف العربية.. يلا يا نور هنركب عربية تانية.. لأن العربية دي احتمال تكون متراقبة.. لأنها من عربيات داليا _نور.. أنا مش هنزل من العربية غير لما أفهم.. انته مين.. ومين داليا.. ومين اللي خطفني من المستشفى.. ومين الباشا.. انتو مين بالظبط.. وعايزين مني إيه

_سمير ينزل من العربية ويفتح الباب لنور.. يلا يا نور.. انزلي من العربية دي.. وأنا هحكيلك على كل اللي أعرفه.. لأن فيه حاجات أنا معرفهاش (وينزل نور من العربية ويركبوا ف عربية تانية.. ويركبها قدام ويشدلها حزام الأمان.. وبعدين يركب ويطلع بالعربية) _سمير.. ها عايزة تعرفي إيه _نور.. انتو مين _سمير.. إحنا تقدري تقولي كده عصابة.. أو مافيا.. بنشتغل ف أي حاجة غير مشروعة.. أو بمعنى أصح بنشتغل ف أي حاجة مقرفة..

أنا اتولدت لقيت نفسي ف القرف ده.. ولما كبرت.. وبدأت أفهم.. ما كانش قدامي غير طريق من اتنين.. يا أشتغل معاهم.. يا الموت.. بس أنا اخترت طريق تالت ومشيت فيه.. وهوه إني أشتغل معاهم وابذل أقصى جهدي.. في إن أي مهمة أتكلف بيها.. أو حتى أعرف عنها حاجة.. أعمل اللي أقدر عليه.. في إن المهمة دي ما تنجحش.. مش بس كده.. واللي معايا ف المهمة لازم يتأذي.. (وتبدأ الدموع تتجمع في عيني وتنزل) _أمي ماتت بسببي.. أختي داليا اتشلّت وقاعدة..

على كرسي متحرك بسببي.. جوزها اتقبض عليه.. واتخد إعدام بسببي.. غير ناس تانية كتير.. اللي مات واللي اتسجن كل دا بسببي.. بس كل دا مش فارق معايا.. ولو رجع بيا الزمن.. هعمل أكتر من كده.. أنا اللي فارق معايا موت أمي.. مهما إن كانت مش كويسة ف دي أمي.. وليها مكان في قلبي.. وهي الوحيدة.. اللي كانت بتناديني يا أبو سمرة.. عشان كده اتنرفزت عليكي.. لما ناديتيني بالإسم ده (نور اتأثرت بكلامه جدا)

_نور.. انته زرعة خضرا.. طلعت في أرض شياطين (وتبدأ نور توجه إيدها ناحيته.. وتحط إيدها على كتفه.. وتمشي مع إيده لحد ما توصل لكفه إيده.. وتلمس خاتم في إيده.. وتتأكد إنه خاتم حريمي) _نور بحزن.. أوعي تقولي إن مراتك هي كمان.. حصلها حاجة بسببك.. عشان كده لابس الخاتم بتاعها _سمير.. لأ أنا مش متجوز.. الخاتم دا عطتهولي داليا.. واحتمال كبير يبقى فيه جهاز تتبع (ويقلع الخاتم ولسه هيرميه) (نور تحس بيه لأن إيدها لسه على إيده)

_نور.. انته هتعمل إيه _سمير.. هرميه _نور.. يبقى ترميه في أي حاجة متحركة.. وقف أي عربية وارميه فيها.. من غير ما حد يحس بحاجة (في المستشفى) (الدكتورة ونهلة وعلي وأم محمد) _علي بعصبية.. إحنا هنفضل قاعدين كده مش عارفين حاجة _نهلة بعياط.. نور لو حصلها حاجة.. أنا هقتل نفسي هقتل نفسي _الدكتورة تاخدها في حضنها.. إن شاء الله.. مش هيحصلها حاجة _علي.. أنا مش داخل دماغي حكاية المخابرات دي

_الدكتورة.. أنا كمان حاسة إن فيه حاجة غلط.. ومش مقتنعة بفيلم المخابرات ده _علي.. طيب هنعمل إيه يا دكتورة _الدكتورة.. قوم يا علي روح على شغلك.. وأم محمد هتخلي بالها من نهلة.. وأنا هروح للمدير.. يمكن أقدر أعرف منه حاجة (في غرفة المدير) _الدكتورة.. عايزة أتكلم معاك _المدير.. خير يا دكتورة فيه إيه _الدكتورة.. الراجل اللي جا خد نور.. وقالنا إنه ظابط مخابرات _المدير بحرص.. طيب تعالي نتكلم في الغرفة الخاصة

_الدكتورة.. وما نتكلمش هنا ليه _المدير بإصرار.. مش هينفع.. لو عايزة تعرفي كل حاجة.. اتفضلي معايا _(ويطلع المدير الريموت من جيبه ويضغط عليه.. ويبدأ المكتب يتحرك.. وينزلوا لتحت.. وبعدين المدير يقفل الغرفة.. والدكتورة بدأت تخاف.. والمدير يطلع مسدس ويخبطها على راسها.. والدكتورة تفقد الوعي.. وبعدين ينيمها على السرير.. وبعدين يطلع سلاسل من تحت السرير ويسلسلها..