رواية عمياء وسط الذئاب الفصل السادس والأربعون 46 - بقلم محمد طه

_داليا ببرود: يا باشا العربية اللي أخويا راكبها دلوقتي مع البنت العميا فيها قنبلة.. عايزني أفجرهم لك الاتنين؟ أفجرهم لك حالا. _المدير بغضب: غلط.. أكبر غلط اتهمتهم. بعد اللي أخوكي عمله.. لازم الاتنين يتسلموا عايشين للباشا الكبير. عشان على الأقل يسامحنا في اللي أخوكي عمله. _داليا تهدئه: أطمن يا باشا.. العربية فيها جهاز تتبع.. وسمير ذات نفسه معاه جهاز تتبع.. يعني عايزهم عايشين.. هجبهملك عايشين. _المدير

بعصبية: أخوكي اتجنن يا داليا.. وقولتيلي سيبني أنا اللي أسوقه.. يا ريتك ما سوقتيه. _داليا: يا باشا أنا لحد دلوقتي مسيطرة على الموقف.. وبإشارة منك أخلي جثثهم ما يتعرفلهاش ملامح. _المدير بتحذير: لو ماتوا يا داليا.. يبقى حكمتي علينا كلنا بالإعدام.. أنا هبعتلك عماد تمشي معاه.. وتجيبولي الاتنين دول.. عايشين وفي أسرع وقت. (المدير يقفل مع داليا.. الباشا يرن على تلفونه الخاص) _المدير: أيوه يا باشا.

_الباشا: معاك 24 ساعة يا سامح.. والبت العميا.. والواد اللي هربها يكونوا عندي. _المدير: يا باشا هما تحت إيدينا.. وأقل من 24 ساعة هيكونوا عند سعادتك. (الباشا يقفل في وشه السكة) (من داخل العربية) (سمير ونور) _سمير: عارفة يا نور.. أنا ما فيش مهمة كلفتني بيها داليا ونجحت فيها.. ودائما اللي بيبقى معايا في المهمة تحصله مشكلة. _نور: أيوه يعني أنا دلوقتي أطمن ولا أقلق؟ _سمير

بابتسامة ونظرة في المرآة: لأ اطمني.. لأن فشل المهمة كان بيبقى مقصود. _نور باستغراب: مقصود إزاي يعني؟ _سمير: يعني أنا اللي بكون قاصد إن المهمة تفشل. _نور: وبتكون قاصد كمان إن اللي معاك في المهمة.. تحصله مشكلة؟ _سمير بابتسامة: آه. _نور: ربنا يطمنك.. (وتقول في سرها) .. ده كده يا مجنون.. يا مريض نفسي. _سمير: ما تخافيش يا نور.. إنتي أكيد دلوقتي.. بتقولي عليا إني مجنون.

_نور: والله يا أستاذ سمير.. أنا ما اكتفيتش بمجنون بس.. أنا أضفت كمان يا إما مريض نفسي. _سمير: شوفي يا نور أنا بجد مش عارف.. أنا بقولك الكلام ده ليه.. بس أنا بجد ارتحتلك.. ومش هسمح لداليا إنها تأذيكي. _نور: وانت بقى عايزني أصدقك؟ _سمير: مش مهم تصدقيني دلوقتي.. المهم إني مش عايزك تخافي. (في بيت داليا) (داليا وعماد) (داليا تبص على عماد من فوق لتحت بنظرة شهوة) _داليا: انت بقى عماد؟ _عماد: تحت أمر حضرتك.

_داليا: شوف يا عماد.. إحنا حددنا مكانهم.. والأوامر إن الاتنين يجوا عايشين.. هتقدر ولا هيهربوا منك تاني؟ _عماد: بتعليمات حضرتك أكيد مش هيهربوا.. وهاجيبهم عايشين.. تحت رجلين حضرتك. _داليا: يبقى نبتدي من رجلين حضرتي.. تعال اقلعني الجزمة. (عماد بدون تفكير ينزل يقلعها الجزمة)

_داليا: الهدف دلوقتي متحرك وبيبعد.. بس أنا متأكدة إنه مش هيبعد كتير.. أول ما سمير هيقف بالعربية.. هتبدأ تتحرك.. ولازم يبقى معاك رجالة.. لأن سمير مش هتقدر عليه لوحدك. _عماد: الرجالة جاهزين. (داليا تطلع مطوة من الكرسي المتحرك اللي هي قاعدة عليه) _داليا: في نفس الوقت تبلغ أختك اللي في المستشفى.. بالمهمة البديلة.. بحيث لو فشلت يبقى فيه.. معانا وسيلة ضغط. _عماد: مهمة إيه؟

(داليا بدأت تخلع هدومها الجزء اللي فوق.. بس بطريقة غريبة.. بتقطع اللبس بالمطوة) _داليا: فيه بنت في المستشفى اسمها نهلة.. دي أقرب واحدة للبنت العميا.. تخلي أختك تستدرجها وتخرجها من المستشفى.. وتجبهالي هنا.. ولو احتاجت مساعدة.. فيه أربع بنات شغالين هناك هيساعدوها. _عماد وهوه مستغرب اللي هيا بتعمله: كل تعليمات حضرتك هتتنفذ بالحرف الواحد. _داليا

وهيا عارية الجزء اللي فوق: حضرتك دي ما تقولهاش تاني.. أنا اسمي الغالية.. يلا تعال شيلني ودخلني ع السرير جوا.........