رواية عندما يعشق العلماء الفصل الثالث عشر 13 - بقلم دينا عويس

في كلية الطب البشري جامعة القاهرة مي ببعض القلق: حضرتك بتكلمني أنا يا دكتور؟ دكتور مروان بغضب: لا بكلم ماما. هو أنا بهزر؟ أنتي إيه مش بتفهمي؟ بتتهببي تكلميها ليه؟ أنا لسه كنت بقول إيه وإنتي بتعملي عكس كده خالص. بعد إذنك اطلعي بره. للأسف معنديش رحمة. برة! مي بنظرات باكية: خلاص أنا آسفة. آخر مرة هعمل كده والله. أنا مكنتش عارفة أقعد. قولت أقولها بس.

دكتور مروان ببعض الهدوء: خلاص بصي أنا هسامحك المرة دي. بس وبعد كده الكلام موجه للجميع. لو محدش التزم بالقواعد الكل هيبقى ساقط. اتفضلي اقعدي يا آنسة. دلوقتي أنا هبدأ شرح في مادة الاناتومي علم التشريح......... عند جامعة بني سويف دينا لسمر: أنا زهقت يا سمسم. كل دا قاعدين برة ومحدش راضي يفتح حتى باب الكلية. أييييه الكليات ديييي ياررربي! صفاء بملل: وأنا كمان والله.

سمر بهدوء: بس إنتي وهي حاولوا تشغلوا نفسكم بأي حاجة. يالا وبلاش كلام كتير. دينا بنفذان صبر: لا بقولك إيه أنا مش بتاعت هدوء والكلام دا. أنا هشوف حاجة مسلية بقى. سبيني أقلب رزقي. سمر بصدمة: أييييه؟ دينا بضحك: مش قصدي والله يا بنتي. أقصد إني هشوف ناس جديدة نصاحب على بعض وكده. يالا سلامو عليكم. صفاء سريعا: خديني معاكي يا دندونة. عاوزاكي في حاجة.

سمر في نفسها: أنا كده جبت آخري. هي دي الأمانة اللي طنط أم دينا وصتني عليها. طب أعمل إيه دلوقتي؟ بنات آخر زمن. دينا بضحك وهي متجهة نحو سمر: سمعتك على فكرة. بقيتي زيي ماما في كلمة "بنات آخر زمن". بت أوعي تكوني كنتي مستخبية عندنا في البيت وبتسمعي كلام ماما؟ هههههههه. سمر بنفاذ صبر: صبرني يارب. إيه اللي جايباها معاكي دي؟ دينا بفرحة: دي ميرة. اتعرفت عليها دلوقتي. بنوتة قمر كده. ياختيي بطة عسل. يا ميرة.

سمر بصدمة: لحقتييي تشقطي بنت؟ أنتي على كده مش بتضيعي وقت. أهلاً بيكي يا ميرة. هو اسمك ميرة؟ دينا تجيب قبل أميرة: لا اسمها أميرة. هتبقى أميرة قلبي. سمر: لا حول ولا قوة إلا بالله العلي العظيم. أنا هتجنن يا ولااااد. دينا بصوت عالي: بتتت يا صفصف. شقطتي حد يا بت؟ صفاء بزعل: لا مش عارفة خالص. أنتي شاطرة عني. سمر وأميرة ينظران بنظرات ثاقبة لدينا وصفاء وهم يرون كم الهبل والضحك بهم.

سمر لأميرة بهمس: أنتي عملتي إيه في الدنيا يا بنتي عشان تقعي؟ وقعتي في بلوتين زيي دول. لا حول ولا قوة إلا بالله العلي العظيم. أميرة بصدمة: وقعت في جوز هبل بصحيح. ألحق نفسي وأهرب منهم. أميرة سريعا: معلش يا بنات. الحق نفسي أقصد هشوف البنات صحابي بتوع بني سويف. دينا بزعل: والله أزعل منك يا ميرااا. إحنا جبناكي عشان نقعد نهزر مع بعض ونضحك معاكي. أحسن من النحس سمر. سوري يا قلبي. ههههه.

أميرة بهروب: لا لا مش هينفع. صحبتي دنيا تزعل والله. دينا بضحك وفرحة: هييييييييييييييه. أميرة بهمس لسمر: إيه بنت الهبلة دي؟ مالك يا بنتي؟ حصلك حاجة عشان تزعقي كده؟ دينا بفرحة: أنتي صحبتك اسمها دنيا؟ عرفينا عليها أنا وصفصف ونعمل شلة صحاب جامدين ومفيش إلا إحنا. ههههه. صفاء بغناء وبضحك: جامدين جامدين. دينا: صفصف أنا أغني وإنتي أرقصيييي. كل هذا تشاهده سمر وفمها يصل إلى قدميها من الصدمة.

سمر بصوت عالي: بسسسسسسسس أنتي وهي. حرام عليكوااااا. ماذا سيكون عقاب دينا وصفاء من سمر؟