رواية عمياء وسط الذئاب الفصل الثامن والخمسون 58 - بقلم محمد طه

نور بهدوء وثقة: اطمنوا أنا هقولكم. هندخل المستشفى إزاي من غير ما أي حد يحس بينا. سمير: بس اعملي حسابك اللي هيدخل المستشفى أنا وسمر فقط. انتي هتفضلي بعيد، ودا كلام نهائي. نور بتجاهل: بقولك إيه يا سمر؟ اتصرفيلي ف كيس دم بسرعة، ويكون دم حقيقي عشان ما حدش يحس بحاجة. سمر: حمامتين وكيسين مش كيس واحد.

سمير بإصرار: نور انتي مش هتقربي من المستشفى، وكل اللي انتي عايزاه وهتقوليه هيتنفذ بالحرف، وانتي هتفضلي هنا في العربية. انتي سامعة؟ نور بهدوء: سمير انت عارف ومتأكد إن اللي انت بتقوله ده مش هيحصل. أنا هبقى معاكم خطوة بخطوة، عشان لا قدر الله حاجة حصلت، تحصلي قبلكم. سمير بحب: تأكدي يا نور إن مفيش حاجة هتحصلك طول ما أنا عايش وأصحابك. أنا وعدتك إني هعمل كل اللي هقدر عليه عشان أرجعهم، ومش طالب غير إنك تثقي فيا وتخليكي بعيد.

نور: لو خايف عليا خليني معاك. *** (في غرفة المدير) (المدير والدكتورة) الدكتورة بقرف: أنا بجد لا قابلت ولا هقابل أحقر منك. المدير بضحكة: هو انتي عمالة تضيعي في وقت ليه؟ انتي فاكرة إن فيه حد هييجي ينقذك من الشر والشر والكلام بتاع الأفلام والمسلسلات ده. على فكرة الفريق بتاعك تقدري تترحمي عليهم، لأنهم زمانهم دلوقتي أموات. يعني البقية في حياتك.

الدكتورة بصدمة وحزن: حسبي الله ونعم الوكيل فيك. عملت فيهم إيه يا شيطان يا ملعون؟ المدير: مش مهم اللي اتعمل فيهم. المهم إنهم سافروا للي خلقهم. ولما تحصليهم ابقي اسأليهم. (ويقوم المدير يجيب حقنة من التلاجة ويحضرها) الدكتورة بدموع: هعملك اللي انت عايزه، بس سيبهم ما تأذيهمش. أبوس رجلك ما تأذيهمش. (المدير بكل وقاحة وهو بيحضر الحقنة، يرفع لها رجله عشان تبوسها) المدير: بصي رجلي.

(الدكتورة بحزن ودموع تبوس رجله عشان يرحم الناس اللي كانوا معاها وما يأذيهمش) (وبعدين المدير يحط رجله على رقبة الدكتورة ويدوس عليها جامد بكل قوته) المدير بشر: قوللي بقى البت العميا أوصلها إزاي عشان أرحمك وأرحمهم من الموت، انطقي. (وبعدين يعطي للدكتورة الحقنة الثانية) المدير: كده انتي أخدتي حقنتين. ولو أخدتي الحقنة التالتة بعد كده هتترجيني إن أعطيكي الحقنة الرابعة والخامسة والسادسة، وإنتي دكتورة وعارفة. ***

(في عربية سمير) (سمير ونور وسمر) (وصلت سمر ومعاها كيسين دم) نور: اسمعوني بقى كويس. إحنا هنروح لأقرب مكان هادي من المستشفى، وهنمثل إن إحنا عملنا حادثة. سمر هترش عليا أنا وانت يا سمير دم. هتغرقنا بكيسين الدم دول، بحيث إن ملامحنا ما تبقاش واضحة من الدم.

وبعدين تصرخ بأعلى صوت: أخويا ومراته عربية خبطتهم، اتصلوا بالإسعاف بسرعة. الناس هتتجمع وهيتصلوا بالإسعاف، ومفيش حد هيحس بأي حاجة. هندخل طبيعي جداً في الإسعاف، وهيدخلونا على غرفة العمليات. وأول ما يتقفل باب غرفة العمليات تبدأ يا سمير تتعامل مع اللي جوا الغرفة. بس توعدني إنك ما تأذيش حد منهم، دول دكاترة وممرضين مالهمش دعوة بحاجة. بعد كده هنلبس لبسهم ونتحرك على غرفة المدير. والغرفة في الدور التالت.

سمير: الله ينور عليكي يا نور. نور: فيه طلب بسيط يا سمر عايزك تعمليهولي. سمر: تأمري يا نور. نور: الأمر لله. طبعاً لما هيدخلونا غرفة العمليات مش هيدخلوني معاكم وإحنا هيبقي معانا حوالي خمس دقايق لحد ما نتعامل مع اللي جوا. ف خلال الخمس دقايق دول عايزك تطلعي في الدور الرابع، غرفة 7، تدوريلي على دب. هو كبير، تقريباً في نص طولي كده. سمير وسمر باندهاش: دب؟ سمر: حاضر يا نور هقلبلك الدور الرابع عليه.

(ويبدأوا في تنفيذ الخطة وكل حاجة تمشي تمام، وسمر تلاقي الدب لنور ويدخلوا غرفة المدير) *** (في غرفة المدير) (سمير ونور وسمر) نور: فيه مكان هنا بينزل لغرفة تحت. سمير: لازم نلاقيه بسرعة، دوري معايا يا سمر. نور: سمر خديني قدام الباب بالظبط. (وتقف نور قدام الباب وتحاول تفتكر لما هبة جابتها مشيت كام خطوة قبل ما تبدأ بالنزول لتحت، وبالفعل افتكرت إنها مشيت حوالي 7 خطوات) (وبدأت نور تتحرك ومشيت 6 خطوات)

سمير: حاسبي يا نور فيه مكتب قدامك. نور: باب النزول تحت المكتب ده. (وفجأة يدخل عليهم شاكر، ويقفل الباب وراه. سمير بسرعة يطلع سلاحه ويوجهه على شاكر) (وشاكر في نفس الوقت يطلع سلاحه هوا كمان ويشد الأجزاء)