رواية عندما يعشق العلماء الفصل الرابع عشر 14 - بقلم دينا عويس

في نيويورك مدينة الجمال كان يوم الجمعة وكان البطل تامر يجلس في منزله وحيدًا وفي هدوء تام يشاهد الجمال الآخاذ الذي أمامه، لون وصفاء مياه البحر، يرتب أفكاره في هدوء. تامر لنفسه: "هرن بقى عليهم عشان أطمئن عملت إيه في أول يوم." الأم مديحة وهي تجلس أمام التلفاز بجمهورية مصر العربية، يرن هاتفها للإعلان عن وجود اتصال. الأم مديحة عند رؤية شاشة الهاتف تجيب: "ألو، عامل إيه يا تمورة يا حبيبي، وحشتني أوي أوي والله. مش بترن ليه؟

تامر بصدق: "أنا آسف والله يا حبيبتي، بس شوية مشاكل على شغل على دنيا مش مترتبة، بس كله هين بعون الله. المهم عاملين إيه؟ الأم مديحة: "ربنا يعينك ويقويك يا حبيبي، إحنا الحمد لله بخير. وانت عامل إيه؟ تامر: "أنا تمام الحمد لله. المهم مي عملت إيه في أول يوم؟ كلمتيها؟ الأم مديحة: "لسه أكيد في المحاضرات، عشان لما تخرج قولتلها ترن عليا إن شاء الله. والله وحشتني أوي، البيت فاضي عليا من غيرها. ما تيجي تغير جو شوية وقت بس."

تامر: "حاضر، هرتب للسفر على أقرب وقت بإذن الله. يبقى طمنيني لما مي ترجع." الأم مديحة: "حاضر يا حبيبي. المهم توصل بالسلامة يا رب. مع السلامة في حفظ الله." تامر: "سلام يا حبيبتي." عند دينا في كلية خدمة اجتماعية التنموية جامعة بني سويف. دينا بملل: "وبعدين بقى إيه الملل ده؟ زهقت من ساعة دخلنا المحاضرة ولسه ما فيش جديد. عاوزة أفرش بقى." تسمعها صفاء وتقول لها بصوت هامس: "بس يا دينا، انتي عارفة سمر قالت إيه واحنا بره؟

لو سمعتك هتنفخك." دينا بغيظ: "كل شوية سمر سمر. حاسة إنها حظي الأسود. نيننننننننينننني لسمر مش بيهمني." صفاء بضحك على شكل دينا الطفولي: "ههههههه مجنونة والله يا بنتي. هي لو سمعتك على فكرة هتكلم مامتك زي ما قالت. وكمان انتي ناسيه إننا هنغسل ونكنس وننضف ونطبخ شهر كامل عشان اللي قولناه بره." دينا: "منها لله. عااااا لا أنا عاوزة أروح بيتنا. أنا مش بتاعت نظافة ولا الكلام ده." صفاء بخوف: "بس بس، هي جاية من الحمام أهي."

دينا بخوف وهي تغلق فمها: "خلاص سكت أهو." سمر: "لو سمعت نفس هشرط عليكم شروط تاني." دينا وصفاء بخوف: "لا، إحنا ساكتين." من ثم يدخل دكتور علم الاجتماع دكتور طلعت. ويبدأ في التعريف عن اسمه وأنه سيشرح مادة علم الاجتماع. دينا وهي تنوي أن تسأل سؤال: "بقولك يا سمسم، عاوزة أسأل الدكتور، أسال ولا عندك مانع؟ سمر: "لا، طالما هتستفيدي ماشي." دينا: "ياااااا مسترررررر بعد إذنك عاوزة أسأل سؤال." الدكتور طلعت: "مسترررر!

يا بنتي أنا دكتور دي أولًا. ثانيًا اتفضلي أسألي." دينا: "ماشي يا دكتور. هو يعني إيه علم اجتماع؟ مانت لازم تقول هتشرح إيه في الحصة، لازم تفهمنا المادة." دكتور طلعت بغيظ: "حصة! حرام عليكي يا بنتي والله اسمها محاضرة. وبعدين عاوزة تعرفي يعني إيه علم اجتماع؟ تمام هقولك." دكتور طلعت: "فهمتي؟ دينا: "على البركة. هو أنا بفهم و." سمر بصوت هامس: "اقعدي يخربيتك فضحتنا النهاردة، حرام عليكي. انتي هتتخانقي مع الدكتور؟

دينا: "يعني مش أفهم؟ الدكتور طلعت: "اقعدي يا بنتي وركزي في الشرح ومتتكلميش مع زميلتك عشان متخرجيش بره." دينا بأستهتار: "قال يعني انت بتشرح ولا حد فاهم حاجة." سمر بنظرة مميتة: "بسسسس، حسابك معايا بعدين." دينا: "لا رد." _وها قد انتهى اليوم على خير، وفعلت كل بطلة من الأبطال روتينها أو عادتها، فمنهم من هاتف أهله، ومنهم من أعد الطعام ثم خلد إلى النوم.