رواية عمياء وسط الذئاب الفصل التاسع والخمسون 59 - بقلم محمد طه

(سمير يخرج سلاحه ويوجهه على شاكر) (وشاكر يخرج سلاحه ويشد الأجزاء) سمر بإندهاش: شاكر نور: شاكر، إيه اللي بيحصل يا سمر؟ سمر: شاكر رافع علينا سلاح نور بصدمة: سلاح؟ ليه يا شاكر؟ هو انت واحد منهم؟ شاكر: أنا مش اسمي شاكر يا نور. أنا ابقى محمد ابن أم محمد الممرضة. أنا معاكم يا نور. (ويبدأ سمير وشاكر كل واحد ينزل سلاحه) شاكر: أنا متأكد إن الدكتورة ما خرجتش من الغرفة دي، ومتأكد كمان إن الغرفة دي ملهاش غير باب واحد.

سمير: تعال معايا نحاول نحرك المكتب ده. (من داخل الغرفة الخاصة) (المدير يبدأ يقلع هدومه) الدكتورة بخوف وصدمة: انت بتعمل إيه؟ المدير بشهوة: انتي شايفة إيه يا دكتورة؟ قصدي يا عروسة. الدكتورة بانفعال: لو قربت مني... المدير يقاطعها: هتعملي إيه؟ هتقتليني؟ ولا هتموتي نفسك؟ الدكتورة: اتقي الله واعتقني لوجه الله. انت ما بتخافش ربنا؟ المدير وهو عاري: أنا كنت ممكن اديكي حقنة تخليكي تفقد الوعي، بس أنا عايزك تبقي في وعيك.

(ويبدأ يقرب منها ولسه هيقلعها هدومها) (في اللحظة دي كان سمير وشاكر قدروا يحركوا المكتب ويفتحوا الباب وينزلوا بسرعة، وقبل المدير ما يوصل لسلاحه، سمير يوصله ويبدأ يضرب في المدير بكل قوته وشاكر بيضرب معاه) (وينزل نور وسمر) نور بلهفة: الدكتورة، الدكتورة موجودة يا سمر؟ الدكتورة بدموع: أنا هنا يا نور. (سمر تخرج حاجة من شعرها وتبدأ تفك السلاسل اللي الدكتورة متسلسلة بيها) (وسمير عمال يضرب في المدير بغل وكره)

الدكتورة بصوت عالي: ما تموتوش يا سمير. نور باستغراب: هو انتي تعرفي سمير يا دكتورة؟ (الدكتورة وهي رايحة تفتح الثلاجة عشان تطلع الحقن اللي فيها عشان تعاقب المدير) الدكتورة: فاكرة يا نور الحالتين اللي قولتيلي دخليهم غرفة علي ونهلة؟ سمير كان حالة منهم. نور: والحالة التانية خطفت نهلة. الدكتورة وهي بتحضر حقنة: هعرفلك كل حاجة من الشيطان ده. سمير سلسلة على السرير مكاني. (سمير وشاكر يسلسلو المدير على السرير)

الدكتورة بكراهية: دول حوالي عشرين حقنة، هتاخدهم حقنة حقنة. (وتبدأ تديله الحقنة الأولى) الدكتورة: انطق نهلة فين؟ نور: نهلة وعلي وأم محمد. شاكر: أنا عارف مكان أمي وعلي. نور بعصبية: عارف مكانهم وساكت؟ شاكر: وبالنسبة لنهلة البت الممرضة الجديدة اللي شاركت في خطفها موجودة هنا في المستشفى. سمير: ممرضة جديدة، يبقى نهلة عند داليا. الدكتورة: يبقى كده إحنا مش محتاجين الملعون ده في حاجة.

(وتبدأ الدكتورة تديله حقن في كل حتة في جسمه) سمر لنور بصوت واطي: الحقي يا نور هتموته. نور: بلاش يا دكتورة، دا ما يستاهلش إنك تتسجني دقيقة واحدة عشانه. الدكتورة بكراهية: يا نور الكلب ده لازم يموت، ولازم يموت بإيديا. الكلب ده هو اللي قتل أبويا، الكلب ده خلاني أبوس رجله. وبعدين أنا عايزكم كلكم تطمنوا، أنا اللي هكتب تقرير موته، يعني مش هاخد فيه دقيقة. الدكتورة للمدير وهي بتفضي في جسمه الحقن: إيه مش هتترجاني أرحمك؟

المدير وهو بيموت: لو رحمتيني، أنا مش هرحمكم كلكم، مش هرحمكم كلكم. سمير: خلاص يا دكتورة مات. الدكتورة بكراهية: لو بإيدي أموته مليون مرة. إتفوووو عليك. نور بعصبية: مافيش وقت يا دكتورة، لازم نلحق الباقيين قبل ما يحصلهم حاجة. (وتوجه كلامها لشاكر) نور: شاكر انت عرفت طريق أمك وعلي إزاي؟ شاكر: هحكيلكم كل حاجة وإحنا ماشيين في الطريق. سمير وهو بياخد سلاح

المدير وبيعطيه للدكتورة: خلي دا معاكي يا دكتورة، وانتي يا سمر مهمتك حماية نور، يلا بينا. نور: استنوا فيه حاجة مهمة لازم نعملها قبل ما نخرج من المستشفى.