رواية عندما التقينا الفصل الثاني والخمسون 52 - بقلم هدير أحمد

خلص مراد قراءة الرسالة وطبق الورقة بإيده جامد وكان متعصب جدا. متعصب ومخنوق من كل حاجة، مخنوق من نفسه ومخنوق من اللي عمله مع نور، مخنوق من كلام نور ليه. بس في نفس الوقت عذرها، عارف إن هو السبب في كل ده ويستاهل أكتر من كده كمان. قعد على الأرض كأنه جبل واتهد. وصل سليم المستشفى ولاقى مراد قاعد على الأرض حالته صعبة جدا. سليم: مراد مالك؟ وخده في حضنه. سليم: قولي طيب، نور مش راضية تسمعك صح؟

مراد مردش عليه بس اداله رسالة نور. قرأ سليم الرسالة وهو مش مصدق نفسه. استحالة كان يتوقع كده من نور، خصوصًا إنهم في بلد غريبة. هتروح فين ولا هتعمل إيه لوحدها؟ سليم زعلان على أخوه وصاحب عمره. بس عارف إنه غلطان. سليم: قوم يا مراد، هنلاقيها وهنرجعها. متقلقش، قوم يلا. مراد: وهيفيد بإيه خلاص؟ نور كرهتني. حتى لو رجعتها مش هعرف أرجع حبها ليا تاني. سليم: لا هتعرف. ثم احتد في كلامه معاه.

سليم: ولا إنت عايز تجرحها وتهينها قدامنا كلنا؟ وأول ما تقولها معلش حقك عليا تسامحك، كأنها معندهاش إحساس ولا مشاعر؟ بصلي هنا زي ما زعلتها وكسرتها قدامنا كلنا. يا تموت نفسك علشان ترجعها، يا خلاص بقي تتقبل إن في حد تاني هيدخل حياتها ومش هتطولها تاني أبدا. مراد: طب هنلاقيها إزاي؟ سليم: هحطك على أول الطريق. مراد: قول.

سليم: هنجيب تفريغ الكاميرات بتاعت برا المستشفى ونشوف ركبت عربية تاكسي أي حاجة. ونجيب النمر بتاعت العربية دي ونجيب العربية ونشوف المكان اللي نزلت فيه. واللي بنسبة كبيرة فندق، لأنها متعرفش حد هنا. والباقي عليك بقي يا شيح. مراد حضن سليم. مراد: أنا لو عندي أخ من لحمي ودمي مكنش هيعمل معايا كده. سليم: إحنا إخوات، مفيش بينا الكلام ده. أنا لسه هحاسبك على اللي إنت عملته، بس مش دلوقتي. مراد: طيب يلا نتحرك. سليم: يلا.

بالفعل جابوا تفريغ الكاميرات وعرفوا أرقام التاكسي اللي نور ركبته. وكانوا في خلال ساعة جايبين صاحب التاكسي وعرفوا إن نور بالفعل راحت فندق. خدوا عنوان الفندق من صاحب التاكسي ومراد أعطى صاحب التاكسي فلوس كمكافأة ليه. ذهبوا إلى الفندق وعلموا في أي غرفة تمكث نور. مراد بيخبط على الباب. وفتحتله.